روايه على الطراز الغربي للكاتبه سحر سمير لطفي نصار
الفصل التاسع عشر والعشرون والاخير حصريه وجديده علي مدونة نجوم ساطعه
 |
روايه على الطراز الغربي للكاتبه سحر سمير لطفي نصار
الفصل التاسع عشر والعشرون والاخير حصريه وجديده علي مدونة نجوم ساطعه
الفصل التاسع عشر
في القصر
إسماعيل : اتفضلوا اتفضلوا
على بإعجاب : يا المرسي ابو العباد ايه دا كله
سحر : صلى على النبي يا حبيبي
على : عليه الصلاة والسلام بسم الله ماشاء هنعيش هنا
احمد : بإذن الله
سحر : خشوا يالا يالا يا سيف يالا يا نور يالا يا اسلام يا حبيبي
احمد بهمس : هو اسلام مش طايقني ليه
سحر بحده : ليه حق و الله إذا كان انا مش طيقاك هو هيطيقك
احمد : كدا
قاطعهم اسلام بغيره شئ سحر من جنب أحمد
اسلام بحده : ايوا مش طيقينك و كلمه تانيه هنعلقك على باب الفيلا دي دا بعد آذن الراجل الكباره دا
إسماعيل : خدوا راحتكم على الآخر
احمد : كدا يا عمي بتبعني علشانهم
إسماعيل : و ابيع الدنيا كلها دي بنتي لو واخد بالك
احمد : حيث كدا استاذن انا
إسماعيل : اذنك معاك يا حبيبي
إسماعيل معقبا : ااه أحمد ادخل اوضه المكتب و خد الملفات و حضر العقود كلها علشان ننجز
احمد : حاضر يا عمي
سحر : عقود ايه
احمد : عقود بيع
إسماعيل : اصل يا بنتي انا قررت اني هكتب لك كل حاجه ليكي انتي و الشركه كمان هتبقى ليكي كل حاجه هتبقى ليكي انتي
سحر بندفاع : ليييه
إسماعيل : علشان تاخدي حقوقك و حقك في ورث امك و كمان انا مش هعيش لك كتير
سحر : متقولش كدا انت ضهري و كبيري
اسلام : و انا روحت فين
سحر : انت سندي يا اخويا و قريتي انا بجد مقدرش استغني عنكم
إسماعيل : حيث كدا يقا يالا نروح نتغدي سوا
على : يالا يا جماعه محدش يتكسف يالا البيت بيتنا كلنا
الكل : ههههههه
قاطعهم دخول كوثر
كوثر بحب : بالحضن يا سحور
و جريت عليها و خدتها بالحضن
سحر بحب : ربنا يخليكي يا حبييتي الا انتي مين
كوثر : أنا ابقا كوثر مرات البقف دا
و شورت على مصطفى
مصطفى بحده : هااا
كوثر : معلش يا حبيبي
مصطفى : ايوا كدا اتعدلي
سحر : هو أنتي اللي كنتي في المصنع لما قولتي عليا حراميه
كوثر : لا يتقطع لساني يا ست البنات دا انتي مرات اخويا و حبيبتي بالحضن
و خدتها بالحضن
احمد بهمس ل مصطفى : كوثر مالها
مصطفى : صبرك
كوثر بحب : هبقا مبسوطه اوي لو قبلتي تتجوزي اخويا العسل الطيب دا
سحر بصت ل إسماعيل تستعيث بيه
إسماعيل : أن شاء الله يا حبيبتي يالا يا جماعه كلنا نتغدي
الغدا جاهز و اهوا يبقى عيش و ملح
سحر : ااه يالا اتفضلوا
عدت الايام و الحياه بقت أجمل من الخيال
سحر بتتعلم القراءه و الكتابه و بتاخد دروس في الاتيكات و اسلوب الحديث و طريقه الاكل و الشرب و طريقه المشي
و اسلام و مازال و مصر على شغله في الورشه
و طبعا بعد ما إسماعيل بيه فتحالوه و جهزها له بأحدث الأجهزة
نور دخل مدرسه خاصه و سيف حصانه لغات
احمد بداء يفهم طريقه تفكير سحر و سحر بداءت تعجب بيه بعد ما اكتشفت انه مش ولد فافي و انه ابن بلد و عارف الأصول
و طبعا كل ما أحمد يحاول يتقرب من سحر في عقبه كبير منعاه الا وهي اسلام
اسلام بيغير على سحر حتى من ابوها إسماعيل
الكل اتغير و حياته اتغيرت للأحسن الا ياسر
