"لا تكن لطيفا أكثر من اللازم !!
كان عارف إن احنا من غير ما نقصد بنبقي طيبين أوي مع الناس اللي بنحبهم ..خصوصا لو بنحبهم أوي أوي يعني .. ف تلقائيا بنتعامل معاهم حلو و بنساعدهم لو محتاجين حاجة و بيوصل بينا الموضوع اننا ممكن جدا نيجي علي نفسنا عشانهم !!
بس عشان احنا بشر و للأسف أغلبنا لما بيلاقي حد كويس معاه بيفضل يشيله أكتر من طاقته و ساعات كمان بيبدأ يحس إن الكويس اللي بيعمله دا شئ طبيعي علشان هو اتعود منه علي كدة ..
ف احنا محتاجين نفهم يعني ايه "لا تكن لطيفا أكثر من اللازم" ..
حب الناس و مساعدتهم و التعامل معاهم بحسن نية كل دي حاجات جميلة جدا و مطلوبة منك بس بحدود !!
متحبش حد لدرجة انك تيجي علي نفسك طول الوقت عشانه ف تنسي حقوقك !!
متسمحش لحد يستغل طيبتك و حبك ليه ف إنه يخليك تعمل حاجة غصب عنك أو فوق طاقتك !!
خلينا نكون معتدلين ف علاقتنا بالناس اللي بنحبهم علشان أي حاجة في الدنيا لما بتزيد عن المسموح بتبقي خطر جدا خصوصا حب الناس !!
و دا مش معناه خالص إنك تكون وحش مع حد أو سخيف مثلا ..
معناه ببساطة إنك تكون معتدل في تعاملك مع اللي قدامك ..
ربنا يبعد عنك أي حد يفكر يستغل طيبتك وحبك ليه !!
 |
ليست هناك تعليقات:
إرسال تعليق