رواية علي الطراز الغربي الفصل الاول بقلم الكاتبه سحر سمير
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
رواية علي الطراز الغربي البارت الاول بقلم الكاتبه سحر سمير حصريه وجديده علي مدونة نجوم ساطعه
 |
رواية علي الطراز الغربي الفصل الاول بقلم الكاتبه سحر سمير
الفصل الأول
بالصلاه على النبي كدا اعرفكم بنفسي انا كوريا ااه بنت بلد و جدعه و أسد في اي لبش.... بلاش اتكلم عن نفسي كتير و هتعرفوني مع الوقت
انا بنت علي خمس صبيان موعتش على ابويا و لا امي ولا شوفتهم في عمري انا وعيت على اخويا الكبير اسلام اللي كلمته في البيت زي السيف متنزلش الأرض ابدا.... اسلام عنده ٣٣ سنه وانا عندي ٢٢ سنه.... اسلام هو ابويا وهو دنيتي و عائلتي كلها.... مقلكوش عليه حنيه تكفى الدنيا بس دايما شديد و بيداري حنيته في قلبه... ااه ما هو الاب لازم يمسك على ولاده شويه
بردوا
و الله عذراه ربنا يخليهولنا
اااه و بقيت اخواتي صغيرين من الحضانه لحد الصنايع
اعرفكم بيهم في السريع
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
سيف اخويا الصغير عنده ٥ سنين بيروح
الحضانه الحكوميه طبعا و اهوا ماشي... بس دا يعتبر احن واحد في اخواتي و بيحبني موت و بيزعل من اخواتي لما حد يزعلني
اما نور فدا عنده ١٢ سنه في ٦ ابتدائي ربنا يكرمه بيخلص شغل و بيطلع على الورشه عدل ااه راجل و عايز يساهم في البيت زي اخواته
اما على فدا بقى في ٢ اعدادي دا اللي بعتبره اختي مش اخويا ههههههه متفهمونيش غلط هههه بس هو دونن عن اخواتي اللي بيساعدني في الطبيخ و الغسيل و ايده معايا في شغل البيت اول ب اول اااه دا راجل و سيد الرجاله بس بيحبني ومبيحبش يتعبني
نجي بقى لآخر واحد وهو ياسر العندي اللي دايما بيعاندني اقول يمين وهو يقول شمال دايما راسه من راسي متقولش مش اخته و الله ما أعرف دايما عندي و على طول بيعاندني... ياسر في ٢ صناعه و بعد ما يخلص بيطلع مع الشله الوا*طيه بتاعته حموكشا و حنزله و اللمبي.... الواد دا دايما قالقني عليه لان صحابه دول حشا*شين و النبي ل احاول ابعده عنهم بكل قوتي و ربنا في العون
انا بقي اسمي و الله ما عارفه ههههه بس من صغري بينادوا لي كوريا ااه ايوا زي اللي جه في بالكم بالظبط فاكرين مسلسل دلع بنات بتاع كوريا ايوا سموني كوريا علشان انا زيها بالظبط كمن يعني لبسي كله من لبس اخواتي و مسترجله زيها و اهوا اسم الشهره بقى ما انا طافحه المرار و دايقه المر من صغري عارفين سوق الجمعه اهوا انا واقفه هناك ببيع و بكسب من عرق جبيني ااه ببيع بضاعه اسلام بيجبها لي كل سوق و بنقف كل تلات و جمعه ربنا يتوب علينا من ام دي شغلانه
و بقيه الايام بشتغل مع اسلام في ورشته ااه يا اخويا بصلح عربيات و اشطر من اشطر
ميكانيكي في الدنيا اااه امال
كفايه رغي لحد كدا و هتشوفوا بنفسكوا
على أذان الفجر
اسلام بخمول : اااه.. الفجر
اسلام معقب : قوموا يا عيال..... نور.... سيف... ياسر... على .... يالا.... يالا يا ولاد
على بخمول : متسبنا شويه و النبي
اسلام بحده : النهارده الجمعه.... يالا... اتحركوا... بسرعه
و ما أن انهي كلامه حتي قام الكل جري على الحمام
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
اسلام : عيال مبتجيش الا بالتهزئ... أما اروح اشوف كوريا
وراح على غرفتها
اسلام وهو بيخبط على الباب :
كوريا......فوقي... يالا
لا يوجد رد
قعد اسلام يخبط على الباب الا ان جاء له صوتها
كوريا بخمول : حاضر
اسلام : يالا يا كوريا الشغل
كوريا : حاضر
عند الصبيان
الكل قام و بداء يحضر نفسه يوم الجمعه دا دا اهم يوم في الأسبوع كل واحد بينزل السوق و بيبع البضاعه اللي بياخدها من اسلام دا يوم الرزق
اسلام : يا عيال يالا
الكل : خلصنا يا ريس
اسلام : امال كوريا فين
قاطعته كوريا : جاهزه يا ريس
اسلام : علي بركه الله.... عارفين هتعملوا ايه
على : ايوا يا ريس.... انا و انت و كوريا رايحين عند المعلم عرفه ناخد البضاعه
نور : و انا و سيف هنطلع على السوق و نستناكم هناك و نحجز الأماكن
اسلام بحده : لا انتوا تفرشوا الفرشه على ما نجي و تطلعوا البضاعه القديمه بتاعه سوق التلات فاهمين
نور : بس
اسلام بحده : مفيش بس... اطلع معاهم يا ياسر
و جهز الحاجه على ما نجي
ياسر : طبعا يا معلم
اسلام : يالا على بركه الله... توكلنا على الله
في السوق
نور وهو شايل الخشب من ناحيه و سيف من ناحيه : يالا يا سيف انت قداها و قدود
سيف : هو ياسر راح فين
قاطعهم ياسر اللي شالها منهم : علي جنب منك له مش ناقصه عطله
نور : متنساش كوريا تبقى جنبنا
ياسر بحده : اسكت ياض بطل رغي صدعت امي
نور : ماشي يا عم ياسر مش هتكلم بس المهم كوريا تكون جنبنا متعملش زي المره اللي فاتت دي أوامر المعلم
ياسر بحده : اسكت ياض لا الا هكسر دماغك
قاطعهم اسلام اللي داخل بالعربيه
اسلام بحده : خلصتوا
ياسر : ااه يا ريس
اسلام : نزل اختك و بعدين نزل البضاعه
ياسر وهو بيشد في كوريا من العربيه : انزلي
كوريا : اي.. هتقلب
على : براحه عليها
اسلام بحده : واحده واحده على اختك يا دغف.... انت مش شايف العربيه كبيره ازاي و هي قصيره
ياسر وهو بيشيل كوريا من العربيه : تعالي
و نزلها على الأرض
ياسر بحده ل كوريا : اهوا ارتحتي يا ختي
كوريا بحده : صبرني يا رب.... يا فتاح يا عليم
اسلام بحده : تعالي هنا يا كوريا
كوريا : حاضر يا خويا
اسلام بحده ل علي و ياسر : نزلوا البضاعه يالا
ياسر : وهي متنزلش معانا ليه على ايديها نقش الحنه
اسلام بحده : بقى البنت هي اللي تشتغل و انت توقف دغف ياض بص ياض العربيه عاليه ازاي يا دغف... و اختك قصيره..... اشتغل ياض من غير رغي
و نزلوا البضاعه و كل واحد قعد في مكانه مستني قدوم الناس
بعد مرور ساعه
الناس بداءت تهل و بكميات
كوريا : قرب قرب...بعشرين جني اي بنطلون عشرين جني.... قربي يا انسه... قربي يا مدام
يالا قرب قرب..... يالا يا انسه يالا يا مدام
بعشرين جني
الزبونه : بنطلون دا مش بعشره
كوريا : عشره ايه يا ما دا ميجيش تمنه.... اتكلي يا ما
الزبونه : دا انا هاخد جمله
كوريا : الجمله زي القطاعي يا ما
الزبونه : بس قدام بعشره
كوريا : مش نفس الخامه ياما حتي شوفي
الزبونه : لا هي العشره
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
كوريا : مش عندي يا ما
الزبونه : لا عندك و هاخده و بعشره
كوريا بحده : نعم نعم يا دلعدي هو انتي هتمشيني على مزاجك لا يا اما اسعارنا قولناها و معندناش فصال عايزه تاخدي تاخدي مش عايزه طريقك يا ختي يالااا
الزبونه : خلاص خلاص هاخد
كوريا : خدي يا ختي
نور : في حاجة يا كوريا
سيف : حد ضايفك
كوريا : خشوا جوا يا لا
عند اسلام
اسلام : قرب قرب..... اي فنله بعشره اي كلسون بعشره قرب يا باشا قرب يا بيه... حطمنا الأسعار و اكزيون......قرب قرب
و الناس اتلمت عليه يشتروا منه
عند علي
على : عندنا عندنا و مش عند أي حد.... اسعارنا نار و هناكل الجو... يالا يا بشر... اي تشيرت رجالي ب ٢٥....و خلي الفقير يدلع يالا يا بشر... افرح يا بيه ب ٢٥ يالا....قرب يا شاب... قربي يا وليه هاتي ل جوزك عندنا مش عند ام ننوسك... و يالا
ياسر : بخمسه و عشرين.... و قرب قرب..... بخمسه و عشرين... خمسه و عشرين... خمسه و عشرين.... خمسه و عشرين.... و يالا
و الناس اتلمت حواليهم
عند كوريا
كوريا : قرب قرب
قاطعها كريم : قربت اهوا
كوريا بحده : عايز ايه يا كريم..... خليك في فرشتك احسن لك
كريم : مش هتحن يا جميل.... شاريك بالغالي يا قصير انت
كوريا بحده : اخفي ياض لحسن و اقسم بالله هفرج عليك السوق
نور وقف قدام كوريا
نور بحده : متمشي ياض
كريم وهو بيلعب في وش نور : اخوكي دا يا كوريا قمر... قمر
نور بحده : ابعد يا ابن الكلب
كريم : هههه.... مش بقولك قمر
كريم معقبا : متحن يا جميل بقى.... دا انا اعجبك
كوريا بحده : نعم نعم يا خويا...يا شايب يا عايب يا اللي متسواش في سوق الرجاله تلات ابيض يا كلب يا ابن الكلبه يا هايف يا ابن الهيفه يا عبيط يا ابن العبيطه يا جاموس يا ابن الجاموسه و شوووووبش
كوريا بحده معقبه : يالا يا دلعدي احسن ما امسح بيك بلاط السوق
كريم بحده : انتي زوتيها اوي يا كوريا
كوريا بحده : علي الله تتلم
كريم بحده : و ديني لوريكي
و قرب منها و لسه هيمسك ايديها
مسك ايده اسلام بحده : عندك.... تمد ايدك على
اختي يا ابن الكلاب
كريم بصدمه : اسلام
اسلام بحده : ايوا اسلام يا ننوس... بتتهجم على اختي في غيابي ياض
كريم : بحبها يا معلم و طالب القرب
اسلام بحده : قلت قبل كدا ميت مره و قلت لك مش عايزينك مش موافقين.... هو اللي نعيده نزيده
كريم بحده : و انت مالك انا عايز اسمعها منها
اسلام بحده : اممم انا فعلا مالي
وادي له بالدماغ
عند المعلم سيد
محمد بندفاع : يا معلم... يا معلم.... الحق يا معلم
المعلم سيد : ايه ياض
محمد : المعلم كريم بيتخانق
المعلم سيد بحده : ايه........ انجرا ياض نادي للرجاله قولهم يجبوا السلاح دي هتبقى مجزره النهارده
يا ترى ايه اللي هيحصل؟؟
و اسلام هيسكت؟؟
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق