❤عذاب رعد...الجزء الاول❤
البارت2_3👉
البارت👇2👇
👐اللهم إنا نسألك موجبات رحمتك وعزائم مغفراتك والسلامه من كل إثم والغنيمه من كل بر والفوز بالجنه والنجاه من النار..
رعد رجعت تانى الجهاز كرم ومومن وعدى خير يارعد ايه اللى جابك تانى فيه حاجه حصلت رعد تجاهلت سؤالهم وكملت طريقها ودخلت مكتبها
بس بصوا لعبده وبسوال فيه ياايه ياعبده وايه اللى حصل عبده حكالهم على كل اللى حصل معاهم -----------------
كلهم يانهار متطلهوش شمس هما مش عارفين هى مين
كرم بهزار/ هههههههه هما مايعرفوش بس كلها خمس دقايق ويعرفوا وقول عليهم يارحمان يارحيم وكمل بمرح هههههه عينى عليكى يارعد هتلاقيها مننا ولا من شويه العيال دوال يله نكمل شغلنا بدل ماتطلع تقدمنا للمحاكمه العسكريه بجد وساعتها محدش هيرحمنا من تحت ايديها
رعد فى مكتبها/ وبعصبيبه شويش على دخلى العيال اللى لسه جاين حالا
الشويش/ تمااام يافندم
4شباب و4بنات دخلوا المكتب رعد بصتلهم بكل قرف قولتولى انتوا بقا ولاد مين
الشاب اللى كان بيعاكس رعد/ احنا اسفين يافندم احنارعد قاطعته بقوه وبعنف اسفين دى كنتوا تقوليها قبل ماتطاولوا على المقدم رعد وانتوا مش عارفين اللى بيصلى نظره مش عجبانى بعمل فيه ايه مابالك وتبص ليامن اللى اتطاول عليه
تفتكروا اعمل فيه ايه وبعدين اسفين على ايه على استهتاركم ولاعلى تسيبكم وتعطيل الطريق العام
بس متقلقوش انا هعلمكم درس عشان دايما تفتكرونى بيه
وبعدين العيال دى وبتشاور على البنات مش متربيه وانا عيزه اربيهاعلى ايدي
واحده من البنات / انتى فاكره انك هتقدرى تقعدى فى البتاع ده دقيقه واحده بعد اللى انتى عملتيه تبقا بتحملى
رعد قامت من مكانها وقربت للبنت والبنت بترجع للوراء /وبنظره توعد تؤ تؤ انا مش بحلم ومعنديش مكان للاحلام الاحلام دى اتعملت عشان البنات التافين اللى زيكم
اما اناواقع والواقع بتاعى هورهلكم حالا
يامن / بثقه احنا من حقنا تستعمل التليفون ولا انتى خايفه تتعاقبى على اللى انتى عملتيه وتخسرى كرسيكى ده قدامنا بس لسه قدامك فرصه عشان تعتذرى مننا واحنا ننسا كل اللى حصل
رعد بقوه / ومين قال انى عيزاكم تنسوا اللى حصل والتليفون اهوا بس احب اقولك حتى لو رئيس الجهاز شخصيا ادخل برده هعاقبكم ومحدش هيقدر يرحمكم منى
يامن //بكل ثقه هنشوف ومسك التليفون واتكلم
الطرف التانى /هى اتجننت ولا ايه والله لا اعرفها مقامهاايه استنانى وهتشوف
يامن ساب التليفون على امل حد يلحقه هو وزميله من الكائن الغريب اللى قدامهم ده
واكيد كمان من حقنا نستنا لغيت لما المحامى بتاعنا يجى
رعد حقوقكم كترت اوى بس ماشى عشان اعرفك ان مفيش حد يقدر يرحمكم من تحت ايدى
وبعد فتره من وجودهم فى مكتب رعد هما قاعدين ورعد قاعده اقصادهم بتشتغل على اللاب الخاص بشغلها
كل واحد سرحان فى رعد اللى بنظره غضب واللى بنظره حب واللى بنظره انتقام واللى بنظره شهوه وهى مكمله شغلها ولا اكن حد موجود معاها فى المكتب
وبعد وقت / يدخل اللواء صبرى ورئيس الجهاز واهالى الشباب كلهم رايحين عشان خاطر يخرجوهم من قبضه رعد وهما عارفين ومتاكدين مليون الميه ان ده صعب يحصل وصعب جدا كمان بس ميمنعشى انهم يحاولوا
رعد من وجود الرتب دى فهمت انهم جاين وسطه للعيال د ى بس هى قررت تعاقبهم ومحدش هيقدر ينقذهم
يامن بيبص لرعد بنظره انتصار ورعد ولا فى دماغها لان هى ناويه تفرمهم كلهم
اهالى الشباب / ممكن نعرف هما عملوا ايه
رعدبقوه وثبات / ولو ان ده مش هيفرق معايه كتير فى عقابهم بس هعرفكم هما اطاولوا على حق الطريق العام ومش بس كده ده اطاولوا عليه شخصيا وانا مش هسامح فى اى حق منهم فياريت تتفضلوا تخرجوا بره عشان اشوف شغلى
واحد من الاهالى لرئيس الجهاز واللواء صبرى /لوسمحتوا فهموها احنا مين ممكن نعمل ايه فخليها تسيبهم احسن ليها
رعد فى ثانيه هجمت عليه ومسكته من لياقه قميصه هتعملوا ايه قوليلى يله انت بتهددنى فى مكتبى وبعنف وشراسه ممكن ايه تاذوينى ولا تخلعونى البدله دى قوليلى يله سكت ليه ولا القطه اكلت لسانك انطق
الكل فى حاله رهئبه من صوت رعد وقوته اللى اقوى من اسمها والله لو ماخرجتم لا احسبكم انتوا كمان مع عيالكم
وانت لو مش راجل كبير كنت عرفتك شغلك بس هتكفى بتحذيرك المره دى
الراجل اللى كان بيهددها خاف منها جدا ولما سابته بلع ريقه والدم رجع فى عروقه تانى
رعد بصت للواء صبرى ورئيس الجهاز وبعدين انا مش مستغربه من اهاليهم اد ماانا مستغربه منكم انتوا جاين تتوسطوا لدوال لشويه عيال سيس ومستهتارين زى دوال
وبصوت اقوى من اسمها ودلوقتى الكل يطلع بره ما عدا الشويه العيال دوال وقسما بالله اللى هيحاول مجرد محاوله انه يتدخل تانى او يدافع عنهم لاحبسه معاهم وبقوه بعد اذنكم اتفضلوا بره
بعدخروجهم شويش على شويش على
الشويش تحت امرك يافندم
رعد بقوه خدلى البنات دى وخليلى العيال اللى فى الحجز يديلهم الترويقه التمام وقولهم دى وصايا منى شخصيا وبعد كده ارميهم فى اوسخ زنزانه
الشويش / بس يافندم العيال اللى فى الحجز ممكن يموتيهم
رعد بعنف /شويش على من امته وانت بترديلى كلمه الشويش انا خايف عليكى يافندم
رعد بقوه / شويش على نفذ الاوامر حالا
البنات / انتى فكراها سيبه ولاايه احنا لو حصلنا حاجه اهالينا هيوديكى فى ستين داهيه
رعد بتجاهل لكلام البنت / شويش على عرف العيال اللى فى الحجز ويقولهم انا مش عيزه دم انا عيزه كسور عشان كل مايشوفها يفتكرونى
البنات بصريخ بيستنجدوا بالشباب وهماالشويش والعسكرى بيشدهم بيطلعهم
يامن /انتى ازاى تعملى كده
رعد / زى ماهعمل معاكم دلوقتى انتم كمان
وانتوا يافرفير هروقكم وبذات انتى يامنه ياحلوه ياام شعر مسبسب
يامن بقوه وثبات/ انامسمحلكيش والزمى حدودك
رعد باستهزاء / حاضر يامنه متقلقش هلزم حدودى
رعد اتصلت على كرم نقيب كرم عيزاك تجيلى حالا فى مكتبى
كرم تحت امرك يافندم
بعد وصول كرم
رعد بثبات وقوه/ عيزاك تاخدلى العيال دى وتخليهم يشيلوا لهم شعرهم ( زيرو )
كرم😲 وتكمل رعد وتبص ليامن وبذات المسبسب ده اتوصا بيه وبعدين اديلهم الترويقه التمام وبعد كده حطلى الكلبشات فى ايديهم وحطهوملى فى القفص الحديد اللى فى ساحه الجهاز الخارجيه
كرم /بس بس انتى عارفه الجو عامل ازاى دوال ممكن يموتوا ولا مامتوش هجيلهم التهاب رئوى
رعد بقوه وعنف / نقيب كرم من امته وانت بتناقشنى هو انتوا ايه حكايتكم النهارده كل اما اكلم حد يجادلنى وبقوه نفذ الاوامر اتفضل
كرم بتريقه /وبهمس للشباب والله انتوا اللى جبتوه لنفسكم ضاقت بيكم الدنيا عشان تقفوا قدام القطر ده 😂
يامن بثبات / وبص لرعد انا كنت مستغرب اوى انك بنت وتعملى كده بس بعد اللى انا شوفته منك دلوقتى معدتش مستغرب لانك
رعد قاطعته وبقوه / ومين اللى ضحك عليك وقالك انى بنت انا المقدم رعد عارف يعنى ايه المقدم رعد
يعنى وحش المخابرات يعنى الشبح يعنى الاسطوره يعنى فهد المخابرات اللى بيتربص للفريسه بتاعته ويهجم عليها واكنها ماكانت عايز كمان ولا كفايه نقيب كرم يله خدوهم من وشى يله
رعد اتمنالكم ليله سعيده
بعد خروجهم / اللواء صبرى دخل لرعد
رعد قامت بسرعه وحضنته
بابا انا اسفه جدا ارجوك سامحنى والله مااقصد ازعلك
اللواء / وانا عمرى ماازعل منك ابدا وانتى عارفه كده كويس بس انايابنتى خايف عليكى اهالى العيال دى مش ساهله وممكن يوذيكى افهمى انا خايف عليكى
رعد رمت نفسها فى حضنه بحب وبحنان متخافشى عليه يااجمل اب فى الدنيا انت عارف انى كمان مش سهله ابدا ومعنديش مكان للخوف فارجوك متخافشى عليه
اللواء/ لا انا خايف وخايف عليكى جدا انتى يعتبر اقوى واحده فى الجهاز وليكى اعداء كتير سواء من العصبات او المهربين انا خايف ومعنديش اى استعداد انى اخسرك انتى فاهمه
رعد بحب// حبيبى ربنا يخليك ليه يارب ومتخافشى ياقلبى ( قل لايصيبنا الا ماكتبا الله لنا )
اللواء ونعم بالله يابنتى بس عشان خاطرى خلى بالك من نفسك اكتر من كده
رعد باست راس اللواء / حاضر يااحن واحسن اب فى الدنيا
@@@@@@@@@@@@@@
عند البنات /
كلام رعد كله اتنفذ بالحرف لان محدش يقدر يكسر كلامها وفعلن ضربوهم وسببلهم كسور كتيره وبعد كده فضلوا فى الحجز مع الامهم
عند الشباب/@@@@@
شاللهم شعرهم زيرو زى ما رعد طلبت واتروقوا احلى ترويقه ولا سف اخدواهم ورابطيهم فى الكلبشات فى القفص الحديدى الخارجى فى عز البرد والمطر
مؤمن وعدى وكرم راحوا لرعد عشان خايفين عليها من المسوليه لو العيال دى حصلها حاجه
عدى / ارجوكى يارعد كفايه كده العيال دى مش هستحمل وممكن يحصلها حاجه ده مش ممكن ده اكيد فارجوكى كفايه عليهم كده
رعد بقوه / لا مش كفايه العيال دى لازم تتأدب ويعرفوا هما غلطوا مع مين
كرم ومومن// بس مش كده العيال دى لو حصلهاحاجه انتى
قاطعته رعد بقوه وعنف انا ايه هتاذى متخافهوش انا هتحمل المسيوليه لوحدى ومش هحمل حد فيكم حاجه
كلهم بس احنا خايفين عليكى ومش قصدنا المعنى اللى وصلك ده
رعد بعصبيه اتفضلوا انا فاهمه اقصدكم وشكرا لخوفكم عليه واتفضلوا عشان 48 ساعه مش باقى منهم كتير ماتطرونيش اقدمكم فعلن للمحكمه العسكريه اتفضلوا
رعد بقوه شويش على // اناهمشى دلوقتى والعيال دى كل واحد يفضل على وضعه لغيت لما اجى بكره وعرف الكل ان دى اوامر منى انا شخصيا واى حد يفكر بس مجرد تفكير ان هو يعملهم حاجه هيكون بيعادينى انا شخصيا
رعد خرجت من الجهاز وهى خارجه شافت الشباب رعد ليهم
اتمنالكم ليله سعيده ياشباب شوفتوا مفيش اجمل من كده عرضى انا احلى من عرضكم بكتير
عرضى انا بدا برعد ودلوقتى برد ومطر واخره عواصف ان شاء الله بس انتوا متقاطعوش اسيبكم تستمعتوا يله سلام
رعد روحت بيتها بكل ثبات ولا اكن حصل حاجه جواه احساس بالراحه وارتياح نفسى عشان كسرتهم قدامها
اخدت شور وصليت فرضها واتعشت عشاء خفيف ونامت فى ثبات عميق
@@@@@@@@@@@@@@@
تانى يوم //
صحت كعادتها ( صليت وعملت رياضه واخدت شور وفطرت وراحت للجهاز )
رعد وصلت للجهاز وراحت ناحيه الشباب اللى بيتين فى القفص الحديدى من امبارح تحت البرد والمطر باوامر منها
رعد بصت للشباب للحظه ندمت انها اتعنفت معاهم كده بس سرعان مااختفاء الندم ده وحل محله القوه والثبات
رعد قربت منهم اكتر ولاسف لقيت حالهم غير الحال
توقعاتكم 👇👇👇
$* ياترا هيحصل ايه فى العمليه اللى بيجمعوا معلومتها ؟؟؟
$* ياترا اهالى العيال هيقدور فعلن يعاقبوا رعد ؟؟؟
$* وياترا وياترا حصل ايه ليامن وصحابه اثر عقاب رعد ليهم ؟؟؟
🌹🌹🌹🌹🌹🌹🌹🌹🌹
البارت 👇3👇
👐كليمتان خفيفتان على اللسان حبيبتان الى الرحمان
( سبحانه الله وبحمده سبحان الله العظيم )👐
❤ قراءه ممتعه ❤
رعد قربت من الشباب اكتر ولقيتهم فى حال غير الحال طبعا من كتر البرد والمطر اللى نازل عليهم طول الليل مش قادرين حتى يقفوا على رجليهم وباين عليهم الارهاق والتعب الشديد
الشاب اللى كان بيعاكس رعد / بصوت كله تعب ارجوكى انا عندى حساسيه على صدرى ومش قادر اخد نفسى ارجوكى هاتيلى بخاخه تنفس ارجوكى
رعد من طريقه كلامه ومنظره هو بذات حست بواخذه فى قلبها مش عارفه ليه مع انهم كلهم باين عليهم التعب والارهاق رعد بصتله بشبه عطف متقلقش مش هتموت وحالا هتمشى وتجبها لنفسك
يامن بتعب / اتمناء تكونى بكده رضيتى غرورك وانتقامك انا مش عارف ازاى تكونى بنت وتكونى بالاقسوه دى كلها
رعد بشبه تاثر لحالتهم هى صحيح بتنتقم من اى حد ومبتتهاونشى فى حقها بس هما معملوش حاجه تستاهل العقاب ده كله
رعد للامن الخارجى للجهاز طلعواهم خليهم يروحوا وهاتلى البنات كمان من الحجز وبعد وقت
البنات جت وكانت فى حاله صعبه هما كمان بسبب الضرب اللى اتعرضوله
رعد للحظات اتاثرت وسرعان ماتحول التاثر ده لعنف وقسوه عشان متسمحشى لنفسها تضعف تانى كفايه عذاب سنين عاشت فيه بسبب قلبها
رعد بقوه وثبات / اتمناء تكون الليله عجبتكم وتكون فعلن اتعلمتوا الدرس كويس ولو امكم داعيه عليكم اشوفكم تانى انا عن نفسى اتمناء لانى لسه مشفتشى غليلى منكم
رعد بخبث بس ايه رايكم فيه مفتريه صح
كلهم بصولها بنظره توعد وكره ماعدا الشاب اللى عكسها وبصتله و قالت وانت روح الحق نفسك مابدل ماتفرفر قدامنا
الشاب بتعب ظاهر / فداكى يافندم وانا اسف مره تانيه
رعد اتمناء مشوفكمش تانى ودخلت الجهاز وسابتهم وهماروحوا على بيوتهم وهما بيتوعدوا لرعد عشان اللى عملته فيهم وبذات البنات
رعد دخلت مكتبها شويش على عيزاك تبعتلى الرائد عدى والنقيب دينا ومومن وكرم بلغهم انى عيزاهم
الشويش / تحت امرك يافندم
مومن وعدى وكرم ودينا دخلوا عند رعد الكل صباح الخير يافندم رعد صباح النور اناعارفه ان باقى وقت من اللى انا كنت مديهلكم بس حبيت اطمن ولو عندكم اى استفسار عن حاجه
الكل اطمنى يافندم خلال الوقت اللى باقى ان شاء الله كل المعلومات هتكون عند سيادتك
رعد / ان شاء الله اتفضلوا على مكاتبكم
مؤمن / بس انا كنت عايز
رعد بقوه/ اتكلم على طول يانقيب مومن كنت عايز ايه
مؤمن بتردد/ عيد ميلاد اسر النهارده اناعارف ان التوقيت مش مناسب بس دينا
رعد بمقاطعه / بس ايه يانقيب مؤمن
مؤمن كنا عايزين نعمله عيد ميلاد النهارده
رعد للاسف يانقيب مؤمن مش هينفع انت عارف ان الوقت ضيق واحنا بنستغل اى دقيقه ان شاء الله بعد المهمه ماتخلص نبقا نعمله
دينا بعنف/ يعنى ايه أااجل حفله عيد ميلاد ابنى لبعد المهمه دا اللى هو ازاى يعنى
رعدبتحذير لدينا / انا قولت اللى عندى وانتم معندكمشى اختيار تانى واتفضلوا يله كملوا جمع المعلومات وتانى مره توطى صوتك وانتى بتكلمينى فاهمه!!!
وبتحذير اتفضلوا يله على مكاتبكم
الكل استغرب من موقف رعدلانها بتحب اسر جدا معقوله الشغل اهم عندها من انها تفرح اسر وتعمله عيد ميلاد وخصوصا هى لسه محددتش ميعاده الهجوووم
الكل خرج وهو مصدوم من رعد
دينا لمؤمن/ يعنى ايه نأجله انا لازم اعمل عيد ميلاد لاسر
مومن / دينا رعد قالت لا عشان خاطر المهمه وان شاء هنبقا نعمله بعدين عشان نلحق نجمع المعلومات الكافيه للقبض على العصابه
دينا وهى رعد دى ولايه امرنا ولا ايه انت ازاى تقول كده
مومن / انا عارف ان هى مش ولايه امرنا بس هى خايفه من لاقيش وقت لجمع المعلومات والمهمه تتاثر
دينا/ ماهى لو سيادتها تتنازل عن موضوع 48 ساعه دوال كنا لقينا وقت بس ازاى تتنازل هى اساسا انسانه انانيه وشايفه نفسها
مومن بعنف/ دينا الزمى حدودك فى الكلام عنها وكفايه كدا لانها مغلطتش المفروض نحترم رايها لانها القائد واكيد شايفه كدا الصح
دينا/ بعنف ايه خايف على حبيبه القلب بتاعت زمان ولاايه
مومن بقوه/ دينا مش هحذرك تانى من الكلام فى الموضوع ده
دينا/ ليه يعنى يع قاطعها اللواء صبرى اللى جه على علو صوتهم لبعض ايه مش هتبطلوا شغل العيال ده انتوا بقا عندكم ولد خلاص
دينا بدموع / شوفت يابابا حبيبه قلبك رفضت نعمل حفله عيد الميلاد النهارده لاسر عشان خاطر المهمه ماتتاثرش
اللواء// يابنتى ماتزعليش من رعد هى عارفه الصح ايه واكيد ده الصح عشان مصلحه الشغل
دينابعنف/ انت طول عمرك بتدافع عنها انا ماشيه عن اذنكم
مومن واناكمان همشى
اللواء صبري / ربنا يهديكم يارب
اللواء صبري راح عند رعد ورعد اول ماشفته راحت عنده انا اسفه يابابا بس لو كانوا عملوا الحفله كانوا هيخدوا طول اليوم وانت عارف الوقت بالنسبالنا ايه
اللواء// عارف يابنتى ومقدر ربنايعينك ياحبيبه ابوكى
رعد ربنا يخليك ليه يارب
@@@@@@@@@@@@@@##
عند الشباب بعد ماروحوا كلهم كانوا تعبانين وبيتوعدوا لرعد من اللى عملته معاهم الا ادهم الشاب اللى عاكس رعد حاسس ان فيه حاجه كبيره بتربطه بيها بس ياتراء ايه ؟؟؟
عند يامن / وبعنف وغضب والله لاوريكى يامقدم عواصف انتى 😡انا هوريكى من هو يامن العمرى
عند البنات // كل واحده اللى رجلها مكسوره واللى دراعها كل واحده بعاهه شكل وبيتوعدوا لرعد وطبعا اهالى العيال دوال مقدروشى يعملوا حاجه لانهم عارفوا من اللى كانوا معاهم واسطه مين هى رعد فسكتوا وهما اساسا فرحانين من اللى عملته فى عيالهم عشان يتربوا ويتعلموا الادب
اللى مامت يامن قلبها زاد كره على كره لرعد وانتقام واقسوه من اللى عملته معاهم قبل كده ودلوقتى وبكده الانتقام زاد عندها والكره
@@@@@@@@@@@@@@
فى اخر اليوم // رعد اتصلت على اللواء صبرى وقالتله عيزاكم حالا انا فى مشكله تعاله انتى ومومن ودينا وكمان هاتوا اسر معاكم عشان مايفضلشى لوحده
واتصلت كمان على عدى وكرم
وطبعا الكل ميقدرشى يتاخر عن رعد ولا دقيقه واحده الا دينا اللى رفضت تروح بس باصرار من اللواء صبرى باباها انها مينفعشى تسيب رعد لوحدها لان رعد على طول واقفه جنب دينا وبعتبرها اكتر من اختها دينا استسلمت وراحت معاهم
واصلوا كلهم فى نفس الميعاد اللى رعد حددته
واول ماالباب انفتح المفاجاه لجمتهم كلهم واتفاجوا بزينه اللى موجوده فى بيت رعد
رعد / مستغربين ليه انا عملت ده كله عشان اسور حبيبى وبعت ناس جهزت كل حاجه عشان اعمله احلى عيد ميلاد اوعوا تكونوا فاكرين انى كنت هاجل عيد ميلاه فعلن بس انا محبتشى اعرفكم عشان ماتنشغلوش انتوا كمان
اسر // جرى على رعد وهى شالته واخدته فى حضنها وبتمشى ايديها على شعره وضهره
رعد بحب وبحنان كل سنه وانت طيب يااسور وعقبال مليون سنه ياحبيبي تعرف اناجبتلك العاب كتير جدا هتلعب بيها و تكفيك لغيت السنه الجايه
اسر بفرحه طفوليه //انا بحبك اوى ياماما رورو ربنا يخليكى ليه يارب
رعد بحنان // وانا بموت فيكى ياروح ماما رورو بس رورو دى مابينى وبينك لاحسن لو حد سمعك هيكون شكلى وحش اوى ومسكته من ودانه مفهوم 😂😂
اسر //مفهوم يارورو مفهوم
رعد// والله انت مشكله 😂
الكل لسه واقفين يتفرجوا على رعد وهى شايله اسر وبتهزر معاه والصدمه لسه مااثره عليهم
رعد/ مالكم وقفين كده ليه يله عشان نطفى الشمع
اللواء صبرى // والله يابنتى مش عارف اقولك ايه انتى عملتى ده كله عشان اسر
رعد ايوه طبعا انت متعرفشى انا بحب اسر اد ايه ده اكنه ابنى
اللواء / واحنا كمان بنحبك ياحبيتى ومنقدرشى نستغنا
عنك
مومن / انا متشكر اوى يارعد انتى فعلن انسانه جميله وانا مش عارفه اقولك ايه
رعد/ مفيش داعى للكلام ده لانى عملت ده كله عشان اسور حبيبي
دينا برغم كل اللى رعد عملته عشان اسر ابنها الا انها لسه بتحقد على رعد وبتكرهها
رعد راحت لدينا وحضنتها حضن اخوه وبكل حب وحنان عيد ميلاد سعيد لاسر يادينا وعقبال ماتشوفيه احلى عريس فى الدنيا كلها
دينا بحب مزيف // بادلتها حضنها شكرا مكنشى ليه لزمه التعب ده كله
رعد ازاى بس وهو احنا مش اخوات ولا ايه واسر ده يبقا ابنى انا كمان
دينا بخبث/ ايوه طبعا
رعد// طيب يله عشان نطفئ الشمع وطبعا عشان محدش يعرف بعيد الميلاد ده انا جبت للكل هدايا عشان تقدموها لاسر
عدى كل ماداء مابيحب رعد اكتر ويكتشف ادا ايه هى انسانه رائعه غير الصوره اللى هى بتظهر بيها فى الشغل
كرم // احلى رورو دى ولا ايه
رعد / ضربته بهزار على صدره اياك تقولها تانى رورو دى بتاعت اسور وبس
كرم بهزار// ما تعتبرينى اناكمان اسور
رعد بهزار لكرم وقربت منه ...انا ممكن اعمل فيك زى ماعملت فى العيال بتوع امبارح وسعتها هتكون فعلن زى اسور
كرم جرى من قدامها طيب وليه الطيب احسن
رعد ايوا كده الخوف حلو
وبعد الاحتفال والسعاده بعيد ميلاد اسر بيستعدوا عشان يروحوا
اللواء صبرى ماتيجى ياحبيبتى معانا تقعدى شويه تغيرى جوا وتملى علينا البيت زى زمان
دينا بتبص لابوهابغيظ ظاهر
رعد بحب // معلشى يابابا سبنى براحتى انا مرتاحه كده
اللواء / ازاى يابنتى ترتاحى فى وحدك دى
رعد بتريقه وابتسامه // لالا انامش لوحدى انا معايه الجدران والستاير والكراسى ،،،،،،، الخ وباست راسه متقلقشى عليه ياحبيبى انا كويسه والله
اللواء صبرى باسف// ربنايجعلك كويسه على طول ياحبيبه ابوكى
الكل تصبحى على خير & رعد وانتوا من اهل الخير
الكل مشوا وسابوا رعد لوحدتها وهى كعادتها بتاعت كل يوم من شور وصلاه وشغل على اللا ب ونوم وتصحا بنفس النظام
@@@@@@@@@@@@@
ومر اسبوع بنفس النمط مفيش فيه احداث جديده غير جمع فريق رعد المعلومات بتاعت المهمه
ومر كمان اسبوع كانت رعدوفريقها خططوا خطه الهجوم وتنفيذ العمليه وحددت ميعاد التنفيذ خلال 48 ساعه من دلوقتى
########$#$
فى 24 ساعه الاولى &&
رعد فى مكتبها شويش على بيخبط وبعد السماح له بدخول
الشويش / اللواء صبرى كان عايز حضرتك تشوفى الدفعه الجديده للتدريب و هيكونوا مع مين فى التوزيع
رعد / روح انت وانا جايه وراك
الشويش / تمام يا فندم
رعد خلصت الشغل اللى كانت بتشتغله وراحت على قاعه التدريب لقت اللواء صبرى موجود
رعد// خير حضرتك موجود هنا ليه
اللواء صبرى/ بتردد لا انا بس عايز أشوف هتوزيعهم ازاى
رعد وهى دى اول مره اوزع متدربين متقلقش وروح انت
اللواء صبرى معلش ياسياده المقدم خلينامعاكى
رعد ماشى براحتك
رعد بقوه وجرائه// للمتتدربين اهلا وسهلا بيكم نورتوا الجهاز طبعا انتوا عارفين ان جهازنا ده مش اى جهاز وادايه هو صعب ومهم وعايز رجاله من حديد
وهى بتتكلم وماشيه بين المتدربين ولانهم مكنوش كلهم ظاهرين مكنتشى شيفهاهم كلهم كويس وهى ماشيه مابينهم
رعد بالصدمه انتوا ايه اللى جابكم هنا تانى !!!!!
ادهم بحب // احنا من المتدربين الجدد يافندم
رعد ليامن وانتى كمان يامنه من المتدربين
يامن بقوه وثبات // ايوه عند حضرتك مانع
ومره واحده ومن غير مقدمات رعد اتفتحت فى الضحك ولاول مره من عشر سنين تضحك بهستريه كدا
ضحكتها رنت فى القاعه كلها يامن بصلها بشده وبينه وبين نفسه اد ايه ضحكتها جميله وجذابه ( لنفسه ) بس هى انسانه مستفزه جدا
رعد وهى مازالت تضحك هههههههه بتبص على الشباب مره وتبص للواء صبرى مره هههههههه وبتشاور عليهم دوال اللى هيبقوا رجال المهام الصعبه دوال اللى هيبقوا حماه البلد ههههههههه لالا مش معقول طيب ازاى دا مستحملوش شويه برد وتضحك اكتر واكتر ههههههههه لالا انتوا اكيد بتهزروا وانا مبحبش الهزار
ومره واحده اتحول الضحك لعنف وقسوه وبصوت اقوى من اسمها ده لايمكن يحصل ده على جثتى انهم يكملوا فى الجهاز ده ولا فى اى مكان تانى خاص بشغلنا
يامن بقوه // وانا لايمكن هسمحلك تضيعى مستقبلنا بغروك وتكبرك ده
رعد بقوه اكبر منه // مستقبل مين ياابو مستقبل اللى زيكم يروح يجبله كلب ولا قطه يحميه بس هنا عايز رجاله وانا بصراحه مش شايفه اى رجاله ادامى
يامن بشراسه وبصوت شبه عالى // لوسمحتى كفايه كدا انا مسمحش ليكى تضيعى مستقبلنا واحنا مصممين ان احنا نكمل
رعد فى لحظه شددت دراعه ولوايته وراء ضهره وهمست عند وادنه تانى مره تتكلم بصوت واطى معايه وبعدين انت متعرفشى انا بحب الشراااااسه دى اد ايه قولتلى اسمك ايه ؟؟ اه اه منه
يامن // شد دراعه منها بعنف اسمى يامن يامن مش منه انا مش هسمحلك تانى تستقلى بيه
رعد بقوه وثبات وبصوت زى الرعد // وانا موافقه على دخولكم ومش بس كده دا انا كمان اللى هدربكم وبعدين هختار اقوى 5 خمسه فيكم يكونوا معايه ضمن فريقى انا والرائد عدى والنقيب مومن والنقيب كرم والنقيب دينا
الكل اتفاجا من قرار رعد
رعد بخبث ومكر // بس انا عندى شرط والشرط ده هيتنفذ عليكم انتوا الاربعه بس لو قبلتوا بيه انا هنفذ كلامى وادربكم واختار منكم اقوى خمسه
رعد بخبث اكتر وشراسه // والشرط هو ؟؟؟
@@@@@@@@@@@@@@@@@
&& نكمل بكره ان شاء الله 👐
$$توقعاتكم 👇👇👇
$$ هيعملوايه فى العمليه بكره ؟؟؟
$$ وايه ريكم فى شخصيه المقدم رعد ؟؟؟
$$$ وياترا وياترا ايه هو الشرط اللى رعد حطته للى اربع شباب بس ومن ضمنهم يامن طبعا ؟؟؟
❤ كل ده واكتر هنعرفه بكره ان شاء الله 👐
❤عذاب رعد❤
البارت👈4_5👉
البارت👇4👇
👐ربى اعنى ولاتعن على وانصرنى ولاتنصر على وامكر لى ولاتمكر على وأهدنى ويسرالهدى إلى وانصرنى على من بغى على👐
رعد بقوه // انتوا عرفتوا الشرط اتمناء متتاخروش عليه فى الرد وانتوا عارفين انا مين اوعوا تفكروا مجرد تفكير انكم تلعبوا معايه فى قوانين الشرط اللى انا حطتيتها لان ساعتها هتشوفى المقدم رعد اللى عمركم ماشيفتوها
اللواء صبرى والمتدربين مصدومين من الشرط بتاع رعد بس خلاص هى شرطت وهما عليهم القبول او الرفض
رعد بقوه // للمتدربين اتفضلوا ومعاكم 24 ساعه من دلوقتى تكونوا قررتم فيها وبصراحه انا متمناش توافقوا على الشرط عشان هتشوفوا معايه ايام مايعلم بيها الاربنا وسابتهم وخرجت
رعد وهى فى الطريق لمكتبها سمعت مؤمن ودينا صوتهم عالى وبيتخانقوا فى مكتب مؤمن خبطت ودخلت
رعد ممكن اعرف صوتكم عالى ليه وايه اللى حصل لكل ده
دينا بعنف / اظن دى حاجه متخصش ساعتك ولا انتى بتحبى تتدخلى فى كل حاجه وتعملى فيها الملاك الطاهر
مؤمن بغضب / دينامينفعش تكلمى رعد كده دى مهما كانت زى اختك برده
دينا بصت لرعد وبعنف وكره// الحمد لله انك قولت زى اختى هى مش اختى ولا عمرها هتكون اختى هى مجرد المقدم رعد اللى الكل بيخاف منها وبس وعارفه انا بكرهك ليه عشان أخدتى قلب جوزى وكمان قلب بابا فاكفايه كده انتى ايه عيزه تاخدى ايه تانى انتى ايه مبتشبعيش
رعد بصدمه وحزن من كلام دينا // انا اسفه جدا انى اتدخلت بس انا لقيت صوتكم عالى حبيت بس اطمن
مؤمن بحزن لرعد / انا اسف جدا دينا متقصدشى هى بس
رعد بمقاطعه وحزن / لالا يامؤمن متتاسفش دينا مهما كانت اختى الصغيره حتى لو هى مش معترفه بكده عن اذنكم
مؤمن بغضب لدينا / انتى فعلن انسانه مستفزه واحب اعرفك لو خسرتى رعد هتبقى خسرتى كتير بلاش انتى كمان تخسريها وسابها هو كمان وخرج
دينا لنفسها // وانا عمرى ماهخسر اد اللى انا خسرته كفايه انها اخدت قلب اكتر راجل حبيته فى حياتى
رعد وهى فى طريقها لمكتبها لمحها اللواء صبرى وهى حزينه نده عليها بس لاسف هى مسمعتهوش لانها كانت فى عالم تانى عالم ذكريتها الملمه
دخلت مكتبها وفى لحظه كان مؤمن وراها
مومن بحزن / انا اسف يارعد دينا مكنتشى تقصد
رعد بقهر وبعنف / اسف بتتأسف على ايه عشان كسرت قلبى زمان ولا عشان سبتنى ورميت حبى وراء ضهرك ولا عشان بسببك بابا جوزنى لواحد عمرى ماحبيته ولاهو حبنى وكان بيعملنى بمنتاه العنف والقسوه فهمنى اسف على ايه بالضبط
وكملت بدموع / انت اكتر شخص حبيته فى حياتى وبرده اكتر شخص كرهته انا مش زعلانه من دينا انا زعلانه على نفسى عشان الظروف جبتك فى طريقى تانى تعرف انك شخص انانى عمرك ماكنت وافى فى حبك لا لديناولاحتى ليه عمرك ماحبيت حد
مومن بعنف يمله الحب والحنين // اناعمرى ماحبيت ولا هحب حد غيرك تعرفى طول العشر سنين اللى فاتوا عمرى مافكرت ولابفكر غير فيكى حتى لماابقا مع دينا بتخيلها انها انتى عارفه ليه ومسكها من كتفها الاتنين عشان حبك بيجرى فى دمى عشان كل حته فيه بتصرخ وعيزاكى انا محتاجلك اوى اوى
رعد بعدته عنها بكل عنف وغضب وبتحذير ابعد عنى تعرف لو ايدك لمستنى تانى هكسرهالك انت فاهم
مومن مسك دراعها ارجوكى حسى بيه انابقالى عشرسنين وانا بحاول ابعد عنك واطلعك من قلبى بس مش قادر ارجوكى
رعد ارجوك انت ابعد عنى وسبنى فى حالى انا هفضل اكره واحقد عليك عشان اتخليت عنى فى اكتر وقت احتاجتلك فيه
مومن بثقه / انتى طول عمرك بتحبينى ولسه بتحبينى بدليل انك رفضتى اى حد يقرب من قلبك وقرب لرعد وشدهامن وسطها عارفه ليه لانك لسه بتحبينى وعمرك مانستينى وبيقرب اكتر لرعد وبهمس وحشتينى اوى رعد فى اقل من ثانيه كانت ضرباه بالقلم وزقاه بعيد عنها
رعد بغضب / اول واخر مره تسمح لنفسك تعمل كده ولولا خاطر اللواء صبرى كنت ودايتك وراء الشمس عشان اللى انت عملته ده وانت عارف انى اقدر اعمل اي حاجه ودلوقتى اتفضل بره
مؤمن بحزن وبتأثر...انا اسف ارجوكى سامحينى انا مش عارف عملت كده ازاى
رعد بغضب ظاهر قولت بره يعنى بره
بعدخروج مومن رعد قعدت حزينه وبتعيد ذكريتها
فلاش بااااااااك ( من عشر سنين )
مؤمن ورعد قاعدين فى كافتيريا الكليه
رعد / اناهعمل ايه انت عارف ان بابا مصمم انه يجوزنى من واحد انا مبحبهوش ارجوك اتصرف يامؤمن
مؤمن بحب ...متخافيش ياقلب مؤمن انتى متعرفيش انا بحبك اد ايه وعمرك ماهتكونى لحد غيرى انتى ملكى اناوبس
رعد بكسوف ظاهر / بجد يامؤمن بجد
مؤمن بحب /بجد ياقلب مؤمن بس نفسى اسمع منك كلمه بحبك يامؤمن ارجوكى قوليهالى
رعد بكسوف لالا مش هينفع يله سلام اناعندى محاضره
مؤمن / مسك ايديها هتهربى منى لحد امته
رعد بحب وهى بصه فى عنيه انا مش بهرب انا عندى محاضره
مومن ماشى هستناكى لما تخلصى عشان اوصلك
رعد ماشى يله سلام
مؤمن بعد مارعد مامشيت اه لو تعرفى يارعد بحبك اد ايه اااااااااه يارب هون وتبقى ملكى بقا
بعد ماخلصوا المحاضرات
رعد ومؤمن وهما فى العربيه مؤمن حبيبتى احنا وصلنا البيت هعد الساعات لحد مااشوفك بكره
رعد بكسوف لدرجادى
مؤمن رفع وشها وقرب منها جدا واكتر من الدرجادى مش هتقوليهالى بقا
رعد بتوهان وهى بصه فى عنيه هى ايه
مؤمن بحب وهو بيقرب منها اكتر قوليلى انك بتحبنى ارجوكى نفسى اسمعها منك
رعد بتوهان اكتر وعدم تركيز بسبب قربه // بحبك اوى اوى يامؤمن بحبك
مؤمن برجاء / قوليلها كمان مره ارجوكى
رعد بحبااااااا مكملتهاش ومؤمن خطف شفيفها فى بوسه طويله خطفت انفاسهم الاتنين رعد بعدته عنها بهدوء ايه اللى انت عملته ده
مومن بحب وبنفاس متقطعه / عملت كدا اهوا والتهم شفايفها تانى لغيت لمارعد معدتشى قادره تقاومه وبادلته بوسته وبعد وقت وهما مع بعض
مؤمن بحب وعشق / مش بقولك انتى ملكى وعمرى ماهسمح لحد ياخدك منى ابدا
رعد / بجد يامؤمن
مؤمن / بجد ياروح وقلب مؤمن
ومره واحده باب العربيه اتفتح عليهم ورعد اتفاجت ببابها
رعد بابا
باباها/ ايوه انا وشدها من شعرها بعنف وقوه والله لاربيكى مين اللى انتى جايه معاه ده ولغيت البيت كمان
مومن نزل من العربيه بسرعه ارجوك ياعمى سبهاارجوك
بابارعد // بتوعد انت تخرس خالص
وحسابك معايه بعدين وشدها بعنف اكترمن شعرهاوسحبهاوراه على السلم رعد بوجع ودموع ارجوك يابابا اسمعنى ارجوك ابوها دخلها البيت وفضل يضرب فيها لغيت مااغمى عليها من كتر الضرب
بابا رعد بخبث ومكر // والله لازم اربيكى زى ماربيت امك قبل كده
باباها بيكلم شخص فى التليفون// الو عايزك تجينى حالا وتجيب الماذون معاك
الطرف التانى بشر // نص ساعه واكون عندك ومعايه الماذون وانا عملت زى مااتفقنا فى أخته 😓
رعدفاقت من ذكريتها على صوت اللواء صبرى وشاف دموعها نزلها زى المطر على وشها رعد لمحته واقف بيبصلها بنظره أسآ على حالها مسحت دموعها بسرعه خير يابابا فيه حاجه حصلت
اللواء / لا ياحبيتى محصلش حاجه بس انتى مالك
رعد بتهرب / لالا مليش يابابا انا كويسه قولى انت صحتك عامله ايه
اللواء / مهما تحاولى تخبى ياحبيبه ابوكى مش هتقدرى لانى اكتر واحد بحس بيكى والدموع اللى انتى حبسهادى نزليها يابنتى على الاقل تريحك
واكن اللواء ادا لرعد التصريح للعياط اترمت فى حضنه وعيطت عياطت معيطهوش من عشر سنين انا تعبانه اوى يابابا انابحاول ادارى اللى حصل معايه زمان بالقوه والعنف بس انا تعبانه اوى يابابا تعبانه اوى
اللواء بحزن / بس ياحبيبه ابوكى كفايه كده احنا مش قولنا تحاولى تنسى وتعيشى وبلاش عياط
رعد / ايوا قولنا بس لما دينا تقولى انها مش اختى يبقا لازم اعيط والله انا بحبها جدا وبعدين انا مليش حد غيركم من ساعت اللى حصل معايه زمان وانتوا اللى احتواتونى وانا مبنكرشى ده ابدا وكفايه ذكريات الماضى اللى بتطردنى كل شويه
اللواء / معلشى ياحبيبتى حقك عليه انا ..انتى عارفه انها طيبه بس اندفاعيه وهى بتحبك فاحقق عليه انا ياحببتى وانا اسف رعد بمقاطعه وخرجت نفسها من حضنه لا لا يابابا اوعى تتاسف تانى منى دا انت ابويه واخويه وصحبى وحبيبي وكل حاجه ليه
اللواء / ربنا يخليكى ياحبيبتى ممكن بقا تمسحى دموعك دى لو حد شافك يقول ايه الرعد بجبروته بعيط لالا وحشه فى حقك دى
رعد ببتسامه / انت عارف ان الدموع دى مش مسموح لها تظهر غير قدامك انت وبس ياحبيبى
اللواء / وبعدين تعالى هنا ايه الشرط اللى انتى حطتيه للمتدربين ده انتى عارفه ده معناه ايه
رعد بقوه وبخبث / ايوا عارفه وعشان كده حطيت الشرط ده
اللواء / بس انا خايف عليكى ياحبيبتى
رعد متقلقشى عليه ياقلبى انت عارف انى قويه ومحدش يقدر يتحدانى
اللواء ببتسامه / عارف انتى هتقوليلى ده انتى تدريبى
رعد بضحك / وانت مش اى حد ده انت الكومندا الكبير
اللواء بضحك/ اسيبك بقا ياحبيبتى تخلصى شغلك
رعد بحب باست راسه / شكرا يااحن واجمل اب فى الدنيا عارف مهما اكون زعلانه باجى فى حضنك وانساء كل حاجه
اللواء/ ربنا يخليكى ليه ياحبيتى
بعد خروج اللواء ...شويش على شويش على
الشويش / تحت امرك يافندم
رعد / روح لرائد عدى والنقيب دينا ومومن وكرم خليهم يجولى حالا فى قاعه الاجتماعات
الشويش / تحت امرك يافندم
فى قاعه الاجتماعات $$
انا اجتمعت بيكم دلوقتى عشان ناكد على الخطه وان اى غلط فيها مش مسموح لان انتوا عارفين خطوره المهمه والمهربين بتوع المهمه دول مش اى حد
الكل تمام يافندم احنا عارفين كده كويس
رعد / تمام ميعادنا بكره بالليل هبلغكم بوقت العمليه قبلها 15 دقيقه فكونوا على استعداد تام عشان اى وقت ابلغكم تكونوا جاهزين فيه و دلوقتى اتفضلوا على مكاتبكم
الكل خرج ماعدا عدي
رعد / خير يارائد عدى فيه حاجه عايز تستفسر عنها
عدى بحزن/ ايوه فيه وعايز اعرف اجابتها منك انتى
رعد بترقب / لسواله مع انها تاكد عرفها خير يارائد عدى انا سمعاك
عدى بقهر // ممكن اعرف انتى بتعملى معايه كده ليه وبتتجاهلينى ليه
رعد / ايه اللى حصل لده كله وبتجاهلك فى ايه
عدى بحزن / ايوه بتتجاهلين وانتى عارفه انتى ايه بالنسبه لى
رعد وقبل ما تكمل / وانت عارف انك بالنسبه لى اكتر من اخ
عدى بعنف / لا انامش اخوكى ولا انتى اختى
رعد بفهم لحالته / لو سمحت ممكن تهدى
عدى / لامش ههدى انا بحبك وانتى عارفه كده كويس فا ليه كل الاسوه والعذاب ده
رعد بتحسب // عشان انا معنديش استعداد تانى اجرب احساس الوجع والعذاب اللى اناعشته
عدى مسك كتفها الاتنين بحب // وانا بحبك وبعشقك وعمرى مها هجرحك ولا اوجعك بس ارجوكى ادينى فرصه
رعد نزلت ايديه / انا اسفه بس عمرى ماهدى لحد فرصه تانى وارجوك بلاش كلام فى الموضوع ده تانى واوعدنى انك تشيلنى من دماغك
عدى بنكسار / اوعدك عمرى م هطلعك من قلبى ولا من دماغى لانك روحى وحياتى والهواء اللى انابتنفسه
رعد بصتله نظره اسأ عن اذنك
عدى مسك دراعها // قبل ماتخرج ارجوكى سامحينى بس مش بأيدى ولسه هتشد ايدها منه وارجوكى تخلى بالك من امى واختى لو حصلى حاجه فى المهمه بتاعت بكره
رعد بقلق / ايه اللى انت بتقوله ده هو احنا اول مره نطلع عمليه زى دى
عدى بحزن // لا مش اول مره بس ارجوكى اوعدينى
رعد / شددت دراعها منه اوعدك انى مش هسمح لاى حاجه تحصلك وده وعد منى عن اذنك
بعد خروج رعد عدى والدموع تلمع فى عنيه // ياااااه يارعد لوتعرفى انا بحبك وبعشقك اد ايه يارب تكون نهايتى وموتى قبل ماتكونى لحد غيرى يارب ارحمنى من العذاب ده انا معدتش قادر اخبى حبها اكتر من كده
رعد بعد ماخرجت من عند عدى حست بواخذه فى قلبها ومش عارفه سببها ايه رعد بطمن نفسها ان شاء الله خير
وعدا اليوم على كده وهى على نفس الروتين بتاع كل يوم
@@@@@@@@@@@@@@@@
وجه تانى يوم يوم العمليه
رعد صحت من النوم مفزوعه على كابوس قامت من نومها عرقانه وبتنهج وبتكلم نفسها ليه بس القلق ده هو انا اول مره اعمل عمليه انا واصحابى يارب احميهم واحفظهم هما كل واحد عنده اللى يخاف عليه وعيزه اما انا لا يارب افديهم بيه يارب افديهم بيه
رعد قامت واستعيذت بالله من الشيطان وعمل الروتين بتاعها اليومى كلا العاده وراحت شغلها
رعد اول ماراحت الشغل خبطت على عدى ودخلت عدى اتفاجا لان رعد اول مره تروحله مكتبه قام من كرسيه ورحلها
عدى / خير يارعد فيه ايه
رعد بتهرب // هولازم يكون فيه حاجه عشان اجيلك
عدى / لا طبعا بس استغربت من مجيك كده على الصبح
رعد مش عارفه تقول ايه // ولا تفسر وجودها ازاى تقوله انها خايفه عليه من ساعت ما شافت الكابوس ولا تقوله ايه
رعد // مفيش حاجه كنت عيزه اطمن بس على ماما سميره واطمن على جنا اختك
عدى / الحمد لله هما كويسين
رعد / الحمد لله عن اذنك عدى / اتفضلى
بعد خروج رعد عدى لنفسه يااااااه يارعد لوتعرفى انا نفسى اخدك فى حضنى اد ايه وبذات النهارده ياااااه يارب هون يارب هون
عند رعد الباب خبط ودخل يامن وادهم وسيف وفادى ودوال الاربع شباب السابق ذكرهم اللى عاكسوا رعد
رعد خير / ؟؟؟
يامن / احنا كان بينا اتفاق وميعاد واحنا جاين عشانه
رعد // اه اه افتكرت بس خلينا نتكلم بكره لان انا النهارده مشغوله ودماغى فيه كذا حاجه ومش فاضيه للكلام دلوقتى
يامن بعصبيبه // يعنى احنا لعبه فى ايديك ولا ايه ولا انتى خايفه ان احنا نوافق على الشرط وانتى متقدريش تنفذى كلامك معانا
رعد بهدوء عكس اللى جواها // انا قولت بكره يعنى بكره والمقدم رعد مترجعشى فى كلمه قالتها ابدا وبتحذير ودلوقتى اتفضلوا عشان مش فاضيه
يامن بغيظ // ماش هنمشى ونيجى لحضرتك بكره وبصوت واطى اما نشوف سيادته الرعد والعواصف ناوى على ايه
رعد // نعم بتقول حاجه
يامن بضيق منها // لا مبقولشى حاجه
وخرجوا كلهم وادهم لاحظ على وش رعد قلق وتوتر /ادهم هو حضرتك متضايقه من حاجه لوفيه حاجه اناممكن اساعدك عارف انك مش محتاجه مساعدتى بس لو انااقدر اساعدك مش هتاخر عنك ابدا
رعد بصت فى عنيه شافت حب بس من نوع تانى خالص هى مش عارفه تفسيره لغيت دلوقتى
رعد / شكرا ليك بس انا مش محتاجه حاجه
ادهم بحب / تاكدى عمرى مهااتاخر على مساعدتك حتى لو المقابل حياتى وخرج
رعد سرحت شويه فى كلامه وفاقت على رن موبيلها
رعد// ماما سميره ازيك ياامى عامله ايه وحشانى جداوالله
سميره مامت عدى // والله انتى اكتر ياحبيبتى
رعد خير ياامى فى حاجه مش بعاتك تتصلى وانافى الشغل
سميره بقلق // كنت عيزه اعرف عميله ايه بتاعت النهارده
رعد بعدم فهم // ليه ياامى فيه ايه
سميره بعياط / انا قلقانه اوى يارعد عدى النهارده بيقول كلام غريب اوى وانا قلقانه عليه وانتى عارفه ان اناواخته ملناش حد بعد ربنا غيره
رعد بوجع لعياط سميره // ارجوكى ياامى اهدى انتى عارفه انى هكون معاهم وعمرى مها هسمح لحد يحصله حاجه
سميره بحزن / والله يابنتى ماتعرفى هو بيحبك اد ايه
رعد / ربنا يخليكى ياامى بس متقلقيش عليه
سميره بعياط وبرجاء لرعد // اوعدينى ترجعيلى عدى سليم يارعد اوعدينى
رعد غمضت عنيها باسى من الحلم اللى شافته الصبح // اوعدك ياامى اوعدك
رعد بعد مافصلت مع مامت عدى // غمضت عنيها تانى باسى يارب يارب ميحصلشى حاجه لفريقى يارب نقدر نخلص المهمه على خير واقدر احميهم يارب انا مقدرشى اخسر حد منهم يارب قوينى يارب انا طلعت عمليات كتير بس المره دى قلبى مقبوض يارب احميهم يارب
وجه ميعاد العمليه
@@@@@@@@@@@@@@
البارت انتهاء الحمد لله بعد مااخد منى كتابه على الفون 4 ساعات مشقه وتعب والله الكتابه على الفون مش عيزه اقولكم ايدى وضهرى ودماغى يعنى كلى بقافى خبر كان بسبب كتابه الفون دى ايام الكليه كنت بكتب البارت على ورق واصحابى يطبعوه وبس
اما دلوقتى مطلوب منى اكتبها على ورق فى 3ساعات وارجع اكتبها فون فى كمان 3 ساعات بس الحلقه دى فعلن اخدت منى 4 ساعات غير التعب الجسدى وده كله عشان خاطركم وممكن انتوا كده تجربوا الكتابه فون عامله ازاى عذاب كبيييييير والله بس كله يهون عشان خاطر عيونكم
لايكات بقا كتيييييييير
كومنتات اكتر بكتييييييير بس بلاش تم دى قدرونى واتوقعوا الاحداث اللى بعد كده وناقشونى وبلاش تقراوا فى صمت او تقروا وتجروا لاحسن والله هجرى وراكم وسعتها هتلاقوا ده 👈 👊👊👊
لالا مقدرشى اناطبعا بهزر معاكم لانى بحبكم كلكم و ده من زمان مش من دلوقتى
@@@@@@@@@@@@@
$$ توقعاتكم $$
$$ ابو رعد هيعمل ايه ومين اللى كان بيكلموا عشان يجيب الماذون وسبب بعد مؤمن عن رعد ايه ؟؟؟
$$ ويامن واصحابه هيوافقوا على الشرط ولا ولا ؟؟؟
$$ وايه ذكريات رعد الملمه اللى بتطردها ؟؟؟
$$ و ياترا ياتراء هيحصل ايه فى العمليه ورعد هتقدر زى كل مره تحمى فريفها ولالا ؟؟؟
$$ وياترا عدى هيكمل قصه حبه وعذابه ولا العصابه هتقضى عليه ؟؟؟
💖💖💖💖💖💖💖💖💖💖💖
البارت👇5👇
👐اللهم إنى اسألك عيشه هنيه وميته سويه ومردا غير مخز ولا فاضح
اللهم قنعنى بمارزقتنى وبارك لى فيه واخلف على كل غائبه لى بخير
اللهم الهمنى رشدى وأعذنى من شر نفسى 👐
😄 قراءه ممتعه 😄
وجه ميعاد العمليه والعمليه ( عباره عن : شحنات اسلحه ومخدرات المهربين عيزين يدخلوها البلد والمهربين دوال تبع المافيا وبيتاجروا فى كل حاجه اسلحه ومخدرات واعضاء بشريه وقتل سياسين وكل شئ )
المفروض ان رعد وفريقها يستوالوا على الشحنات دى ويقضوا على العصابه
رعد اتصلت على عدى وكرم ومومن ودينا عيزاكم فى المكان ؟ كمان 5 دقايق
كلهم اجتمعوا فى المكان المحدد رعد بقوه وبنبره تحفيظ جهازين ياوحوش الكل بصوت قوى جهازين
رعد / يله ياشويش عبده امشى على المكان اللى انا قولتلك عليه
عبده / اوامرك يافندم
رعد وفريقها وصلوا للمكان وكان على حدود مصر والمكان عباره عن صحراء و جبال وبيوت صغيره مهجوره
رعد وفريقها متخبين فى مكان قريب من مرور العصابه بحيث يشوفوا العصابه والعصابه متشوفوهمشى
بعد 40 دقيقه من وصول رعد وفريقها العصابه بدات تظهر بشحنات الاسلحه والمخدرات ورعد وفريقها اتفاجوا بعدد المهربين
رعد بقوه لفريقها / ازاى انتوا مااخدوش بالكم من حاجه زى دى
الفريق / يافندم معلوتنا انهم 6 *7 بكتير
رعد دوال 6*7 دوال حوالى 20 انتوا اكيد بتهزوا انتوا مش شايفين هما عاملين ازاى دوال اكيد من اكفاء المهربين عشان يقوموا بعمليه زى دى
الفريق بقلل / يعنى ايه يافندم
رعد بقوه / مفهاش يعنى اكيد مش هنعدى الشحنات دى وبقوه طبعا كل واحد معاه جهاز الارسال بتاعه
الكل / تمام معانا
رعد / تمام يفضل شغال هكون على تواصل معاكم انا عيزه فى خلال عشر دقايق تكون كل حاجه منتهيه وطبعا لصالحنا
دينا بتوتر / ازاى وانتى شايفه اشكالهم عامله ازاى واعدادهم يعنى دوال مش اى حد
رعد بقوه وعنف / واحنا كمان مش اى حد
رعد بنفس القوه / نقيب مومن خليك قريب من دينا
مؤمن / تمام يافندم
رعد اتحركوا يله كل واحد فى المكان المخصص ليه
رعد لعدى / عدى خليك قريب منى ماشى
عدى / اكيد هكون قريب منك متقلقيش
وبدوا فى اطلاق النار والعصابه طبعا مش متفاجاه ابدا من ضرب النار ده لانهم واخدين على المكسب والخساره
العصابه بدات هى كمان تضرب نار بقوه وبهمجيه على رعد وفريقها
العصابه طبعا مش سهله ولا ضعيفه وبذات اكترهم من اكلى لحوم البشر
الاشتباكات كانت فى الاول ضرب نار بين الطرفين بس لاسف باقى العصابه هجمت على رعد وفريقها وبدات الاشبكات باليد رعد طبعا قوتها كبيره ومش فارق معاها قواتهم ومومن وكرم وعدى كمان لكن دينا مهما كانت لسه مواصلتشى لدرجتهم
دينا مقاومتها قلت وبدا اللى قدامها يضربها جامد وبدات تنزف من كل مكان فى وشها
رعد فى جهاز الارسال لمؤمن / مؤمن مؤمن روح لدينا مؤمن لاسف مش سامع من كتر الضرب اللى بياخده
رعد جرت على دينا وضربت اللى كان بيضربها بكل قوه وعنف و لاحظت الارهاق والتعب على فريقها لان العصابه طبعا اقوى منهم فى العدد والقوه
رعد استجمعت كل قوتها وبدات تضرب فى العصابه بقسوه وعنف عشان تحمى فريقهاومتخسرش حد فيهم
وبعد اشتباكات كتيره وعنيفه بين الطرفين كانت معظم العصابه على الارض والشحنات رعد وفريقها استحوذوا عليها والفضل طبعا يرجع لربنا ثم لرعد اللى اقوى من الرعد نفسه
عذاب رعد بقلم دى دى فتحى👈اللهم أسالك الفردوس لوالدى
رعد فى جهاز الارسال / دينا انتى تمام
دينا بصوت كله تعب / انا تمام
رعد مؤمن انت تمام
مؤمن انا تمام
رعد كرم انت تمام
كرم انا تمام
رعد / عدى انت تمام
عدى/ ----------
رعد عدى انت تمام عدى انت تمام
عدى / --------
رعد خافت جدا فى اللحظه دى ولسه هتروح تشوف عدى
ظهر رئيس العصابه وهو معاه عدى وكمان اتنين من العصابه
رئيس العصابه عزام بكره / اهلين بالشبح دا ايه الشرف الكبير ده دانا لو اعرف انى هشوفك كنت قررت للعمليه دى من زمان
رعد وهى بتبص للعدى اللى كان مضروب طلقه فى دراعه وشكله من كتر الضرب الجسدى والطلقه يغنى عن الكلام ووبتبص لعزام
رعد بقوه وعنف / عزام انت عارف انك مش هطلع من هنا على رجكليك وانت عارف مين هى المقدم رعد بس انا هديلك فرصه تسيب الرائد عدى مقابل اسيبك عايش
عزام بضحك واستهزاء / انتى مش شايفه ولا ايه انا اللى معايه نصيب الاسد انا عارف انك ممكن تضحى بكل حاجه مقابل حياه اصحابك عشان كده أخدت العاشق الولهان ليكى
رعد بتحذير وبقوه / اصحابى خارج حسابتنا ياعزام
عزام بكره وغل / ماشى نخرج اصحابك بس هاخدك منك حق اخويه اللى انتى موتيه قبل كده ومش بس كده هاخد كمان الشحنات
رعد استحاله ده يحصل انا ماشى بس الشحنات لا
عزام يبقا انتى اللى اختارتى وفى لحظه كان ضارب عدى طلقه تانيه والمره دى جت فى صدره
رعد بصريخ عدى عدى
عزام مش قولتلك انا مبهزرش وانتى عارفه مين عزام
رعد بخوف على عدى وهى بتبصله / ماشى انا موافقه هديلك الشحنات بس سبوه
عزام وانتى كمان يارعد الليل
رعد موافقه بس سبوه
عدى بانفاس متقطعه / لالا يارعد اوعى تضحى بنفسك ده كلب ولا يسوا اوعى يارعد
باقى الفريق والسلاح على روسهم / عزام انت عارف ان اخر يوم فى حياتك لو رعد حصلها حاجه
عزام بضحكه استهزاء / انتوا متخلفين ولا ايه شفوا انا معايه ايه وانتوا معاكم ايه
رعد شافت عدى وهو بيغمض عنيه / عدى عدى ومره واحده استعملت قوه الشبح اللى عندها واللى مابتظهرشى كتير غير فى المواقف الصعبه وبكل قوتها طيرت المسدس من ايد عزام وضربته جامد وفرقها ضرب الاتنين التانين وموتهم رعد سابت عزام بس مااتاكديتشى ان هو مات لانها كانا مشغوله بعدى اللى انفاسه بدات تروح
رعد رفعت راس عدى على رجليها عدى عدى ارجوك رد عليه ارجوك فوق انا مش هسمحلك تروح منى انا وعدتك ووعدت ماما سميره ان مش هيحصلك حاجه ارجوك فوووق ارجوك سامحنى انا مقدرتش انفذ وعدى
عدى بنفاس متقطعه / ارجوكى سبينى هنا وامشوا وخدوا الشحنات قبل ما حد تانى يجى ارجوكى سبينى ارتاح انا تعبت كتير واتعذبت اكتر فى حبك ارجوكى سبينى على الاقل ارتاح من الوجع اللى عايش سنين فى قلبى
عدى وهو مازال على وضعه انا بحبك اوى اوى يارعد سامحينى لو فى يوم زعلتك منى وقولى لماما كمان تسامحنى هى كانت عيزانى اتجوز بس انا اتجوز ازاى وانا متجوزك يارعد قلبى صحيح فى احلامى بس متجوزك وغمض عنيه
رعد بصريخ / مش هسمحلك تموت ياعدى مش هسمحلك انت سمعنى
رعد كرم روح للعربيه هاتلى حاجات الاسعافات حالا
مؤمن يله ناخده على المستشفى بسرعه
رعد بحزن / انت عارف احنا بيناوبين المستشفى اد ايه هيكون النزيف خلص عليه ومش هنلحقه
كرم جه بسرعه البرق واداء لرعد علبه الاسعافات
رعد مومن انت وكرم ولعوا نار بسرعه
رعد بتحاول تفوق عدى وعدى بيفتح شويه ويغمض شويه
مؤمن وكرم ودينا ولعوا نار بسرعه
رعد برجاءوباسف لعدى / عدى انا اسفه بس لازم اعمل كده مش هنلحق نوصل المستشفى ارجوك ساعدنى ارجوك خليك معايه ونزلت دمعه من عنيها بس محدش شافها غير عدى اللى اول مره يشوف دموعها مد ايديها مسحالها وبيملس على خدها بحب ورقه وغمض عنيه تانى
رعد سخنت السكينه على النار عشان تطلع لعدى الرصاصه لانهم متدربين على كدا وبدات واحده واحده تحاول تطلع الرصاصه اللى فى صدر عدى الاول واول ماغرستها فى الجرح عدى صرخ بصوته كله ومسك دراع رعد الاتنين وفقد الوعى
رعد نزلت ايدين عدى من علي دراعها وطلعت الرصاصتين بكل وجع من قلبها على منظر عدى
عقمتله الجروح كويس وربطتهم
رعد لمومن وكرم يله بسرعه نوديه المستشفى قبل ما حرارته تزيد فعلن عملوا كده ورعد اخدت راس عدى على رجليها طول الطريق
وصلوا المستشفى ودخلوه غرفه العنايه المركزه مش غرفه العمليات لان رعد كانت عملت كل حاجه واحسن من العمليات كمان
عدى فى غرفه العنايه وتحت الاجهزه ورعد جنبن بينادى عليها / رعد انا بحبك يارعد ارجوكى اقبلى اتجوزينى ارجوكى
رعد دموعها نزلت بوجع على حالته وعلى حبه ليها واد ايه هى حاسه بتانيب ضمير بس هى اكتفت من الحب ومن الجواز واخدت من العذاب مايكفيها
رعد خرجت من عند عدى وقابلتها سميره ماما عدي واخته جنا
سميره بعياط و باتهام لرعد / انتى وعدتينى انه مش هيحصله حاجه بس انتى خنتى وعدك ليه اكيد انتى كنت عيزه تخلصى منه وهو اللى بيحبك بس انتى قلبك حجر وانا اعتبرتك زى بنتى بس انا بقولك من دلوقتى انا ميشرفنيش انك تكونى بنتى مايشرفنيش فاهمه ولو ابنى حصله حاجه عمرى ماهسمحك ابدا ابدا ودلوقتى اتفضلى ومش عيزه اشوف وشك تانى احنا مش محتاجين لشفاقتك وعطفك المزيف
رعد كل وجعها وجرحها اللى من عشر سنين اتفتح تانى واتصدمت فى ماما عدى اللى بتعتبرها زى مامتها رعد بصتلها بنظره وجع وحزن ومشت بخطوات سريعه من قدامها بل من المستشفى كلها
مؤمن وكرم بهجوم لماما عدى / وبعتاب ليه عملتى كده انتى متعرفيش هى عملت ايه عشان عدى كانت مستعده تسلم نفسها وتسلم الشحنات لرئيس العصابه مقابل بس سلامه عدى وهى اللى انقذته من الموت وبعدين كلنا معرضين للموت او الاصابه ليه جرحتها كده انتى غلطانه كتير عشان هى فى اى عمليه بتضحى بنفسها عشانا بس مين بيضحى عشانها ولو على حب ابنك ليها هى مش ذنبها ان هو حبها فيبقا ليه جرحتيها بكلامك ده
مامت عدى / بحزن حقيقى لجرحها لرعد / انا ام اول ماشوفت عدى تحت الاجهزه دى كلها مقدرتش امسك اعصابى وفضيت فيها همى وحزنى والله مش عارفه انا عملت كده ازاى
جنا اخت عدى / انتى جرحتها ووجعتها اوى ياماما ليه كده بس
******************
رعد بعد خروجها من المستشفى / راحت لمكانها المفضل اللى لماتبقا مضايقه تروح فيه قعدت وضمت وشها بين رجليها و دموعها نزله زى المطر بتفكر فى كلمه ابوها زمان وتحديدا من عشر سنين
ابوها / انا البنت اللى تخرج عن طوعى مايشرفنيش انها تكون بنتى
جوزها الاولنى / انا عمرى ماحبيتك انا طول عمرى بكرهك وهفضل اكرهك لغيت اخر يوم فى عمرى
امها / انا مش عيزاكى تيجى هنا تانى انا عمرى ماحبيت ابوكى وطول عمرى بكره وعشان كده بكره كل حاجه منه وبكرهك انتى كمان
دينا / انا مايشرفنيش انك تكونى اختى
مامت عدى / انا ميشرفيش انك تكونى بنتى
رعد قامت صرخت بكل قوتها ووفضلت تصرخ وتصرخ أااااه ااااااه ااااااه ليه بيحصلى كل ده ليه محدش بيتشرف انه يكون ليه علاقه بيه ليه يارب انا عملت ايه فى دنيتى عشان يحصلى كده يارب خدنى وريحنى بقا انا كل اللى بطلبه شويه حنان شويه حب نفسى فى حضن حنين ارتمى فيه وقت مااكون مجروحه او موجوعه يارب انا اتعذبت كتير يارب ريحنى من العذاب ده
فضلت تصرخ وتعيط وتنادى ربها لغيت لما صوتها راح ومعدتشى قادره تتكلم وصدرها وجعها جدا وهى عارفه سبب ووجعه بس حبت تعاقب نفسها اكتر واكتر وسابت وجع قلبها ووجع صدرها ينزفوا ويتالموا مع بعض
روحت بيتها وهى حزينه ومكسوره اخدت شور ونامت
@@@@@@@@@@@@@@
تانى يوم / رعد صحت وهى حاسه بوجع جامد فى صدرها قامت بصعوبه صلت ومقدرتشى تروح تعمل رياضه ولاحتى فطرت لانها ملهاش نفس او بمعنى اصح حبت تعاقب نفسها بزياده بس تعاقب نفسها على ايه على وجع سنين ولا عذاب ايام ولا لانها فى كل عمليه بتضحى بروحها عشان اصحابها وعشان كل اللى معاها ولا عشان طول عمرها عيزه حضن حنين ترتمى فيه ومش لاقيه حتى حضن اللواء صبرى بتكون متحفظه فيه عشان خاطر دينا ونظراتها ليها واتهامها لهاان هى اخدت قلب ابوها وجوزها
رعد راحت شغلها وهى فى قمه تعبها ووجعها
( الانسان ممكن يقدر يداوى نفسه من اى جرح جسدى وممكن يداوى اى جرح بسبب اى مشكله اما انه يداوى وجع قلبه دى صعبه اوى وبتاخد وقت طويل اوى والاهم من ده كله ان قلبه مبيرجعش زى الاول وبذات الجرح والوجع ده لوكان جايلك من حد بتحبه اوى وبتعتبره السند والطبيب ليك يااه على جرح القلوب لا ليه طبيب ولاليه دواء )
مسكينه اوى بطلتنا الجميله بس اكيد ربنا هيعوضها اكيد
رعد دخلت مكتبها وفضلت شويه متردده تتصل على المستشفى عشان تطمن على عدى ولا لا ولنفسها بس لازم اطمن عدى ده بعتبره اخ وسند ليه اطمن ان هو فاق وبس وفعلن اطمنت على عدى والطوارى فى المستشفى طمنؤها ان هو فاق غمضت عنيها بارتياح وحمد ربها
@@@@@@@@@@@@@
&&عند عدى &&
فاق واول مافاق ناداء على رعد وفتح عنيه ببطء ملقهاش غمض عنيه بوجع و لنفسه كنت فاكرك يارعد انى مهم عندك حتى لو على سبيل الصحاب المفروض كنتى تبقى واقفه جنبى
سميره كانت اقعده جنبه وفهماه وفهمه عنيه / متظلمهاش انت كمان ياابنى زى ماانا ظلمتها
عدى بتعب وعدم فهم/ يعنى ايه مظلمهاش وانتى ظلمتيها فى ايه
سميره بحزن ووجع / حكت لعدى على كل اللى حصل
عدى بصدمه وتعب / مش ممكن ياامى مش ممكن تجرحيها بشكل ده هى ذنبها ايه انا اللى حبيتها وهى عمرها ماوعدتنى بحاجه ليه كده ياامى ليه دا بتضحى بحياتها عشانا يبقا ليه
سميره / سامحينى ياابنى سامحنى وياريت هى كمان تسامحنى ياريت
عدى بالم وتعب / انالازم اروحلها لازم قام وشد الاجهزه من دراعه وسميره بتحاول توقفه بس هو خلاص كان شد الاجهزه وخلاص وهو بيحاول يقوم وقع على الارض وجرحه اتفتح ونزف ...سميره مامته صرخت بصوتها كله ودخل مؤمن وكرم بسرعه على صريخ سميره اللى ابنها مرمى فى الارض وبيزف... استدعوا الدكتور بسرعه اللى جه بسرعه الدكتور مش ممكن ده حصله ازاى دا دخل فى غيبوبه 😓
@@@@@@@@@@@@
&&&عند رعد &&&
الباب خبط ودخل اللواء صبرى اول ماشاف رعد حس بتعبها ووجعها / وبسؤال.. رعد مالك ووشك اصفر كده ليه
رعد بوجع بتداريه / لالا انا الحمد لله كويسه بس انا عشان منمتش كويس بس
اللواء صبرى / لا انتى تعبانه متنكريش
رعد / ارجوك ياسياده اللواء انا كويسه مفيش داعى للقلق ده
اللوا صبرى بصدمه / سياده اللواء من امته وانا سياده اللواء
رعد بوجع وانكسار / من دلوقتى ومن كل يوم
اللواء صبرى باستغراب ليه كل ده
رعد بحاله شبه الاغماء / لانى مشرفشى اى حد اكون فى حياته مشرفشى حد
اللواء لسه هيتكلم الباب خبط ودخل يامن وادهم وسيف وفادى ودوال الاربع شباب السابق ذكرهم
رعد لفت وشها بسرعه عشان مايبنشى عليها الانكسار والضعف
يامن احنا جاين
وقبل مايكمل ومن غير رعد ماتبصلهم انا موافقه تكونوا معايه ومن بكره تكونوا جاهزين للتدريب معايه وكمان لسه عند الشرط بتاعى ومش هتنازل عنه
الكل استغرب من طريقه كلامها وموافقتها على تدريبهم ومن غير ماتعرف هما وافقوا على شرطها ولالا بس اللى هما متاكدين منه انها مش هتتازل عن شرطها ولو منجحوش فى التدريب
الكل استغرب اللا اللواء صبرى الا عارف ومتاكد ان فيه سبب لحزنها ده وسبب كبير كمان ولازم يعرفه
رعد وهى مازالت على وضعها ومديالهم ضهرها / اتفضلوا وسبونى لوحدى اتفضلوا وقبل مايخرجوا كان الباب اتفتح بعنف ودخلت دينا تجرى رعد اتفاجات ولفت وشها بسرعه وشافت دينا وهى منهاره نست اللى هى فيه وباهتمام دينا فيه ايه وبتعيط ليه
دينا بعنف وكره / فيه انى معدتش مستحملاكى فيه انى عيزاه ميكونش ليكى علاقه بحياتنا ولا صله بينا
رعد غمضت عنيها بكل حزن ووجع / يااااااه ليه العذاب ده كله ليه كده رعد الم صدرها زاد وبدا يوجعها بشده وقلبها ضرباته ذادت وبقت شبه مغيبه وهى واقفه معاهم
ادهم / نفسه يجرى ويطمن عليها
يامن / مش عارف ليه حاسس بوجع فى قلبه علشانها اد ايه شكلها حزين وباين عليها التعب والارهاق وكميه الكدمات اللى فى وشها من اثر الاشتباكات فى العمليه ليه منظرها ده وجعه ليه نفسه يروح عندها وياخدها فى حضنه ليه وليه بس لالا مش من حقه دا مجرد مافكر بس يتعدا عليها فى الكلام عاقبته ازاى امال لو هو قرب منها اكيد هطير رقابته فوق يامن فوق قبل ماتلاقى رقبتك تحت رجليك دا دى اقوى من الرعد نفسه
اللواء صبري / كفايه يادينا كفايه
دينا بصريخ وبعياط / لا مش كفايه لان اسر اتخطف وعزام هو اللى خطفه وبسببها هى وعايزها هى والشحنات مقابل اسر
رعد بصدمه وبتعب ظاهر/ ايه اسر اتخطف طيب ازاى
دينا بكره / زى ماانتى سبب كل حاجه وحشه فى حياتنا
اللواء صبرى بدهشه / ايه اسر اتختطف ازاى
دينا بنهيار وكره لرعد / انا بعتله السواق يجيبه من المدرسه زى كل يوم ملكهوش وبعد شويه اتصل عليه عزام وبلغنى حياه اسر مقابل حياتهاهى والشحنات وكل ده بسبب الرعد اللى مابيهمهاش حد وبتدوس على الكل عشان خاطر شغلها
رعد خلاص كل قوتها راحت وبدأت تدوخ وعنيها غمضت وأغمى عليها
يامن بفزع حقيقى لمنظرها / مقدم ررررررراعد
@@@@@@@@@@@@
😘نكمل بكره ان شاء الله 👐
&&توقعاتكم 👇👇👇
$$ايه ماضى رعد ؟؟؟
$$$عدى هيعمل ايه لمايفوق ؟؟؟
$$$عزام هيعمل ايه فى اسر ؟؟؟
$$$وهيقدروا يلحقوا اسر ولا عزام هيموته و ايه رايكم ايه فى الحلقه ورعد هتعمل ايه لماتفوق؟؟؟
 |
ليست هناك تعليقات:
إرسال تعليق