رواية لثام الخلود بقلم الكاتبه نسرين خالد الفصل الثانى عشر حصريه وجديده علي مدونة نجوم ساطعه
 |
رواية لثام الخلود بقلم الكاتبه نسرين خالد الفصل الثانى عشر حصريه وجديده علي مدونة نجوم ساطعه
بعد ما نامت خلود و هى بتفكر فى تار ابوها الله يرحمه.... و المهمه... و مقابلة رحيم ل عمها و امها بكره ولكنها اتوكلت على ربها وصلت ركعتين قضاء حاجه و يعدى اليل و يأذن الفجر و تقوم خلود ولانه يوم الجمعه ابتدت فى تجهيز البخور و مكانها ال هتقراء فيها سورة البقره و الكهف.و جهزت كل حاجه بيحبها عمها يحيى لانه هايتغدى معاهم و خبزت بعض انواع الحلويات و النواشف لضيافة رحيم
و ابتدت فى قراءت القرآن فى خشوع لانها حافظه لكتاب الله و مع الوقت ابتدا البيت يصحى و تكون خلود خلصت قراءه و جهزت الفطار و اتجمع الكل على السفره
احمد:حسام
حسام:ايوه يا بابا
احمد: اعمل حسابك عمك يحيى جاى النهارده على الغدا و كمان جيلنا ضيوف تبع خلود ياريت لو عندك اى مشاوير تلغيها
حسام و هو بيبص لخلود ب استغراب: حاضر يا بابا بس مين الضيوف دول
احمد:فى واحد شاف خلود امبارح و كلم عمك يحيى و جاى النهارده عشان يقابلنى
جومانه ب غيظ و غل:اها بقى عشان كده كنتى عايزه تروحى الفرح مع جايدا امبارح ..و اتاريكى قايمه من الصبح تنضفى و تبخرى و تجهزى اشى اكل و اشى حلويات و اشى نواشف ...وياترى بقى يا ست الشيخه كنتى ماشيه معاه ولا فى حاجه اكتر من كده و ياترى هو يعرف انك مشوهه ولا مفهماه انك ميس ايجيبت
خلود ب انهيار:لولا انك اكبر منى و لولا انى عامله احترام ل عمى كنت رديت عليكى رد قتلك
قام احمد من مكانه و وقف جومانه و راح ضاربها كف خلاها تنصدم
احمد:للاسف انتى خلتينى راسى فى الارض و عندها حق خلود لو داست عليها لانى فعلا معرفتش اربيكى....و ياخلود انتى مردتيش تردى عليها عشان خايفه على مشاعرى و مشاعرها لكن انا ال هرد عليها.....لا يا جومانه مش خلود ال تعمل ال قلتى عليه لكنك انتى ال عملتى كده و ال اكتر منه ولا نسيتى يا....يا مدام
(جومانه حبت واحد وهى فى الجامعه و خطبها و كتبو الكتاب و قبل الفرح ب شهر وداها الشقه على اساس انها تشوفها و لكنه خدع جومانه و تمم الجواز هناك... و لما جومانه بلغت ابوها و طلبه و كلمه قاله انها مراته و انه مغلطش بس بعد كده ب اسبوع اتفاجئ احمد انه طلق جومانه و سافر)انهارده مش عايزك تنزلى من اوضتك انتى فاهمه
😭 تجرى جومانه و دموعها مغرقه عيونهاعلى اوضتها ...
خلود:مكنش ينفع كده يا عمي...انت جرحت جومانه ... حضرتك عارفه ان الموضوع ده حساس عندها ازاى ..و لو على كلامها احنا طول عمرنا بنتناقر يعنى مش جديد اننا نتشاكل مع بعض....بعد اذنك يا عمى انا هطلعلها
تجرى خلود على اوضة جومانه و تخبط عليها
خلود:جومانه ... جومانه افتحى .... انا اسفه ليكى بس بالله عليكى افتحى يا جومانه
تفتح جومانه الباب و تكون منهاره و تترمى فى حضن خلود
جومانه:خلود ماتزعلش منى انا عارفه انك بتكرهينى بس بالله عليكى انا مليش مكان غير هنا ولا اهل غيركم....اوعى تطردينى من وسطكم
خلود:انتى بتقولى ايه ...استهدى بالله و اهدى كده و بطلى عياط ..انا استحاله اعمل ال بتقوليه ده و مش عشان انا بس بنت عمى لا لانك اختى الكبيره ال عمرى بحترمها و ال فكراها و انا صغيره لما كانت بتجبلى السودانى الاسوانلى و الچيرسى و الماندولين...انا اه كنت صغيره لكن انا فاكره....و مهما تعملى انا بحبك حتى لو عايزه تبعدى و تكونى لوحدك و لو حتى مش بتحبينى انا بحبك
جومانه ب انهيار:لا انا مش بكرهك انا كنت عايزه اكرهكم فيا عشان تبعدو عنى لانى بقيت حاسه انى وحشه اوى و خايفه لو قربتو منى اعديكم
خلود : اخص عليكى انتى عمرك ما كنتى وحشه كل الحكايه انك اتعرضتى لتجربه وحشه... و بإذن الله ربنا هيعوضك عوض جميل و تتعجبى من لطفه بإذن الله
تهدا جومانه و تبص لخلود بنظرة انتى مسمحانى
خلود بهزار:اوعى تفتكرى انك عشان بتعيطى ف مش هاتسعدى فى الضيافه النهارده لا ده احنا ورانا حاجات كتير اوى ...اقولك على سر
جومانه:قولى
خلود:انا مجهزه المقادير و هعمل روانى و رموش الست لوحده كده علطول بترخم عليا بس انا بحبها و متأكده انها بتحبنى كمان
بتحضن جومانه خلود
جومانه ب ابتسامه: ربنا يوفقك و يسعدك و يتمملك على خير يارب
خلود: ولكى ب المثل يارب
فى الوقت ده تدخل عليهم جايدا و سما اختهم الصغيره و قعدو يهزرو مع جومانه و يضحكوها و من ورا الباب كان احمد و ندى بيتابعو ال بيحصل و ابتسامة رضا على وشوشهم
خلود بقولكم ايه انا مجهزه الاكل افضل على التسويه بس الاول يلا نجهز عشان صلاة الجمعه و بعد كده نبداء نشتغل
جومانه :بالله العظيم انتى اخت عسل
تبتسم خلود و تدمع عيونها لانها اول مره من ساعة الحادثه تحس ان جومانه بتعتبرها اختها
وبعد الصلاه و تجهيز الغدا وصل عمهم يحيى و اتجمع الكل على السفره
احمد:انت تعرف الشاب ال هيجى النهارده ده يا يحيى
يحيى:اه اعرفه ابوه الله برحمه كان صاحبى انا وخالد اخوك الله يرحمه و كان زميلى و نفس دفعتى و استشهد بعد الحادثه بفتره
احمد: وهو بيشتغل ايه؟
يحيى و هو بيبص على خلود و جايدا :بيشتغل دكتور جراح و على فكره هو حافظ كتاب الله و متدين
احمد: اللهم بارك...ربنا يقدم ال فيه الخير
و استمرو فى الاكل و الكلام و بعد مده جه وقت زيارة رحيم....الساعه ثمانيه ب الظبط خبط الباب و كان رحيم
رحيم: السلام عليكم ورحمه الله وبركاته
جومانه كانت هى ال فتحت الباب:عليكم السلام ورحمه الله وبركاته..اى خدمه
رحيم:انا الدكتور رحيم و كان فى معاد بينى و بين احمد بيه
جومانه:اه اهلا و سهلاً اتفضل هم فى انتظارك ...انا بنت عم خلود و اختها الكبيره
رحيم:اهلا بحضرتك
يدخل رحيم الصالون و يقعد مع احمد و يحيى
احمد:و على كده يا استاذ رحيم انت بتشتغل ايه و تعرف خلود منين
رحيم:انا دكتور جراحى و شوفت الآنسه خلود مرتين الحقيقه.... مره فى الجامعه لما كنت رايح اشوف حد فى الجامعه و المره التانيه امبارح فى الفرح و عرفت انها هى فى المرتين بسبب ان فى الكليه صحبتها ندهتها خلود و فى الفرح اختها ندهتها بنفس الاسم و حسيت وقتها انها اشاره من ربنا و سالت ال موجدين و عرفت ان عمها هوا اللواء يحيى و كلمته و استأذنته انى اقولها انى عايز اقابل حضرتك و حاليا قاعد معاكم
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
يحيى: طيب انا هجيب خلود
و راح يحيى و بعد شويه دخل هو و خلود
خلود: السلام عليكم ورحمه الله وبركاته
الكل: عليكم السلام ورحمه الله وبركاته
احمد: اقعدى يا خلود دكتور رحيم عايز يتقدملك
يحيى:ايه رايك يا احمد نسبهم شويه و نقعد على الانتريه هناك
احمد:ال تشوفه يا يحيى
بيقوم يحيى و احمد و يبعدو شويه عن الصالون و تقابلهم ندى
ندى:ايه الاخبار؟؟...و انت رايك ايه يا احمد انت و يحيى
يحيى :زى ما قلتلكم الولد محترم و دكتور و مرتاح يعنى مش طمعان
ندا:وانت يا احمد؟
احمد: الولد ممتاز ... لو خلود وافقت يبقى مبارك عليها بجد واضح انه محترم و ابن ناس و متربى و ده ال يهمنا لكن الغنى و الفقر مايهمنيش و لو على الفلوس ف خلود مش محتاجه حاجه خالد سايب ال يكفيها و انا مش هسيبها
ندا: على بركة الله
و يرجعو بعد كده عند خلود و رحيم
احمد:ايه رايك يا خلود
خلود:و هى بتبص فى الارض ال تشوفوه يا عمى
احمد ب ابتسامه:يبقى على بركة الله... سوف الميعاد المناسب و تجيب حد من اهلك و تيجى عشان نقراء الفاتحه و نحدد الفرح
رحيم بحزن:الحقيقه انا زى ما حضرتك عارف ان بابا الله يرحمه و ماما بعديه ب سنتين لانها متحملتش صدمة استشهاده..يعنى انا مليش حد و بتمنى انكم تكونو اهلى و ياريت نقراء الفاتحه و ممكن اللواء يحيى يلبس الانسه خلود خاتم امى لانها وصيتها و مش عايز اطول فى الخطوبه لانى مش حابب يكون فى اى تجاوز ولو حتى ب نظره بينا و كمان انا عندى بعثه بعد اسبوعين و هتستمر اربع سنين فلو ينفع نتجوز و اخدها معايا و تحول ورقها على الجامعه ال عليها بعثتى و بكده اكون بعدت عن المعصيه لان وقتها هيكون معايا حلالى
احمد: طيب نشوف راى العروسه
خلود:ال تشوفه يا عمى انا معنديش اى اعتراض
يحيى:يبقى على بركة الله وانا هجهز الاوراق و هبتدى فى اجراءات تحويل خلود ل لجامعه بعثه رحيم
احمد:يبقى نقراء الفاتحه...قوم يا حسام نادى على اخواتك عشان يقرو فاتحة اختهم
حسام:حاضر يابابا
و بعد فتره تنتشر الزغاريط و تقدم البنات الحلويات و الناشف
رحيم بيدوق الحلو:بسم الله ماشاءالله معلش. ممكن اعرف اسم محل الحلويات ال بتتعملو معاه معلش يا عمى حضرتك عارفه انى وحيد و حابب اجيب شوية حلويات و نواشف من عنده
ندى ب ابتسامه:احنا مش بنشترى الحلويات من بره كل ده عمايل خلود و لو عجبك ف احنا مجهزين ليك لما عرفنا ظروف انك لوحدك شوية حلويات و نواشف
رحيم بذهول: مبارك عليا دكتوره و ست بيت شاطره بجد بابا و ماما الله يرحمهم داعين ليا اكيد.....ممكن يا سيادة اللواء بما انك صاحب ابويا الوحيد تكون وكيلى و تلبس خلود الخاتم
يحيى و هو بياخد الخاتم:ده انا اتشرف
و يلبس يحيى الخاتم ل خلود وسط فرحة الكل و طبعا سعادة رحيم ال غرغرت عيونه لانها قبلت بيه🎉🎉🎉🎉🎉
🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰
ياترى هتستمر سعادتهم ..ولا للقدر راى تانى؟؟؟
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق