رواية تزوجت العمده الفصل السادس عشر والسابع عشر والثامن عشر والتاسع عشر والعشرون بقلم ساره خالد حصريه وجديده علي مدونة نجوم ساطعه
رواية تزوجت العمده البارت السادس عشر والسابع عشر والثامن عشر والتاسع عشر والعشرون بقلم ساره خالد حصريه وجديده علي مدونة نجوم ساطعه
رواية تزوجت العمده الجزء السادس عشر والسابع عشر والثامن عشر والتاسع عشر والعشرون بقلم ساره خالد حصريه وجديده علي مدونة نجوم ساطعه
 |
بارت 16
عنيات......الحق ي بيه الست غزل وقعت
فارس.....وقعت إزاي ثم جري ووصل لها رأها تنزف والدماء انتشرت تحتها
فارس بقلق.....غزل ف ايه حصلك ايه ردي عليا ثم نظر لأعلي وجد جنات تنظر له بخوف
فارس.....جنات إيه الي حصل واقفة ليه عندك مش تساعديها
جنات بخوف...معملتش حاجة معملتش حاجة
حمل فارس غزل وذهب بها إلي المشفي
فارس....دكتور بسرعة
الدكتور.....مالها
فارس.....وقعت من علي السلم
الدكتور....حضرو غرفة العمليات بسرعة
فارس....يارب استر
في فيلا العمدة
عنيات ذهبت إلي المكتب وطرقت الباب
مهران....أدخل
عنيات....الحق ي بيه الهانم الصغيرة وقعت من علي السلم وفارس بيه خدها المستشفي
مهران بخضه...وقعت كيف
عنيات....مدراش (معرفش ) ي بيه
امسك مهران الهاتف وقام بالاتصال ب فارس
مهران....إنت فين وغزل كيفها
فارس...لسه محدش طلع
مهران...ف انهي مستشفي اوعاك تكون وديتها مستشفي خرابة
فارس...لا ف مستشفي ******
مهران....طيب هجيلكم ثم اغلق عنيات اطلعي نادي عفاف وقوليلها تلبس بسرعة
عنيات....حاضر ي بيه ثم صعدت ست هانم
عفاف....مالك ي عنيات فيكي ايه
عنيات....الست غزل وقعت ونزفت كتير ي هانم
عفاف....بتقولي ايه
عنيات....دا الي حوصل
عفاف....طيب ناوليني (هاتيلي )العباية
عنيات....حاضر ربنا يجيب العواقب سليمة
لبست عفاف ونزلت للعمدة واخذو محمود وذهبو الي المشفي
بعد ساعة ونصف خرج الدكتور
الدكتور....الحمد لله خيطنا الجرح وهنحطها تحت المراقبة
فارس....يعني هي كويسة
الدكتور....كويسة بس قولي وقعت علي ايه
فارس....وقعت علي سيراميك
الدكتور....ربنا يستر ومتحصلش حاجة
فارس.....طب هو ممكن تحصل ايه
الدكتور....الخبطة شكلها قوية يعني ممكن تفقد الذاكرة وممكن تقوم عادي
فارس....يارب
بعد ربع ساعة وصل مهران وعفاف المشفي
مهران....ها حوصل ايه الدكتور طلع
نظر فارس لهم وجد محمود اتي معهم
فارس في سره ....(طبعا قلقان علي حبيبت القلب)
مهران..... ما ترد ي ولدي
فارس وهو ينظر إلي محمود....إيه إلي جاب دا هنا
مهران....وأنت مالك وماله انطق غزل كويسة ولا لع
فارس....كويسة الدكتور قال انه خيط الجرح وهنستني لما تفوق علشان يشوفها
عفاف...خير اي الي حوصل ي ولدي ازاي وقعت
فارس....مش عارف انا كنت مع الموظفين ف الجنينة
مهران....خلاص نشوف من الكاميرات لما نعاود(نرجع)
فارس ف سره.....(يارب متكنش جنات هي السبب) ثم مرت ممرضة وكادت أن تدخل غرفة غزل
فارس...ف إيه
الممرضة...مفيش هطمن علي المريضة
فارس...ينفع ندخل
الممرضة ....هشوفها واطمن عليها وادخلكم
فارس....تمام
بعد دقيقتين خرجت الممرضة وسمحت لهم بالدخول
دخل مهران وعفاف وفارس وكاد أن يدخل محمود ولكن وضع فارس يده علي صدره
فارس.....إنت رايح فين إنت متخلف
محمود.....هطمن عليها
فارس....تطمن عليها بتاع ايه امشي من وشي احسلك
محمود....لو حصلها حاجة او عرفت إن انت الي عملت كده مش هحلك
فارس.....خوفت انا كده يلا غور ثم دخل واغلق الباب
ثم نظر لغزل وجدها قد فاقت ورأسها متربطة بشاش ووجها شاحب
غزل.....اااه انا فين
فارس....ف المستشفي
غزل بدموع.....انا عايزة امشي
فارس....الدكتور هيجي يشوفك ونمشي
غزل....لا عايزة امشي دلوقتي انا كويسة
مهران....اهدي ي بتي
غزل....معلش بالله عليك عايزة امشي عايزة اروح عند بابا
مهران....اي الكلام الفارغ ده عاد
غزل....وحياة أغلي حاجة عندك انا مش عايزة اروح معاكم انا عايزة بابا واختي
اقترب منها مهران وقال بحنان.....مينفعش ي بتي دا لسه تاني يوم ليكي الناس تقول ايه
غزل....ميهمنيش كلام الناس
مهران....لا كيف ي بتي وكده تسبيني انا وعفاف دانا قولت انتي بتي الي مخلفتهاش يلا قوليلي وقعتي كيف وحصل ايه
غزل....بسبب حبيبه أبنك
فارس....كدابة
غزل نظرت الي مهران وقالت بدموع.....انا مش بكدب والله العظيم
مهران نظر الي فارس وقال.....متنساش إن في كاميرات
فارس.....مش ناسي يابوي بس مش هي هتعمل كده ليه يعني
مهران....مرتك بتتبلي عليها يعني
فارس....معرفش بس مش هي الي عملت كده
مهران.....ولو طلعت هي
فارس....لا مش هي
مهران.....فارس احنا ف مستشفي متخلنيش اعلي صوتي بتدافع عن وحدة زي دي علي مرتك انت غبي
فارس....يابوي
مهران....خلاص اخرس
فارس وهو ينظر لها بغل.....تمام
غزل....أنا مش بكدب
عفاف....خلاص ي بتي ارتاحي دلوقت المهم صحتك
غزل...عايزة اختي
مهران....حاضر بكره هتكون عندك
فارس....اي الدلع ده
مهران....قولت اخرس روح نادي الدكتور
فارس....طيب ثم خرج وقابل ف وجه محمود
فارس...اطمن ياخويا ممتتش
محمود بدموع....بعيد الشر عليها إن شاء الله تكون انت وهي لا
فارس....ههه بتبكي مفيش رجالة بتبكي
محمود....مانت تلاقيك معندكش قلب تحب لو حبيت وشوفت الي بتحبه حصلتله حاجة او مجرد ما تتخيل انه ممكن يضيع من ايدك هتبكي مفهاش رجولة دي
فارس...اممم طيب ثم ذهب إلي مكتب الدكتور
بعد وقت
الدكتور....ها ي غزل قوليلي فاكرة دول كلهم
غزل....اه
الدكتور....طيب كويس انتي لما هتتحركي هتحسي بدوخة فا خلي بالك
غزل.... تمام شكرا
الدكتور....العفو والف سلامة عليكي
فارس....الله يسلمك ي دكتور شكرا
الدكتور.....العفو انا كتبتلها علي الادوية بس نسيتها ف المكتب
فارس...اتفضل هاجي معاك اخدهم ثم خرجو
مهران....هروح اجبلك عصاير وأكل ترمي عضمك
غزل....لأ مفيش داعي انا مش جعانة
مهران....بس ي بت يلا ي عفاف ثم خرجو وبعدها دخل محمود
محمود....غزل إنتي كويسة
غزل....محمود بتعمل ايه هنا اطلع مينفعش كده حد يشوفنا
محمود.....بقولك انتي كويسة ولا لا
غزل....كويسة اطلع بقي
محمود....فارس الي عمل فيكي كده
غزل....محمود متدخلش ف اي حاجة تحصل لو سمحت
محمود....يعني اشوفك بيحصل فيكي كده واسكت
غزل.... اه
محمود....إنتي بتقولي ايه
ثم قاطعهم دخول فارس
فارس.....اي فين ابويا وامي مصدقتو الجو خلي
غزل....احترم نفسك
فارس نظر الي محمود وقال .....بره
محمود خرج بهدوء
فارس....انتي متاكدة ان جنات هي الي وقعتك .
غزل....اه متاكدة
فارس....امممم تمام بس عايزك تقولي حاجة كده
غزل.....نعم
فارس....تقولي إن مش جنات هي إلي وقعتك
غزل....لأ مش هقول
فارس.... تمام ثم خرج
غزل جاءت تقوم حست بدوخة......واحد حقير روحي منك لله يابت**** تماسكت ولبست هدومها ثم خرجت من الغرفة رأت فارس يعطيها ظهره ويتحدث ف الهاتف....أكيد هيخلي حد يعطل الكاميرات انا متاكدة دا خبيث ثم اخذت الأسانسير ونزلت ل اسفل
رأها مهران....رايحة فين ي بتي
غزل....
بارت17
مهران....ماشية ورايحة فين ي بتي
غزل....هاا لا مفيش مش بحب جو المستشفيات دا فا كنت عايزة امشي
مهران....تمشي تروحي فين مش لما الدكتور يسمح بكده وفين فارس
غزل...فوق بيتكلم ف الفون بليز عايزة اروح
مهران....عتروحي عند ابوكي برضو
غزل....لا هروح معاكم بس انا عايزة امشي بسرعة
مهران....طب احكيلي الواد فارس عملك حاجة
غزل بدموع.....لا انا عايزة امشي دلوقتي مش طايقة اقعد هنا
مهران...طيب خلاص أهدي محمود محمود
محمود...نعم يحج
مهران....عاود الهانم الدار
محمود....امرك
غزل....شكرا ثم مشت
عفاف...ف اي ياحج
مهران...والله مدراش ي عفاف
ثم فجأة وجدو فارس يجري
فارس....غزل مش ف الاوضة مش لاقيها
عفاف....مع محمود
فارس....نعم لحظة سمعيني تاني كده
مهران....انا سمحتلها تعاود معاه عشان شكلها مش عاوزة تعاود معاك
فارس....ومخدش رأي لييه
مهران.....اخفي صوتك ويلا نمشي
فارس....تمااام (دا لو لقيناهم رجعو فعلا ) ثم دار السيارة وف طريقه الي البيت
محمود....مالك ي غزل
غزل....مفيش ممكن تمشي سرعة
محمود....حاضر طيب ف حاجة بتوجعك
غزل....لا انا تمام
محمود....غزل انا معاكي لو عملك حاجة قوليلي
غزل...شكرا
محمود....العفو انا ممكن اسيب الشغل
غزل....ليه
محمود....علشان متحصلش مشاكل بسببي
غزل....هتشتغل اي بعدها
محمود...هدور
غزل....لما تلاقي شغل غير دا ومضمون ابقي سيبه
محمود....تمام وصلن لم يكمل جملته حيث وجدها جرت للداخل
غزل....عنيات عنيات
عنيات.....نعم ي هانم الف سلامة عليكي كيفك دلوقتي
غزل....تمام قوليلي ف حد دخل هنا
عنيات....لا يهانم ثم نظرت للباب تعال ي ابراهيم
نظرت غزل خلفها وجدته يتقدم لهم
إبراهيم.....االبيه عايزني اجبله حاجة من فوق
غزل....لا مفيش حد هيطلع ولا يدخل
عنيات..... ف اي ي هانم
غزل....انا قولت محدش يطلع يعني محدش يطلع سامعين
ابراهيم خرج وقام بالاتصال بفارس وحكي له ما حدث
كان فارس يتحدث معه بصوت خافت حتي لا يسمعه والده....ازاي يعني اطلع وسيبك من كلامها قولها إني عايز الحاجة دي ضروري
ابراهيم..... واقفة ف وش السلم ي بيه
فارس...ااه ي غزل الك*ل*ب طيب زيحها او اعمل اي حاجة واطلع المهم تعمل الي قولتلك عليه وانا اهو قربت اوصل
ابراهيم..... امرك ي بيه ثم دخل مرة اخري
غزل....قولت مش هتطلع لما يجي البيه بتاعك دا
ابراهيم....ي هانم هو عايز الحاجة دي ضروري متخلنيش استعمل القوة
غزل بصوت عالي.....والله لو عملت حاجة لهقول للحج وهخليه يرفدك
محمود....ف ايه مالك ي ابراهيم
غزل....محمود خده واطلع بره عايز يمسح الكاميرات
ابراهيم بصلها بصدمة..... ازاي عرفت
غزل.....مفكرني غبية زيكم يلا بررررره
محمود....ابراهيم اطلع يلا الجرح بتاعها هيتفتح وهتجي ف وشك يلا نطلع ولما يجي البيه بتاعك يتصرف
ابراهيم....تمام ثم خرجو
بعد خمس دقائق وصل فارس ثم اقترب من ابراهيم
فارس...نفذت
كاد ان يرد لكن قاطعهم صوت والده
مهران....فارس بتعمل اي عندك
فارس....مفيش يابوي
مهران....يلا
فارس ترك ابراهيم وذهب خلف والده....يلا
مهران.....مالك ي بتي قاعدة ع السلم اكده ليه
غزل قامت لتقف حست بدوار ثم جلست مرة أخري
عفاف اقتربت منها....انتي كويسة ي بتي
غزل....تمام
عفاف...اي الي مقعدك اكده
غزل....ابنك بعت ابراهيم يمسح الكاميرات
عفاف....عتخرفي تقولي ايه انتي عاوزة تخربي علي ولدي ولا ايه
غزل....لا بس دا فعلا إلي حصل عنيات مش ابراهيم دخل هنا وكان عايز يطلع فوق
عنيات....بصراحة ايوة
مهران.....تمام تعالو نطلع ونشوف الكاميرات
مهران بصوت عالي.....كيف الكاميرات مسجلتش حاجة النهاردة واصل
غزل....لا لا انا منعته ازاي مسحهم
فارس....جدع ي ابراهيم ههه
مهران.....اليوم كله مش موجود ي بتي
غزل بدموع....تمم عن اذنكم هروح ارتاح تصبحو علي خير ثم خرجت
مهران....فارس انت ليك يد
فارس....يابوي انا كنت معاكم
عفاف....اليوم كله ممسوح يحج لو كان ولدي كان مسح وقت ما وقعت وبعدين هيمسحو ليه ولدي
مهران....ابقي اسأليه ياختي انا رايح انام
عفاف....جعان تأكل ي ولدي
فارس...لا هنام ياما ماليش نفس
عفاف....ماشي تصبح علي خير
فارس....وانتي من أهل الخير ثم امسك هاتفه واتصل ب ابراهيم
فارس...جدع ي ابراهيم عملتها ازاي
ابراهيم.....من ورا ي بيه حطيت السلم وطلعت اوضتك وبعدين روحت الاوضة الي فيها الكاميرات
فارس....جدع يلا هقفل دلوقتي اغلق الهاتف ثم ذهب إلي غرفته وجد غزل تجلس علي الارض وتبكي بصمت
فارس جلس بجانبها....هههه لا ذكية بس ابراهيم اذكي
غزل...تمام
فارس....مالك زعلانة علشان اتمسح اليوم كله وبعدين اي الي حصل
غزل....مفيش حاجة اتفضل عايزة انام
فارس....طيب ثم قام وذهب الي البلكونة واتصل ب جنات الوو
جنات....الو ي فارس غزل كويسة حصلها حاجة
فارس وهو ينظر لها وجدها قد نامت....كويسة محصلهاش حاجة
جنات.....طب كويس
فارس...قوليلي بقي اي الي حصل
جنات....مفيش
فارس بصوت عالي.....هو انا كل ما اسأل وحدة تقولي مفيش
جنات بدموع....قالتلي إني رخيصة وإني بكلمك علشان فلوسك ومنصبك انا اتعصبت روحت....
فارس....كملي عملتي ايه
جنات....ضربتها بالقلم وهي كانت واقفة علي اخر السلم فوقعت والله مكنش قصدي
فارس.....ازاي تضربيها
جنات.....والله عصبني كلامها
فارس بصوت عالي....انا كل دا مفكرها بتمثل ووقعت نفسها علشان تلبسها فيكي اتاريكي انتي فعلا الي وقعتيها
جنات...فارس اسمعني انا مكنتش اقصد
فارس....تمام ي جنااات
جنات....في اي انت مالك محموق عليها لييه
فارس...مراتي تضربيها بتاع ايه انتي حد قال إنها ملطشة بس تمام كله بحسابه
جنات....قالت عني رخيصة عايزني اسكت مفروض انت تكمل عليها
فارس... حاضر ي رو*ح ا*مك هكمل بس مش عليها هيكون عليكي انتي بكره تكوني ف الشركة ولو روحت وملقتكيش هجيلك البيت ساااامعة
جنات....طيب
فارس....يلا غوري من وشي ثم اغلق الهاتف وذهب الي غزل حملها ووضعها علي السرير
جنات....ماشي ي فارس والله ل اقلبك عليها
بارت 18
في الصباح
غزل....انا كنت نايمة علي الأرض ايه الي نيمني علي السرير
فارس....انا الي حطيتك
غزل بعصبية....وتحطني ليه ها
فارس بأستفزاز....صعبتي عليا
غزل....هههه لسه ي فارس إنت الي هتصعب عليا وحياة الوجع الي اتوجعته لهخليك مزلول زي ما خليت ابوك يمد ايده عليك ويضربك قدامي ل هخليه يعمل بكلامه ويحرمك من كل حاجة رافعة مناخيرك للسمااا وخليك بقي بتحمي حبيبتك الو*سخ*ة
فارس....غزل عدي أيامك لحد ما تغوري من وشي
غزل....في ستين داهية انت مفكر هدوئي بتااااع امبارح دا إني استسلمت خلااااص مفكريني هبقي غلبانة وهسيبكم تجرحو فيا
فارس ببرود....طيب
غزل....تمام ثم خرجت من الغرفة ونزلت لأسفل
مهران...كيفك يابتي
غزل....تمام أنا عايزة اروح عند بابا اغير جو
مهران...يابتي انتي لسه مكلمتيش اسبوع مينفعش
غزل...معلش هروح وهرجع تاني
مهران....طيب ي بتي
عفاف....انت اكده بتدلعها ياحج
مهران....مرات ولدي تعمل الي هي عاوزاه
غزل....شكرا يعمي
مهران....روحي لمحمود وخليه يوصلك
غزل....طيب هطلع ألبس
مهران...طيب يابتي
صعدت غزل إلي أعلي وجدت فارس بالمرحاض ذهبت إلي الخزانة وأخرجت ملابس لها ثم ألبستها سريعا ونزلت وذهبت إلي محمود
غزل...محمود ممكن توصلني ل بابا
محمود....ف حاجة معاكي ولا إيه
غزل....لا
محمود...طيب اركبي
بعد وقت خرج فارس من المرحاض ألبس ملابسه ونزل لأسفل
فارس وهو يبحث بأعينه عن غزل.....أمال فين غزل
عفاف...مشت
فارس....مشت راحت فين
مهران....استأذنت مني تروح عند ابوها وانا سمحتلها ركبت مع محمود وراحت
فارس....محمود محمود ازاي تغور معاه وبعدين انا اييييه ها انا هنا ايييه
عفاف....هدي نفسك ي ولدي راحت تقعد شوية وتعاود
فارس....يوووه
مهران....ف ايييه بقولك خدت الاذن مني
فارس.....انا جوزها انا الي تاخد الاذن مني
مهران....راحت وخلاص خلصنا
فارس...تمام ثم خرج إلي الجنينة وأمسك هاتفه وقام بالاتصال بها غورتي فيييين
غزل....وإنت مالك
فارس....بت اظبطي معايا انا جوزك لو عاوزاني افكرك وبعدين لما تغوري ف حتة تستأذني مني انا
غزل....سوري بس انا مش معتبراك جوزي علشان اخد الأذن منك
فارس....تمام ي غزل نشوف لما ترجعيلي ثم أغلق الهاتف وذهب إلي شركته
عند غزل
شمس....إزاي تسمحيلها تضربك
غزل.....كنت هعرف يعني إنها هتضربني
شمس... تتكسر ايديها
غزل....وحدة زبالة كان ف كاميرات ف البيت مسحها الزفت علشان ميثبتش قدام ابوه إنها هي الي عملت كده
شمس....طلع واطي وبجح والله كرهتو
غزل....خليه يغور
شمس....سيبك تعالي نعمل أكل ونقعد نسمع مسلسل فريد العسل
غزل....انا اتراكم عليا حلقات كتير
شمس....طيب خدي التاب اسمعيهم عقبال ما احضر الأكل
غزل...تمام
عند فارس كان يجلس في مكتبه يراجع بعض الأوراق ثم قاطعه دخول عدي
عدي.....فينك ي معلم من ساعة ما اتجوزت مشفتش وشك
فارس....جواز منيل
عدي....ايه أرجع عن الي ف بالي ولا ايه
فارس....إنت مش زييا المهم جنات جات
عدي....تقريبا ايوة جات
فارس....ناديها
عدي....طيب ثم خرج ونادي جنات
جنات....نعم
فارس....أهلا ها عاملة ايه
جنات....كويسة
فارس وهو يقف ويقترب منها ....اممم طيب هسألك سؤال
جنات....ايه
فارس....انتي كنتي قاصدة توقعي غزل
جنات بعصبية وصوت عالي......هو ف ايه مالك زعلان عليها اييهه حبيتها بالسرعة دي
فارس.....أخفي صووتك احسلك مش انا الي تعلي صوتك عليا سااامعة
جنات....طيب
فارس.....هي متهمنيش بس أنا عايز اعرف
جنات....مكنتش اقصد اكيد هعمل كده ليه
فارس...اممم طيب مهما حصل متقربيش منها ولا تكلميها انا مش عاوز مشاكل
جنات....خايف عليها
فارس.....ف داهية انا علشان ابويا هيحرمني من العمودية وكل حاجة وهي ممكن تستغل دا فا مش عاوز بسبب غبائك كل حاجة تضيع مني
جنات....تمام
فارس.....روحي كملي شغلك
جنات اقتربت منه احتضنته.....متزعلش مني
ازاحها فارس......مش زعلان يلا روحي شوفي شغلك
جنات....حاضر ثم خرجت
جاء الليل
فارس....الو يابوي
مهران...فينك ي ولدي
فارس.....ف الشركة غزل رجعت
مهران....لع لسه معاودتش
فارس....طيب سلام ثم أغلق الهاتف واخذ مفاتيحه وخرج من الشركة في طريقه الي بيت غزل
عند غزل
شمس....صحيح يغزل شوفت الولا محمود ف الفيلا بيعمل ايه هناك
غزل...بيشتغل سواق العمدة
شمس....امممم لسه بتحبيه
غزل...ايوة بس مش هينفع خلاص بحاول ابطل احبه ثم فجأة قاطعهم جرس المنزل ودق علي الباب بشدة قامت غزل لتفتح وجدته فارس
غزل....ف ايه ما براحة
ازاحها ودخل.....أهلا ي شمس
نظرت شمس له بقرف ولم ترد
فارس.....ايه محمود واحشك ولا ايه
غزل.....وإنت مالك
فارس.....علي العموم انا هتجوز جنات
غزل.....
بارت 19
غزل....ما تتحوز هو انا مسكتك ف ستين داهية انت وهي
فارس....بعيد الشر عليا انا وهي وبعدين مانا هتجوز ومش مستني رأيك
غزل....كويس لايقين علي بعض
فارس....عارف
غزل....ومدام عارف متجوزتهاش ليه من بدري اشمعنا دلوقتي
فارس....اهو الي حصل لسه هفاتح ابوي
غزل.....ولا انت عايز تجنني ولا ايه ما كنت تغور وتقوله عايز اتجوزها كان لزمتها ايه اتجوزك وانا مش بطيقك
فارس....اقوله ايه بعد ما اتفق مع ابوكي وابوكي راح عرف نص البلد زي ما يكون مصدق لقي عريس لقطة
غزل.....ههههه لقطة انت متخلف ياخي انا بكره اليوم الي اتجوزتك فيه واليوم الي عرفت فيه إني مفروض اتجوزك وبكرهك إنت كمان
فارس....مانا بكرهك برضو الحال من بعضو
غزل....كويس يلا بالسلامة
فارس....بالسلامة ايه
غزل...امشي
فارس...جيت اخدك
غزل....لا همشي مع الي جيت معاه
فارس....نعم ياختي
غزل....ايه قولت حاجة غلط هخلي سواق العيلة هو الي يرجعني
فارس....غزل انا ماسك نفسي عنك بالعافية
شمس....هتعملها ايه يعني
فارس....متدخليش بيني وبينها
شمس....يعني ايه مدخلش دي اختي ولا تكون عايز تضربها تاني انت كده راجل لما تضربها يكون ف علمك لو عرفت إنك ضربتها تاني والله ما هعديها علي خير
فارس....مش ناقص غير الاطفال الي يتكلمو
شمس بغيظ....طفلة بس عاقلة عنك وعندي مخ مش زيك مكان مخك في بطاطس
فارس....بت انتي اسكتي احسلك مش ناقصة وجع دماغ وأنتي امشي يلا عدي ام الليلة دي علي خير
غزل....مش هتمشي كلامك عليا لأني سبق وقولتلك انا مش معتبراك جوزي
فارس....ازاي يعني مش جوزك انتي عبيطة
غزل....والله متفقين إن جوزانا ع الورق واسم وخلاص وكل واحد فحالو ويعمل الي هو عايزو زي مانا مش بدخل ف حاجات تخصك انت كمان متتدخلش ف حاجات تخصني
فارس.....لا يشيخة والله انا مش هموت علشان اتدخل ف حياتك بس للأسف انا جوزك
غزل....جوزي مسمي وخلاص وبعدين كويس إني قطعت علاقتي بخطيبي ومحترماك مش زيك واعرف ساعة ما هكون مش محترماك هتلاقيني هربت معاه واتجوز بقي براحتك
فارس.....اعمليها هجيبك إنتي وهو من تحت الأرض وساعتها محدش هيرحمكم مني
غزل...انا بقول لما اكون مش محترمة إنك جوزي هتلاقيني بقابله وحتي ممكن اهرب معاه
فارس....طيب إن شاء الله يلا نزفت نمشي
غزل ببرود...طيب ثم نزلت
فارس....باي ي شمس
لم ترد شمس عليه واغلقت الباب في وجهه
غزل بضحك....حبيبه أختها.
فارس...دي قلة أدب
غزل....براحتها ثم صعدت السيارة
فارس...باردة ثم ادار السيارة وذهبو
بعد عشر دقائق وصلو الفيلا
مهران...كيفك ي بتي دلوقت
غزل...تمام الحمد لله
مهران....راسك لستها (لسه)واجعاكي
غزل...مش اوي
مهران...خدي ادويتك وانتظمي عليها وهتخف
غزل بأبتسامة....حاضر
مهران...يلا اطلعي ارتاحي
غزل....تمام ثم صعدت
مهران....فارس
فارس...نعم يابوي
مهران...البت الي جات اهنه وقولت إنك عتحبها عايزها بكره الصبح هنا
فارس....ليه يابوي
مهران....لكل خير ياولدي
فارس...طيب حضرتك عايزها ليه
مهران....كلامي يتنفذ من غير كلام
فارس....حاضر يابوي ثم صعد إلي غرفته وأمسك هاتفه واتصل ب جنات
فارس...الو
جنات...الو ي فارس ف حاجة ولا ايه
فارس....لا بس ابوي عايز يشوفك بكره
جنات....ليه
فارس...معرفش
جنات ....هيكون عايزني ف ايه
فارس....مش عارف
جنات....غزل اتكلمت معاه او حرضته عليا طيب
فارس...لا مكنتش ف البيت النهاردة اصلا تعالي بكره ونشوف
جنات....طيب حاضر
فارس...سلام ثم اغلق الهاتف
غزل....ايه شيفاك قلقان
فارس....ابعدي عن وشي بدل ما اديكي ضربه علي دماغك تنسيكي الي راح والي جاي
غزل....ههه اهدي مالك انتو هتاخدو عليا ولا ايه
فارس....روحي بعيد عني احسلك
غزل....طيب ثم ذهبت إلي السرير واستغرقت في النوم
فارس بقلق...ربنا يستر ثم قاطعة صوت مسدج في هاتف غزل
فارس بأستغراب.....الساعة داخلة ع 12 مين بعتلها ف الوقت دا امسك هاتفها وجده محمود أرسل لها رساله
محمود...لسه عند ابوكي اجي اخدك
فارس ترك الهاتف ونظر لها.....اولعو ف بعض بس لما تصحيلي هعرفك ازاي تكلميه كويس والله لنكد عليكي عيشتك ثم نام بجانبها وذهب في النوم
بارت20
في صباح اليوم التالي جاءت جنات إلي بيت فارس لتقابل والده
جنات...حضرتك طلبتني
مهران....ايوة عاوز اتكلم معاكي ف حاجة
جنات....اتفضل
مهران....إنتي بتحبي ولدي
جنات...طبعا بحبه احنا كنا مع بعض ف الجامعة وسيبت كل حاجة ف القاهرة وجيت معاه هنا
مهران....طيب يابتي مدام بتحبيه يبقي هتتمنيله السعادة صوح(صح)
جنات....اكيد
مهران...تمام أنا عايزك تسيبي الشغل اهنه وترجعي بلدك
جنات....ليه
مهران....انا مش عاوز بيت ولدي يخرب بسببك
جنات بدموع...بس هو بيحبني احنا بنحب بعض والله
مهران بغضب....بس هو بقي راجل متجوز دلوقت مينفعش تفضلي تكلميه ويشوفك ف الشغل كده هو بيخون مرته
جنات....بس هو مش بيحبها ومتفقين أنهم هيطلقو
مهران....اي الي عتقوليه ده
جنات...والله هو دا فعلا الي اتفقو عليه وغزل دي لسه بتحب خطيبها ويمكن لسه بتكلمه
مهران بغضب....اخرسي وتمشي من هنا احسلك سامعة مش عاوز اشوف وشك ف البلد
جنات...تمام ثم رحلت
فارس...اتكلمت معاها ف ايه يابوي
مهران....إنت لمست غزل
فارس...اي الكلام الي عتقوله دا يابوي
مهران....انت سمعتني كويس رد عليا لمستها ولا لع
فارس....لع يابوي
مهران بغضب....لييييه
فارس...ف ايه يابوي هي مش مستعدة
مهران ....مش مستعدة ولا علشان تتطلقو بعدين
فارس....إنت عرفت منين
مهران...يعني الكلام الي عرفته صوح
فارس...ايوة صح انا مش بحبها وطول مانا مش بحبها جوزانا مش هيكمل
مهران...عتخرف تقول ايه
فارس...مش بخرف يابوي دي الحقيقة
مهران....هيكمل إنا مستني حفيدي بفارغ الصبر وف الاخر اعرف انكم بتكرهو بعض ومتفقين تطلقو
فارس...فعلا بنكره بعض
مهران....اختفي من وشي
خرج فارس من المكتب وصعد إلي غرفته وجد غزل تقف ف البلكونة
فارس....بتعملي ايه عندك
غزل...مبعملش
فارس بصوت عالي....امال وافقة بتعملي اييييه
غزل.....وإنت مالك
فارس....واقفة علشان حبيب القلب صح والناس تقول عليا خروف ومش عارف احكمك
غزل...احترم نفسك انا واقفة عادي
اقترب منها فارس وامسكها من شعرها وقال....لا والله مفروض اصدق انا اصلا مستنيكي تغلطي علشان افرغ غضبي فيكي ثم ضربها علي وجهها بسببك متجوزتش الي بحبها ياريتك ما جيتي ثم ازاحها علي الحائط ليخبط رأسها بها وتنزف بكثرة ثم قال يريتك ما جيتي بكرهك وزي ما بعدت عن حبيبتي هبعدك عن الي بتحبيه
غزل...بكرهك ثم فقدت الوعي
فارس....خليكي كده هسيبك تموتي ثم نزل وذهب إلي الشركة
بعد وقت وصل فارس الي الشركة
عدي....نورت
فارس...هات ورق اخر صفقة
عدي...حازم جه وكان عايزك
فارس....بعدين مش ناقصة الحكاية
عدي....مالك
فارس...مفيش هات الي قولتلك عليه واخلص
عدي....طيب بس قولي مالك في ايه
حكي له فارس ما حدث
عدي وهو يركض للخارج....يخربيتك ثم خرج من الشركة وذهب إلي بيت فارس
بعد وقت وصل إلي البيت
مهران....مالك ياولدي بتجري لييه اكده
عدي...ابنك المجنون ضرب غزل وسايبها سايحة ف دمها فوق
مهران....ايه اطلع بسرعة شوفها يابني
عدي وهو يصعد....طيب
مهران بصوت عالي....عنيات عنيات
عنيات....نعم يابيه
مهران....اطلعي شوفي غزل يابتي
عنيات....حاضر يحج ثم صعدت
في غرفة غزل صعد عدي إلي الغرفة وخلفه عنيات
عنيات.....يلهوي ست غزل ايه الي حصلك
عدي...لسه هنسأل لبسيها بسرعة علشان اوديها المستشفي
ألبست عنيات غزل ملابس سريعا ثم حملها عدي وذهبو الي المشفي
مهران...محمود ياولدي اطلع بينا ورا عدي بسرعة
محمود....حاضر ياحج اتفضل
مهران....يارب استر
محمود...خير يحج اي الي حصل
مهران...مرات ولدي تعبانة
محمود بقلق...ربنا يقومها بالسلامة
مهران....يارب
عند عدي
كان يقود السيارة بسرعة شديدة
عنيات...هنموت يابيه براحة
عدي...براحة اي اسكتي
بعد وقت وصلو المشفي
عدي....دكتور بسرعة
دكتور...حصلها ايه
عدي...وقعت علي رأسها
دكتور...جهزو العمليات
بعد وقت وصل مهران الي المشفي
مهران....طمني ياولدي
عدي...اهي دخلت العمليات
مهران...ربنا يحميها وتقوم بالسلامة
عدي....يارب
مهران....وفارس ولدي هعرف اربيه من تاني كويس
عدي...خير إن شاء الله ثم بعد قليلا وقام بالاتصال بفارس
عدي....فينك
فارس...ف الشركة
عدي....ياخي ابو برودك انت متخلف البنت كانت هتموت عملت ايه لكل ده
فارس...عادي بفش غضبي فيها
عدي...طيب تعال وخلي عندك دم ربنا يستر ابوك مستحلفلك
فارس...طيب جاي
عدي...الله يخربيتك ياخي ربنا يستر وتعدي ع خير
ليست هناك تعليقات:
إرسال تعليق