رواية ضياء الليل بقلم الكاتبه نسرين خالد الفصل الخامس عشر حصريه وجديده علي مدونة نجوم ساطعه
 |
رواية ضياء الليل بقلم الكاتبه نسرين خالد الفصل الخامس عشر حصريه وجديده علي مدونة نجوم ساطعه
بيتر : طيب انا هسيبكم بس عايز الجواز بتاعك يا ضياء عشان اخلص لك الورق و كمان اثبت انك هتعيشى هنا عشان ما تتأثرش المنحه بتاعتك و كمان عشان اجيبلك جدول المحاضرات بتاعتك
ضياء ادت الجواز بتاعها ل بيتر و مشى و قعدت هى مع سعاد
سعاد : احم معلش يا حبيبتى لامواخذه يعنى قوليلى بقى انتى اسمك ايه و ايه حكايتك و ليه شاكلك زيك زى الشباب!!
ضياء : احم😊... انا اسمى ضياء... بنت اصلى من الصعيد و عيشت فى الفلاحين...
سعاد : ال هو ازاى ده🤔منين صعيديه و عشتى فى االفلاحين؟!
ضياء : بصى يا ستى الحكايه ابتدت بان جدى ابو بابا و جدى ابو ماما ناس غنيه و العلتين كانو طمعانين و كمان فى مشاكل بين العلتين بس بابا حب ماما اوى و لما جدى ابو ماما اتأكد من ان حبهم حقيقى جوزهم لبعض و هربهم من الصعيد و بابا اخد ماما و راحو الفلاحين و اشترو بيت و ارض و عاشو هناك بس طبعا اهل بابا ماسبوهمش فى حالهم و عملولهم مشاكل و فى الاخر اهل بابا حكمو لو بابا خلف بنت هايخدوها هم يربوها و يجوزوها واحد من احفدهم عشان الميراث مايطلعش من اديهم و جه النصيب ان ماما تجيبنى بنت و ماتجبش تانى غيرى ف قرر بابا انه هيخلينى اعيش على انى ولد.... و عشت فعلا على انى ولد لدرجة ان بابا خلانى اشتغل فى الفاعل و كنت بشتغل و ادرس من ورا بابا لانه كان رافض اكمل تعليمى بسبب خوفه ان حد يعرف حقيقة انى بنت لحد ما جه وقت اتكشف المستور و اتعرف كل حاجه مخبياها..... و اتضطر بابا يجوزنى للمهندس ال كنت بشتغل تحت ايده... هو عرف حقيقتى قبل ما اهل بابا يكشفونى... و بعد كده جهزت ورق البعثه و هربت من البلد و ادينى قاعده معاكى
سعاد : 😢ياعينى عليكى يا بنتى... ده انتى شوفتى العجب 😭😭😭😭😭
ضياء : الحمدلله... بس تعرفى الطريقه ال اتربيت بيها دى خلتنى ابقى قويه و اعرف اجيب حقى مش زى البنات المغلوبه على امرها😎😎
سعاد : طيب انا عندى فكره لو عملتيها محدش هيعرفك حتى لو ابوكى شافك ادامه😉
ضياء : بجد طيب قوليلى بسرعه الله يسترك
سعاد : بسيطه اوى اتحولى ل بنت... 🤷
ضياء : ال هو ازاى معلش 🤨
سعاد : يابت انا اقصد يبقى شكلك بنت.... يعنى فستان و جزمه حريمى تروحى الكوافير.... كده يعنى... فهمتى😏
ضياء : 😳ايه ال بتقوليه ده يا خالتى.. اسفه انى قلتلك خالتى🥲
سعاد : لا مفيش اسف انا من دلوقتى خالتك و اعملى حسابك بكره اجازه فى الجامعه هاخدك و ننزل نشترى هدوم ليكى
ضياء : بس انا مش هقدر البس لبسهم هنا انا مسلمه
سعاد : 😂😂😂 على فكره انا اسمى سعاد ابو بكر
ضياء : نعم ال هو ازاى 😲😲😲😲 ده و ابنك اسمه بيتر🤔🤔🤔ده ايه ولا هو مش ابنك؟!
سعاد : الله يكرمك يا بنتى ضحكتينى.... لا بيتر ابنى جوزى الله يرحمه كان اسلم قبل ما يعرفنى بس فضل اسمه زى ما هو چوزيڤ و كانو بينادوه ب چو و عشان محدش يتهض ابنى سماه بيتر عادى يعنى و هنا مفيش فرق فى الاسماء.... طسي انا هسألك هو حاول يسلم عليكى اول ما عرف انك بنت
ضياء : الشهاده لله لا محاولش... بس انا قلت يمكن من الناس ال مش بيحب يسلم بسبب الامراض و كده
سعاد : ههههه لا مش كده هو مش بيسلم عموما الا على الرجاله... و من النهارده اعتبريه اخوكى
ضياء : ده انا اتشرف.....
سعاد : ده احنا ال نتشرف..... بقولك ايه بتعرفى تعملى اكل ولا لاء؟!
ضياء : بعرف اطبخ و اخبز كمان 😉😊
سعاد : الله يارب تكونى بتعرفى تعملى عيش... لاحسن بطنى نشفت من العيش بتاع البلد دى😋😋😋
ضياء : طيب ايه رايك اعملك النهارده عيش فلاحى و الاجازه الجايه اعملك عيش شمسى 😉😉
سعاد : ده انتى كده تبقي بنتى و اتبرى من الواد بيتر هههههه 😂😂
ضياء طيب عايزه دقيق و ملح و عايزه حلبه و عايزه مكان حاجه واسعه عشان اعجن فيها و مكان واسع عشان اخبز فيه
سعاد : بس كده ال طالب غالى و الطلب رخيص عندك فى الجنينه فرن كبير و الجنينه تحت امرك
ابتدت ضياء تعجن و سعاد قاعده معاها و بتفرد العيش زى ما ضياء بتعمل هى بتعمل و مع الخبز ابتدت الريحه تظهر و الجيران المصريين و العرب اتلمو فى بيت سعاد و داقو العيش و اعجبو بيه جدا.... و روحو ل بيوتهم
سعاد : ضياء انتى قولتى انتى متعوده على الشغل مع المذاكره صح؟
ضياء : ايوه يا خالتى بس ليه السؤال؟! هو حضرتك جبتيلى شغل؟!
سعاد : لا هو مش شغل.... هو مشروع
ضياء : مشروع ايه؟؟
سعاد : بصى بقى ايه رايك انتى لو تقدرى كل يوم تخبزى عيش و انا هبعهولك و كدا تعملى فلوس و انتى بتدرسى عشان تقدرى تصرفى براحتك
ضياء : على فكره يا خالتى انا معايا فلوس كتير فى البنك لدرجة انى لو حابه ممكن اعيش هنا و افتح شركه كمان... اصل ابويا كان بيشغلنى من و انا فى اعدادى و كان بياخد فلوسى بيحوشها و كان بيحولها دولارات و ال متحولش خالى العمده حولهولى و حطهولى فى حسابى فى البنك
سعاد : اللهم بارك.... ضياء تسمعى كلامى؟!
ضياء : ايوه طبعا يا خالتى
سعاد : عايزاكى تنسى فلوسك ال فى البنك دى خالص و ماتجبيش سيرتها تانى ابدا... و اعملى حسابك بكره هاتخبزى الصبح و بعد كده هاخدك للكوافير... متخافيش ده بنت و اصلها عربى... و بعد كده نشترى شوية لبس و هتسددى حقهم من العيش ال هايتباع.... فاهمه🤨
ضياء ب ابتسامه : حاضر يا خالتى 🤍 طيب ايه رايك انا ممكن اعمل جبنه و رايب و زبده كمان بس هحتاج لبن مش متعلب.. و كمان ممكن اطبخ اى اكله مصريه لو حد طلب و حضرتك عليكى تبيعى لانى مش اوى فى البيع و الحسابات
سعاد : لو على اللبن سهل مسافة ساعه ب العربيه نوصل ل مكان بيربى الحيوانات(البهايم) و نتفق معاه على الكميه ال نعوزها كل يوم... انتى دلوقتى ادخلى خدى دش و ريحى و انا هطلع اقعد مع الجيران و اقولهم على المشروع بتاعك
ضياء : نوم.... 😍 انا بس محتاجه اشوف السرير... 😴😴😴
قامت سعاد و سابت ضياء تنام و راحت ل جيرانها و بلغتهم ب المشروع و هم ماصدقو و ادوها طلبيات كتير حتى الالمان طلبو من العيش لانه صحى.. ولان الطلبيات كتير قسمتهم على ايام... و تانى يوم سعاد اتصلت على بيتر و طلبت منه يروح للمزرعه و يتفق معاهم على اللبن ال هيعوزوه و هى راحت مع ضياء ل الكوافير و هناك.. كانت المعركه....
ايه ال هايحصل بعد كده ده ال هايتعرف فى الاحداث الجايه...
🌹🌹🌹🤍🤍🤍دومتم و احبتكم فى حفظ اللهو رعايته🤍🤍🌹🌹
تعليقات
إرسال تعليق