رواية ضياء الليل بقلم الكاتبه نسرين خالد الفصل الحادي عشر حصريه وجديده علي مدونة نجوم ساطعه
 |
نجم : سامحيني يا بنتي لو كنت سبتك تعيشي حياتك على انك بنت كانت خطفتك منى.... بس هانت خلاص و هاسفرك بره و هناك هتقدري تعيشي حياتك
بعد شويه ازهار حضرت الاكل و نادت على نجم و راحو على اوضة ضياء و اكلو مع بعض بعد محايله من ازهار لضياء عشان تاكل و كلام نجم انها لازم تعوض الدم ال نزفته عشان ماتتعبش.... عدى اليوم و نامو و تاني يوم صحيت ضياء و راحت الموقع و عزمت الناس على الفدوه و راحت عزمت ليل و رجعت على البيت زي ما ابوها قال لها
ازهار : ضياء انت جيت
ضياء : ايوه يا اما انا رجعت تحبي اعملك حاجه؟
ازهار : لا يا ضنايا الحريم جهزو كل حاجه مش فاضل غير ابوك يدبح و يدينا اللحمه عشان نسويها..... اسكت يا ضياء ده ابوك دابح ٤خرفان كبار بدل الخروفين ال قال عليهم و خالك العمده لما عرف ب ال حصل جاب عجل و لما قلنا كتير العجل و كفايه الخرفان رد و قال ده فدى ضافر ضياء
ضياء : يسلملي خالي العمده😊
ازهار : اسمه خالك عماد يا ضنايا
ضياء : ما انا عارف بس بحب اقوله خالي العمده عشان عماد دلعه عمده يا اما😂
ازهار : يووه يا ضنايا دمك عسل بقى عشان كده بتقوله يا خالي العمده😂😂😂😂😂😂
بعد شويه نجم و العمده دبحو الدبايح كلها(اربع خرفان و عجل) و دخلوهم البيت و الحريم اشتغلو في الطبخ ال هيتسلق و ال هايتحمر و ال هايتشوي و في حريم بتعمل الخضار و الرز..... نجم دخل و ماسك طبق فيه الكبده و القلب و الكلاوي و حاجات تانيه من بتاعة الدبايح
نجم : يا ام ضياء خدي الحاجه دي حمريها و اعملو سندوتشات تتاكل عقبال الاكل ما يتعمل و الضيوف يوصلو
انزهار : عيوني يا سي نجم حالا هحط حتة سمنه بلدي و اسويهم
نجم بهمس : بقولك ابقي طلعىي حتتين في طبق و دخليهم ل ضياء في الاوضه و خليها تاكلهم بدل وشها الاصفر ده
ازهار ب ابتسامه على حنيته : من عيوني يا سي نجم
نجم😍 بهمس : تسلملي عيونك يا قلب نجم يا ست الناس..... بالله لولا الناس ال جايه كنت عرفتك أزاي تحلوي و تدلعي كده عليا مش كفايه حبك ال في قلبي هحبك اكتر من كده ايه يا ازهار عمري
ازهار اتكسفت و وشها بقى فراوله خالص
نجم : لسه زي ما انتي اللون قشطه و الوش فراوله و الريحه ورد بلدي و عشقك في قلبي كل يوم بيزيد و يكتر 🥰🥰
ازهار بكسوف : يوه بقى يا سي نجم.. انا هعمل الحاجه بس قولي مين ال بره عشان احشي عيش على عددكم
نجم : احم احم الموجودين انا 😉و الحاج عماد و اتنين غفر معاه و اتنين من ال شغالين معايا
ازهار : بس كده عيوني يا سيد الناس بس الرغيف بتاعك هحط فيه قرن فلفل اخضر عشان تعرفه😉
نجم قرب من ازهار و نزل لعند ودنها: اتوحشتك اوووي و اعملي حسابك النهارده مش هتعرفي تهربي😉😉
و طبعاً ازهار كانت مش بتتكلم بس وشها باين عليه كلام نجم🤭🤭🤭🤭🤭
بعد نجم عن ازهار و طلع تاني راح المضيفه يقعد مع الحاج عماد (العمده) و راحت ازهار تحمر الكبده و الحاجه عشان تعمل (سندوتشات) و جهزت طبق و دخلته ل ضياء
ازهار : ضياء أبوك باعت الطبق ده و بيقولك تاكله كله و تشرب السمن ال فيه
ضياء : ليه يا اما
ازهار : عشان الجرح يا ضنايا و كمان عشان تعب الشهر ال عندك يا ضي عيني
ضياء ب استسلام : حاضر يا اما حاضر
و وقفت ازهار ادام ضياء لحد ما خلصت اكل كل ال في الطبق و شربت السمنه 🥴 و بعد كده خرجت تعمل (سندوتشات) عشان تأكل الرجاله و الحريم ال موجودين معاها... و بعد ما قسمت العيش و ادت كل واحد رغيف قعدت هيا تاكل الرغيف بتاعها ..... جت ست و قعدت قدامها
الست : بقولك ايه يا ست ام ضياء انا خبزتلك عيش عشان يتحط مع الفدوه
ازهار : ليه كده بس تعبتى حالك و كلفتي نفسك
الست : كلفت نفسي ايه بس... هو انا هنسى فضلك و فضل الحاج نجم من بعد ربنا.... من يوم ما مات جوزي و سابني ب خمس عيال صغيرين من غير معاش ولا حد يسأل... جيتي انتي و شغلتيني معاكي في تربية الطيور و الحيوانات و مكفكيش كده... لا كمان اديني طيور عشان اربيها انا و اتاجر فيها و لحد دلوقتي واقفه في ضهري و خزين بيتي كله الحاج نجم بيجيبه كل شهر ده غير تعليم العيال ال رفض يشغلهم معاه في الارض و اقسم انهم يكملو تعليمهم.... كل ده يخليني اخدمكم برموش عيوني.. و كمان ضياء زيه زي عيالي ده انا ال مولداكي ولا نسيتي يا ست ام ضياء
ازهار عيونها دمعت و اخدت الست ب الحضن و طبطبت عليها
ازهار : عمري ما انسى انك ولدتيني و كمان خبيتي حقيقة ضياء لما عرفتي انها ها تتاخد مني لو عرفو انها بنت
الست بصت يمين و شمال و قالت بصوت مسموع سي ضياء ده سيد الرجاله طيب اقولك ده الواد ابني الصغير بيقولي نفسي يا امي اطلع زي سي ضياء جدع و شهم و راجل ملو هدومه و بيعمل الخير منين مابيروح
ازهار : تسلمي و اهو ضياء ابنك و اخوهم برده
و بعد مده حضر كل الرجاله و زمايل ضياء في الموقع و دخلو لمضيفة البيت و بدأ الاكل يتحط و وقف ضياء يخدم على الموجودين و ال عايز حاجه بيجبهالهم.... و عرف ابوه على الباشمهندس ليل و بعد شويه ليل طلب انه يغسل ايده
نجم : يا ضياء خد ضيفك و وريه الحمام منين و جيبه تاني بعد ما يغسل ايده
ضياء : حاضر يا ابا... اتفضل يا باشمهندس
اخد ضياء ليل و دخله الحمام عشان يغسل ايده و وقف يستناه بس ازهار نادت عليه ف استأذت من ليل يشوف امه و يرجعله
ضياء : معلش يا هندسه هروح اشوف امي عقبال ما تغسل ايدك
ليل : تمام اتفضل و انا هغسل ايدي و استناك
راح ضياء ل ازهار و ليل خلص غسل ايده و ابتدى يتفرج على المكان و وقف لما سمع ازهار
ازهار : يا ضنايا ادخلي غيرى انتي في تعب الشهر و لو ماغيرتيش هاتتفضحي
ضياء بصوتها الحقيقي : يعني اعمل ايه يا اما ده انا مرضيتش اقعد عشان خايفه من ال بتقوليه ده.... بصي الباشمهندس ليل في الحمام هيخلص و يدخل القاعه و انا هرجع و اغير....
ليل سمع الكلام ده بس مايعرفش ان ال كان بيتكلم هو ضياء .....
ليل في نفسه: يمكن اخت ضياء... و رجع تاني جنب الحمام و هو دماغه مشغوله ب الصوت ال سمعه و جه على باله ضياء و عيون ضياء و سرح مع نفسه في جمال عيونه😂..... فاق لنفسه... أزاي بفكر في ضياء ب الشكل ده...ده لو جدى عرف هيقتلني😭.... لا انا راجل اووي .... بس برده عيون ضياء ملهاش حل🤭
في الوقت ده جه ضياء و فوق ليل من سرحانه و اخده رجعه ل المضيفه .... و بعد مده استأذن الكل عشان يروحو
ليل : بعد اذنك يا حج نجم انا عايز ضياء بكره
نجم : ده لسه تعبان
ليل : ماتقلقش مش هيشتغل بس بكره هيكون القبض ف يجي يقبض و ياخد اجازه يومين بدل ما يتخصم منه
و مشى ليل و راح اوضته ال في الموقع
الغفير : معلش يا باشمهندس ليل عايزك في كلمه
ليل : خير في حاجه؟!
الغفير : بص يا باشمهندس انا راجل و مش بحب الحال المايل و عشان كده محدش هينضفلك الاوضه بتاعتك تاني
ليل 🤔 : ليه يعنى حصل ايه؟!!
الغفير : حصل ان مراتي لقيت الورقه دي عندك في الحمام.... و دي لامواخذه حاجات حريم
الورقة دي كانت ورقة الفوطه الصحيه ال وقعت من ضياء ساعة ما اتفتحت دماغها.. في الوقت ده الغفير مشي.. و ليل ابتدت دماغه تجمع كل حاجه.....
ليل : ورقة الفوطه الصحيه و احساسه ناحية ضياء ال مخليه يقرف من نفسه و الصوت الحريمي ال سمعه بيتكلم و احساسه لما كان شايل ضياء ساعة ما اغم عليه..... كل ده ملهوش غير معنى واحد بس😱😱😱😱😱😱😱
............ معناه ان ضياء بنت............. 😮😮😮😮😮😮😮😮😮
**ياترى ايه ال هايحصل؟ 🤔🤔
هل هيصارح ليل ضياء ب ال اكتشفه؟؟.. ولا هيعمل ايه؟!!! 🤔🤔
و ايه هيكون رد فعل ضياء؟ 😲
ده ال هيتعرف الاحداث الجايه😉😉
دومتم سالمين انتم و احبتكم 😊
بداية الروايه من أولها هنا
تعليقات
إرسال تعليق