زوجه وثلاث رجال الفصل الاول بقلم مدونة نجوم ساطعه حصريه وجديده وخاصه بموقعنا نجوم ساطعه
في أحدي قري الريف كانت توجد أسرتين تعيش حياه هادئه وبسيطه وتحدي الأسر لديها شاب متدين يعمل بجديه لتكوين حياته ويستعد لتحمل المسئولية والزواج وكان يساعد أهله دائما
الاب صباح الخير يا محمد يابني قوم عشان تصلي وتروح علي شغلك
محمد صباح الخير ياحج انا صاحي من بدري كالعاده
الاب ربنا يوفقك ويسعدك ويفتحلك باب الرزق يابني
ذهب محمد الي شغله وكان كل زملائه يحبونه
وعلي الجانب الآخر توجد اسره بسيطه الحال الاب
يسعي علي رزق أولاده بالحلال ولديه ابنته عاليه أتمت
دراستها المتوسطه وتنتظر من يتقدم لخطبيتها مثلها كمثل باقي البنات
وأثناء عودة محمد من عمله شاف عاليه في الطريق وأعجب بها وكانت عاليه جميله فعلا وذهب الي منزله وقال لوالده
عاوز اتجوز بقي ياحج
وماله يابني انت راجل بتتحمل المسئوليه وتقدر تفتح بيت
انا اللي بقولك من زمان وانت اللي بتقول ايه بدري لما الاقي بنت الحلال اللي تناسبني
لقيتها خلاص ياحج
هيا مين وبنت مين
ضحك محمد وسكت وقال لوالده تصدق معرفشي هيا مين ولابنت مين
انت جاي من الشغل تفوق عليا يابني ايه الحكايه
قاله والله ابدا ياحج انا شفتها وانا جاي في الشارع اللي جمبنا ده كل الموضوع
ابوه طيب بص تعالي وريهالي وامشي انت انا عارفك بتتكسف
راح محمد مع والده وفعلا لقتها لسه في نفس المكان اللي شافها فيه وكان منزلهم وهي واقفه قدام بيتهم
والد محمد عرف المكان وقاله روح انت علي البيت
وراح والد محمد عليها سلم عليها وقالها انتي بنت مين ياحلوه
عاليه أهلا ياعم الحج علي انت متعرفنيش
عاليه كانت تعرفهم لانهم في الشارع اللي جمبهم بس محمد ووالده في حالهم مبيتعرفوش علي حد
قالها معلش يابنتي سامحيني
قالت له انا عاليه بنت الحج محمود
قالها بس خلاص انا عرفت والدك ونعم الناس الطيبين
والدك فين باتري عاوز اشوفه
قالت له اتفضل ياعم الحج تنورنا والدي قاعد جوا البيت
السلام عليكم ياحج محمود معلش جيت من غير ميعاد انا اعرفك واعرف سمعتك الطيبه بس للاسف مقعدناش قبل كده مع بعض
الحج محمود اتفضل ياحج علي انا كمان اعرفك كويس وربنا ليجعل الأسباب للناس تتعرف علي بعض
يارب يكون خير اتفضل
الحج علي
اسمع ياحج محمود عندي ابني محمد راجل قد الدنيا خلص علامه وبيشتغل وبيتحمل المسئوليه وانا كبرت وعاوز افرح بيه
شوفنا بنتك عاليه وعجبتنا بس هي مخطوبه والا حاجه
قاله والله ياحج علي لسه النصيب مجاش
قاله الحمدلله يبقي هي من نصيب ابني أن شاءالله وبعد موافقتكم
اسالوا عنا وشوفوا طلباتكم واحنا تحت أمركم
الحج محمود اولا انت شرفتنا ياحج علي واحنا نوديها خدامه ليكم انت تاخد واجبك وانا هشا ر أهل بيتي وباذن الله يكون خير
الحج علي تمام ياحج محمود واحنا في انتظار ردك
السلام عليكم
وغادر الحج علي الي منزله ليخبر ابنه بما حدث
محمد حمدالله على السلامه يا حج كنت فين
اسكت عرفتلك ابوها واهلها ودخلت عندهم وطلبتهالك كمان
بتتكلم حد ياحج ربنا يخليك لينا
احنا بتلعب يابني هي بنت عمك محمود اللي في الشارع اللي ورانا وده بيتهم اللي كانت واقفه قدامه وهي اسمها عاليه
افرح بقي هما هيلاقوا احسن منك
محمد قول يانصيب يابابا وربنا يقدم اللي فيه الخير
عند الحج محمود
ياأم عاليه ياعاليه يابنتي تعالوا عاوزكم
زوجته
نعم ياحج خير تعالي ياعاليه نشوف ابوكي عاوز ايه
نعم يابابا
شوفوا ياجماعه عمكم علي اللي كان هنا من شويه ليه ابن اسمه محمد وشافوكي ياعاليه وعجبتيهم وجاي يطلبك لابنه
ام عاليه
الناس دول باين عليهم طيبين ومبسوطين انا اعرفهم بس هما في حالهم واحنا في حالنا
ايه رايك ياعاليه
يابابا اصل انا كنت مبفكرشي دلوقتي في الجواز انا لسه يادوب مخلصه دراسه وعاوز اخد نفسي شويه
بتقولي ايه البنت مسيرها للجواز ودول ناس طيبين
شوفي بنتك ياحجه وقام خرج من البيت
الام فيه ايه يابنتي انتي تعرفي حد والا حاجه فيه ايه عرفيني
ابدا ياماما بس دي مفاجأه سبيني شويه افكر وارد عليكم
فكري بس متطوليش الناس مستندين رد ابوكي
حاضر ياماما
عاليه بتكلم نفسها ايه الموضوع اللي مكانش علي البال ده بقي انا هكلم احمد واقوله
ملحوظه مهمه احمد ده اللي عاليه ماشيه معاه من ورا اهلها
دي عاليه دي هتشوف ايام سوده
تابعوني للتكمله
تعليقات
إرسال تعليق