اتلم على شبه صايعه و بقاا بيروح الكباريهات و يشرب مخدرات و خمره ما الفلوس بقت في ايده
على قد ما كانت الحياه حلوه ايام شقاهم رغم فقرهم على قد ما باظت الحياه في وقت غناهم
في يوم عيد ميلاد أحمد
سحر : ظبطوا كل حاجه علشان خاطري عاوزه الزينه تطلع حلوه
العمال : حاضر يا فندم
اسلام : برضوا عملتي اللي في بالك
سحر : معلش يا اسلام علشان خاطري
اسلام : حنيتي يا كوريا قلبك مال يا بت
سحر بخجل و شها احمر : متكسفنيش بقاا
اسلام : خلاص يا كوريا طالما ارتحتي له و قلبك مال يبقى اعملي اللي انتي عاوزاه و انا معاكي
سحر بحب : حبيبي يا خويا
إسماعيل : الله ايه الجمال دا كله
سحر : حبيبي يا بابا ربنا يخليك لينا يارب
إسماعيل : يا بخته و الله يا سحور
سحر : مين
إسماعيل : اللي حضرتي له كل دا
سحر بخجل و شها أحمر
سحر : اروح اتأكد على الأكل
و طلعت جري
إسماعيل : هههههه
اسلام : ههههه
إسماعيل بحب : أنت شايف ايه يا حبيبي نوافق و نجوزهم ل بعض
اسلام : طالما ابن حلال و هي موافقه يبقى انا اكيد مش هوقف سعادتها
إسماعيل : انت شايف كدا
اسلام : انا اول مره اشوف كوريا بالحال دا رغم أنها شافت كتير بس اول مره احس انها بتحب بجد
إسماعيل : خلاص على بركه الله
سحر دخلت المطبخ و اتأكدت من كل حاجه و قالت هتطلع تجهز نفسها
طلعت من المطبخ و لسه هتمشي لقت ياسر بيتسحب على برا
سحر بحده : رايح فين
ياسر بارتباك : ك كوريا
سحر بحده : ايوا كوريا بقالك كام يوم مش عاجبني انت رايح فين
ياسر بارتباك : هاا
سحر : ااه استعبط عليا
ياسر : رايح الورشه لان اسلام نسي نسي
سحر بحده : نسي ايه
ياسر : نسي التليفون
سحر : ااه تب ماتتاخرش
ياسر : حاضر
في المساء
عند احمد
احمد : يا كوثر يا كوثر
مصطفى : كوثر روحت من زمان
احمد : ليه
مصطفى : علشان انا قولت لها
احمد : و الله بجد
مصطفى : امال
احمد : و الله ما بقيت فاهمها اتغيرت اوي معدتشي زي الاول بقت غريبه اوي معدتشي بتزعق و لا تشتم و بقت بتسمع كلامك اوي انت عملت لها ايه سحرت ليها
مصطفى : عيب عليك دا انت معاك الشيخ مصطفى ل تحنين قلب الزوجه و سماع صوت زوجها
احمد : ههههه هههه بجد
مصطفى : طبعا يا بني انت مش شايف التغيير يالا يالا ل حسن عمي إسماعيل اتصل و عاوزك ضروري
احمد بندفاع : سحر كويسه
مصطفى : ااه متخافش هي كويس بس هما عاوزينك ضروري
احمد : تب يالا
في الكباريه
ياسر بيرقص مع واحده و المزيكا عاليه
إلبنت : بيبي تعالا يا بيبي
ياسر : عاوزه ايه يا حياتي
قاطعه زيكوا
ياسر : انت جيت يا زيكو
زيكوا : نورت با زمكس هاااه جبت المعلوم
ياسر وهو بيحط قدامه الفلوس
زيكوا : امسك الحقنه دي هتعملك دماغ عاليه اوي
ياسر : بجد
البنت : يالا نجرب يا بيبي هيهييي
ياسر : حلاوتك يا جامد هههه
خد منه الحقنه ومشى هو و البنت اللي معاه
عند سحر
سحر بقلق : اتاخر اوي هو محدش اتصل على أحمد يا جماعه
إسماعيل : متخافيش يا بنتي هو جاي مع مصطفى حالا
سحر : لا انا مش مطمنه
قاطعه صوت مصطفى : يا اللي هناااا
سحر بندفاع : جم جم بسرعه اقفلوا الأنوار بسرعه
الكل قفل الأنوار و استخبوا
مصطفى : يا اللي هنا
احمد : جرا ايه يا بني معلي صوتك كدا ليه
مصطفى : متشغلش بالك خش
احمد و مصطفى دخلوا
احمد : الدنيا ضلمه كدا ليه يا سحورتي يا عمي يا اللي هنا
فجأه النور نور و اترمي عليه ورد
سحر بحب : كل سنه وانت طيب
احمد بفرحه : و انتي طيبه ياروحي هو ايه النهارده
مصطفى : عيد ميلادك يا ابو نسب ههههه
احمد : بجد انتي عملتي كل دا علشاني
سحر من الخجل طلعت تجري
احمد طلع وراها
احمد بحب : رايحه فين بقاا ما خلااص
سحر بارتباك : خلاص ايه
احمد بحب : شوفت الفراوله
قاطعهم اسلام : كل سنه و انت طيب يا حاج أحمد يالا نطفي الشمع
احمد بحب : يالا يا سحورتي
سحر : ثانيه واحده انا عامله لك مفاجأه انت كمان يا اسلام
اسلام : ايه
سحر بحب : غمض عينك
اسلام غمض عينه
سحر : يالا يا جماعه
1
2
3
هوب
فتح عينه لقى ميرفت في وشه
ميرفت بحب : انا بحبك يا اسلام
أسلام : و انا كمان
اسلام خدها في حضنه و شالها و لف بيها
سحر : ايوا كدا و صقفت لهم
فجأه لقت أحمد شالها
سحر بارتباك : اي اي دا اي اللي بتعمله
احمد : يعني ليهم حلال و لينا حرام
و شالها و دوخها
اسلام نزل ميرفت : ثانيه واحده يا حياتي
و طلع جرى مسك أحمد من قفاه
اسلام : بتستغفلني ياض
احمد : و الله
سحر : خلاص يا خويا
اسلام : خلاص ايه و انتي فرحانه انه شالك دا انتي حسابك معايا
سحر : ليه بس
اسلام مسك أحمد من لياقته : لا لا انت لازم تتربي
سحر : خلاص خلاص
قاطعها صوت تليفونها
سحر سابتهم و مشيت خطوتين بعيد عنهم
سحر : ايوا يا عم مرعي
عم مرعي :..........
سحر بصدمه : اييه
و...........
روايه : على الطراز الغربي
للكاتبه : سحر سمير لطفي نصار
الفصل العشرون
سحر : خلاص خلاص
قاطعها صوت تليفونها
سحر سابتهم و مشيت خطوتين بعيد عنهم
سحر : ايوا يا عم مرعي
عم مرعي :..........
سحر بصدمه : اييه
و وقعت فاقده للوعي
اسلام : لا انت عاوز تتربي
احمد بلهفه : سحررر سحررر
و طلع يجري عليها
اسلام : كوريا كوريا
إسماعيل : بنتي ماالك ايه اللي حصل
احمد بلهفه : حد يجيب مايه يا جماعه سحرر سحرر
بسرعه كانت المايه في ايده
و احمد بيحاول يفوقها
على شال تليفونها من على الأرض و كان صوت حد
عم مرعي : الو الو يا ست هانم يا ست هانم انتي كويسه
على : في ايه
عم مرعي : الست هانم فين حصلها حاجه
على : انت قولت لها ايه
عم مرعي : ياسر بيه واقع قدام كباربه لوليتا و مفيش نفس له
على بصدمه : ايييه
احمد : سحررر سحررر
سحرر بخمول : ياسر يااسر اخويا
احمد بحب : حبيبتي انتي كويسه
سحر بدموع : اخوياا اخوياا يااسر اخوياا
حاولت تقوم و اتحاملت على نفسها
احمد : براحه بس في ايه
سحر بدموع : اخوياا يااسر
اسلام خدها في حضنه : اهدي في ايه مالك
على : اسلام يااسر واقع قدام كباريه لوليتا و مفيش نفس له
اسلام بصدمه : ايييه
عند عم مرعي
عم مرعي : يا ياسر بيه فوق يا ياسر بيه
اتصل بالأسعاف و لا اعمل ايه
قاطعه العربيه اللي وقفت قدامه
سحر بسرعه نزلت : يااسر اخوياا
احمد راح وراها
سحر بدموع : يااسر فوق يا حبيبي فوق يا اخويااا
و بتحاول تفوقه مفيش نتيجه
احمد شدها و اسلام بسرعه شاله هو و على و دخلوه العربيه
و احمد و سحر ركبوا العربيه
و بسرعه راحوا على المستشفي
في المستشفى
الكل بيجري على ياسر دكاتره داخلين و ممرضين خارجين و محدش عارف ايه اللي بيحصل
