رواية بناتي الفصل السادس والعشرون والسابع والعشرون والثامن والعشرون والتاسع والعشرون والثلاثون بقلم ليلي مصطفى حصريه وجديده علي مدونة نجوم ساطعه
 |
رواية بناتي الفصل السادس والعشرون والسابع والعشرون والثامن والعشرون والتاسع والعشرون والثلاثون بقلم ليلي مصطفى حصريه وجديده علي مدونة نجوم ساطعه
الفصل السادس والعشرون
من روايه (بناتي)
للكاتبه(ليلي مصطفي)
----------------------------------------
جاسر..ملك استني يا ملك يا ملك
وطلعت ملك علي اوضتها وقفلت الباب عالطول وطالعلها جاسر وفضل يخبط عالباب بس ملك نامت عالسرير وفضلت تعيط
معقوله معقوله كان بيخطبني وبيعمل ده كله عشان يعمل معايا كدا لدرجه دي مفكرني رخيصه لدرجه دي انا غبيه
جاسر..يا ملك لو سمحتي افتحي يا ملك
وراح جاسر علي اوضته واعد يتصل بيها كتير بس ماردتش بردو
ونامو كل منهم
ومع اشراقه يوم جديد وكانت الساعه الثامنه مساءا صحت ملك وغيرت هدومها وادت فرضها وراحت علي اوضه ليلي
ملك..ليلي ليلي
ليلي..اي يا بنتي صاحيه بدري ليه كدا
ملك..انا مسافره اسكندريه تيجي معايا
ليلي..احنا مش قولنا هنسافر بكرا خلينا نريح انهارده
ملك..خلاص براحتك انا مسافره انهارده وتبقي تيجي انتي بكرا
ليلي..مالك يا بنتي في اي شكلك مش طبيعي
ملك..مافيش يلا انا نازله اخلي السواق يجهز العربيه لو جايه قومي البسي وانجزي عشان نمشي
ليلي..حاضر هاجي وراكي عالطول
ونزلت ملك ولقت الكل لسه نايم راحت صحت السواق عشان يجهز العربيه وطلعت علي اوضت ابوها عشان تاخد اذنه وسابته يكمل نوم وراحت علي اوضت ليلي لقتها خلصت
ليلي..يلا انا خلصت بس انتي قولتي لبابا
ملك..اها قولتله ويلا عشان السواق مستنينا
ليلي..بس انا كنت عاوزه اسلم علي ياسمين قبل ما تسافر
ملك..هي مش هتتأخر اصلا ده كان زين حاجز وعاملها مفاجأه وهيسافرو تركيا بس بعد كدا عرف انه ماينفعش يتأخر اكتر من اربع او خمس ايام فا هيروحو شارم وهيكونو هنا قبل ما احنا نيجي اصلا
ليلي..منها لله اسراء دي لغبططلهم كل حياتهم وبعدين احنا هنقعد اد اي هناك
ملك..مش عارفه بس انا عنفسي مش جايه دلوقتي خالص
ليلي..في اي يا ملك انتي حصل حاجه بينك وبين جاسر
ملك..هحكيلك كل حاجه بس مش دلوقتي ويلا عشان نمشي قبل ما حد يصحي
ليلي..يلا
ونزلو البنات وركبو العربيه ومشيو
وصحت ياسمين لقت زين لسه نايم قامت دخلت الحمام واخدت شاور وطلعت وصليت الصبح وابتدت تعبي شنطه السفر بتاعتها هي وزين وخلصتها واخدت كل حاجه هتحتجها هي وجوزها وقفلت الشنط كويس
ياسمين..زين حبيبي يا زين قوم بئا كل ده نوم يا زين وقربت ياسمين من زين عشان تصحي لقيته شدها من ايدها ونيمها جانبه
زين..يا صباح الهنا والسعاده والجمال يا مراتي يا حببتي
ياسمين..اوعه بئا خليني اقوم احنا كدا هنتأخر عالاتوبيس
زين...اتوبيس اي ال هنتأخر عليه انتي عبيطه انا حاجز طياره خاصه يا روحي
ياسمين..طياره خااصه ليه ماله يعني الاتوبيس ولا هي مصاريف وخلاص
زين..عشان نكون براحتنا ونوصل عالطول وبعدين ال ماتعرفوش يا روحي اني كنت هوديكي تركيا بس حظنا كدا بئا هوديكي مكان تاني داخل مصر مش هينفع نسافر بره دلوقتي
ياسمين..تركيا انت بتهزر صح انت عارف اني عمري ما خرجت بره اسكندريه ويوم ما خرجو جيت البحيره
زين..اقسم بالله لاخليكي تلفي العالم كله
ياسمين..كفايه اني هكون معاك بس مش عاوزه حاجه تانيه
زين ..ربنا يخليكي ليا يا روحي ولسه زين هيقرب منها زقته وقامت عالطول
ياسمين..بطل دلع وقوم يلا انا جعانه اوي خلينا ننزل نفطر
زين..لا والله ماشي ياسمين كل ده بحوشهولك علي فكره وهتموتي يا سوسو
ياسمين..انت قليل الادب
زين..انتي لسه ماشوفتيش قله الادب يا روحي انا داخل اخد دش وهطلع البس عالطول جهزي نفسك
ودخل زين الحمام وجهزت ياسمين نفسها ولبست بنطالون اسود واسع وعليه هايكول ابيض ودخلته جوه البنطالون ولبست عليهم بالتو رصاصي طويل وهاف بوط اسود وشنطه سوده ولبست حجابها وطلع زين من الحمام وكان لابس البورنس
واول ما شافته ياسمين دايرت وشها
ياسمين..انت مالبستش ليه
زين..معيش هدوم وبعدين شيفاني طالع عريات ما انا لابس البورنس
ياسمين..انا مابحبش كدا وياريت تاخد هدومك وانت داخل الحمام
زين..اي ال انتي لابساه ده
ياسمين..حلو
زين..هو اي ال حلو انتي نسيتي كلام امبارح صح
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
ياسمين..في اي يا زين ما انا لابسه واسع وطويل اهو
زين...لا والله انتي بتعملي هبله صح انا مش قوبت ماتلبسيش غير فساتين وواسعه وحجابك يداري نص جسمك
ياسمين..الحو سقعه يا زين
زين..عادي ما انتي عندك فساتيت تقيله والبسي عليهم البالتو وتطولي الطرحه يلا
ياسمين..احنا هنبتدي تحكمات ولا اي بئا يا سي زين بقولك اي انا مابحبحبش كدا
زين..وانا كمان مابحبش حد يشوفك حلوه انتي فاهمه عاوزك تداري كل حاجه حلوه فيكي انتي فاهمه
ياسمين..انت بتثبتني صح
زين..لا مش صح بس دي الحقيقه
ياسمين..حاضر يا سيدي هدخل اغير هدومي
زين..طب ما تغيري هنا عادي يعني انا زي جوزك
واتكسفت ياسمين وراحت طلعت فستان شتوي ودخلت لابسته في الحمام وطلعت لابس حجابها وحطت البالتو فوق الشنط وخلص زين لبسو ونزلو مع بعض لقو كل العيله اعدين عالسفره مستنينهم عشان يفطرو
الحاجه فاطمه..صباحيه مباركه يا حبايبي
زين وياسمين..ربنا يبارك فيكي ياارب وسلمو علي كل ال العيله وصبحو عليهم واعدو عشان يفطرو
زين ..يا ام عزه لو سمحتي شوفيلي حد من السواقين يجي يوصلني وينزلي الشنط في العربيه بتاعتي
عبد الحميد..انت مش هتروح بالعربيه
زين..لا حاجزت طياره خاصه
احمد..احسن عشان المسافه طويله وهتتعبو من السكه كدا احسن تروحو فايقين
عبدلله..ربنا يسعدكم دايما يولاد ومش عاوزكم تفكره في اي حاجه ولا تتكلمه في اي حاجه انتو فاهمين
زين..حاضر يا عمي
عبدلله..وخد بالك من ياسمين يا زين
زين..دي في عنيه يا عمي ماتقلقش
احمد..قرب من فاطمه اللي اعده جانبه عقبالنا يا بطوط
واتكسفت فاطمه من احمد وبصتله وضحكت
جاسر..يا ام عزه ماتطلعي تصحي ملك وليلي عشان يفطرو
ياسمين..اها صحيح كل ده نايمين انا عاوزه اسلم عليهم قبل ما امشي
عبدلله..دول سافرو من بدري
جاسر..بجد يا عمي
ياسمين..اخس عليهم الاندال من غير ما يسلمو عليا والله ما هعديهلهم
عبدلله..انا لقيت ملك بتصحيني من الساعه سبعه وبتقولي لازم يسافرو عشان جامعتهم قلتلها ماشي وقالتلي اعتذر لياسمين وزين ومشيو وابقي سلملي عليهم
جاسر..عن اذنكم انا طالع اوضتي
الحاجه فاطمه ..ما تقعد تفطر يا بني في اي
جاسر...مافيش يا ماما بس انا شربت قهوه وعملت ساندوتش ومش جعان خالص
رقيه..اها يا عم ما العروسه مش موجوده اكيد مش هنشوفوك تاني الا لما تيجي
جاسر..عن اذنكم
احمد..هو مالو في اي
فاطمه..مش عارفه
وطلع احمد علي اوضته وهو متعصب وفضل يرن علي ملك بس مابتردش وفي الاخر رن علي ليلي
ليلي..في اي طيب يا ملك كدا جاسر هيقلق
ملك..لا ماترديش قولتلك
ليلي..طب ما تردي عليه انتي يا بنتي هو في اي انا مش فاهمه انتي بتعملي كدا ليه يا ملك
ملك..لما نوصل عفهمك كل حاجه
وتحت عند العيله
ام عزه ..استاذ زين العربيه جاهزه
زين..تمام يلا يا ياسمين
ياسمين..يلا
وتبادلو السلام جميعا
وركبو العربيه وطالعه علي المطار
وملك وليلي وصلو شقتهم ونضفوها وطالبو اكل عشان يتغدو
ليلي...انا مفتقده ياسمين اوي
ملك..وحشتني اوي والله انا من ساعه ما جيت حاسه ان في حاجه كبيره ناقصه
ليلي..صحيح والله كانت بتعملنا حس وونس ماكنتش عارفه ان الشقه هتبقي وحشه كدا من غيرها
ملك..تعالي نتصلو بيها
ليلي..طيب اتصلي
ملك..الو ياسمينا عامله اي وحشتيني اوي وكانت ملك بتعيط وهي بتكلم اختها
ياسمين..وانتو كمان والله انا زعلانه منكم اووي كدا تمشو من غير ما تسلمو عليا
ملك..معلش يا مينا غصب عني وبعدين ده كلها يومين يعني وهتيجو
ياسمين..مالك يا ملك حاسه ان صوتك مش مظبوط
ملك..مافيش يا حببتي اصل احنا زعلنين بس اننا اول مره نقعد من غيرك لوحدك
ياسمين...حببتي يا ملوكه معلش بئأ ما انتو بكرا كل واحده فيكم هتبقي مش فاضيالي بردو
ليلي...اي الكأبه ال انتو فيها دي هاتي اكلمها الو يا عروسه عامله اي صباحيه مباركه يا موزه
ياسمين..حببتي يا لولا انا الحمد لله انتو عاملين اي
ليلي..الحمد لله يا مينا المهم ماتفكريش في اي حاجه تضايقك وقضو يومنكم في سعاده
ياسمين..ماشي يا حببتي خليها علي الله يلا انا هقفل عشان هنركب الطياره
ليلي..ماشي يا قلبي باي سلميلي علي زين
ياسمين..الله يسلمك يا لولا بااي
وشويه والباب خبط علي ملك وليلي
ليلي..يا ترا مين ال بيخبط
ملك..مش عارفه هقوم اشوف
وفتحت ملك الباب لقيت قدامها جاسر ودخلت علي اوضتها وقفلت الباب وسابتوه واقف عالباب
ليلي..مين يا ملك جاسر انت جيت امته اتفضل ادخل هي ملك مالها في اي
جاسر ..ممكن ادخلها
ليلي..ادخل
جاسر فتح الباب علي ملك ودخل لقاها واقفه في البلاكونه
جاسر..ملك انتي ليه عملتي كل ده وليه سافرتي ملك ردي عليا لو سمحتي وقرب جاسر من ملك ومسكها من ايدها عشان يخليها تبوصله
ملك..اوعه ايدي واتفضل اطلع بره
الفصل السابع والعشرون
من روايه(بناتي)
للكاتبه(ليلي مصطفي)
--------------------------------------------------------------------
ملك..اوعه ايدي واتفضل اطلع بره
جاسر..انتي مجنونه صح اي ال انتي بتعملي ده يا ملك
ملك..انا مجنونه لا والله وانت عاوزني اعمل اي بعد ال انت عاملته ده
جاسر..علي فكره احنا مخطوبين ياملك
ملك..لا والله واي اتنين مخطوبين عادي يحصل بينهم كدا وبعدين بقولك اي خلاص روح شوفلك واحده تانيه تتسلا بيها
جاسر...اتسلا اي بس وواحده تانيه اي وهبل اي يا ملك انا اقسم بالله بعشقكك ومقدرش استغني عنك واذا كنت عبرتلك عن مشاعري بطريقه ماعجبتكيش فا انا اسف يا ستي
ملك..مشاعر اي هو اي واحد بيحب واحده بيعبر باللي جواه بقله الادب دي
جاسر..بصي اولا انا بحبك ثانيا انتي خطبتي وهتبقي مراتي ثالثا انا اسف يا ستي واوعدك مش هعمل كدا تاني مع اني اقسم بالله ما كان قصدي حاجه وحشه انتي بنت عمي قبل اي حاجه يا ملك وماقدرش اعمل حاجه تأذيكي انتي فاهمه
خلاص بئا انا واعدتك اني مش هعمل كدا تاني
ملك..جاسر انا قابله اعتذارك بس خلينا ولاد عم وبس وبعدين خلاص الدبله ال انا قلعتها مش هلبسها تاني
جاسر..والله وده اخر كلام عندك يا ملك
ملك..اها
جاسر..علي فكره انا ماعملتش حاجه تستاهل كل ده وبردو جيت وراكي واعتذرتلك
ملك..شكرا
جاسر..كدا يا ملك ماشي وخرج جاسر من اوضه ملك
ليلي..جاسر رايح فين استنا اتغدا معانا
جاسر..لا شكرا ونزل جاسر وركب عربيتو ومشي
ليلي..في اي يا ملك بتعيطي ليه
ملك..انا وجاسر سبنا بعض يا ليلي
ليلي..يا نهارك اسود انتو لحقتو اي الهبل دي هو في اي بظبط
ملك..هحكيلك علي كل حاجه
وعند زين وياسمين وصلو لمطار شارم الشيخ
زين..حمدلله عسلامه يا البي
ياسمين..الله يسلمك يا حبيبي
وركبو تاكسي وراحو علي الفندق ال حاجز في زين وطالعه علي اوضتهم وفضت ياسمين الشنط ولقت زين خارج
زين..بقولك انا هروح كدا عشان كنت عاوز ااجر عربيه الكام يوم ال هنقضيهم هنا
ياسمين..طب ولازمتها اي لما نحب نروح في حته نركب تاكسي وخلاص
زين..لا كدا احسن عشان تبقي معانا في اي وقت انا مش هتأخر عليكي يا قمر عاوزه حاجه
ياسمين..لا يا حبيبي عاوزه سلامتك
وخرج زين ودخلت ياسمين اخدت دش وغيرت هدومها ولبست كاش مايوه كات واصل لحد الركبه وعملت شعرها ديل حصان وعملت ميك اب رقيق وفتحت التلفزيون واعدت تتفرج لحد ما نامت
وعند ملك وليلي
ليلي...هههههههه الله يخربيتك يا مجنونه كل ال انتي عملتي ده عشان جاسر اخد منك بوسه
ملك...انتي بتضحكي يا ليلي وبعدين احمدي ربنا ان انا عملت كدا بس انا كنت المفروض فضحته مع العيله كلها
ال عمله ده كان قله ادب وعدم تربيه
ليلي ...بصي انا ماقلتش انه عادي يعمل كدا او يتعدا حدوده وانتو لسه مخطوبين بس قصدي انك كنت ممكن تديلو بالام وتسيبي وتطلعي علي اوضتك وهو هيعرف انه ماكنش ينفع يعمل كدا وبعد كدا كنتي ازعلي منه وعاتبي بطريقه كويسه وعرفي انه حرام حتا يمسك ايدك الا لما تبقي حلاله
ملك..اهو ال حصل بئا يا ليلي انا قولت يعني هو بيخطبني عشان يعمل معايا كدا
ليلي...ياحببتي هما الشباب كلهم كدا وبعدين جاسر مش وحش يعني ولا مش متربي عشان يتسلا بيكي ده ابن عمك وبيموت فيكي انتي غلطي واتسرعتي وهو جه لحد هنا واعتذرلك خلاص بئا
ملك..مش عارفه تفتكري انا اتسرعت باللي عاملته
ليلي...اتسرعتي جدااا يلا اتصلي بي وخلي يرجع يتغدا معانا وبردو عرفي غلطو وانه ماينفعش يعنل كدا دلوقتي
ملك..مااشي هتصل بي لما اشوف هيرد ولا لا
ورجع زين عالفندق وفتح الاوضه ودخل لقي ياسمين نايمه قرب منها وكانت شبه الملايكه وهي نايمه وكان اول مره زين يشوفها لبس حاجه مبينه جسما اوي كدا وقرب من جبينها وسرق بوسه
ياسمين..زين انت جيت اتأخرت ليه كدا
زين...وحشتك
ياسمين..اها وزهقت اوي كمان مش عاوزاك تبعد عني ابدا انت فاهم اوعدني انك ماتبعدش عني مهما حصل يا زين
