رواية تزوجت العمده الفصل السادس والعشرون والسابع والعشرون والثامن والعشرون والتاسع والعشرون والثلاثون بقلم ساره خالد حصريه وجديده علي مدونة نجوم ساطعه
رواية تزوجت العمده البارت السادس والعشرون والسابع والعشرون والثامن والعشرون والتاسع والعشرون والثلاثون بقلم ساره خالد حصريه وجديده علي مدونة نجوم ساطعه
رواية تزوجت العمده الجزء السادس والعشرون والسابع والعشرون والثامن والعشرون والتاسع والعشرون والثلاثون بقلم ساره خالد حصريه وجديده علي مدونة نجوم ساطعه
 |
رواية تزوجت العمده الفصل السادس والعشرون والسابع والعشرون والثامن والعشرون والتاسع والعشرون والثلاثون بقلم ساره خالد حصريه وجديده علي مدونة نجوم ساطعه
بارت26
عدي وهو يمسكها من يديها...تعالي هنا رايحة فين
غزل...عايزة اعرف هو ولا لا اوعي
عدي....هو مين
غزل....الحارس دا انا لقيت رقم علي الفون بتاعي مكتوب بأسم محمود
عدي....اه وانتي شاكة إنه هو دا
غزل....اه كلمته وكان بيتكلم ف الفون ف نفس الوقت ولما قفلت نزل الفون ودلوقتي رنيت علي الرقم الفون بتاعه رن
عدي.....طيب أهدي اكيد صدفة
غزل....لا مش صدفة انا عايزه اتأكد
عدي...غزل أدخلي يلا وكفاية علشان صحتك
غزل....انا هروح اسأله بس
عدي....متعصبنيش هتسأليه تقولي ايه
غزل...هشوف هو ولا لا واسأله اي الي جاب رقمه عندي
عدي...غزل قدامي يلا ادخلي
غزل....بس انا لازم اعرف
عدي بعصبية....قولت لا ويلا أدخلي
تقدم إليهم محمود....إزيك ي غزل عاملة ايه دلوقتي
عدي بصوت عالي....إنت نسيت نفسك ولا ايه اسمها غزل هانم سامع
محمود وهو ينظر لهم بغيظ.....مفيش أنا كنت بطمن عليها بس
عدي....هي كويسة اتفضل شوف شغلك وانتي يلا ادخلي قدامي
غزل وهي تدخل....براحة
عدي...غزل خلاص علشان صحتك وبطلي تفكري ف الموضوع لو عرفت إنك اتكلمتي مع الحارس ده انا هقول ل فارس
غزل....فيها ايه لما اتاكد هو ولا لا يمكن مش هو
عدي....يابنتي عدي ليلتك بقي
غزل.....طييييب
عدي بكذب.....اووف نسيت فارس
غزل...ماله
عدي....كان تعبان النهاردة ونسيت اطمن عليه
غزل بخوف.... تعبان من ايه
عدي....مش عارف روحتله الصبح وكان بيان عليه التعب مرضيش يقولي تعبان من ايه ولا يروح المستشفى
عفاف....ماله ولدي
غزل....عدي بيقول تعبان
عفاف....تعبان من ايه
عدي...مش عارف اهو هروح اطمن عليه تاني
غزل....هروح معاك
عدي....لا إنتي لسه تعبانة
مهران....في ايه مالكم اكده
عفاف...فارس تعبان ي حج ولدي تعبان وقاعد لوحدو
مهران....روح ي عدي وافضل جمبه ولو عاوز دكتور جبله
عدي....حاضر
غزل....ممكن اروح معاه
مهران...لع عدي هيكون معاه خلاص
غزل.....بس انا
مهران....كلامي خلص عدي هيقعد معاه وابقي يطمنا عليه
عفاف....كله بسببك إنتي
مهران....مش عاوز اسمع ولا كلمة
تركتهم غزل وصعدت إلي غرفتها
شمس....مالك ي غزل بتبكي ليه
غزل....بسببي فارس ساب البيت ودلوقتي هو تعبان
شمس....تعبان ماله
غزل....معرفش عدي هو الي قال
شمس....طيب أهدي هيكون كويس
غزل....عايزة اروحله
شمس....انتي لسه تعبانة
غزل....لا خفيت
شمس...بكره نروحله
غزل...عمي مهران مش راضي
شمس....نتفق مع السواق ونروح من وراه صد رد
غزل....اشطاا
شمس....تمام
ف الأسفل
مهران....روح انت يولدي وطمنا
عدي ف سره...يلهوي انا كنت مفكر هيقولي روح هاته القيه بيقول روح اقعد معاه
مهران... عدي يولدي
عدي...نعم ي عمي
مهران....يلا روح
عدي....طيب سلام
مهران...سلام
بعد وقت ليس بطويل وصل عدي إلي شقة فارس
فارس بأستغراب....ايه الي جابك مش قولتلك ٢٤ ساعة تكون ف الفيلا
عدي....ياعم وسع يوووه
فارس....مالك
عدي....مطلعتش بتمثل
فارس....عرفت ازاي
عدي....فتحت الفون بتاعها ولقيت اسم محمود عندها
فارس....اممم وعملت ايه
عدي...رنت عليه ونزلت وكانت عايزة تتأكد
فارس....عرفت منين إن ده اسمو محمود
عدي....معرفش بتقول شافته لما كانت بتتكلم ف الفون هو كان بيتكلم ولما خلصت ونزلت الفون هو نزله ف نفس الوقت ونزلت علشان تتأكد رنت ع الرقم لقيت فونه بيرن
فارس....وبعدين
عدي...بس هو جه بقي وحشر نفسه
فارس....عمل ايه
عدي...معملش قالها ازيك ي غزل بصيت عليها لقيتها بتستوعب ازاي حارس وكده يقولها غزل حاف روحت زعقتله بقي
فارس....الواد ده شكله مش هيجبها لبر
عدي...ليه
فارس بغيظ....ليه ايه مش شايف لولا انت كنت معاها كان زمانه لزق فيها
عدي....وانت مدايق لييه
فارس....مراتي وعلي اسمي ايه مفروض مدايقش ولا ايه
عدي....اممم
فارس...ابقي سجل رقمي عندها علشان هي مش مسجلاه وامسح رقمه
عدي....طيب
فارس....برضو مفهمتش جيت ليه
عدي....قولتلهم إنك تعبان علي اساس ابوك يرجعك تعيش معاهم وكده
فارس....اممم
عدي....محصلش الي كنت متوقعه من ابوك بقي لقيته بيقولي روح اقعد معاه
فارس....طبيعي
عدي....بس غزل قلقت عليك وكانت عاوزة تيجي معايا البت دي عسولة والله
فارس....والله
عدي....اه والله
فارس....طب اتلم
عدي....مالك ياعم بمدح ف مرات اخويا
فارس.....عددددي
عدي....اييييه عاااارف اسمي والله
فارس....عدي الليلة بدل ما كدبة إني تعبان تيجي فيك وتتعب إنت
عدي...طيب ياعم
جاء الليل
فارس....انا هتصل بيها
عدي....ليه
فارس...اشوف ايه الدنيا
عدي...طيب ياخويا شوف
فارس....عيل رخم
عدي....ملكش دعوة
فارس....هتغور من هنا امتي
عدي...هروح بكره بقي خلاص
فارس....ربنا يصبرني عليك
عدي....ليه هأكل منك حتة ولا ايه
فارس...ولااا اخرس رايح اكلمها
عدي....طيب ياعم بس متنساش تمثل إنك تعبان هااا
في الفيلا تحديد في الجنينة
شمس...سرحانة ف ايه
غزل....مامت فارس شكلها مش بتحبني هو انا عملت مشاكل كتير
شمس...لا طبعا
غزل....امال ليه حسيت إنها مش طيقاني
شمس....متحطيش ف بالك يمكن قلقت علي أبنها
ثم فجاة قاطعهم رنين هاتف غزل
شمس...مين
غزل...ده رقم
شمس....طيب ردي شوفي مين
غزل....الوو
فارس....إزيك
غزل...مين
فارس....انا فارس
غزل...بجد إزيك عامل ايه بقيت كويس
فارس...اه الحمد لله كويس انتي عاملة ايه
غزل....كويسة
فارس....ديما
غزل....هو انت فين
فارس....ليه
غزل....عايزة اعرف
فارس....مستأجر شقة
غزل....اممم ثم قاطعهم صوت محمود
محمود....محتاجة حاجة ي غزل
شمس....لا شكرا مش محتاجة حاجة
محمود....انا بسأل غزل
غزل....ما هي قالتلك شكرا مش عاوزة
محمود....تمام لو عوزتي حاجة نادي عليا ثم رحل
غزل...ها ي فارس كمل
فارس بغيظ....كنتي بتكلمي مين
غزل....دا الحارس الي اسمه محمود
فارس....انتي قاعدة فين
غزل....ف الجنينة
فارس....اطلعي الأوضة
غزل...ايه
فارس...سمعتي قولت اطلعي الاوضة ومتنزليش منها سامعة
غزل....حاضر
فارس....اديني شمس
غزل....ليه
فارس...اخلصي
غزل....حاضر شمس فارس عاوز يكلمك
شمس...الوو
فارس...لو الواد الصايع ده قرب من غزل تاني هحاسبك انتي سامعة والله ي شمس ما هتعرفي هعمل ايه فاكرة القلم الي ادتهوني هردهولك ي شمس بس بطرق تانية كلامي مفهوم
شمس....مفهوم
بارت 27
غزل....فارس قالك ايه
شمس...مفيش كان بيوصيني اخد بالي منك وكده
غزل...اممم هسجل رقمه بقي
شمس....اوك مش يلا ننام بقي
غزل....تمام يلا ثم صعدو
*في شقة فارس*
عدي....مالك
فارس...من بكره الصبح تروح هناك ومش تراقب غزل لا تراقب محمود علشان الواد ده شكلي هحطه ف دماغي وهأذيه
عدي....عمل ايه طيب
فارس....كنت بكلم غزل وسمعت صوته بيكلمها
عدي....اممم عايز يقرب منها ف غيابك
فارس....اقتله
عدي...هي دي غيره
فارس...لا
عدي....امال ايه مش فاهم
فارس...هو كده وميت مرة اقولك مراتي اخليها ازاي تكلم واحد غريب يعني
عدي....اعرف ان مدام الواحد مش بيحب مراته مش بيغير عليها وبيسبها براحتها وبتكون مش ف دماغه
فارس...انا غير الناس دي
عدي....طيب ياعم لما نشوف اخرتها بكره هغور هناك
فارس....جدع
عدي بغيظ....عارف رايح اتخمد مش فاضي غير ليك ول مشاكلك حتي مش عارف ارتبط ي بعيد
فارس...ترتبط هههه لا مش هرتبط ياخويا
عدي....ناااعم وليييه مرتبطش ياخويا يعني دانا قمر ودمي زي العسل
فارس....ههه قصدك زي البصل روح نام ياعم
عدي....رااااايح
فارس....تصبح علي خير
عدي....وانت من أهل الخير
في صباح اليوم التالي
غزل....شمس يلا قومي
شمس بنوم....ف ايه
غزل....يلا علشان نروح ل فارس
شمس وهي تقوم....لا مش هنروح مش هينفع
غزل....ليه
شمس....تعبانة مش هقدر اروح
غزل...خلاص هروح انا
شمس...غزل ف وقت تاني وبعدين احنا منعرفش فين مكانه
غزل....هتصل بيه ف الطريق يعرفني مكانه يلا بقي
شمس....لااا هنتنفخ
غزل.... انتي خايفة من ايه يلا بقي
شمس...هو لازم يعني ما هو بقي كويس مش لازم تروحي
غزل....لا لازم
شمس...يوووه طيب قايمة
غزل....حبيبتي
بعد نصف ساعة
شمس...انا جهزت
غزل....وانا كمان يلا بينا
شمس...يلا ربنا يستر ثم نزلو
عنيات...يوه صاحين بدري اكده ليه
غزل....ششش رايحين نطمن علي فارس
عنيات...قولتي ل مهران بيه
غزل بصوت واطي...لا هو رفض فانا هروح بسرعة واجي علطول
عنيات...طب ي هانم استأذني
غزل...خلاص ي عنيات بقي هخلي السواق ويوديني
عنيات....طيب ارجعو بسرعة
غزل....اوك يلا ي شمس
شمس....يلا ياختي ثم خرجو من الفيلا
غزل....فين الي اسمه محمود والراجل التاني مش موجودين
شمس....يمكن نايمين
غزل....اممم طيب هنعمل ايه
شمس....نرجع ننام
غزل....يووه ي شمس
شمس....ف حد بينادي علي فارس
غزل...تعالي نفتح البوابة نشوف مين
شمس....رايحة فين لا طبعا
غزل...هنسيبه ينادي
شمس...اه
غزل....اوعي يابت ثم ذهبت وفتحت البوابة
غزل....انت
حازم....اه اخبارك ايه
غزل...الحمد لله
حازم....كنت عاوز فارس
غزل....ف وقت زي ده
حازم....شغل بقي وعاوزه ضروري
غزل....بس هو مش هنا
حازم...امال فين
غزل...مستأجر شقة انا كنت لسه هروحله بس للأسف الحراس نايمين
حازم....طب تعرفي مكانه
غزل....كنت هتصل بيه يقولي او اتصل ب عدي
حازم....عدي معاه
غزل....اه
حازم....طيب تعالي معايا اوصلك
غزل....لا شكرا مش عايزة اتعب حضرتك
حازم....ولا تعب ولا حاجة كده كده انا هتصل بيهم اعرف هما فين واروحلهم
غزل....طب ثواني
حازم....خدي راحتك
غزل....شمس
شمس....ايه
غزل....هنروح مع الاستاذ حازم
شمس...حازم مين ياختي الي نروح معاه
غزل....دا صاحب فارس وكان جاي هنا عاوزه بس انا قولتله فارس مش هنا وقولتله إني كنت رايحاله قالي اوصلك
شمس....لا مش لازم يوصلنا
غزل....ماهو هيروح ل فارس برضو
شمس....لا ي غزل انسي مش هنروح معاه
غزل وهي تسحب شمس....شمس يلا بقي
شمس....غزل لا
غزل....يلا بس
شمس....ياربي
حازم....مين دي
غزل....دي أختي
حازم...اممم
شمس....اييه ف مانع إني اروح معاها ولا اييه
حازم....ههه لا مفيش اتفضلو
شمس بهمس....هنركب من ورا
غزل.... اوك ثم ركبو السيارة
حازم.....حاولي بقي تتصلي بيهم يعرفونا مكانهم
غزل....ماشي ثم قامت بالإتصال ب فارس
غزل....مش بيرد
حازم....أكيد نايم رني علي عدي
غزل....مش معاي رقمه
حازم....انا معاي استني اهو ده اكتبيه ورني عليه
غزل....طيب ثم رنت علي عدي
عدي بنوم....الو
غزل....الو ي عدي
عدي....مين
غزل....انا غزل
عدي...ايه ي غزل في حاجة
غزل....لا كنت عاوزه اعرف مكان شقة فارس فين
عدي....ليه
غزل....علشان اجي اطمن عليه
عدي....هو بقي كويس مش لازم تيجي
غزل....انا خرجت من البيت وركبت
عدي وهو يقوم....ركبتي مع مين
غزل....ف ايه مالك
عدي....ركبتي مع مين وكمان جاية لوحدك
غزل....لا معايا شمس وركبت مع الاستاذ حازم
عدي.....نعممممم استاذ مين ياختي
غزل....ايه استاذ حازم جه وكان عاوز فارس فانا قولتله مش هنا
عدي.....اه وبعدين ياختي كملي كملي
غزل....قولتله انا كنت هروحله بس الحراس نايمين راح قال تعالي اوصلك وكده
عدي بغضب مكتوم....افتحي الموقع بتاعك طيب
غزل....طيب قول العنوان
عدي....*********** اهو شكل نهايتك قربت ثم اغلق
قالت غزل العنوان لحازم ثم نظرت الي شمس وقالت بهمس....هو انا عملت حاجة غلط
شمس وهي تربت علي كتفها.....ربنا يستر ي غزل ربنا يستر
بعد نصف ساعة وصلو ودقو الجرس
عدي....فارس بهدوء هاا
فارس...عيوني ثم ذهب وفتح الباب
غزل بأبتسامة....إزيك عامل ايه
فارس....انا تمام جدا اتفضلي ثم نظر إلي شمس وقال اتفضلي يشمس اتفضلي متتكسفيش
حازم....إزيك ي فارس
فارس....اهلا جاي ليه
حازم.....علشان الشغل
فارس.... والشغل مش هيصبر لبعد الضهر حتي
حازم....لا
فارس....اممم طيب انا هنا مش ف مكان شغل للاسف
حازم....يعني ايه
فارس....يعني تستني لما اكون ف الشركة وتتكلم معايا ف الشغل
حازم بغيظ.....تمام ي فارس ااه كنت عاوز اقولك ابقي شد علي المدام اكتر من كده شكلها طيوبة وبتثق بسرعة ف الناس هااا
اغلق فارس الباب ف وجهه
حازم بغضب مكتوم....ماشي ي فارس مااااشي
فارس بصوت عالي.....غزززل
بارت28
غزل...ن نعم
فارس....ايه الي جابك هنا
غزل....جيب اطمن عليك
فارس اقترب منها وامسكها من يديها.....انا مش امبارح كلمتك وقولتلك انا كويس
غزل....ايوة بس انا قولت اجيلك عادي
فارس....لا والله استأذنتي مين بقي
غزل وهي منزلة رأسها لأسفل....مستأذنتش حد
فارس.....كماااان
غزل....بباك مكنش هيوافق
فارس....لو موافقش فيها اي يعنى
عدي....خلاص أهدي ي فارس
فارس.....أهدي ايه وزفت ايه مش شايف جاية مع مين
غزل بخوف.....طب ماهو صحبك
فارس....لا مش صحبي وحتي لو صحبي تركبي معاااه بتاع ايه انتي مجنونة
غزل....خلاص انا اسفة مش هتتكرر تاني اوعدك
فارس....هعديها ي غزل بمزاجي بس لو اتكررت هتشوفي مني وش تاني خالص سامعة ثم نظر الي شمس وقال وإنتي انا قولت ايه امبارح هاااا
شمس بخوف.....والله قولتلها بلاش بس هي مش بتسمع كلامي
فارس....ترني علياااا تقوليلي
شمس....مم مانا مش معايا رقمك
فارس.....اييييه ي شمس هنستعبط ولا ايييه مانتي قادرة تاخديه من عندها ومن عند اي حد ف البيت
غزل بدموع.....متزعقش فيها هي ملهاش ذنب
فارس....انتي تخرسي خالص
غزل....فارس انا مكنش قصدي تحصل مشاكل انا كنت عاوزة اطمن عليك
فارس....مستأذنتيش ولا مني ولا من ابويا حتي ولا عرفتي حد من البيت إنك هتيجي
غزل....لا عنيات تعرف
فارس....لا والله
اقتربت غزل منه واحتضنته.....خلاص انا اسفة مش هتتكرر والله
فارس....لو اتكررت مش هرحمك
غزل....متخفش مش هتتكرر تاني خالص
فارس....تمام روحي المطبخ اعملي فطار يلا
غزل...حاضر
فارس وهو ينظر ل شمس....ساعديها
شمس....حاضر ثم ذهبو
عدي....براحة ي فارس كده هتخاف منك
فارس....مانت مسمعتش الك*لب ده قالي ايه
عدي....قالك ايه
فارس....قالي شد ع المدام قال والله لهحاسبه علي الكلام ده
عدي....خلاص ي فارس وبعدين مالك ب شمس
فارس....مفيش
عدي.....طيب أهدي
في المطبخ
شمس....عجبك كده اهو اتهزقنا
غزل بحزن....مكنتش اعرف أنه هيحصل كده فكرت هيفرح لما اجيله
شمس.....ماهو بصراحة غلط الي احنا عملناه ده
غزل....عارفة بس مكنش قدامنا غير كده
شمس....كنا نستني لما الحراس يصحو او ناخد تاكسي
غزل....اممم حاسه إن فارس بيكره الي اسمه حازم ده
شمس....ازاي
غزل....جالي المستشفي اول ما فارس عرف وشافه طلعه بره معتقدش هيتعامل كده مع صحبه
شمس....اممم ملناش دعوة المهم مش هنكرر الي اتعمل ده تاني
غزل....متخفيش مش هيتكرر
شمس....انا مش هستني لما تتكرر اصلا انا هاخد رقمه واي حاجة تعمليها هقوله عليها
غزل.....اه ي فتانة
شمس....امال اروح ف الرجلين معاكي
غزل....طب جهزي الفطار علشان نرجع
شمس....طيب
بعد وقت انتهوا من تجهيز الفطار
غزل....فارس يلا الفطار جاهز
فارس....تمام اقعدي افطري
غزل....لا هنمشي
فارس...تمشو ليه
غزل....علشان منتأخرش وكده
فارس....مش بمزاجك
غزل...ازاي
فارس.....هتمشي لما انا اقولك امشي وهاتي الفون بتاعك انتي وشمس
غزل....ف ايه ي فارس
فارس....كلمتي تتسمع من سكات هاتي الفون واقعدي افطري مش هتمشي غير لما تاكلي
غزل....طيب
فارس...الفون بتاعك وبتاعها
غزل....طب ليه
فارس...هو كده يلا هاتو
شمس بغيظ.....اتفضل
فارس....ملاحظ إن نبرة صوتك بتقولها بقرف
شمس بأبتسامة مزيفة....لا طبعا ي جوز اختي
فارس....اممم ثم نظر إلي غزل وقال هاتي
غزل....اتفضل اهو
فارس...يلا افطرو
بعد وقت قصير انتهوا من تناول الفطور
فارس....اعمليلنا قهوة ي غزلي
غزل....فارس لازم نمشي
فارس....مش مفروض جاية تطمني عليا وتساعديني
غزل....ايوة بس كده بباك هيصحي ومش هيلاقينا هناك
فارس....متخفيش مش هيحصل حاجة يلا ي روحي
غزل...طيب ثم ذهبت إلي المطبخ ومن خلفها شمس
عدي....هو انت بتفكر ف ايه
فارس....هخليهم هنا لحد الليل
عدي....ليه
فارس....ابويا هيتصل بيا هيسألني جم هنا ولا لع هقوله لع محدش جه وهقوله اني هنزل ادور عليهم وكده وبعدين هاجي هنا ارجعهم
عدي....وبعدين
فارس....لا الباقي بقي علي ابويا هو الي هيكمل
عدي.....اممم طيب
غزل....القهوة جاهزة
فارس....معملتوش لنفسكم ليه
غزل....ملناش نفس ليها
فارس....اممم طيب
غزل....نمشي بقي
فارس ف سره....اممم كده لحد ما يجي الليل هكون صدعت
فارس بخبث....مين فيكم بتحب عصير المانجا
غزل....انا بحبو
شمس...وانا كمان
فارس....عندي ف التلاجة استنو هروح اجبلكم
غزل....خليك احنا نجيبو
فارس.....لا مش هتعرفو مكانو خليكم هحضرو واجيبه
غزل....طيب
قام فارس ودخل المطبخ فتح التلاجة واخرج منها العصير ثم المنون
احضر فارس كل شئ وخرج لهم
فارس...اتفضلو بالهنا
غزل....شكرا
فارس....لو عاوزين تشربوه ف اوضتي وتاخدو راحتكم وبعدين تمشو عادي
غزل....تمام يلا ي شمس
شمس....طب ما احنا اهو قاعدين
فارس....ادخلو الاوضة بتاعتي علشان هنتكلم انا وعدي ف شغل
شمس....تمام ثم اخذو العصير وذهبو الي غرفة فارس
شمس....هو يعني ميقدرش يتكلم ف الشغل قدامنا
غزل....عادي نسيبهم علي راحتهم برضو اشربي بس خلينا نخلص ونمشي
شمس....طيب
شربو العصير إلي نهايته ثم خرجت خارج الغرفة
غزل....فارس خلصنا الع...صير ثم وقعت في الأرض
فارس....ي غبية انا مدخلك الاوضة ليه علشان تيجي ف الاخر وبرضو تقعي علي دماغك
عدي....ههههه
نظر له فارس نظره اخرسته ثم حمل غزل وادخلها الغرفة وجد شمس قد غفت الاخري
فارس... يلا تصبحو علي خير ثم خرج
عدي....عملت ليه كده
فارس....أصل مش هيسكتو هيفضلو يقولو عاوزين نمشي وهنصدع
عدي....اممم طيب
في الفيلا
مهران....الفطار جاهز ي عنيات
عنيات....ايوة ي حضرة العمدة
مهران....روحي صحي غزل وشمس يفطرو
عنيات ف سرها....يلهوي طب اقوله ولا اعمل نفسي معرفش واطلع فوق كأني هصحيهم
مهران....عنياات
عنيات....ايوة ي حج نعم
مهران....روحي نادي غزل يلا
عنيات....بصراحة ي حج
مهران....ف ايه
عنيات....ست غزل طلعت هي واختها من الصبح
مهران.....طلعت راحت فين
عنيات....قالت هتروح للبيه الصغير
مهران.....ازاي تسبيها تروح
عنيات.....والله ي بيه انا
مهران....اخرسي راحت مع مين
عنيات....قالت هتروح مع حد من الحراس
مهران....ماشي ي عنيات حسابي معاكي بعدين ثم خرج للخارج
عنيات....يلهوي معقول يمشيني من اهنه
مهران....محمووود ابرااهيم
جاء محمود وابراهيم.....مين الي وصل غزل عند فارس
ابراهيم....محدش فينا طلع من البيت ومشفناش ست غزل من ساعة ما صحينا
مهران.....يعني ايه محدش فيكم وصلها
محمود...لع ي بيه
مهران.....يعني ايه الكلام ده ثم أمسك هاتفه وقام بالإتصال ب عدي
عدي نظر لفارس وقال.....ابوك بيتصل
فارس....قوله إنك لسه عندي وإن محدش جه منهم
عدي...طيب ثم رد الووو ي عمي صباح الخير
مهران....انت فين دلوقت
عدي.....انا عند فارس
مهران....غزل جات عندكم
عدي.....غزل ايه الي هيجيبها عندنا
مهران....يعني مجتش طب اسأل فارس يولدي
عدي....بيقول محدش جه اجيلك ي عمي
مهران....تعال وهات فارس غزل مشيت من الصبح ومعرفش راحت فين
عدي....أهدي ي عمي هنجيلك وخير إن شاء الله
مهران....بسرعة يولدي
عدي....حاضر سلام ثم أغلق
عدي....ابوك قلقان عليها جامد
فارس....أكيد لانها كانت ف عهدته
عدي....طيب ايه هنروح
فارس....لا مكسل روح انت وقوله فارس نزل يدور عليها
عدي....لا وانا كمان مكسل هتصل اقوله بندور عليها انا وانت
فارس....ههههه ماشي
عدي....الو ي عمي
مهران....فينك ي ولدي
عدي....انا وفارس هندور عليها ف كل حتة وهنتصل ب ابوها انت لو عرفت حاجة قولنا
مهران....حاضر
عدي....متتصلش ب ابوها هتصل انا علشان ميتخضش هسأله عن شمس او ايه حاجة
مهران....طيب يولدي
عدي....سلام ثم أغلق الهاتف
فارس....ي مسهل يارب يحصل الي ف بالي بس
عدي....يارب لا
نظر له فارس بغيظ....اخرس يلا
ثم قاطعهم رنين هاتف فارس
فارس...دي جنات
عدي...يادي النيلة
فارس....االوو
جنات.....ايه مصدقت خلصت مني ولا ايه
فارس....مفيش بس شوية مشاكل كده معايا
جنات....اممم والمشاكل دي معايا انا بس وفاضي للسنيورة بتاعتك ومش فاضي ليا
فارس....سنيورة مين
جنات بغيظ...مراتك غزل
فارس....طبيعي هفضالها
جنات....فااارس انت بتقول ايه
فارس....ايه مراتي وكمان معايا علطول وف نفس البيت طبيعي هكون فاضي معاها
جنات....مراتك اعتبرتها مراتك لما بعدت عنك انا ممكن ارجع عادي
فارس....مش اعتبرتها هي مراتي فعلا
جنات....فارس متجننيش انا الي مفروض اكون مكانها
فارس....بس مش مكانها ي جنات
جنات.....اممم طيب ي فارس
فارس...تمام
جنات....انا هنزل
فارس...هتنزلي فين
جنات....هنزل عندك الصعيد هوريك ازاي تنساني وتفضي لست غزل
بارت 29
فارس....غبية
عدي....مالها
فارس....بتقول هترجع هنا
عدي....نعم هي لحقت توصل اصلا وتاخد نفسها اي البت دي
فارس....مش عارف
عدي....مانت غبي قاعد تقولها دي مراتي وافضي ليها وبتاع
فارس....مكنتش أعرف أنها هتقول هنزل فكرت هتقول تمام ربنا يسعدك مثلا وتنسي حكايتنا لكن دي لا
عدي....ههههه طبيعي لا بس متقلقش مش هتعمل حاجة
فارس....الوضع مختلف ي عدي
عدي....إزاي
فارس....دلوقتي غزل فاقدة الذاكرة يعني ممكن تصدق اي حد مش شايف جات مع مين
عدي....هنجيب حارس جديد نحطه مراقب لغزل واختها إيه رأيك
فارس....ازاي
عدي...يعني نستغل الحوار وتقول ل ابوك هجيب حارس مخصوص ل غزل ومتطلعش ف اي حته غير معاه
فارس....تمام ثم قاطعهم رنين هاتف فارس وجده والده
فارس...الو يابوي
مهران.....عرفت حاجة يولدي
فارس....اه يابوي
مهران بلهفة....فين
فارس....شمس اخدتها عند وحدة صحبتها هعرف المكان واروح اجيبها
مهران.....اوعي تلمسها تجيبها سليمة ومفهاش خدش سامع
فارس....تمام يابوي ماليش دعوة بيها سلام ثم أغلق
عدي....ايه
فارس....مفيش بيقولي ملمسهاش مفكرني هضربها
عدي....اممم ابوك مدلعها
فارس....معتبرها بنته ياخويا
عدي....طب كويس والله
فارس.....اخرس انت
عدي....عنيا
جاء المساء
في فيلا مهران
مهران.....اتأخرو لييه اكده
عفاف.....هو فارس الي هيجبها
مهران....ايوة
عفاف....طيب
مهران.....يارب يكون لاقها مش عارف اودي وشي منه فين
عفاف.....ليه يحج
مهران....معرفتش احافظ علي مراته وهي دلوقتي مسئولة مني وكانت ف بيتي
عفاف....ده دلع بنات وانت الي مدلعها يحج هي عاوزه الي زي فارس يكسر رقبتها
مهران....ما كفاية الي عمله فيها ي عفاف
عفاف.....خلاص خليه يعاود البيت علشان تخاف تطلع ف غيابه ومتعملش الي عملته ده تاني
مهران بنفي.....يعاود لع
عفاف بخبث....وه انت مش شايف كيف هي كانت خايفة عليه وكمان هو بقي يكلمها بحنيه من بعد الي حصلها جاي انت تفرقهم يحج اخس عليك
مهران....اعمل ايه يعني ي عفاف أبنك الي عصبي يعمل حاجة تاني ف البت تروح فيها
عفاف....مين قال بس جرب ومش هتندم دول ممكن يقربو اكتر
مهران....افكر
عفاف....فكر يحج فكر
ف شقة فارس
فاقت شمس ثم من بعدها غزل
شمس.....اي ده هو احنا نمنا هنا
غزل....اه رأسي
شمس.....انتي مأخديش الدوا النهاردة
غزل....خلاص عادي ي شمس هي الساعة كام
شمس.....الفون جوزك واخده ياختي
غزل....طب يلا نطلع ثم خرجو من الغرفة
عدي....اخيرا صحيتو
غزل....احم هو ابو فارس متصلش
عدي.... اتصل
غزل....قال ايه
فارس من خلفها....بعدين يلا علشان هنوصلكم
غزل....طيب ثم خرجو
في السيارة
غزل....انا خايفة
نظر لها فارس من مرأة السيارة....متخفيش مفيش حاجة
غزل....بباك أكيد زعل مني
فارس....ابقي صالحيه
غزل....ماشي
فارس.....هبلة
بعد وقت قصير وصلو الفيلا
ابراهيم.....اهم جم ومعاهم غزل هانم
محمود تركه وذهب لهم كي يطمئن علي غزل ويغيظ فارس.....كنتي فين ي غزل انتي كويسة
غزل.....ا ان
فارس بمقاطعه.....وانت مالك اخرك تقولها حمدلله على السلامة ي هانم بس سااامع
محمود بغيظ.....حمدلله على السلامة
عدي بأستفزاز.....ي غزل هانم
غزل....خلاص مش لازم يلا ندخل ثم تركتهم وذهبت
نظر فارس إلي محمود وقال....خلي بالك انا بعديلك كتير هااا وقربت تجيب اخرك معايا ثم تركه ودخل الفيلا
مهران.....غزل انتي كويسة ي بتي
غزل....انا كويسة الحمد لله
مهران....كده يابتي تمشي من غير ما تعرفيني
غزل.....انا اسفة بس حضرتك مكنتش هتوافق
مهران.....وموافقش ليه كنت هخلي محمود او ابراهيم يوصلك
غزل....بس انت قولتلي
فارس بمقاطعة....روحي ارتاحي ي غزل
غزل.....بس
فارس....مبسش يلا اطلعي ارتاحي ولو عوزتي حاجة اتصلي بيا
غزل....حاضر
فارس....يلا سلام
ذهبت غزل له واحتضنته
عفاف بهمس....شايف يحج
مهران.....شايف ي عفاف شايف أبنك لو سحرلها مكنتش هتعمل اكده
غزل.....سلام خلي بالك من نفسك
فارس بأبتسامة......ماشي وانتي كمان خلي بالك من نفسك وخدي الدوا
غزل...حاضر
فارس....باي
مهران بتردد....استني ي فارس
فارس.....نعم يابوي
مهران....رايح فين
فارس.....رايح شقتي
مهران....لع خلاص مفيش مرواح خليك مع مراتك
غزل بفرحة.....بجد ي عمي
مهران....بجد ي بتي يلا اطلعو اوضتكم
نظر فارس إلي عدي وغمز له
عدي.....يخربيت دماغك يلا
غزل....يلا ي فارس
فارس.....جاي هقول لعدي حاجة
غزل.... تمام
فارس....مالك مصدوم
عدي....من دماغك ي كبير
فارس...هههه امي ليها دور خلي بالك
عدي....ازاي
فارس.....اتصلت بيها وقولتلها كلام تقوله ل ابويا واهو أثر
عدي.....ههههه اشطااا ياعم
فارس....يلا طالع انا يلا ي غزل
غزل.....حاضر لحظة شمس هتقعدي صح
شمس... لا انا همشي بقي
غزل....ليه
شمس...جوزك يخلي باله منك
غزل....خليكي ي شمس
فارس....ي غزل
مهران....خليكي ي بتي غزل برضو هتحتاجك فارس مش هيفضل جمبها علطول
عفاف....نامي ف اوضة الضيوف النهاردة هو ف اوضة بس فيها تراب هخلي عنيات توضبها وابقي اقعدي فيها
شمس....لا ملوش لازمة
فارس....غزززل
مهران....اطلعي لجوزك
غزل.....حاضر ثم صعدت
عدي بمزح......وانا بقي هنام فين
مهران....علي بيتك
عدي....وه ليه كده بتطردني
مهران....اه شمس حجزت الاوضة خلاص
عدي.....اممم ماشي ياعمي انا اصلا مبرتحش عندكم
مهران....ههههه طب تصبح علي خير
عدي....وانتو من أهل الخير سلام ثم رحل
في غرفة فارس وغزل
غزل....نورت الأوضة بتاعتك
فارس....بنورك
غزل.....طيب هاخد دوش واجيلك
فارس....ماشي
بعد نصف ساعة خرجت غزل من الحمام
فارس.....نص ساعة ليه ف الحمام
غزل....عادي
فارس....طيب ثم دخل الحمام وخرج بعد خمس دقائق وجد هاتفه يرن بأسم جنات ولم يجد غزل بالغرفة
خرج الي البلكونة ليتحدث..... الو عايزة ايه
جنات.... بتتكلم معايا بالطريقة دي ليه
فارس....وانتي مالك اتكلم زي مانا عاوز اخلصي قولي عاوزة ايه
جنات....انت
فارس....نعم
جنات....ايه اطرشيت بقووول عاوزاك انت
فارس....اتعدلي معايا احسلك وبطلي هبل
جنات.....هبل ليه انت بتحبني انا مش هي وانا الي دخلت حياتك قبلها
فارس....ماضي
جنات...نخليه حاضر ومستقبل
فارس....مش ناقص جنانك انا
جنات....حبي ليك وتمسكي بيك مسميه جنان
فارس....انا بقيت متجوز ي جنات خلاص
جنات....قابلة اكون التانية
فارس.....انتي بتتكلمي بجد
جنات....ايوة مدام هكون معاك قابلة بكل حاجة
فارس.....بس ابويا مش هيوافق
جنات....مش مهم ابوك نتجوز ونحطه قدام الامر الواقع
فارس....لا طبعا هيحرمني من العمودية
جنات....مش مهم ي فارس عمودية ايه
فارس....فكرك العمودية بس دا ممكن يحرمني من الورث وكل حاجة واتجوزك بقي انا وبعدين اشحت صح
جنات....هتبني نفسك من الأول
فارس....خلاص ي جنات احنا مش من نصيب بعض
جنات....يعني ايه ي فارس
فارس....يعني خلاص شوفي حياتك
جنات....هي غزل هانم لما نسيت عوضتك وحبيتها ولا ايه دي تلاقيها بتمثل علشان تحبها وف الاخر تكسرك وتنتقم منك وتهرب مع حبيبها
فارس....ماشي ثم أغلق
جنات....تمام ي فارس والله لاربيك هوريك ازاي اول ما تلاقي البديل تسيبني بعد الحب ده انا هوريك
فارس بتفكير.....معقوله تكون بتمثل بجد بس عدي قال إنها ناسية فعلا
غزل من خلفه.....بتكلم مين
فارس....مفيش
غزل....ازاي مفيش
فارس....عادي ده عدي كان بيرزل
غزل...اممم طب يلا علشان تنام
كاد ان ينام لكن جاءت ف باله خطة ليكشف غزل.....غزل
غزل....نعم
فارس بخبث.....انا عاوزك
بارت30
غزل....عايزني إزاي يعني مانا موجودة اهو
اخذ يقترب منها حتي وقف أمامها ثم انحني واعطاها قبل*ة بجانب فمها
فارس....كده
غزل بكسوف....اممم بس انت تعبان
فارس وهو يلف شعرها حول اصبعه....محصلش
غزل....ازاي
فارس....كل ده كان حوار علشان ارجع واكون قريب منك
غزل....بجد
انزل رأسه ليدفنها ف عنقها وقال....اممم
غزل....إنت بتحبني بجد ي فارس
فارس....اكيد
غزل....طب وانا كنت بحبك
فارس....اممم ريحتك حلوة أوي
غزل بتوتر....طب مش هننام
فارس....لا انا مرتاح كده
غزل....فارس
فارس...اممم
غزل.....انا لقيت رقم غريب عندي
فارس....رقم مين
غزل....متسجل ب محمود
ما ان قالت هذا حتي قام فارس بعضها
غزل....ااه
فارس....اسف ي روحي
غزل.... انت تعرفه
فارس....أكيد
غزل....طب اي علاقته بيا
فارس.....مفيش علاقة بينك وبينه و متحطيش ف بالك يمكن انا سجلته عندك بالغلط
غزل.....ماشي
فارس.....اممم
غزل.....نسيت العصير
فارس....عصير اي دلوقتي
خرجت غزل من حضنه وقالت....نزلت عملت عصير مانجا لينا
فارس....اووف
غزل....مالك مش بتحبه ولا ايه
فارس.... لا بحبه
غزل....طب يلا نشربه
فارس.....لا مش عاوز
غزل....لا اشربه ي فارس
فارس ف سره....لتكوني حاطه منوم علشان متحصلش حاجة بينا
فارس....هشرب بعدين ي غزل والله
غزل....براحتك ثم امسكت الكوب وشربته
فارس....براحة ي بابا نزلتي الكوباية فاضية
غزل....بحب المانجا اوي ثم نظرت إلي كوب فارس وقالت....هتشرب ولا لا
فارس....لا
غزل....احسن ثم امسكت الكوب وشربته بالكامل
فارس....طفسه
غزل....دا عصير
فارس....مانتي شربتي كوبايتي
غزل....قولتلك اشرب قولت لا يبقي خلاص
فارس....والله
غزل....اه
فارس وهو يقوم....طب تعالي بقي
غزل وهي تجري....ف ايييه معملتش حاجة
فارس....هعرفك عملتي ايه
غزل.....هههه مش هتعرف تمسكني اصلا
فارس....غزل فاااار
ذهبت ووقفت خلفه.....عاااا فين موته
فارس وهو يمسكها....جبتك لحد عندي
غزل.....بارد أوعي رايحة أنام اصلا
أقترب فارس منها واحتضنها وقال....وانا كمان
غزل....طب ما تنام
فارس....مانا هنام بس ف حضنك قال ذلك ثم قام بتقبيل*ها ثم انزل يده ليفتح ازرار قميصها
غزل بتوهان....فارس
فارس....عيون فارس ثم حملها ووضعها علي الفراش وذهبو لعالمهم........
في الصباح
استيقظ فارس قبل غزل
نظر فارس بجانبه وجدها مازالت نائمة.....لو كنتي بتمثلي كنتي منعتي إن يحصل بينا اي حاجة بس مدام حصل يبقي مبتمثليش ياربي مكنش مفروض يحصل كده منك لله ي جنات ومن كلامك بس عادي دي مراتي هو انا شاقطها
غزل....صباح الخير
فارس بأبتسامة.....صباح الورد
غزل....هاخد دُش وهنزل اعملك فطار
فارس ف سره.....لو قدرتي تمشي اصلا علشان أول مرة
غزل وهي تقوم....ااه
فارس....مالك
غزل بكسوف...مش قادرة اقوم
فارس.....خليكي ي غزل عنيات هتعمله وتجيبه
غزل.....طيب مانا عاوزة اخد دُش
قام فارس وذهب إليها ثم حملها
غزل....بتعمل ايه
فارس....هوديكي الحمام تاخدي دُش
غزل بكسوف....طيب
انزلها و خرج لينظف الغرفة....مفروض اننا متجوزين من بدري يعني قدامها دي مش اول مرة
امسك الملاية وانزلها لعنيات لتنظفها سريعا ثم صعد ليكمل تنظيف
قامت غزل بالاستحمام ثم خرجت
فارس....بقيتي احسن
غزل....اه
فارس....خرعة
غزل....نعم
فارس....اي بيغمي عليكي ياختي علي فكرة انا كده هخونك هااا او اتجوز عليكي
غزل....طب اعملها وانا مش هخلي الدكتور يعرف يخيط فيك غرزه
فارس.....والله
غزل....اه
فارس....أحمد السقا معايا
غزل....بارد
كاد ان يتحدث لكن قاطعهم دق الباب
ذهب فارس وفتح
شمس...صباح الخير
فارس....صباح النور
شمس....معاد دواء غزل جيت علشان ادهولها
فارس....خلاص هدهولها انا
شمس....تمام ثم رحلت
غزل...مين
فارس....شمس بتفكرك بمعاد الدوا
غزل...اممم طيب
فارس....إنتي كنتي ناسية ولا ايه
غزل...معرفش معادهم اصاا
فارس.... اصلا لا اعرفي ياختي واظبطي المواعيد
غزل....اوك
فارس....يلا ننزل علشان الفطور
غزل....يلا ثم نزلو لغرفة الطعام
شمس....صباح الخير
غزل بأبتسامة....صباح النور
عنيات...إزيك ي ست غزل
غزل....إزيك ي عنيات
عنيات....كويسة كده ي ست غزل أكل عيشي كان هيتقطع
غزل....انا اسفة
عنيات....خلاص محصلش حاجة
عفاف....منور السفرة ي ولدي
فارس....نورك ي امي امال فين أبوي
عفاف....راح الشركة
فارس....اممم تمام
عفاف....افطر وروح وراه
فارس....ماشي
ثم قاطعهم دخول عنيات تقول....ف وحدة برا عاوزة فارس بيه
غزل.....وحدة مين
جنات.....انا
غزل....انتي مين
فارس....دي معايا ف الشغل تلاقيها جايبة ورق امضيه
جنات.....اه بالظبط
عفاف.....تعالي افطري ي بتي
جنات....مش هكسف حضرتك ي طنط
عفاف.....يسلم قلبك
ثم قاطعهم دخول عدي يقول....جيييت ي بشر ثم اتصدم من وجود جنات
عدي....انتي بتعملي إيه هنا
عفاف....ف حد يكلم الضيوف اكده يولدي
عدي....انتي جاية عاوزة ايه
جنات....جاية ف شغل
عدي...طيب تعالي نخلص الشغل بره
جنات....بس الشغل ده بيني وبين فارس
عفاف...اقعد افطر يولدي وبعد الفطار شوفو الشغل براحتكم
جلس عدي بغيظ بجانب شمس
شمس بهمس....مين دي
عدي بغيظ....جنات
شمس بصوت عالي....نعم
نظرو لها الجميع ثم قالت....انا اسفة
عفاف وهي تتحدث الي جنات....افطري ي حبيبتي
جنات....بفطر اهو ي طنط ثم نظرت إلي غزل وقالت إنتي مرات فارس صح
غزل....ايوة
جنات....اممم واخدين بعض عن حب
كادت غزل أن ترد لكن قاطعهمرد فارس.....ايوة عن حب واعتقد إنك جاية ف شغل وأمي عزمت عليكي تأكلي يبقي تأكلي من سكات
شمس....ياريت اصل الواحد صدع
عفاف......مالك يولدي
فارس....مفيش خلصي أكل وشوفي رايحة فين انا مش رايح الشغل ثم مسك إيد غزل وسحبها خلفه
جنات بغيرة......سيبها
فارس برفعة حاجب....نعم
جنات....قصدي ملحقتش اتعرف عليها
فارس....مش لازم اصل عاوز مراتي ف حاجة ثم خرجو
عفاف.....كلي ي حبيبتي
جنات....شبعت يطنط عن اذنك ثم خرجت خلفهم فااارس
فارس.....نعم
جنات....مش عاوزني اتعرف علي المدام ليه انا كنت عاوزاها تكون صحبتي
غزل....عادي انا معنديش مشكلة نتعرف ونكون صحاب
فارس.....بس انا عندي
غزل....ليه ي فارس
فارس....غزل اطلعي قدامي ثم نادي عدددي
عدي....نعم
فارس....وصل الاستاذة جنات
عدي....حاضر اتفضلي
جنات....تمام ي فارس ثم خرجت
غزل....ف ايه ي فارس ايه تعاملك مع الموظفين ده
فارس.... لازم يكون ف حدود يلا اطلعي
غزل....طيب
عدي....اتقي شر فارس ي جنات وابعدي
جنات....والله هو بمزاجه وقت ما يكرها يرجعلي ووقت ما يحبها ينساني
عدي....دي مراته
جنات.....وانا حبيبته
عدي....كنتي
جنات....لا مكنتش
شمس....لا كنتي ي حبيبتي ولو ف بالك إنك مثلا مثلا هتأذي أختي علشان نسيت وهتستغلي دا أحب اقولك تؤ مش هيحصل
جنات....امممم أختك
شمس....اه اختي ويلا بره ومشفكيش قريبة منهم
اقتربت جنات منها وقالت....
تابعوني
ليست هناك تعليقات:
إرسال تعليق