انا مش سامعه حاجه حاسه اني شيفاهم بس من بعيد مش مستوعبه اللي بيحصل حاسه اني بتفرج على فيلم أو مسلسل
و فجأه الدكتور خرج
جريت عليه زي المجنونه
دكتور اخويااا ماله ياسر ماله يا دكتور
الدكتور : البقاء لله
رجعت خطوتين و انا مش مصدقه و حاسه اني هقع من طولي مش عارفه اقف و قعت و احمد مسكني و بيحاول يفوقني
انا فايقه انا معاهم بس مش سامعه حاجه قلبي وقف و بقيت عاجزه عن اني حتى احرك لساني أو رجلي أو ايدي
و واحده و احده النور بيطفي و واحده واحده مفوقتش على حاجه
فوقت بعد مده و انا بصوت و بقول : لاااا لاااا
قومت و انا بحاول اتنفس و اخد نفسي : ياما ياما كابوس كابوس استغفر الله العظيم يارب استغفر الله العظيم ياارب
احمد بلهفه : انتي كويسه
على بدموع : كوريا
رديت : ياسر فين هااه انا مشوفتوش ياسر فين
على بدموع : اهدي يا كوريا
رديت و انا بداءت احس ان اللي حصل مكنشي حلم : لاا لااا اخويا فين هااه
احمد و قد غورقت عيناه بالدموع : ميعزش على اللي خلقه
سحر بانهيار : ايييه اخويااا
زقيت الغطا و شلت المحاليل و نزلت امشي كل ما امشي خطوه أقع ياااااسر ياااااسررررر اخوياااا
قومت ووقفت و همشي و قعت تاني
احمد جه قومني و سندني
و انا بصوت اخويااا لاااااااا
دخلت اوضه اللي جانبنا في المستشفى ليقت واحد مغطين غطا ابيض عليه مغطى وشه
اتجمدت في مكاني : انا بحلم صح ااه انا بحلم لاااااااا
احمد بدموع : اهدي يا سحر
زقيته و لسه بمشي خطوتين علشان أقرب و اشوف دا مين وقعت
احمد بلهفه : سحررر
قومت و انا بزقه وروحت جنب الجثه إللي قدامنا
بشد الغطا لقيت ياسر
دموعي نزلت اكتر و مبقتش عارفه انطق دا دا دا دا اخويا دا يااسر اخوياا لااااااااا
قعدت جنبه و انا بشد فيه و احركه : قوم يا ياسر قوم و قول لهم انك كويس قوووم
لاااا هتقوم ايوااا انت كويس
قوووم يا ياسررر
يااسر قوم علشان خاطري انا
انا كوريا اختك
اختك القصيره حبيبتك ازعتك
قوووم يا ياسر
لااااا انت هتقوم و الله العظيم لو ما قمت انت حر و انت عارف كوريا
لااااا رد عليا
بقيت بحرك فيه و بضربه
لااااا انت هتقوم اااه ايوا قووم و انا و الله ل اعمل لك اللي انت عاوزه
تب قوم و انا و الله العظيم ما هزعلك و اعمل اللي انت عاوزه مني
قوووم يا ياسرررر
بقيت بتكلم بهستريه و بضرب فيه و مش بيتحرك
احمد بانهيار بيحاول يشدني : خلاص يا سحررر
رديت بانهيار : لااا مش خلااااص هو عااايش عااايش ياسررر
احمد انا مش عاوزه أملاك مش عاوزه فلوس مش عاوزه اي حاجه خدوا كل حاجه و رجعوا لي ياسر
ابوس ايدك
رجع لي اخويا
مين قال اني سحر
لاا انا كوريا كوريا بنت المعلم سيد و أخت المعلم اسلام و المعلم ياسر
رجعوا لي اخويا ارجوووك
انا عاوزه ارجع مش عاوزاكم انا عاوزه ارجع مع خواتي على بيتنا و بيت المعلم سيد و اخويا ياسر يجي معايا
يالا يا ياسر علشان خاطري يالااااااا
ارجوك رجع لي اخويااا
عدي يوم و تاليه الايام لغايه ما عدت سنه على موت يااسر
سحر فيها كانت بتتعالج عند دكتور نفسي
لأن بموت اخوها جالها اكتئاب و حاولت تنتحر اكتر من مره و احمد و اسلام كانوا بينقذوها
مبقتش قادره تعمل اي حاجه في حياتها رغم محاولات الكل انهم يرجعوها ل حياتها
و لكن هي كانت رافضه الحياه و العيشه كلها
ساعات بنتمني الموت لأن في حد ذاته رحمه عن الم الفراق
ألم الفراق من أصعب الآلام اللي بتمر في حياه الإنسان
أن يموت حد عزيز عليك دي في حد ذاتها صعب على أي انسان
بيمر بيه
اصلا العقل البشري مبيقدرش يتخيل للحظه أن الشخص اللي كان بيحبه مش هيشوفه تاني
وووووووووووجع كبيييير اوي مهما اتكلم مش هقدر اوصفه
و لا بأي شكل من الأشكال
سحر حست أن خلاص بموت ياسر الدنيا اسودت في عينها لغايه ما اسلام فتح لها شباك للأمل شعاع النور دخل علشان ينور حياتها من جديد
بعد ما اسلام عمل خطته علشان تقدر ترجع ل حياتها
كانت حابسه نفسها في الاوضه زي العاده ورافضه تشوف حد
ماسكه صوره ياسر
وعينها من كتر البكاء و الحزن عليه احمرت اوي لدرجه ان نظرها قل و مبقتش بتشوف زي ماكانت الأول
و صوتها من كتر العياط و الصويت مبحوح
كانت قاعده في أوضتها لغايه ما سمعت صوت صويت جاي من تحت انتفضت و طلعت تجري
و نزلت من علي السلالم لقت سيف و نور و اقعين على الأرض
مبقتش عارفه تعمل ايه و لا تنطق
اسلام بحده : شوفي اخواتك بسببك حصلهم ايه بصي و شوفي يا كوريا
بصي عليهم كويس يا كوريا
جريت عليهم و بشور له ايه اللي حصل
رد و قال من زعلهم عليكي و لا بياكلوا و لا بيشربوا
لقيت أحمد جاي جري و جايب مايه
حاولت افوقهم فاقوا و شربتهم مايه و قولت هاكلهم بأيدي مرضوش الا لما انا اكل
كلت لقمه قدامهم علشان ياكلوا و هما أكلوا و فضلوا في حضني طول النهار
و قررت اني اتغير علشانهم
ووعدت نفسي لو انا بتقطع من جوايا مستحيل أبين لهم لاني بجد مش حمل اني أخسر حد تاني
بداءت اتغير علشانهم ودعت الحزن و بقيت بحاول قدامهم اضحك على قد ما اقدر بقيت بدعي ربنا كل يوم أن ربنا يرحم ياسر و يغفر له اللي عمله
اكتشفت ان الحقيقه حقيقه مستحيل تتغير حتى ولو مكناش قادرين نصدقها و لكن هتفضل حقيقه العمر كله
و ان الفراق صعبه ووجعه عذاب و الالمه انهيار و حقيقته دمااار
لو فضلت تعيط طول عمرك عمرك ما هترجع اللي راح
اللي راح عمره ما هيتنسي لأنه في القلب اللي مستحيل ينسى حد حبه في يوم من الايام حتى و لو مر عليه سنين
مرت الايام و اتجوزنا انا و احمد و ربنا عوضني ب ياسر الصغير اللي وعدت نفسي اني عمري ما ازعله في يوم و اني هربيه احسن تربيه و مش هسمح ل الزمن و ل نفسي اني اعيد ماضي ياسر من جديد
و لسه الحكايه مخلصتش
الحكايه موجوده في كل بيت في كل مكان عند كل إنسان عارف و شايف الغلط بعينه و ساكت
بندم ل حد دلوقتي و بضرب نفسي مليون جزمه بتمنى لو يرجع بيا الزمن و كنت قولت ل اسلام على ياسر و ادمانه
كان ممكن الوضع يتغير كان ممكن ياسر يكون معانا دلوقتي بس العيب فيا خوفت و سكت وادي النهايه اني اتحرمت منه طول عمرى
يا ناس يا بشر راعوا ولادكم و شفوهم متقولش ابني صغير أو بنتي صغيره و لادكم عاوزينكم ترشدوهم و تكونوا صحابهم دايما خدوا بالكم منهم و تبعوهم اول ب اول
و مهما كانت ثقتك في ابنك أو بنتك تابعهم و اعرف أخبارهم علشان متندمش في يوم من الايام
لأن بجد وقتها الندم عمره ما هينفع 💔💔
تمت بحمد الله
روايه : على الطراز الغربي
للكاتبه : سحر سمير لطفي نصار
انتظروا 😍😍
روايه : على الطراز الغربي الجزء الثاني
للكاتبه : سحر سمير لطفي نصار
قريبا 🌸🌸
تعليقات
إرسال تعليق