ج. 5و6... #حكايه_ورد
ودخلت روح وشافت اللى ميصدقوش عقل..
غرفه واسعه جدا وفيها شاشه عرض كبيررره
شغاله إنما مفيش صوررره
والبنت الصغيره واقفه
روح دخلت وقالت :
انتى يا بت
مش كنت بنادى عليكى
ليه سبتبنى وهربتى
ومكملتيش كلامك معايا
يا كذابه
وبعدين هى ڤيلا مين دى
البنت شاورت بإيدها على الشاشة
روح.. مالها الشاشه
البنت قربت من الشاشه وشغلتها وقالت :
تعالى نتفرج مع بعض فى فيلم كويس
هيعجبك اووووى
روح.. نعم يا ماما
فيلم هو انا جايه هنا علشان اتفرج
على فيلم
انا جايه الڤيلا المهجوره
علشان اشوف شجره الفل الدبلانه
اللى تحتها ورد
الاقيكى بتهزرى وبتقولى اتفرج على فيلم
البنت.. خلاص برحتك
هتفرج انا
والبنت قعدت على الأرض وفجأه
الشاشة اشتغلت والصوره ظهرت
روح قالت فى سرها انا همشى من هنا
وبعدين هبقى اشوف موضوع
ورد ده بعدين
وسابت البنت ولما فتحت الباب وجت تخرج
سمعت نفس صوت البنت اللى كانت
بتضحك
بصت على الشاشة وشافت
بنت جميله بتضحك ومعاها راجل
والاتنين فى غرفه مكتب
والبنت قربت منه وكانت بتكلمه بصوت واطى
والراجل كان فى ايده ورق
وكانت بتعمله حركات غريبه
ومسك القلم وكتب فى الورقه
والست شكلها فرح وابتسمت
وقربت منه وقربت شفايفها
من شفايفه وباسته
ولما روح ركزت قربت وقالت :
دى نفس غرفه المكتب اللى فى الڤيلا
بس مين دول
وفجأه ظهر طفل صغير بيعيط عنده حوالى
3 سنين جرى على الراجل وحضنه
روح مركزه وحاسه انها معاهم فى نفس الفيلم
الاب حضن الطفل وفتح الباب وخرج معاه
وهنا ظهرت معالم الڤيلا
روح بتكلم نفسها وبتقول
دى ڤيلا سناء حماتى
نفس الموبليا حتى التحف والانتيكات
مش متغيره
بس مين البنت دى ومين الراجل والطفل ده
وفجأه البنت خدت الولد من ايد الراجل
وظهرت ست تانيه بس كانت جميله اوى
أجمل من الست التانيه بكتييير
وابتدت تكلم الراجل
روح واقفه مكانها وناسيه نفسها
والفيلم خدها وقالت : بس مفيش صوت
وبصت للبنت وقالت : ممكن تعلى الصوت
بس البنت الصغيره كانت مشيت
روح قالت : مشيت بردوا زى كل مره
انا هعلى الصوت بنفسى
وقربت من الشاشه وحاولت بس معرفتش
كل اللى شيفاه قدامها فيلم صامت
والأحداث لناس متعرفهاش
شافت كرسى فى الغرفه
شدته وقعدت قدام الشاشه
وركزت فى الفيلم
شافت الست الجميله بتتكلم مع الراجل
ومن الواضح انها بتتخانق معاااه
وخدت الولد من ايده
بس الراجل شدها من ايدها
وخد الولد منها
وضربها بالقلم
روح.. يااه نفسى اعرف بيقولوا ايه
ليه ضربها بس
دى معملتش حاجه غير انها خدت الولد
ومن الظاهر كده انه ابنها
لانه حضنها جامد
روح بتكمل كلامها مع نفسها وبتقول
لما اكمل الفيلم
وفجأه الست اللى فى المكتب
خرجت وقربت منهم
ومسكت الست الجميله وخدتها وطلعت
بس الراجل قعد مكانه وطلع سيجاره
وكان شكله بيفكر
ومضايق
والفيلم فصل..
روح.. ليه بس كده كان نفسى اعرف مين الستات
دول
والراجل ضرب مراته بالقلم ليه
ومين الست اللى كانت فى المكتب
والفيلم اشتغل تانى
روح قالت بلهفه : ده الفيلم اشتغل
بس المنظر اتغير
فى غرفه نوم
الراجل مع الست اللى فى المكتب
روح قالت : الله بقى هتلغبطونا ليه
مين فيهم مراته
ما انا مش فاهمه علشان مش سامعه
وفجأه شافت الست فى حضنه
والاتنين على سرير
والباب اتفتح عليهم
وكانت الست ومعاها الولد الصغير
ودخلت عليهم
ونزلت الولد من ايدها
وقربت من الست اللى على السرير
واتخانقوا مع بعض
روح.. دى باين كده انها مشكله كبيره
بس انا كده فهمت مراته قفشته مع الست
اللى فى المكتب
بس يا ترى هى مين وقاعده معاااهم ليه؟
روح.. يا مصيبتى
دى بتخنقها
والراجل واقف وبيضحك
والولد الصغير بيعيط يا عينى
ايه ده دى شكلها ماتت
روح بتتفرج وفى حاله ذهوووول
لما شافت ان الست خنقتها
والولد بيعيط
وكأنهم متفقين على موتها
وفجأه الراجل اخد الولد
ومشى بيه
ورجع لوحده وشال الست الميته اللى هى
تقريبا مراته
ونزل بيها
والست التانيه معاااه
وفتحوا باب الڤيلا وخرجوا من البوابه
روح.. هما رايحين بيها على فين
يا ترى!؟
وقامت وقفت
وقالت : دول رايحين على الڤيلا
المهجوره
هنا ايوه هى
ودخلوا الڤيلا مع بعض
والست ميته على ايده
وفضلوا ماشين الطريق كله
روح.. نفس الطريق اللى مشيته
علشان اوصل لشجره الفل الدبلانه
والست شاورت على تحت الشجره
والراجل مسك فأس مركون جمبه
وكأنه عامل حسابه وابتدى يحفر
والست ميته ومرميه على الأرض
اما الست التانيه قربت منها وهو بيحفر
وقلعتها سلسه وخاتم من ايدها
وبعد ما خلص حفر
زقها برجله ووقعت فى الحفره
وابتدى يردمها بالتراب
ودفنها
روح.. يا ولاد الكلب 😭😭😭😭
مش معقول اللى شوفته ده
وفجأه الست قربت من الشاشه
روح.. ايه ده هى بتعمل ايه!
بس شافتها قربت السلسه والخاتم
وشاورت عليهم
روح.. دى كأنها بتقولى شوفى
شكلهم
روح قامت من على الكرسى
وركزت فى شكلهم
وقالت : طيب وانا هعرفهم منين
والشاشه اطفت
روح يا خساره
وقعدت تكلم نفسها وتقول :
انا كل اللى فهمته ان في جريمه قتل
حصلت والسبب خيانه تقريبا
ودول ناس بتمثل الجريمه
علشان اشوفها
بس انا مالى واشمعنا انا
وبعدين البنت الصغيره قالت
ان ورد تحت الشجره
يعنى ورد دى اللى قتلوها
ولا اللى اتقتلت دى حد تانى
وبعدين فين الطفل
وبردوا الست قاعده معاهم فى الڤيلا ليه
معنى كده ان الاتنين قرايب مثلا
فى حاجات كتير انا مش قادره
افهمها
الست اللى فى الصورة الحزينه
دى تبقى مين؟
وجريمه القتل حصلت فى ڤيلا سناء ليه
وتخصهم فى ايه
وفين الطفل الصغير
وفييين ورد؟؟؟
اسئله كتير وعاوزه حد يجاوبنى عليها
اعمل ايه بس فى الحيره دى
مش كفايه وسيم لما يرجع
من شقه الزمالك
ده انا هشوف منه الويل علشان مروحتش
ولا الشغاله الملعونه قتاله القتله
ولا ياسر اللى بيتعاطى مخدرات
وهو مش عارف ومن مين
من ايد حبيبته ورد اللى بيحبها
وكمان كانت عاوزه تقتله
ايه كل ده بجد حرررام
السر كله تحت الشجره
لازم حد يحفر واشوف مين الست المدفونه
تحت الشجرة
ورد ولا مين بالظبط؟
ولو طلعت مش ورد
يا ترى الست دى مين
ولما قتلوها ورموها كده
فين الست التانية وفين جوزها
اللى دفنها وفييين ابنها؟
وقامت روح من مكانها وافتكرت
جلال المحامى وقالت :
هو ده اللى ممكن اتكلم معاااه
انا حسيت من كلامه ان ضحيه ورد
هى وقعته فى شباكها علشان
حاجه عاوزه تعملها
ما هو محامى العيله يعنى عارف
كل اسرارهم
واكيد ست ورد كانت عاوزه تستغله
ده الوحيد رغم غلطته معاها
بس حسيت انه نضيف وعارف ربنا
والشيطان زينله عمله مش اكتر
لما قال كلمه هزت كيانى
مش كفايه يا ورد وانتى فى حضنى
وبرواز سورة ياسين وقع علينا
ده إنذار 🔥 من ربنا
بيقولنا كفايه ✋
الكلمه دى لما سمعتها حسيت
ان لسه نضيف من جواه
واحنا مش ملايكه
وكلنا بنغلط
انا لازم اتكلم معاااه
هعرف طريقه فييين واروح لحد عنده
بس لازم ارجع الڤيلا دلوقتى
قبل ما حد يكتشف انى بره الڤيلا
وكل اللى انا عارفاه انا مستحيل
اكووون ورد
انا روح بنت عبد الستار
مش ورد!
روح نزلت من الڤيلا
وهى نازله النور قطع
مشيت وكانت خايفه
وفجأه البنت الصغيرة ظهرت فى الضلمه وقالت
شوفتى الفيلم
روح اتخضت..
النور رجع!
روح.. ايه ده هو انتى خضتينى يا بنتى
البنت.. الفيلم عجبك صح
روح.. بالذمه ده فيلم
دى مصيبه وحلت على دماغى ودماغ اللى جابونى
البنت.. ليه يا طنط هو الفيلم وحش
روح.. انا طنط تشكرى يا ستى
بس حلوة كلمه طنط منك
يا عثثثل انتى يا صغنن يا جميل
البنت.. ايه اللى مش عجبك فى الفيلم
روح.. مش عجبنى اييييه
ده فى جريمه قتل
انا عارفه انك لسه طفله صغيره
بس انتى اللى خلتينى اجى هنا
الڤيلا المهببه دى
البنت.. مش يمكن يكون خيير ليكى
روح.. خييير فييييين
ده لو حد عرف ان الشجرة فى ست مدفونه
تحتها تبقى مصيبه وحلت على دماغى
ده ده ده ممكن انا اروح فى داهيه
البنت.. متخافيش
انتى فى امان
روح.. بس تعالى هنا
مش انتى قولتى ان اللى مدفونه تحت الشجرة
تبقى ورد
البنت.. مممممممممممم
النور قطع؟
روح.. تااانى ايه الحكايه دى
انا عاوزة اخرج من هنا؟
النور رجع خلال دقيقه
وروح بتكلم البنت بس مش بترد
ولما بصت ملقتهاش وكانت مشيت
روح.. مشيت من غير ما تجاوب على سؤالى
بردوا ماشى يا بت بس لما اشوفك تانى
= وبعد ما البنت مشيت روح خرجت
من الڤيلا وفضلت ماشيه فى الجنينه
ووصلت لحد شجره الفل
الدبلانه وقالت
كل السر هنا ومفيش حل غير
انى اتكلم مع جلال المحامى
هو اللى هيساعدنى
واعرف مين الست المدفونه
تحت الشجره
ورد ولا مين
ومشيت روح وراحت لحد الڤيلا
وكان حمزه الجنينى قاعد وماسك
فى ايده كوبايه شاى
روح قربت منه وبكل عفويه وقالت :
شاى يااه نفسى فيه اوى
هات حبه
حمزة الجنينى.. هههههههه حبه شاى
انا هقوم اعملك احلى كوبايه شاى
ليكى يا ورد هانم
روح قربت منه وقالت :
عم حمزه انا عاوزه اطلب منك طلب
حمزة.. اؤمرينى يا هانم
روح.. تعرف جلال المحامى
.. ايوه يا بنتى اعرفه
انتى ناسيه انه تربيه ايدى
ولولا ابوه منعه منى كان زمانه بيقولى يا بابا
روح.. انت اللى ربيته
حمزه.. ما انتى عارفه كل حاجه يا ست هانم
لما كنت بشتغل عندهم
من سنين وسنين
بس كانت أجمل سنين لحد ما ظهرت اللى
ما تتسمى؟؟؟
روح.. مين يا عم حمززه
حمزه.. يا ست ورد انا مش عاوز مشاكل
ارجوكى
قومى دلوقتى من جمبى
ياسر بيه جاى علينا
روح بصت وراها
ياسر.. فينك يا ورد
انتى كل ده كنتى فين
وحشتينى يا حبيبتى
روح.. وانت كمان يا حبيبى
وحشتنى موووت
اوعاااا تكون اتعشيت من غيرى
ياسر قرب منها وخدها فى حضنه
وقال : انا مستنيكى يا حبيبتى
وخدها وطلع بيها على اوضته
روح ماشيه معاااه وعينها على حمزه
وحمزه عينه عليها
وقالت لنفسها : الراجل ده
شكله عارف حاجه اكيييد
ووراه سر كبير
انا لازم اعرفه
حمزه فى عينه الدموع وقام من مكانه
ودخل اوضته وماسك صورة طفل
وقعد يبكى عليها
فى اوضه ياسر..
روح دخلت الأوضه وياسر
واخدها فى حضنه وهى مش طيقاه
روح.. حبيبى اعملك عشا
ياسر.. لا انا عاوزك انتى
يا ورد
وقرب منها وشفايفه على رقبتها
وأيده حوالين وسطها وبيضمها لى
بكل حنيه
روح مستغربه وفى نفس الوقت
متلغبطه ومش عارفه تتصرف
ياسر بيضمها فى حضنه
وشفايفه قربت من شفايفها
روح بتحاول تبعده
استنى بس يا حبيبى
ياسر ايده حوالين وسطها
وبيضمها لحضنه
ورماها على السرير
روح.. ايه ده
ياسر.. مش انتى بتحبى كده ♥️
روح قالت فى سرها : ده شكله فايق
بقى وانا مش عارفه هتصرف معااه ازاى؟
ورمى نفسه فى حضنها وابتدى يبوسها
روح.. لا لا لا
انا مش عارفه اتنفس
ياسر.. ياه يا ورد
كل لما قرب منك تقولى مش عارفه اتنفس
روح.. انا بجد مش عارفه اتنفس
ياسر.. خلاص تعالى فى حضنى وبس
وخدها فى حضنها
روح.. يا نهار اسود ومنيل
على الليله السوده دى بقى
ياسر قام من مكانه وفتح الدولاب
وطلع منه بيبى دول وقالها
فاكرة مش ده كان طلبك ونفس اللون
اللى بتحبيه احمر
روح قالت فى سرها.. هو كل واحد فيهم
يقولى بتحبى اللون الأحمر
ويجبلى مصيبه علشان البسها
الله يخربيتك يا ورد على يخرب بيت سنينك
ياسر قرب منها وابتدى يفك زرار البلوزة
روح.. انت بتعمل ايه
يا جدع انت
ياسر.. جدع انت انا جوزك
وانتى حلالى
فى ايه يا ورد
انا عاوز البسك البيبى دول
مش انتى اللى طلبتيه
روح.. اه يا حبيبى بس مش وقته خالص
ياسر.. ليه يا حبيبتى
انا بحاول اسعدك بكل الطرق
من ساعه القهوه ما وقعت
وانا مشربتش قهوه تانى
وبحاول افوق علشانك يا نور عينى
روح.. طيب بلاش النهارده
ياسر.. ليه يا ورد
روح.. يخربيت ورد وسنين ورد
ياسر حط ايده على شفايفها وقال
مش كذا مره قولتلك بلاش تشتمى نفسك
روح.. اه معلش يا حبيبى
انا انا بنسى اه اه بنسى
الباب بيخبط وكانت الشغاله
ياسر.. مين
الشغاله.. انا يا ياسر بيه العشا جاهز تحت
ياسر.. ماشى
روح.. دقيقه ووننزل
ياسر.. نعم بقولك انا عاوزك
ومصدقت انك حلوه وهاديه
وحاسس انك رجعتى تحبينى
روح.. نتعشا ونطلع
واوعدك هنقضى مع بعض احلى ليله
ياسر.. خلاص يلا ننزل
وفعلا روح نزلت ومعاها ياسر
وكانت الام قاعده على السفره وقالت :
هو ازاى محدش يقولى ان جلال جه النهارده
روح.. اه يا ماما
بس ياسر عارف
الام.. هو ياسر بقى عارف حاجه
ياسر.. يا ماما بقى
الام.. اتفضلوا اقعدوا اتعشوا
ياسر.. اومال فين المحروس جوزك
الام.. اتكلم ب ادب
ده فى مقام بابا الله يرحمه
ياسر.. يا ماما ده من سنى
بابا ايه وبتاع ايه
روح.. خلاص يا جماعه
ومسكت بطنها وقالت
اه بطنى شكلى كده جالى مغص
ياسر.. الف سلامه عليكى يا حبيبتى
اطلع اجبلك برشام مغص
روح.. المغص عندى من بدرى
وكل شوية يروح ويرجع
ودورت الصبح لقيت البرشام خلص
بس المغص رجع تانى
انا هروح الصيدلية اخد حقنه
الام قالت فى سرها
يلا داهيه لا ترجعك
ياسر.. طيب يلا يا قلبي انا هاجى معاكى
روح.. لا لا يا حبيبى انت لسه هتغير
هدومك وانا مش مستحمله
هروح بسرعه
اخد الحقنه وارجع
ياسر شاور بإيده وقال: الزرار مفتوح يا ورد
روح.. اه مخدتش بالى
وقفلت الزرار وخرجت وبتمثل انها تعبانه
وجريت على اوضه حمزة
الجنينى وفتحت الباب عليه
حمزة اتخض وماسك صورة الطفل فى ايده
روح قربت منه وقالت هو مين ده
حمزة ارتبك وقال
ده ولد غلبان
روح مهتمتش وقالت بلهفه
انا عاوزه عنوان جلال المحامى
حمزه.. نعم
روح.. مالك تنحت كده ليه
هو انا قولت حاجه غلط
حمزة.. يا ورد هانم جلال
ما انتى عارفه ان جلال
ساكن فى اول عمارة
فى الشارع هنا
روح.. ماشى
وخرجت تبص وشافت الشارع فاضى
ومشيت بخطوات سريعه
وعدت على الڤيلا المهجوره
وكملت طريقها لحد اول الشارع
ووصلت العماره وسألت البواب
على جلال المحامى
وعرفت مكتبه
ولما طلعت كان قافل
وافتكر كلامه معاها
عن ورد وطلعت شقته
ورنت الجرس ولما فتح
زقته بقوة وقفلت الباب..
جلال.. نعم عاوزه منى ايه تانى
روح قربت منه وقالت :
اسمع بقى لما اقولك انت عارف انى انا مش
ورد
صح
جلال.. نعم انتى ورد؟!
روح.. بقولك انا مش ورد
جلال.. انا اعرفك كويس يا ورد
وانتى عارفه كده
روح انهارت وقالت :
ابوس ايدك انت البنى آدم النضيف
اللى شوفته لحد دلوقتى
وانا بقولك والله انا مش ورد
وبطلب منك المساعده
انت اللى هتحل معايا كل الالغاز اللى عرفتها
فى مصايب بتحصل وغير جريمه القتل
اللى حصلت
وفى ست مدفونه تحت الشجرة
فى الڤيلا المهجوره اللى جنب ڤيلا سناء
حماتى
ياريت تساعدنى
لو مش عاوز تساعدنى انا
ساعد ياسر
دول بيقتلوه بالمخدرات
وكمان وسيم هيقتل سناء
جلال.. ايه الجنان ده
مالك يا ورد
روح انا مش ورد
جلال مسك جسمها وقرب منها وقال :
طيب انا هعرف انتى ورد ولا لأ
روح.. ازاى
جلال.. انا عارف ورد كويس
ورد كانت بتنام فى حضنى
روح.. انا مش ورد
جلال ماسك جسمها
وقالها.. لفى انا عاوز ضهرك
روح.. نعم
جلال.. بقولك انا عاوز ضهرك
روح لفت وواقفه بضهرها
قرب منها ورفع شعرها ونزل حته من البلوزه
روح.. بتعمل ايه
جلال.. استنى بس
ولما نزل حته من البلوزه قرب منها
وشاف الجزء اللى باين من جسمها وقال...
ليست هناك تعليقات:
إرسال تعليق