روايه على الطراز الغربي الفصل الثاني حصريه وجديده بقلم الكاتبه سحر سمير لطفي نصار
روايه على الطراز الغربي البارت الثاني حصريه وجديده بقلم الكاتبه سحر سمير لطفي نصار
 |
روايه على الطراز الغربي الفصل الثاني حصريه وجديده بقلم الكاتبه سحر سمير لطفي نصار
الفصل الثاني
عند أسلام
اسلام بحده : جرا ايه مبقاش الا اللمامه اللي تتعرض لنا
اسلام بحده و بصوت عالي : و قسما عظما اللي هيقرب من كوريا اختي يكلمها يجي يمتها هدفنه مكانه مفهوم كوريا تخصني مفهوم ياللي في السوق... سامعني
قاطعه على اللي جه جري
على بلهفه : في حاجه يا معلم
اسلام بحده : خد يا على أوقف هنا مع كوريا و متسبهاش اصل المامه كتروا
اسلام ل كوريا : بعد كدا مش هيستجرا يبص لك.. و غير كدا واحده عندها اخوات و تشرشح للراجل في الشارع قولي بس يا اسلام و هكون قدامك
كوريا بفرحه : تعيش يا خويا
و اترمت في حضنه
اسلام بحده : خلاص... شوفي شغلك
كوريا بفرحه : قرب.. قرب
على : ايه اللي حصل يا كوريا
كوريا : الزفت كريم اللي في الفرفشه اللي جامبنا جالي و قالي كلام مش قد كذا
على : و عملتي ايه
نور : كوريا ادتوه الطريحه اللي هيا
على : ايوا كدا..... يالا نشتغل
كوريا : يالا.... قرب قرب
قاطعهم دخول المعلم سيد بحده هو ورجالته : جرا ايه يا بت انتي مش هتتلمي
كوريا بحده : نعم نعمممم يا دلعدي
قاطعها على : استنى يا كوريا كويس انك جيت... عاجبك اللي عمله ابنك دا يا معلم جاي يتعرض لاختي في السوق
المعلم سيد بحده : تستاهل دخلنا دوغري و معجبش تستاهلوا اللي يحصل
كوريا بحده : نعم نعم
مسكهاعلى بالعافيه
كوريا بحده : سبني يا على
قاطعها على : اهدي يا كوريا اسمعي بس
كوريا بحده : لا و اقسم بالله اوريه مقامه... جرا ايه يا شايب يا عايب سكتنا له دخل بحماره.... الغلط يجي منك انت و ابنك
قاطعها اسلام بحده : بس يا كوريا..... نعم يا معلم سيد
المعلم سيد بحده : ينفع اللي اختك بتعمله دا يا معلم
اسلام بحده : ايوا ينفع..... و عاجبني كمان
المعلم سيد : بس مش اصوال يا معلم اللي انت عملته
اسلام بحده : ولا اصوال اللي انت عملته انت و ابنك.....هو من الأصول انك تجي و تكلم الحريم و تغلط فيهم و سط السوق
المعلم سيد بندفاع : انا مغلطش
قاطعه اسلام بحده : غلط ولا مغلطش يا كوريا
كوريا :غلط يا معلم
المعلم سيد : انا قصدي أن يعني
قاطعه اسلام بحده : اعتذار لها زي ما غلطت في حقها انت و ابنك
المعلم سيد : كلامك على راسي يا معلم..... لو ابني اللي غلط يبقى انا اللي هربيه.... و انا اسف ليكي يا كوريا
و مشى هو ورجالته
كوريا بفرح : لولولولولييييييييي
اسلام : خلاص يا كوريا
كوريا بفرح : تسلم لي يا احلى اخ في الدنيا
على بفرحه : و علمنا عليه ههههه
اسلام : خلاص يالا كل واحد في فرشته..... شقوا شغلكم
كوريا بفرح : يالا يا على.... و قرب قرب
في الفرشه اللي جانبهم
كريم بوجع : ااه اااه
المعلم سيد بحده : عملت ايه يا وش المصايب انت.... بقي انا المعلم سيد اعتذر من واحده
قاطعه كريم : ايه اللي حصل
المعلم سيد بحده : قولت لك ميت مره ابعد عن البت دي .... مفيش الا هي اللي في السوق دي اخت المعلم اسلام عارف مين المعلم اسلام يا أبن الكلب
كريم بحده : بردوا وديني و إيماني ما انا سايبها.......و هجوزها بالزوق ب العافيه
المعلم سيد : و كلام المعلم اسلام....دا حالف ميت يمين انك لو قربت من اخته هيقتلك
كريم : لا بردوا
المعلم سيد بحده : ياض افهم.... انت مش قد المعلم
كريم : و انا مش هسيب كوريا و هتجوزها حتى لو هطير فيها رقاب
في نهايه اليوم
اسلام : هااه الإيرادات يا عيال
ياسر : اتفضل يا كبير
اسلام بحده : ايه دا
ياسر : الايراد
اسلام بحده : فين بقيت الايراد ياض
ياسر بارتباك : هما دول انا مبعتش كتير دا السوق كان نايم و الله
اسلام بحده : و الله
قاطعهم دخول على و كوريا : اتفضل يا كبير
اسلام بفرحه : بسم الله ماشاء الله ايوا كذا
اسلام بحده ل ياسر : شوف اختك يا دغف باعت ازاي
ياسر بحده ل كوريا : بقى هي كدا يا زفته
كوريا : جرا ايه يا سي ياسر... عايز ايه
اسلام بحده : خد هنا ياض..... يالا يا كوريا خدي اخواتك الصغيرين وروحوا انتوا و احنا هنخلص و نحصلكم
كوريا : حاضر يا كبير
كوريا بحب : يا سيف يا نور.... يالا يا حبايبي
نور بفرحه : بجد.... يالا
و مسكوا ايدي كوريا و مشيوا
اسلام بحده : يالا لموا الفرش على ما ارجع البضاعه دي المخزن تاني.... اتحركوا
على : حاضر
عند كريم
كريم : اجهزوا يا رجاله
مسعد : اي خدمه
عند كوريا
كوريا : هههههه.... و الله ما قادره
نور : احكيلك على نكته كمان
قاطعهم الرجاله اللي اتلمت حواليهم
كريم بحب : مش قولت لك مش هسيبك
يا كوريا
سيف بسرعه طلع يجري
كريم ل رجاله : هاتوه
سحر بحده : انجر يا دلعدي انت و شويه الخرفان بتوعك دول بدل ما اوريكم الصح
كريم وهو بيقرب عليها : اتصدقي انا نفسي اشوف الصح دا من زمان..... انا بعشقك يا بت.... يا ازعه افهمي
نور بحده وقف قدامه
نور بحده : مش هتقرب منها طول ما انا عايش
قاطعه الرجاله اللي شدوه
نور بحده : سبوني يا كلاب
سحر بحده : سيب اخويا يا ابن الكلب
كريم وهو بيمسك ايديها و بيقرب عليها اكتر : انا كنت عايزك في الحلال و انتي رفضتي مترجعيش تلومي الا نفسك
عند اسلام
اسلام بحده : متشهل ياض
على : بدائنا نخلص يا معلمي
قاطعهم سيف اللي جاي بينهج
اسلام بحده : ايه اللي رجعك هنا ياض
سيف : الحقوا كوريا
اسلام بلهفه : مالها كوريا.... انطق... قول
سيف بنهجان :كريم و رجالته هجموا علينا وو..
قاطعه اسلام اللي طلع يجري ووراه على و ياسر و سيف
راحوا ل هناك و شافوا الصدمه
في مكان آخر في القاهره
مصطفى : الف الف مبروووك يا ابو حميد.... ايه يا عم الشركه واكله السوق موديلات مفيش بعد كدا
أحمد : يا عم صلى على النبي
مصطفى : عليه الصلاة والسلام.... و الله مبقرش بس اهدي يا وحش الاستيراد شويه العيون عليك و اخاف تتحسد
أحمد : سيبك يا مصطفى دلوقتى.....الفرع التاني محتاج عماله
قاطعه مصطفى : ولا يهمك يا ابو حميد الموضوع هيملي الجرايد و من بكرا بس المهم عايزهم ستات ولا رجاله
أحمد : يا عم اي حاجة متفرقش
قاطعه صوت تليفونه
أحمد بزعق : يوووه مش وقتك يا كوثر
مصطفى : تب ما ترد عليها يا سيدي
أحمد : لا... ما انت عارف
مصطفى : ااه موضوع الجواز و العروسه و كدا.... دي كوثر مراتي مبتتوصاش
أحمد : انت هتقولي اختي وانا عارفها دماغها جازمه قديمه
مصطفى : ما تتجوز يا احمد و تخلصنا
أحمد : امشي يالا.... اطلع برا... يالا
مصطفى : انا قولت كدا بردوا...لا و الله ما انا قاعد معاك دا انا ورايا شغل متلتل في المكتب متحاولش معايا سلام سلام
و طلع
أحمد : مجنون
عند كوريا
راحوا ل هناك و شافوا الصدمه
كل الرجاله واقعين و نور في حضن كوريا
اسلام بلهفه خدها في حضنه
اسلام بلهفه : كوريا انتي كويسه
كوريا : الحمد لله يا خويا
نور بفرحه : كوريا بستين راجل يا معلم
كوريا : متخافش عليا يا حبيبي
على : انتي عملتي فيهم ايه
اسلام بحده : يا ابن الكلاب.... عملك حاجه
كوريا : عيب يا معلم دا انا تربيتك
اسلام بحده : على يوسف ياسر نور خدوا كوريا وروحوا على البيت
ياسر : مش هتجي معانا يا معلم
اسلام : من غير نقاش اتحركوا
الكل طلع يمشي بسرعه
أسلام : اما وريتك يا ابن الكلب
وشال كريم و خده
عند احمد
كوثر : اوووف هو في ايه يا احمد دا عاشر معاد نديه لعائله العروسه و منرحش حرام عليك نفسي افرح بيك
أحمد : متتعبيش نفسك علشان انا مش هتجوز.... انا عايش لشغلي و بس
مصطفى : ما تسيبي الراجل يقرر بنفسه هو ادري بحياته و عارف هو عايز ايه
كوثر : انت بتقول ايه اسكت انت.....دا مش كلام عقالين ابدا انتوا ايه مجانين يعني ايه راجل عنده ٢٥ سنه و لسه متجوزش ايه هتتجوز امتى لما تتمم ٣٠ في راجل عاقل يعمل اللي انت بتعمله دا
أحمد بحده : يوووه..... انا تعبت دي مبقتش عيشه كفايه لحد كدا تدخلات في حياتي.... كفايه
ايه خايفه على برستجك اوي..... لازم اتجوز علشان ارضيكي تب وانا هراضي نفسي ازاي هااه
مش معنى انك اختي الكبيره يبقى تكتبي لي حياتي اتجوز فلان لا متكلمش فلان صاحب علان لا متسمعش كلامه ايههههه يا شيخه انا تعبت.... انا مش هتجوز الا الانسانه اللي انتي عارفها كويس
كوثر بحده : دي ماتت ماتت افهم بقى... ماتت ماتت خلاص معدش لها وجود انت ايه مش هترتاح الا لما تموتني من القهر عليك.... انت ابني ايوا ابني اللي مخلفتهوش لازم تفهم ان انا امك و ليا حق فيك و هتعمل اللي هقولك عليه و غصب عنك
أحمد بحده : انا غلطان يوم ما وافقت اني اجي و اعيش معاكم
و سابها و مشي
يا ترى حكايه أحمد ايه؟؟
وهل صح انه يضيع أجمل سنين عمره في حزنه على اللي فات؟؟
انتظروا الجزء الثالث
روايه : على الطراز الغربي
للكاتبه : سحر سمير لطفي نصار
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اتفضلوا من هنا
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق