رواية لثام الخلود بقلم الكاتبه نسرين خالد الفصل الثامن حصريه وجديده علي مدونة نجوم ساطعه
 |
رواية لثام الخلود بقلم الكاتبه نسرين خالد الفصل الثامن حصريه وجديده علي مدونة نجوم ساطعه
احمد: لا يا ندى لازم الكل يعرف انى افلست قبل موت خالد اخويا و لولا الوصيه انى اكون مسؤل عن الشركه و المرتب ال خالد حددهولى بنفسه فى الوصيه كان زمانى بمد ايدى اخد الصدقه
خلود: ليه كده يا عمي ايه اللي انت بتقوله ده وحتى لو بابا ماكانش كتب انك انت مسؤول عن الشركه استحاله كان يحصل اللي انت بتقوله
جومانا: يعني ايه الكلام ده ازاي يا بابا بتقول ان انت افلست طيب ازاي احنا ماحسيناش بكل ده
احمد: لان عمكم خالد الله يرحمه كان عامل كل الترتيبات ان ماحدش يحس بحاجه...... دلوقت كل واحد يشوف رايح فين وما حدش يرجع يتكلم في الموضوع ده تاني
جايدا: حاضر يا بابا..... وانا باتاسف لك يا خلود
خلود: لا يا جيدا ما فيش اسف بينا انتى برده اختي اللي اكبر مني
يتحرك كل واحد يروح على شغله و تروح خلود على المقر.... تدخل خلود المقر زي كل يوم وتروح على مكان تدريب فريق الليل
خلود: السلام عليكم ورحمه الله وبركاته
الفريق: عليكم السلام ورحمه الله وبركاته
حبيبي: ايه اخبار كتفك يا خلود
خلود: تمام الحمد لله يعتبر خف خلاص
حبيب: ازاي خف يا خلود الاصابه كانت امبارح مش من شهر
خلود: ما دي فائده ان يكون عندك مخترع وباحث للادويه في بيتك
حبيب: يعني انتى بجد كويسه
خلود: يعني تحب اشتبك معاك واهزمك عشان تصدق
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اتفضلوا من هنا
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
حبيب بضحك: لا لا شكراً مش عايز اتهزء قصاد باقي الفراق
خلود: المهم ايه الاخبار
حبيب: المقدم رحيم موجود في التحقيقات وجاى دلوقت يقولنا على الاخبار كلها
وفي وسط الكلام يسمعوا صوت من وراهم بيقول فريق الليل اجمع وده بيكون صوت رحيم
رحيم: مبارك عليكم النجاح يا وحوش
الفريق: الله يبارك فيك يا قائد
رحيم: التحقيقات لسه شغاله بس اللي اقدر ابلغهلكم ان النتائج مبشره
الفريق: الحمد لله
رحيم: ودلوقت اعرف ايه اللي حصل ل زميلكم الجديد كريم وليه ماجاش مكان الفريق اول ما وصل
حبيب: ممكن اتكلم يا قائد
رحيم: اتكلم
حبيب: ايه رايك يا قائد في اللي يغلط فى واحد مننا ويستهزئ به
رحيم بعصبيه: يبقى ما نتوش رجاله لو ما جبتوش حقكم
حبيب: وده اللي حصل يا قائد... النقيب كريم استهزئ بالملثم وكان لازم يترد عليه وانا مارضيتش اتقل عليه يا دوب فسحته شويه
رحيم بشبه ابتسامه: يبقى انت عندك حق يا حبيب... نقيب كريم
كريم: افندم يا قائد
رحيم: اظن دلوقت مفهوم سبب الاستقبال اللي حصلك
كريم: مفهوم يا فندم
رحيم: ودلوقت يا ريت تعرفوا كريم على نفسكم بما انه هيكون اخ جديد ليكم
خلود: اهلا يا سياده النقيب انا رائد طبيب خلود خالد ولقبي الملثم
حبيب: اهلا يا سياده النقيب انا رائد مهندس حبيب المصطفى ولقبي العقاب
مصطفى: اهلا يا سياده النقيب انا نقيب مصطفى زكريا ولقبي الساحر
رحيم: و فى كمان نقيب وليد ابراهيم ولقبه المهرج بس واخذ اجازه.... وانا المقدم رحيم قاسم ولقبي الفهد
كريم:اتشرفت بيكم كلكم... واذا سمحت يا سياده القائد انا بتمنى ان الرائد خلود تقبل اسفى واعتذاري
رحيم: خلود ايه رايك
خلود: هو من النهارده زي مصطفى و زي وليد وزيكم كلكم
يبان على وشك رحيم انه اتضايق
رحيم: تمام يلا كل واحد يرجع للي كان بيعمله.... خلود تعالي ورايا عايزك
تروح خلود ولا رحيم بعيد عن باقي الفريق
خلود: افندم يا قائد
رحيم: خلاص يا خلود تقدري ترجعي تندهي باسمي عادي
خلود: تمام يا رحيم في ايه؟
رحيم: ممكن افهم سبب نزولك الاشتباك امبارح
خلود: طبيعى انزل مع فريقى
رحيم: بس اظن ان انا منعتك ونبهت انك دورك في العمليه دي المراقبه
خلود: و ليه مانزلش مع فريقي؟ حد قالك اني اتحولت اعمال كتابيه
رحيم: خلود ارجوكى افهمي انا بخاف عليكى ولما عرفت بالاصابه بتاعتك امبارح كنت هتجنن لولا حبيب طمني وقالي انك عرفتيه ان الرصاصه بعيد عن العضم و اى عضو حيوى و خرجت ده بس ال سكتنى لحد النهارده
وفي وسط الكلام تليفون خلود يرن رقم جيدا وترد خلود
خلود: السلام عليكم ورحمه الله وبركاته
جايدا:. عليكم السلام.... خلود عايزاكى تيجي بسرعه على الشركه في ناس شكلها مريب دخلت الشركه ولحظنا كنا كلنا في المعمل وقفلنا على نفسنا ومش هينفع يتفتح الا بكلمتين سر واحده من بره والتانيه من جوه هبعت لك الكلمه اللي المفروض تتكتب من بره واحنا هنا معانا الكلمه الثانيه
خلود: طيب اهدي انتى متأكده مستحيل ان احد يقدر يخترق المعمل
جايدا: مستحيل طبعا الا لو فجروه
خلود: طيب عايزا فريقك تامنوا على التركيبات ولو وصلت انكم تحرقوها احرقوها
جيدا: تمام بس ما تتاخريش علينا
تقفل خلود مع جيده وتبص لرحيم اللي كان سامعه كل المكالمه
رحيم: فريق الليل اجمع... هنتحرك دلوقت حالا على شركه دكتور عبد الجليل حصل فيها اختراق ولازم نوصل بسرعه
يتحرك الفريق ويوصل في وقت قياسي ويتعاملوا مع الدخلاء ويسيطروا على الشركه
خلود تتصل على جيدا وتبلغها انها قدام باب المعمل يكتبوا الاثنين كلمه السر ويتفتح باب المعمل ولكن تنصدم خلود ب دكتور عبد الجليل مصاب اصابه خطيره واول ما يشوفها يقول
عبد الجليل: كان ليا الشرف اني اخدم بلدي ولاني ما عنديش اولاد كتبت نصيبى من الشركه باسم جيدا والفريق بتاعها
و بيموت دكتور عبد الجليل بعد ما نطق الشهاده
جيدا بانهيار: لا يا دكتور ارجوك انا مش عايزه حاجه انا عايزاك بس في وسطنا ارجوك يا دكتور فتح عينيك😭😭😭
خلود تقيس النبض وتأكد وفاه دكتور عبد الجليل
رحيم بيكلم فريقه: في خلال ربع ساعه عايز المعمل ده فاضي من اي ابحاث او تركيبات ويتنقل الفريق وابحاثه وتركيباته حالا للمقر
بعد نصف ساعه يدخل فريق الليل للمقر ومعاه فريق جيدا
ياترى ايه سبب اقتحام شركة دكتور عبد الجليل ؟و ليه دكتور عبد الجليل اتضرب ب النار؟و ازاى يعرف خلود؟؟🤔🤔🤔
ده ال هيتعرف المره الجايه 😉😉😉
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اتفضلوا من هنا
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق