رواية ضياء الليل بقلم الكاتبه نسرين خالد حصريه وجديده علي مدونة نجوم ساطعه
 |
الفصل الثاني
ضياء اخد الكتب و الملازم و رجع لشغله و اخر اليوم روح
الام: حمدالله على السلامه يا ضنايا خش اتشطف و انا هجهز الاكل عقبال ما ابوك يجي
يدخل ضياء الحمام و يبدء ب خلع الربطه ال علي راسه و يبص فى المرايه و نكتشف ان ضياء مش راجل انما بنت غايه في الجمال بشعرها ال بندقي و وشها الخمري من نار الشمس لكن ملامحها جميله و ناعمه ..تفرد ضياء شعرها و تغسل وشها كويس و بعد كده تاخد دش و تلبس و تدارى شعرها تاني بالربطه و تطلع
الاب: كنت بتعمل ايه كل ده يا ضياء
الام بخوف : ده لسه داخل يتشطف ياحج
الاب: و هو انا سالتك يا بومه انتي😡 ولا هو ننوس امه مش قادر يرد 😏😏
ضياء : ابدا يا ابا و هو انا اقدر مردش عليك برده
الاب : فين اليوميه بتاعتك بقالك اسبوع ما ادتنيش حاجه
ضياء : يا ابا المهندس كتر خيره بدل ما انا يوميه خلاني بعقد
الاب : يعنى ده كويس هيفرق يعنى؟؟
ضياء : اه يا ابا ده في فرق يجي ٢٠٠جنيه بس هقبض يوم ٥من كل شهر
الاب بحسبه في دماغه: اممم تمام ادام عمل معاك كده يبقى عجبه شغلك ...خلاص لما تقبض تجيب القبض
ضياء بخجل : يا ابا انا بستأذنك الشهر ده عشان عايز اجيب الحاجه بتاعتي
الاب بعدم فهم : حاجة ايه دي؟!
ضياء: يا ابا عايز اجيب ربطتين لدماغي و عايز احم احم عايز اجيب حاجات ...ما تتكلمي يا اما
الام : يوه يا حج ما انت فاهم الحاجات ال كل مده بيجبها ضياء عشان التعب بتاع الشهر
الاب: اه اه فهمت طيب هتعوز اد ايه لو لازمك الحاجه دلوقت اتصرف لك عقبال القبض
ضياء: لا يا ابا انا لسه عندي بس هو البرشام المسكن ال خلص و ربنا يستر عقبال القبض و اهي هانت
الاب في نفسه: على عينى يا بنتي اعمل فيكي كده بس لو اتعرف السر ده هتروحي منى عشان كده لازم تفضلي ضياء الراجل الشقيان و افضل انا الاب ال معندوش رحمه
الاب : طيب قوم نام عشان شغلك
و بيسبهم و بيدخل اوضته
ضياء بيطلع من جيبه ٥٠٠جنيه و بيديهم ل امه
ضياء : يا اما عايزك كده تعملي فطرتين و حتة قشطه على حبة عسل و جبنه قديمه و طاجن معمر
الام ب استغراب : منين الفلوس دي يا ولدى ؟ ..و ليه الاكل ده كله؟!
ضياء : يا امه ده للباشمهندس ليل الراجل كتر خيره عييني عنده و بيسبني اروح الجامعه مرتين في الاسبوع و مش بيخصملي حاجه و كمان قاعد بعيد عن اهله يبقى واجب عليا اني اوده و اوديله لقمه يبر بيها نفسه....و الفلوس معاكي اتصرفي و شوفي هتكفي ايه
الام : من نحية تكفي ف بإذن الله هتكفي و تزيد و هعمل زياره تشرفك ...لكن يا ضياء اوعى تنسى انت بنت
ضياء ب ابتسامة وجع: بنت؟!يا اما انا محدش يعرف انى بنت غير مراية الحمام 🥺🥺 ماتقلقيش يا اما الباشمهندس ليل ميعرفش غير ضياء الفواعلي و بس تصبحي على خير يا اما
الام : تصبح على خير و راحة بالك يا ضنايا
الام في نفسها: سامحينا يا ضياء مش ب ادينا و كل ده عشان نحميكي من ال اتحكم علينا و عليكي 😢 سامحينا يا بنتي
تدخل ضياء اوضتها و تشيل الرابطه و تفرد شعرها ال بيوصل ل بعد ضهرها ب شويه مش قليلين و تسيبه عشان يتهوى و تمسك الكتب ال اخدتها من ليل و تبدء تذاكر و على الساعه١١بتلم شعرها تاني و بتدخل تنام عشان امها هتقومها بدري عشان تكمل مذاكره
استوووووب ✋✋
ضياء بنوته زي القمر بشعر بندقي طويل و عيون مابين العسلي و الاخضر و جسم انثوي فتان و لكن بتخفي كل ده تحت هدومها الرجالي و الرابطه و بتدرس هندسه وهي دلوقتي في سنه تالته و مش بتدفع المصاريف بسبب انها متفوقه و ده طبعا من غير علم ابوها لانه منعها تكمل تعليم من بعد الاعداديه ولكنها اتعلمت بتشجيع من امها ... و سبب حياتها دي ابوها ال صمم انها تعيش عيشة الرجاله و محدش يعرف انها بنت ابدا و لسبب غير معروف ب النسباها
تاني يوم يروح ضياء على الكليه عشان يحضر لانهم بلغوه انها محاضره مهمه ...و تروح الام و تجيب حاجات من السوق و تجيب لحم و ترجع على البيت
الاب : ايه ال انتي جيباه ده و منين جبتي الفلوس
الام : ده ...دي حاجات للباشمهندس ال شغال معاه ضياء عايش لوحده هنا و سأل ضياء على حد بيعمل اكل بيتي و بعت معاه فلوس ...و انا قلت لضياء اني انا ال اعمله و نعمل لينا من جنب اكله
الاب: اوعي تكوني بتصرفي من فلوس ضياء انا بحوشها عشان هسفرها بره و ابعدها عن اديهم
الام : و هو انا ايه ال مصبرنى على اني اشوف بنتي كده إلا عشان ابعدها عن اديهم و عن اذاهم
الاب : كله قدر و مكتوب
الام : سامحني يا نجم سامحني 😭😭
الاب يمسح دموع زوجته و يحضنها
الاب : و هو انتي بإيدك ايه عشان اسامحك يا ازهار هو انتي ال زرعتي الغل في قلب امي و جدتي ولا انتي ال كرهتي العلتين في بعض....كله قدر و مكتوب................. و المكتوب علينا هنشوفه ولو روحنا ل اخر الدنيا😢
ياترى ايه ال هيحصل ؟
و ايه ال حصل زمان ؟
و ايه حكاية نجم و ازهار؟
و ليه خايفين على ضياء و من مين؟! 🤔🤔🤔🤔
ده ال هيتعرف في الفصول الجايه😉
الفصل الثالث من هنا
تعليقات
إرسال تعليق