رواية تزوجت العمده الفصل الاول والتاني والتالت والرابع والخامس بقلم ساره خالد حصريه وجديده علي مدونة نجوم ساطعه
رواية تزوجت العمده البارت الاول والتاني والتالت والرابع والخامس بقلم ساره خالد حصريه وجديده علي مدونة نجوم ساطعه
رواية تزوجت العمده الجزء الاول والتاني والتالت والرابع والخامس بقلم ساره خالد حصريه وجديده علي مدونة نجوم ساطعه
 |
فارس مهران عمره 25 سنة عصبي يحب الرياضة
*نوح إبن عم فارس ويعتبره اخ له عمره 24 سنه
*غزل محمد عمرها22 سنة تخاف من الصوت العالي
*شمس عمرها 21سنه تحب غزل كثيرا
*محمد والد غزل وشمس كان لديه شركة صغيرة ف القاهرة لكنه افلس لذلك نزل الصعيد عمره45
*مهران والد فارس كبير البلد كلمته سيف عمره 57
*عفاف زوجه مهران طيبة القلب عمرها53
بارت 1
=انتي يابت النهاردة تكلمي خطيبك الصايع دا وتقوليله إن خلاص مفيش نصيب
-ليه كده ي بابا
=من غير ليه انا قولت كلمة يبقا تسمعيها
-هو عمل ايه يعني علشان اسيبو
= عيل صايع وقاعد من غير شغل
-هو بيدور والله وقال إنه هيشتغل شوفير عند حد من البلد هنا والمرتب حلو
=معدش يهمني الكلام دا العمدة طلب ايدك وعايز يتجوزك
- عمدة ايه مستحيل دا من سنك يا بابا
=قصدي علي ابن العمدة
-مستحيل انا بحب محمود وهو كمان بيحبني
=حب ايه مفيش حب ف الزمن دا وبعدين انا اديت كلمة للعمدة الكبير وهتتجوزي ابنه علي اخر الاسبوع الجاي
-ازااي الكلام دا انا مش موافقة
=يعني هتكسفيني قدام العمدة والناس ي غزل دانا دانا اكسر رقبتك لو هتوطي راسي احنا هنا ف الصعيد مش القاهره سامعة
غزل....بابا حرام عليك ازاي اسيب محمود وهو معملش حاجة خالص
=يوه بكره الصبح هروحله واقول مفيش نصيب
غزل بعصبية.... لا مش هسيبه ومش هتجوز ابن العمدة يأما والله امشي ومحدش يعرفلي طريق
اقترب منها محمد وقال...هتهربي وتخلي سمعتي بين الناس زفت علشان واحد زي دا دانا اقتلك
غزل بخوف ودموع....انا بحبه وهو لقي شغل كويس وهيشتغل ويكون نفسه ونتجوز
محمد ...انا كلامي خلص علي اوضتك يلا
تركته غزل واتجهت الي اوضتها
غزل بدموع....عايز يخليني اسيب محمود
شمس .... اي الي حصل
غزل حكت لها ما دار بينها وبين والدها
شمس..... طيب وهتعملي ايه
غزل.... معرفش معرفش
*ف فيلا العمدة*
-جهز نفسك ي ولدي لقيتلك عروسة زين
...عروسة ايه دي
-هتتجوزها كيف البدر المنور هتعجبك
*مين الي هيتجوز ي حج مهران
مهران....ابنك لقيتله عروسة حلوه
*بجد وانت موافق ي فارس
فارس...لا وانا قولت ليك يابوي إني مش عايز اتجوز دلوقت
مهران ...مش عايز ليه دلوقت
فارس...ف شوية مشاكل معايا ف الشغل
مهران......متخافش مش هيحصل حاجه واصل
فارس....تمم بس برضو انا مش عاوزها انا الي اختار بنفسي الي هتجوزها وتشيل اسمي
مهران ...يابني دي مش بتطلع من البيت واصل ومؤدبة كانت عايشة ف القاهرة وجات من سنة اكده
