ماما فين ياحبيبي
رد الولد ببراءة وقالت نزلت عند عمو محمد تبات معاه في شقته يابابا
ماما فين يا حبيبي
رد الولد ببراءة وقالت نزلت عند عمو محمد تبات معاه في شقته يابابا
انت بتقول ايه ياحبيبي. نزلت تبات معاه ازاي
قالها بصدمة وهو بيحاول يستفهم من ابنه
ليجيب الولد ببراءة لتاني مرة ويقول ... نزلت علشان تبات عندو. زي ما دايما بتنزل تبات عندو لما طنط حورية مش بتكون موجودة وانت بتكون مسافر
وهنا كانت الصدمة الحقيقية
الصدمة كانت ملجماه وهو مش قادر يستوعب كلام ابنه.. ازااي!!!
وهو بيحاول يستوعب... معقوله. معقول ممكن اخويا
ومراتي يكونو بيخنو،، ني!!!!!!!!
..
في شقة اخوه
كانت بين احضا، نه وهي بتحرك ايدها علي صدره العا، ري بهدوء
قالت بحب... عاوزة افضل في حضـ نك كده دايما.
رفعت وشها وقربت با،، سته
وكملت ببتسامة.. مش بقدر ابعد عنه ابدا
رجعت كملت بشرود وقالت... كان نفسى اتجوزك انت. طول عمري بحلم بيك انت. انا بحبك بجنون يامحمد
كانت بتتكلم وهو بينفث دخان سيجارته وهو في عالم تاني مش معاها ولا سامعها
بصتله وقالت.. تعرف ان انا اتجوزته بس علشان افضل جمبك
كملت بضيق وغضب... بس انت روحت اتجوزت اللي ماتتسمي حورية
رجعت اخدت نفس بارتياح وقالت بفرحة... بس انا حاليا مبسوطة. مبسوطة اووي. اهي غارت. داهية لا ترجعها البومة دي
بصلها بغضب راحت قالت علطول... ايه. ما انت كده كده مبتحبهاش. بقلم فريدة احمد
....
يعني ايه. يعني مررراتي بتخو،، ني مع اخوياا
كان في حالة جنون وهو بيكسر في كل شئ قدامه بعد ما عرف ان مراتو بتنيم العيال وتنزل تبات مع اخوه وهو مسافر
ولانه كان في الغردقة علشان شغله. مفكرش ومستناش ساب شغله. ساب كل اللي وراه ونزل خد عربيته وهو زي المجنون وطلع بيها وهو متجه للقاهرة وهو بيتوعد ليهم بشر
..............
في مكان تاني
: يعني ايه عاوزني ارجعلو بعد ماضر، بني واهاني هو و امه
اتكلم اخويا الكبير وقالي... هترجعيلو ياختي مش دا اختيارك.. محدش غصبك عليه يبقي اشربيه واستحمليه بقا. واظن حذرناكي هتتجوزيه ماتجيش في يوم وتشتكي
قولت بزهول... يعني ايه. هو انتو مش هتجيبولي حقي. بقولكو دا ضر، بني وامه بهدلتني
اخويا بلامبالاة... تلاقيكي غلطتي.. ما انتي لسانك طويل
والله ماعملت حاجة دول هما اللي مفتريين. وعلشان عارفين ان محدش من اهلي بيقفلي بيبيعو ويشترو فيا
قولتها وانا دموعي بتنزل بقهر
رد اخويا وقال.... بردو هقولك تاني دا اختيارك واحنا مكناش موافقين عليه من الاول بس انتي اللي صممتي تتجوزيه. يبقي مترجعيش تشتكي
اتكلمت مرات اخويا اللي كانت واقفة بتبصلي بشماته
وقالت... واللي يشيل قربة مخرومة بتخر علي راسه
كان قاعد اخويا التاني بهدوء بعد ما استمع للحوار واخيرا
اتكلم وقال ... كلم جوزها ياطارق. خليه ييجي ياخدها
قولت بدهشة من موقفهم كلهم وانا دموعي في عيوني وانا مش مصدقة دول اهلي المفروض سندي ... انتو بتقولو ايه..بتقولو ايه بقلم فريدة احمد
اخويا عماد قال بقسوة.. زي ماسمعتي ياروح امك. انتي مش هتفضلي هنا يوم واحد. لازم ترجعي بيت جوزك
رديت عليه بدموع وقهر وقولت ... دا بدل ماتقفو معايا بترخصوني. بدل ماتجبولي حقي منو بترخصوني!!!..
انتو كده طول ما مش بتاخدو رد فعل معاه هيفضل يذلني ويهيني. انتو بتعملو كده ليه. هو انا مش اختكم
مسحت دموعي وكملت بعد ماحسمت امري ...بس انا مش هرجعلو بعد اللي عملو فيا.مش هرجعلو
اتنهدت وقولت بقهر...ومش عاوزاكم تقفو معايا..
بصتلهم باستحقار..... اساسا مش جديد عليكم.. كنت عارفة اني ماليش اهل ولا سند ..
كملت بقوة... انا مش همشي وهفضل في بيت ابويا اللي ليا فيه زيكم بالظبط. ورثي ولا نسيتو
عماد ...ورث ايه يا ام ورث. ورثك ده احنا جهزناكي بيه لما جينا نجوزك ياروح امك يعني تنسي ان ليكي في البيت ده شبر واحد
قولت بعصبية وغضب...انت بتقول ايه.عاوز تاكل عليا ورثي كمان.. انتو بتعملو معايا كده ليه. بتعملو معاياا كده لييه. ايه القسوة دي. انا عمري ماشوفت اخوات بيعملو كده في اختهم
مهتمش عماد ل كلامي وبص ل طارق وقالو بعصبية.. ماتخلص يابني. كلمه خليه ييجي ياخدها واعتذرلو علي قلة ادبها بقلم فريدة احمد
بصلي وقال... انا عارف ان لسانها طويل. اكيد قليتي ادبك عليهم. مش كفاية رضييو بيكي علي عيبك. كويس انو لسه مطلققيش ولا اتجوز عليكي. واحد غيره كان زمانه اتجوز من بدري
مسك طارق تليفونه ولسه هيطلب جوزي
قولت بسرعة وانا ببكي بقهر.... استني متكلموش.