زين..اوعدك يا قلبي وبعدين هو في حد يقدر يعيش من غير روحه انتي روحي يا ياسمينتي واخد زين ياسمين في حضنه وراحو في عالمهم الخاص واصبحو اخيرا زوجين قولا وفعلا 😉😄
وعند ملك وليلي اتصلت ملك كتير بجاسر وماكنش بيرد
وبعد محاولات كتير رد
ملك..الو
جاسر..الو
ملك..مابتردش ليه
جاسر ..ماكنتش سامع التلفون
ملك..طب انت فين
جاسر..موجود
ملك..يعني انت لسه هنا
جاسر..اها رايح عالشقه بتاعتنا
ملك..طب تعال اتغدا معانا
جاسر..لا شكرا
ملك..خلاص براحتك واسفه اني اتصلت بيك سلام
ليلي..اي جاي
ملك..لا بيتكلم بعوجان ومش جاي
ليلي..ما انتي اللي افورتي اوي يا ملك بس ماتقلقيش هتتصلحه هتتصلحه جاسر بيحبك بس تلاقي زعل عشان انتي اتهمتي انه بيتسلا بيكي سيبي وهو هيروق ويلا نتغدو عشان شويه وخارجين ادم عازمنا عالعشا
ملك..فريده جايه
ليلي..لا تقريبا
ملك..طب وانا هاجي اعمل اي معاكم اكون عزول يعني
روحو لوحدك وانا هفضل هنا
ليلي ..لا طبعا مش هينفع اروح لوحدي يلا بئا عشان نتغدو ونجهزو عالطول
ملك..يلا
وفي قصر عيله التهامي
فاطمه ..ماما هي رقيه ماجتش ليه لحد دلوقتي
ذينب..يمكن عندها دروس كتير انهارده يا بنتي الغايب حجته معاه
فاطمه..ازاي دي عمرها ما تأخرت كدا المفروض تكون هنا اساعه خمسه واساعه دلوقتي سبعه والليل دخل علينا
ذينب ..انتي هتقلقيني ليه يا بنتي طب اتصلي بيها
فاطمه..بتصل اهو بس تلفونها مقفول
ذينب...طب اتصلي تاني يمكن شبكه
فاطمه ..لا يا ماما مقفول
احمد..في اي يا فاطمه
فاطمه..رقيه اتأخرت اوي يا احمد المفروض تيجي من ساعتين
احمد..طب ازاي معكيش رقم حد من صحبتها
فاطمه..اها هي مالهاش غير صحبه واحده اسمها روان
ذينب ..معاكي رقمها
فاطمه..اها
احمد..طب اتصلي بيها
فاطمه..حاضر حاضر
فاطمه..الو ازيك يا روان عامله اي بقولك هي رقيه معاكي
ايييه مارحتش ولا درس انهارده انتي متأكده طيب سلام سلام
ذينب ..قالتلك اي طمني قلبي يابنتي
احمد..قالت اي يا فاطمه
فاطمه...بتقول انها مارحتش ولا درس انهارده مع انها كانت مكلماها قبل ما تنزل من هنا وكانو متفقين انهم هيتقابلو ويروحو مع بعض الدرس وفضلت روان مستنياها واعدت ترن عليها بس تلفونها اتقفل
ذينب ...يا نهار اسود يعني اي بنتي راحت فين شوفولي بنتيييييييي
احمد...اهدي بس يا مرات عمي مش ممكن تكون راحت عند عمتي او خالتها
فاطمه...انا اتصلت بكل الناس القريبه مننا دلوقتي بس مش عند حد فيهم
احمد..طب ازاي كدا الموضع مايطمنش يا جماعه ولازم كل العيله تعرف ونبلغ بسرعه
ذينب...يا حببتي يا بنتي
فاطمه..احمد انا انا تقريبا عارفه رقيه فين ومين ال اخدها
احمد..طب ما تقولي بسرعه هي اي الحكايه انطقي
الفصل الثامن والعشرين
من روايه(بناتي)
للكاتبه(ليلي مصطفي)
--------------------------------------
احمد..طب ما تقولي بسرعه هي اي الحكايه
فاطمه..بصراحه في مدرس مستقصد رقيه من السنه ال فاتت وهي اي حاجه كانت بتحصل كانت بتيجي تحكيلي عالطول بس ماكنتش متخيله انه ممكن يعمل كدا ويخطفها
احمد..يخطفها
ذينب..انطقي يا بتي مين المدرس ده ومن عيله مين خلينا نلحق اختك
فاطمه..هو مش من هنا اصلا يا ماما هو من القاهره واتنقل المدرسه ال هنا من السنه ال فاتت بس لي عمتو متجوزه هنا
احمد..وانتي اي ال مخليكي متأكده انه ممكن يكون خطفها
فاطمه..ما قولتلك يا احمد رقيه حكيالي كل حاجه
احمد..طب ما تقوليلي اي الحكايه من اولها
ذينب..هو ده وقت حكي يا بني هاتو منه البت الاول
احمد..يا مرات عمي احنا لازم نتأكد انه هو ال اخدها بلاش نتسرع وندوره عليها في حته وهي في حته تانيه خالص وماتقلقيش يا مرات عمي انا هجبلك رقيه لحد عندك ومن غير خدش واحد اطمني
ذينب..ياارب استرها ياارب
احمد..الو اي يا مصطفي بقولك خد الرقم ده ......عاوزك تعرفلي مكانه بظبط وكلمني عالطول سلام قوليلي يا فاطمه اي حكايه المدرس ده
فاطمه..هو مدرس اتنقل من القاهره السنه ال فاتت بس ماكنش بيدي رقيه بس هي في الرايحه وال جايه لاحظت انه عالطول بيبصلها شويه بئا يتكلم معاها اسمك اي انتي منين من عيله مين كلام من ده وساعه الطابور كان بيركز معاها وحتا لبسها بئا يقولها وسعي لبسك طولي الطرحه ماتمشيش مع البنت دي ماتضحكيش ماتعمليش بئا مركز معاها اوي وهي كل حاجه كانت بتحكهالي وكانت مخنوقه منه مع ان رقيه اكتر واحده ملتزمه في المدرسه ومحترمه انت عارف رقيه طبعا يا احمد
احمد..المهم وبعدين
فاطمه..بس السنه دي طلع هو ال بيديهم في الفصل بتاعهم كان بيديهم انجليزي وطبعا بئا يذيد اكتر في الكلام والتركيز في اللبس وكل حاجه لحد ما جه تاني يوم خطوبتي انا وانت طبعا كانت رقيه عامله ميك اب ومسحته باليل كويس وراحت المدرسه بس كان في اثار كحل ده احرجها جامد قدام البنات وزعقلها جامد راحت رقيه عالحمام اعدت تعيط ولقيته جاي وراها وبيمسكها من ايدها وبئا يقولها انا اسف ماتعيطيش انا خايف عليكي والله والكحل مخليكي زي القمر وانا مش عاوزه حد يشوفك حلوه كدا
وجت رقيه شدت ايدها وقالتله اي الكلام ده وعيب كدا انت واحد مش محترم وانا هفضحك وهشتكي للمدير عشان غلط واحد زيك يشتغل في مدرسه بنات وسابته ومشيت وطبعا هي جت حاكتلي وكانت ناويه تقول لزين وتروح تشتكي للمدير بس بس انا اللي رفضت وقولتلها بلاش تأذي وكفايه انك طالبه عنده وهزقتي وهددتي واكيد مش هيبصلك تاني وبلاش تعرفي حاجه لزين خوفت الا يحصل مشاكل والله يا احمد
احمد..وبعدين كملي
فاطمه..بس وطبعا مابقتش تحضر الحصص بتعته وجت بعدها بيومين لقت بنت جايه بتندها وبتقولها المدير عاوزك راحت تشوف المدير لقيته هو ال مستنيها في الفصل ال جنب اوضه المدير وبئا يتأسفلها ويحلفلها انه مش بيتسلي وانه مش بتاع بنات وانه من السنه ال فاتت وهي شاغلاه وحس انه بيحبها وانه عاوز يتقدملها وطبعا رقيه رديت عليه بأسلوب وحش وقالتله علي فكره ماتفكرش اني سكت عشان خوفت منك بس انا قولت بلاش اقطع رزقك بس انا لو حابه اقطع رزقك واقطع رجلك من البلد دي خالص هعملها عشان انت ماتعرفش انا بنت مين وجايه تمشي لاقيته بيشدها وبيقولها بس انا مابتهددش وعادي جدا علي فكرا طظ في المدرسه باللي فيها وبلاش تتكلمي معايا كدا تاني عشان ماتندميش وانا بكلمك بأدب وبقولك انا بحبك وعاوز اتقدملك ما غلطش فيكي ولا قولتلك تعالي نتعرف علي بعض والا الكلام بتاع المراهقين ده
فا هي رديت عليه وقالتله طلبك مرفوض وعلي فكره انا مخطوبه ممكن بئا تسبني في ي حالي
فا هو رد عليها قالها يعني اي بس انا سألت كل زمايلك وعارف انك مش مخطوبه ورديت عليه رقيه قالتله انا بحب ابن عمتي وهو بيحبني وهنتجوز خلاص وسابته ومشيت واعدت فتره ماترحش المدرسه وسمعت انه عالطول بيسأل زمايلها عليها وشويه وجاب رقمها وبئا يكلمها عالوتس وبئا يقنعها ان ده حب مرهقه وانه بيحبها بجد ومافيش حد بيحبها قدوه وكلام من ده بئا كتير وبقت توريني الرسايل وقلتلها اعملي بلوك بئا يرن عليها عملتله بلوك بردو اخر حاجه خالص لقيته بيقفلها بعربيتو عند الدروس وبيطلب يتكلم معاها وهي بترفض وجه اخر حاجه مسك ايدها بالعافيه ووقفها وكان قدام زمايلها ورقيه ضربته بالقلم جه قالها اقسم بالله لاهدفعك تمن الالم ده غالي اوي وبردو مش هسيبك انتي ليا ومش لحد تاني وكلام من ده رقيه قالتله انت معندكش دم قلتلك انا بحب ابن عمتي وهنتجوز انت مابتفهمش ابعد عني بئا جه قالها يبقي علي موتك انتي ليا انا وبس انتي فاهمه وكدا خلاص انتي جبتي اخري وماتندميش من ال هعمله طبعا رقيه شدت ايدها وقالتله انت مجنون وسابته ومشيت وجت وحكتلي بردو وكانت خايفه بس انا طمنتها وقلتلها ده بيهددك و خلاص مايقدرش يعمل حاجه سيبك منه واعدنا نضحكه واخدنا الموضوع كأنه هزار وضحك وقولنا كلها شهرين والسنه تخلص ومش هتشوفه تاني وراحت انهارده المدرسه وقالت مش هتروح تاني الا عالامتحانات وعرفت مدرسينها بكدا
احمد..ده واحد مجنون بس الغلط مش عليه الغلط عليها وعليكي انتي اكتر واحده كل ده يحصل وانتي ال كنتي بتسكتيها طب هي عيله لسه صغيره انتي يا كبيره يا عاقله تعملي في اختك كدا
فاطمه..يا احمد انا ماكنتش اعرف انه ممكن يعمل كدا والله انا خوفت الا حد منكم يعرف ويحصل مشكله كبيره
احمد..طب وال احنا في ده اي مش مصيبه
عبدلله..في اي يا ولاد بتزعقه كدا ليه
ذينب..بنتي يا حج عبدلله بنتي اتخطفت
عبدلله ...ايه رقيه ازااي
احمد..الو اي يا مصطفي طب ازاي مش عارف توصلوله خالص ماشي سلام
فاطمه..اي عرف يعمل تتبع يا احمد
احمد..لا اخر تتبع لتلفونها هنا في البلد
عبدلله ..طب عرفته ازاي انها اتخطفت مهي يمكن تكون في دروسها
فاطمه..انا هحكيلك علي كل حاجه يا عمي
احمد..طب المدرس ده اسمه اي
فاطمه..اسمه معتز
احمد..ده كبير ولا صغير
فاطمه..مش عارفه بس تقريبا رقيه كانت بتقولي في تلاتينات
ذينب..طب ما تلحقها يا بني هي هتلاقيها هنا في البلد واتصلو بزين خلي ينزل بسرعه واتصلو بجاسر لازم يكونو هنا يلحقه اختهم
احمد..يااريت ماحدش من العيله يعرف حاجه دلوقتي يا مرات عمي عقبال ما اجي انا خارج هروح لمدير المدرسه بيته اعرف عنوان الواد ده
عبدلله..استنا انا جاي معاك يا بني
وعند ملك وليلي
ليلي..لبستي يا ملك
ملك..خلصت اها يلا هو ادم هيجيلك تحت ولا هنتقابل
ليلي...هايجي ياخدنا من تحت يلا
ونزلو البنات ووقفه شويه ولقو ادم جه اخدهم من قدام عمارتهم وراحو عالمطعم ال عازمهم في وداخله وقعدو وملك كانت ماسكه تلفونها وحاسه بملل وادم وليلي كانو اعدين جنب بعض وعمالين يهزرو مع بعض
ادم..اي يا ملك هتاكلي اي
ملك..انا مش جعانه بصراحه كلو انتو
وجه من وراها جاسر ..انا بقول ناكل مكرونه بالبشامل وبانيه انا وملك بنحب الاكله دي اوي
ملك..جاسر انت اي ال جابك وعرفت ازاي اننا هنا
ادم..احم احم بصراحه انا عاوز اكل محاشي وحمام
ملك..والله حمام ماشي يا ليلي ماشي يا ادم انا ماشيه كلو انتو بئا سلام
ليلي..اعدي وبطلي هبل يا ملك وبلاش لعب العيال ده
ملك..انا مش عيله علي فكره وبعدين بعد ال عامله معايا ده كله بتروحي تكلمي يا ليلي وتخلي يجي يعني هو الغلطان واحنا ال نتحايل عليه صح
ليلي..افصلي شويه يا غبيه
جاسر..ما تبطلي بئا سوء الفهم ده شويه يا ملك هو ليه اي حاجه بنعملوها بتفهميها غلط
ليلي..علي فكره جاسر اصلا بعد ما مشي من عندنا كلمني وحكالي كل حاجه وقالي اهديكي شويه واتفق معايا انه يطلع معانا انهارده وكلم ادم ظبط معاه اعقلي شويه وبطلي جنان يا ملك
ادم..ملك مش غلطانه علي فكره اسف يا ملك بس انا عرفت المشكله ال بينكم وال حصل من جاسر ليله خطوبتنا وانا غلطو جدا خلي بالك انا شاب وعندي نفس المشاعر ال عندك يا جاسر بس دايما بمنع نفسي حتا اني امسك ايد ليلي شوف احنا بقالنا كام سنه بنحب بعض وعمري ما مسكت ايدها يمكن عشان كدا ربنا مباركلنا في علاقتنا وبيقف معانا دايما وبردو واتخطبنا بس بردو مش هلمس ايدها الا لما نتجوز
جاسر...منك لله فضحتيني يا بعيده كل ده بس عشان كنت عاوز ابوس راسك
ملك..والله
ادم..فضيحه اي بس يا عم وبعدين اقسم بالله انا بقالي سنتين بص ربنا ال عالم باللي فيا بس بصبر نفسي وبعدين مش يمكن لو كنت مكانك كنت عملت اكتر من كدا كويس اني مابشوفش ليلي الا في شارع
ليلي..وبعدين بئا ما خلاص
جاسر..سيبكم من الكلام بئا وتعالو نطلب الاكل انا ماكلتش من امبارح
ملك..ليه كدا يعني
جاسر..هو انا اقدر اكل او اشرب او اشتغل طول ما انتي زعلانه مني
وطالبه الاكل واعدو ياكله وجاسر اتصالح هو وملك وفضلو اعدين يهزرو ويضحكه
وعند زين وياسمين وصلو بالعربيه عند الفندق وطلعو علي اوضتهم
ياسمين..البلد هنا جميله جدا يا زين تحفه بجد تحس انها جنه
زين..هو انتي لسه شوفتي حاجه انا قولتلك هلففك العالم كله
وبكرا عاوزين نقوم من بدري عشان هنطلع سفاري
ياسمين..الله انت عارف اني كان نفسي اطلع سفاري من زمان
زين..بس بشرط مش هنركب بيتش بجي
ياسمين..لا بئا ماتهزرش ده انا نفسي اطلع سفاري عشات البيتش بجي بس
زين..اي هتلبسي بنطالون يعني
ياسمين...لا هلبس فستان وهركب بجنبي عادي
زين..انسي
ياسمين..ماشي يا زين اعمل الانت عاوزه انا داخله اغير هدومي
ودخلت ياسمين الحمام غيرت هدومهما ولبست بيجامه ستان بيج وسابت شعرها وطلعت اعدت عالسرير ومسكت تلفونها وخلص زين حمامه وغير هدومه ونام جنب ياسمين
زين..ماالك يا البي شكلك زعلانه
ياسمين..لا مش زعلانه ولا حاجه بالعكس انا بفرح اوي لما اللقيك خايف عليا وبتغير عليا
زين..انتي عارفه اني بموت فيكي وكل يوم حبي ليكي بيذيد اكتر واكتر
ياسمين..مش اكتر مني
زين..طب ما تسيبي التلفون بئا وتعالي في حضني
ياسمين..ثواني بس هبعت الصور ال اتصورناها انهارده لليلي وملك
زين..اوعي تنزلي حاجه انتي فاهمه
ياسمين..حاضر
ونامت ياسمين في حضن زين وقرب زين من شفايفها وسرق منها قبله طوييييله مع لمسات ايده ودخلو في عالمهم الخاص
ووصل احمد وعبدلله بيت مدير المدرسه وفتحلهم البواب البوابه ودخلو بالعربيه
احمد..السلامه عليكم لو سمحت استاذ شوقي موجود
البواب..ايوا يا استاذ اتفضلو هو جوه
احمد..شكراا
ودخلو وخبطو عالباب وفتحتلهم الشغاله
عبدلله.. السلامه عليكم لو سمحتي عاوزين نقابل استاذ شوقي
الشغاله..حاضر اتفضلو في الصالون
ودخلو اعدو في الصالون ونزلهم استاذ شوقي
شوقي..اهلا وسهلا يا اهلا وسهلا ده اي النور ده الحج عبدلله بنفسه والدكتور احمد منورين والله
عبدلله..اهلا وسهلا البيت منور بناسه يا استاذ شوقي عامل اي وصحتك عامله اي
شوقي ..الحمد لله انت عامل اي وحشني والله انت عارف اني ماشوفتش عمك بقالي خمسه وعشرين سنه يا دكتور بس لما عرفت انه رجع وهيقعد هنا فرحت جدا والله تشربو اي الاول
عبدلله ..الله يخليك متشكرين
احمد..احنا مستعجلين يا استاذ شوقي وكنا جاينلك في موضوع مهم
شوقي ..خير يا جماعه في اي اعملي قهوه يا شمس
احمد..احنا عاوزين نعرف عنوان المدرس ال عندكم ال اسمه معتز
شوقي ..معتز الدمنهوري
احمد..انا مش عارف بس كل ال اعرفه ان اسمه معتز ومدرس انجليزي واتنقل من السنه ال فاتت
شوقي ..ايوا ايوا هو معتز الدمنهوري طب خير يا جماعه هو عمل حاجه
احمد..اصله بصراحه اختي بتشتكي منه وكنا عاوزين نعرف هو عاوز منها اي بظبط لانه مش سايبها في حالها
شوقي ..رقيه صح
احمد..اها
شوقي ..هو فعلا انا لاحظت ان عينو منها وسألته انت عاوز منها اي قالي اصلنا متفقين اول ماتخلص السنه دي هتقدملها وهنتجوز
احمد..يا بن الكلب هو قالك كدا
شوقي ...ايوا وهو شب محترم بصراحه ومن عيله كبيره في القاهره
احمد..هو لي حد هنا
شوقي ..اها لي عمتو متجوزه هنا وكان اعد معاها هنا من ساعه ما والدته ووالده ماتو في حادثه عمتو صممت انه يتنقل هنا ويقعد معاها بس هو طلب ناقله من اسبوع ورجع القاهره تاني لانه لازم يدير اشغال والده لان والده رجل اعمال كبير بس هو حابب يشتغل المهنه ال بيحبها بس اتر انه يرجع تاني ويشوف اشغالهم ال هناك ورجع المدرسه ال كان شغال فيها
عبدلله..طب انت عارف عنوانه في القاهره
شوقي ..لا والله انا اعرف اسم المدرسه ال شغال فيها واعرف عنوان عمتو بردو
احمد..تمام طب ادينا عنوان عمتو
شوقي..هي ساكنه في .....
عبدلله..تمام ومتشكرين جدا يا استاذ شوقي هنستأذن احنا
شوقي ..بسرعه كدا
عبدلله..معلش تتعوض مره تانيه
وخرجو من عند المدير وراحو عالعنوان بتاع عمه معتز ودخلو استأذنه من البواب وخبطو ودخلو ورحبت بيهم عمه معتز وزوجها وكانت تبلغ من العمر الخمسه وخمسون سنه
عمه معتز ..اهلا وسهلا مين حضرتكم
الحج ممدوج زوج عمه معتز ..ده الحج عبدلله التهامي يا حجه وده الدكتور احمد ابن اخو انتي ازاي ماتعرفهمش والله نورتونا يا جماعه
عبدلله..اهلا بيكم يا حج ممدوح
احمد..بعد اذنك يا عمي ممكن نعرف يا حجه زهره فين معتز ابن اخوكي
الحاجه زهره..معتز مالو في اي حصلو حاجه
عبدلله ..ماتقلقيش يا حجه انا هحكيلك كل حاجه بس يااريت تسعدونا عشان نعرف ابن اخوكي فين احنا اهل وولاد بلد واحده عشان كدا ماحبناش نستعجل ونروح نبلغ ولا نعمل شوشره
ممدوح ..هو في اي يا جماعه
احمد..معتز خطف بنت عمي
زهره ..يا نهار اسود ازاي لا لا مستحيل معتز يعمل كدا
عبدلله..ممكن تتصلو بي وتعرفو هو فين وانا هقولكم كل حاجه بس مافيش وقت لازم نلحقه قبل ما يأذي البنت
وفي حي من احياء القاهره في منطقه راقيه وفي شقه معتز الدمنهوري كان يقعد معتز علي كرسيه الهزاز بهيبته وبطوله وجسمه الرياضي وجمال عيونه الزرقاء وشعره البني ولحيته الخفيفه البنيه و وبياض وجهو وكان ماسك تلفونه اللي مابطلش رن وكان عامله صامت عشان مايقلقش حبيبته النائمه او المغيبه عن الوعي
معتز..الو ايوا يا عمتو عامله اي يا حببتي
زهره ..اي ال بيحصل ده يا معتز انت صحيح خطفت بنت عيله التهامي
معتز..اخطفها اي الكلام ده يا عمتو انتي شيفاني عيل صغير ولا هي عيله صغيره عشان تتخطف احنا بنحب بعض واهلها غصبوها علي ابن عمتها ورفضوني عشان كدا هي جت معايا وهنتجوزو
احمد..الو اقسم بالله ماهسيبك وهجيبك انت واحد مجنون ومعندكش دم واحده مش بطيقك تاخدها بالعافيه اقسم بالله لو مسيت شعره من رقيه ما هسيبك
زهره..الو يا معتز يا بني رجع البنت لو هي معاك فعلا او قولي انت فين وانا اجي اخدها ارجعها لاهلها وبعد كدا نحلوه المشكله براحه ولو بتحبه بعض تتجوزو بس مش كدا يا بني
احمد..عرفي ان رقيه لو مابتتش في بيتها انهارده انا هجيبو بس علي نقاله يلا يا عمي
معتز ..سلام يا عمتو وقوللهم اعلي ما في خيلهم يعملو
زهره..انت يا ولد استنا الو
ولقي معتز رقيه بتتحرك وبتفتح عيونها البنيه بتثاقل وكانت نايمه عالسرير وشبه الملايكه ببياض وجهه وشفايفها الصغيره وبشعرها البني الطويل ال معدي ضهرها وجسمها المتوسط ولا رفيعه ولا تخينه وطولها اللي معداش ال ١٥٠سم
رقيه..انا فين انا فين انت انت ازاي معايا انا جيت ازاي هنا
معتز..اهدي اهدي انا ال جبتك هنا يا روحي
رقيه..احنا فين انا عاوزه اروح
معتز...تروحي ههههه ده بعدك يا روح البي انتي هتفضلي معايا بمزاجك غصب عنك انتي ملكي انتي فاهمه
رقيه..انت بني ادم معندكش لادم ولا كرامه قولتلك انا وابن عمتي بنحب بعض ومخطوبين وهنتجوزو اول ما السنه تخلص انت اي مابتفهمش ما تسبني في حالي بئا
وضربها معتز بالالم علي وشها
معتز..دي اخر مره تتكلمي معايا بالاسلوب ده مفهوم وعيب اوي لما تقولي لراجل ال هيبقي جوزك انك بتحبي واحد غيره
ولا اي ياحببتي
الفصل التاسع والعشرون
من روايه(بناتي)
للكاتبه(ليلي مصطفي)
--------------------------------------
معتز...دي اخر مره تتكلمي معايا بالاسلوب ده مفهوم وعيب اوي لما تقولي لراجل ال هيبقي جوزك انك بتحبي واحد غيره
ولا اي يا حببتي
رقيه...انت بتحلم ده علي جثتي اني اتجوزك
معتز...لما نشوف يلا قومي ظبطي نفسك وغيري هدوك لحد ما اطلبلك اكل زمانك جوعتي الدولاب في هدوم كتير انا جيبهالك بالحجاب بتاعها ياارب يعجبك زوئي
وخرج معتز وفضلت رقيه اعده مكانها وعماله تعيط
وفي بيت عيله التهامي كانت اعده فاطمه مع امها في اوضت رقيه وعمالين يعيطو ودخل عليهم جمال
جمال...هو في اي ليه منزلتوش عالعشا وفين الشباب وفين رقيه انا حاسس ان في حاجه مش طبيعيه بتحصل في البيت علي وصول احمد وعمه عبدلله
عبدلله...السلام عليكم
جمال ...وعليكم السلام كنتو فين يا جماعه
عبدلله..كنا في مشوار يا جمال
احمد...انا اسف يا عم عبدلله بس لازم البيت كله يعرف المصيبه ال احنا فيها
عبدلله...انا مش قولتلك اسكت يا احمد
جمال...مصيبه مصيبه اي يا خوي ما تقول يا احمد اتكلمه انا حاسس ان البيت مش طبيعي رقيه فين رقيه صحيح بنتي فين جرالها حاجه صح
عبدلله...اهدا بس يا جمال وبهداوه كل حاجه هتتحل ورقيه هتيجي ان شاء الله
عبدلله..مش فاهم بردو بنتي فين
احمد...رقيه اتخطفت يا عمي
جمال...ايه اتخطفت ازااي ازاااي اتخطفت بنت عيله التهامي تتخطف لالا مش معقول اكيد بنتي جرالها حاجه انا هروح ادور عليها في المستشفيات
عبدلله...يا جمال بنتك احنا عرفنا مكانها وعرفنا مين ال اخدها واتأكدنا انه هو ال خطفها ووصلنا لاهله وروحنا بلغنا كمان والحكومه متابعه معانا وهيجيبو الواد ده
عبدلله...ازاي يحصل كل ده وانا معرفش ازااي بنتك مخطوفه وبتدوره وبتبلغو عليها وانا اخر من يعلم يا ذينب
ذينب...انا ساكته زي ما قالولي احمد قالي محدش يعرف حاجه وانا هتصرف انا مش عاوزه حاجه دلوقتي غير بنتي هاتولي بنتي انا هموت لو بنتي مابتتش في حضني هاتولي بنتييييييي
فاطمه...اهدي يا ماما ونبي اهدي ان شاء الله هترجع وهتكون كويسه
احمد...انا اسف يا عمي بس انا ماكنتش عاوز اقلق حد خفت عليك وعلي ابويا وقولت يمكن اتصرف واجيب الواد ده انا وعمي عبدلله قبل ما يبعد من هنا
جمال..هو مين ال خطفها وخطفها ليه انا عاوز افهم
احمد..اهدا بس واعد يا عمي وانا هقولك كل حاجه
وعند ملك وليلي وصلو عن عمارتهم وكانت ليلي مع ادم في عربيتو وملك مع جاسر
جاسر...ملك
ملك..نعم
جاسر..اتفضلي الدبله بتعتك ويااريت ماتقلعهاش من ايدك تاني مهما حصل وعاوزك تتأكدي اني بحبك والله بحبك وبموت فيكي وعمري ما اقدر اعمل معاكي حاجه وحشه وكل ال حصل كان غصب عني والله بس حاجه خلتني فجأه عاوز اخدك في حضني عاوز اثبتلك حبي اللي عدا كل الكلام فا غصب عني عبرتلك بالاسلوب ده
ملك..خلاص يا جاسر انا نسيت كل حاجه ومش زعلانه منك يلا انت مش هتطلع معانا
جاسر..لا لا انا هبات في الشقه بتعتنا
ملك..طب ليه هتقعد لوحدك
جاسر..انتي عاوزه اي بظبط انا ماصدقت المشكله اتحلت ولو طلعت معاكي فوق هتتعقد تاني وماتلومنيش بئا علي هعمله
ملك..وبعدين بئا ما تبطل قله ادب وبعدين ليلي معانا
جاسر..لا لا انا هروح علي الشقه وبعدين لازم اصحي بدري عشان ورايا شغل هنا في المحكمه اها صحيح نسيت اقولك ال اسمه ادهم ده النيابه حكمت عليه خمس سنين حبس واهلو عارضو عليا ملاين بس انا بصراحه مش هسيبو بردو لازم اضعفهمله خمس سنين قليلين اوي
ملك..اي ده بجد ده احسن خبر سمعته انهارده احسن يستاهل انا كان نفسي ياخد مؤبد
جاسر..ماتقلقيش انا وراه يا حببتي مش هسيبو استني احمد بيتصل الو اي يا بو حميد في اي انا في اسكندريه عندي شغل اجي دلوقتي ليه في اي انت بتتكلم بجد ازاي حصل ازاي ده كله انا جاي عالطول سلام
ملك..في اي يا جاسر
جاسر ..رقيه اتخطفت ومش عارفين طريقها
ملك...يا نهار اسود ازاااي انت بتتكلم بجد
جاسر..هو ده وقت هزار انزلي يا ملك انا لازم اسافر عالبلد دلوقتي
ملك..لا طبعا مش نازله احنا جاين معاك
ليلي..يلا يا ملك يلا يا جاسر عشان نطلع
ملك..هو ادم فين
ليلي..مشي
ملك..طب اركبي بسرعه لازم ننزل البلد حالا
ليلي..ننزل البلد دلوقتي اي الجنان ده يا بنتي بئا تقومي من الفجر تقوليلي يلا نسافر اسكندريه ودلوقتي تقوليلي يلا ننزل البلد انتو بتهزرو صح
ملك..مش وقت كلام يا ليلي رقيه مخطوفه ومش لاقينها من الصبح لازم نكون هناك
ليلي..يا نهار اسود ده بجد يا جاسر
جاسر..اها يا ليلي انا لسه عارف دلوقتي
ليلي...طب ماحدش بلغ
جاسر..انا ماعرفش حاجه خالص اتصلي بفاطمه اسأليها اي ال حصل بالظبط
ليلي...بتصل اهو
وعند معتز ورقيه كانت رقيه اعده في الاوضه زي ماهي وقامت دخلت الحمام اللي في الاوضه وغسلت وشها وطلعت من الحمام وحاولت تفتح البلاكونه بس معرفتش معتز كان عامل حسابه ومقفل كل الشبابيك والبلكونات كويس وفضلت تتفحص الاوضه وكانت بتدور اي حاجه تضرب بيها معتز بس مالقتش غير ازازه مياه ازاز وكوبايه ولقت معتز بيخبط عالباب راحت واقفت وره الباب واول ما دخل ضربته بالازاه علي دماغه ووقع معتز اغمي عليه
الفصل الثلاثين
من روايه (بناتي)
للكاتبه(ليلي مصطفي)
---------------------------------------
وصلو بنات عبدلله بيت عيله التهامي وداخلو البيت بسرعه ووراهم جاسر
ملك..السلام عليكم عاملين اي يا جماعه مافيش اخبار عن رقيه
والكل كان اعد حزين مستنين اي اخبار عن رقيه
جمال ...لسه يا بنتي مانعرفوش طريقها والواد ابن ال...ده مظبط كل حاجه مش سايبلنا خيط نمشو وراه ومافيش حد يعرف طريقه
جاسر...طب واحنا هنغضل اعدين نبص لبعض كدا احنا لازم نتصرف
احمد..هنعملو اي يا جاسر احنا روحنا لعمتو وكلمته في تلفون وقفل السكه في وشها وعمتو نغسها ماتعرفش عنه حاجه اخر ما زهقنا روحنا بلغنا
جاسر..انا عارف كل ده فاطمه حاكتلنا كل حاجه في تلفون بس احنا لازم نعمل اي حاجه
ذينب...اتصرفو اعملو اي حاجه بنتي هتبات بره بيتها وانتو بتتفرجو علي بعض اطلع انا ادور عليها يعني اتصرفوووو
ليلي..براحه بس اهدي يا طنط ذينب رقيه هترجع ان شاء الله
ملك..طب بقولك يا احمد انتو ماشوفتوش الكاميرات بتاعت الشواع ال مشيت فيها رقيه
احمد..لا وبعدين احنا مش عارفين رقيه بتمشي منين
فاطمه...لا اكيد روان صحبتها عارفه هي كانت بتيجي تاخدها من هنا عالطول وهي ال عارفه اماكن الدروس كانو مع بعض في كل المجموعات
ليلي...طب وانتي مستنيه اي معاكي رقمها
فاطمه..اها معايا
جاسر..لا لا انتي تعرفي بيت روان دي
فاطمه..اها طبعا عارفاها
جاسر..طب تعالي معايا
ملك واحمد..استنو احنا جاين معاكم
ليلي..وانا كمان جايه معاكم
جمال..انتو هتروحو فين يا ولاد دي الساعه داخله علي عشره زمان كل الناس هينامه في بيوتهم
ليلي...لسه بدري يا عمي والناس لما يعرفو ان الموضوع كبير كدا اكيد هيرجعولنا كاميراتهم
عبدلله..طب روحو يا ولاد وطمنونا اول بأول ماتسبوناش كدا
وخرجو كلهم ركبو عربيتهم وطالعه علي بيت روان زميله رقيه
وعند رقيه بعد ما ضربت معتز علي دماغه وقع معتز عالارض وفضل ينزف دم وكانت واقفه رقيه مكانها مصدومه من المظر
وسابته واقع عالارض وجريت بسرعه علي باب الشقه وبقت وحاولت تفتحه بس معرفتش كان مقفول بالمفتاح دخلت وفضلت تدور عالمفتاح ومالقتهوش حاولت تفتح شبابيك الشقه كلها بس معتز كان عامل حسابه ومقفل كل الابواب والشبابيك كويس
رجعت تاني رقيه عالاوضه ال واقع فيها معتز وكان شبه ميت ونزلت عنده براحه وكانت مرعوبه وبقت تدور في جيبو عالمفتاح ولقيته في جيب بنطالونه اخدته وطلعت تجري علي باب الشقه وفتحت الباب بس واقفت فجأه واعدت تفكر
رقيه...طب انا هسيبو كدا انا خايفه يكون مات واشيل انا ذنبه اعمل اي بس يا ربي ورجعت رقيه تاني عالاوضه ومسكت ايده عشان تقيسله النبض لقيته بطئ جدا اترعبت بزياده طلعت تلفونه بسرعه من جيبو واتصلت بالاسعاف وراحت بسرعه عالمطبخ وجابت البن وبقت تحطهولو عالجرح عشان يبطل ينزف ويادوبك عشر دقايق والاسعاف وصلت واخدو معتز وطلعت معاهم رقيه وكانت بتحاول تهرب بس معرفتش وبتوع الاسعاف صممه انها تركب معاهم وراحو عالمستشفي
وصل جاسر واحمد والبنات بيت زميله رقيه واخدوها معاهم عشان يعرفه السكه ال بتمشي منها رقيه ويعرفه مكان المدرسه اللي كانت ريحاله وعرفو فعلا السكه ال بتمشي مني عالطول وفضلو متابعين الكاميرات لحد لما وصلو لكميرا من الكميرات وشافو رقيه ماشيه في الشاره ده هي وواحده بس عادت الشارع بتاع الدرس ودخلت شارع تاني
روان...اي ده ليه رقيه دخلت الشارع ده
ملك..مهو يمكن كانت رايحه تصور ورق او تجيب حاجه
روان ..لا لا الشارع ده اصلا مافهوش اي محلات مفهوش غير بيت مهجور وارض زراعيه
ليلي..طب مافيش اي كاميره تخلينا نشوفها بعد ما دخلت الشارع ده راحت فين
احمد..تقريبا في كاميرا في الوش ممكن تخلينا نشوف الشارع من اوله
ملك..طب يلا نشوفها بسرعه قبل ما صحاب المحلات يقفله
وراحو عند صاحب المحل وفعلا شافو الشارع من اوله وشافو رقيه واقفه مع صحبتها كأنها مستنه حد ووصلت عربيه وركبت فيها رقيه لوحده ومشيت والبنت ال معاها رجعت تاني
فاطمه...اي ده
جاسر..ازاي ركبت العربيه معاه بالسهوله دي
ملك..لا اكيد في حاجه احنا مش سامعين حاجه ولا عارفين مين اللي في العربيه ممكن يكون حد نعرفو ركبت معاه
فاطمه..لا تقريبا مافيش حد نعرفو خالص عنده نوع العربيه دي
جاسر...ممكن لو سمحت تعمل زووم عاوزين نشوف رقم العربيه ونشوف البنت ال معاها من قرب
واخدو رقم العربيه وصوره البنت وطالعه علي قسم الشرطه عشان يبلغو بكل شئ وعشان يجيبو البنت ال كانت معاها
فاطمه..يعني انتي مش عارفه مين البنت دي يا روان
روان ..مش عارفه بس حاسه اني شوفتها في المدرسه قبل كدا
احمد..يلا يلا عشان نروحك يا روان
وعند رقيه كانت اعده مستنيه الدكتور يطلع من عند معتز عشان تتأكد انه محصلوش حاجه وتمشي عالطول
والدكتور كان عند معتز هو والممرضه وربطوله الجرح اللي في راسه وكان فاق معتز
معتز..انا مين جابني هنا فين رقيه فين البنت ال كانت معايا وسعو كدا
الدكتور ..اهدا بس خلاص اهو احنا ربطنالك الجرح والحمد لله البنت ال كانت معاك لحقتك
معتز..هي هي ال جابتني هنا
الدكتور...اها
معتز...طيب هي راحت فين
الممرضه ..هي واقفه بره وقلقانه جدا يكون حصلك حاجه ومبطلتش عياط انا هطلع اطمنها
معتز...لا لا بلغو الامن خلوهم يمسكوها دي هي ال ضربتني الحقوها قبل ما تهرب
الدكتور...معقوله طب بلغي الامن بسرعه واوعي الا تهرب
الممرضه..حاضر حاضر
رقيه..لو سمحتي ممكن تطمنيني عالحاله ال جوه
الممرضه ..دقيقه وجيالك وراحت الممرضه بسرعه تنده عالامن
وخافت رقيه وحاسيت ان في حاجه غريبه بتحصل ونزلت بسرعه من السلم عشان تهرب وجايه تجرب من باب المستشفي لقت الامن بيمسكها
رقيه..في اي انتو مسكني ليه كدا
الممرضه..ممكن تيجي معانا لو سمحتي انتي لازم يتعملك محضر اتفضلي
رقيه..لا لا صدقوني انا مظلومه ده هو ال خاطفني ابعده عني
وراحو بيها علي اوضت معتز ودخلوها عنده
معتز ..ممكن تسبوها وتخرجو
الدكتور..احنا هنبلغ حد من القسم يجي يعمل معاها محضر
معتز..طب ممكن تسبونا شويه
وخرج الدكتو وال معاه وسابو رقيه
معتز...قربي هنا قربيييي
رقيه..سبني امشي ابوس ايدك يا مستر معتز سيبني امشي اهلي زمانهم هيتجننه عليا
معتز...انا كنت هموت بسببك ليه عملتي كدا
رقيه..عاوزني اعمل اي واحد خاطفني وعاوز يتجوزني بالعافيه اي افرح وارقص وعلي فكره واحده غيري كانت سابتك سايح في دمك وكانت هربت
معتز..طب وانتي ماهربتيش ليه ولا صعبت عليكي او ممكن تكوني حبتيني
رقيه..احب مين يا مجنون انت وبعدين انا لقيتك بتفرفر عشان كدا لحقتك عشان مافضلش شايله ذنبك بس مش اكتر
وقام معتز من مكانه وشال المحلول ال محطوطله ومسك دماغه وكانت وجعاه جامد وقام وراح علي رقيه وكان هو بيقرب منها وهي بتبعد هو يقرب وهي تبعد لحد اتخبطت في باب الاوضه وجايه تفتح الباب عشان تخرج مسك ايدها
معتز..هنمشو مع بعض يا روحي ومسك ايدها جامد وفتح الباب وخرج
الدكتور..انت ازاي تقوم من مكانك يا استاذ معتز انت جرحك مش سهل
معتز..انا لازم اعمل خروح
الدكتور ..طب والبنت دي
مشي معتز من قدام الدكتور وراح علي الحسابات وحاسب واخدها وطلع من المستشفي وكان مسكها من ايدها جامد وبيشدها وهي عماله تعيط وبتشد ايدها من ايده وهو مسكها جامد وماكنتش عارفه تتصرف وركبو تاكسي وطالعه عالشقه تاني
رقيه..سبني بئا سبني اوعه ايدي وجعتني
معتز..انسي اني اسيبك يا عمري
ووصلو عند العماره وطلعه ودخلو الشقه وزقها معتز ودخل وقفل الباب ووقعت رقيه عالارض
معتز..الو اي ي يا باشا عاوزكم تيجو دلوقتي لا لا مش بكرا احنا هنكتب الكتاب دلوقتي بسرعه
رقيه...لا لا مستحيل ده مش هيحصل لو علي موتي وطلعت رقيه تجري عالاوضه ال كان واقع فيها معتز ومسكت الازاه ال كانت مكسوره ولسه بتقطع بيها شراينها لقت معتز شد ايدها واخدها منها وراماها عالارض وفضل يضرب رقيه بالالم لحد ما وقعت عالسرير وفضلت تعيط بطريقه هيستريه
وقام معتز لما الازاز وراماه ورجع تاني لرقيه واعد جنبها وهي كانت اعده عالسرير ومقرفسه رجلها وحطها راسه علي روكبتها وعماله تعيط
معتز..ممكن تهدي انا اسفه وحياتك ما هتتقرر تاني ولا همد ايدي عليكي بس غصب عني عاوزه تموتي نفسك يا رقيه عاوزه تسيبيني ده انا ماليش في دنيا كلها غيرك انتي ال انا ابتديت اعيش من اول وجديد عشانها بعد موت ابويا وامي ماتسبنيش لو سمحتي انا بحبك بجد انا هموت لو بعدتي عني يا رقيه انا كان نفسي اتقدملك ونتجوز وكل حاجه تكون قدام اهلك بس انتي اللي خلتيني اعمل كدا مستحيل اشوفك مع واحد غيري
رقيه...هو بالعافيه الجواز بالعافيه يا اخي انا مالي بظروفك انا مااالي قلتلك انا مابحبكش انا بحب واحد تاني وهو بيحبني وكنا هنتجوز في بنات كتير اوي كانو بيتمنو تبصلهم في المدرسه ليه ماحبتش واحده فيهم ليييه انا ليه
معتز...انتي ال حبيتها من اول ما شوفتها انتي اللي اتخيلتها مراتي وام عيالي
رقيه...يعني هو الحب والجواز بالعافيه وعشان ماوفقتش ولا ببدلك نفس الاحساس تخطفي انت شايف ان ده كله صح
معتز..هتحبيني وهتوافقي علي جوازنا لان انا متأكد ان مافيش حد هيحبك ادي واكيد هتحبيني زي ما بحبك
رقيه...مش بقولك مجنون مجنووون
معتز..لما نشوف انا هقوم اطلب اكل غير ال باظ وهمسح الدم ده
عقبال ما تقومي تغيري هدومك وياريت تسمعي الكلام وبلاش عند
وعند بيت عيله التهامي الكل كان مصدوم من ال سامعوه
ملك...في اي يا جماعه اكيد في حاجه مش مفهومه في الموضوع وهنعرفو
جمال..يارب استرها ياارب وما يكون ال في دماغي صحيح
ذينب...هو اي ال في دماغك يا بو زين انا مربيه بناتي احسن تربيه وعارفه عنهم كل حاجه وكلنا عارفين ان رقيه بتحب محمد ابن اختك وهو بيحبها من زمان
جمال..استغفرك واتوب اليك ياارب لا حول ولا قوه الا بالله
علي وصول عمتهم مريم ومحمد
مريم..اي ال انا سامعته ده يا جماعه في اي اللي البلد كلها بيحكو في ده صحيح
محمد..هو في اي يا خالي ما حد يرد رقيه فين
وحكت فاطمه كل شئ لمحمد وعمتها
وقامت رقيه دخلت الحمام وغسلت وشها وبصت في المرايه لقت فستانها مقطوع من الكم وكله دم طلعت فتحت الدولاب لقت في فساتين كتير وجزم وطرح اخدت فستان بالطرحه بتعته ودخلت لابسه في الحمام ورجعت اعدت مكانها وبتبص عالارض لقيتها مليانه دم راحت تدور علي حاجه تمسح بيها الارض بس مالقتش غسلت فستانها وعصرته واخدته تمسح بي ونضفت الارض كلها من الدم
ودخلت الحمام تغسل ايدها دخل معتز بالشرشوبه عشان يمسح الارض لقي رقيه طالعه من الحمام والارض نضيفه
معتز...انتي مسحتي الارض ليه كدا انا كنت جاي امسحها مسحتي بأي بصتله رقيه وماردتش عليه
معتز..ماترديش براحتك اتفضلي الاكل اهو ياريت تاكلي انا ماكلتيش من الصبح اها وعلي فكره انا اجلت كتب الكتاب لبكرا تكوني هاديتي شويه انا رايح انام ويااريت ماتعمليش اي حركه غدر تاني ماشي يا حببتي تصبحي علي خير
راحت رقيه اعدت عالسرير وماردتش عليه بردو
وخرج زين من الاوضه وقفل الباب بالمفتاح ورقيه بقت مش عارفه تتصرف ولا عارفه تفكر وفضلت اعده تعيط
وعاده اليوم والكل في بيت عيله التهامي اعدين زي ما هما محدش فيهم نام علي خبط الباب لقو عيله عبد الحكيم جاين كلهم سمعو بالخبر وجاين يطمنه
ام اسراء...اي الكلام ال بيدو في البلد ده يا ذينب فين رقيه احنا اخر من يعلم كدا
عبد الحكيم...طمنونا يا جماعه اي الحكايه
احمد...بيتصلو بيا من القسم
ملك..طب رد بسرعه
احمد...الو ايوا تمام احنا جاين عالطول
ذينب..طمني يا بني في خبر عن بنت عمك
اخمد..بيقولو لقو البنت ال كانت معاها والعربيه راحت عالقاهره ومتابعنها
جاسر..طب يلا انا عاوز اشوف البنت دي
فاطمه.وملك..استنو احنا جاين معاكم
عبدلله..لا لا خليكم انتو يا بنات انا رايح معاهم يلا يا ولاد
جمال...انا جاي معاكم يلا
اسراء ..هو زين معرفش بالموضوع يا جماعه
فاطمه...لا مايعرفش
اسراء...ازاي دي اخته لازم يعرف
ذينب..انا قلتلهم لازم يعرف قالولي لا محدش يقوله
عبد الحميد...ولاد عمها متابعين كل حاجه محدش يتصل بزين كدا كدا كلها يومين وهيجو ماحدش يعرفهم
وعند زين وياسمين صحت ياسمين واخدت دش وصحت زين
زين..لسه بدري تعالي جانبي بس عاوزك
ياسمين..بدري اي بس اساعه تسعه يدوبك قدمنا ساعه عقبال ما نروح هناك يلا قوم
وقام زين اخد دش ولبسو هدومهم ولبست ياسمين فستان طويل بزراير وتحته بنطالو ولبست حجابها
ياسمين..حلو كدا ولا اغيره
زين..ماشي هوافق المره دي عشان نفسك تركبي البيتش باجي بس مش هيتلبس تاني مفهووم
ياسمين..حاضر يا حبيبي
زين..يلا يا البي
ونزلو راكبه العربيه بسرعه وطالعه عالمكان اللي هيتجمعه في عشان يطلعه الرحله وجابو سندوتشات وفطرو وفضلو مقضينها هزار وضحك ودلع وصور
ووصلو عن القسم ودخلو جميعا لقو البنت ال كانت ماشيه مع رقيه واقفه مستنيه تدخل لظابط عشان تشهد
جاسر..انتي اللي كنتي مع رقيه
البنت..اها
العسكري ...ممنوع يا استاذ تتكلمه مع الشاهده
ودخلو جميعا عند الظابط وبئا يسأل البنت علي رقيه
البنت..انا لسه متعرفه عليها السنه دي وكنت انا اعتبر زميلتها المقربه وكانت بتحكيلي علي كل اسرارها وان اهلها غصبنها انها تتجوز ابن عمتها
احمد...اي اللي انتي بتقولي ده يا بنت انتي
الظابط..ممكن تهدو يا اما تتفضلو بره كملي
البنت ..اكمل اقول اي
الظابط..انتي كنتي معاها لما المدرس ده اخدها انطقي
البنت..انا ماليش داعوه بحاجه انا قولت اللي اعرفه
الظابط..تمام بس انتي لو ماقولتيش كل حاجه بصراحه عتتهمي مع المدرس ده انك خطفطيها معاه
البنت ..لا لا هو اصلا رقيه ما تخطفتش رقيه كانت متفقه معاه وهي راحت معاه بمزاجها انا كنت ماشيه معاها ولقبتها دخلت في شارع تاني غير شارع المدرس وفضلت واقفه مستنيه انا بحسبها مستنيه حد من صحابنا بس لقيت مستر معتز ال جاي بالعربيه واعده يتكلمه شويه وبعد كدا قالتلي انا همشي معاه قولتلها ازاي واعدت انصها واكلمها انه ال بتعملو ده غلط بس صممت وسلمت عليا وركبت معاه ومشيت بس وانا راجعت عالدرس وفضلت ارن عليها كتير بس قفلت تلفونها
الظابط..اي رائيكم في الكلام ده
عبدلله...لا طبعا غلط بنتنا احنا عارفنها كويس وهي حكيه كل حاجه لا ختها
البنت ..هي قالتلي انها بتحكي حاجات غلط لاختها عشان محدش يشك فيها
جاسر...انتي كدابه انتي مين ال مصلتك يا بت انتي
عبد الله..ممكن تهدا يا متر مش كدا وبعدين كل ال انتو شوفتو في الكاميرا هي قالته تقريبا ماقلتش كلام تاني غير ال شوفتو في الكاميرا عموما احنا لسه بندور عليها ومتابعين عربيه المدرسه وهنجبوهم لحد هنا بعد كدا هنشوف اي الحقيقه بظبط
وانصدم الجميع من كلام البنت وجمال مانطقش بكلمه الكلام نزل عليه مثل الصاعقه وروحو عالبيت كلهم
ذينب...عملتو اي طمنوني عرفتو مكانها
ملك..البنت قالت اي يا بابا
محمد..يلا يا ماما
مريم ..في اي يا محمد اي ال حصل
جاسر..اي يا محمد انت هتصدق الكلام ال اتقال
محمد...كل حاجه واضحه زي الشمس وتقريبا انتو شوفتو رقيه وهي بتركب العربيه بمزاجها وكانت صاحيه
ذينب...يعني اي حد يفهمني
محمد...يعني الست رقيه كانت بتخدعنا كلنا وهي ال مشيت معاه بمزاجها
فاطمه...لا مستحيل اختي كانت بتحكيلي كل حاجه يا محمد وكانت خايفه منه وانا ال قلتلها اسكتي انا اللي خليتها يحصل فيها كدا يارتني خليتها تحكي لزين وكانت فضحته ماكناش وصلنا لكدا انا السبب انا السبب
احمد..انت اكتر واحد فينا عارف رقيه يا محمد ازاي تصدق كدا يعني انت لما تصدق الكلام ده وتقول كدا الغرب هيقولو اي
مريم...اهدا يا محمد لحد ما نشوف اي الموضوع بلاش الشيطان يلعب في دماغك
وفضل جمال اعد عالكرسي يعيط
وطلعت اسراء في البلاكونه ورنت علي زين بس لقت تلفونه مقفول ورنت علي ياسمين وماردتش وكانت متعصبه كان نفسها تبوظلها فرحتهم
وصحت رقيه علي صوت رن الجرس وبعدها بشويه لقت معتز داخل عليها
معتز ...يلا يا عروسه قومي عشان هيتكتب كتابنا انهارده
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق