قصة كاملة بعنوان 🌹المعاملة الطيبة 🌹 حصريه وجديده وخاصه بمدونة نجوم ساطعه
قصة كاملة بعنوان 🌹المعاملة الطيبة 🌹 حصريه وجديده وخاصه بمدونة نجوم ساطعه
💞💞💞💞💞💞💞💞💞💞
نبدء بالصلاة على النبي صلى الله عليه وسلم
✍️✍️✍️✍️
انا اسمي اسامة عندي40 سنه ليا اخت اكبر مني واخت اصغر مني ومتزوج
اختي الكبيره متجوزه واحد بعيد عننا من محافظه تانيه واختي الصغيره متجوزه صاحبي ويبقي جارنا وناس قمه في الاحترام..
ف يوم اختي الصغيره جت غضبانه والحقني يا أسامة جوزي ضربني بقولها ليه بتقول عشان عليت صوتي عليه بس غصب عني العيال ومش العيال وكده،
امي بقا وانتو عارفين الأمهات خدتها في حضنها وكبدي عليكي يابنتي ولسه امي بتقول يتشل ف ايده راحت اختي قايمه من حضنها وتقولها بعيد الشر متدعيش عليه دا ابو عيالي.
روحت ضاحك، اتصلت بجوزها لاني عارف انه ميعملش كده من فراغ وقلتله هقابلك ف القهوه هو شافني كان حزين جدا وقعد يقولي حقك عليا ياصاحبي بس واللَّه كنت جاي من الشغل وكل كلمه تزهق عليا كاني عيل صغير معاها لاقيت نفسي ضربتها بالقلم غصب عني عشان تسكت قلتله ياعم سيبك قطيعه تقطع الستات كلهم بما فيهم اختي😂
لاقيت دا وقف ويقولي ما تراعي ملافظك ياض انت بتدعي علي مراتي انت مجنون بقوله ايه ياخويا الحب دا انت لسه ضاربها قالي ادعي ع ابني واكره اللي يقول امين فضلت اضحك لما لاقيت نفس الاحترام بينهم في غياب بعض قلتله تعالي وخدته وروحنا بيتي لاقيت امي شافته قايمه عليه عايزه تزعق فيه اختي قامت جري وقفت قدامه دا جوزي ياماما عيب ومتشتميهوش والتاني ماسك فيها روحت قالع الشبشب ويلا ياض انت وهي من هنا 😂
قعدوا يضحكو وخدها ومشي هما مشيو وانا وامي قعدنا ساعه نبص لبعض ونضحك😂😂😂😂
***********
في فرق لما تكون واثق في جوز اختك وعارف اخلاقه فبتسعي تصلح وتعمر بيت اختك من غير ماتزعل جوز اختك وفي فرق انك تبقى راجل وسند وضهر لاختك لما حد ياذيها
********
اختي الكبيره بقا جوزها ضربها مره وجت ليا وشها وارم وجسمها متبهدل اول ما فتحت الباب ليها وقعت من طولها انا عيطت اول ما شوفتها، وكنت حالف اقتله..😡
قعدت معاها لما فاقت وسالتها ايه اللي حصل بقت تقول مفيش انا اللي غلطانه هو ماغلطش وبقت خايفه عليه وتقول عيالي اوعي تقرب له وفضلت تحلفني ما اضربوش عشان عيالها .
اتصلت بعمامه وقلتلهم لو سمحتو هاتو مأذون وتعالو عشان نطلق
هما سمعو كده جابوه وجم وقعدو يعتذروا قلتلهم كلمتي واحده يطلق اختي..
فضلو شهرين في محاولة صلح لدرجة ان اختي تعيط وتقولي عايزه اروح..
لحد ما جه اليوم اللي قلت فيه خلاص طلباتي عشان اختي ترجع انت بايع شبكتها وربنا فتحها عليك هاتلها دهبها وتدفع ليها مهر جديد أتراجع شويه كده قلتله ايه ام عيالك اللي شالتك انت واهلك متستاهلش؟؟؟
عمامه وافقو لانهم عارفين اختي هما نفسهم قالو له انها خلت لبيتهم روح
وفعلا خرجت اختي عروسه من بيتي للمره التانيه لنفس الزوج ولحد دلوقتي شايلها علي راسه ومعاملته اتغيرت 😍
*****
خليك راجل لاختك مش عليها ، خليك حنين، خليك ذكي، احتويها، صاحبها، مفيش أجمل من ان اختك تقول انا ليا سند وهو اخويا....
البنات سواء ام، اخت ، زوجه اطيب خلق اللَّه انت بس عاملهم بما يرضي الله وحسسهم بالحب والحنان هتلاقي حياتك جنه❤
💓💓💓💓💓💓💓💓💓💓
ارجو من الجميع مشاركة القصة علي كل الصفحات والجروبات علشان نقدر نوصل الرسالة والعبرة لكل ناس
تعليقات
إرسال تعليق