رواية تؤامي سرقت حياتي الفصل الأول والثاني بقلم هويدا زغلول حصريه وجديده علي مدونة نجوم ساطعه
 |
الحلقه الاولى
بعد ما فقد الذاكره اختي سرقت حياتي
الحلقه الاولي
اسراء _ طول الوقت ده عامله تضحكي
عليا وعلي الناس وعلشان أنا فقد الذاكره مفهماني انك انتي أنا
سلمي _ انتي اخدتي كتير من الدنيا وانا جت ليا الفرصه أن اخد شويه من النعيم اللي انتي فيه لو انتي مكاني كنتي عملتي كده
وقبل ما نبدا الحكايه دي اسراء واختها
سلمي اخوات تؤام عايشين مع بعض وانهارده يوم
فرح اسراء وكانت وافقه في اوضتها ومعاه
سلمي
اسراء _ متعرفيش أنا فرحانه ازاي يا سلمي
ان خلاص كلها كام ساعه واكون
متجوزه حمزه
سلمي _ طول عمرك بتفكري في نفسك وبس
وانا ومقولتيش يعني انا هعمل اي من غيرك
اسراء _ هتروحي الفيلا معايا انا لايمكن اسيبك
لوحدك هنا مهما أن حصل
سلمي بتكلم نفسها وبتقول _ نفسي اعرف
فيكي اي زياده عني علشان يبص ليكي
انتي وبعدها تم الفرح وسافرو أسراء هي و
حمزه شهر عسل وفي رسبشن الاوتيل
حمزه _ اسراء معلش انا كنت عايز البطاقه بتاعتك علشان اخلص البيانات
اسراء _ دقيقه واحده يا حبيبي هطلعها لك اهي يا خبر ابيض ده انا اخذت بطاقه سلمي بدل ما اخذ بطاقتي
حمزه _ ازاي ده حصل طيب انا هعمل ايه دلوقتي
اسراء _ مش عارفه والله انا اسفه يا حمزه مش عارفه اللخبطه دي حصلت ازاي
حمزه _ طيب روحي اقعدي وانا هتصرف
وكان حمزه معاه صوره ل بطاقتي علي الموبيل
وبعلاقته وان الاوتيل عارف أنه شخص محترم
عدا الموضوع
وكانو قاعدين علي البسين. حمزه قال
اسراء _ ربنا يخليك ليا يا حبيبي بجد متعرفش
انا مبسوطه ازاي ان احنا اتجوزنا
حمزه _ والله وانا كمان يا حبيبتي ربنا يخليكي
ليا وما يحرمني منك ابدا وبعدها تلفون
حمزه رن ورد عليه وكانت الشغاله اللي عندو
حمزه _ خير يا نرجس فيه اي
نرجس _ انسه سلمي جت الفيلا وبصراحه
كده عامله تتكلم معانا ب اسلوب وحش
حمزه _ معقول طيب معلش يا نرجس استحلمي
بس عقبال ما ارجع من السفر واوعدك ان انا هيبقى ليا كلام تاني معاه
نرجس _ لا واحنا مش عايزين نقعد بعد الكلام اللي اتكلمته معانا كل واحد هيروح بيته لو حضرتك عاوزتنا لما ترجع كلمنا
حمزه _ معلش يا نرجس حقك عليا انا اسف واوعدك ان مرتباتكم كلها ماشيه وانتو في بيوتكم وبعدها قفل السكه
اسراء _ مالك يا حبيبي في ايه وشك اتغير ليه كده
حمزه _ بجد انا مش عارف اختك دي عامله ازاي كده الناس اللي في الفيلا شغالين معايا
من زمان ومينفعش الطريقه دي
اسراء _ انا اسفه والله يا حبيبي بس انا خوفت ان هي تقعد في الشقه لوحدها وانت قولتلي عادي ان هتيجي الفيلا
حمزه _ ايوه طبعا ما ينفعش تقعد لوحدها بس برده لازم تتكلم مع الناس باسلوب محترم عن كده على العموم انا لما ارجع القاهره هتصرف
اسراء _ تمام يا حبيبي وبعدها قضوا
شهر العسل وهما راجعين العربيه اتقلبت بيهم
وراحوا المستشفي
اسراء _ ايه ده انا فين هو ايه اللي حصل بالظبط
الممرضه _ اهدي يا مدام احمدي ربنا انتي انكتبلك عمر جديد
اسراء _ انا مش فاكره اي حاجه خالص
هو اي اللي حصل
الممرضه _الدكتور قال ان عندك فقدان مؤقت في الذاكره بس الاستاذ اللي كان معاكي راح
اسراء _ استاذ مين اللي كان معايا انا مش فاكره اي حاجه خالص وبعدها تلفوني رن وكانت
سلمي واسراء كانت مسجلها تؤامي الممرضه
ردت
الممرضه _ الو ايوه يا فندم الاستاذه سلمى عملت حادثه وهي موجوده في المستشفى يا ريت تقدري تيجي دلوقتي
سلمي _ الكلام الغريب اللي انتي بتقوليه ده سلمى ازاي عملت حادثه يعني
الممرضه _ حضرتك يا ريت تيجي وهتفهمي كل حاجه هي عندها فقدان مؤقت في الذاكره والاستاذ اللي كان معاها راح ولازم حد يجي
وعلشان حمزه مكنش ليه أهل خلاص راحت
سلمي عالمستشفي وعرفت الحكايه كلها
وأنهم اتلخبضوا في البطايق هي واختها
وبعدها دخلت عن أسراء وقالت ليه _ الف مليون سلامه عليكي يا سلمى ايه اللي حصل لك بالظبط ومعقوله جوزي راح انا مش قادره اتصور ازاي ده حصل وكانت عامله تعيط جامد
اسراء _ ايه ده ازاي ده انتي شبهي قوي هو انت اختي صح
سلمي _ معقول يا حبيبتي مش فاكره اي حاجه كده هو ازاي ده حصل
اسراء _انا مش فاكره اي حاجه بس هو انا ليه كنت مسافره مع جوزك
سلمي _ كنتم رايحين يا حبيبتي تخلصوا شغل لان انتي شغاله عندنا في الشركه
انا لازم امشي عايزه اخلص الإجراءات وبعدها
راحت سلمي جبست درعها وربطت دماغها
علشان الموظفين في الشركه لما يجوا العزا
وراح المحامي جمب سلمي وقالها
المحامي _ البقاء لله يا مدام اسراء حضرتك عايزين نقعد مع بعض علشان خاطر نشوف
الورث
سلمي بعياط _ ورث ايه يا استاذ انا مكنتش عايز حاجه من الدنيا غير حمزه الله يرحمه انا مش عارفه اللي حصل ده حصل ازاي
المحامي _ احمدي ربنا انك قومتي منها بالسلامه ربنا يطمننا عليكي هبقى اجيلك الشركه علشان خاطر نتكلم وبعدها راحت نرجس اللي كانت
شغاله عند حمزه وقالت
نرجس _ البقاء لله يا مدام ما تعرفيش احنا زعلنا ازاي على استاذ حمزه
سلمي _ ده قدر ومكتوب له ارجوكي تدعيله بالرحمه
نرجس _ احنا مساعدين نرجع الشغل تاني لو حضرتك حابه يعني
سلمي _ للاسف انا هقفل الفيلا الفتره دي او عايزك اول ما ارجع هكلمك على طول
نرجس _ تمام ماشي والبقاء لله وبعدها
مشيت وراحت سلمي المستشفي
سلمي _ عامله ايه النهارده يا سلمى الدكتور طمني عليكي وقالي
ان كلها يومين وهتخرجي
اسراء _ مخنوقه جدا ان انا مش فاكره اي حاجه بجد الموضوع ده مضايقني مش عارفه اعيش كده ازاي
سلمي بعصبيه _ هو ده اللي معصبك وانا اللي خسرت جوزي ده بالنسبه ليكي
عادي ولا ايه انا مش راضيه اتكلم هو مكنش
عايز يسافر وانتي اللي صممتي حرام عليكي بقي
اسراء _ انا اسفه والله هو انتي اسمك ايه انا مش عارفه بس حقك عليا ما تزعليش انا ماقصدش
سلمي _ على العموم الفيلا من غير جوزي وحشه جدا احنا هنسافر يومين في الاسكندريه بتاعته هنقعد هناك
اسراء _ تمام ومعلش والله لو كنت زعلتك
مني متزعليش وبعدها سافروا والمحامي
كلم اسراء علي تلفونها
المحامي _ الو ايوه ازيك يا استاذه اسراء
هو حضرتك فين
اسراء _ معلش انا مش اسراء انا اختها سلمى ثواني اديها الموبايل وبعدها راحت جمب سلمي
وقالت ليها هو في حد طالبك على موبايلي انا امعرفش مين
سلمي _ اه معلش يمكن عشان وبعدين الخط ده بتاعي انا وانتي اخدتي وبعدها اخت
الموبيل
سلمي _ الو ايوه ازاي حضرتك عامل ايه
المحامي _ هو حضرتك فين يا استاذه اسراء مش انا قلت لك عايزين نقعد مع بعض انا فتحت الوصيه وانتي لازم تعرفيها
سلمي _ بصراحه انا حالتي النفسيه وحشه جدا ممكن تيجيلي في اسكندريه انا قاعده في فيله حمزه
المحامي _ اللي تشوفي مسافه السكه واكون
عندك وبعدها قفلت مع سلمي
اسراء _ هو ليه كل الموبايل بتاعي عليه صور حمزه وانتي
سلمى. اصل انا فونى جات ف الفتره الاخيرة هنج واضطريت ان احملهم كلهم عندك
اسراء. طب ممكن اقولك حاجه ولا بلاش لاتزعلى
سلمى. لا قولى مش هزعل
فيه اي مالك
اسراء. اصل حاسه انك مش زعلانه على جوزك
يعني المفروض تكوني حزينه اكتر من كده
سلمى. انتى بس اللى ناسيه شخصيتى عشان كدا مش عايزاكى تحكمى عليا بسرعه
اسراء. ممكن فعلا اكوون ناسيه شخصيتك متزعليش منى انا مشوشه اليومين دول
سلمى. طب يلا كلى كويس عشان تاخدى ادويتك وبعد كام ساعه كانت قاعده اسراء وسلمي قالت ليها
سلمي _ بقولك اي أنا بفكر اروح بيت بابا
كنت عايزه منه شويه حاجات
اسراء _ ده موجود هنا في اسكندريه ولا فين
سلمي _ يوووو نسيت انك مش فاكره حاجه ده موجود قطعت كلامهم دخول الخادمه
الخدامه. فى واحد برا وبيقول انه المحامى
سلمى. طيب دخليه الصالون وانا جايه حالا
وبعدها خرجت الشغاله
اسراء. محامى.. ليه محامى هو فى حاجه
سلمى بكذب. لا مفيش دا بس فى شويه مشاكل ف الشغل متشغليش بالك خليكى انتى هنا لما اشوف الموضوع دا
اسراء ف نفسها مشكله ايه دى اللى مش عايزانى اعرف عنها حاجه انا لازم اشوف ايه الحوار دهوبعد فتره قصيرة تدخل سلمى للصالون
سلمى. انا اسفه جدا لو كنت اتأخرت على حضرتك
اتفضل اقعد
جاسر.. المحامى. لا ولا تأخير ولا حاجه يا مدام اسراء ندخل ف موضوعنا
سلمى. مستعجل على ايه حضرتك تشرب ايه الاول ولا انت شايفنا بخلا
جاسر ف نفسه هو دا منظر واحده خسرت جوزها وهى فى شهر العسل
سلمى. ايه يامتر روحت فين تشرب ايه
جاسر _ ها. لا متشكر جدا بس ياريت لو ندخل ف موضعنا عشان للاسف انا مستعجل
يقطع كلامهم دخول اسراء بصنيه العصير
سلمى بعصبيه. انتى ايه اللى دخلك انتى مبتسمعيش الكلام ليه
اسراء بصدمه _ انا لاقيت الشغاله طلعت تجيب طلبات البيت قولت اقدم انا واجب الضيافه
جاسر باستغراب من رد فعل سلمى. عادى يامدام سلمى محصلش حاجه لكل دا
سلمى وهى بتحاول تدارى على الموقف
سلمى. انا بس مكنتش عايز اتعبها وعشان ترتاح انتى عارفه انك لسه طالعه من المستشفى
جاسر ف نفسه. مستشفى ايه هى مش مراته اللى كانت معاه
سلمى بتغير للموضوع. لو ممكن يامتر ندخل فى الموضوع
جاسر. اكيد طبعا.. طبعا زى ما حضرتك عارف الاستاذ حمزه الله يرحمه مكنش ليه اى اقارب ف بالتالى حضرتك الوارث الوحيد ليه
سلمى بطمع. يعنى كل حاجه كل حاجه هتبقى باسم اسراء قصدى باسمى انا
اسراء ف نفسها يعنى الموضوع طلع موضوع ورث مش موضوع مشاكل ف الشغل طب ليه بتخبى عليا انا لازم افهم ايه الحكايه بالظبط
جاسر بشك كبير من ردود افعلها هى دى اللى مكنتش عايزه حاجه
جاسر _ اه يافندم كل حاجه هتبقى باسمك بس لسه الموضوع هياخد وقت عشان كدا محتاج من حضرتك شويه صبر
سلمى باندفاع _ لا صبر ايه انا عايزه الموضوع يخلص باقصى سرعه
جاسر _ ااوعدك يافندم انى اخلص الموضوع باقصى سرعه.. هستأذن انا بقا بعد اذنكم مع السلامه
سلمى واسراء. الله يسلمك مع السلامه
وطلع جاسر وهو زحام من الافكار انا ليه قولتلها كدا مع ان بالفعل حمزه كاتبلها كل حاجه
ومفيش حاجه ناقصه غير توقيعها عشان
تتسجل ف الشهر العقارى انا لازم اتأكد من كل حاجه بنفسى حمزه كان ليا اخ مش مجرد عميل وبس
وعند اسراء_ انا لازم ادور بنفسي ف الموضوع دا مش ممكن اكون ناسيه شخصيتها للدرجادى وليه مكنتش عايزانى اطلع وانى اعرف ان الموضوع موضوع ورث
عند سلمى_ اخيرا بقا هاخد اللى استحقه اخيرا واسراء مش هتاخد كل اللى المفروض يكون ليا بس على الله ما الموضوع دا يخلص بسرعه قبل ما ترجع لها الذاكره ف اى لحظه
جاسر_ انا عارف مين اللى هيجبلى اصل الموضوع
جاسر ويمسك تليفونه ويرن على شخص ما
جاسر. الو_ انا عايزك فى موضوع مهم وعارف انك قدها انا عايز كل حاجه تخص اسراء وسلمى الجيار وقدامك اسبوع وجيبلى كل حاجه تخصهم
الراجل ــ عنيينا ليك اباشا اسبوع ايه اقل من اسبوع ويكون معاك اخبارهم من يوم ما اتولدوا
وبعد مرور اسبوعين من تاريخ المكالمه اتصل جاسر ب الراجل
جاسر _ اسبوع ايه يا باشا اقل من اسبوع كمان نص ثقتك ياخى اسبوعين ليه بتدور على اسم الدايه اللى ولدتهم
الراجل ــ ما بوراحه علينا يا ريس لو تعرف المعلومات اللى جبتهالك هتسامحنى على طول
جاسر_ طب يلا قول وبطل تضيع ف الوقت
الراجل ــ ماشى يا هندزه انا عايزك تركز معايا كويس وطقطق ودانك كدا
جاسر _ هندزه؟ يلا يلا مش مهم خلصنا
الراجل ــ شوفت اهو انت اللى بتقاطعنى وبتضيغ ف الوقت وبعدين زعلان ليه ماكلها كليات قمه
جاسر _صبرنى يارب اخلص مفيش وقت
جاسر ــ ماشى يا دكتره ركز معايا كويس هما عايشين ف منطقه شعبيه اسمها الوراق بالنسبه للابله اسراء خريجه كليه تجاره انجلش دى ولا اسمها والابله سلمى طلعت من الكليه عشان لامؤاخذه فاشله ومش بتاعت دراسه بتاعت مرقعه بس الاب والام متوفين وهما اللى بيصرفوا على نفسهم ولان الابله اسراء معاها شهاده اشتغلت ف شركه الاستاذ حمزه والباقى انت عارفه
جاسر. لا انا مش عارف حاجه انا عايزك تقولى كل حاجه بالتفصيل الممل
الراجل ــ انا بس يا زعامه مش عايز ادوشك بمشاكلى اصل انا وحدانى ومليش حد و...
جاسر _انت هتحكيلى قصه حياتك متركز معايا كدا
الراجل ــ معلش ياريس اندمجت شويه بس
جاسر _ طيب خلصنى وكمل
الراجل ــ طيب طيب متزقش كدا المهم الابله اسراء استغلت ف الشركه ف قسم المحاسبه والابله سلمى اشتغلت ف محل لامؤاخذه حريمى ف الحى بتاعهم ومكنتش بتعمر ف شغلانه عشان مغروره ورافعه مناخيرها للسما وبتاعت مشاكل المهم بعد الابله اسراء ما اتجوزت خلت اختها تطلع من الشغل واخدتها تعيش معاها والعريس والعروسه سافروا وبعد كدا حصل اللى حصل
جاسر _ تمام كدا فى حاجه تانى
الراجل ــ لا يا وزير دا كل اللى عرفته
جاسر _ خلاص ماشى وخلينا على اتصال عشان لو عوزت حاجه
جاسر_ انا لازم اروح المستشفى واسأل هناك واشوف بنفسى
فى المستشفى وصل جاسر ولان المدير كان صاحبه كان سهل عليه ياخد معلومات
مدير المستشفى _ حضرتك عارف يا متر ان لولا الصحوبيه اللى بينا مكنتش اديتلك اى معلومات بس عشان انا شايل جميلك لحد دلوقتى
جاسر _ انا مقدر وبشكرك على وقفتك جمبى بس انا بس كنت عايز اعرف حاله المدام اسراء لما جات هنا
المدير _ اسراء مين يافندم اللى جالنا هنا مكنتش اسراء كانت اسمها سلمى.. سلمى الجيار
جاسر _ ازاى بس مراته كان اسمها اسراء
المدير. والله كل المعلومات اللى عندى ان المدام كان اسمها سلمى وعندها فقدان ذاكره مؤقته
جاسر _ فقدان ذاكره بس مفيش اى كسور ف الجسم او حاجه
ويطلع جاسر من المستشفى و خطرت علي باله فكرة
جاسر _ الو يا مدام اسراء انا محتاجه اقبلك ضرورى بخصوص الميراث
وفقت تقابلة فعلا و كان قاعد قدامها بيبصلها بتشكك
سلمي _ خير يا متر ايه الموضوع اللي كنت عايزني فيه
جاسر $ في حاجة مهما جدا نسيت اقولهلك بخصوص قنون الميراث لشخص اللي ليه توأم
سلمي _ انا اول مرة اعرف ان في قنون كدا!!
جاسر: هو مش مشهور اوي.. لان مش كتير بيستعمل
سلمي _ و ايه هو بقا
جاسر _ انا عايز البصمة بتاعت حضرتك عشان اكشف عنها و اشوفها مطابقة لبصمة القسيمة و لأ
بصت سلمي بصدمة نتيجة كلام جاسر
تؤامي سرقت حياتي
الحلقه الثانيه
بقلم هويدا زغلول
سلمي _ عايز اي يا جاسر ايوه انا سلمي
مش اسراء
جاسر _ عمر ما تخميني طلع غلط كنت حاسس
بكده
سلمي _ المهم طلباتك اي معاك لحد مليون
جنيه
جاسر _ هو انتي فاكره ثوره جوز اختك كانت
كام مليون جنيه اي أنا عايز حاجه من الاتنين
يا نتجوز يا نص الثروه
سلمي _ هو انت اكيد بتهزر انت عملت ايه يعني علشان تاخذ نص الثروه
جاسر _ والله نفس السؤال بساله ليكي هو انتي عملتي ايه عشان تاخدي نص الثروه
وبعدين انا قولت فيه بديل تاني
سلمي _ بس انا مش هينفع اتجوز دلوقتي انت عايزني اتجوز ازاي يعني انا المفروض واحده جوزها لسه رايح
جاسر _ومين قالك ان انا عايز جواز دلوقتي خدي راحتك خالص وقت ما تحسي ان انتي مستعده للجواز عرفيني
سلمي _ طيب هو انا كده مش هعرف اخد الميراث الا لما نتجوز صح
جاسر _هو انتي عايزه ايه بالظبط مش كل اللي همك ما كان تقعدي بيه عندك الفيلا اقعدي فيها
سلمي _اديني وقت افكر بس انا محتاجه اروح الشركه برده
جاسر _ برحتك خالص بس انتي لما تكوني
ناويه تروحي الشركه هتخدي اختك معاكي
المفروض الموظفين عارفين ان حمزه كان مسافر شهر عسل
سلمي _ طيب انت رايك اي
جاسر _ حاولي تحسسي اختك انك مخنوقه
من وجودك معاها لازم ترجع بيتها القديم
سلمي _ اشمعنا يعني المفروض تكون
تحت عيني
جاسر _ لا لو فضلت تحت عينك اكيد هتراقبك
اسمعي كلامي
سلمي _ حاضر عالعموم لو فيه اي جديد
انا هكلمك وبعدها مشيت من عندو
وراحت البيت وكانت اسراء قاعده
اسراء _ انت فين كل ده يا اسراء بجد انا مش بعرف اقعد لوحدي عابزكي تكلمني عن حياتنا
القديمه يمكن احاول افتكر حاجه
سلمي _ اسمعي يا سلمي بصراحه انا مش فاضيه لكل اللي انت عايزاه ده وانتي لازم ترجعي بيت بابا بقى
اسراء _بس انا مش عارفه اعيش من غيرك هرجع هناك ازاي انا مش عارفه اي حاجه
سلمي _ اظن انا عملت معاكي الصح قوي متنسيش ان انا كل ما اشوفك افتكر اللي حصل لحمزه ارجوك انتي لازم ترجعي بيت بابا وانا اخلي حد معاكي علشان ياخد باله منك
اسراء _ على العموم خلي حد يوديني البيت لان انا ما اعرفش اي حاجه عنه
سلمي _ حاضر وبعدها بعتت واحده مع
اسراء واول لما دخلوا البيت اسراء قالت
اسراء _ هو ده بيت بابا هو انتي كنت هتعرفي حاجه عننا قبل ما يحصل اللي حصل
عزيزه _ لا انا كل اللي اعرفه ان مدام اسراء كانت خطيبه استاذ حمزه واتجوزوا بس على كده
اسراء _ طيب هو انتي عرفتي اي حاجه انا كنت بروح عند ام الفيلا سمعتي اي كلام بيتقال
ارجوكي لو عارفه حاجه قوليلي
عزيزه _ بصراحه كده كل اللي اعرفه ان انتي كنت انسانه صعبه قوي وكنتي ما بتعرفيش تتكلمي مع حد كنت شايفه نفسك شويه
اسراء _هي اسراء اتجوزت حمزه امتى
عزيزه _ من فتره قريبه قوي بس استاذ حمزه كان انسان عملي جدا وكان بيحب شغل قوي وانتي كنت شغاله معاه
اسراء _ طيب هو انتي تعرفي الشركه او تعرفي اي حاجه انا كنت عايزه اوصل لحد يفكرني باي حاجه
عزيزه _ والله انا مش عارفه حاسه ان انتي اتغيرتي كتير عن زمان وخايفه اقولك الكلام ده تزعلي بس انتي كنتي انسانه وحشه جدا انتي كان عينك من استاذ حمزه ولو روحتي الشركه الناس كلها مش هتبقى طايقاكي
اسراء _ معقول الكلام ده انا كنت عايزه اخد جوز اختي منها طيب وهي عارفه بالكلام ده
عزيزه _ بصراحه مدام سلمى طيبه جدا وكانت عارفه وساكته وكانت بتدعيلك ان ربنا يهديكي لانك انت عارفه ان جوزها
عمره ما هيبصلك
اسراء _ والله انا دماغي تعبت جدا ومش قادره اصدق كل اللي حصل ده
عزيزه _ اتفضلي حضرتك ادخلي اوضتك ريحي جسمك وانا هدخل المطبخ
اعملك حاجه تاكليها
اسراء _ تمام وبعدها دخلت عزيزه المطبخ
وكلمت سلمي
عزيزه _ ايوه يا سلمى انا عملت كل اللي انت قلتي لي عليه بالظبط
وهتفضل عيني عليها
سلمي _ هو انتي عبيطه ازاي تتصلي تقولي
الكلام ده وانتي عندك لو سمعتك عارفه
هعمل فيكي اي
عزيزه _ تسمع اي الكلام مآثر فيها خلاص
ومش عايزه تتكلم مع حد متخافيش المهم
عيالي يروح ليهم اكل كل يوم
سلمي _ اكيد هعمل كده متخافيش بس
اول لما تعرفي أنها ناويه تعمل حاجه كلمني
علي طول
عزيزه _ عيني يا ست الكل والله ما تخافي
وبعدها قفلت معاها وعدا كام يوم واسراء
مكنتش بتخرج من اوضتها خالص ودخلت
ليها عزيزه
عزيزه _ في ايه بالظبط يا استاذه سلمى انتي مش بقيتي تخرجي من الاوضه دي
سلمي _ انا مخنوقه ومتضايقه علشان خاطر حاسه ان انا مش فاهمه اي حاجه مش لاقي حد يفهمني حاجه حتى بدور على اي صور لينا مش شايفه
عزيزه _ تعالي يا حبيبتي اقعدي قدام التلفزيون شويه اخرجي من النكد اللي انتي فيه ده
وبعدها جرس الباب رن وراحت عزيزه تفتح
وكان سالم اللي كانت شغاله عندو سلمي
عزيزه _ خير يا استاذ في ايه وعايز مين
سالم _ مساء الخير انا سمعت ان استاذه سلمى رجعت الشقه هنا تاني ممكن اقابلها
عزيزه _ معلش اقولها مين برده وخرجت
اسراء وقالت
اسراء _ خير يا استاذ في حاجه حضرتك تعرفني اساسا
سالم _ معقول يا سلمى مش عارفاني انا سالم اللي انت كنت شغاله عنده في البوتيك بتاعه
اسراء _ شغاله عندك في البوتيك ازاي هو مش المفروض ان انا كنت شغاله عند حمزه جوز اختي
سالم _ والله انا مش عارف انتي اشتغلتي في حته بعدي ولا ايه بس انت سايبه الشغل بقالك فتره بس انا حبيت اطمن عليك
اسراء _طيب ممكن تتفضل انا عايزه اتكلم معاكي شويه
وبعدها دخل وراحوا اقعدو وعزيزه كمان
اسراء _ خير يا عزيزه فيه اي قاعده ايه
عزيزه _ اه أنا اسفه تحب تشرب ايه يا استاذ وانا هعمله لحضرتك
سالم _ استاذنك لو في كوبايه قهوه مظبوط
اسراء _ للاسف ما فيش قهوه انزلي يا عزيزه واشتري قهوه من تحت لو سمحت
عزيزه _ ازاي يعني انزل يا استاذ سلمى واسيبك قاعده معاه لوحدك هعمل شاي وخلاص
اسراء _ اسمعي الكلام اللي بقول عليه عزيزه اتفضلي انزلي هاتي قهوه وتعالي وسيبي باب الشقه مفتوح
عزيزه _ اللي تشوفي يا انسه سلمى حاضر هعمله ليكي وبعدها نزلت وكلمت سلمي من
تحت
سلمي _ يوه هو في ايه عزيزه انتي كل شويه تتصلي بيا ولا ايه
عزيزه _ في واحد اسمه سالم قاعد فوق مع اسراء وهي خلتني انزل الشارع اجيب قهوه
ومش عارفه اعمل اي
سلمي _ واي اللي جاب الزفت ده بس اطلعي
بسرعه وحاولي تسمعي هما بيقولوا اي
ده بالذات مينفعش يقعد معاها
عزيزه _ حاضر ماشي هطلعلهم بسرعه وهبلغك اول باول باللي بيحصل. وفي فيلا سلمي
كانت قاعده مع جاسر
جاسر _ وهو انتي خايفه من ايه هو يعرف حاجه عنكم عشان خاطر يقولها
سلمي _ سالم كان عايز يتجوزني وانا كنت رافضه
جاسر بصدمة. ايه كان عايز يتجوزك ازاى يعنى طبعا هو مفكرها انتى وممكن يعرض عليها الجواز تانى
سلمي طبعا.. المصيبه بقا لا توافق هتبقا مصيبه سوده عاى دماغنا
جاسر. مصيبه سوده؟ ليه ان شاء الله
سلمى. وعاملى فيها محامى وفتق وعمال تدور ورايا وعاملى فيها المحقق كونان و..
جاسر مقاطعا _ انتى هتغنيلى ماتقولى ف ايه على طول بدل وصله الردح دى
سلمى. انت ناسى ياحدق انها اصلا متجوزه خير اللهم اجعله خير ما تصحصح كدا معانا... مش فالح بس غير انك تحط عينك على نص الورث
جاسر. ينهار مش ابيض انا ازاى نسيت حاجه زى دى... وبعدين يا سلومتى انا مش بس حاطط عينى على نص الورث
سلمى. قصدك ايه؟
جاسر بغموض. بعدين هتعرفى ورا ، وفي شقه
اسراء
ـ
اسراء. خير يا استاذ سالم حضرتك كنت عايز ايه؟
سالم. عايز كل خير يا ست البنات.. انا بس منت عايز اعرف ردك ايه على طلبى
اسراء. طلب ايه معلش عشان مش واخده بالى
سالم _ ولا ان الاهتمام مبينطلبش بس معلش نقوله تانى طلبى على جوازك منى
اسراء. ايه جواز ايه انا مش فاكره حاجه زى كدا؟
سالم. للدرجادى عايزه تطلعينى مش مهم مش هتبطلى بقا ترفعى مناخيرك للسما وتعيشى عيشه اهلك
اسراء _ هو ايه اللى عايزه اطلعك مش مهم والله انا حقيقى مش فاكره حاجه
سالم ع العموم ماشى يا ست البنات مش فاكره مش فاكره ادينى اهو بفكرك وهسيبك تانى تفكرى وياريت المرادى ردك يعجبنى
عزيزه. _ الحقى ياست هانم.. اللى اسمه سالم دا داخل شمال ف الست اسراء وعايز يتجوزها عافيه
سلمى _ هو دا بقا اللى كان ناقص انا مش عارفه طلعلى منين ده كمان غورى من وشى انتى كمان
جاسر _ انا مش فاهم انتى معصبه نفسك كدا ليه
سلمى. وانا مش فاهمه انت بارد كدا ليه
جاسر. ياريت ناخد بالنا من لسانا عشان متزعليش منى ياعسل ماشى وع العموم انا همشى
دلوقت وعلى ميعاد العشا هكون وصلت لحل
سلمى. ميعاد العشا ليه هو انت ناوى تتعشى هنا؟
جاسر هو انا مقولتلكيش مش انا هنقل اقامه كامله هنا لحد ما نشوف رد السنيوريتا ايه
سلمى. _ يقطعنى ياخويا لا مقولتليش.. ومتقولش عشان دا مش ممكن يحصل
جاسر _ خلاص ياقطه قولت واللى حصل حصل.. يلا تشاو اشوفك ع العشا
سلمى. لازم اشوفلى صرفه مع محامى الغبره دا كمان
ـــــــــــــــــــــــــــــــــــــــــــــ
عزيزه. معلش يا ست سلمى ملقتش قهوة
اسراء باستهذاء. معلش بقا زى ما انت شايف كان نفسنا نضايفك بس زى ما انت شايف مفيش قهوه
سالم. كدا طب ماشى همشى دلوقتى واجيلكم وقت تانى تكونوا جيبتوا فيه قهوه اعرف ردك ف اللى قولته
اسراء. ماشى هنشوف.. مع السلامه
سالم. مع السلامه ياستهم
اسراء. عزيزه يعنى حى الوراق كله مفهوش مكان بيبع قهوه
عزيزه بارتباك. ها لا ماانا.. انا بس كنت
اسراء مقاطعه. ياريت نبطل تلميع الاوكر شويه يا عزيزه
ـــــــــــــــــــــــــــــــــــــــــــــ
جاسر. يادى اليوم اللى مش معدى طلعلى سالم دا منين هو كمان يعنى انا باعتها بعيد عشان تشيل عنيها من عليها واعرف اتصرف يطلعى سالم يعكها على دماغى اعمل ايه ف المصيبه السوده لا وكان لازم اعمل فيها تمساح واقولها الحل هيكون عندها ع العشا
و في عز تفكيري جتلي الفكرة اللي هتخلي عندي اثبت ان سلمي انتحلت شخصية اسراء
سلمي: جيت يعني... هو مش لسه بدري شويه علي العشا
جاسر: جالي الحل...يبقا اتأخر ليه بقا!!
سلمي: و ايه هو حلك
جاسر: ابعد سالم عن اسراء.. و ابدل كل الورق بتاعكم.. زي شهادة الميلاد و البطاقة و هكذا
سلمي: و بعدين.. مستني ايه.. يلا روح اعمل
جاسر: مفيش حاجة من غير مقابل يا مدام اسراء!!
سلمي: و المقابل!!!
جاسر: اضمن حقي معاكي
سلمي: ازاي!
جاسر: ابصمي علي الورقة دي
سلمي: هو انتي مفكرني غبية لدرجادي!!
جاسر: انا لازم اضمن حقي منك و انتي لازم تكوني واثقة فيا
سلمي: طب و انت ليه مش واثق فيا!
جاسر: عايزني اثق في واحده خطقت حياة اختها بعد ما فقد الذاكرة و عايزه تكوش علي كل ورثها!
سلمي: و دا علي اساس انك ملاك برائ يعني
جاسر: مقدمكيش حل تاني يا سلمي.. ابصمي
مسكت سلمي و قرأتها و بعدين بصمت
جاسر: شطورة.. كدا بقا اعرف اخلصك من كل الشاكل دي!
سلمي: اتفقنا
جاسر: اول حاجة اديني عنوان سالم
اخد منها العنوان و بعدين راح لبيته
سالم: اتفضل يا متر
جاسر: انت تعرفني!!
سالم: اه.. حضرتك كنت بتجي المكتبة كتير
جاسر: انا عايزك في موضوع ضروري
سالم: اتفضل.. سامعك
جاسر: عايزك تتعاون معايا علي حاجة
سالم: حاجة ايه!!
جاسر: اكيد انت تعرف سلمي الجيار
سالم برتباك: اه.. اعرفها
جاسر: امتي اخر مرة قبلتها!!
سالم: هو.. هو حضرتك بتسأل ليه
جاسر: رد علي قد سؤالي!
سالم: انهارده
جاسر: لأ... اللي شوفتها انهاردة مكنتش سلمي
سالم بصدمة: اومال مين!!!!
جاسر: اختها التوأم اسراء!!
سالم: ايه.. ازاي!!!
جاسر: اللي اسمها سلمي دي مكرة كبيرة و صرقت هاوية اختها منها و الفيلا و الشركة و الورث كلة كمان لو موقعنهاش
سالم: انا مش فاهم حاجة
جاسر: انا هحكيلك
حكي جاسر لسالم كل اللي حصل و سالك كان مصدوم من اللي بيسمعه
سالم: طول عمري عارف ان سلمي دي مش سهلة بس متخيلتش انها ممكن توصل لدرجة دي!!
جاسر:.. هتسعدني اوقعها!
سالم: هساعدك.. بس ازاي!!
جاسر: انا معايا بصمتها و هروح اخليهم يكشفو عن البصمة دي و هيشوفها مطابقة للبصمة اللي لي القسمة و لأ
سالم: طب و انا هعمل ايه!!
جاسر: هتروح الفيلا لسلمي و تقولها كل اللي هقولهلك دا! انت هتروح تسهيها عقبال ما ادخل اوضه اانوم و ادور علي القسيمة بتاعتهم
سالم راح لسلمي الفيلا زي ما جاسر قاله
سلمي برتباك: خير يا استاذ سالم!!
سالم: انا جاي عشان اقول لحضرتك علي حاجة مهما
سلمي: حاجة ايه!!
سالم: اختك سلمي
سلمي: مالها!!!
سالم: سلمي عاملة خطة عشان تخلص عليكي
سلمي بصدمة: ايه اللي بتقوله دا
سالم كان بيتلفت حاوليه عشان يشوف جاسر نجح في اللي عايزه و لا لسه
سلمي: انت بتقول ايه يا سالم
سالم: بقول اللي انتي سمعتيه.. هي عايزه تعمل كدا فيكي عشان تنتحل شخصيتك و تاخد ورثك
سلمي: مستحل اسراء تعمل كدا
سالم: اسراء!!!
سلمي برتباك: اقصد سلمي.. مش ممكن تعمل كدا
سالم: انا قولت احزرك منها.. خالي بالك كويس
وصل لسالم رسالة من جاسر انه يمشي
سلمي: انت عرفت ازاي الكلام دا
سالم:.. ها.. ما هي اللي كانت عايزني اساعدها في دا.. بس انا طبعا رفض
سلمي: شكرا اوي ليك يا سالم
سالم: طيب هستأءن انا بقا
بصت سلمي لسالم بمكر و راحت واقفت علي السلم و جاسر نازل بيتسحب
سلمي: بتدور علي حاجة يا. متر!!!
بصلها جاسر برتباك و بعدين هي بصتله بإنتصار
سلمي: متتعبش نفسك مش هتلاقي اللي بتدور عليه.. قسيمة الجواز معايا
تابعوني لأروع الروايات الحصريه
روايات كامله وحصريه 👇👇
تعليقات
إرسال تعليق