روايةضياء الليل بقلم الكاتبه نسرين خالد الفصل الثامن والتاسع حصريه وجديده علي مدونة نجوم ساطعه
 |
الفصل الثامن
جري ليل على ضياء و شاله مع عامل تاني و اخده للمكتب و امر العمال يرجعو للشغل و رجع المكتب و قفل الباب و راح ناحية ضياء و ابتدا يفكله الرابطه عشان يشوف الجرح عامل أزاي🤯🤯.................. في الوقت ده ليل كان مقرب اوى وشه من ضياء و مركز اوى في ملامحه... و فجأه ضياء بيفتح عنيه و بيشوف ليل مقرب اوي لدرجه نفسه بيخبط على خدوده ... و ايد ليل كانت على الرابطه و بيفك فيها براحه...... بسرعه ضياء زقه جامد لدرجة ان ليل كان هيقع.... و ربط ربطة دماغه تاني مع ان آلَدٍمـ░ـ كان لسه موقفش... و ده خلى ليل يشك ان في حاجه غلط و ان ضياء مخبي حاجه
ليل بلهفه : في ايه يا ضياء انت كويس طيب حاسس بحاجه.... طيب سيبنى اشوفلك الجرح... اقعد يا ضياء ... انا بس عايز اطمن على الجرح
ضياء بيحاول يخشن صوته عشان يطلع طبيعي : انا تمام يا باشمهندس... ملهوش لزوم القلق ده... و لو على دماغي ف ماتقلقش بس قولي فين الحمام 🚽و انا هتصرف
شاور ليل مع استغرابه ل ضياء على باب الحمام.... جري ضياء ناحية الحمام و قفل الباب وراه.............
ضياء بيكلم نفسه : يالهوي عليا لو كان فك الرابطه.. كنت روحت في داهيه....... وابتدت تفك الرابطه و كان معاها في جيبها (فوطه صحيه) فكتها و لزقتها على الرابطه خلتها زي غيار الجروح و لفت الرابطه تاني ... و طلعت من الحمام و مع تسرعها نسيت الغلاف بتاع الفوطه ال كان وقع ورا الحوض
ضياء : انا تمام يا هندسه و الجرح طلع حاجه بسيطه... الحمدلله
ليل : احم احم... طيب تمام بس انت خد باقي اليوم اجازه.... روح و ارتاح و حاول تذاكر شويه و ماتخافش مش هيتخصم اليوم و اشوفك بكره بإذن الله
ضياء : شكراً يا هندسه كتر خيرك... استأذن انا
و طلع ضياء من المكتب و راح نحية الموقع عشان ياخد شنطته ال فيها حاجته و زمايلو شافوه و جريو عليه عشان يطمنو... و الراجل ال كان ماسك الحديد اعتذرله لانه ماشفهوش
ضياء : ولا يهمك ياعمنا و بعدين ده مكتوب يعنى لا ب ايدي ولا ب إيدك.....
و سابهم ضياء و اخد شنطتو و روح و اول ما ازهار شافته ضربت على صدرها و صوتت
ازهار : يـ░ـآلَهّوٌيـ░ـ ايه ال حصلك يا ضنايا و ايه الدم ال على الربطه ده رد عليا طمنب فيك ايه 😰😭
نجم كان في الاوضه و اول ما سمع صويت ازهار طلع يشوفها
نجم : بتصوتي ليه يا ازهار عـ░ـدٍمـ░ـتـ░ـيـ░ـنـ░ـﮯ يا وليه ولا ايه
لكن بمجرد ما طلع و شاف شال الربطه بتاع ضياء غرقان دم.. رجليه ماشالتهوش و وقع على الارض.... جري عليه ضياء و ازهار و شالوه و حطوه على السرير و ازهار قعدت جنبه
نجم بقلق : ضياء انت كويس ايه آلَدٍمـ░ـ ده كله ال على هدومك😰
ضياء : ماتقلقوش انا بخير...
و حكى لهم كل ال حصل من البدايه لحد ما الباشمهندس ليل اداله باقي اليوم اجازه
ازهار : يا ضنايا قوم... قوم اشوفلك الجرح
ضياء : ماتقلقيش يا اما انا خلاص بقيت تمام
نجم : طيب كويس بس مين ال ربطلك الجرح🤨🤨
ضياء : مفيش انا فوقت قبل ما حد يقرب مني و كان معايا يا ابا حاجات بنات ف استخدمتها زي الغيار بتاع الجروح
نجم : طيب كويس انك بخير
أزهار : حج نجم
نجم : ايوه يا ازهار في حاجه؟
ازهار : بقولك ايه ياخويا عايزاك تدبح حاجه لله لجل سلامة ضياء
نجم : بس كده عيوني ليكي يا ازهار😍
ازهار : يسلملي عمرك يا سي نجم🥰
ضياء : انا بقول اقوم انا بدل ما انا قاعد عزول كده 😂😂😂
نجم :ههههه بقولك ايه عايزك بكره تعزم زمايلك و الباشمهندس بتاعك على الفديه بتاعتك يعني بكره تروح تعزمهم و ترجع عشان تحضر الدبيح معايا
ضياء : حاضر يا ابا بس هستأذنكم عشان اقوم اغير و اغير على الجرح و انام لان دماغي وجعاني
نجم : طيب روح ارتاح..... و انتي يا ازهار روحي جهزي اكل ل ضياء عشان يعوض الدم ال نزفه ده
ازهار : حاضر ياسي نجم في اكل من ال عملناه للباشمهندس كنت مخلياه عشان ناكل كلنا منه بعد رجوع ضياء من الشغل هروح اسخنه بس هستسمحك ندخل ناكل في الاوضه عند ضياء عشان مايقومش و يقعد كتير عشان الجرح ال في دماغه😢
نجم : طيب و معنديش مشكله انا اصلا كنت هطلع اكل معاكم بره على الارض الدواء ال أدهوني ضياء ريح وجع رجلي على الآخر
ازهار : طيب هقوم انا احضر قبل ما ضياء ينام
و راحت ازهار تسخن الاكل و قعد نجم يفتكر ال حصل زمان
**فلاش باك**
بعد ما رجع نجم و معاه ازهار ل بيتهم بشويه سمعو الباب بيخبط.... دخلت ازهار الاوضه و فتح نجم و كان العمده و شيخ الجامع
الشيخ : ممكن ندخل نتكلم معاك يا نجم
نجم: اتفضلو يا شيخ ده من جه داري جاب الحق عليا
الشيخ : بص يا نجم يابني تسمع منى نصيحه و لو ماعجبتكش ماتخدش بيها
نجم : اتفضل يا شيخ
الشيخ : بص يابني انا مش هقولك ان امك صح لا هي غلط و غلطها كبير اوي.... بس ماينفعش تهجرها و ماتسألش عنها اوعى يابني تقطع رحمك دي كبيره من الكباير
نجم : حاضر يا شيخ و لونك يعنى بتضغط عليا
العمده : مش قصدنا ابدا نضغط عليك ابدا.... انا اعتبرتكم من النهارده اخواتي و بعد اذنك ممكن تنادي ل اختي و مرات اخويا عايزها في كلمه... ده لو مش هتضايق
نجم : لا انا مش هتضايق بس مراتي انا عارفها مش هترضى تدخل و انتم موجودين ف هخليها تكلمكم من ورا الباب
العمده : طيب مش مشكله على راحتها بس عندي كلمتين و عايزها تسمعهم
سابهم نجم و راح حكى ل ازهار و هي وقفت ورا الباب
ازهار : السلام عليكم
الشيخ و العمده : عليكم السلام ورحمة الله وبركاته
العمده : بصي يا ست ازهار من النهارده انتي اختي وده طبعا لو رضيتي انى اكون اخوكي
ازهار : انا اتشرف ده بعد اذن سي نجم
العمده : طيب بما انك اختي ممكن تقبلي الهديه دي
و طلع من جيبه كردان دهب و اداه ل نجم
نجم : بس ده كتير اوي يا عمده و مش هنقدر نقبله
العمده ب حزن : بص يا نجم انا ربنا اراد اني مايكونش ليا اخوات ولا عيال و انا راضي الحمدلله.... بس انا اعتبرتكم أخواتي ف عشان كده اقبل الهديه
نجم بص ل ازهار لقاها بتدمع
نجم : و احنا نتشرف انك تكون اخونا الكبير يا عمده و ثواني هلبس اختك هديتك
و راح ل ازهار و قال لها بصوت عالي عشان يسمع العمده و الشيخ الكردان ده من اخوكي العمده هدية جوازك يا حبيبتي
العمده : ايه رايك يا ست البنات عجبك هدية اخوكي... على فكره ده كردان امي ال ورثاه من امها و الكردان ده اثرى بيتسلم من ام ل بنتها و عايزك يا ست البنات ان ربنا عطاكي بنت تديهولها او تديه لمرات ابنك
ازهار و هي في حضن نجم وراء الباب
ازهار : حاضر يا اخويا اوعدك اني هديه لبنتي او لمرات ابني لو ربنا رزقني
و بعد كده حضرت ازهار العشا و ادته ل نجم و اكل نجم و العمده و شيخ المسجد مع بعض (عيش و ملح) و بعد كده قبل ما يمشو نده الشيخ على ازهار مره تانيه
الشيخ : يا مرات نجم تعالي ورا الباب عايز اقولك كلمتين.. انا عمك شيخ الجامع
ازهار : اتفضل
الشيخ : اوعى تنسى كلام ربنا
قال الله تعالى: «وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا»، [الإسراء:23].
ازهار و الدموع في عنيها...
ازهار : انا عمري ما همنعه من انه يود اهله ابدا كفايه اني اتقطعت عن ابويا😭😭
الشيخ : مش ابوكي هو ال عاقدلكم يبقى ليه مقاطعك؟!
نجم : هو فعلا ال عاقدلنا في الحسين كمان بس للاسف في مشاكل بين العلتين و كمان اهلها كانو طمعانين يجوزوها لحد من عيالهم لان ابوها غني و هي وحيدة ابوها بس ابوها لما عرف انى بحبها ساعدنا و هربنا من البلد و عقدلنا في الحسين لكنه قالنا انه مش هيحاول يوصلنا لأنه خايف علينا من اهلها
الشيخ : ياااه ده انتو حكايتكو صعبه اوى
ياترى ايه ال حصل بعد كده؟ 🤔
و هل اهل نجم و ازهار هيسبوهم في حالهم؟؟ 🤔🤔
ده ال هيتعرف في الاحداث الجايه😉😉
♡♡دومتم في حفظ الله و رعايته♡♡
ضياء الليل
بقلم/نسرين خالد
الفصل التاسع
نجم : هو فعلا ال عاقدلنا في الحسين كمان....بس للاسف في مشاكل بين العائلتين و كمان اهلها كانو طمعانين يجوزوها لحد من عيالهم لان ابوها غني و هي وحيدة ابوها.... بس ابوها لما عرف انى بحبها ساعدنا و هربنا من البلد و عقدلنا بنفسه في الحسين لكنه قالنا انه مش هيحاول يوصلنا لأنه خايف علينا من اهلها
الشيخ : ياااه ده انتو حكايتكو صعبه اوى
نجم بعشق : مفيش حاجه صعبه مدام احنا مع بعض 🥰🥰
بص العمده و الشيخ ل نجم و ضحكو...
العمده : طيب يا عم نجم نسيبك بقى و ربنا يهدى النفوس
نجم : ياارب
و يمشى العمده و الشيخ و يدخل نجم عند ازهار
نجم : ازهار حقك عليا.... انا اسف
ازهار باستغراب : اسامحك على ايه؟
نجم : اسف اني ماقدرتش اجبلك شبكه ولا اديكي مهر..... انا كل ال معايا خاتم ابويا الله يرحمه ممكن تقبليه مهر ليكي عقبال ما ربنا يفتحها عليا و ساعتها هقدملك المهر و الشبكه ال يليقو بيكي
قال الكلام ده و هو بيقلع خاتم ابوه من ايده و بيقدمهولها
ازهار بدموع في عنيها : تعرف ان ده اعظم مهر ممكن انه كان يتقدملي.... انا قابله بيه و مش عايزه غيره مهر........... ده حبيبي من حبيبي........ بس انا عايزه اتكلم معاك في حاجه كده
نجم : حاجة ايه اتكلمي
ازهار : دلوقتي احنا اشترينا الارض و البيت و كمان في ورا البيت حته فاضيه... فكنت بفكر يعني.... ده بعد اذنك طبعا.... انا عايزاك تشتريلي حبة كتاكيت طيور
نجم : و ده ليه ان شاء االله...... ازهار ماينفعش بعد ما كنتي بيجيلك الفطار على سريرك.. تربى طيور و تخدمي
ازهار بحنيه : و ايه يعنى لما اخدم حبيبي و جوزي.... و بالنسبه للطيور... مين قالك اني هربيهم و هتاجر فيهم معاذ الله.... لا انا هربيهم منها اني اتسلى لانك هتكون في الارض معظم الوقت و كمان خير في البيت هنلاقي منهم البيض و يندبح منهم لو حبينا ناكل..... سي نجم عيزاك تعرف اني عمرى ما هندم على اني اختارتك ابد☺️☺️
نجم بهيام : مش عارف انتي بتعملي فيا ايه ب سي نجم ال بتقوليها دي... كلمتك دي بتخليني عايز اشب و اجبلك حته من السما...... و عايزك تعرفي اني كتبت الارض كلها ب اسمك.... و مش عايز اعتراض منك
ازهار : طيب ليه كده يا سي نجم... ميصحش ان الارض تتكتب ب اسم الست و الراجل موجود
نجم : ده الصح دي فلوس ابوكي و الصح ان الارض تكون ب اسمك
ازهار : طيب نقسم البلد نصين
نجم 🤔: ال هو أزاي ده؟
ازهار : يعني اكتب الارض ب النص و كمان اعملك توكيل عشان تتصرف انت في الارض
نجم قعد يفكر كتير و بعد كلام اكتر من ازهار وافق بس بشرط ان محدش يعرف بموضوع ان الارض مكتوبه بالنص........ و ابتدت الحياه بين نجم و ازهار.. و ابتدت أزهار تصاحب ستات البيوت ال حواليها... و الستات حبتها جدآ و علموها كل حاجه من تربية الطيور و الخبيز ......
أزهار : نجم انا عايزه منك طلب و ماترفضش بالله عليك
نجم : ايه الطلب يا ازهار انا لسه راجع من الارض و مهدود حيلي و رجلي تعباني من الشغل طول اليوم🤒
اول ما ازهار سمعت كلام نجم و شافت التعب باين عليه قامت سخنت مياه و جابت طشت و جابت فوطه و رجعت ل نجم
ازهار : سي نجم هات رجليك حطها في الميه و الملح دي هتريحك
نجم 😮 : ايه ال بتعمليه ده يا ازهار هي حصلت تقعدي تحت رجلي... لالا ماينفعش ده انتي ست الناس كلها
ازهار بحنيه و حب😍 : تعيش و اعيش تحت رجلك انت فاكر اني زعلانه عشان هدعكلك رجلك... لا ده انا فرحانه بيك اوي.. ده انت سيد الناس و واقف على مالنا و زرعنا .... يعنى دعكي ل رجلك ده فخر ليا يا سي نجم.... بس عايزاك تجيب بقرتين و جاموستين و طور و عجل
نجم : و دول ليه بقى مش كفايه عليكي الطيور
ازهار : الطيور و اديك شايف الخير ال جايبينه و كمان شوف من جوز ارانب بقى ماشاءالله عندنا قد ايه... ف لو بقى عندنا كمان البقر و الجاموس مش هانحتاج نشترى من بره البيت غير حاجات بسيطه.... و كمان بصراحه كده... اعتبرها حسنه مخفيه... انت عارف ان في ستات بتيجي تشتغل معايا في التربيه و ربك بيرزقهم
نجم : طيب لو كده استني الشهر الجاي العمده كان قالي انه هينزل يشترى حاجه لله هنزل معاه و هشتري انا كمان حاجه لله و هشتريلك ال انتي عيزاه
و الحياه مشيت بينهم لحد ما جه في يوم حد خبط على الباب و كان نجم في الارض.....
ازهار : مين ال على الباب
العمده : افتحي يا اختي انا العمده و معايا مرسال ل نجم
ازهار من ورا الباب : معلش يا عمده مش هقدر افتح سي نجم مش موجود في البيت
العمده : طيب هو فين و احنا نروحله
ازهار : هو في الارض و زمانه جاي ممكن يا عمده تدخل المندره عقبال ما يجي سي نجم
العمده : طيب بس لو هيتأخر نروحله احنا دي الارض جنبنا
ازهار : لا مش هيتأخر عشان ده معاد ماهيجي يتغدى
العمده : طيب احنا هانستنى في المندره ادخلي انتي شوفي ال وراكي
دخل العمده و الضيف ال معاه للمندره و قعدو يتكلمو لحد ما نجم يرجع.... اما ازهار ف لبست عبايه و طرحه و لفت من باب البيت الوراني و راحت قالت لنجم على ال حصل كله
نجم : طيب ارجعي انتي زي ما جيتي و جهزيلي لبس نضيف و انا هاجي اغير هدوم الشغل و ادخلهم المندره
راحت ازهار و جهزت الهدوم و كمان طبق كبير و شفشق ميه و اول ما وصل نجم خلته يغسل ايده و وشه و دماغه و غير و بعد كده دخل المندره ال اتفاجئ ب الضيف ال فيها بشده
نجم : السلام عليكم ورحمة الله وبركاته.. ايه ال جابك بيتي يا هلال؟... ايه مكفاش امك ال عملته.... زعلت ان اهل البلد ماقتلوناش ف بعتتك عشان تقتلنا انت ب ايدك؟!
هلال : نجم ياخويا ماعاش ال يقرب منك و انا على وش الدنيا.....
نجم😏: لا بجد؟!..... قول ايه ال جابك هنا يا هلال او روح مكان ماجيت انت مش مترحب بيك هنا....
العمده : ايه يا نجم طيب مش عشان خاطر ضيفك ال هو اخوك.... يعني انا مليش اعتبار عندك... عشان تطرده و انا قاعد معاه.... يعنى بتطردني من بيتك و بيت اختي يا راجل ياطيب
نجم : لامواخذه يا عمده ماكنش قصدي ابدا ال فهمته بس على يدك هم عملو ايه لما بعتو الراجل بتاعهم و لولا شيخ الجامع كان زماني انا و مراتي مقتولين
العمده : طيب اقعد و اسمع الراجل جاي في ايه بس و بعد كده انا ال هقوله امشى
قعد نجم مع العمده و هلال و ابتدا هلال يتكلم و عنيه في الارض بعد ما عرف ال عملته امه في نجم و مراته
هلال : نجم انا جايلك عشان ترجع البلد
نجم 😏 : لا ياراجل؟!!!
هلال 😭 : من غير تريقه يا نجم دي كانت وصية الجده (جدتهم و كبيرة العيله) قبل ما تموت ان محدش يصلي عليها غيرك
نجم : مين ال ماتت انت بتهزر
هلال : لا مش بهزر يا نجم الجده ماتت الفجر و دي وصيتها و كمان وصت انك و مراتك تحضرو العزاء و محدش هيقدر يجي جنبكم
العمده.: ومين هايقدر يجي جنب اخواتي و انا عايش بعد اذنك يا نجم انا هاجي معاكم و هناخد معانا غفر من هنا عشان لو حد فكر يقرب منكم هيتضرب ب النار
العمده قال كده و هو بيبص على هلال ب تحدي و تحذير
نجم بحزن : ال انت شايفه صح هيتعمل يا عمده.... بس سيبوني ساعه اشوف مين هايهتم ب مشاغلي هنا عقبال ما ارجع
و طلع من عندهم و دخل عند ازهار ال اول ماشفها اترمى فى حـ░ـضـ░ـنـ░ـهّآ و قعد يعيط و قلها ال حصل
نجم : ازهار شوفي حد من الجيران ياخد باله من الطيور و الحيوانات ال ورا البيت في الزريبه عقبال ما نرجع
ازهار : طيب انا هجهز زياره و هروح اقول للست ال جنبنا هي عارفاهم كلهم و بكره هتبلغ كل الحريم و الدنيا هتمشي زي ماهي عقبال ما نرجع.. و انت روح كلم ال بيشتغلو معاك في الارض
نجم : طيب سلام
ساب نجم ازهار ال كلمت الست و وصتها على الطيور و الحيوانات و بعد كده جهزت الزياره و لبست عبايه و طرحه سود و شيك و استنت نجم عقبال ما يجي و العمده راح بيته و جهز و جهز معاه غفر للحمايه و كمان جهز عربيه نقل و حط فيها عجل عشان العزا و نجم جه و هو شادد معاه عجل تاني و حطوه في العربيه و حطو الزياره ال جهزتها ازهار جنب السواق و ركب نجم و ازهار مع العمده و وراهم عربية هلال و ورا هلال عربيتين غفر و بعد مده طويله وصلو البلد ال اول ما دخل صف العربيات قعد الناس تسأل مين ال جه و كانو فاكرين ان في مسؤول جه و لكن الكل اتفاجئ ان ال نزل من العربيه كان نجم و معاه ازهار... و دخلو بيت الحاج شمس (بيت ابو نجم)....
ياترى ايه ال هايحصل؟ 🤔
و هل العزا هيعدى على خير؟🤔🤔
ولا هيحصل ال هيغير الهدوء ال موجود؟!! 🤔😮
ده ال هيتعرف في الاحداث الجايه😉😉
تعليقات
إرسال تعليق