روايه على الطراز الغربي للكاتبه سحر سمير لطفي نصار
الفصل السابع عشر والثامن عشر حصريه وجديده علي مدونة نجوم ساطعه
 |
الفصل السابع عشر والثامن عشر حصريه وجديده علي مدونة نجوم ساطعه
الفصل السابع عشر
سحر : انا جهزت اهوا يالا
أحمد : يالا العربيه جاهزه يالا يا عمي
اسماعيل : يالا يا بنتي
و طلعوا و لسه هيركبوا العربيه
فجأه عربيه وقفت قدامهم
و واحد منهم شد سحر و حط المسدس على دماغها
سحر بخوف : اااه و النبي ما تاذوني انا غلبانه
ااه
اسماعيل : متخافيش يا بنتي خذوا كل فلوسي و سيبوا لي بنتي ارجوكم
أحمد : متخافيش يا سحر
الرجل وهو بيبعد ب سحر بحده : اخرسوا
سحر بخوف : لاا و النبي
و بحركه سريعه منها قلبته على الإرض و شدت منه المسدس
أحمد باعجاب : واو
سحر بحده : انتوا هتنحوا اتحركوا
فجأه لقت اللي في العربيه نزلوا
أحمد بسرعه راح يضرب معاها
و اللي يقرب منهم يضربوه
واحد منهم طلع مطوه و لسه هيضرب بيها احمد سحر بحركه شدت احمد وقع هو و المطوع على الارض
أحمد : شكرا يا سحورتي
اسماعيل بلهفه : انتي كويسه يا بنتي
سحر : الحمدلله يالا بينا عايزه اروح ل اخواتي اخواتي و حشيني اوي يارب يكون على جه ياارب
اسماعيل : على مين
سحر : على دا حبيب اخته بيحبني موت و معايا علطول في سنه ثالته اعدادي السنه دي بحبهم اوي كلهم وحشوني
سحر بارتباك : هو ممكن يجوا يعيشوا معانا
اسماعيل : طبعا يا حبيبتي ودي عايزه كلام دا بيتك و القصر كبير و فيه اوض كتير و كل اللي انتي عاوزاه مجاب
سحر بفرحه : بجد ربنا يخليك يا رب العالمين و يسعدك و يفرح قلبك قادر يا كريم يا أمير يا ابن الامره انا بجد مش عارفه اقولك ايه
اسماعيل : ههههه كل اللي انتي عايزاه مجاب يا سحور و بعدين خلااص بقاا انسى كل اللي فاات انا هعوضك عن كل لحظه بعدتي فيها عني و كل حاجه حصلت لك ايام زمان و انا كلي تحت امرك يا سحور يا بنتي
سحر بحب : حبيبي يا بابا
اسماعيل : ايوا كدا قولي تاني
سحر بحب : بابا
اسماعيل : حبيبه قلب بابا
أحمد : الا هو انا مليش من الحب جانب يا سحر انا بحبك يا سحر
سحر : هو انت فاضي يا عم الحج و لا بتستعبط يعني لسه شايفني امبارح و جاي تقول لي بحبك ليه ههههه حب من اول ضربه و لا ايه هههه
اسماعيل : ههههههه عندها حق
أحمد : اااه خليك معاها كدا ااه يعني انا سايب كل اللي ورايا و سايب شغلي و كل اللي ورايا و بعد كل دا تقولي انت فاضي ايوا انا فاضي فاضي ل حبك يا سحر
سحر : اهوا بقاا ابتدينا ام محن الكلاب دا يا عم الحاج انا مش هي مش بتاعه المحن دا كل دا و الله ولا يهز فيا شعره يا ابن الحلال انا كنت بشتغل في سوق كنت بياعه في السوق بنزل كل جمعه و يوم التلات و كنت ببيبع و ياما سمعت كلام من دا و الله و لا يهز فيا شعره تعرف احنا لو كنا في السوق ورب العزه كنت مسحت بيك بلاط السوق و وريتك اللي عمرك ما شوفته اااه اما انا محترمه ابويا الراجل الكباره اللي قاعد جانبنا اااه يا خويا امال و بعدين اصلا انت مين
كل شويه تتب من غير أوان و تقعد تشتغل في محن الكلاب بتاعك دا انت مين
أحمد : انا جوزك
سحر بصدمه : جوزي
اسماعيل : قصده هيبقي جوزك الصراحه من زمااان اوي ايام فؤاد شريكي الله يرحمه و الد احمد لما لقيناكوا بتحبوا بعض و انتوا صغيرين و مرتبطين ببعض قرينا فتحتكم على بعض و اتفقنا اننا هنكون نسايب
سحر بحده : ازاي تتفقوا على حاجه زي دي من وراي ازاي هو انا مليش راي ولا ايه
اسماعيل : ههههه يوما سئلناكم و احمد كان فرحان اوي و انتي كمان ووفقتوا
سحر : كنا أطفال يا عم الحاج متطفحوناش في عيشتنا بقاا جايبين أطفال و تسالوهم ليه دول أطفال انتوا بتهزوا هو الجواز فيه هزار
أحمد : بس انا استنيتك طول حياتي يا سحر
سحر : يا شيخ اتنيل بامره بيبي يا بيبي البت الملزقه اللي كانت معاك اللي كنت عايز تموتني بسببها
اسماعيل بحده : مين البت دي يا احمد
احمد : مريم يا عمي بنت عمي كوثر كانت عاوزني اتجوزها و انا رفضت و مريم كل شويه ترمي بلاها عليا بس انا لا صدادها جامد و مستحيل اسمح ان يكون فيه حاجه ما بينا و لا دلوقتي و لا بعدين
سحر بحده : صاددها يا شيخ اتنيل بلا هم واحده مسهوكه صنف عره يفقع المراره كداهيه فيها و في أشكالها
أحمد : دا انتي بتغيري بقاا
سحر بحده وهي بتقلع الجزمه : واقسم بالله هنزل الصرمه القديمه على دماغك
اسماعيل : خلاص يا سحر خلاص يا بنتي
سحر بحده : الا ايه بغير شايفني واقعه في دباديبك يا روح امك
أحمد بحده و قف العربيه قدام بنزينه
أحمد بحده : لا هي وصلت للأم انا هنزل ل احسن هرتكب جنايه يا عمي
و نزل
أحمد بحده : فول لي ب ١٠٠ على ما اجي
و دخل الكافيه
اسماعيل : عيب كدا يا بنتي
سحر بحده : مش شايف الحيوان ذا بيقارني ب المسهوكه الملزقه دي انا اجي جنب البت دي
اسماعيل : لا طبعا انتي احلى بس هو مبيقارنكيش بيها هو يقصد يعني
قاطعته سحر : خلااص بقاا و لا يقصد و لا ميقصدش
سحر معقبه : هو اسمه ايه
اسماعيل باستغراب : متعرفيش اسمه
سحر : هو انا عقلي دفتر اسمه ايه
اسماعيل : اسمه احمد يا سحر
و علفكره هو بيحبك اوي و ان مكنشي بيحبك مكنشي استحمل كل كلامك الدبش و حركاتك ذي
سحر بحده : مالها حركاتي يا الدلعدي مالها يا خويا
اسماعيل بحده : انتي هتردحي لي انا ابوكي اعدلي نفسك
شغل الحواري بتاعك دا مش عليا
سحر : لمواحذه يا بابا معلش سامحني بس انا اتخنقت
اسماعيل : اهدي بس و استهدي بالله كدا يا بنتي سحر : استغفر الله العظيم
قاطعها احمد اللي داخل و معاه ٣ كوبايات عصير
أحمد خد وأحده و بيدي له الكوبيتين التانين
أحمد ببرود : خد يا عمي انا جبت لك عصير روق دمك زمانه اتحرق
اسماعيل : خدي يا بنتي
سحر : لا مبشربش حاجه صاحبها بيديها لي من غير نفس ل حسن يكون حاطط لي سم فيها او عايز يخلص مني
أحمد : لو عايز اخلص منك يا عمي كنت قتلتك بأيدي و خلصت مش هعمل حركات فلصوا زي حركاتك
سحر بحده : تبقى توريني شطارتك يا بابا ابقاا جرب بس و اقسم بالله اخلي امه لا إله إلا الله تترحم عليك يقولوا المرحوم كان ابن كلب
أحمد بعصبيه : لا دا كدا كبرت منك يا عمي اقسم بالله هكسرك فيها و اقطع لسانك بقاا بتغلط في ابويا حماك
سحر بحده : و حياه
قاطعها اسماعيل بعصبيه و حده : باااس منك ليها في ايه اسكتوا قاعد طرتور في النص ما تتلموا شويه و اتاسفوا ل بعض ل الا و الله العظيم امشي
سحر بندفاع : لا و على ايه انا اسفه يا عم احمد اني غلطت في الست الوالده و السيد الوالد معلش يا خويا بس انت حرقت دمي بقاا بتقارني ببنت الملزقه دي
أحمد بلهفه : لا يا سحر انا مبقارنكيش بيها انتي عندي بالدنيا كلها و الله وهي ما هي قدامي طول السنين اللي فاتوا عمري ما بصيت لها رغم حركاتها و طريقتها و بصت لك و انتي بشكلك و باسلوبك دا
سحر : نعم دا على اساس اني اسلوبي مش عاجب سيادتك
احمد : لا اتكلم انت يا عمي ل حسن هتنقط
احمد دور العربيه و مشي
سحر : و الله
عند اسلام
اسلام : محدش اتصل
ياسر : و لا هيتصلوا قولت لك الحركات الفلصوا دي مش على كوريا اختك انت نسيت عملت ايه في كريم و رجالته
اسلام : لا عندك حق
بس ممكن تجيب نتيجه و تحس اننا فعلا محتاجينها و متقدرش نعيش من غيرها ما انتش شايف حاله نور و سيف عامله ازاي من ساعه ما كوريا مشيت و الله مش عارف اعمل لهم أيه
ياسر : العيال بيدلعوا
قاطعهم صوت الباب
اسلام بلهفه فتح الباب
اسلام : انت شرفت
و......
روايه : علي الطراز الغربي
للكاتبه : سحر سمير لطفي نصار
الفصل الثامن عشر
قاطعهم صوت الباب
اسلام بلهفه فتح الباب
اسلام : انت شرفت
على بحب : اهلا ازيك يا معلم اسلام بالاحضان يا جدع و حشاني اوي
ورني نفسه في حضن اسلام
اسلام : ااه حمد الله على السلامة
على : الله يسلك هههههه
على معقب : يأسر حبيبي
ياسر : اهلا
على بندفاع : بالحضن يا خويا هو انا كنت نايم في حضنك دا انا بقالي ٣ إيام بلياليهم يا عم معرفش عنكم حاجه و كوريا عملت ايه
حط ايده على بوقه
اسلام بحده : انت كنت عارف
على بارتباك : هو انت عرفت
اسلام بعصبيه مسك في خناقه : ليه عملت كذا ليه
على وهو بيتخنق : ع ملت ايه
ياسر : بس يا اسلام هيموت في ايدك
قاطعه صوت خبط على الباب
اسلام بسرعه سابه وراح فتح الباب
سحر : ازيك يا حبيبي
اسلام بسرعه شدها ل جوا
اسلام بحده : الله يخربيتك ايه اللي عملاه في وشك ذا ايه دا
سحر : و الله طلع عادي
اسلام بحده : عادي في المعادي يا ختي طالعه كذا زي الرقصات أعمل فيكي ايه حد قالك حاجه او فتح بوقه معاكي بكلمه
اسماعيل : لما حد يعمل كدا امال انا روحت فين
أحمد : و انا كمان
اسلام بحده وهو بيجري عليه علشان يضربه : انت تخرس خالص تخرس احسن لك
سحر وقفت قدامه : خلااص سيبك منه علشان خاطري يا خويا
اسلام بدموع : لسه فاكره اني اخوكي
سحر بداءت تعيط : ااه انت اخويا و هتفضل اخويا
اسلام بلهفه : تب متعيطيش بقاا لحسن تدوخي
سحر بدموع اترمت في حضنه
على : الا في ايه هو ايه اللي حصل
على ل اسماعيل : انت مين يا عم الحاج
اسماعيل : ابو سحر
على : سحر مين دي كوريا
اسماعيل : لا دي بنتي سحر
على : و الله دي شكلها هبت منك خالص انت اتجننت يا عم الحج
ياسر شده
على : في ايه يا عم ما تشوف الراجل دا
ياسر : تعالا
أحمد بغيره : اظن كفايه كدا
اسلام بحده و غيره : اخفا يااض دي اختي
سحر بدموع : اااه اخويا
اسلام وهو بيبعد عنها بهدوء : بطلي عياط بقاا
سحر بدموع : انتوا هتيجوا معايا
اسلام : نجي معاكي فين
سحر : في الفيلا
ياسر : يا فرج الله فيلا يالا
اسلام : استنا يالا
بصي يا كوريا احنا هنا مش هنروح في حته عايزه تروحي تعيشي معاهم روحي و البيت هيكون مفتوح لك في اي وقت دا بيتك يا كوريا
سحر بدموع : لا انا عاوزاكم معايا و هتيجوا مش هسيبكم
اسلام : ودا اللي هيحصل يا كوريا عاوزه تروحي معاهم روحي بس احنا لا
ياسر : الله ليه يا جدع احنا عاوزين نروح
اسلام : الباب قدامكم اللي عايز يروح يروح بس انا مش هتحرك من هنا
على ل ياسر : نروح فين
ياسر : مع كوريا
على : كوريا فين
سحر : ما انا قدامك اهوا يا على
على : الصوت صوت كوريا امال انتي مين هااه
سحر : انا كوريا
على : و الله ما انا فاهم حاجه
قاطعهم خروج سيف ونور اللي جم جري على كوريا
كوريا بحب : حبايبي عاملين ايه
سيف : سبتينا وروحتي فين يا كوريا
نور : هو احنا زعلناكي علشان تسبينا و تمشي يا كوريا
سحر بحب : انا مستحيل ازعل منكم دا انتوا حبايبي و هتيجوا معايا
سيف و نور : هيه هيه
سحر بحب : يالا يا اسلام علشان خاطري
اسلام : لا يا كوريا
اسماعيل : سحرر خدي اخواتك و اسبقيني على العربيه و انا هتكلم معاه
سحر : حاضر يالا يا حبايبي
و طلعوا كلهم
ياسر : هو القصر كبير
أحمد : هتشوف بعينك
عند كوثر
كوثر قاعده بتشرب النسكافيه بتاعها و قاعده في روقان فجأه لقت اللي داخله تزعق
كوثر بحده : ايه في ايه
مريم بعصبيه : هو دا اللي اتفقنا عليه
كوثر : و انا اعمل ايه بقااا حاولت اكرهم فيها و افهمهم انها نصابه رد اسماعيل بيه وقال لي سواء بنتي او مش بنتي انا مش هسيبها و ماسك فيها بايده و اسنانه و احمد سايب كل اللي وراه و ماشي وراها و انا عملت اللي عليا و سيبك بقاا اللي يحصل يحصل
مريم : يعني انتي موقفاني طول الفتره دي و انا هتصرف و انا هتصرف و هنقتلها و نتخلص منها و اخرتها تقول لي اللي يحصل يحصل
كوثر : بصي انا مش عايزه غير سعاده اخويا و اخويا من الاخر مش مرتاح لك يبقى نفضها سيره بقاا وروحي ل حالك
مريم : كذا ماشي اما رميتكم في الشارع
كوثر بحده : اتكلمي على قدك يا بت انتي و اخفي من هنا يالا على براا برااا
مريم بحده : ماشي و ديني ل ادفعك التمن غالي و غالي اوي ماااشي
و طلعت برا
و ما ان خرجت ظهر هو
كوثر : عجبتك
يا سلاام ذا انتي تعجبي الباشا
كوثر : ايدك على الفلاشه
اممم مش دلوقتى
كوثر : ليه بس
لما تنفذي الجزء التاني
كوثر : ايه
اسمعي.....
يتبع
تعليقات
إرسال تعليق