رواية بناتي الفصل السابع عشر والثامن عشر والتاسع عشر والعشرون بقلم ليلي مصطفى حصريه وجديده علي مدونة نجوم ساطعه
 |
رواية بناتي الفصل السابع عشر والثامن عشر والتاسع عشر والعشرون بقلم ليلي مصطفى حصريه وجديده علي مدونة نجوم ساطعه
الفصل السابع عشر من
روايه (بناتي)
للكاتبه (ليلي مصطفي )
-------------------------------------
وانصدم الجميع بالضيوف ال مستنيهم احمد
ليلي...فريده ادم
احمد..اهلا وسهلا بيكم اتفضلو
جاسر..اي الحكايه يا احمد
احمد...الحكايه كلها اني حبيت اصلح ال انا عملته مع ليلي وبصراحه انا اتكلمت مع فريده انهارده في الكليه واخت رقم ادم واتصلت بي واتقابلنا واعتذرتله علي عملته معاه وانا ال عازمتهم عالعشا معانا عشان نصلح كل شئ قبل ما نسافره البلد
ياسمين..طب ازاي انت مش كنت عاوز تتجوز ليلي يا احمد
احمد..انا حبيت ليلي من اول يوم شوفتها في بس واضح انه كان حب اخوي مش حاجه تانيه ولا اي يا لولا مابتكلميش ليه
ليلي..انا مصدومه من كلامك يا احمد ومن تصرفك ده
احمد..المهم تكوني قابلتي اعتذاري
ليلي...خلاص تصرفك ده نساني كل ال انت عملته معايا مسامحاك يا سيدي
احمد..بس بردو يا ادم انت وقعت في واحده دماغها ناشفه جدااا ومغروره
ليلي...لا والله خالص بس انا ببقي مغروره علي المغرور وبنشف دماغي علي ال دماغه ناشفه وانت ال ابتديت بردو يا احمد
زين...خلاص احنا ماصدقنا انكم اتصالحتو انتو مافيش فايده فيكم انتو لو مولدين فوق روس بعض ماكنتوش هتعمله كدا
واعد ادم جنب ليلي
ادم..وحشتيني اوووي
ليلي...وانت كمان اخيرا كل مشاكلنا هتتحل
ادم..ياارب تكمل علي خير بس بعد الصبر ده كله
ياسمين..مش وقت كلام يلا شوفو هتاكله اي
وطلبو كلهم اكله سمك وفضلو سهرنين طول الليل مع بعض واتكلمه كتير وهزرو وكان اسعد يوم في حياتهم واكتر اتنين كانو مبسوطين ادم وليلي
ياسمين..بجد كان يوم حلو اووي يا زين
زين... لو الخروجه دي كانت سبب في ضحكتك الحلوه دي انا عندي استعداد اقررهالك كل يوم
ياسمين..ربنا يخليك ليا يا زين
زين ويخليكي ليا يلا بئا نروحو ولا لسه شويه
ياسمين..لا كدا تمااام اوي دي الساعه عادت اتنين يالهوي لو بابا يعرف هيدبحنا
زين ..علي اساس انكم مع حد غريب يعني
جاسر...يلا بئا ولا اي
ادم..الوقت عاده بسرعه
احمد..بقولك يا ادم احنا هنسافر بكرا ان شاء الله اتفق مع الجماعه عندك علي كل حاجه وانا وليلي بردو هنتكلمو مع الجماعه عندنا وهنظبطه الكلام عشان تيجو نقرو فاتحه عالطول
ادم...خلاص ماشي تمام انا هبقي علي تلفون معاك بردو
ملك..ربنا يكملكم علي خير ان شاء الله يا ادم ويرذقك يا احمد ببنت الحلال ال تسعدك
احمد..ياارب وانتي كمان يا ملوكه نفرحو بيكي قريب
زين..طب يلا يا احمد انت وجاسر وادم اطلعه جهزو العربيات
جاسر..يلا
وطلع ادم وجاسر واحمد جهزو العربيات وزين كان حاسب عالعشا
زين ..يلا يا بنات
ياسمين...يلا
وسلمو كلهم علي فريده وادم وركبو العربيات وذهبو لمنازلهم
ونزلو البنات عند البيت وصممت ياسمين انهم ينامه في بيت عمهم وطالعه معاهم ولاد عمهم ودخلو نامو في غرفه عمهم ودخلو البنات غرفتهم
وكلهم نامو ماعده ملك ماكنش جايلها نوم والفجر كان بيأذن ودخلت اتوضت ولبست اسدال وطلعت في الصالون عشان تصلي وبعد ما خلصت الصلاه وقفت في البلكونه
جاسر..مين
ملك..جاسر انت صاحي
جاسر..اقسم بالله فاجعتيني يا بنتي
ملك..ليه شوفت عفريت
جاسر احلي عفريت بحجاب
ملك..بشعري احلي بردو
جاسر...اها واضح انكم كلكم دماغكم ناشفه
ملك..شكرا المهم انت صاحي ليه
جاسر...كنت داخل الحمام وقولت اشرب سيجاره في البلاكونه
ملك..خلاص هروح انا عشان انام وياريت ماتصحونيش بدري نصحي ونمشي براحتنا
جاسر..خلاص ماشي بس بشرط
ملك...اي
جاسر..تقعدي معايا شويه وكدا كدا احنا هنقوم براحتنا بكرا
ملك..ماشي بس هما عشر دقايق عشان عاوزه انام
جاسر..تمام يلا ووقف جاسر هو وملك في البلاكونه واعده يتكلمه في تفاصيل كتير تخصهم لحد ما النهار ما طلع
ملك..اي ده النهار طلع والجو بئا تلج
جاسر الكلام اخدنا
ملك..باين كدا يلا انا هدخل انام
جاسر...ملك ممكن اسألك سؤال
ملك..اتفضل
جاسر...انتي بصراحه كدا انتي حاسه بأي من نحيتي
ملك...مش فاهمه
جاسر...يعني حاسه اني زي اخوكي بس ولا في حاجه تانيه
ملك..حاجه تانيه زي اي وضح كلامك
جاسر..بقولك اي انا مابحبش اللف والدوران علي فكره
ملك..علي فكره انت ال بتلف وتدور مش انا فهمني انت عاوز تقول اي
جاسر..اقولك بصراحه يعني
ملك...قووول
جاسر ..انا بحبك يا ملك
ملك.........
جاسر ..مابترديش ليه
ملك..تصبح علي خير
جاسر مسك ايد ملك وملك كان وشها كله بئا شبه الطمطمايه
ملك..ممكن تسيب ايدي
جاسر ...هتسبيني كدا وتدخلي تنامي
ملك...اعمل اي
جاسر...احساسي بيقولي انك معجبه بيا وابتديتي تحبيني كمان وبتوهي لما بتبصي لعيوني الزرقا ههههه دي ليها سحر خاص عالبنات خلي بالك
ملك...مغرور وكل احساسك غلط وسيبني اروح انام بئا
جاسر...ماااشي يا ملكه تصبحي علي خير بس عاوزك تجهزي نفسك عشان انا هطلب ايدك من عمي اول ما ننزل البلد يا ترا هتوفقي ولا هترفضي
ملك......
جاسر ...السكوت علامه الرضا
ملك...او علامه النوم تصبح علي خير
ودخلت ملك غرفتها وكانت تشعر بسعاده وكان قلبها بيدق بسرعه وجاسر كان مبسوط جدا انه اعترف لملك انه بيحبها واعد يضحك ويفتكر شكلها وكسوفها ونام في غرفه الصالون
ومع يوم جديد
واحداث جديده لابطالنا
وفي شقه عبدلله صحو البنات والشباب ماعدا ملك وجاسر فضلو نايمين لحد العصر
احمد..يا جاسر قوم يا بني احنا بقينا العصر احنا هنوصل البلد كدا علي باليل
جاسر ..يا صباح العسل
احمد...ده انت قايم فايق اوي
جاسر ...اوي اوي ده اسعد يوم في حياتي
احمد...لا والله اشمعني بئا
جاسر ...هتعرف لما نوصل البلد
زين ..انتو لسه بتتكلمه انا لبست اخلصو
احمد...انا لابس من بدري
زين ..يلا يا جاسر احنا هنوصل متأخر كدا
جاسر...طب مش هنفطر
زين...لا يا حبيبي احنا كلنا فطرنا من بدري مافيش غيرك انت والسنيوره ال نايمه زيك ال مفطرتوش تبقو جيبو سندوتشات في العربيه
جاسر...طب بقولكم اي ماتمشو انتو وتسبونا احنا نبقي نيجو وراكم
احمد...تصدق بالله انت ما شوفت يوم تربيه قوم ياض اخلص
جاسر...خلاااص قومت يا ساتر عالم كائيبه عالصبح
وجهزو الجميع ونزلو ركبو عربيتهم وطالعه علي بلدهم وطول السكه وجاسر وملك نايمين وفاطمه بقت كل شويه تتصل علي احمد عشان تعرف هيوصله امته وزين وياسمين اعدو يتكلمه طول السكه ويهزرو لحد ما وصلو قصر التهامي ونزلو كلهم من العربيه وتبادلو السلام وحضن عبدلله بناته واطمن علي ملك
ذينب ..الف حمدلله علي سلامتك يا حببتي والله كلنا كنا جلجنين عليكي
ملك..الحمد لله يا طنط انا بخير
عبدلله ...الحمدلله يلا اطلعه ارتاحه عشان عمتكم جايه تسلم عليكم وتتعشي معانا باليل وكمان خاله زين وخطبته جاين
زين...تمااام طب بقول اي انا هطلع انا محدش يصحيني الا بكرا
عبدالحمد...استنا انا عاوزك يا زين في موضوع كدا
زين...خير يا عمي
عبد الحميد...خير يا بني انا اتفقت انا وحماك وابوك وعمك اننا هنكتب كتابكم انت واسراء الخميس الجاي والخميس ال بعده دخلتكم ان شاء الله
ياسمين...عن اذنكم انا طالعه
ليلي ...استني احنا جاين معاكي
زين ..انتو ازاي بتتفقو علي حاجه وانا مش موجود يا عمي انا مش موافق طبعا
عبدالحميد...بعني اي مش موافق هترجعنا كلنا في كلامنا وبعدين كل حاجه جاهزه هنستنا ليه خلينا نشوف غيرك
زين...ما تتكلم يا بابا
جمال...والله يا بني حماك جه اتكلم امبارح هو وخالتك وقالو مالوش لزوم التطويل
زين...بصو يا جماعه بما انكم فتحتو الموضوع بصراحه كدا انا مش مرتاح مع اسراء
ذينب ..اي الكلام ده يا زين دي اسراء بنت خالتك تتحط عالجرح يطيب والف من يتمناها
زين...يا ماما انا ماقلتش ان اسراء وحشه انا بقول انا مش مرتاح معاها مش متفاهمين يا جماعه
الحاجه فاطمه ...يمكن لسه يجماعه عشان مالحقوش ييتكلمه ولا يحسو بفتره الخطوبه انا من رائيه نستنا شويه عالدخله
ذينب..ما احنا طول عمرنا بنتجوز في اسبوع يا حاجه فاطمه والحب والتفاهم وكل الكلام ده بيجي بعد الجواز
رقيه ..الزمن غير الزمن يا جماعه سيبو كل واحد براحته
عبد الحميد ...يلا ادي العيال الصغيره ادخله في الكلام كمان بلاش الرجاله تتكلم
ذينب..لموخده يا حج احنا ماشين خالص يلا ياحاجه فاطمه يلا يا رقيه خلوهم هما يتفهمو مع بعض
زين ..لو سمحت يا عمي حاول تأخل كل ده دلوقتي بلاش نستعجل عشان مظلمش اسراء معايا عن اذنكم انا رايح الشركه
عبدلله...استنا انا جاي معاك يا بني
وخرج زين وعمه عبدلله
زين...وبعدين يا عمي هعمل اي انا مستحيل اتجوز اسراء
عبدلله ...خليها علي الله يا بني لحد ما مانشوف هترسي علي اي
وعند ياسمين واخواتها كانت ياسمين اعده بتعيط علي السرير واخواتها بيهونو عليها ولقت الباب بيخبط
ليلي ...اتفضل
رقيه ..انا جيت اطمن عليكي يا مينا انا وفاطمه انا مش عاوزاكي تزعلي وان شاء الله انتي وزين هتكونو لبعض
ياسمين...هو انتو عرفتو ازاي ال بيني وبين زين
فاطمه ...باين عليكم اوي علي فكره احنا مش عمي لدرجه دي
ليلي...طب وبعدين
ياسمين ...ولا باعدين ولا قابلين خلاص كدا كل حاجه انتهت انا لازم امشي من هنا قبل يوم الخميس لازم اسيب القصر
فاطمه...اي الكلام ده يا ياسمين مافيش حاجه من دي هتحصل طبعا سبيها علي الله وكل حاجه هتبقي زي ما احنا عايزين ان شاء الله
ليلي...ياارب
وفي بيت عيله عبد الحكيد اغلقت ام اسراء الهاتف مع اختها ذينب بعد ما عرفت كل الاخبار
اسراء ..بئا كدا يعني انتو تروحو بنفسكو يا ماما وتحدده معاد الفرح ويجي الاستاذ زين يلغي كل شئ ماشي طب عندن في بئا كل حاجه هتمشي زي ما هي
ام اسراء ..ازاي ما هما اجلو كتب الكتاب والدخله علي تلت شهور
اسراء ..لا يا ماما زين بيأجل عشان حاجه في دماغه وفي الفتره دي بنت عمه هتاخده مني بس انا مش هسبهولها بردو ومافيش جاجه هتتأجل انا رايحه مشوار وجايه عالطول وطلعت اسراء علي مطبعه وراحت طبعت كروت لمعاد الفرح والحنه ورجعت علي البيت وخلت السواق بتاعهم لف عالبلد كلها ووزع عليهم الكروت
وجهز عبد الحكيم وولاده وطالعه بعربيتهم علي قصر عيله التهامي وكان ابو اسراء مايعرفش حاجه عن تأجيل الفرح واخذ نصف الكروت معه عشان يديها لعيله التهامي عشان يوزعه علي قرايبهم
ووصلو عن القصر ونزلو وجميع عيله التهامي كانو مستنينهم ماعدا البنات وزين كان في الشركه وتبادلو السلام ودخلو علي غرفه الصالون
وبعدهم بشويه وصلت عمتهم مريم وابنها محمد وتبادلو السلام
واعدو جميعا يتكلمون ويتبادلون الاحاديث
ووصل زين وعمه عبدلله ودخلو سلمو عالضيوف
زين ..عن اذنكم هطلع اغير هدومي ونازل وفي نفس اللحظه كانت ياسمين واخواتها داخلين يسلمه علي عمتهم
اسراء...استنا يا زين عاوزاك تشوف المفاجأه دي الاول
زين..مفاجأه اي
اسراء...داعوه فراحنا اي رائيك شكلها تحفه مش كدا وجبتلكم انتو الفين داعوه عشان الناس ال تبعكم
زين دعوه اي 😨😨😨استوووووووب
الفصل الثامن عشر من
روايه (بناتي)
للكاتبه (ليلي مصطفي)
-----------------------------
زين...مفاجأه اي
اسراء...داعوه فراحنا اي رائيك شكلها تحفه مش كدا وجبتلكم انتو الفين داعوه عشان الناس ال تباعكم انصدم زين وياسمين كانت حاسه ان الدنيا بتلف بيها
زين...انتي اي ال خلاكي تطبعي الدعاوي دلوقتي يا اسراء الفرح اتأجل علي فكره
عبد الحكيم ابو اسراء ...ازاي الكلام ده احنا اتفقنا علي كل حاجه امبارح
زين...بس انا ماكنتش موجود يا عمي ولسه في حاجات كتير عاوزه تتعمل
اسراء...حاجات اي يا زين تقريبا كل حاجه جاهزه وعقبال ما نسافر شهر العسل ونرجع هيكون الدور بتاعنا جاهز
زين...شهر عسل كمان انتو خططو لكل حاجه بئا وانا ماليش لازمه
عبد الحميد..خلاص يا جماعه خلو الدعاوي ونبقو نعدله بالتواريخ ال احنا عاوزنها
اسراء..الدعاوي اتوزعت خلاص يا عمي
جمال..اتوزعت ازاي يا بنتي
اسراء...احنا وزعنا علي كل قرايبنا يا عمي وتقريبا نص البلد عرفو ان فرحنا كمان اسبوعين
زين...مافيش مشكله كام راجل من تبعنا هينشره في البلد ان معاد الفرح اتأجل مافيش مشكله
عبد الحميد..هو في اي يا زين ما كل حاجه متظبطه اهي لازمته اي التأجيل
زين..يا عمي
عبد الحميد..خلص الكلام كل حاجه زي ما هي ومافيش تأجيل
زين...عن اذنكم
وطلع زين علي غرفته وطلعت ياسمين غرفتها وباقي العيله اتعشو واعدو مع بعض واسراء كانت اعده مبسوطه انها اخيرا هتتجوز احمد وانها خططت لكل حاجه صح
ام اسراء ..اومال زين فين من ساعه ما طلع اوضه منزلش تاني
ذينب ..هتلاقي تعبان من السفر اصله من ساعه ما جه هو وبنات عمه ومارتحش طلع علي الشركه عالطول
ام اسراء...ربنا يقويه ويخليهلكم ياارب ويتمم فرحتنا علي خير
ذينب...ياارب
عبد الحكيم ..اي لسه بتكم ماقررتش يا حاج عبدلله
عبدلله...والله لسه يا حاج عبد الحكيم وبعدين اول ما تقولي قرارها هبلغكم عالطول
ياسين..رقيه عاوزك دقيقه بره
رقيه...ماشي تعال وخرجو في الجنينه
ياسين ...ياسمين ماتكلمتش معاكي في حاجه
رقيه ..زي اي
ياسين..عني يا رقيه ركزي
رقيه...اها لا والله ماجبتش سيرتك خالص هما سافرو علي اسكندريه عالطول ولسه جاين انهارده مالحقتش اتكلم معاها
ياسين...طب بيني وبينك كدا ما تديني رقمها
رقيه ..طب اسألها الاول
ياسين ...لا مش مستهله وبعدين عادي يعني احنا هنتخطب قريب
رقيه..مش يمكن مايحصلش نصيب يا ياسين بلاش تعلق نفسك وانت لسه ماتعرفش قرارها
ياسين ...قصدك اي
رقيه...مش قصدي حاجه اتفضل رقمها اهو وانت تبقي تعرف قرارها بنفسك ٠١٢.......
ياسين ...تمام شكرا يا روقيه
عبدالحكيم ..يلا نستأذن احنا
عبد الحميد..ما بدري يا جماعه
ام اسراء ...بدري من عمرك يا حاج يادوبك نقوم من الصبح عشان نشتري كل ال ناقصنا
عبد الحميد...ان شاء الله واحنا بردو يوم ما ينزل زين والحاجه ذينب يشترو العزال هنقولكم عشان تروحو تختاره
عبد الحكيم...ان شاء الله يلا السلام عليكم
وذهبو عيله عبد الحكيم وطول الوقت كان جمال وعبدلله والشباب اعدين ساكتين فهم عارفين ان زين بيحب ياسمين ومش لاقين حل للمشكله ال اتحطو فيها
جمال ...عبد الحميد يا خوي احنا عاوزين نتكلم شويه
عبد الحميد...خير يا جمال في اي انا حاسس انكم كلكم مخبين حاجه عليا
جمال..زين مش عاوز يتجوز اسراء
ذينب ..يعني اي الكلام ده وليه يعني مش عاوز بتجوزها هو في احسن من اسراء
جمال..يا ام زين اسراء مافيهاش غلطه والف من يتمناها بس ابنك مش رايدها والجوازه دي لو تمت هيحصل مشاكل كتير
ذينب ..يعني اي
عبدالحميد...مافيش حاجه اسمها مش رايدها خلاص دلوقتي البلد كلها عرفت ان فرحهم كمان اسبوعين فجأه كدا هنفشكل الخطوبه خالص دي تبقي فضيخه لاخت مرتك يا جمال هو لعب عيال ولا اي
جاسر...بصراحه كدا يا بابا زين بيحب ياسمين من زمان وكلنا عارفين انه عمره ماحب اسراء ولا فكر فيها
عبدالحميد...اها انا كدا فهمت كل حاجه بس انا اخر من يعلم كل البيت يعرف الا انا
ذينب ..انا اول مره اسمع الكلام ده ازاي ابني يخبي عني طب ما كان جه قالي انه عاوز ياسمين مش اسراء كنا جوزناهم لبعض لاكن جاي يقول كدا بعد اي بعد ما اتحدد فرحو دي هتبقي زعله العمر بيني وبين اختي اللي ماليش غيرها
عبدلله..مافيش زعل ولا حاجه يا جماعه كل حاجه هتمشي زي ما هي وبعد الجواز والخلفه والعشره اكيد زين هيتقبل اسراء ويحبها وبنسبه لياسمين انا هبعدها عن هنا خالص الفتره دي وكدا كدا انا بفكر ابني بيت في الارض بتاعتنا ونقعد في انا وبناتي
جمال ...اي الكلام ده يا عبدلله لا طبعا مافيش حد طالع من البيت ده والموضوع ده لازم نشوفوله حل زين دماغه ناشفه ولو حصل اي مش هيتمم الجوازه
ذينب ...زين لو عمل كدا انا هتبرا منه وهغطب عليه لحد يوم الجيامه وال قاله الحاجه عبدلله كله صح ماعدا انه يسيب البيت زين بعد الجواز هيتقبل اسراء وهينسي ياسمين وياسمين جميله ومحترمه وتستاهل واحد احسن من زين وياسين اهو هيتجنن عليها
الحاجه فاطمه...والله ياسين راجل مايتعيبش ولو وافجت عليه ياسمين يبقي كدا كل حاجه اتحلت
ياسمين..وانا موافقه يا جماعه
جاسر...ياسمين
ياسمين...جاسر لو سمحت انا اخت قرار خلاص وفعلا ياسين شخص كويس جدا وماينفعش يترفض وزين ربنا يكمله فرحته علي خير ويهني بعروسته عن اذنكم انا هطلع انام
عبدلله...ياسمين لو مش موافقه قوليلي لاكن ماتغصبيش نفسك علي حاجه انتي مش عاوزاها بس عشان تصلحي مشكله
ياسمين...انا ماحدش يقدر يغصبني علي حاجه يا حبيبي وصدقني انا مقتنعه بقراري تصبحو علي خير
وطلعت ياسمين غرفتها واعدت تعيط بحصره علي حالها
ملك..ياسمين افتحي الباب
ياسمين...سبيني لوحدي يا ملك
ليلي..ازاي نسيبك وانتي في الحاله دي يا مينا افتحي لو سمحتي
ياسمين ..امشو بئا سبوني في حالي
جاسر...هي مالها
ملك...عماله تعيط ومش عاوزه تفتح الباب
جاسر ..طب روحو انتو علي اوضكم وسبوها لوحدها دلوقتي
ليلي ..نسبوها في حالتها دي
جاسر ..معلش كل حاجه هتتحل ان شاء الله
ملك..ياارب دول بيحبه بعض اوي يا جاسر ومن سنين ازاي كل واحد فيهم يتجوز حد مش بيحبه اصلا
جاسر ..ما انا قلتلك كل حاجه هتتحل يلا روحو ارتاحو دلوقتي
ليلي...يلا يا ملك تصبح علي خير يا جاسر
ملك..تصبح علي خير
جاسر ...وانتو من اهل الخير
والكل طلع نام وجاسر راح لزين اوضته ولقي زين اعد في ضلمه وبيشرب سجاير
جاسر ...زين انت مانمتش
زين..انام ازاي
جاسر ..انا حاسس بيك وعارف ان الجوازه متعلقه بخالتك ووالدتك ولو ماتمتش هتبقي زعله وكبيره كمان لان كل الناس عرفت معاد الفرح وكدا هتبقي فضيحه لبنتهم
زين...ما ده ال انا بفكر في اسراء بنت خالتي وماينفعش افشكل كل حاجه عشان ماحدش يتكلم عليها وامي وخالتي بردو هيقطعه بعض بس انا مش عارف اي ال خلا عمي يروح يحدد الفرح من ورايا انا مش عارف لا وكمان اسراء كملتها وراحت طبعت دعاوي الفرح اعمل اي اعمل اي
جاسر ...خلاص يا زين خليك مكمل مع اسراء وياسمين ربنا يهنيها مع ياسين واكيد كل مشاعركم هتتغير بعد الجواز والعشره
زين...نعم يهنيا مع مين انت بتستعبط يا جاسر ياسمين ليا انا وبس انت فاهم اتغضل اطلع وسيبني انام
جاسر...انا عارف انك بتحبها وهي بتحبك يا زين بس الدنيا اتعقدت جامد دلوقتي اي الحل
زين...مش عارف مش عارف اعمل اي
جاسر..وياسمين عقدتها بزياده
زين...ازاي
جاسر..نزلت من شويه وكل العيله كانت ملمومه وقالت انها فكرت في موضوع جوازها من ياسين وموافقه
زين..هي ازاي تقرر حاجه زي دي اقسم بالله اكون قتلها لو فكرت في حاجه زي كدا اوعه كدا ابعد عني
جاسر ...طب انت رايح فين دلوقتي
زين...انا طالع اوضتها انا لازم اتكلم معاها
جاسر..طب مش دلوقتي زمانها نامت
زين..جاسر ابعد عني الساعه دي احسن وروح علي اوضتك
وراح زين علي غرفه ياسمين وخبط عليها بس ماردتش ترد
زين..ياسمين افتحي انا عارف انك صاحيه ياسمين ماتخلنيش اتعصب واكسر الباب واخلي البيت كله يصحي افتحي
ياسمين ..نعم عاوز اي
ودخل زين وقفل الباب بالمفتاح
ياسمين..انت بتقفل الباب ليه
زين..انتي وافقتي علي ياسين
ياسمين...اها كدا خلاص مابقاش في مشكله
زين...يعني اي
ياسمين..يعني مافيش فايده يا زين احنا مش لبعض انسي كل حاجه بئا وحاول تحب اسراء وانا بردو هعمل كدا
زين..انتي شايفه ان كدا صح
ياسمين...كدا احسن ولو حصل غير كدا هيحصل مشاكل كتير وبابا هياخدنا ويمشي وانا مش عاوزه يحصلكم مشاكل ولا ان بابا يسيب اهله وبيته ويمشي تاني ده الحل يا زين
زين...الحل انك ترضي كل الناس وتعملي ال يريحهم وانتي وانا مش مهم صح المهم سعاده الاخرين
ياسمين...ممكن تسبني انام يا زين وده قراري ومش هغيره
زين..ماشي يا ياسمين ماشي
وطلع زين راح علي اوضته وساب ياسمين مع دموعها وحرقه قلبها وفضل يشرب سجاير كتير ويفكر هيعمل اي وطلع من اوضته وراح اوضت ليلي وخبط عليها
ليلي..مين
زين ..انا يا ليلي
ليلي ..خير يا زين مالك
زين..ممكن اعد اتكلم معاكي شويه
ليلي..اكيد طبعا اتفضل ودخل زين اعد مع ليلي واتكلمه كتير مع ليلي في مشكلته واخيرا لقي حل وليلي كانت متردده بس حاول يقنعها زين يا ترا اي الحل اللي وصلو زين مع ليلي ؟؟؟
وجاء يوم جديد وصباح جديد علي جميع ابطالنا وزين مع طلوع النهار راح علي الشركه والبنات جميعهم كانو نأمون وصحي عبدلله وعب الحميد ونزلو اعدو في الجنينه ونزل بعدهم جمال وعملتلهم ام عزه ليهم جميعا قهوه
احمد..صباح الخير
جمال..صباح الخير صاحي بدري يعني
احمد..ممكن يا ام عزه تعمليلي قهوه
ام عزه ..حاضر يا استاذ احمد
احمد..انا قولت الحقكم قبل ما تروحو الشركه
عبد الحميد ..خير يا بني
احمد..كنت عاوز اتكلم في موضوع كدا يخص ليلي
عبد الله ..خير يا احمد في اي
احمد..خير يا عمي والله ماتقلقش والله انا فكرت في موضوع جوازي من ليلي وبصراحه كدا انا حاسس اني مرتاح مع فاطمه اكتر ومتفاهم معاها ليلي مافيش بنا حاجه مشتركه خالص ولا حتا تفاهم ده غير انها مرتبطه بواحد تاني وماينفعش نفرق بينهم
عبدالحميد..اي الكلام الجديد ده يا احمد انت قولت انك بتحبها وان الولد التاني ده طمعان فيها
احمد..انا بحب ليلي فعلا بس زي اختي وادم هو ال يستاهلها فعلا انا سألت عليه اكتر لما نزلت اسكندريه المره دي وعرفت انهم ناس محترمه واهلو مستواهم المدي كويس جدا مش اقل مننا بس ادم عاوز يبداء حياته بنفسه مش عاوز مساعدت من ابوه وعاوز يشتغل في المجال بتاعه ويبداء مع ليلي واحده واحده
جمال..اي رائيك في الكلام ده يا حاج عبدلله
عبدلله ..والله انا سايبهم هما ال يفكره ويحدده حياتهم بنفسهم يا جمال وبناتي دلوقتي مش بيفكره لوحدهم دول معاهم ولاد عمهم واكيد مش هيختاره حاجه غلط واكيد احمد اتكلم هو وليلي في كل حاجه قبل ما يجلنا واتفهمه علي كل حاجه
احمد...فعلا يا عمي انا عملت كدا وكمان قابلت ادم واتفهمت معاه واعتذرتله علي الحصل مني اخر مره واتفقت معاه انه يتكلم مع اهله ويعرفني هيجو امته عشان نقرو فاتحه
عبدلله ...علي خيره الله يا بني
احمد..ده بعد اذنكم طبعا
عبدالحميد...ماشي يا بني ال انتو شايفينه صح اعملوه وابقي بلغنا بمجيهم من قبلها اهم حاجه
احمد...ان شاء الله
جاسر ..صباح الخير
عيدالحميد..صباخ الخير يا متر خير اي مشكلتك انت كمان ما انتو ماتصحوش بدري الا لمصلحه
جاسر..اي في اي انت قولتلهم حاجه يا احمد
احمد..لا انا كنت بتكلم علي ليلي وادم
جاسر...طب تمام بالمناسبه بئا انا كمان كنت عاوز اخطب
جمال...انتو كلكم فجأه كدا نفسكم اتفتحت عالجواز يا سبحان الله
عبدالحميد...ومين بئا سعيده الحظ يا يا متر
جاسر ...ملك
عبدلله ..ملك مين
جاسر ..ملك بنت حضرتك يا عمي في غيرها
عبدلله..بنتي انا انت بتتكلم بجد
جاسر...هي دي حاجه فيها هزار يا عمي انا طبعا هبقي اسعد واحد في دنيا لو وافقت يا عمي
عبدلله ..والله انا معنديش اعترض خالص يا حبيبي بس اهم حاجه هي توافق
احمد...هي ان شاء الله هتوافق انا حاسس بكدا واهو نقرا فتحه ليلي وادم وانا وملك
عبدلله ..خلاص انا هبقي اطلعلها اوضتها واخد رائيها
عبدالحميد...والله زين ما اخترت يا بني وانا كان نفسي والله ان زين وياسمين يتجوزو وليلي واحمد بردو لان دي تقاليد عليتنا ان بناتنا ماتطلعش لحد غريب بس ده النصيب هنقول اي يلا علي خيره الله
ام عزه ..يلا يا جماعه الفطار جاهز
عبدلله ..البنات نزلو يا ام عزه
ام عزه الكل نزل ماعدا الانسه ملك والانسه ياسمين
عبدلله ...طيب الحق انا ملك اخد رائيها قبل ما تنزل
جاسر ..اتفضل يا عمي وفرحنا بئا هه
عبدلله ...خير ان شاء الله
الجزء التاسع عشر من
روايه (بناتي)
للكاتبه(ليلي مصطفي)
---------------------------------------
وطلع عبدلله عشان ياخد راي ملك في جاسر وخبط علي الباب ودخل
ملك..اتفضل يا بابا صباح الخير
عبدلله ..صباح الخير يا حببتي تعالي اقعدي معايا شويه انا عاوز اتكلم معاكي
ملك..خير با بابا في اي
عبدلله..خير يا حببتي بصي جاسر ابن عمك طلب ايدك
ملك بكسوف ..جاسر طلب ايدي امته
عبدلله ..لسه من شويه وقولتله هاخد رائيه الاول وهو مستعجل اوي عاوز يعرف رائيك
ملك..ال انت شايفه يا بابا
عبد لله ..مافيش حاجه اسمها ال انت شايفه يا بابا
عبدلله..اهم حاجه انتي انتي ال هتعيشي معاه ولازم تكوني مقتنعه بقرار انا ربيتكم وعلمتكم علي كدا
ملك..والله يا بابا جاسر كويس ومحترم وو وبردو الرائي رائيك يا بابا
عبدلله ..تمام يعني موافقه هو كان واثق انك هتوافقي بردو
ملك..مهو بصراحه فتح معايا الموضوع وانا ماردتش عليه قولتله الرائي رائي بابا
عبدلله ..علي خيرت الله ربنا يتمملكم علي خير يا حببتي
ملك...حبيبي يا بابا ويخليك لينا ويباركلنا في عمرك ياارب
عبدلله ..طب يلا مش هتنزلي تفطري
ملك..حاضر هشوف ياسمين وجايه عالطول
عبدلله..ماشي هنزل انا
ملك..اتفضل
ونزل عبدلله وراحت ملك غرفه ياسمين ولقيتها رايحه في نوم وماردتش تقومها وغطتها وقفلت الباب ونزلت لاكن ياسمين كانت حاسه بكل شئ لاكن مش حابه تتكلم مع حد
واتجمعت العيله كلها علي السفره عشان يفطره وجه جاسر اعد جنب ملك
جاسر ..بقولك اي يا عمي ماتفتح نفسنا كدا عالفطار وتقولنا اي الاخبار وكان بيبص لملك وبيبتسم وملك كانت مكسوفه جدا
عبدلله ..ده انت مستعجل اوي كدا بعد الفطار طيب
جاسر ..لا لا خليها دلوقتي واحنا كلنا ملمومين كدا
ملك..طب هستأذن انا
جاسر..اعدي لو سمحتي ده انا مستني اللحظه دي من زمان وقرب من ودنها وقالها ماكنتش بعرف انك بتبقي قمر كدا وانتي مكسوفه
ملك..جاسر بس
الحاجه فاطمه ..خير يا جماعه ما تعرفونا
جمال..اي يا خوي العروسه رائيها اي فرحنا
عبدلله ..والله العروسه مش ممانعه وموافقه طبعا هو جاسر يترفض بردو
رقيه..اي ده بجد جاسر انت وملك هتتخطبو مبرووووك الف مبروك انا فرحت اووي ربنا يكملكم علي خير
ملك..حببتي يا روكه عقبالك
جاسر ..عقبالك يا اوزعه
ذينب..الف مبروك يا حبايبي تتهنو ياارب
الحاجه فاطمه ..يا حبيبي فرحتني اخيرا هفرح بيك انت واخوك
عبدالحميد..طب اي رائيكم لو نعمل فرح جاسر واحمد في يوم واحد اي رائيكم
جاسر..والله فكره حلوه يا بابا بس اللي هو امته بئا
عبد الحميد..يعني ست شهور كدا
جاسر..لسه يا بابا هنطولو كفايه شهر
عبدالحميد..بصو احنا نعمل شبكه الاول وبعد كدا نشوف الدخله هتكون امته يلا يلا عشان نفطرو
احمد..اها صحيح ادم كلمني من شويه يا بابا وقال جاين بكرا ان شاء الله
عبدلله..ان شاء الله ربنا يفرحكم جميعا
واعد احمد جنب ليلي ومن النحيه التانيه فاطمه
احمد..ليلي مالك شايفك ساكته يعني مش مبسوطه ولا اي
ليلي ..اي يا احمد بتكلمني
احمد..لا نتي مش معانا خالص
ليلي..لا معاكم بس بفكر في ياسمين مش عارفه ليه الدنيا بتعمل معاها كدا وبتحرمها من كل حاجه بتحبها
احمد..يا عالم النصيب فين لسه سبيها علي الله
فاطمه ..ليلي طب انا عندي حل
ليلي..اي
فاطمه..اي رائيك اروح عند خالتي انا ورقيه ونتكلمه مع اسراء ونحكلها كل حاجه يمكن تتفهم الوضع ويبقي الرفض من عندها
جاسر..ممكن تبطله كلام وتفطرو كل ده غلط وكلنا عارفين ان اسراء متمسكه بزين وعمرها ما هتسيبو بالعكس دي هتعاند في ياسمين اكتر افطرو وسيبوها علي الله
ذينب..بتتكلمه في اي يا ولاد
فاطمه ..ولا حاجه يا ماما
ذينب ..بقولك يا حاج جمال احنا هننزل نجيب عزال زين امته ده هما اسبوعين يا دوبك
جمال ..هو كداكدا الدور بتاع زين جاهز احنا هننزل في يوم نجيب العزال كله وهنفرشو لحد العروسه ما تجيب عزالها هو فين زين صحيح
عبد الحميد..انا شوفته طالع من بدري عالمصنح
جمال..الحمد لله هروح انا ابص عالشركه وبعد كدا اروح لزين
عبدلله ..طيب وانا جاي معاك
جمال ..يلا
جاسر ..ملك اكلتي
ملك..الحمد لله
جاسر ..طب تعالي نتمشي بره شويه
ملك..ماشي
وطلعو يتمشو في الجنينه وحاول جاسر يمسك ايد ملك وهو ماشي بس هي رفضت
ملك..اوعه ايدك
جاسر..هو اي ال اوعه ايدك انا خلاص بقيت خطيبك
ملك..لا لسه وحتا لو بعد الخطوبه مش هتمسك ايدي بردو
جاسر..طب وبنسبه لبعد الجواز هتنيميني في اوضه الاطفال
ملك..لا طبعا عمري ما هعمل كدا هنام انا في اوضه الاطفال
جاسر..وحياه امك
ملك..المهم قولي اي اخبار القضيه
جاسر..تصدقي انا غلطان اني طلعت اتمشي معاكي ما تجبلنا سيره عدله
ملك..جاسر اوعه تتنازل عن حقي
جاسر ..انتي عبيطه صح ده انا باخد حق الناس الغريبه مش هاخد حق بنت عمي ومراتي ده كفايه انا لما بفتكر منظرك في اليوم ده بحس ان جسمي ودماغي بيولعه ببقي هاين عليا ادخل اقتله الوسخ ده
ملك..خلاص سيبك منه
جاسر ..اقسم بالله ما هسيبو يا ملك وهحبسو هحبسو وهياخد اقصي عقوبه انسي بئا
ملك..نفسي انسي اليوم ده نفسي
جاسر ..ماتقلقيش طول ما انا معاكي هخليكي تنسي
ملك..كنت عاوزه اطلب منك حاجه يا جاسر
جاسر..اطلبي يا قلب جاسر
ملك..هو احنا هنعيش فين بعد الجواز
جاسر..اكيد هيعملولنا دور فوق زين
ملك..انا بصراحه مش حابه الموضوع ده
جاسر ..طب انتي عاوزه اي
ملك..انا كنت عاوزه شقه لوحدي خاصه بيا تكون هنا في البلد بردو بس لوحدي انت عارف لو كنتو عاملين لكل واحد شقه خاصه بي كنت اقولك ماشي لاكن انتو عاملين دور غرفه نوم وغرفه اطفال وحمام في كل غرفه وغرفه صالون وال عاوز يطلعلنا بيطلع ويدخل عالاوضه عالطول نظام انا مش حباه بصراحه طب نفترض بعد كدا عاوزه اقوم باليل ابص علي ابني او بتي في الاوضه بتعته لازم اغير هدومي
جاسر..مهو يا حببتي ده دور بيكون خاص بينا محدش هيطلع في الا بأذن والقعده كلها بتكون في دور الاول
ملك..خلاص ال انت عاوزه اعملهة
جاسر ..وانا رائيه من رائيك بردو وهعملك احلي فيلا مش شقه اي رائيك
ملك..انت بتتكلم بجد
جاسر..اكيد طبعا بجد انتي لو عاوزه قصر هعملك بردو اينعم هناخدو وقت بس مش مهم كله عشان خاكر عيونك الحلوه يا ملاكي
وعند ليلي كانت اعده في اوضتها وبتكلم مع ادم في تلفون وحكت له علي كل شئ قاله لها زين واخدت رائيه في قرار زين
ادم..هو قرار صعب اوي وهيحصل مشاكل بس انتي بتقولي بيحبها ومصمم علي الحل ده يلا ربنا يسترها وتعدي علي خير
وخلص اليوم وجه يوم جديد بأحداث جديده وبفرحه لاشخاص وحزن لاشخاص والكل كان مستعد لاستقبال عيله ادم وقرايه فتحه ملك وليلي
وكل واحده في البنات تجهزت وبجمالهم كالعاده يسحرون لمن يراهم بجمالهم واسلوبهم ولبست ليلي فستان اوف وايت رقيق جدا وسابت شعرها وحطت ميك اب رقيق جدا وملك لبست بنطالون اسود وبلوفر رصاصي فاتح وفي شغل رقيق جدا عشات يليق عالمناسبه وسابت شعرها وعملت ميك اب رقيق زي اختها وكل البيت جهز نفسه والرجاله جميعهم مستنين في الصالون عيله ادم وزين ماكنش عاوز يحضر بس جه بعد الحاح من عمه عبدلله وجاسر جهز نفسه ولبس بدله سوده قيمه وبجماله المعتاد وبخفه ده تتمني اي بنت
وراح عشان يشوف بنات عمه وخبط علي ملك
ملك...حاضر جاسر خير
جاسر..بسم الله ماشاء الله اي الجمال ده انا كدا هقولك مافيش نزول تحت ال هيشوفك هيتجنن
ملك..مش اوي يعني في احلي مني علي فكره شوف فاطمه وليلي ورقيه وياسمين
جاسر...انتي مافيش اجمل منك يا ملكه البي
ليلي..خلصتي يا ملك
ملك..اها يلا
ليلي..ياسمين ماجتلكيش ولا نزلت تحت
ملك..لا اكيد ماطلعتش من اوضتها بردو
ليلي..طيب انزلي انتي مع جاسر وانا هشوفها
ملك...ماشي
وراحت ليلي علي غرفه ياسمين ولقيتها نايمه زي ما هي
ليلي..ياسمين قومي انا عارفه انك صاحيه
ياسمين..خير يا ليلي عاوزه حاجه
ليلي ..انتي ليه عامله كدا في نفسك يا ياسمين انا مش متعوده عليكي كدا ده انتي ال بتقوينا يبقي شكلك كدا حرام عليكي
ياسمين..انا كويسه ماتقلقيش
ليلي..انا حاسه بيكي بس كل حاجه هتتصلح صدقيني
ياسمين ..لو سمحتي يا ليلي ماتفتحيش كلام قلتلك انا كويسه
ليلي...خلاص يبقي تقومي تلبسي وتنزلي معايا
ياسمين..مش هقدر يا ليلي سبيني مع نفسي
ليلي..بئا كدا يا مينا هتسيبي اخواتك في احلي يوم في حياتهم
ياسمين..ليه في اي انهارده
ليلي..ادم جاي انهارده وهنقرا فتحه وكمان ملك هيتقرا فتحتها علي جاسر
ياسمين..انتي بتتكلمي بجد يا ليلي فرحتيني اووي الف مبروك يا حببتي الف مبروم ربنا يهنيكم ويسعدكم ياارب
ليلي..ياارب ويسعدك يا مينا ويعوضك خير علي كل ال انتي بتعملي معانا
ياسمين..حببتي يا لولا ويخليكو ليا انتو وبابا
ليلي...يلا قومي بئا ادخلي الحمام اغسلي وشك عقبال ما اطلعلك لبس انا علي ذوئي
ياسمين...حاضر
ودخلت ياسمين الحمام واختارت لها ليلي فستان زيتي وعليه وردات صغيره بيضه وعليه طرحه بيضاء وكوتشي ابيض وطلعت ليلي من الحمام ولبس الفستان ولبست حجابها وصممت ليلي انها تعملها ميك اب خفيف وكانت جميله ورقيقه جدا
ليلي...زي القمر يا ياسمينا عقبال ما اجهزك يوم فرحك ياارب
ياسمين...طيب يلا هي ملك خلصت
ليلي ...اها خلصت ونزلت مع جاسر اي ده في صوت عربيات تحت شكلهم جوم انا قلبي بيدق اوي وبطني بتوجعني يالهوي
ياسمين...ده من الفرحه بس
فاطمه ورقيه...انتو لسه هنا يلا تعالو انزلو عقبال ما ام عزه تجهز الشربات عشان تطلعي بي يا لولا
ليلي...يالهوي انا هطلع بالشربات مع بلاش ونبي الا اقلبه واقع تبقي فضيحه
ياسمين...ههههه يلا يا عبيطه
ونزلو البنات وكانو واقفين في المطبخ كلهم مع ذينب والحاجه فاطمه ال كانو ببجهزو الاكل مع ام عزه وجت ملك واخدت ياسمين في حضنها
ياسمين...الف مبروك يا حببتي ربنا يسعدكم ياارب ويتمملكم علي خير
ملك..ياارب ويسعدك يا ياسمينا
احمد...انتو بتعملو اي كلكم في المطبخ
فاطمه..ههههه وقفين عمالين يتعازمه علي بعض مش عاوزين يشيلو الشربات
احمد..طب يلا يلا عشان عمي عاوزكم اتفقه علي كل حاجه ولازم كلنا نتجمع عشان نقرا الفتحه
ليلي..انا متوتره اوي
ملك..روقيه خد موبايلي صوري كل حاجه فيديو هه
رقيه..اوكي
زين...في اي يا جماعه يلا الناس مستنينكم يا ام عزه خلصتي الغدا
ام عزه..اها خلصنا كل حاجه وهنحط عالسفره
زين..طب بسرعه يلا يا ملك انتي وليلي هاتو الشربات وتعالو ورايا
ليلي...طب ما تشيلو انت يا زين ونبي انا خايفه اوي
ياسمين..خلاص بلاش انتي تشيلي حاجه عشان ماتقعيش وتفضحينا انا هشيل
ذينب..لا ماينفعش لازم العرايس ال يشيلو الصواني عشان نشوف عرسانهم هيحطلهم اي في الصنيه دي تقاليد عشان نشوف اهل العريس بخلا ولا لا
ملك..اي ده انا اول مره اسمع عن الموضوه ده بس تمام حلو والله لما اشوف جاسر وعمي هيحطولي اي
زين...طيب يلا
ودخلو البنات غرفه الصالون وسلمت ليلي علي ام ادم وفريده وابو ادم وعمامه واعدت جنب فريده وحماتها واعدت ملك جنب رقيه وفاطمه واعدت ياسمين في كرسي لوحدها علي جنب وكانت مستغربه من اسلوب زين انه مابصلهاش ولا حتا اتكلم معاها وانه بيتعامل عادي
واتفقه الرجال علي كل شئ وان الشبكه هتكون يوم الجمعه يوم كتب كتاب زين وقرو الفاتحه جميعا والكل كان مبسوط ماعدا زين وياسمين مع انهم بيضحكو وبيحاولو يداره بس الحزن كان باين في عيونهم وتعالت الزغاريط في القصر وقامت ملك وليلي وزعو اكواب الشربات واخد ادم الكوب من ليلي وحطلها ظرف وجاسر كذالك حط ظرف لملك ورقيه كانت بتصور كل شئ وحضنو البنات بعض وباركو لبعض
محمد ابن عمه رقيه..عقبالنا يا روكه
روقيه..ان شاء الله
محمد..هي الثانوي دي مش هتخلص بئا
روقيه ..خلاص هانت
محمد..يا مسهل
ياسمين..مبروك يا حبايبي الف مبرووك
الحاجه فاطمه ..يلا يا جماعه الغدا جاهز
عبد الحمد..يلا اتفضلو يا جماعه وراحو كلهم علي السفره ماعدا البنات وكان عليها جميع الاصناف واعدو البنات يصورو بعض في صالون
ذينب ..يلا وروني يا بنات الظروف بتاعت عرسانكم
ملك..اها صحيح ده انا هموت واعرف حاطين اي
وفتحت ملك ظرفها لقيت في فلوس وعادتهم لقيتهم عشر تلاف جنيه ومعاهم سلسله دهب مكتوب عليها ملك وورقه مكتوب فيها الف مبروك يا روح قلبي انا ماكنتش عارف اجبلك اي ومالحقتش اختار بصراحه لقني لسه عارف التقليد ده انهارده ليكي عندي احلي هدي بموت فيكي
ملك..الله حلوه اوي السلسله بصو يا بنات
رقيه ..جميله اوي
ذينب ..ده طلع بخيل جاسر ده انا قولت هتلاقي مفاتيح عربيه
ملك..لا مهو كاتب انه ماكنش يعرف بالتقليد ده ومالحقش يجيب حاجه بس بصراحه عجبتني اوي السلسله احلي من مليون عربيه
ذينب ..تلبسيها في الهنا يا ضنايا يلا يا ليلي ورينا انتي كمان
ليلي..ياترا جايب اي يا ادم وفتحت ليلي الظرف لقيت علبه صغيره علي شكل قلب فتحتها لقيت خاتم شكله تحفه
فاطمه ..الله ده الماظ وشكله تحفه
ليلي..اي ده بجد الماظ
فاطمه..ايواا انتي مش شايفه العلامه وبعدين ده باين اوي
ولقيت ورقه مكتوب فيها اخيرا بقيتي ملكي مبروك يا حب عمري
ولقت مبلغ عشر تلاف جنيه
الحاجه فاطمه..ابني طلع خايب غلبو اللي جاي من البندر ده انا مش هسيبو كدا يطلعنا بخلا
ذينب ..اهم حاجه ساعدتهم يا ام احمد دي كلها عوايد وحاجات عبيطه المهم يكونو مبسوطين
الحاجه فاطمه ..ياارب يسعدهم ويكملهم علي خير ويفرحك انتي كمان يا ياسمين ويسعدك يا بنتي ونفرحو بيكم كلكم ياارب
زين ..ماما تعالي انتي وعمتي فاطمه اقعدو عالسفره ام ادم وفريده لوحدهم
ذينب..جاين اهو يلا يا ام احمد ده احنا اتلهينا في الكلام
واعدو عالسفره وخلصو اكل وقامو الرجاله اعدو في الجنينه والستات اعدو في الصالون وتبادلو الاحاديث والكل كان مبسوط واتصورواتصورو البنات مع العرسان وزين وياسمين وقفين بيبصور لبعض والدموع ماليه عنيهم كان نفسهم يحسو بالشعور ده والفرحه دي من سنين بس مافيش فايده قادرهم معارضهم
ابو ادم ..يلا نستأذن احنا
عبدلله..مابدري يا جماعه
عم ادم..معلش بئا عشان السكه طويله انتو عارفين
جمال..شرفتونا جدا والف مبروك يا جماعه ربنا يتممها علي خير يارب
ابو ادم ..الله يبارك فيكم يااارب يلا السلامه عليكم وتبادلو السلام جميعا وركبو عربيتهم وطالعه
ملك..جاسر انتو اتفقته الشبكه امته
جاسر..يوم الجمعه انتي ماكنتيش معانا ولا اي
ملك..ماختش بالي بس ليه بسرعه كدا يعني ده انهاره الاتنين مافضلش غير تلت ايام مش هنلحق نجهز نفسنا
جاسر..كل حاجه بتخلص بتلفون يا حببتي وبعدين انتي مش مستعجله انا بئا هتجنن نفسي تكون دخلتنا يوم الجمعه مش شبكتنا
ملك..بس بئا يلا انا هطلع اغير هدومي
جاسر..ماشي يا قلبي وانا ورايا مشوار كدا وهاجي علي الساعه عشره
ملك..مشوار اي بئا يعني مش هتتعشي هنا
جاسر..معلش يا قلبي بس شغل والله غصب عني واحد عنده قضيه مهمه لازم اروحله
ملك ..خلاص انا مش هتعشي هستنا اتعشي معاك
جاسر..تمام وانا مش هتأخر يا روح قلبي يلا سلام
وطلعت ملك علي غرفتها
والكل كان اعد في اوضه الصالون وبيتكلمه وزين غمز لليلي عشان تبتدي خططهم وليلي كانت متوتره جدا وخايفه
زين..بقولك يا عمي انا هسافر دلوقتي عالقاهره عشان محتاحين حاجات للمصنع لازم اجبها
عبد الحميد..طب ما تشوف حد من العمال او اجلها احنا ورانا حاجات كتير الاسبوع ده
زين..ماينفعش حاجات ضروري وماحدش هيعرف يجبها غيري
ذينب ..طب والعزال احنا اتفقنا ننزل نجيبو بكرا يا بني
زين ..كل حاجه تتأجل دلوقتي معلش الشغل اهم هنوقف شغلنا يعني يلا عن اذنكم
جمال..تبقي طمني عليك يا بني وحاول ماتتأخرش
زين ..حاضر يا بابا وبص لليلي بصه غضب عشان تنجز وتعمل ال قالها عليه
ليلي..بابا انا لازم اسافر دلوقتي اسكندريه
عبدلله ..تسافري دلوقتي ليه يا بنتي ده الليل دخل خلاص
ليلي..لازم يا بابا خالتو هند تعبانه جدا وراحت المستشفي انا لسه عارفه دلوقتي
ذينب ..لا حول ولا قوه الا بالله براحه يا بنتي ده الليل دخل خلاص خليها لما اول ما النهار يطلع روحي عالطول
ليلي..ماينفعش يا جماعه خالتو مالهاش غيرنا هي وبنتها ولازم نكون جنبها
عبدلله..طب استني انا هاجي معاكي
ياسمين..وانا لازم اجي اطمن عليها طبعا
احمد..خلاص يا عمي خليك انت وانا هوصلهم
ليلي..لا خليك انت يا بابا وانا هطمنك لما اروحلها ولو في حاجه كبيره هقولك تجلنا عالطول
عبدلله..ماشي يا بنتي بس اوعو تنسو تطمنونا
احمد..طب يلا انتو جهزين
ياسمين..اها اها يلا طب ملك هتيجي معانا
ليلي ..لا خليها بلاش ملك
ياسمين..طيب يلا بسرعه
وركبو العربيه مع احمد وطالعه علي خالتهم
ياسمين..احنا هنروح عالمستشفي اي
ليلي..علي شقتها
ياسمين..انتي مش قولتي هي في المستشفي
ليلي..اها بس كلمتها من شويه وقالتلي انها خرجت عالبيت
ياسمين..طب هي حصلها اي
ليلي..بتقول اغمي عليها والسكر كان عالي
ياسمين ..يا حببتي يا خالتو ربنا يشفيها ياارب انا خايفه عليها اوي
احمد..ان شاء الله خير
وبعد مسافه طويله وصلو عند بيت خالتهم وطلعو جميعا وخبطو عالباب وفتحت لهم مليكه بنت خالتهم وتبادلو السلام
ياسمين..فين خالتو يا مليكه
مليكه..جوا ادخلي عالصالون
ودخلت ياسمين ولقت خالتها اعده ومعاها زين وادم واتنين صحاب احمد وزين وراجل كبير
ياسمين..زين انت بتعمل اي هنا هو في اي خالتو انتي كويسه
هند..تعالي يا حببتي اقعدي
زين..تعالي يا ياسمين اقعدي وانا هفهمك كل حاجه بس بس بعد كتب كتابنا
ياسمين...كتب كتابنا ؟؟؟😨😨😨😨😨
استووووووب
الفصل العشرين
من روايه (بناتي)
للكاتبه (ليلي مصطفي)
---------------------------------
ياسمين..كتب كتابنا
زين..اها انا قررت اننا هنتجوز يا ياسمين
ياسمين...لا طبعا انا مستحيل اعمل كدا يلا يا ليلي
ليلي..استني يا ياسمين اسمعي زين الاول
ياسمين...نعم يعني انتي موافقه عالكلام ده يا ليلي
ليلي...بصراحه احنا اتفقنا علي كل حاجه يا ياسمين وده الحل الوحيد لمشكلتكم
ياسمين...اني اتجوز من ورا بابا يا ليلي هنعيد الزمن تاني
زين ..ياسمين ممكن نتكلم لوحدنا بعد اذنك
ياسمين ...لا مافيش كلام وانا مش هعمل كدا يا زين
زين..طب تعالي معايا بس تعالي عن اذنكم عشر دقايق يا جماعه
واخد زين ياسمين من ايدها ودخلو غرفه مليكه
زين...ياسمين ده اخر امل ليا انا حاسس اني هموت يا ياسمين انا من غيرك ممكن اتجنن او اموت انتي روحي وانا مقدرش اعيش من غير روحي
ياسمين..والحل بئا اننا نتجوز من ورا اهلنا
زين..بصي احنا هنكتب كتابنا بس وقبل ما اكتب كتابي علي اسراء هعرفها اننا مكتوب كتابنا وانها هتكون زوجه تانيه وهي اكيد لما تعرف كدا هترفص اننا نتجوز
ياسمين..طب واهلنا
زين..هيعرفو كل حاجه وعادي والله انا راجل ومن حقي اتجوز اربعه واتجوز ال بحبها لان انتو مصممين اني اتجوز واحده مابحبهاش وعادي بنت خالتي لو اتقبلت الوضع هتجوزها انا كدا معملتش مشاكل اهو عشان امي ترتاح وماتخسرش اختها الوحيده
ياسمين ..طب وابويا
زين..عمي عبدلله ماكنش رافض جوازنا وهو اكيد حاسس بينا هو كان محطوط في نفس وضعنا زمان وهيعذرنا انا مش مبسوط وانا بعمل كدا يا ياسمين وكان نفسي اننا نفرح قدام كل الناس بخطوبتنا وفرحنا بس غصب عني ولازم نعمل الخطوه دي
ياسمين..وانا مش موافقه يا زين
زين..خلاص يعني ده اخر قرار عندك
ياسمين...اها
زين..تمام ومن انهارده انا هختفي في الدنيا كلها وماحدش هيعرفلي طريق ويلا هي كدا كدا خربانه
وطلع زين من الغرفه وياسمين غرقانه في دموعها وحيرتها علي حبيبها ال بيضيع منها
ياسمين..زين استنا
احمد..زين انت رايح فين استنا
زين...ابعدو عني ماحدش لي داعوه بيا
هند..استنا يا بني بس عرفنا حصل اي
زين..خلاص كل حاجه انتهت وكل واحد اخد قراره
ياسمين...استنا يا زين لو سمحت
زين..نعم
ياسمين...هتسبني يا زين
زين..انتي ال قررتي
ياسمين ..غصب عني غصب عني انا بتقطع من جوايا كل ما افتكر انك هتكون لواحده غيري صدقني بحس اني خلاص هموت
زين...خلاص يبقي نحارب الدنيا كلها مانستسلمش ونرضي بحاجات غصب عننا عشان بس نرضي الاخرين
احمد...ياسمين احنا كلنا معاكم ماتقلقيش واحنا ماتفقين علي كل حاجه وانتو بتحبو بعص ماينفعش انكم تستسلمو كدا بسهوله
ليلي..وافقي يا ياسمين لو سمحتي وصدقيني احنا معاكي ماحدش هيقدر يقف في وشكم
زين..بصي يا ياسمين يا توافقي ونكمل مع بعض ونحارب مع بعض يا ام انا همشي من الدنيا كلها وماحدش هيعرفلي طريق
ياسمين ..خلاص يا زين انا انا موافقه
هند..ايوا كدا يا حببتي ماتتنزليش علي حقك مهما حصل حتا لو اختي بسرقه هتعيشي طول عمرك حزينه وتعبانه لو فضلتي ترضي الناس بس وتتنازلي عن حقوقك وانتي وزين بتحبو بعض من زمان يبقي مش بسهوله دي تخسرو بعض وانا بردو معاكي وبكرا جايه معاكي وهقول لابوكي اني كنت معاكم في كل شئ
ليلي..ايوا يا خالتو قوللها دي بقالها كام يوم حبسه نفسها لا بتاكل ولا بتشرب وهتموت نفسها ووافقت علي عريس هي مابتحبوش اصلا ولا عاوزاه بس عشان مايحصلش مشاكل لام زين واختها
هند..يا حببتي انا حاسه بيكي وكل حاجه هتكون كويسه ان شاء الله وربنا هيعوضك خير يلا بئا يلا احنا انهارده هنسهر للصبح ومش هنعدي اليوم كدا طبعا يلا يا شيخ سمي كدا وفرحنا
الشيخ ..يلا يا جماعه اتفضلو اقعدو
بارك الله لكم وبارك الله عليكم وجمع بينكم في خير الف مبروك يا جماعه
هند....لولولييييييييي الف مبروك يا حبايبي ربنا يسعدكم ياارب ويعوضكم خير
زين...مبروك يا حب عمري يا مراتي يا روحي يا قلبي
ليلي...مبروك يا حببتي عقبال فرحتنا الكبيره ان شاء الله لما العيله كلها تعرف ويفرحو معانا وكل حاجه هتبقي كويسه ان شاء الله
هند..هاتي عصير يا مليكه
ليلي..استني انا جايه معاكي يا كوكي
الشيخ..يلا استأذن انا
احمد..استنا بس اشرب حاجه يا شيخ
الشيخ..معلش والله بس عندي شغل كتير
زين..الف شكر يا شيخنا ومعلش اننا عطلناك وجبناك في الوقت ده
الشيخ..لا يا حبيبي ولا يهمك ربنا يسعدكم ياارب ويكملكم فرحتكم علي خير ان شاء الله يلا السلام عليكم
احمد..مع السلامه يا شيخ
صحاب زين ..يلا واحنا كمان نستأذن
هند..لا ازاي بس انتو هتتعشو معانا
صاحب زين ..معلش بئا يادوبك عشان نرجع البلد وان شاء الله هناكلو في الليله الكبيره يا عريس
زين..ان شاء الله عقبالكم ياارب ومتشكر يا جماعه انكم وقفتو معايا
صاحب زين..في اي يا بني احنا اخوت يلا هتعوز حاجه
زين..حبيبي عاوز سلامتك وتوصلو بسلامه ان شاء الله
ومشو اصحاب زين ودخلت ليلي وخالتها المطبخ عشان يحضرو العشا ودخل احمد البلاكونه عشان يكلم فاطمه عشان يطمنها وزين وياسمين كانو مع بعض في اوضه الصالون
زين..انا حاسس اني هتجنن من الفرحه اخيرا بقيتي مراتي
ياسمين..انت شايف ان ده جواز
زين...اومال ده اي انتي دلوقتي مراتي علي سنه الله ورسوله واول ما هنوصل البلد كل الناس هتعرف وال عاجبو عاجبو وال مش عاجبو يشرب من البحر
ياسمين..ماكنش ينفع نعمل كدا يا زين
زين..يعني انتي ماكنتيش عاوزاني يا ياسمين كنتي موافقه انك تتجوزي غيري وانا اتجوز غيرك
ياسمين..غصب عني والله غصب عني يا زين انا كنت بموت اليومين ال فاتو ده غير انك كنت مطنشني وبتعمل نفسك مش شايفني وكنت خلاص استسلمت لامر الواقع انك خلاص هتتجوز واحده غيري وانا كمان كنت هتجوز يا..
زين..اقسم بالله لو جبتي سيره راجل غريب غيري او نطقتي اسم واحد غيري انا هموتك
ياسمين..انا كل ال بفكر في بابا يا زين خايفه من رد فعلو ورد فعل عمامي
زين..مش عاوزك تفكري في اي حاجه وكل حاجه هتكون كويسه صدقيني
ليلي..يلا العشا جاهز يا جماعه هو ادم راح فين
زين..جاله تلفون ونزل عالطول
ليلي..انا ماشفتوش لما نزل
زين..شكله تلفون مهم استأذن ونزل عالطول
ليلي..طب يلا عشان العشا هيبرد عقبال ما انده علي احمد
واحمد كان في البلاكونه بيكلم فاطمه وحكالها كل حاجه حصلت بس قالها محدش يعرف دلوقتي لحد ما يرجعه البلد
ليلي..احمد يلا عشان العشا
احمد..حاضر جاي اهو طب يلا يا حبيبي انا هقفل دلوقتي وهكلمك عالسهره اوعي تنامي سلام يا قلبي
واتجمعو عالسفره واتعشو وسهرو مع بعض وجابو حلويات وعصاير وتسالي وتبادلو الاحاديث وكانت سهره مش هتتكرر تاني بأحديثها والهزار وخفه دم خالتهم هند وكان زين مبسوط انه اخيرا اتجوز ياسمين حب عمره وعاده اليوم والكل دخل نام
وجاء الصباح وصحت ياسمين وصليت الصبح ولبست فستانها وحجابها وطلعت لقت زين واحمد اعدين مع خالتها هند
ياسمين ..صباح الخير انتو صاحين من بدري ولا اي
هند..انا صحيت من شويه ومليكه نزلت المدرسه ولقيت زين واحمد صحو وجوم اعدو معايا بجد يا ياسمين ولاد عمك دول العوض من ربنا انتو لو عندكم اخوات ماكنوش هيبقو كدا
زين..حببتي يا هنوده ويابختهم بردو بيكي عندهم خاله عسل انتي اعدتك مايتشبعش منها والله
احمد..فعلا والله انا اول مره اضحك كدا امبارح بجد احنا عندنا هناك الجو كائيب كأبه بصراحه
ياسمين..لا مهي خالتو هتيجي معانا انهارده وهتقعد معانا شويه حلوين
هند..طب والمدرسه بتاعت مليكه دي في تالته ثانوي وعندها دروس ومذكره في الاجازه هاجي اقعد معاكم والله
زين..انا مش همشي من هنا الا ورجلينا علي جلك انتي لازم تبقي معانا في المواجهه بتاعت انهارده
هند..ماشي هاجي بس ارجع في نفس اليوم
ليلي..نعم ازاي ترجعي في نفس اليوم يعني انا شبكتي يوم الجمعه ماجتش علي يومين هتقضيهم معانا
هند..حاضر يا حببتي انا مقدرش ازعلكم وبعدين ده انا لازم احضر خطوبتك اومال مين هيرقصلك
ليلي ..حببتي يا هنوده ربنا يخليكي لينا ياارب يا احلي خالتو في دنيا
هند..حبايبي ويخليكو ليا ياارب يلا انا عملتلكم ساندوتشات جبنه ولانشون وشاي بلبن عشان تفطرو علي الضهر كدا تكون مليكه جت ونمشو عالطول
احمد..تمام
وخلصو فطار واعدو يهزرو مع بعض
ليلي...بقولك يا خالتو ادم كلمني وبيقولي تعالي ننزل انهارده بالمره نجيب الشبكه والفستان اي رائيكم
ياسمين..طب صح مهو بالمره واحنا هنا تنزلو تجيبو كل حاجه ولا انتي هتيجي تاني اسكندريه
ليلي ..لا ماعتقدش هقدر اجي تاني وبعدين اجي امته ده خلاص مافيش وقت وملك كلمتني زعلانه اوي كانت عاوزه تيجي معانا عشان تجيب الفستان والشبكه
ياسمين..هي عرفت حاجه
ليلي..لا ماقولتلهاش طنط ذينب كانت جنبها
زين..عادي قوللها عادي كدا كدا كله هيعرف انهارده
ياسمين...ربنا يسترها
زين..بقولك اي ماتيجي ننزلو معاهم يا مينا عاوز اجيب بدله انا كمان وتيجيبي فستات عشان شبكتنا احنا كمان
ياسمين..شبكتنا
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
زين..ايوا طبعا احلي شبكه يا مينا واحلي فستان لاحلي عروسه
هند..طب يلا البسو وانزلو انتو وانا هخلص شويه حاجات في الشقه عقبال ما تيجو انتو ومليكه
ليلي..طب يلا انا هدخل البس واعرف بابا في تلفون بردو اننا هننزل نجيب الشبكه
ياسمين..تمام
ونزلو جميعا ولقو ادم وفريده مستنينهم تحت البيت وركبت ليلي مع ادم وياسمين مع احمد وزين وطلعو وراحو اختاره الشبكه واختار زين لياسمين خاتم الماظ واسوره وادم جاب لليلي طقم دهب كامل تلت خواتم واسوره وسلسله واختارو فساتين سواريه رقيقه جدا وقرره انهم يجيبو فستان علي ذوقهم لملك والشباب جابو بدل ليهم وبدله لجاسر وبعد ماخلصو نزلو اتمشو عالبحر وجابو شاورما وكانزات واتصورو مع بعض وكانو مبسوطين جدا
وبعد ماخلصو سلمو علي بعض واخد ادم فريده ومشو بالعربيه وركبو البنات مع زين واحمد وطالعه علي شقه خالتهم ال كانت جاهزه هي وبنتها ونزل احمد ركب العربيه بتاعته ومعاه ليلي وخالتها ومليكه وسابو زين وياسمين مع بعض في العربيه وطالعه علي بلدهم
ليلي..اي رائيك يا خالتو دي شبكتي ودي شبكه ياسمين
هند..بسم الله ماشاء الله حلوين اوي
مليكه...تحفه الخاتم بتاع ياسمين يا ليلي
ليلي...ادم جابلي زيه بس سبتو هناك قولت هلبسو يوم الشبكه
وبصو احنا صورنا الفساتين ده فستاني وده بتاع ملك وده بتاع ليلي وده بتاع مليكه وده بتاعك يا هنوده
هند..اي ده انتو جبتو ليا انا ومليكه ليه يا ليلي ما انا عامله حسابي
مليكه..الله ده بتاعي ده تحفه
ليلي ..انا كنت ناويه اعملهالك مفاجأه بس قولت اوريهولك الاول عشان لو ماعجبكيش نلحق نغيره
هند..لا ده جميل خالص بس ماكنش لي لازمه
ليلي..لا ازاي يعني وطبعا جبنا كل لوازمهم الشوز والطرح وكل حاجه هفرجك لما نروحو
وعاده تلت ساعات واخيرا وصلو البلد وكان المغرب بيأذن
ودخلو العربيات في الجراج ونزلو جميعا ونادو للبواب وام عزه عشان يطلعو الشنط وكانت ياسمين متوتره وخايفه من رد فعل العيله لما يعرفو الخبر ودخلو جميعا القصر والعيله كانت متجمعه عالسفره عشان يتعشو
ذينب..يا اهلا وسهلا حمدلله عالسلامه
عبدالله ..الف سلامه عليكي يا ام مليكه انا كنت قلقان عليكي انتي كويسه
هند...الحمد لله
جمال..طب تعالو يلا نتعشي الاول وبعدين نتكلمه
ملك..بئا كدا يا ياسمين تروحو من غيري انتو اندال والله
ليلي..خلاص بئا معلش ما انا قولتلك مالحقناش نقولك ومشينا عالطول
ملك...اي الحاجات ال انتو جايبنها دي
ليلي..جبنا كل حاجه عشان الشبكه الفساتين والبدل وكل حاجه
ملك..اي ده طب وانا لسه ماحبتش الفستان
ليلي..واحنا هننسوكي يعني احنا جبنا لكل بنات العيله فساتين علي زوقنا
فاطمه...حببتي يا لولا اقسم بالله ده احنا ماجبناش ولا طرحه حتا
الحاجه فاطمه ..يلا يا بنات نتعشو الاول وبعدين نتفرجو كلنا عالحاجات ال انتو جبتوها
واعدو عالسفره واتعشو جميعا والرجاله خلصو وخلو اعدو في الصالون وبعدهم الستات والبنات داخلو اعدو معاهم وجابو الشنط واعدو يتفرجو عالفساتين والبدل وكل البنات عاجبهم ذوق ليلي وياسمين في الفساتين وجاسر عاجبتو البدله ال اخترهاله احمد وكانو كلهم مبسوطين
ذينب..بسم الله ماشاء الله جميله شبكتك يا ليلي بس هي الشبكه التانيه دي بتاعت ملك
ليلي وياسمين معرفوش يرده
زين..دي شبكه ياسمين يا ماما
عبدالحميد...شبكه ياسمين ازاي ده احنا لسه ماتفقناش علي حاجه مع ابو ياسين
زين..عمي دي الشبكه ال انا جبتها لياسمين مراتي
والكل قام وقف وكانو مصدومين
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق