رواية لثام الخلود الفصل العاشر بقلم الكاتبه نسرين خالد حصريه وجديده علي مدونة نجوم ساطعه
 |
رواية لثام الخلود الفصل العاشر بقلم الكاتبه نسرين خالد حصريه وجديده علي مدونة نجوم ساطعه
الفصل العاشر
بترجع خلود من ذكرياتها على صوت خبط الباب
خلود: ادخل
تدخل جايدا وتقفل الباب وراءها
جايدا: خلود هو ايه ال هيحصل مع اسامه
خلود: هيتحقق معاه و هيواجه تهمة التخابر لحساب دوله اجنبيه وبعد كده هيتحول للمحاكمه و ماتقلقيش مش اقل من اعدام بإذن الله
جايد: اعدام.... خلود انتى مش المفروض كنتى حققتي مع باقي الفريق
خلود: مع اني المفروض ماتكلمش معاكى في الحاجات دي بس يا جايد ال انتى ماتعرفيهوش ان فعلا حصل تحقيق وما حدش كان مرتبك وقلقان غير اسامه ده وكلامك اكد شكوكنا من نحيته
جايدا: الحمد لله انا كنت فاكره ان انتى اخذتى كلامي وحكمتى عليه انه متهم عشان بس كلامي
خلود: ليه يا حبيبتي حد قالك ان احنا بناخد بالكلام بس ولا حد قالك ان ممكن نتهم حد من غير دليل قوي...يا بنتى ده حتى مابيحصلش في الافلام
خلود: المهم انتى دلوقتى كويسه
جايدا: انا الحمد لله تمام ماتقلقيش عليا
خلود: الحمد لله بصي يا جايدا انا عايزه منك خدمه بكره باذن الله فرح واحد معنا فى الفريق وعايزه اروح و بما انك في تدريب دلوقت ممكن تقولي لك وانك هتاخذيني لانه فرح اسلامي
جايدا بغرور : بس كده حاضر اى خدمه ..مش عارفه كنتى هتعملى ايه من غيرى
خلود بضحك: تسلميلي يا رب فعلا كنت هغلب انى اتصرف ههههه
تخرج جايدا من اوضه خلود وتروح اوضتها وتكمل اليوم على انها تعبانه ومحتاجه ترتاح... تاني يوم تصحى خلود في ميعادها وتجهز كل حاجه وتصحي بقيت العيله ويقعدو على الفطار
جايدا: بابا لو سمحت عايزه اطلب منك طلب
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
احمد: خير في حاجه
جايدا: لو سمحت يا بابا ممكن تسمحلي اني اروح فرح زميل ليا في التدريب واخذ خلود معي
جومانه: واشمعنى خلود يعني اروح انا معكى
جايدا: لانه ببساطه فرح اسلامي وانا عارفه ان انتى ما بتحبيش الافراح من النوعيه دي
جومانه:يع😖 فرح اسلامي وناس معقده وكمان كلهم لابسين زي المشوهه خلود
جايدا: عشان كلامك ده بالضبط وطريقه تفكيرك انا مردتش اقول ان انتى تيجي معايا...ما هو انا مش هاروح عند الناس اقل منهم او اتريق عليهم
احمد: جومانه اسكتي خالص انتى فعلا بقيتى سطحيه و تفهه.... جايدا موافق بس مافيش تأخير فاهمه
جومانه بغيط:اوف انا مليش نفس
و تقوم من على السفره
جايدا: اكيد يا بابا اصلا الافراح الاسلاميه مابتتاخرش... هتيجي توصليني يا خلود ولا لسه هتكملي فطار
خلود: لا انا الحمد لله خلصت.. يلا بينا يا جايدا... صح يا عمي عم يحيى حضرتك المكتب النهارده و بيستاذن انه هيتغدى معنا كمان علشان عايزنا كلنا في موضوع.. ماما ممكن كلمه بعد اذنك
ندى :تمام تعالي
ندى اخذت خلود ودخلت اوضه المكتب
خلود: ماما انا بلغت عم يحيى الذهب وهو هيجي النهارده عشان يقسمه... وكمان يا ماما بيقول لك يا ريت تمشي كل اللي بيشتغلوا في البيت... وبينبه قوي اي احد يفضل قاعد لما هو يجي
ندى: فهمت خلاص تمام يلا روحى شوفى وراكى ايه
بتخرج خلود من اوضه المكتب وبتطلع بره تلاقي جايدا مستنياها عند العربيه بتركب معها وبيروحوا على المقر
خلود: السلام عليكم ورحمه الله وبركاته
الفريق عليكم السلام ورحمه الله وبركاته
خلود: ايه الاخبار
يجى من وراها رحيم و يرد عليها
رحيم: الاخبار مدهشه تصوري ان طلع فيه صله بين الدكتور اسامه والجماعه الارهابيه اللي كانت ساكنه جنب بيتكم
خلود: كويس كده هنقدر كمان نعرف لو ليهم خلايه تانيه او فى تبعهم خلايا نايمه
رحيم: بالضبط كده هنحضر الجنازه بتاعت الدكتور عبد الجليل الله يرحمه وبعد كده كل واحد فينا هيروح علشان نجهز لفرح مصطفى وسما
الفريق كله: تمام
رحيم: خلود عايزك ثواني.... خلود انت هتيجي الفرح لوحدك ولا مع مين
خلود: لا هاجي الفرح مع جايدا
رحيم: طيب معلش بلغى جايدا انكم هتدخلوا القاعه معايا
خلود: ليه.. ايه السبب
رحيم: الفرح فعلا منفصل بس في قاعه في الاول استقبال يعني والكل هيشوفك وطبعا الفريق اول ماهيشوفك هيقفولك انتباه وكده هتلفتي نظر الناس بس لو دخلتى معايا الناس هتفتكر ان الانتباه ده ليا انا وده طبيعي لان كل عارف ان انا ظابط
خلود: اه كده فهمت
رحيم: ممكن طلب
خلود: تفضل
ممكن ما تغيريش اللون الاسود
خلود باستغرب: ليه يعني ياشمعنى
رحيم وعينيه بتطلع قلوب: حلو اوي فيكى.. وكمان عشان مش عايز حد يتفتن بيكى ويعاكسك ..و ساعتها هيتحول الفرح ل عزا
خلود بارتباك: انا اصلا مش بلبس غير الاسود من وفاة بابا الله يرحمه
رحيم: الله يرحمه
خلود: وبعدين يا رحيم مش قلنا بلاش الكلام ده
رحيم: ومالي لا احكم سلطان قلبي وما كان لى على القلب من سلطان عشق ملثمة شامخه منذ اول لقاء وما كانت للود مجيبة وما اشفقت على قلب سهد بحبها وما كان بحاسب للعشق من حسبان ولكنه وقع صريع الهواء ولم يرى وجهها حتى في المنام فكيف لمن عشق دون ان يرى معشوقه ان يسلى قلبه هواه ورفعت وقلبي يدينا الى الله الرحيم نرجو له الدعاء بان يذيق قلب محبوبتنا نار عشقنا وتكون لنا الى نهايه الزمان❤️♥️❤️♥️
خلود: ما شاء الله ولا قوة إلا بالله... انت قلبت شاعر يا رحيم.... بقولك يلا سلام واشوفك فى الفرح الليل
تمشي خلود وتسيب العشق الولهان رحيم وفي نفسها تقول
خلود: اسفه يا رحيم عارفه اني بجرحك بس ماينفعش اي حاجه تعطلني عن هدفي
يا ترى خلود فعلا مش حاسه باي حاجه من ناحيه رحيم ولا بتبعد نفسها عنه عشان هدفها🤔🤔🤔
ويا ترى ايه اللي هيحصل في الفرح هيعدى على خير ولا هيكون في حاجه😉
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق