رواية لثام الخلود بقلم الكاتبه نسرين خالد الفصل السابع حصريه وجديده علي مدونة نجوم ساطعه
 |
رواية لثام الخلود بقلم الكاتبه نسرين خالد الفصل السابع حصريه وجديده علي مدونة نجوم ساطعه
بعد الانتهاء من الاحتفال بخبر قبول جيداء في اكاديميه الضباط المتخصصين راح كل واحد على اوضته وفضلت خلود لوحدها
خلود: حبيب انت متأكد ان ما حدش في الفيلا
حبيب: متأكد طبعاً الرجاله اخدوا الستات في العربيه ومشيوا من ربع ساعه
خلود: طب خذ بالك انا هادخل الفيلا دلوقت
حبيب: تمام
تدخل خلود الفيلا وتدور في الاوض وتتفاجئ بكميات كبيره من ادوات تصنيع القنابل ومخططات ل مبنى مستشفى معهد ناصر(مستشفى حكومى ل علاج السرطان) تندهش خلود بس تصور كل حاجه وكل المخططات وتاخذ كل اللي موجود على اللاب توب وتطلع من الفيلا بهدوء زي ما دخلت
خلود: حبيب عايزاك حالا تاخذ الحاجه دي وتروح من غير اي تأخير للواء يحيى علشان لازم رد سريع وقوي وحازم
حبيب: ليه في ايه على الفلاشه وعلى الكاميرا دي
خلود: مافيش وقت انا هاكلمك على التليفون افهمك كل حاجه
يمشي حبيب و يروح اللواء يحيى ويسلمه الفلاشه والكاميرا ويبلغه بكلام خلود
يحيى : تمام روحي اتصل بها وقل لها تجهز و الامر هيجي في خلال الساعه
يخرج حبيب من عند اللواء يحيى ويتصل على خلود
حبيب: خلود اللواء بيبلغك انك تجهزي والاوامر هتيجي خلال ساعه
خلود: تمام انا جاهزه وفي الانتظار
حبيب: بس انا عايزه افهم
خلود: عايزين يفجروا مستشفى معهد ناصر
حبيب: ازاي ده دول لو كفره مش هيعملوا كده
خلود: دول ما لهمش علاقه باي دين دول نبهنا عنهم الرسول صل الله عليه وسلم بانهم هيجيئوا يقلبو الحق لباطل والباطل لحق..... المهم اجهز انت و الباقين بلغهم واستنوا الاوامر.... حبيب
حبيب: ايوه يا خلود
خلود: ما تنساش تصلوا قبل ما تتحركو
حبيبه: اكيد مش هننسى.... خذي بالك من نفسك واجهزي وصلي عقبال ما نتقابل سلام
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اتفضلوا من هنا
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
ترجع خلود لاوضتها عن طريق السراديب و تجهز وتصلي وتستنى الاوامر.... بعد نصف ساعه يرجع الارهابيين للفيلا و بعد رجوعهم بعشر دقائق جه الامر بالأقتحام والقبض عليهم... وخلال الاقتحام حصل ضرب نار واتصابت خلود في كتفها وبعد انتهاء الاقتحام شاف حبيب اصابه خلود
حبيب: خلود انتى كويسه؟؟ اطلب الاسعاف؟؟
خلود: لا انا كويسه ومش محتاجه اسعاف انا هاروح وباذن الله بكره هاكون كويسه
حبيب: تروحي ازاي وفي رصاصه في كتفك
خلود: ما تقلقش الرصاصه خرجت وكمان ما فيش اصابه حيويه انا هاروح وصدقني هاكون بكره كويسه
ترجع خلود ال اوضتها وتبدا تنظف الجرح وحطيت له شاش مؤقت وراحت لاوضه جيداء
خلود: جيداء... جيداء
تقوم جيداء بخضه من نومها
جيداء: ايوه يا خلود في حاجه
خلود: معلش ازعجتك.. بس عايزه منك خدمه
تبص جيداء وتلاحظ كتف خلود المصاب
جيداء: ايه ده.. انتى كويسه
خلود: انا كويسه ما تقلقيش بس يا ريت لو عندك مسكن وخافض للحراره عشان الجرح
جيداء: ثواني يا خلود انا عندي اللي احسن
و تروح جيداء وتفتح الخزنه اللي جوه دولابها وتطلع بخاف شبه بخاخ الفوم اللي بيتركب به الابواب
خلود بضحك: ايه يا جيداء انت فاكراني باب ولا ايه
جيداء: لا عارفه ان انت مش باب بصي دي تركيبه متطوره مين الفيتامينات بتترش على الجرح بتقفلوا و بتمنع التهابه بس لازم ما تحركيش ذراعك طول اليوم بكره عشان الجرح يتلم وما يتفتحش
خلود: تمام واعملي حسابك انا لسه ما اخذتش الرد بتاعك على التركيبات
جيداء وهي بترش الاسبراى على اصابه جيداء: انتى مدياني وقت ولسه ماخلصش
خلود: تمام تصبحي على خير
جيداء: وانتى من اهل الخير
ترجع خلود لاوضتها ولكنها بتتفاجئ بامها جوه الاوضه
ندى: كنتى فين يا خلود؟؟
خلود: كنت عند جيداء كان عندي صداع واخذت منها مسكن
ندى: خلود انا ما بحبش الكذب.. كنتى فين
خلود: ممكن تسالي جيداء
ندا: خلاص مصدقاكى.... خلود عايزاك بعد نصف ساعه الاستوديو اللي في الجنينه بتاع باباكى الله يرحمه
خلود: ليه يا ماما في حاجه
ندى: نصف ساعه يا خلود
تخرج ندى من الاوضه وتسيب خلود وبعد نصف ساعه خلود توصل ستوديو بتاع بابا
خلود: ايوه يا ماما في حاجه
ندى: ايوه يا خلود انتى تعرفي يا خلود باباكى كان بيشتغل ايه؟؟
خلود: اكيد.. مهندس ديكور وصاحب شركه الخالدين للديكور
ندى: لا يا خلود مش بس مهندس ديكور باباكى كان بيشتغل شغلانه ثانيه
خلود: شغلانه ايه دي اللي انا ما اعرفهاش
ندى: باباكى بيعمل نسخ طبق الاصل من الاثار الفرعونيه...
خلود: يعني ايه بابا كان مزور
ندى: لا يا خلود كان بيشتغل بعلم الحكومه كان بيجيء له طلبيات يعمل قطع اثار طبق الاصل وفي منها كمان اللي كان بيبقى من الذهب والاحجار الكريمه
خلود: طيب وحضرتك بتقوللي دلوقت ليه؟؟
ندى: ابوكي كان محول كل فلوس شغل النسخ لذهب قبل موته و خباه في خزنه هنا في الاستوديو ولما مات انا ماقلتش لحد بس من يومين لقيت حد من الشغالين بيفتش في الستوديو يعني المكان ده ما بقاش امان يا ريت تكلمي عمك يحيى يجي ويتقسم الذهب حسب الشرع ونصيبك يتحط في البنك اامن
خلود: حاضر يا ماما هاكلم عم يحيى بكره واتفق معه على ميعاد عشان يجي
ندى: تمام.. تصبح على خير
ترجع خلود اوضتها وتنام وتصحى على الفجر تصلي و تقراء الورد و تاخد مسكن قوى و تنزل للمطبخ وتبدا تجهز عشان الفطار... الساعه 8:00 الكل اتجمع على الفطار
احمد: خلود عايزك بعد الفطار تمضيلي على طلب سلفه عشان عايزه اعمل حفله بمناسبه قبول جيداء الاكاديميه
خلود: وليه السلفه يا عمي
احمد: يعني اعمل ايه ولا انت فاكراني هاسحب من فلوس الشركه... شوفي بنتك يا ندى
ندى:ايه يا ست خلود ده انتى حتى ماهنش عليكى تعمليها
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اتفضلوا من هنا
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
خلود:ثوانى بس انا اصلا هعملها على حسابى و كلمت عمى يحيى و هو جايلك النهارده يا عمى عشان فلوس المطلوبه للشركه كمان....و يا ماما انا بلغت عم يحيى و قالى هيجى اخر الاسبوع بإذن الله
ندا:تمام يا خلود
احمد:اها طيب و شكرا على الحفله
خلود ب استغراب: شكرا!! على ايه يا عمى عيالك دول اخواتى و انا فرحانه جدا لجيداء على الاقل عشان لما اخلص تتوصتلى فى دول الاكاديميه
خلود لنفسها غريبه قوي انا حاسه ان معامله ماما وعمي الوحشه ليا غصب عنهم على العموم كل شيء هيبان
(معلومه خلود مش بتستخدم قوتها ابدا على اى حد من اهلها و ده وعد هى اخدته على نفسها من زمان)
جيداء: ثواني يا بابا اولا انا ماعرفش اذا كان مسموح ليا اني اعلن الخبر ده ولا لا.. ثانيا ليه يا خلود انت اللي تعملي الحفله ليا وبأمارة ايه تدفعي تكاليفها
سكت الكل بذهول وبصوا لبعض لكن الغضب ظهر على وشي احمد والحزن على وش ندى
احمد: يعني ايه كلامك ده ولا عشان انا وندى دلعناكم هتطلعوا ما عندكوش ادب
ندى: لا يا احمد..... انا بناتي متربيين كويس اوى اوعى تقول كده ثاني
احمد: لا يا ندى شكلك ربيتي فعلا بس مش الكل........ انا بتاسفلك يا خلود يا بنتي و لعلمك يا دكتوره القصر والشركه وكل حاجه حتى الهدوم اللي عليكم وعليا دول من خير خالد اخويا الله يرحمه ومن بعده خير خلود بنته
ندى: احمد..... انت بتقول ايه اسكت بالله عليك اسكت😭😭
ياترى فى ايه و ليه احمد و ندى طريقتهم اتغيرت🤔🤔🤔🤔
اسرار كتير بتدور فى العيله دى و حواليها و هتتكشف مع الوقت😉😉
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اتفضلوا من هنا
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق