شخصًا واحدًا بكل التفاصيل وبكل ما هو جميل
 |
شخصًا واحدًا بكل التفاصيل وبكل ما هو جميل
_ وأول مرة شوفتني كُنت لابسه ايه؟
= تشيرت بني.
_ والله؟
= اسود، وكُنتِ عامله شعرك كيرلي.
سكت شويه وأنا مبتسمه.
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️
_ ماشي.
_ طب كُنت لابسه جيبة أيه ؟
= زرقاء.
_ والجزمة ؟
= سودة.
_ والشراب؟
= لا، بقى يا جميلة ما أنا مش هعرف إذا كُنتِ قاصه ضوافرك ولا لا.
_ يسلام؟
= هو أي نكد وخلاص كده؟
_ بنكد !
ماشي.
'ضحك، وفضلنا ساكتين حبه كمان.
_ طيب أول تاريخ قولتلي فيه بحبك كان أمتى ؟
= خمسة وعشرين واحد من سنتين.
_ سنتين؟
والله ؟
= أطلعلك الشات ؟
_ أنت لسه محتفظ بيه؟
= ده في قلبي يا قلبي والله.
_ ولما جبتلي الورد يوم عيد ميلادي كُنت لابسه أيه؟
= أحمر.
_ والجزمة؟
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️
= كوتشي أبيض.
_ طب لما قولتلي بحبك أول مرة كانت الساعة كام؟
= في الفجر.
_ لا والله مش فاكر التوقيت؟
= هو أي نكد وخلاص كده.
= كانت أربعة الفجر.
_ طلعتلها من الشات مش كده؟
= لا ياروحي طلعتها من قلبي.
'ياخي في حياتي مشوفت قمر كده، أقصد راجل كده يحفظ كل التواريخ دي.
= بصي يا جميلة مهما عملتي مش هتنكدي، أنا شايل كُل ذكرى بنا في قلبي.
واللي عندك اعمليه.
_ طب تاني مرة شوفتني كُنت حاطه منكير أيه؟
= أحمر.
_ والله يا آدم؟
= مكنتيش حاطه أساسًا.
'قد أيه أنا معفنه وأنت مستحمل كتير ياضنايا، والله كتر خيرك.
_ طب ولما.....
= بحبك.
_ ايه؟
= أيوه أقعدي أتمياصي وقولي أيه ومش أيه.
_ أنا بتمايص؟
= أحلى واحدة تتمايص.
'ضحكت غصب عني، علاقتي بيه غريبة مشفتش راجل زيه، مشفتش حد زيه بيحب بالشكل ده.
قبل ميحبني قالي.
أني لما بحب بجد بتبهدل.
وهو حبني بجد، وأنا جيت فعلًا غيرتله حياته هو مكدبش.
حاولت أغلس أكتر واتحجج، منا بصراحة يعني بحب أشوفه بيحبني أعمل ايه هو اللي صوته حلو في الحُب.
_ ولما جيت أتقدمتلي كان.....
= أختبرك أنا يعني زي مبتخبريني.
'ضحكت، ولفيت أيدي على وسطه وأنا ببصله وبضحك، قام شددني لحضنه ومسح على شعري.
_ خايفه تهزق، تهزق من تفاصيلي الكتير والمُملة، أنا مليانة تفاصيل !
= وأنا مليني حُبك.
_ وبعدين؟
= قربي شويه كده.
'قرب مني، وقربني ليه أكتر، شميت ريحة حُبه اللي بتقوي قلبي بيه.
قربت لودنه.
_ كُنت بتنمنى لما أحب، أحب راجل يحب تفاصيلي، ويحب كل مللي وزهقي وزعقي وعصبيتي الغير مببررة، أنا بحبك.
علشان حبتني زي ما أنا، وعلشان عملتني أتقبل نفسي ومحستنيش وحشة، في وقت ما أنا بشوفني وحشة ومتحبش.
لما كُنا بتنخانق وبتزعل مني دايمًا كنت أشوفني وحشة علشان زعلتك مني.
وأنت، أن جيت للحق.
في حياتك مشوفتني وحشة.
فاكرة لما أول جوزنا، قبلها قولتلك عندي جرح في رجلي، ومش هعرف البس قصير.
هخاف !
هخاف تشوفني وحش.
كان ردك ليا حضن، وفستاين قصيرة كتيرة البسها وأنا جمبك.
كلك مواقف حلوة يا آدم.
كلك نظرة أحترام ليا، وأنا مندمتش أني حبيتك حتى لو أنت أهبل عادي.
'ضرب كف على وشه.
= أنتِ مبتعرفيش تقولي كلمة حلوة من غير شتيمه؟
_ والله مابعرف حاولت مش قادرة.
= قومي هاتيلي مياة يا جميلة أبلع الكلمتين دول.
_ تبلع؟
= ياستي قومي بقى ده أنا ليا الجنة والله.
فعلًا مكدبتش أنت ليك الجنة.
قومت من مكاني وروحت أجبله مياة، كان فيه كيكة تقريبًا نسيتها في التلاجة فأخدتها علشان أدوقهالو.
_ شوف جيبالك أيه؟
= جيبالي أيه؟
_ كيكة.
= يا كيكة.
قربت منه الطبق وادتهاله.
= هي دي كيكة.
_ مرهقة شويه.
'حسيته أضايق لأنها كانت ناشفه فعلًا، قربت منه وقعدت جمبه.
_ أنا أسفه على فشلي.
'قرب مني وباس راسي.
= اتخلقنا علشان نتعلم، علشان نكون جمب بعض ! وبعدين ده بالنسبالي أنجاز عظيم..وهاكلها، شوفي هي طعمها حلو بس مش أحلى منك يا طِعم أنت.
ضحكت.
شد إيدي.
_ أنا أسفه؛ لأني مُرهقة.
= حبيت التفاصيل لما حبيتك يا جميلة.
_ أنا شخص ممل.
= أنتِ شخص بيفتح الدنيا سعادة وبهجة.
_ وحزينة.
= حرام الحُزن يصيبك.
_ مريضة.
= هعالجك حُب.
_ العلاج مش كفاية.
= لكن حضني كفاية.
_ ايه؟
'قرب مني وهو بيلف ايده على رقبتي.
= حلو الفُستان ده.
_ آه.
= متوريني كده بيقول أيه؟
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️
_ أيه؟
= أنتِ اللي أيه.
أي لحظة حلوة بتكون حلوة علشان مع حبايبنا، اي لحظة بنحس فيها أن حبايبنا بيحبونا ومتقبلنا بنكون فيها شبه الفراشات الملونة اللي بتطير في الهواء!
شبه الورود اللي الوانها كتيرة وريحتها أجمل.
شبه كل حاجة حلوة زيهم.
ومين مبيحبش التفاصيل؟
سهل تلاقي راجل يحبك، لكن مش سهل أبدًا أنك تلاقي راجل محترم تفاصيلك ودايب فيها.
سهل تتحبي، لكن مش سهل تتفهمي.
"شخص واحد في حياتك كفيل أنه يملاها عليك بكل المقايس"
"شخصًا واحدًا بكل التفاصيل وبكل ما هو جميل"
حواديت_آدم_وجميلة.
Marina_Atya
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️
تعليقات
إرسال تعليق