رواية أحفاد السياف البارت الاول والتاني والتالت والرابع والخامس والسادس بقلم الكاتبه نداء علي حصريه وجديده
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
رواية أحفاد السياف الفصل الاول والتاني والتالت والرابع والخامس والسادس بقلم الكاتبه نداء علي
 |
روايةأحفاد السياف البارت الاول والتاني والتالت والرابع والخامس والسادس بقلم الكاتبه نداء علي حصريه وجديده
بسم الله الرحمن الرحيم
لا اله الا انت سبحانك اني كنت من الظالمين استغفرك اللهم واتوب اليك
الفصل الاول
💬💬💬💬💬💬💬💬💬💬💬💬💬💬💬
هي دنيا، تدنو وتنأى متى تشاء، تخادعنا بوجهها الباسم فنفتح لها ذراعينا وننتظر بلا فائدة فنعرض عنها ونطلق لأقدامنا العنان نهرول بعيداً عنها فتأتينا هي بكامل زينتها راغبة مستسلمة.
ارتشف سعد القليل من كوب الشاي الأخضر الموضوع أمامه فتبدلت ملامحه وبصقه بغضب قائلاً
جك خابط في راسك يا حياة، إيه الهباب ديه، طعم الشاي ده عفش جوي
وبخته بحدة قائلة
وايه رماك عالمر ياخوي، انت مفيش منك رچا، الدكتور مأكد عليك تنزل وزنك عشان السكر والضغط
نفخ بغيظ وهم واقفا يبتعد عنها وعن كل شيء، اشفقت عليه فلحقت به قائلة
متخافش يا سعد، دلوك كل مرض وله دوا
سعد بصدق وحنين
رايد اشوف عيالي يا حياة، خايف جوي اموت ويفضلوا طول العمر تايهين اكده، أنا خابر اني عفش وطبعي شديد بس اول ما تعبت وحسيت اني مجادرش اتحرك جلبي وچعني عليهم، تفتكري عايشين ولا ايه؟!
ابتلعت ريقها بتوتر وخوف بداخلها ظناً منها أن حامد قد وصل إليهما دون أن تدري فلاحظ سعد صمتها المقلق، ارتجف فؤاده وهمس إليها بتوتر
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
كانك خابرة حاچة يا حياة وساكته
حركت رأسها نفياً واقسمت بصدق
لاه، ورحمة أمك وابوك ما أعرف حاچة، بس الخوف يكون حامد وصلهم.
سعد بهدوء : لاه، اطمني من يوم ما جولتيلي انه رايد يأذي آثر وانا وراه في كل حته كاني ضله
فغرت فاهها بدهشة
كيف يعني؟
سعد : رچالته يا حياة مستعدين يبيعوا روحهم عشان الفلوس
ابتسمت بسعادة
وااه، طلعت يتخاف منك يا ياواد يا سعد، ومجولتليش ليه؟!
سعد : انتِ في الأول والأخير مرته، جولت اخليكِ بعيد يمكن يعرف ووجتها تبجي بعيد عن أذاه
امتعض وجهها وهتفت بحسرة
كانه تخليص ذنوب، كنت مفكراه هيدلعني ويهنيني طلع كيه الديب، تنهدت بندم هامسة
ضيعت شبابي ودفنت روحي معاه وفي الاخر مكلبش فيا كيه الشوك ما هيمسك في الصوف، ياما نفسي اخلص منه.
سعد بيأس : وبعدين يا بنت أبوي هنعمل ايه، هنفضل تحت رحمة حامد الزفت طول العمر
حياة : ربك يحلها، بجولك ايه روج اكده وشوفلك واحدة نغشة تراعيك وتاخد بحسك، انت بفلوسك تتچوز بدل الواحد أربعة.
سعد : تاني يا حياة، ده اخر بت اتچوزتها لهفت نص مَليون وياريتها حتى خلفتلي عيل يعوضني عن عيالي إلا طلعت أرض بور.
لوت حياة فمها هامسة بصوت خافت
وهو انت في مرة تتحملك يا سعد.
اقتربت منه قائلة
نشوف ست حلوة ورايدة تعيش، سيبك من بنات اليومين دول مهيعمروش
سعد بتردد : بعدين، أنا دلوك هدور على آثر ولما اعتر فيه هو واخته كل حاچة هتتغير
حياة : ان شاء الله ياخوي، بجولك ايه.
نظر إليها باهتمام فتحدثت
البت شهد بتي فسخت الخطوبة
تساءل سعد بفضول
وااه، دي تالت مرة تتخطب وتسيب
حركت رأسها قائلة
البت عيارها فالت، أبوها مارعها ومحدش مالي عينها ياما نفسي اچوزها الواد رحيم ابن اختك
قهقه سعد بقوة قائلاً
رحيم وشهد، طب كيف، ده الواد اسمالله عليه ادب وعلام وچمال
حياة بحدة : خبر ايه يا سعد وهي بتي عفشة إياك، ماهي كيه البدر لوما بس ماهي متدلعة وحاسة بچمالها، أنا بجول الواد أولى بيها وكمان رحيم راچل في نفسه اكده وهيجدر عليها.
نظر إليها بتشكك يسعى لثبر اغوارها ونواياها
توترت هي وابتعدت خطوات معدودة قائلة
مالك يا سعد، هتبصلي اكده ليه؟!
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
سعد بجدية :
هملي رحيم وولاد السياف يا حياة، احنا شغلنا كله في الدرا خليهم بعيد عننا أحسن للكل
حياة : اطمن ياخويا، أنا بجولك كلام وخلاص شايفنا ناصبين الفرح وعازمين الخلايج.
سعد : براحتك، انا مليش صالح بس حطي في راسك ان چوزك حويط وفاهم كل حاچة وهيعرف ان رحيم ماضي رايدة توصليه يا حياة وانتِ خابرة زين ان حامد لدغته والجبر.
💬💬💬💬💬💬💬💬���💬💬💬💬
تحدث بهدوء حذر يخفي من خلفه غضب اهوج وجنون يجاهد في دحره
يعني مثلاً هتمنعيني أشوف ولادي
ناطحته هي بقوة نابعة من عمق جرحها منه
حقي يا دكتور، احنا دلوقت مطلقين والولاد في حضانتي
ابتسم بتحدي
اهه، ده الست مخططة كل حاچة ومش بعيد تكوني عضوة في محكمة الأسرة كمان.
أشارت إليه بسبابتها قائلة
بتتريق، طيب ايه رأيك اني هرفع عليك قضية نفقة وطلاق كمان علشان يبقى الطلاق رسمي.
جذبها إليه فشهقت بفزع أثر قربه الشديد، اغمضت عينيها بتوتر وتنهد هو باشتياق هامساً
بكفيانا اكده يا سما، حرام عليكي تعاندي معايا وتحرميني منك، أنا غلطان ياستي، مكنش لازم اسمع كلامك ونوصل للطلاج.
دفعته هي بقهر
عندك حق، الإنسان اللي بيحب صعب يبيع، لكن انت ما صدقت وبعتني في لحظة
استدارت علها تخفي عنه دموعها لكنه لم يتركها، اقترب إلى أن باتت بين احضانه وهمس إليها بصدق
أنا بحبك وخابر انك بتحبيني بس الأهم من الحب هو الأمان، انتِ خونتيني وأنا مستحيل اخون
اجهشت هي في البكاء قائلة بصوت متقطع
انت عاوز مني ايه، ابعد عني بقى وسبني اداوي قلبي اللي كسرته ودست عليه
قبل جانب وجهها بحب
رايدك انتِ، رايد مراتي وحبيبتي وأم ولادي
سما : أنا مش مراتك خلاص.
أكد هو على حديثه
مراتي لآخر يوم في عمري وعمرك، أنا رچعتك لعصمتي ومش معنى اني سايبك تريحي يومين عند والدتك اني بايعك، أنا بس مرايدش اغصبك ترچعي.
عادت إلى شراستها والتفتت إليه
مش هيحصل، أنا خلاص هعيش هنا مع ماما ونزلت قدمت على شغل في مستشفى كبيرة ووافقوا كمان.
تبدلت نظراته إلى حد اخافها فتعمدت النظر بعيد عنه إلى أن قال
شغل، ومن غير ما تاخدي إذني،طب اسمعي بجى يابنت الحلال، أنا ههملك اهنه شهر، ٣٠ يوم تريحي أعصابك وتشبعي من والدتك وبعدها هترچعي البلد بكيفك أو غصب عنك، أنا مهسمحش لأي حد مين ما كان يبعد ولادي عن حضني ومستحيل، بموتي يا سما سامعة، ان عيالنا يتربوا كيه ما اتربيت انا وانتِ، فاهمة ولا لاه.
القى على مسامعها كلماته الاخيرة بصوت تسكنه آلام الماضي وامواجه التي فرقت شمل سلمان ووالديه سنوات.
لم تنتبه سما لمغادرته إلى عندما انتفض جسدها عندما أغلق سلمان الباب من خلفه بقوة مخيفة جعلتها تنظر في أثره بحزن، احتضنت جسدها بيديها وبرودة مؤلمة تجتاحها لتهمس
فاكرني هخاف وارجع تاني بعد ما خدعتني، هتشوف يا سلمان انا هعمل ايه.
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
💬💬💬💬💬💬💬💬💬💬💬💬
تحدث نوح بتلقائية وسعادة ناقصة دون أن يلحظ ما يدور من حوله قائلاً :
النهاردة حسن كلمني، عازمنا على خطوبة رنا
من فرط صدمتها انزلق الكوب من بين يديها فتناثرت اجزاءه إلى أشلاء، اسرع رحيم إليها قائلاً بلهفة :
حضرتك بخير
ابتسمت إليه وقلبها يئن من أجله :
أيوة حبيبي اطمن وابعد انت علشان ايدك متنجرحش.
لم يلق بالاً لقطع الزجاج المتطايرة وساعد ميادة على الوقوف هامساً :
جومي الاول وأنا هنضف المكان
نظر إليها نوح قائلاً :
خلي حد من الشغالين ينضف بالمكنسة وتعالي اجعدي اهنه، مالك يا ميادة وشك مخطوف كانك تعبانه ولا ايه؟
تعلق بصرها برحيم الذي انحنى في صمت يلملم ما تطاله يداه لتشهق ميادة بفزع
وبعدين معاك قولتلك متلمش حاجة وقوم
انتهى هو مما يفعل واعتدل في وقفته قائلاً
خلصت ياست الكل، اطمني
كاد نوح أن يصل إلى ما تخفيه ميادة لولا اقتراب رباب وأطفالها الصغار الذين هرولوا قائلين بحماس
خالوا نوح
ابتسم نوح بسعادة لرؤية شقيقته وتنفست ميادة الصعداء بينما استغل رحيم انشغالهم وهرول إلى غرفته يشكي حاله إلى حاله في صمت
بعد قليل شهقت رباب بقوة قائلة
وااه، وهو حسن ابن المركوب ديه نسي أصله إياك، الله يرحم أمه عديلة الداية، هي الفلوس هتغير النفوس اكده، اخس عليه وعلى اصله الواطي، ادمعت عيناها قائلة
ياجلب عمتك يا رحيم ملكش بخت، وربنا هم الخسرانين ده چزمته بحسن وعيلته من أولها لاخرها
ميادة : خلاص يا رباب اللي حصل حصل أنا قولتلك لأني مخنوقة ومش عارفة اعمل ايه
رباب : تجولي لنوح وهو هيتصرف مع حسن
ميادة : لأ مقدرش، أنا وعدت رحيم
رباب : خبر إيه يا ميادة، انتِ طول عمرك واعية ومخك كَبير، وعد ايه وبتاع ايه، لازم نوح ياخد خبر ويعرف صاحبه على حجيجته، وبعدين نوح لو عرف من برة هيحملك انتِ الذنب وياخد على خاطره، اسمعي الكلام وعرفيه.
تنهدت ميادة باقتناع إلى حد ما قائلة : ان شاء الله خير، هشوف هيحصل ايه.
اعتدلت رباب في جلستها قائلة
كانها عين وصابتنا والله، مين كان يصدج ان سلمان يطلج سما
ميادة : فعلاً معاكي حق، البنت كويسة جدا وهو بيحبها، معرفش حصلهم ايه
مطت رباب شفتيها قائلة بصوت هامس
وهو هيچيبه من برة، طالع لأبوه وأخوه الكبير، تصدجي بالله
اجابتها ميادة : لا اله الا الله محمد رسول الله
ميادة : الدار دي كلياتها مفيهاش غير جلب اخته نوح السياف، ربنا يحفظه ويبارك في عمره
ميادة بغيظ : ماشي ياختي، قال مين يشهد للعروسة
رباب ضاحكة : بذمتك كلام صوح ولا لاه؟
ميادة : صح يا رباب، بس سلمان برده شخصية جميلة وبيحب مراته ومتنكريش ان جاد بيحبك، هو عنيد حبتين بس معندوش أغلى منك انتِ والولاد
رباب : بأمانة ربنا مرات سلمان طلعت بنت أصول ومتربية ومن يوم ما دخلت البيت لا عمرها زعلتنا ولا أدخلت ما بينا وبينه، بس اللي حصل بينهم وراه سر، جاد حاول يفهم منه ايه السبب مفيش فايدة، وأنا اتصلت عليها تلفونها مجفول.
ميادة : ان شاء الله يومين وهكلمه ولو حكمت هسافر لسما وافهم منها اللي حصل، اعتقد ان مهما كان السبب لازم يتراجعوا علشان ولادهم
رباب بحزن : أيوة بس الست ممكن تنسى أي حاچة إلا الخيانة
رمقتها ميادة بنظرة جانبية قائلة
خيانة ايه يا بت، انتِ هتعيشي الدور، دي كانت غلطة عبيطةومن يومها وجاد بقى زي الألف
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
شهقت رباب برفض
وااه، هتدافعي عن اخوكي دلوك، ماهو من يوم الغلطة دي وأنا حاطة عيني في وسط راسي
ميادة : وماله، جوزك وأبو عيالك وحبيبك، اتعبي علشانه وانسي اللي حصل وخلينا في سلمان ورحيم.
رباب : كلام صح، أنا هجولك نعمل ايه مع رحيم، الواد جواد واصحابه طالعين سفاري، خليهم ياخدوه معاهم يرتاح يومين ويروج باله
ميادة : ياريت والله، بس المهم يوافق
رباب : اطمني هو وجواد أصحاب هيكلمه ويتفاهم معاه.
💬💬💬💬💬💬💬💬💬💬💬💬💬💬
كان قاسياً كما لم يكن من قبل، حديثه غير قابل للتفاوض بل هو أمر لا يحتمل الرفض أو القبول إنما عليها التسليم به في صمت
يغادر إلى عمله صباحاً ويرجع عند المساء، يتناول طعامه في صمت وإن حاولت الحديث إليه لا يجيب.
فاض بها واكتفت من تجاهله الذي يهلكها فاقتربت منه
آثر، الله يخليك، اسمعني بس
أشار إليها
اوعاك تجربي مني يا شام، أنا ماسك نفسي عنك بالعافية خليك بعيد احسنلك
حركت رأسها وبكاؤها يعلو بقهر
ليه يا آثر، أنا مغلطتش، كان نفسي أحب واعيش سني كيه البنات، فيها إيه
انتفض واقفا فتراجعت بفزع، صاح بشدة ونفور
وكمان بتعاندي ورايدة تطلعي نفسك بريئة، دايرة على حل شعرك وأنا شغال زي الطور المربوط ليل نهار ومغمي عيني عن الدنيا باللي فيها ومشغلنيش غيرك انتِ وبس
شام : وأنا تعبت، انتهت قوتها الزائفة وهمست بألم
تعبت من الخوف والوحدة، أنا ليل نهار لوحدي، بكلم حيطان البيت ولو خرجت بخاف لحد يشوفني ويعرفني، ما صدجت لجيت واحد يكلمني ويسمعني كلمتين حلوين، يمكن انا غلطت اني خبيت عليك، بس أنا فاض بيا خلاص.
دار آثر من حولها كما الأسد الجريح ونظراته كفيلة بقتلها وهاج بوجهها قائلاً بصوت يملؤه الخيبة
تجومي تچري ورا واحد متچوز، وياريته حتى يستاهل وناوي على چواز، ده اول ما اتكلمت معاه اتهرب مني وجالي معرفهاش.
شام : اكيد كان خايف منك
نظر إليها بترقب وقد بدت له كلماته مريبة
يعني ايه، انت عندك استعداد تتچوزيه وهو معاه مرة تانية
ابتلعت ريقها بتوتر هامسة : مفيهاش حاچة، شرع ربنا ولا هو عيب ولا حرام.
آثر بنظرات ساخطة : كل يوم بتوكد اني معرفتش اربيكي، أكيد أنا السبب.
شام : افهمني بس يا آثر، أنا...
آثر بحدة : انتِ تكتمي، صوتك بيأذيني، رايدك تهدي خالص وتطمني ان شاء الله هتتچوزي ونفرح بيكي بس مش اهنه.
تطلعت إليه برهبة فبادلها بتحدي، تساءلت هي بخوف
انت تجصد ايه بكلامك يا آثر؟!
آثر : كلها كام يوم ونرچع البلد وتشبعي من الناس والحكاوي والعرسان هتلاجيهم عالباب.
اقتربت منه في لمح البصر تقبل يديه برجاء
لاه، كله إلا البلد، ابوك هيجتلني
آثر : يكون أحسن، أهو يريحك ويريحني.
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
شام : واهون عليك يا آثر؟!
آثر : اللي تسمح لحد يستغفل أخوها ويصغره تستاهل، اللي تضيع شرف أهلها تستاهل.
نكست رأسها في خزي وغادرت وتطلع هو إلى أثرها في حزن فمهما فعلت لن يسمح لأحد بايذائها لكنه مرغم على قسوته علها تفيق مما هي مقبلة عليه.
💬💬💬💬💬💬💬💬💬💬💬💬💬💬
التقط نوح زجاجة عطره ونثر منها القليل، اقترب من ميادة قائلاً
اربطيلي الكرافته يا ديدا
هزت كتفيها رافضة
لأ، انت مش هتروح الخطوبة دي يا نوح
نوحَ بغيظ
وبعدهالك يا ميادة، سألتك من يومين عن سبب رفضك اننا نحضروا خطوبة رنا ومردياش تتكلمي
ابتلعت ريقها بألم
انت عارف ان رحيم بيحبها
ضرب كفيه ببعضهما قائلاً
وأنا كلمته وجولتله نخطبها، رفض وجالي انه معندوش نية للچواز دلوك.
اشاحت بوجهها بعيداً عنه بعدما برقت عيناها بدموع الحزن، تخشى أن تفضي إليه بسر رحيم، لن يحتمل نوح كسر كهذا، ولا قوة لديها لتدعه يذهب الي خطبة فتاة لم يتمنى ابنها سواها، ان علم نوح بما قاله حسن ستنشطر روحه، ترددت قليلاً لكنها حسمت أمرها والتفتت إليه تخبره بما فعله حسن من قبل لكنها عجزت عن الحركة عندما استأذن رحيم في الدخول مرتدياً حلة سوداء كلاسيك، أنيقاً بصورة مثالية، ملامحه جامدة وكأنها بلا روح، همس بهدوء
چاهز يا بابا، الوجت اتأخر ومش هنلحج الخطوبة
شهقت بقوة ونظرت إليه عله يكذب ما وصل إلى مسامعها لكنه لم يلتفت إليها وكأنه في عالم آخر.
تحركت دون وعي إلى أن وقفت بمواجهته، مدت يدها تحتضن وجهه بحنو فعقد نوح حاجبيه وفضوله يخبره أن ميادة تعلم ما لا يعلمه هو.
همست بلهجة آمرة : مستحيل اسمحلك تروح يا رحيم، انت ليه مصمم توجع قلبي عليك.
نكس رأسه واغمض عيناه بتعب فانضم إليهما نوح قائلاً
ممكن أعرف ايه الحكاية، شكلك كبرتي عليا يا ست ميادة وبتخبي عني حاچات مهمة.
اعترض رحيم حديثهما قائلاً
مفيش حاچة يا بابا، يلا احنا خلينا نمشي
دفعته ميادة بقوة ونظرت إلى نوح قائلة
صاحبك الواطي رفض يجوز بنته لرحيم، وابنك المحترم رافض إني اقولك، عرفت يا نوح ايه المشكلة
عقد نوح حاجبيه وعلت ملامحه بوادر استيعاب لما تقوله فجذب رحيم إليه قائلاً بحنو
احكيلي ايه اللي حصل، وإياك تخبي عني كلمة واحدة يا رحيم، فاهم
اومأ إليه رحيم بطاعة وكأنه في إنتظار تلك اللحظة، تفاجأ نوح بما يقول لكنه لم يعقب بل انتظر إلى أن فرغ من سرد ما حدث بينه وبين حسن تفصيلاً، رغم انكساره من فعلة صديقه لكنه استطاع أن يبدو صامداً، قويا، مسؤولا كما كان دائماً.
احتضن ابن أخيه في صمت فتشبث به رحيم بكامل قوته، همس إليه نوح قائلاً
لو نصيبك معاها هتتچوزها غصب عن الكل ولو مهياش نصيبك هيبعتلك ربنا الأحسن، اتعلم متبكيش واصل على حد باعك، فاهم يا رحيم؟!
ابتعد رحيم عنه قليلاً وحرك رأسه بالموافقة ليعاود نوح حديثه من جديد قائلاً
دلوك هنروح الخطوبة نبارك ونعمل الواچب
صاحت ميادة بغضب
خطوبة ايه وزفت ايه، رحيم مش خارج من هنا
ابتسم إليها نوح يبثها بعض القوة
خبر ايه يابت خالي، هتكسري كلمتي ولا إيه؟
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تأففت بغضب ورفض قاطع
بقولك ايه يا نوح أنا مبهزرش، ورحيم خلاص هينسي الناس دول خالص ويشوف مستقبله
نوح بجدية : الراچل ميهربش يا ميادة، رحيم راچل وعوده ناشف وهيروح ويبارك ويعرف كل واحد مجامه، مظبوط يا رحيم
سبقه رحيم بخطوات قليلة متوجهاً إلى الخارج قائلاً
أنا هنتظر حضرتك في العربية، اشفق رحيم على ميادة فعاد إليها قائلاً
متخافيش عليا، أنا رايد اروح بنفسي واشوفها مع غيري.
#بسم الله الرحمن الرحيم
لا اله الا انت سبحانك اني كنت من الظالمين استغفرك اللهم واتوب اليك
البارت الثاني من أحفاد السياف
نداء علي
💬💬💬💬💬💬💬💬💬💬💬💬💬💬
وبعض لحظات الوداع تسرقنا، تقتلع افئدتنا دون أن نشعر وتختفي هي ويبقى بداخلنا فراغ الفقد، نتجرع مرارته مرغمين ونبحث عنها علها تأت من جديد ونسترد ما كان لنا في يوم ما.
مد إليه يده بوجه يعلوه الخجل فلم يخيل إليه انه سيأتي مع نوح، ابتسم بتوتر قائلاً :
مرحب يا رحيم، ربنا يرزجك ببنت الحلال ياولدي ونفرح بيك.
اعترض نوح سبيله فحال بينه وبين رحيم، نظر إليه بثقة طعنه هو بما قاله سرا لرحيم، حرك رأسه برفض
لاه، ميصوحش تمد يدك وتسلم على واحد من عيال السياف، مكانتك اكبر من اكده يا حسن باشا.
ابتلع حسن ريقه بخجل ونظر إلى رحيم بغيظ هامساً
افهمني الاول وبعدين نتكلم يا نوح، انت خابر زين انك أكتر من أخ
أشار إليه أن يتوقف عن حديثه
أنا مليش اخوات غير حماد الله يرحمه، اخوي وولدي وتاچ فوج راسي ليوم ما أموت، وابنه يشرف بلد بزيها، يمكن ملوش نصيب ويا بنتك بس مليون بنت غيرها يتمنوه، الباشمهندس رحيم السياف يا حسن ولا ابوه يعيبه ولا يصغره.
حسن : بالله عليك تسمعني، تعالى نتكلم چوة بعيد عن الدوشة
انتزع نوح كفه من بين يديه قائلاً
لو كنت احترمت العشرة والأخوة اللي بينا وكلمتني راچل لراچل كنت هسمعك لكن لما تلف وتدور وتجهر ابني وتحسسه انه مذنب في چريمة معملهاش يبجى لاه، انتهت لحد اهنه، انت راچل وثجت فيا، شاركتني وسلمتلي مالك، بس أنا طلعت عند كلمتي وكل جرش دفعته كسبتك جصاده عشرة، جولتها مليون مره وهجولهالك تاني، الدنيا كلها عندي في كفة ورحيم ولد حماد السياف في كفة لحاله، مبروك يا أبو العروسة ربنا يتمم بخير، بكرة الصبح تكلم المحامي بتاعك يفض الشركة بيني وبينك وربنا يسهلك بعيد عننا.
اقتربت زوجة حسن بخطوات مسرعة بعدما شاهدت نوح ورحيم، كانت ترتجف خوفاً أن ترى ابنتها رحيم فتنهار مقَاومتها وتترك الخطبة وتلحق به، تنهدت بتعب فكم توسلت إلى حسن ألا يجبرها على الخطبة لأخر ولكن دون فائدة، وها هي ابنتها جالسة إلى جوار خطيبها جسد بلا روح، عيناها تغيم بدموع الحزن ولسانها صامت، استمعت إلى حديث نوح ولم تستطع أن تلومه فقد أخطأ زوجها وصدم الجميع برفضه القاسي
همست إلى زوجها
عاجبك دلوقت، شايف بنتك شكلها عامل ازاي، كسرت قلبها وارتحت يا حسن، ربنا يسامحك يا أخي
نهرها بغضب
ابعدي عني دلوك يا أم العروسة، بكفيانا فضايح الناس بدأت تاخد بالها، أنا مغلطتش واللي معچبهوش يخبط راسه في الحيط.
💬💬💬💬💬💬💬💬💬💬💬💬💬💬💬
أحيانا يباغتنا خوف هائل لا نراه لكنه يحتوي أرواحنا فتختنق في صمت ولا نمتلك من الكلمات ما ينفع للبوح عما يختلج صدورنا فتزداد الحيرة ونبتعد أكثر ظناً منهم أننا تغيرنا ونأبى القرب لكننا لم نتغير وكل ما نشعر به اننا خائفون.
مد إليها قطعة من اللحم فامتعض وجهها وهمست بنفور واضح
لأ، بليز مش عاوزة يا لؤي
تطلع إليها يسري بكره وحدث نفسه
شكلك حامل يابنت الملاجيء وناوية تربطي ابني جنبك علطول بس ده في أحلامك انتِ ويزيد، مستحيل تخلفي من لؤي وكل اللي بخطط اخده يجي ابنك ويلهفه وتبقى ثروتي وثروة ابني ملك أيديكم، أنا اللي هاخد كل مليم معاكم وهرجعك مكان ما اتولدتي.
لم ينتبه لؤي لشرود والده بل كان بصره معلق بديمه، يتطلع إليها بقلق وترقب
وبعدين يا ديمه، احنا لازم نروح للدكتور، التعب بتعاك طول ولازم نطمن
أشارت إليه بخوف أكد ليسري ظنونه بعدما اعترضت بقوة
لأ، مفيش داعي، ممكن برد وهيروح
ابتسم إليها لؤي بود وقد أراد أن يطمئن عليها
إيه رأيك تسافري معايا
تساءل يسري بحدة طفيفة فرمقته ديمه بخوف
هتسافر فين، مقولتليش يعني، وبعدين هي تغبانة هتاخدها تعمل بيها إيه؟
تنفس لؤي بعمق كي لا يفقد هدوءه وتناول شريحة من اللحم بروية، ابتلعها لؤي بعد قليل والتفت إلى والدها قائلاً بجدية
ومن امتى بقولك إني مسافر أو بتهتم بالتفاصيل دي؟!
ابتسم يسري بسماجة ونظر إليها بمودة لم تصل إلى قلبها الذي يرتعد كلما اجتمعت به، هب واقفا وكأنه قد تأثر بما قاله لؤي، تحرك خطوتين فتحركت معه مشاعر ابنه الذي هتف بلهجة حائرة
رايح فين يا بابا، كمل أكلك
يسري : شبعت، تصبح على خير
استقام لؤي في عقبه قائلاً
اسهر معانا يا بابا، انت زعلت مني ولا ايه؟!
يسري : لأ، انت قولت الحقيقة، أنا فعلاً طول عمري سايبك براحتك، بس مش معنى كده إني مش مهتم بحياتك بالعكس، أنا كنت عاوزك تعتمد على نفسك وتطلع شخصية قوية
نكس لؤي رأسه بتوتر ووضعت ديمه كفها فوق أسفل بطنها تتحسسه بألم طفيف تجاهد في كبته لكنه يزداد كلما نظر يسري إليها.
لم يعقب أي منهم وتوجه يسري إلى غرفته وعاد لؤي إلى مقعده لكنه عزف عن تناول طعامه بينما اكتفت ديمه بالصمت إلى أن كرر لؤي سؤاله بجديه
هسافر بعد بكرة، تحبي احجزلك معايا، على فكرة هيعجبك المكان جدا
ابتسمت بعدما نال اصراره على اصطحابها اعجابها فهمست بتردد
أوك
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تطلع إليها هامساً وقد تمنى أن يستأثر بها بعيداً عن الجميع
أوك ايه، موافقة نسافر سو؟!
أعلنت تلك المرة عن رضاها التام بعدما انتبهت إلى عيناه اللامعة ببريق شق صلابة مشاعرها واستوطنها فهمست بثقة
أنا عاوزة اسافر معاك، ياريت نبعد عن كل حاجة وكل الناس ولو فترة بسيطة.
💮💮💮💮💮💮💮💮💮💮💮💮💮💮💮
كلما خذلها قلبها وشعر بشيء من الحنين الرقيق لمشاعر ربما كانت صادقة وربما لم تكن سوى وهم نسجه خيالها المراهق أتى إلى مخيلتها مادار بينهما منذ سنوات وما فعله معها جواد، لقد كان الأول في قلبها والأول في نحر مكانته لديها.
ترجلت من سيارتها فارتطم رأسها بكرة جعلتها تتأوه بقوة قائلة
آه، مين الحيوان اللي حدفني بالكورة
ابتسم جواد بغرور
آسف يا سهيلة، مهدتش بالي منك
تطلعت إليها بحدة واشمئزاز جعله يستشيط غضباً، اقترب منها قائلاً بصوت شرس
خبر ايه يابت خالي، كانك شايفه نفسك جوي، هتبصيلي اكده ليه، معچبكيش إياك
اعتدلت في وقفتها وحركت رأسها تسخر من قوله، أشارت إليه قائلة
أنا مش شايفاك من الأساس
جواد بتلميح أصابها بالغضب
يمكن، رغم ان المثل هيجول عمر اللي بيحب ما يكره، ولا إيه؟!
ابتسمت بانتصار ورمته بوابل من الكلمات
بذمتك واحد في سنك مهمل شغله ومال ابوه وجاعد في الدار كيه البنات هيتحب على ايه، على فكرة اللي حصل زمان كان لعب عيال وعبط، انت دلوك لو آخر راچل في الدنيا مستحيل ابصله أو ارتبط بيه، شوف انت وصلت لأيه وأنا بجيت ايه، أنا بكمل دكتوراه وانت لحد النهاردة بتاخد المصروف من ابوك، رغم انك خريچ هندسة.
كاد أن يفتك بها لولا اقتراب رائد منادياً بقوة
سهيلة، انتِ فين يابت؟!
التفتت إلى شقيقها قائلة
معاك أها، كنت بسلم على ابن عمتك، سلام يا جواد، سلم على أمك
قهقه رائد قائلاً
أمك، كانك هتشتميه يابت ولا إيه؟!
ادعت البراءة قائلة
هشتم مين چواد، ده اخويا الكَبير يا رائد، ولا ايه يا چواد
توعدها بنظراته وأكد حديثها بغيظ
اومال ايه، انتِ غالية عندي جوي يا سهيلة وربنا العالم يابت خالي.
💮💮💮💮💮💮💮💮💮💮💮💮💮
لم يجد مكانا يذهب إليه، يود أن يفضي إلى أحد بانكساره فلم يجد، ترقرقت الدموع بعينيه وهمس بألم
اشكي لمين وأنا مليش غيرك يا شام، اشكيلك كيف وانتِ سبب وچعي
ابتسم وكأنه قد حصل لتوه على مبتغاه عندما هاتفه رحيم، التقط هاتفه بلهفة قائلاً
الو، ابن حلال ياواد يا رحيم.
رحيم بصوت كسير : اخبارك ايه يا آثر، فاضي دلوك اچيلك؟!
تهلل فؤاده واجابه بترحاب
ياريت، ياريت والله محتاچ اتكلم معاك، انت فين؟!
رحيم بهدوء : أنا في أول الشارع، ربع ساعة وأكون عندك
أغلق هاتفه وأسرع إلى غرفة شقيقته، دق باب غرفتها فاسرعت إليه قائلة
أيوة يا آثر، أنا أها
لم ينظر إليها وحادثها بقسوة
رحيم چاي دلوك، متطلعيش من اوضتك فاهمه ولا لاه؟!
اومأت اليه بخيبة أمل قائلة
أحب على يدك سامحني وبلاش تعاملني اكده.
اشاح بوجهه قائلاً
اجفلي الباب يا شام ونامي، ومتتكلميش كَتير لأن كلامك لا هيجدم ولا يأخر، تصبحي على خير.
ما ان وصل رحيم تلقاه آثر بسعادة غامرة، عانقه بقوة وكأنه يستمد من صداقته أمل في البقاء رغم كل الأسى، اصطحبه إلى الداخل وهتف بصدق
خابر ياواد يا رحيم راسي كانت هتنفچر من التفكير واجول يارب اكلم مين بس وفچأة انت اتصلت.
تنهد رحيم بصورة ارعبت آثر الذي انتقل من مقعده إلى جوار صديقه قائلاً
مالك يا رحيم، شكلك مهموم
رحيم : أنا تعبان جوي يا آثر، خابر انا بتمنى اختفى.
اغمض عيناه مستكملاً بألم
هيشيلونا حمل غيرنا ليه واحنا شايلين حملنا بالعافية، تعبت من التمثيل.
تساءل آثر
تمثيل ايه بس، انت ماشاء الله عليك ونعم الرچالة، انت كل الناس بتتمنى ولادهم يبجوا زيك اكده.
نظر رحيم أمامه بشرود وشرع في سرد ما دار بينه وبين حسن وكأنه يفضي إلى نفسه بما حدث دون تجميل أو زيادة
ضرب آثر الطاولة الموضوعة أمامه بغضب ورفض لما سمعه واستنكر خضوع رحيم قائلاً
وانت كيف تسمحله يكلمك بالشكل ده، هينسى نفسه إياك، انت غلطان يا رحيم، لا حسن ولا بته يستاهلوا حزنك ده كله.
قالها رحيم بصوت هامس متذبذب
حبيتها يا آثر، وچعني كلامه ووچعني اكتر انها اتخطبت لغيري.
دار بعقل آثر الكثير من الأفكار وكأنه يقرأ في عجالة ما مر به من قبل، تذكر هربه وحياته المهددة، مساندة رحيم له دون شروط أو انتظار لمقابل، ابتسم آثر فقد ايقن الآن أن رحيم ليس صديقا فقط بل هو نعمة ساقها الله إليه وربما كان هو المخرج لحيرته وتخبط شقيقته لذا لم يتردد في قوله الذي صدم رحيم عندما استمع إليه يقول
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
أنا هطلب منك طلب وياريت تفمر الاول جبل ما ترفض أو توافج
رحيم بترقب : اطلب يا آثر، تحت امرك
آثر بأمل : رايدك تتچوز شام اختي، أنا مش هطمن عليها مع حد غيرك وصدجني شام هتجدر تخليك تحبها.
الفصل الثالث
#بسم الله الرحمن الرحيم
لا اله الا انت سبحانك اني كنت من الظالمين استغفرك اللهم واتوب اليك
أحفاد السياف
نداء علي
💬💬💬💬💬💬💬💬💬💬💬💬💬💬
كلما كادت روحه أن تفارقه تأتيه ابتسامتها فتختطفه دون عناء إليها، تمنحه ما لا يمتلكه امرأة سواها، تمنحه الحياة، منذ عودته من الحفل وهو صامت، متكوم على نفسه يدعي النوم وهي إلى جواره هادئة تمنحه فرصة لاستعادة ثباته، اقتربت منه هامسة
اتكلم يا نوح، احكيلي حصل ايه
ابتعد عنها مدعياً رغبته في النوم قائلاً
همليني أنام يا ميادة، أنا مصدع ومجدرش اتكلم
استلقت إلى جواره واحتضنته بقوة تتشبث به بطفولية جعلته يلتفت إليها قائلاً
وبعدين معاكِ، جولتلك هنام
همست بدلال: وأنا كمان هنام يابن شهيرة
وكزها بخفة ناظراً إليها بغيظ قائلاً
الله يرحمها يابت سلمان، جومي يابت شوفي عيالك وحلي عني
احتضنته ببصرها واحتضنت كفه بين يديها هامسة
انت بتهرب مني أنا، بذمتك حد يهرب من نفسه
اختل توازنه وتلاشت قوته والقى بجسده بين ذراعيه، ضمته في صمت إلى أن استطاع البوح بما يريد
أنا تعبان جوي يا ميادة، جلبي واچعني ونفسي صعبانة عليا جوي، حاسس روحي متعري وسري مكشوف، خابرة يا ميادة أنا اعتبرت حسن سند طول السنين اللي فاتت وفي وجت اعتبرته أخ، كنت حاسس انه عوض عن حماد الله يرحمه، اختنق صوته بانكسار فقبلت ميادة وجنتيه بحب هامسة
لو جينا لاحق حسن طول عمره واقف في ضهرك يا نوح، عمره ما سمح لحد يتدخل ما بينكم وعمره ما عمل فرق بينك وبينه، أنا فاهمه زعلك منه بس هو معذور، انت نفسك طول الوقت كنت خايف على رحيم وخايف منه، يمكن خوفك الزايد ده سبب من أسباب رفض حسن.
تنهد بقوة قائلاً
كلامك مظبوط وده اللي واچع جلبي، حاسس بالذنب من ناحية الواد، أنا ظلمته بخوفي عليه.
ميادة بتعقل : تفتكر ان في انسان في الدنيا يقدر يمنع قدر ربنا، صدقني لو مكتوبله يتجوز رنا هيتجوزها، ولا نسيت احنا اتجمعنا امتى وازاي
ابتسم بحزن
وهو لازم يتألم ويتحرم من حبيبته يا ميادة، مكتوب عليه يبعد ويتوچع كيه ما حصلنا
ميادة بحنين : كل شيء بأوان، المهم انك معايا، وأن شاء الله رحيم هياخد اللي تستاهله، وانت خليك قوي كده علشان يحس انك معاه وفي ضهره
نوح بود : حاضر، ان شاء الله هحاول.
💬💬💬💬💬💬💬💬💬💬💬💬💬💬
برائتها تصهر فؤاده، تمنحه رغبة لا تهدأ، عطش هو إليها في كل لحظة، وكم يهلكه خجلها الفطري الذي يؤكد له كذب تلك الرسائل التي تأتيه بين حين وآخر، رسائل تخبره بميلها لرجل سواه، تنفس بجهد بعدما لاح بمخيلته ما تلقاه في المرة الأخيرة، ديمه خائنة، عاشقة لأحدهم وتلتقي به، بداخله صراع، لديه يقين بأن تلك الادعاءات ماهي إلا ذريعة للتفريق بينهما ومع ذلك هو غاضب، حائر، خائف حد الهلع.
نظر إلى الباب المغلق الذي يحول بينهما وناداها بصوت متعب
ديمه، اتأخرتِ ليه كده، انتِ كويسة؟!
جاهدت هي في استحضار صوتها الذي كاد أن يخبو من فرط تألمها، لقد هاجمتها إحدى نوبات التقيؤ التي تصاحبها قبل أن تعلم بأمر حملها، وها هي تعاني بمفردها، تتوق إلى مشاركة لؤي بأمر الضيف الجديد وتخشى أن تخبره، وربما كان والده ما يخيفها، تنهدت قائلة
دقيقة وهخرج لؤي، اطمن أنا بخير.
هز رأسه دون تعليق واكتفى بالنظر إلى شاشة التلفاز المعلق أمامه يود الهرب لكنه لم يستطع، تحرك بخفة وبصره يهرول باحثاً عن هاتفها، التقطه بحذر وتردد في فتحه قليلاً لكنه فعل.
ابتسم بخفوت بعدما استطاع النفاذ إلى المحادثات لكنه لم يجد لديها أصدقاء سوى القليل، عدد لا يتخطى أصابع يده، لم تتحدث إلى أحد غير والدتها، تنهد قليلاً قبل أن ينتقل إلى الصور، لا صور لديها سوى يزيد وسهيلة، تعجب لؤي فحياتها محورها هما فقط، لا توجد صور شخصية لها، كاد أن يترك الهاتف لكنه أصابه الفضول ليرى تلك الصور المميزة التي احتفظت بها في ملف خاص، اغمض عينيه باستمتاع عندما شاهد صورهما سويا، اتسعت ابتسامته إلى أن اقتربت هي دون أن يدري قائلة
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
آسفة لؤي، اتأخرت عليك
التفت إليها هامساً
انتِ كويسة، لو تعبانة نروح للدكتور
حركت رأسها بنفي قائلة
لأ، أنا بس محتاجة ارتاح، احنا اليومين اللي فاتوا مش ارتحنا واتحركنا كتير
اقترب منها ناظراً إليها برغبة قائلاً
تعرفي ان الأسبوع ده أجمل فترة عشتها في حياتي
توردت وجنتاها وهمست بتردد
أنا كمان حسيت كده، أنا أول مرة احس إني حرة
حلق فؤاده بما قالته، بدا وكأنه طفل صغير أثنى أحدهم على أفعاله
تساءل في ترقب ولهفة
بجد يا ديمه، يعني مش حاسة إنك زهقانة
ديمه بصدق : لأ خالص، بالعكس يا لؤي انا حاسة إني بتعرف عليك من جديد.
بات ملاصقاً لها وكأنه يسكن كيانها، ضمها إليه بضعف هامساً
أنا معاكِ بعيش حاجات كتير صعب افهمها، أنا خايف احبك يا ديمه، صدقيني لو حبيتك أنا وانتِ هنتعب.
رفعت وجهها إليه فتلاقت اعينهما واكتفت ديمه بنظرة جعلته يتراجع عن جديته ومخاوفه ويلقي بالعالم وراء ظهره، قبلها بعنفوان جعلها تستسلم لطوفان مشاعره الهوجاء وتناسى هو كل شيء سواها فعندما تصبح بين يديه يغدو كل شيء بلا أهمية.
💬💬💬💬💬💬💬💬💬💬💬💬💬💬
هكذا نحن لا نقيم لأشعة الشمس الذهبية وزنها إلا عندما تسطو غيوم اليأس فوق رؤوسنا، لقد ظن أن مصيرها إليه وانها لن تكن لآخر سواه.
نظر إلي والدته بفزع قائلاً
كيف يعني، عتخطب لمين؟
وكزته رباب بحدة وغيظ توبخه بألم منه ومن أجله
وانت مفكر إيه، ماشاء الله عليها عروسة كيه الجمر، مال وچمال وأبوها نوح السياف، هيچيلها بدل العريس ألف يابن چاد
ابتلع ريقه بتوتر وتغضن جبينه عرقاً، نكس رأسه قائلاً بهدوء
بس أنا ابن خالها وابن عمتها وأولى من أي حد، كلمي خالي وجوليله اني رايدها
رباب بشماتة
مكنش يتعز ياجلب امك، ياما اتحايلت عليك زمان وانت جولتلي لاه، سهيلة كيه اختي الصغيره، أهي كَبرت وجلبها مال لغيرك، والعريس المرة دي على كيفها وريداه وخالك مهيجولش لبته لاه، دي الحيلة ونن عينه ياخويا.
تبدلت نظراته وتخلى عن ثباته وابتعد عن والدته ناظراً إلى الفراغ قائلاً
هنشوف، هنشوف اخرتها مع الست سهيلة وفي الاول والآخر مرچوعها لعندي وبكرة تجولي چواد كلامه صحيح.
استقامت رباب واقفة ونظرت إليه نظرة شاملة تقيم من خلالها ما يريده ابنها، تحركت نحو غرفتخا قائلة
ابعد عن بنت خالك وهملها في حالها، ربنا يسعدها ويبعتلك بنت الحلال، ملكش صالح بسهيلة يا چاد أنا مجدرش على زعل نوح، فاهم ولا لاه
چاد بحدة : يعني ايه الكلام ده، أنا هروح واكلم خالي بنفسي
رباب : يا طور هجولك خلاص، البت خطوبتها السبوع الچاي، وبعدين مالك اكده كانك واخدها عند، ما جولتلك وكان هاين عليا أحب على يدك لاچل ما ترضى وتخليني اكلم أخويا، اشمعنى دلوك، الموضوع خلص وأنا كنت عندهم الصبح وميادة بلغتني بالخبر، شد حيلك انت بجى وشوف مصلحتك وشغلك، على رأي المثل، بعد ما دخل المجبرة.....
تركته واقف كما التمثال لا يصدق ولا يود أن يقبل الواقع ولسان حاله يردد أن سهيلة مازالت تحبه وانها لن تتخطاه بتلك السهولة.
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
💬💬💬💬💬💬💬💬💬💬💬💬
استمعت إلى حديثه بتفهم ورغم غضبه وحدته التمست له العذر، انتهى سلمان من ثورته قائلاً
أنا ممكن ببساطة اخدها غصب عنها وارچعها معايا الصعيد هي والولاد، بس أنا ماشي معاها بالأصول، لكن متوصلش انها تنزل تشتغل وتكسر كلامي.
اومأت إليه قائلة
معاك حق يابني، بس انت برده غلطت يا سلمان، صدقني أنا مش بدافع عن سما ولا بدور على مبرر لتصرفاتها، بس بنتي لما اتجوزتك أنا كان عندي أمل انك تحتويها، تطمنها وتخليها تتغير وتواجه الدنيا.
سلمان : حضرتك أنا مجصرتش معاها، أنا بحبها وربنا شاهد اني بعاملها بما يرضي الله، وبعدين هي عمرها ما اشتكت.
اجابته بصدق :
ولا هتشتكي، في ناس بتقدر تصرخ وتتألم وناس لأ، الآه بترفض تخرج من جواها، أنا بنتي طول عمرها كتومة كانت تموت من الوجع وعمرها ما تقول، كنت بشوفه في عنيها.
سما عاشت بعيد عني سنين وقضت عمرها كله مع أبوها ومع ذلك مقدرش يطمنها ولا يشيل خوفها، وانت عملت كده يا سلمان
اقتربت منه ناظرة إليه بثقة من اجابته
أنا واثقة ان سما عمرها ما اتكلمت معاك عني أنا وأبوها، تنكر ان حياتها معاك مقتصرة عليكم وبس، عمرها ما عيطت في حضنك ولا فضفضت معاك
نكس رأسه قائلاً
بس هي خابرة اني بحبها
ابتسمت بلطف هامسة
وهي بتحبك وعمرها ما شافت راجل غيرك بس للأسف بنتي محتاجة أمان واحتواء أكتر من الحب، بنتي عطشانة للأمان لأنها اتحرمت منه سنين يمكن أنا حبي ليها عوضها جفا أبوها لكن عمري ما قدرت اديها الأمان في غيابه.
صدقني أنا من أول لحظة شفتك فيها قلبي ارتاحلك كأنك ابني، عرفت انك نصيب بنتي وقدرها، طول بالك عليها واثبت لها إنك عاوزها
مسح سلمان على وجهه قائلاً
ممكن تديني عنوان المستشفى اللي المدام شغالة فيها
ترددت قليلاً لكنها لم تجد أمامها من بد فمنحته العنوان قائلاً بتمني بعدما غادر سلمان
ربنا يهديكِ يا سما، ربنا يسعدك يابنتي ويجمع بينك وبين جوزك من تاني.
.......................................................................
بلغ مقصده وبداخله بركاين متصاعدة، يود أن يحتضنها إلى أن يهلكها بين يديه، عنيدة هي لكنه يعشقها، ربما كانت والدتها محقة لكنه لم يتعمد أن يؤذيها، ترجل من سيارته وبحث عنها إلى أن رأها، تأملها قليلاً دون أن تلحظ هي، تحرك نحوها بهدوء إلى أن بات على مقربة كافية منها فتحدث بهدوء
السلام عليكم يا مدام سما، مبروك الوظيفة الچديدة
شهقت هي بفزع قائلة
انت ايه اللي جابك هنا ياسلمان، الولاد كويسين؟!
سلمان : الحمد لله بخير، اطمني يا حبيبتي، بس أنا اتوحشتك جولت اچيلك بنفسي
لوت فمها بسخرية قائلة
لاوالله، جاي من الصعيد مخصوص علشان وحشتك، ده أنا كنت معاك ليل نهار مكنتش بوحشك يا دكتور
حرك حاجبيه بتسلية قائلاً
لاه والله اتوحشتك جوي، ما تيچي نروح بيتنا وأنا اثبتلك
شهقت بفزع قائلة
سلمان اتلم، احنا في مستشفى، وبعدين يلاروح أنا عندي شغل وآه صحيح كويس انك جيت النهاردة أنا مسافرة الاسبوع الجاي لو تحب تاخد الولاد عندك لحد ما ارجع معنديش مانع.
تحدث دون تفكير وقد غلبته غيرته
ومسافره مع مين ان شاء الله؟
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
ابتسمت ببرود وهمست بصوت لا يسمعه سواهما
وانت مالك!
سلمان بحدة : مفيش سفر، متنسيش انك جدام الحكومة لساتك مرتي
ابتعدت قليلاً لتهدأ من غيظها فهي لن تسمح له بالانتصار عليها وركزت بصرها عليه
هسافر يا سلمان، أنا خلاص بقيت طليقتك مش مراتك روح شوف واحدة من اللي كنت بتعرفهم عليا واتحكم فيها براحتك، أنا بكرهك فاهم يعني ايه؟!
ارتدى نظارته الشمسية واقترب من وقفتها قائلاً بثقة
معناها انك لسه هتحبيني، بس كرامتك وچعاكي حبتين، عالعموم سفر مفيش واعملي حسابك يوم الچمعة هچيلك واخد ولادي افسحهم، اقترب كثيراً هامساً بتملك وتأكيد
ولادي يا مدام، اسيبك دلوك وانتِ روحي اعتذري من مديرك وعرفيه ان معندناش ستات تسافر من غير محرم،والله عال يا ست سما، هنشوف يابت عم هاشم
💬💬💬💬💬💬💬💬💬💬💬💬💬💬
كاد أن يجن، يمقت يزيد ويمقت كل ما يمت له بصلة، تغير لؤي وميله الواضح تجاه ديمه لم يخفى عليه، لا يصدق أن فتاة مثلها استطاعت أن تكسر شوكة ابنه، تحسر بغيظ قائلاً بعدما تملك منه الخمر ولعب برأسه
بقى بنت الملجأ دي توقع ابني، الظابط اللي عرف بنات بعدد شعر راسه، يحب بنت يزيد ويخلف منها كمان، أنا مستحيل اسمح بحاجة زي دي ولو وصلت إني اخلص عليها مش هتردد أبدا
استغل صاحبه حالته وتحدث إليه بتفهم قائلاً
واللي يخلصك منها، تديله كام
انتبه إليه بكامل تركيزه
اكتبله شيك على بياض، يكتب المبلغ اللي يعجبه من مليون لعشرة
صُدم الرجل ونظر إليه بدهشة قائلاً
للدرجة دي بتكرهها؟!
تجرع يسري ما تبقى بالكأس دفعة واحدة وتحدث بشرود
جدا، لما بشوفها بتخنق وكأنها شيطان، بقولك بنت حرام، عاوز احفادي تبقى أمهم واحدة لقيطة ملهاش أصل.
رفع الرجل الكأس بوجه يسري قائلاً
خلاص اعتبره تم، في صحتك يا يسري باشا.
الرابع
#حصري
بسم الله الرحمن الرحيم
لا اله الا انت سبحانك اني كنت من الظالمين استغفرك اللهم واتوب اليك
#نداء_علي
احفاد السياف
💬💬💬💬💬💬💬💬💬💬💬💬💬💬
زفر نوح بضيق قائلاً بلهجة يشوبها بعض الدهشة
وهو واد عمتك كان ا؛ تراها إياك، اختك حرة تختار اللي يعچبها
رائد : بس چواد أولى بيها
نوح : أولى بيها طبعا، بس اشمعنى دلوك، خطوبة اختك بكرة الصبح، اتصل على العريس واجوله معلهش مفيش نصيب أصل ابن خالها صحي من النوم واكتشف انه أولى بيها، أطلع عيل جدام الناس يا رائد باشا لاچل خاطر ابن خالك الأهبل
تحدثت ميادة التي أتت وبين يديها كوب من الشاي وشطيرة تناولت ما يقارب نصفها، استنكرت قول نوح قائلة
وهو جواد بس الأهبل، ما ابنك أهبل منه، عاوز يجوز اخته لرائد جبر خواطر لأنهم اصحاب.
اقترب رائد من ميادة ناظراً إليها بغيظ قائلاً
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
هتفطري لحالك يا ميادة وچاية تشتمي كمان.
ابتسمت بانتصار مقربة لقمة صغيرة اقطتعتها بحب ووضعتها بفم نوح قائلة
وأنا هفطرك ليه ياض، أنا هفطر أنا وجوزي، اقولك روح افطر مع جواد وقوله استعد لخطوبة بنت عمتك يا حبيبى.
عاد رائد إلى جديته قائلاً
على فكرة يا ماما چواد راچل ويعتمد عليه.
تحدثت ميادة هي الأخرى بجدية مماثلة قائلة
حبيبي، ولاد خالك كلهم حتة من قلبي، ولو اختك كانت ميالة له اكيد مكناش هنعترض، لكن خلاص ملهمش نصيب مع بعض وغير كده جواد محتاج يتغير ويعتمد على نفسه وانت عارف ده كويس، مظبوط؟!
تناول نوح كوب الشاي من بين يديها فشهقت قائلة
نوح، هات الشاي بتاعي.
ارتشف القليل قائلاً
لاه، الواد ابنك صدعني عالصبح، هشرب كوبايتك واعملي لنفسك غيره.
مدت إليه يدها بما تبقى من طعام قائلة
كل السندوتش الأول، بالهنا والشفا
تركهما رائد قائلاً بغيظ
وربنا حرام، ميادة بتكلمني كأني چوز أمها ومدلعة نوح السياف ومطنشه عيالها، أنا هروح افطر عند عمتي رباب أهو نستفيد بحاچة من العيلة دي.
نهرته ميادة بغيظ
أوعى تخرج يابن نوح، تعالى صحي رحيم وتنزل تفطروا سوا، عملالك فول بسمنة بلدي هيعجبك أوي.
رائد : اكده الكلام التمام، هطلع اصحى رحيم وچايلك هوا.
جلست هي إلى جوار نوح قائلة
أنا هنزل مع سهيلة نشتري شوية حاجات، هتخرج معانا؟!
حرك رأسه قائلاً
لاه، عندي شغل كَتير وبعد ما أخلص هفوت على كام واحد اعزمه عالخطوبة، ورحيم ورائد يكملوا، روحي انتِ وهاتيلها اللي تطلبه كله.
💬💬💬💬💬💬💬💬💬💬💬💬💬💬
كانت تجلس بينهم بلا روح، فؤادها يهفو إلى صوته، تتخيل أن ما يحدث كابوس مزعج وينتهي قريباً، تحدث إليها حسن بصوت يغلفه الأسى قائلاً
ايه رأيك يا رنا، أيمن ووالده رايدين نسافروا عندهم كام يوم عالفيوم، عندهم هناك أرض ومزرعه حلوة جوي.
نكست رأسها هامسة بشرود
زي ما تحب يا بابا
نظر إلي والدتها قائلاً بغضب
شايفه بتك وردها البارد، يعني ايه زي ما تحب، هو أنا اللي هتچوز، مش مكفيها أسلوبها مع الراچل وكأنها مطيجهوش
هبت رنا واقفه بعدما استفزها قوله
وأنا فعلاً مش طيقاه، إيه الجديد ومع ذلك حضرتك مصمم أكمل معاه، جاي دلوقت بتسألني عن رأيي في زيارة لا هتقدم ولا هتأخر
كاد أن يفتك بها حسن فحالت بينهما زوجته لكنه لم يتوقف عن ثورته بل هاجمها بغضب منها ومن نفسه
انتِ عيلة جليلة الحيا والرباية
شهقت باكية تلتقط أنفاسها بصعوبة قائلة
لأ، أنا متربية جدا وإلا مكنتش طاوعتك واتخليت عن الإنسان اللي قلبي اختاره، صدقني يا بابا أنا مستحيل أسامحك على ظلمك ليا، مستحيل.
أشار إلى زوجته قائلاً
خدي بتك دلوك وبعديها عن وشي وإلا همد يدي عليها، سامعة
احتضنها والدتها بخوف قائلة
تعالي معايا ياقلب ماما، تعالى يا رنا ربنا يهديكي يابنتي، التفت إليه قائلة
ويهديك انت كمان، مش فاهمة حصلك إيه بس.
عادت بعد قليل، تحدثت إليه بحدة قائلة
مش معنى إني ساكتة على تصرفاتك ياحسن يبقى خلاص، أنا معنديش أغلى من عيالي ولو حسيت انك هتأذي حد فيهم صدقني مفيش حاجة هتمنعني أخذهم ونسافر برة مصر من تاني
انتفض حسن قائلاً
وااه، ده تهديد ولا إيه شكلك ناسية إني أبوهم ومن حجي اعمل اللي فيه مصلحتهم
اقتربت هي تتحدث بغيظ
مصلحة ايه، أنا شايفة إنك بتدور على مصلحتك انت، رنا مش فارق معاها رحيم ابن مين ولا اهله عملوا ايه، لكن انت مهتم بكلام الناس ومظهرك الاجتماعي
حسن : رنا عيلة مفهماش حاچة، وانتِ ماشية ورا عواطفك، أنا خابر زين إن چوازها من واحد أبوه شمام وأهل أمه ناس واعرة وسيرتهم توچع البطن هيدمرها، بتي بتكمل دكتوراة وچميلة وألف مين يتمنى ضفرها، اچوزها لواحد معيوب ليه
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
شهقت باستنكار
معيوب! انت تفكيرك غريب، وهنفترض ان كلامك صح، بنتك بتحبه، إيه مش فارق معاك؟
حسن : لاه مفارجش لأنه كلام فاضي، وهم ومسيرها تنساه.
💬💬💬💬💬💬💬💬💬💬💬💬💬💬
منذ لقاءه الأخير مع آثر وعقله يتأرجح بين الرفض والقبول، بداخله نزعة نحو القبول، لما لا يرتبط بواحدة تشبهه، مؤكد أن شام لن تعايره يوماً بماضيه فهي على دراية بكل ما عايشه من قبل، مازالت حديثة السن وبإمكانه أن يشكلها كما يشاء، لكنه مغرم برنا، كيف يأخذ من ابنة خاله مسكن لما يعانيه، جاهد في نحر تلك الأفكار لكن حائر، ماذا ان تزوج بلا مشاعر، لما لا يرتبط كما يفعل البعض، زواج يخلو من المشاعر وقد تأتي فيما بعد حتى وإن لم تأت فلا بأس.
ترى هل يقبل نوح وتقتنع ميادة أم انه في الطريق نحو حربا جديدة لا قبل له بها.
القى بجسده فوق فراشه وتأوه هامساً
مينفعش يا رحيم، هتتچوز كيف وانت روحك مع غيرها، هتفضل طول العمر تفكر في رنا وانت مع غيرها، امتعض وجهه وقست ملامحه قائلاً
وايه المانع ماهي راحت اتخطبت وعايشة حياتها، اعيش أنا كمان وهنساها، الحياة هتمشي، وبعدين آثر صاحبي ومجدرش ازعله.
انتفض بفزع عندما اقتحم رائد الغرفة قائلاً
جوم يا رحيم، أنا چعان ورايد أفطر
التقط رحيم وسادة كبيرة والقاها بوجهه قائلاً
أبو شكلك عالصبح، في حد يدخل كيه التور اكده
حرك رائد رأسه إلى الأمام مؤكدا قوله
آه، أنا، جوم يلا ورانا شغل ومشاوير طول اليوم.
اعتدل رحيم قائلاً
انزل انت افطر ولما تخلص نخرج
أصر رائد على البقاء إلى أن يهبطا سويا
لاه، هننزل سوا انت نمت من غير عشا ولازم تفطر
رمقه رحيم باستهزاء قائلاً
خبر ايه ياعم، انت مفكر نفسك أمي
حرك رائد يديه في الهواء قائلاً
لاه، بس لو منزلتش دلوك هجول لميادة وشوف هي هتعمل ايه، هتنزل بما يرضي الله ونفطر ولا ابعتلك ميادة وتنكد عليك وبرده هتخليك تفطر.
استجاب له رحيم وابتسم إليه قائلاً
الطيب أحسن يا باشا، نفطر بالأدب بدال ما نسمعلنا كلمتين حلوين.
💬💬💬💬💬💬💬💬💬💬💬💬💬💬
يدفعنا اليأس نحو أحضان الغرق فنتشبث بكل ماهو خاطيء وتفقد أعيننا بريق الصواب ونواصل رحلتنا وسط أمواج التيه إلى أن يغدو بر الأمان محالاً.
اعترضت على تعنت كلماته وهتفت بقوة
لؤي، بليز أنا مش اتعودت ان حد يقرر عني أي حاجة، انا لبسي عادي مفيش داعي كل يوم تقولي البس ده واغير ده
لؤي : أنا جوزك ومن حقي أغير عليكي.
ديمه : تغير!
توقف هو عن الحديث وترددت بعقله الكلمة، هل يشعر حقا بالغيرة أم انه يتوهم، تطلع إليها وكم بدت بعينه فاتنة، لا يعلم لما تزداد جمالاً في كل لحظة وكأنها تستمد بريقها من منبع لا ينضب، مسح على وجهه بغضب قائلاً
ديمه، غيري اللبس ده وبلاش خناق عالفاضي، أنا حقيقي مصدع ومش فايق
ديمه بحزن
خلاص مش عاوزة اخرج، أنا هنام
جذبها إليه بقوة فتأوهت ناظرة إليه بعتب جعله يرخي قبضته ويعلن عن استسلامه قائلاً
أنا آسف، مش قاصد اوجعك، بس بلاش لما تلاقيني متعصب تزوديها يا ديمه
نكست رأسها قائلة : انت ليه اتغيرت، كنت انبارح مبسوط، حصل ايه؟!
لؤي بصدق : مش عاوز نرجع تاني، أنا...
استمعت إليه بترقب لكنه لم يجد ما يقول، مسد فوق رأسها قائلاً
يلا ننزل نتغدى، أنا جعان واكيد انتِ كمان جعانة.
حركت رأسها قائلة
لأ عادي، مش عندي نفس
تحرك بخفة ولم يفلت يدها قائلاً
بلاش دلع، لما أقولك حاجة تقولي حاضر، مفهوم
لوت شفتيها بغيظ فقهقه باستمتاع وتحركا سويا يحتضنها بحميمية غافلين عن تلك الأعين المتربصة بهما،ابتعد ذاك الرجل الغامض وهاتف أحدهم قائلاً
خلي بالك، دقيقة وتلاقيهم قدامك، اوعى تأذي لؤي ركز على البنت اللي معاه، فاهم.
أنهى الإتصال وهرول ناحية الشارع الخلفي للفندق يتطلع إلى المكان بحذر، انتظر قليلاً قبل أن تأتي سيارة سوداء بإتجاه ديمه ولؤي وقبل أن يعي أحدهم ما يحدث سقطت هي أرضا بعدما ارتطم جسدها بتلك السيارة ليقف لؤي عاجز عن الحركة وينسحب الفاعل في صمت وقد حدث ما أراده تماماً.
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
الخامس
بسم الله الرحمن الرحيم
لا اله الا انت سبحانك اني كنت من الظالمين استغفرك اللهم واتوب اليك
أحفاد السياف
نداء علي
🌸🌸🌸🌸🌸🌸🌸🌸🌸🌸🌸🌸🌸🌸
ولا تسطر روعة البدايات نهايتها بل تخطها تدابير القدر وامواج العمر التي تظهر الحقيقة فلا تغرق في بحور العسل الكاذبة وعليك بالترقب والحذر حتى يأتيك اليقين.
بقى ثابتاً وكل ما حوله يدور مهرولاً، لم يحرك ساكناً وكأن تلك السيارة التي اطاحت بزوجته صدمته هو أولا، عقله عاجز عن اللحاق بركب الواقع وقلبه يخشى أن يغدو وحيدا من جديد.
اقترب أحد الأطباء متحدثاً إليه بالإنجليزية قائلاً
نود موافقتك على إجراء جراحة عاجلة، وقد نضطر إلى التخلي عن الجنين.
رفع لؤي بصره إلى الطبيب قائلاً بصوت مختنق، يحتضنه فضول ودهشة
ماذا تقصد، هل زوجتي حامل.
تعاطف معه الطبيب كثيراً فحدثه بهدوء وتفهم
أجل، وقد تفقده أثناء الجراحة فحالتها حرجة
لم يتردد لؤي والتقط من بين يدي الطبيب تلك الأوراق يوقعها في صمت، ناوله إياها من جديد قائلاً
عليك الاهتمام بزوجتي أولا، لا أريد سواها
ابتسم الطبيب بعملية وغادر مسرعاً وعاد لؤي إلى مقعده الفارغ يبتسم بيأس فعلى ما يبدو أن حياته تسير عكس ما يتمنى.
رفع رأسه ناظراً ناحية الصوت المنادي باسمه، عقد حاجبيه عندما ظهر على مقربة منه والده ومن خلفه سهيلة تجر قدميه بوهن ويزيد إلى جوارها يساعدها على الصمود
قطع المسافة بينهم وأسرع نحو والده قائلاً
حضرتك قولتلهم ليه، أنا بلغت أنت علشان كنت محتاج اتكلم مع حد
يسري ببرود
غصب عني والله، انت عارفني لما بزعل مبقدرش اخبي وبعدين مسيرهم يعرفوا، ازاحه عن دربه قائلاً
خليني اخد نفسي واقعد أرتاح، يزيد هد حيلي بيجري كأنه في سباق واحنا وراه لحد ما قطع نفسنا
انتحبت سهيلة قاذلة بصوت يكاد أن يخبو من فرط ألمه
كمان مش عاوزنا نعرف، عاوز تخبي عني ان بنتي هتروح مني، بقى هي دي الأمانة يا لؤي
امتعض وجه لؤي بينما نكس لؤي رأسه بندم رغم أنه لم يقصر في حقها لكنه شاعر بالذنب، همس إليها يزيد
كل شيء بأمر الله، هو في ايده إيه يعمله، ادعيلها تقوم بالسلامة
يسري : كلام مظبوط يا أخويا، قال أمانة قال، كأن ابني السبب في اللي حصلها، راعي كلامك شوية يا سهيلة
لؤي :خلاص يا بابا، هي خايفة على بنتها وده حقها، انا مش زعلان
أسند يسري رأسه إلى الحائط من خلفه يدعي التعب والجهد بينما بداخله سعادة لا توصف.
💬💬💬💬💬💬💬💬💬💬💬💬💬💬
خبر ايه ياواد يارحيم، نسيت خالتك يا حزين، ولا تكونش ميادة البومة موصيك متسألش
اجابها بهدوء
لاه والله يا خالة حياة، بس خطوبة سهيلة اختي اليومين دول ومشغولين، ان شاء الله أول ما تعدي الخطوبه على خير هتلاجيني عندك
حياة : وااه، هتتخطب لمين، حد نعرفه ولا واحد من بلاد برة؟!
رحيم : وكيل نيابة، وأبوه راچل أعمال معروف
حياة : ماشالله، فالحة كيه أمها.
رحيم بهدوء : خالي سعد أخباره ايه؟
حياة : والله صحته في النازل يا جلب خالتك، الله يسامحهم عياله هملوه لحاله وياريته خابر مطرحهم كان جلبه ارتاح.
قالتها حياة بمكر علها تصل الى شيء يدلها على مكان آثر وشام لكن رحيم تحدث إليها بحرص قائلاً
ربنا يردهم ان شاء الله ويطمنا عليهم.
حياة بحزن مصطنع : يارب ياحبيبي، بس المهم ياواد انت متاخدنيش في دوكة وتتهرب كيه كل مرة، أنا هستناك السبوع الچاي عالغدا، عمك حامد مسافر بكره وهيرچع كمان كام يوم وهو نفسه يشوفك ويجعد معاك حاكم هو بيعزك جوي، وشهد كمان واچعة راسي كل يوم تسأل عنك، اتوحشتك جوي
ادعى هو قدوم أحدهم فمد يده نحو الطاولة الموضوعة أمامه وطرق بقوة قائلاً
مين هيخبط؟
تحدث إلى حياة قائلاً
هشوف مين هيخبط يا خالة واكلمك تاني، سلمي على خالي وچوز عمتي وان شاء الله أحاول اچيلكم السبوع الچاي.
نفخ بغيظ بعد انتهائه من تلك المحادثة الثقيلة على قلبه هامساً
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
والله يا خالة لولا انك كيه ما هيجولوا شبه أمي الله يرحمها ما كنت هجدر اتحمل لسانك ده واصل، في حد في الدنيا كلها يكره ماما ميادة، سبحان الله حاچة
غريبة.
أغمض عيناه فجأة بعدما لاح بمخيلته ابتسامتها، وضع يده فوق صدره وكأنه يخبره ألا ينبض هكذا، تنهد مرارا هامساً
خبر ايه يا رنا، هنرچع للوچع من تاني ليه، لا انتِ نصيبي ولا هتكوني ملكي.
ابتلع ريقه بحزن عندما تذكر تلك الصدفة التي جمعتهما منذ أيام مضت وعلى أثرها تجدد بداخله رماد احياه الحنين إليه فبات نيراناً مشتعلة تتوهج بألم.
تتبعتها عيناه رغماً عنه فقد اشتاق إليها وكأنه أسير يهفو إلى نسيم الحرية، نهر قلبه الخانع وهمَ بالهرب لكنها استشعرت وجوده بالقرب منها وان كان بعيداً عن مرمى البصر فقد سكن الفؤاد منذ سنوات
هرولت إليه بخطوات متلهفة وتحدثت بصوت عاشق رغم الهجر
رحيم! وحشتني اوي!
منح روحه العطشة نظرة متفحصة وتنفسها بداخله فهدأت دقات الفؤاد قليلاً ثم ما لبث أن تذكر خطبتها لآخر، فتبدلت ملامحه واجابها بصوت قاسي
كيفك يا أستاذة ، اخبارك ايه؟
ابتسمت هي ببراءة قائلة
أنا عايشة قدامك أهو، بمثل اني سعيدة علشان اقدر اكمل، لكن مش قادرة
رحيم بقسوة : مهواش چديد عليكي التمثيل، أني اكتر واحد خابر انك ممثلة شاطرة جوي، في يومين كنتي ناسية كل شيء ومخطوبة كمان.
نظرت إليه بلوم ورجاء قائلة
انت عارف انه كان غصب عني، وعارف اني بحبك
أشار إليها محذراً ان تستمر فيما تقول ونهرها قائلاً بعدما تذكر عهده مع والدها وتعهده له بالا يلتقي بها وألا يمنحها أملا في العودة
انتِ خابرة ان رحيم السياف مستحيل يسمح لنفسه بالخيانة، وكلامنا دلوك خيانة للراجل اللي انتُ شايله اسمه، مفيش حاچة اسمها حب، كله كدب ولعب عيال وراح لحاله، ياريت مرة تانية لما تشوفيني تعملي نفسك متعرفنيش يا رنا ، كيه ما اني هعمل بالظبط.
تركها واقفه بمحلها تنتحب في صمت وهمس إلى نفسه
سلام يا وچع العمر اللي چاي
💬💬💬💬💬💬💬💬💬💬💬💬💬💬
همس إليها بأعين لامعة تتحدث بصدق عن مدى سعادته قائلاً
بسم الله ماشاء الله، انتِ چميلة جوي يا سهيلة، وچذابة بشكل غريب، كانك بتسحري اللي يبصلك.
ابتسمت بخجل وتوتر قائلة
وبعدين معاك، انت مش واخد بالك من بابا واخواتي بيبصوا علينا ازاي؟
ابتسم بثقة قائلاً
الصراحة معذورين، انتِ بالنسبة لهم فاكهة البيت، بس هانت ان شاء الله كلها كام شهر ونكتب الكتاب وبعدها..
أشارت إليه قائلة بترقب
كام شهر ليه، مش قولنا سنة
اقترب قليلاً هامساً
سنة إيه بس، الحمد لله أنا چاهز وكل حاچة تمام وانتِ شايفة الحصار المفروض علينا، ممنوع خروچ، ممنوع نجعد لحالنا، تفتكري هجدر اصبر المدة دي، إلا إذا كان الاعتراض لأسباب تانية
نظرت إليه بخجل هامسة
يعني، نفهم بعض ونتعرف أكتر
حدق بها وتنهد بقوة
كلام والله بنجوله عالفاضي، خابرة انتِ احنا بنشوف في شغلنا حاچات غريبة بتأكد إن الإنسان مبيظهرش غير وجت الشدة، ساعة الخلاف والزعل، معدن الناس عامل كيه الدهب فيه الأصلي وفيه المزيف، وعموماً اللي تحبيه هيحصل، كلامي مچرد فكرة وأمنية وفي الاخر رأيك انتِ الأهم.
قاطع حديثهما اقتراب جواد الذي ادعى السعادة من أجل ابنة خاله وبداخله جنون وتمرد، يدفعه شيطانه لأخذها بعيداً دون اكتراث لأحد ويعيقه ندمه فهو الوحيد الملام، تحدث إلى سفيان ببغض التقطه سفيان بفطنته قائلاً
مبروك يا عريس.
ابتسم سفيان بمجاملة قائلاً
تسلم، يا... التفت إلى سهيلة قائلاً
معلش فكريني بالإسم يا ليلا، أنا لسه معرفتش العيلة كلياتها
تحدث جواد بغيظ
چواد السياف، ابن عمتها وابن خالها، اسمي صعب يتنسى وإن شاء الله هتشوفني كَتير واكده صعب تنساه، احتفظ بوجهها الباسم وحدثها بلهجة عاتبة
مبروك يا بت خالي، ربنا يتمم بخير.
سهيلة : متشكرة يا چواد، عجبالك
تركهما وغادر وكلاهما ينظر إلى الآخر بترقب، أشار إليها سفيان بالعودة إلى مقعدهما قائلاً
تعالي نجعد، الواد ابن خالك ده شكله غشيم جوي، ده اخواتك بالنسبة ليه ملايكة هترفرف.
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
قهقت سهيلة قائلة
انت مفيش حد عاچبك ولا إيه يا فندم، على فكرة بجى أنا وچواد وكل اخواته متربيين سوا، عشان اكده يمكن تحسه غيران عليا، يعني زي رحيم ورائد
حرك حاجبه الأيسر قائلاً بصوت رخيم
تمام، هنشوف حكاية اخواتك الواعرين ديه بعدين خلينا نركز دلوك لو أنا غفلتهم وخطفتك يحصل حاچة
اجابته بثقة ودلال
مفيش حد يجدر يخطف بنت نوح السياف
ابتسم هو مؤكدا قولها
بصراحة كلام مظبوط، نوح بيه عنده هيبة وشخصية ملهاش مثيل.
توافد الكثير من الحضور وعلت الأصوات في كل مكان، اقتربت مجموعة من الفتيات فتهلل وجه سهيلة فرحة بمجيئهن قائلة
صحباتي وصلوا، استنى هعرفك عليهم.
💬💬💬💬💬💬💬💬💬💬💬
شايفة ابن السياف، مهملش نفر في مصر معزموش على خطوبة بنته ومحاولش حتى بالكدب يبعتلي دعوة، باع العشرة في لحظة
نظرت إليه زوجته بغيظ قائلة
استغفر الله العظيم واتوب اليه، بذمتك انت طبيعي
رمقها بحدة وتحذير قائلاً
وبعدهالك انتِ التانية، خبر ايه يام رنا، لسانك طول جوي معايا
تأففت بضيق قائلة
ولا لساني طول ولا نيلة، انت اللي أفعالك تجنن العاقل، واحد كان معتبرك أخوه وفجأة اتحولت ناحيته وهنته وقللت منه هو وابنه، منتظر منه ايه؟!
استمر في رعونته وعناده قائلاً
خايف على بنتي، لا عيب ولا حرام
صاحت هي وقد فاض بها
وهو خايف على ابنه ومقهور منك، انت مشكلتك ملهاش حل، انت من اكرم الناس اللي ممكن الإنسان يقابلهم، طموح وذكي وزوج حنين لكن للأسف غلاط يا حسن، في لحظة ممكن تقول كلمة تنسف بيها كل ده، والمصيبة الأكبر انك عنيد وبتكابر ياريتك بتعترف بغلطك.
اقتربت منه قائلة
لما تجرح إنسان وتفكر من وجهة نظرك انك اتسببتله في خدش بسيط وهيطيب بمرور الوقت لازم تتأكد بنفسك إنك مأذتوش لأن احتمال جرحك ده يكون مميت، مش كل الكلام يتقال ولا كل الإهانات بتتنسي.
كانت رنا تسترق السمع إلى الجدال الحاد بين والديها وقلبها يئن ألما، يعتصر فؤادها بقسوة كلما ذكر أحدهم اسم رحيم، وكم ظنت فيما مضى أن اسمه رحمة له ولها ولم تعتقد أن هيامها به ماهو إلا غصة ستبقى عالقة بأيامها القادمة بعدما خلت منه.
💬💬💬💬💬💬💬💬💬💬💬💬💬💬
تسللت إلى الخارج بحذر دون أن يشعر بها شقيقها، عزمت أمرها على الهرب والزواج بمن توهمت به طوقاً للنجاة، سوف تبدأ حياة جديدة بعيداً عن الخوف والهرب وبمرور الوقت سيرضخ شقيقها هكذا ظنت هي.
#اقتباس
#احفاد السياف
#نداء_علي
وبداخلنا قوة لا نراها، نفقدها رغماً عنا بين أضراس الحياة وفكها الطاحن لكنها تأبى الرحيل فتختبيء إلى أن تحين الفرصة فتلمع ساطعة وتمنحنا رغبة جديدة في الحياة فنحيا.
لمعت عينا آثر بتحدي وقوة ووقف بوجه مديره قائلاً بثبات
حضرتك مدير الشركة على عيني وراسي لكن أنا مسؤول الحسابات ورحيم بيه موصيني جبل اكده وفي حضورك إني مسمحش لحد يتدخل في شغلي مهما كان مين.
اجابه الآخر بكراهية :
بقولك إيه يا آثر، ابعد انت عن الحكاية دي احسنلك، الواد اللي انت بتدافع عنه حرامي، اختلس اكتر من ٥٠ ألف جنيه وهبلغ عنه وهيتحبس فاهم ولا لأ؟!
آثر : يا عصام بيه جولتلك محصلش، دي كانت غلطة والحمد لله عرفنا الغلط فين والفلوس موچودة على داير مليم، لازمتها إيه الشوشرة والفضايح، وعلى فكرة أنا كلمت صاحب الشركة وچاي دلوك، مفروض ننتظر رأيه وبعدين نتصرف.
ابتسم بسخرية هامساً : شكلك مطبخها معاه وخايف حد يعرف.
التقط آثر تلك الكلمات السامة فتبدلت ملامحه وتخلى عن هدوءه، اقترب منه يود أن يفتك به فحال بينهما ذاك الشاب المتهم، اعترض سبيل آثر وصاح بصوت مرتعد :
الله يكرمك يا أستاذ آثر بلاش ترد عليه وتغلط نفسك.
دفعه آثر بغضب دون إرادة منه وأشار بسبابته تجاه خصمه
كلامك ده هتدفع تمنه غالي جوي وهعرفك مين فينا الحرامي يا سالم.
ابتسم سالم بتهكم وتحدث بإصرار وغرور :
اوعى تفتكر إن صلة القرابة ببنك وبين رحيم السياف هتنفعك، لو هو مقدرش يتصرف معاك هروح بنفسي لنوح باشا واقوله على المهزلة دي، على آخر الزمن حتة عيل منعرفش جاي منين هيتحكم فينا كلنا.
تركهما واندفع غاضباً نحو مكتبه وفي عقبه مساعديه بينما بقى آثر وإلى جواره ذلك الشاب الذي تراكمت بعينيه دموع الندم قائلاً
أنا....
أشار إليه اثر محذراً
مسمعش صوتك، خيانة الأمانة ملهاش مبرر ولا سبب، أنا هساعدك لله ولاچل خاطر والدتك، لو عرفت ان إبنها حرامي هتروح فيها وتشيل ذنبها في رجبتك ليوم الدين.
يتبع
لعيونكم روايات كامله من هنا 👇👇👇👇👇👇
رواية عشق الحور كامله من هنا
🌺🌺🌺🌺🌺🌺🌺🌺🌺
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️
🌺🌺🌺🌺🌺🌺🌺🌺🌺
تعليقات
إرسال تعليق