فارس بعصبية.... انا قولت انا الي هختار
مهران بعصبية....بتعلي صوتك عليا نسيت نفسك ولا ايه وبعدين خلص الكلام انا عطيت كلمة ل ابوها واتفقنا على السبوع الجاي يكون الفرح اي هتكسر كلمتي قدام الناس ولا ايه
فارس....كل دا وفاكر النهاردة تقولي
مهران ...لسه فاتح مع ابوها الموضوع وهو وافق قال إنها كانت مخطوبة بس محصلش نصيب
فارس....اسمها إيه
-غزل محمد راغب علي
فارس.... تمام ي حج انا طالع
*عملت كده ليه يحج كنت سيبه يختار هو
مهران ...الي حصل ي عفاف عايز اشوف عياله قبل ما ربنا ياخدني كل ما اكلمه ف الجواز يقول حاضر ويطنش انا شوفت البت حلوة ومؤدبة قولت تبقي من نصيب فارس ولدي بس خايف ليطربق الفرح
عفاف....بعد الشر عليك يحج ربنا يبارك ف عمرك ومتخفش يحج خير ان شاء الله فارس مش هيعمل حاجة
*عند فارس *
فارس....الو ي نوح ف بت هنا ف البلد عايز اخبارها تجبهالي لحد عندي
نوح...ليه مالها عملتلك حاجة
فارس ... هقولك بعدين اعرفلي مكان بيتها بس
نوح...حاضر يابن عمي قولي اسمها
فارس....غزل محمد راغب علي
نوح .....تمام سلام ثم اغلق الهاتف
فارس.... لما نشوف مين غزل الي أيامها الجاية هتكون سودة
بارت 2
ف صباح اليوم التالي
نوح اخبر فارس مكان بيت غزل وف طريقه إليه
أمام شقة غزل
غزل....ي محمود افهمني
محمود...أفهم اي من غير سبب هتسبيني كل دا علشان ابوكي طلب كده غزل انا مش هسيبك
غزل بدموع...وطي صوتك والله انا بحبك بس هو اتفق مع الناس وانا مش عارفة اعمل ايه
محمود....تعالي نهرب ي غزل
فارس....تهربو علي فين مش محتاجه يعني
محمود.... أنت مين
فارس وهو ينظر إلي غزل.... إبن العمدة ثم نظر إلي محمود وقال وانت مين
محمود....خطيبها وحبيبها وانا الي هكون جوزها مش انت
فارس.....اممم طيب
أزاح فارس غزل لداخل الشقة ثم اغلق الباب في وجه محمود
محمود بعصبيه...... افتح الباب انت ازاي تعمل كده مفكر نفسك مين
شمس بعصبية....اي الي بتعمله دا اطلع بره
محمود...بقولك افتح انا مش هسيبهالك تاخدها مني
فارس بعصبية.....مين دا
غزل بخوف .....خطيبي وبعدين انت مالك اصلا
فارس ..... إنتي مش فشكلتي
غزل وهي تنظر له بغيظ.....لسه اهو هسيبه بسببك
فارس.....بسببي انا مش ميت عليكي وبعدين انا لسه عارف امبارح اني ادبست فيكي
غزل.....ولا انا عايزاك انا بحبه هو وعرفت امبارح زيك إني ادبست فيك ومفروض اتجوزك
فارس....تمام الحال من بعضه يبقي تقولي ل ابوكي أنك رافضة تتجوزني وتقنعيه انك مش عايزاني اما مش هتتخيلي هعمل فيكي ايه لو الجواز دا تم
غزل بخوف..... حاضر
شمس.....ياريت تتفضل
فارس....ماشي انا جيت اقولك كده علشان لو وافقتي تكوني عارفة ان أيامك هتكون سودة معايا ثم رحل
غزل بدموع..... طب أنا هرفض ازاي
شمس...نقول ل بابا أنه جه وقال أنه مش عايز الجوازة دي تتم
غزل ببكاء....تعبت أنا بحب محمود
شمس وهي تحضنها....معلش ي قلبي اهدي وهنلاقي حل متخفيش
غزل...شمس اي رأيك نروح ل ماما ف القاهرة
شمس....مش عارفه لو عملنا كده رد فعل بابا اي
**************************
وصل فارس إلي الفيلا
فارس بصوت عالي....ابوي
مهران...ف ايه
فارس.... البت الي عايز تخليني اتجوزها مش مفشكلة ولا زفت لسه مخطوبة وهتسيب خطيبها بسبب الجوزاة دي وسمعتهم بيقولو هيهربو
مهران....كيف ده ابوها قالي أنها مفشكلة من بدري وبعدين لو هربت وسابت البلد اقطع رقبتها
فارس.... أنا مش هتجوزها
مهران......هتتجوزها يفارس نص البلد عرفت من ابوها كل مايشوف حد قدامه يقوله
فارس....امممم طبعا فرحان هي دي اي جوازة بس مش هتم ولو تمت هوريها العذاب ألوان ثم صعد الي غرفته
فارس ...الو
*الي سمعته دا صح أنت هتتجوز ي فارس
فارس....اسمعيني ي جنات
جنات بدموع ....اسمع ايه
فارس ....مش هتجوزها هتجوزك انتي
جنات...بجد
فارس....بعد ما تخلصي الشغل تعالي اخدك ل ابويا اعرفه أنك انتي الي هتجوزها
جنات بفرح....حاضر
#تزوجت_العمدة
بارت3
انهت جنات عملها وذهبت إلي فارس
جنات....الو ي فارس أنا وصلت
فارس.....تمام نازلك
نزل اخذها من امام الفيلا وذهب بها إلي والده
مهران ....مين دي ي ولدي
فارس.....مرات إبنك
مهران.....اي الكلام الفارغ دا عاد
فارس.... أنت مش عايزني اتجوز اهو هتجوز
مهران..... طب وبنت محمد راغب
فارس....معرفش يابوي أنا مش عاوزها
مهران.....الناس عرفت وخلاص بت محمد دي ليك
فارس....بس انا اخترت دي وبحبها
مهران بصوت عالي....انا عطيتك وقت وقولتلك أختار وانت طنشت دا وقتي بقا وانا الي هختارلك
فارس...... يعني ايه
مهران..... يعني الكلام اتفض وبت محمد راغب هي مرتك ومش عاوز كلام تاني واعمل حسابك هنروح النهاردة نعمل خطوبة وبعدها بكام يوم الفرح
فارس.....ماشي يابوي استحمل الي هيجري بقا
مهران....لو عملت اي حاجة للبت مش هخليك تمسك العمودية بعدي
فارس بغيظ.....ماشي يابوي ماشي
************************
محمد....غززززل
غزل....نعم ي بابا
محمد ....قابلت محمود وقالي إن ابن العمدة جه
غزل ....اه جه
محمد.....عمل ايه
غزل.......قال أنه مش عايز الجوازة دي تتم وإني لازم ارفض
محمد.... إزاي يعني إنتي كدابة
شمس....لا مش كدابة هو فعلا جه هنا وقال كده
محمد..... أنا هقول ل ابوه يشوفله صرفه معاه
غزل..... خلاص ي بابا مش مهم
محمد ....لا مهم انا عايزك تتجوزي ابنهم علشان نضم الشغل علي بعض وشركتي ترجع زي الأول
غزل بعصبية..... وأنا مش هتجوز علشان شركتك ترجع زي ما كانت كفاية أنك اخدتنا من ماما وجبتنا هنا و وخلتني اتخطب لواحد مكنتش بحبه ولما حبيته عايزني اسيبه أنا مش هعمل كده
محمد.....اي عايزة تعيشي مع أمك الي طلقتها وراحت اتجوزت ومفكرتش فيكم حتي
غزل.... أحسن ما اروح اتجوز واحد مش بحبه وهو كمان مش عايزني
محمد.... عارفه ي غزل لو عملتي اي حركة كده ولا كده والله لاكون قاطع خبرك
غزل سابته وراحت واضتها فضلت تبكي وبعدين اتصلت ب محمود
محمود ....الو
غزل...محمود لو الجوازة دي هتم هنهرب
.....غززززل
بارت 4
#تزوجت_العمدة
محمد....غززززل
غزل اتخضت ورمت التلفون...نعم ي بابا
محمد.....بتكلمي مين
غزل....مفيش كنت بكلم صحبتي
محمد....طيب يلا العمدة كلمني وقالي إنهم جايين يخطبوكي الليلة
غزل....ازاي يعني
محمد.....زي ما سمعتي يلا اجهزي هبعتلك شمس تجهزك
بعد وقت دخلت شمس
غزل بدموع.... شمس أنا مش عايزاه ي شمس إنتي شوفتي قال ايه هيخلي أيامي سودة
شمس ....متخفيش مش هيعملك حاجة المهم متبينيش إنك ضعيفة
غزل.....يارب
شمس.....استغليها وارفضي قدامهم
غزل..... مش عارفة طب وبابا
شمس....معتقدش هيمد ايده عليكي يعنى ويلا علشان نجهز
********************************
جاء الليل
مهران....لسه ملبستش
فارس....والبس ليه .
مهران....عنروح نخطبلك بت محمد راغب
فارس.....روحو انتو
مهران .....كيف ده عاد يلا قوم البس
فارس.....يابا انا مش عاوزها
مهران....نشوف الكلام الفارغ ده بعدين يلا قوم
فارس....حاضر يابوي
عفاف....انا خلصت يا حج
مهران....اعمليلي شاي عقبال ما ولدك يلبس خلاجته (هدومه)
عفاف....حاضر ياحج
*************************
محمد.....مش عايز غلطة عايزاك تكوني كويسة وتردي حلو ع الناس سامعة
غزل.....حاضر
بعد ساعة وصلت عائلة فارس إلي شقة محمد
مهران .....احنا متفقين علي كل حاجة حوصل
محمد.....حوصل
مهران....يبقي مفيش داعي للتأجيل علي اخر السبوع ده فرحهم
محمد....الي تشوفه يحج بس كنت عايز اسأل ولدك عن حاجة
فارس.....اتفضل
محمد.....إنت جيت هنا وقولت لبنتي متوافقش علي الجوازة دي
فارس.....لع
محمد.....تمام
مهران ....فين عروستنا
محمد....جوه هجيبها واجي
محمد.....غزل يلا عايزين يشفوكي
غزل .....ما بلاش ي بابا
محمد......اخلصي يلا وحسابي معاكي بعدين علي كدبك
غزل ..... كدب اي
محمد.....اخلصي الناس بره مستنيه
غزل ..... حاضر
خرجت غزل ولم ترفع أعينها من علي الأرض
عفاف ....كيف البدر ماشاء الله زين ما اخترت ياحج
محمد.....خديه يغزل البلكونة واتكلمو واتفقو مع بعض
غزل....حاضر
قام فارس وغزل وراحو البلكونة
فارس وهو يمسك ايديها جامد .....أنا مش قولتلك ارفضي
غزل.....والله رافضة من قبل ما تقول بس بابا مش راضي ماترفض انت ع الاقل انت ولد
فارس....ابوي هحرمني من العمودية
غزل وهي تسحب ايديها من ايده وتذهب الي سور البلكونة .....وانا اعمل ايه يعني
فارس ..... معرفش ارفضي قدام ابوي انشالله تطلعي نفسك مش كويسة
غزل كانت تنظر لأسفل وغير مهتمة بكلامه نظر فارس الي ما تنظر إليه وجدها تنظر إلي محمود...بتحبيه
غزل....اه
فارس مسكها من ايديها ورجعها لورا لدرجة انها اتخبطت ف الحيطة .....وانا كمان بحب وحدة ولو اتجوزتك هفضل احبها وهقابلها ومش بعيد اتجوزها عليكي
غزل.....ابعد أيدك عني
شمس.....في ايه
فارس وهو يبعد عن غزل.....مفيش
شمس....بابا بينادي عليكم
فارس....تمام
مهران....ها اتفقتو
غزل....... لا ا اانا مش موافقة
بارت 5
غزل....انا مش موافقة
مهران.....يعني ايه ده عاد
غزل....انا
محمد وقف .....انتي ايه هاااا
غزل بشجاعة.....انا مخطوبة وبحب خطيبي ومش عايزة اتجوز ابن حضرتك وهو كمان مش عايزني
مهران.....الكلام ده كان يكووون من الأول مش بعد ما نص البلد عرفت الجوازة هتم ومش عايز اعتراض
يلا ي عفاف
محمد......لا ازاي لازم تتعشو معانا شمس جهزي السفرة
عفاف.....انا بقول نشوفله عروسة تانية
مهران....ازاي يعني
عفاف....لو اتجوزو وكل واحد مش عايز التاني الجوازة مش هتنجح يحج
مهران.....انا كلامي خلص
فارس....غززل عايز اتكلم معاكي
محمد.....خديه البلكونة
غزل....طيب
غزل...نعم أنا عملت الي عليا ورفضت الدور عليك بقي
فارس....اممم واضح أنه مفيش مفر فاهنتجوز بس مش جواز عادي
غزل بمقاطعة.....اه عارفة الكلام دا ولا تقوليلي رايح فين ولا جاي منين ولا كنت مع مين وجوزانا يكون عادي ونبان قدام الناس اننا سعداء وبنحب بعض
فارس.......اممم كويس إنك عارفة
غزل.....ههههه عارفة وانت كمان لازم تكون عارف إنك مش هتدخل فيا برضو ولا ف حياتي
فارس.....مش ميت اني اتدخل في حياتك بس نسيتي اني هطلقك بعد كام شهر او سنة
غزل....ههه لا ي روحي مش انا الي اطلق واخد لقب مطلقة من دلوقتي مش عاجبك يبقي ترفض وخلصنا
فارس....اممم نشوف
غزل ف سرها...... هه لو تمت واتجوزنا اصلا
فارس......هدخل انا
غزل....طيب
فارس....مش هتدخلي
غزل....هفضل هنا شوية
فارس....طيب ثم تذكر خطيبها اممم ادخلي زمان الأكل جهز
غزل.....مش جعانة
فارس.....قولت ادخلي
غزل وهي تنظر له بغيظ.....طيب
محمد....اتكلمتو
فارس.....امممم
شمس.....الأكل جاهز ي بابا
محمد.....اتفضلو ي جماعة
بعد وقت ليس بطويل
مهران.....نقرا الفاتحة
محمد....طبعا طبعا.......
مهران....... بكره عنروح نجيبو الدهب
محمد......الي تشوفه يحج
مهران هو ينظر الي فارس وغزل .... مش عايز غلطة ف الفرح إلي هيغلط فيكم هحاسبة حساب عسير
غزل وفارس....تمم
مهران.....يلا هنمشي احنا وبكره هيجي فارس ياخد بتك واختها يروحو يجيبو الدهب ويلبسوهم وبعدها بيومين الفرح
غزل.....ليه السرعة دي
مهران......ههه عايز حفيد عايز اشوف ابن ولدي قبل ما اموت
غزل نظرت إلي فارس بصدمة
فارس.....بعيد الشر عليك يابوي ربنا يطول ف عمرك يلا نمشي بقي
مهران .....يلا بالسلامة
محمد.....سلام
غزل ذهبت الي غرفتها وخلفها شمس
غزل...... سمعتي مجوزني ابنه علشان اخلف واجبله حفيد
شمس .....انا مش عارفة ايه دا
غزل.....هو مش هيلمسني ومش هخليه يلمسني
شمس.... أهدي طيب
غزل....مش ههدي والله لهرب ويوروني بقي هيعملو ايه
تابعوني
تعليقات
إرسال تعليق