بصتلهم بتستحقار وقولت … كفاية ترخصو، ني اكتر من كده..
مسحت دموعي وقولت... انا هرجع لوحدي
كملت بحسرة.... هقولهم اني لقيت الباب مقفول ومعرفتش ادخل... وانتو اكيد نايمين لان الوقت متأخر ومحدش سمعني وانا بخبط.. احسن مايعرفو انكو طردتوني
قولت اخر جملة بسخرية
رد عماد وقالي...طب مانتي ناصحة اهو وبتعرفي تفكري..عيشي نفسك بقا ياختي ومش كل شوية تجيلنا غضبانة مش ناقصين قرف ما صدقنا جوزناكي
بصتله بدموع وخزلان وانا بتقول..حسبي الله ونعم الوكيل فيكم
واخدت شنطه هدومي اللي جيت بيها وخرجت مقهورة ومخزولة من اقرب الناس ليا . اهلي!!!! اللي المفروض سندي وفي ضهري. بس حقيقي بعد الاب مفيش سند
.........
في شقة جوزها
قالت سلفتها وهي بتريح علي صدره تاني.. وانا بصراحة بتمني عمرها ماترجع علشان افضل معاك وفي حضنك
: للدرجادي بتحبيني
قالها بسخرية وهو بينفث دخان سيجارته
رفعت وشها وقالت علطول.. بمو، ت فيك.بعشقك
بدأت تحرك ايدها علي وشه بعشق وقالت..انا مبسوطة ان الجو خلي لينا. مراتك غارت وامجد مسافر
ابتسمت وقالت... هنزلك كل يوم بعد ما انيم الولاد. ودلعك
في اللحظة دي اتفتح الباب بقوة ووو
فتح باب الحمام علي مرات اخوه وقفلو وراه بسرعة
كانت بتلف جسـ مها بالفوطة اول ما لاقته قدامها بصتله وقالت بدلع ... ايه لسه ماشبعتش. جاي تكمل هنا ولا ايه
وهي بتقر، ب ليه جامد وبتقول.. انا ملكك في اي وقت
لكن هو كان مرتبك جدا وقال... حورية رجعت من عند اهلها. جات بره
شهقت بصدمة وقالت وهي بتخبط علي خدها .. يالهوي يالهوي. دي لو شافتني هنا هنتفضح
حط ايده علي بوقها وقال بغضب مكتوم... وطي صوتك. انتي دلوقتي اللي هتفضحي نفسك بصوتك ده ياروح امك
اتنهد بارتباك وقال... اسمعي انا هخرج دلوقتي اروحلها واحاول اشغلها علشان ما تحسش بحاجة وانتي تلبسي هدومك وتخرجي من غير ماتعملي اي صوت. فاهمة
هزت راسها دليل علي الموافقة وهو خرج ودخل اوضة النوم علي حورية بعد ما قفل باب الاوضة وراه
حورية اللي كانت قاعدة علي السرير في دنيا تانية. حتي محستش بأي حاجه برغم انها لما دخلت الشقة وسمعت صوت الماية في الحمام كانت فاكرة انو جوزها لكن لما دخلت الاوضة لاقيته
وكان هو اول ماشافها طفي سيجارته اللي كان بيدخنها بشرود وقام من علي السرير بارتباك وقال... ح حو رية
انتي..
لكن وقتها قاطعته حورية باستغراب وقالت... انت ازاي هنا.. امال مين اللي في الحمام
بلع ريقه برعب
وهي كملت ... انا سمعت صوت ماية في الحمام.. هو في حد هنا
قال بارتباك... حد ايه. لا مفيش حد. دا.. اااه. انا فعلا لسه خارج من الحمام. شكلي نسيت الماية مفتوحة. ثواني هقفلها
وخرج علطول يشوف مرات اخوه اللي في الحمام
اما حورية اللي قعدت علي السرير بتعب وثواني وكانت شردت في اللي حصل من اول اليوم
فلاش بااك
هو كده يامراتك تنزل كل يوم من الساعة سبعة الصبح وتعمل كل حاجة في البيت زيها زي سلايفها يا اما تبعتها لاهلها. انا ماليش في دلع البنات الماسخ ده.. مش كفاية راضيين بيها علي عيبها. خمس سنين متجوزها ومقدرتش تجبلك فيهم حتت عيل. لا وكمان بتتنك علينا
وده كان كلام حماتها اللي قالته بتجبر وهي بتحرض ابنها عليها
اما هو اتنهد بضيق من موال كل يوم لكن اتجاهل باقي كلام امه وقال .. ما انا بشوفها بتشتغل وبتساعد في البيت ياما. هي عملتلك ايه بس
بسخرية... بتساعد. دي مبتشيلش حاجة من الارض غير وانت موجود.
كملت بغل... بت مش سهلة بتعمل كده قدامك علشان توريك انها شيلانا.وقايمة بشغل البيت كله.
محمد... طيب ياست الكل عاوزة ايه وانا هخليها تنزل تعملهولك
الكلام ده سمعته حورية اللي كانت نازلة من علي السلم
لكن وقفت مكانها وهي بتغمض عينيها بغضب من حماتها اللي مش بيعدي عليها يوم من غير ماتسخن ابنها عليها
لكن الغضب اتحول ل الم شديد في قلبها لما سمعت حماتها اللي ردت علي ابنها وقالت... اسمع يابن بطني انا لاعاوزة تعملي حاجة ولا عايزاها من الاساس هي كده كده مش نفعانا. طلقها يابني. طلقها واتجوز واحدة تخلفلك حتت عيل. ماهو مش معقول هتكمل حياتك معاها كده. ايه مش نفسك تخلف عيل من صلبك يشيل اسمك. مش بتغير من اخواتك اللي مشاء الله الكبير معاه بدل العيل اتنين والاصغر منك مراتو اهو بقت حامل
محمد... ياما ربنا يرزقهم ويخليلهم عيالهم.
مسح علي وشه بضيق وقال... لو سمحتي ياما بلاش تفتحي سيرة الخلفة دي تاني. لاني لا هطلق حورية ولا هتجوز عليها
: لييييه سحرالك
قالتها امه باندفاع وغضب
لكن كملت بحيرة وقالت... اشحال انك كل يوم والتاني بتضربها . حتي مش بشوفك بتعاملها زي الحبيبة يعني. ايه سر تمسكك بيها مش فاهمه
: ياامااا قفلي بقا علي الموضوع ده. وجواز تاني مش هتجوز علشان تريحي نفسك
قالها محمد وهو بينهي اي نقاش في الموضوع ده تاني
ولف علشان يخرج اتفاجأ ب حورية واقفة علي السلم ودموعها في عيونها ف قالها... احم. انزلي ياحورية شوفي ماما عاوزة ايه واعمليهولها. يلا
راحت امه قالت بسرعة وسخرية ... هتعمل ايه المعدولة. هي بتعمل حاجة يابني . منا بقولك مبتعملش دا غير انها غلطت فيا امبارح... هقولك ايه مراتك دي مش متربية. اهلها معرفوش يربوها
محمد بص ل حورية اللي كانت واقفة بصدمة وهي متاكده من مكيدة جديدة من حماتها
رجع بص محمد ل امه وقال... غلطت فيكي ازاي ياما
قالت امه بمسكنة ...امبارح كنت تعبانة وانت عارف رجلي بتوجعني ومرات اخوك كانت عند الدكتور ب ابنها وهي الوحيدة اللي كانت فاضية ف روحت قولتلها ياحورية شطبي المطبخ مكان العشا قبل ماتطلعي شقتك..تخيل تقولي ايه.
بصلها باهتمام ف كملت وقالت... قامت شوحتلي بإديها وقالتي ماتعملي انتي هو انتي اتشلـ يتي. غلطت فيا يابني غلطت في امك
محمد.... هي قالتلك كده
كملت بدموع مصتنعة وقالت.... هقولك ايه بس ولا ايه.
حتي اسال اختك اهي.بصت لبنتها اللي كانت قاعدة في جمب لوحدها بتقلب في تليفونها بلا مبالاة وقالت... بت يا سمر. مش قالت كده
وهي بتبص لبنتها بتحذير علشان تأكد اللي قالته
سمر بخوف قالت ... ااه. احم. هي بصراحة قالت كده يامحمد ودايما بتغلط في ماما
امه... شوفت بقا علشان تعرف اني مستحملة منها كتير وبقول علشان خاطرك
لحد هنا ومستحملتش حورية اللي كانت واقفة بزهول وهي مصدومة من كل الاتهامات دي
اتمالكت نفسها وراحت نزلت الدرجتين من علي السلم وقربت علي حماتها بغضب وقالت... انتي ايه ياولية. مش بتخافي من ربنا انتي ولا بنتك.. اتا قولتلك كده!!!!
حرام عليكي كفاية تتبلي علياا بقااا. كفاااية. كفاااية كل يوم والتاني تسخنيه عليا
كملت بعصبية وغضب... سيبيني في حاالي بقاا. عاوزة تعملي فيا ايه بالظبط
محمد بحدة... حورية. وطي صوتك
حورية بغضب... مش هوطي صوتي. انت مش شايف بتتبلي عليا ازاي هي واختك.. دي ولية كدابة
امه... شايف. شايف بتقول علي امك ايه. اللي ملقتش حد يربيها. شايف بتغلط في امك ازااي
محمد بص ل حورية وبغضب.... اعتذري ل امي حالا
حورية بقوة.... مش هعتذر. انا مغلتطش فيها هي اللي اتبلت عليا. بتقول كلام محصلش. هي اللي غلطت فيا مش انا
وهي بتبص ل حماتها بغضب... دا غير السم اللي كل شوية بتبخه في ودانك علشان موضوع الخلفة
محمد بغضب مكتوم.... قولت اعتذري حالا
حورية.... وانا قولت مش هعتذر
ولفت وراحت تطلع علي فوق متجه لشقتها لكن هو شدها قبل ماتتحرك ونزل علي وشها بكف شديد وقال... شكلك فعلا متربتيش و محتاجة تتربي من اول وجديد. وانا هربيكي. علشان تعرفي تكسري كلامي
حورية كانت حاطة ايدها علي وشها مكان القلم وبتبصله بغل وقالت.... هتفضل طول عمرك حيوان وابن امك
هنا نزل علي وشها بقلم تاني اقوي لدرجة اوقعها ارضا وقال... وحيات امي لاربيكي حالا
ونزل فيها ضرب بشدة
وامه واقفة تبصلها بشماته وهي بتقول... تسلم البطن اللي شالتك. ايوا كدا يابن بطني علشان قبل ماتفكر تطول لسانها عليك تعرف انك هتقطعهولها
سمر كانت بتبص لامها بندم وعتاب وراحت قالت بسرعة
كفاية يامحمد علشان خاطري
وهي بتحاول تبعده عن حورية اللي كان نازل فيها ضرب من غير رحمه
في اللحظة دي نزلت سلفتها( رشا ) اللي اول ماشافت اللي بيحصل كانت هي كمان مبسوطة جدا وبتبصلها بشماته مخفية
وقربت عليهم وقالت بتأثير مصطنع... ليه كده يامحمد بس
وقربت علي حورية وهو بتحاول تقومها وهي بتقول... تعالي ياحبيبتي اطلعك شقتك
لكن حورية بعدتها عنها بغضب وقالت... ابعدي عني ياحرباية
وقامت بصعوبة وطلعت علي شقتها
ومحمد كان خرج بغضب
بصت رشا ل حماتها وقولت ببتسامة مقدرتش تخفيها... ايه اللي حصل ياخالتي
اما حورية ف كانت طلعت ولمت هدومها ومشيت علي بيت اهلها وهناك حصل اللي حكيناه في البارت اللي فات
واللي كانت رشا استغلت ده واول ما محمد رجع نزلت قضت معاه الليلة في الرذ، يلة
.........
فاقت حورية من شرودها علي محمد اللي دخل وقفل الباب وراه علشان متاخدش بالها من رشا اللي لبست هدومها واتسحبت وخرجت من باب الشقه من غير ماتعمل اي صوت
حورية وهي باصة في الارض قالت... انا بس رجعت علشان نسيت المفتاح بتاع بيت اهلي ولما روحت ملقتش حد يفتحلي شكلهم نايمين. انت عارف هما في الدور العالي. احم. انا هبات وهرجع الصبح
لكن هو كان قرب منها وقعد قدامها وقال بسرعة... لا. متمشيش.. خليكي. متسبيش البيت
بصتله بدموع وقالت.... عاوزني ليه. اما انت كل يوم والتاني بتضربني علي راي امك بسبب ومن غير سبب ومعاملتك معايا مفيش واحدة تستحملها
قال ببعض الندم... معلش حقك عليا. بس انتي ياحورية اللي بتعصبيني وبتجبيه لنفسك. متبقيش تردي ولا تبجحي وانا مش همد ايدي عليكي. وبعدين اللي عملتيه ده كان يصح. واقفة تغلطي فيا وفي امي. كنتي عاوزاني اعمل ايه. كان طبيعي اتعصب
حورية بصتله بدموع وقهر وقالت... عندك حق. انا فعلا اللي بجيبه لنفسي. علشان بسكت. بتبيعو وتشترو فيا انت واهلك وبسكت. بسكت علي الذ، ل والاها، نه وضربك ليا وعمايل امك فيا اللي مابتخلصش.. فعلا انا غلطانة
وبدون ولا كلمة تاتية قامت خرجت من الاوضة وهي بتشيل الطرحة من علي راسها وراحت الحمام واللي بمجرد ماقفلت بابه عليها قعدت علي ارضيته وفضلت تعيط بقهر وحرقة لحد مااخيرا قامت تغسل وشها وتاخد دش يمكن تفوق شوية وتهدي لكن اللي شافته واللي مكانش متوقع وصدمها بشدة لما عينها جات علي قطعه صغيرة من الملابس الداخليه الحريمي و اللي قربت عليها تتأكد منها
كانت بتبصلها بصدمة وبتقول بزهول... وكمان بتخو،، ني
#مأساة_حورية
: وكمان بتخو،، ني
مكانتش حورية تتوقع اللي شافته و اللي صدمها بشدة لما كانت في الحمام و عينها جات علي قطعه صغيرة من الملابس الداخليه الحريمي و اللي قربت عليها تتأكد منها
كانت بتبصلها بصدمة وبتقول بزهول... بتخوني في شقتي وعلي سرير،، ي
..
في الوقت ده كان امجد وصل البيت و ده بعد ماساب عربيته في المطار وحجز في اقرب طياره كانت طالعه
و اللي من حسن حظه مستنهاش اكتر من ربع ساعة لكن الدقايق دي عدت عليه كانها قرن وهو دماغه بتودي وتجيب والغضب مسيطر عليه
امجد وصل وهو الغضب عاميه مش شايف قدامه غير خيا،، نة مراتو واخوه وده بسبب كلام ابنه اللي بيتردد في ودانه
فتح بوابة البيت ودخل وطلع علي السلم علطول وهو متجه لشقه اخوه
لكن قبل مايوصل لشقة اخوه واللي هي في الدور الثالث وقف قدام شقته الاول وهو بيتنفس بعنف وفتح الباب ودخل الاول يجيب سلا. حه وهو واخد قراره انو هيخلص عليهم الاتنين
بس الغريب واللي فاجأو انو بمجرد مافتح باب اوضة النوم وفتح النور وقبل مايتحرك ناحية الدولاب ياخد سلا.،، حه اتفاجأ بمراته نايمه علي السرير ورايحة في النوم كمان
....
عند حورية
كانت خرجت من الحمام وهي تايهة ومصدومة بس قررت في نفسها انها مش هتعرفو انها عرفت بخيا،، نته ومش هتتسرع وهتفكر بهدوء ولحد ماتدور وراه وتعرف مين دي اللي بيجبها الشقة وبتـ نام معاه علي سر،، يرها. وقتها تبقي تتصرف وتعرف تاخد حقها كويس وتنـ تقم منه
اتنهدت ودخلت اوضة تانيه وقفلت علي نفسها
وقفت ورا الباب وغمضت عيونها وهي حاسه بالم شديد في قلبها وهي بتقول... يااارب ماليش غيرك اشتكيلو
بس الغريب واللي كانت حاسة بيه ومستغربة نفسها عليه ان خيا،، نته مكانتش فارقة معاها وكأنها فقدت الامل فيه ويأست منه. بس كانت بتعد نفسها انها هتنـ تقم منه علي كل حاجة وقريب اوي. بس كانت بتقول لنفسها الصبر
اتحركت ووقفت قدام المرايا وهي بتبص علي جسمها بدموع وهي شايفة علامات الضر،، ب اللي في كل مكان في جسمها
فتحت درج التسريحة واخدت الكريم وابتدت تحط علي الكدمات اللي في جسمها بحزن والم
وبعد ما انتهت لبست هدومها وقربت علي السرير ورمت جسمها بتعب وهي بتحاول تنام بقلم فريدة احمد
في اللحظة دي فتح محمد الباب عليها بعد ماانتظرها كتير في الاوضة واللي لما لاقها اتاخرت قام يشوفها
و بمجرد مافتح باب الاوضة ولاقها نايمه قال باستغراب... انتي اللي منيمك هنا.
كانت صاحية وسمعاه بس مردتش
محمد.... حورية
فتحت عنيها بضيق وقالت... نعم
محمد... بتعملي ايه هنا
حورية... زي ما انت شايف. نايمه
محمد.... ايوا. اللي نيمك هنا مش فاهم. مجتيش تنامي في الاوضة التانية ليه
حورية بهدوء.... انا مرتاحة هنا.. لو سمحت اقفل النور خليني انام لأني تعبانة ومحتاجة ارتاح
وفقط شدت الغطاء عليها وغمضت عيونها مصطنعة النوم
اما هو حب يسيبها براحتها طفي النور لكن قبل مايخرج من الاوضة قرب عليها وميل باسها علي راسها بهدوء
وهي بمجرد ماحست بيه تلقائي قفلت عيونها جامد وجسمها اتجمد لكن مصدرش منها اي رد فعل
وهو بعدها خرج علطول بقلم فريدة احمد
.....................
في شقة امجد ورشا
رشا اول ماحست بيه فتحت عيونها وقالت باستغراب... امجد.. انت جيت امتا
امجد اللي كان قاعد علي الكنبة اللي في الاوضة وبيخلع جزمته قال... لسه حالا
قامت اتعدلت وقربت عليه وقالت... بس انت مقولتش ليه ان انت هتيجي
امجد بصلها وقال بغموض... قولت اعملهالك مفاجأة
ابتسمت رشا وقالت.... دي احلي مفاجأة
وقربت حضنته وهي بتقول... انت اساسا كنت واحشني اووي.
بعدت وقالت وهي بتمسك وشه... متعرفش وحشتني قد ايه.. السفرية دي غير اي مرة
وقربت باسته وقالت....انا مش مصدقة
بعدت وكملت...مبسوطة اوووي اني شايفاك دلوقتي
كل ده وامجد بيبصلها بس بغموض بعدين قال بهدوء وهو بيقوم وبيفك في زراير قميصه....اتصلت علشان اتطمن عليكي.بس مكنتيش موجودة
بس الغريب ان رشا مظهرش عليها اي علامات ارتباك او توتر لكن عقدت حواجبها وقالت...امتا ده
امجد...من ساعتين تقريبا بقلم فريدة احمد
رشا... اكيد كنت تحت عند خالتي
ثواني وكملت بتفكير.... ااه او يمكن لما طلعت لمحمد اخوك ا..
قاطعها امجد علطول من غير تفكير.... طلعتيلو ليه
ردت رشا بكل بساطة وقالت... طلعتلو اكل. اصل انت متعرفش اتخانقو هو وحورية. وحورية سابت البيت
ولما رجع حضرتلو عشا وطلعتهولو.. ما انا زوقيا مكانش ينفع اسيبه كده يبات من غير عشا. خصوصا ومراته مش موجودة . ولا انت شايف ايه
وقبل ما امجد يتكلم كملت رشا وقالت ببراءة مصتنعة... لو شايف انو مايصحش. قولي وانا مش هعملو حاجة تاني
لكن رد امجد عليها خلاها تطمن علي الاخر وهو ده اللي كان قاصده انه يحسسها انو عمره ما يشك فيها وبيثق فيها لحد ما يتأكد اذا كانت فعلا بتخو،، نه ولا لا فقال ... انتي طول عمرك بتفهمي في الاصول يا رشا ومبتعمليش حاجة تضر سمعتك. بعدين دا اخويا وابن خالتك. ف ايه المشكلة انك تعمليلو. انتي اكيد بتعتبريه زي اخوكي
رشا بسرعة... فعلا دايما بعتبر اخواتك زي اخواتي
..........
في بيت اهل حوريه وخصوصا شقة اخوها طارق
: بتعملو ايه
قالها طارق لما دخل شقته وقرب علي بنته اللي مامتها بتذاكرلها
ردت البنت وقالت... بنعمل الهووم وورك يابابا.
وهي بتوريلو الكتاب وبتقول... بص انا بحل صح ازاي
باسها علي خدها وقال... شطورة ياحبيبة بابا
قال وهو بيشجعها... كل ماتبقي شطورة كده هجبلك العاب كتير اوي
باسته بنته وقالت... انت احلي بابا في الدنيا
كل ده ومراته مكانتش بتبصله حتي لكن بصت لبنتها وقالت.. يلا ياحبيبتي ركزي علشان تنامي الوقت اتاخر
سيلا... حاضر
طارق... اعمليلي قهوة يا علياء
وهو بيتجه ل اوضته
: حاضر
قالتها مراته وهي بتبص عليه بضيق وغضب
وقامت تعملو
شوية ودخلت الأوضة بالقهوة وبدون ولا كلمه حطتها جمبه علي الكومود ولسه هتتحرك علشان تخرج من الاوضة لكن هو مسك ايدها وهو بيطفي السيجارة اللي كانت في ايده وقال... مالك.
بصتله وقالت... مفيش
: اماال قالبة خلقتك ليه
قالها بضيق منها ومن برودها
بصتله بغضب وقالت.... انتو ايه اللي عملتوه مع اختكو ده.. ازاي تمشوها كده.. انتو ايه معندكوش د، م.. ولما بيت اهلها مش هيكون مفتوح ليها لما جوزها يزعلها. تروح فين
انتو ازاي كده. ايه الجحود ده
طارق بحدة.... وطي صوتك
علياء بعصبية وغضب... بلا اوطي صوتي بلا زفت . انا مصدمو فيكم حقيقي. عارفة انكم جاحدين وبتقسو عليها. بس ماتوقعتش تسيبوها ترجع لوحدها في نصاص الليالي
طارق ببرود... البنت ملهاش غير بيت جوزها.. وبعدين هيا اللي اختارته متجيش لينا كل يوم والتاني تشتكي منو بقا. دا ضر، بني. دا امه مش عارفة عملت ايه.. هو كان اختيارها من الاول
علياء بحزن عليها .... حتي لو كان اختيارها
انتو اهلها مينفعش طول الوقت تفضلو تعاقبوها كده. وبعدين هي كانت صغيرة ولسه مازالت صغيرة. حورية مش كبيرة
دي لسه مكملتش 21 سنة.. اتجوزت صغيرة وشالت الهم بدري
طارق... والله مش هي اللي مسكت فيه وقالت مش هتجوز غيره.. نعملها ايه.
علياء ... وهي عملت كده ليه مش كنتو عاوزين تجوزها واحد قد ابوها
طارق.... بقولك ايه قفلي بقا سيبك من الموضوع ده. هي في الاخر بتحبو هتعرف تعيش نفسها.. المهم
بصلها وهو بيمرر عينه علي جس، مها وقال.. ماتروحي تلبسيلي قمـ يص نو، م وتهيألنا ليه حلوة كده . انتي وحشتيني
علياء بجمود... انا تعبانه
و سابته وخرجت من الاوضة
وهو نفخ بضيق وقال... ابو الحريم علي ابو الجواز. ايه النكد ده
وهو بياخد علبه السجاير وبيطلع البلكونة
.............
في شقة عماد
كانت قاعدة مراته علي كرسي التسريحة وهي بتدلك ايديها بالكريم
بصت في المرايا علي عماد اللي مشغول في تليفونه وقالت.... عجبتني باللي عملتو مع اختك..
كملت بشماته وقالت.... ايوا كده. علشان تبطل تجيلكو كل يوم والتاني غضبانه. لازم تتعود وتستحمل. البنت ملهاش غير بيت جوزها
عماد وهو لسه مشغول في تليفونه.... عندك حق
نورا... وبعدين حورية دي ملزقة وهي اللي بتجيبو لنفسها بصراحة. لسانها ده اطول منها
عماد قفل التليفون وحطو جمبه وبصلها وقال... سيبك من حورية وقوليلي العيال نامو ولا لسه
ضحكت نورا وقالت بغمزة... نامو
: طب تعالي يابطل
قالها وهو بيفتح ايده
وهي ضحكت ضحكة خليعة وقامت راحتلو
..........
تاني يوم
صحيت حورية و كانت قاعدة علي السرير بشرود لكن قطع شرودها ده لما محمد فتح عليها باب الاوضة وقال... يالا ياحورية انزلي شوفي امي وحضري معاهم الفطار
اتنهدت وقالت بهدوء..... حاضر
وهو نزل وبعدين هي قامت اخدت دش ولبست ونزلت وراه
بعد شوية
كانت حورية خلصت كل شغل البيت
وبعدين بدات في تحضير الغدا وعملت اكل كتير واصناف كتير جدا بامر من حماتها وده علشان امجد اللي كان بيقلو اكتر من شهر في الغردقة بحكم شغله
وبعد وقت كانو متجمعين كلهم علي السفرة
قالت الام بفرحة لامجد... حمدالله علي السلامة ياحبيبي
امجد بهدوء.... الله يسلمك ياست الكل
بصت ل رشا وقالت... قربي يارشا الاكل لجوزك خليه يتغذي كده.. حطيلو فردتين الحمام دول قدامو
رشا... حاضر ياخالتي
وبقت تحطلو الاكل قدامه
محمد وهو بياكل.... الشغل عامل ايه يا امجد
امجد... ماشي الحمدلله.
بصله بغموض وقال... مبتفكرش تنقل الغردقة
محمد بسرعة.... لا انا مبسوط هنا
امجد... حقك.
وهو بيبص ل رشا
وكملو اكل تحت نظرات امجد الغامضة ل محمد ورشا وهو بيبص لكل واحد فيهم شوية
وحورية اللي كانت قاعدة بهدوء وهي كمان بتبص لجوزها بغضب مخفي
اما رشا كانت بتبص ل حورية بقرف وضيق وحورية نفس النظام
......
خلص اليوم
وفي اخر الليل خرجت حورية من شقة حماتها متجهة لشقتها ولسه بتفتح باب الشقة اتفجأت باللي قدامها مستنيها علي السلم
قالت بزهول.... عاصم
وهي بتبص حواليا ورجعت بصتله.... انتي ازاي جيت هنا. بتعمل ايه هنا
عاصم.... وحشتيني.
حورية لسه هترد سمعت صوت محمد جوزها اللي طالع علي السلم وهو بيتكلم في التليفون.
حورية برعب وهي بتخبط علي خدها بايدها.. يالهوي محمد طالع. هيشوفك.
وهي بتقول بهمس.. يالهوي يالهوي. اعمل ايه دلوقتي
عاصم....
فتحت حورية الباب ولسه هتتدخل اتفاجأت باللي بيجذبها
شهقت بخضة ورفعت وشها وبمجرد ماشافته برقت بصدمة وقالت بزهول.... عاصم.. انت بتعمل ايه هنا. وجيت هنا ازاي
عاصم..... وحشتيني
حورية برعب وهي وتبص حواليها تتأكد حد شايفهم ولا لا بصتله وقالت بترجي... امشي. علشان خاطري امشي.. لو حد شافك هنا هتبقي مصيبة
عاصم... همشي
بصلها بحب وقال... بس انا مقدرتش انام غير لما اشوفك.
حورية بعصبية... انت مجنون. انت مش هترتاح غير لما توقعني وتوقع نفسك في مصـ يبة
عاصم... انا بحبك ياحورية بقلم فريدة احمد
حورية بغضب.. مش بقولك مجنون.. ماتطلعني من دماغك بقا.. انا مرات ابن عمك فاهم يعني ايه. فوق بقا. فوووق
شدها من وسطها وقربها ليه وهو مغيب وقال... انا مش عارف انساكي ياحورية.
وهو بيبصلها بتوهان وبيميل عليها... بحبك ياحور
حورية وهي بتحاول تبعده عنها قالت برعب.. فووق. فوق ياعاصم. ارجوك ابعد
وهي بتحاول تبعده عنها لحد ماقدرت تبعده وقالت بغضب مكتوم ... ماتسبني في حالي عاوز مني ايه. شوف حالك بعيد عني بقا
عاصم... انتي حالي ياحورية
حورية بغضب... لاا دا يظهر الزفت اللي بتشربه لحس دماغك علي الاخر.. حل عني وامشي. امشي من هنا قبل ما حد يشوفك يلااا
ولفت تدخل الشقة وتقفل الباب
بس هو شدها قبل ماتقفل الباب ومسكها حاصرها بينو وبين الحيطة و قال...انتي ليه مش عاوزة تفهمي اني بعشقك.
كمل بضعف... انا بحبك بجنون ياحورية
حورية لسه هتتكلم
عاصم.... اتطلقي منو ياحورية.. اتطلقي وتعالي نتجوز. هعيشك ملكة. انتي متستحقيش تعيشي اقل من ملكة.. محمد ميستاهلكيش.. اللي يهينك بالشكل ده ميستاهلش ضافرك
حورية بحدة وهي بتحاول تتخلص منو ... ميخصكش. ملكش دعوة بحياتي.
كملت بعصبية.. فكك مني بقا ويلا قبل ماحد يشوفك امشي مكان ماجيت يلا. لو خايف علي نفسك امشي حالا. علشان لو محمد شافك مش هيطلع عليك نهار
وهي بتحاول تزقه.. وبتقول. يلا امشي. يـ..
في اللحظة دي قطعت كلامها وبرقت برعب وقالت بصوت واطي وهي بتخبط ايدها علي خدها.. يالهوي. يالهوي
محمد طالع. هيشوفك امشي بسرعة
وده لما سمعت صوت جوزها طالع علي السلم وهو بيتكلم في التليفون
زقته ودخلت شقتها بسرعة وقفلت الباب عليها
وعاصم جري علي علي فوق السطح مكان مانزل
وده لانو بيتو وبيت عمو جمب بعض
حورية كانت واقفة ورا الباب بتتنفس بعنف وضربات قلبها سريعة كان جسمها كلو سايب وهتمو، ت من الرعب
اول ماحست بالمفتاح في الباب بعدت علطول بس كانت واقفة حرفيا جسمها كلو بيترعش
محمد دخل وقال باستغراب... واقفة كده ليه
حورية وهي بتحاول تخفي ارتباكها قالت... مفيش.. انا داخلة انام بقلم فريدة احمد
وسابته ودخلت الاوضة علطول وقفلت بابها في وشه
بس محمد دخل وراها وقال... بردو هتنامي هنا
حوريه وهي بتفك الطرحة وبتروح علي السرير قالت بجمود... ايوا
وشدت الغطاء عليها ونامت
وهو اتنهد بضيق وخرج
................
تاني يوم في الصباح
كانت نازلة من علي السلم باستعجال وهي معاها كتبها ولسه هتتجه للباب وقفت مكانها بضيق لما حماتها قالت بسخرية وهي قاعدة بتشرب الشاي هي ورشا... علي فين ياختي
لفت ليها وهي بتبص علي الكتب اللي في ايدها
وقالت ببرود... سلامة الشوف يامرات عمي.. اكيد رايحة الجامعة وده واضح جدا من الكتب اللي معايا
كملت بسخرية وقالت... وبعدين ياحماتي كل يوم بتسأليني نفس السؤال وانا نازلة وبجاوبك نفس الاجابة. ايه مستنيه اغيرلك الاجابة مثلا. المفروض من غير ماتسالي انتي عارفة اني رايحة الجامعة اكيد بالكتب دي مش رايحة الملاهي يعني
: شكلك محتاجة تتربي ياهنا
قالتها حماتها بضيق وغضب منها ومن سخريتها
هنا ببرود... ليه بقا وانا كنت غلط فيكي
حماتها بسخرية ... كل ده ومغلطتيش. ناقص تيجي تديني قلمين
كملت بتوعد وغيظ..... بس لما ييجي جوزك. هخليه يشوف صرفة معاكي علشان تبطلي تتني وتتفردي علينا
هنا بلعت ريقها برعب لانها عارفة حماتها وانها مش هترتاح غير لما تسخن جوزها عليها زي ما بتعمل مع حورية
انتبهت ليها لما كملت وقالتلها بحده... وبعدين ياروح امك بطلي تنطيط كل يوم والتاني رايحة الجامعة. ولا ناسية انك حامل
كملت بتحذير وقالت... لو اللي في بطنك جراله حاجة
بس هنا برغم خوفها قاطعتها وقالت ببرود.. متقلقيش يامرات عمي. الدكتورة قالت عادي. عن اذنك بقا علشان اتاخرت
وخرجت من غير ماتسمع منها اي كلام تاني
"قدرية " وده اسم حماتها بصراحة ملقتش اسم يليق عليها غير ده 😂
قالت بزهول ... شوف البت اللي ماشافت تربية. قاطعتني في الكلام ومشيت ولا هامها.. بس هقول ايه العيب مش عليها. العيب علي ابني اللي ركبها عليها وخلاها تدلدل رجليها بنت فايزة
رشا.. ما انتي عارفاها ياخالتي بت متدلعة ورافعة مناخيرها في السما. علي ايه مش عارفة
قدرية... نكسرهالها ياختي. ايه هسيبها تركبنا اكتر من كده ايه
رشا... بس انتي عارفة كريم بيحبها
قدرية.... بيحبها اه
كملت وهي بتتوعدلها وقالت... بس لو عرف قلة ادبها دي هيربيها. انا عارفة ابني. ابني راجل والحال ده مايمشيش معاه..
شردت وقالت.... ماااشي ياهنا ان ماجبت مناخيرك الارض مبقاش قدرية
رجعت بصت ل رشا وقالتلها.... وانتي يامعدولة ايه اللي نزلك مش شقتك وسايبة جوزك فوق
رشا....ايه ياخالتي نزلت اقعد معاكي
قدرية.... متقعديش معايا ياختي قومي شوفي جوزك
بصتلها من فوق لتحت وقالت.... وبعدين مالك كده.
فين يابت الاحمر والاخضر اللي دايما بتحطيهم علي وشك
كملت بسخرية.... ولا الحجات دي مش بتطلع لجوزك
رشا بتوتر.... قصدك ايه يعني ياخالتي
قدرية.... ولا قصدي ولا مقصديش.. قومي شوفيه يلا ودلعيه ياختي.. غايب عنك بقالو شهر. نازلة وسيباه. ده ايه الوكسة دي بقلم فريدة احمد
رشا بضيق ... ماهو ياخالتي اللي متغير معايا من وقت ما رجع. مش مديلي وش. اعمل ايه يعني..
كملت بغيظ.. وبعدين سابني امبارح وسهر بره مرجعش غير الصبح.
قدرية... ما يمكن في حاجة مضايقاه في الشغل
رشا... مش عارفة بقا
في اللحظة دي خرجت حورية من المطبخ وقالت بتعب... خلصت ياطنط.
كملت بضيق مخفي... محتاجة حاجة تاني قبل ما اطلع
قدرية... وانتي كنتي لسه عملتي حاجة يادلعادي
حورية بزهول... انا نضفت البيت كله ومسحتو وغسلت المواعين وشطبت المطبخ.. من الساعة سبعة الصبح وانا واقفة علي رجلي
قدرية.... لسه ياختي اليوم طويل في غدا هيتحضر الشغل لسه مخلصش . و بعدين السجاد اللي شيلته ده مغسلتيهوش ليه ولا تكونش مفكره اني شيلته علشان اعمله عرض
حورية... وانا اغسلو ليه. ماتبعتيه المغسلة
قدرية.... وانتي لازمتك ايه.. روحي ياختي اغسلي السجاد اخلصي
حورية ... واشمعنا انا اللي اغسله هو مفيش غيري في البيت. ما عندك رشا وهنا وبنتك سمر. ولا هو حورية تشيل الطين
قدرية.... اه ياختي مفيش غيرك. عاوزة مين اللي يعمل. رشا اللي معاها عيالها ولا هنا الحامل. وبنتي في الجامعة عندها مذاكرتها
بصتلها بسخرية وقالت.... علي الاقل انتي لا معاكي عيل ولاتيل. ارضك بور. مش عارفة تجيبي حتت العيل ل إبني
حورية غمضت عينها بالم ووجع من كلامها اللي دايما بتقولو ليها في الطالعة والنازلة ومعايرتها ليها طول الوقت
فتحت عينيها وقالت بدموع وقهر... انتي لو ست تعرفي ربنا. هتعرفي ان الخلفة دي بإيدو مش بايدي انا
قدرية... وانتي مخلفتيش
كملت وقالت....ومدام انتي عارفة ربنا. اكيد عارفة ان ربنا حلل الحواز تاني ورابع
قاطعهتا حورية وقالت بألم... جوزيه. انا معترضتش
قدرية... هجوزه ياختي. اكيد هجوزه علشان اشوف عياله
ماهو اكيد مش هسيبه كده يكمل حياته معاكي من غير خلفة
حورية مسحت دموعها وقالت... عن اذنك
ولسه هتطلع
قدرية قالت... استني ياختي. روحي يلا اغسلي السجاد
حورية وقد استعادت قوتها شاورت علي رشا وقالت... في واحدة غيري..انا شايفاها من بدري قاعدة فاضية يعني متعملش هي ليه ولا علي اديها ورجليها نقش الحنة
لسه قدرية هترد رشا رفعت حاحبها وقالت بجحود... اه ياحبيبتي. علي رجلي نقش الحنة. وانتي كده كده اللي في الاخر هتعملي. ف اعملي وانتي ساكته. احسن ما محمد ينزل يرنك علقة زي بتاعت امبارح
وبالفعل عملته حورية وبعد ماحيلها اتهد طبعا طلعت شقتها بتعب وهي بتدعي ربها يخلصها من العيشة اللي هي فيها والذ، ل ده
.........
مساءا
كانت حورية واقفة في اوضة نومها بترتب في دولابها
محمد خرج من الحمام وهو لابس بنطول بس وبينشف راسه بالفوطة
رمي الفوطة وقرب عليها وهو بيمسكها من وسطها وبيقربها ليه وقال... وحشتيني
حورية سابت اللي في ايدها وبعدت عنو وقالت.. عن اذنك
وراحت تخرج لكن هو مسكها،
رفع ايده يحركها علي شعرها بعدين ميل با، سها علي راسها وقال.... انا عارف اني اتغبيت عليكي وحقك تزعلي .. انا اسف
وميل با، سها علي خدها
بعدين قال... روحي اعمليلي شاي وتعالي
حورية بهدوء راحت تعملو
وبعد دقايق جابت الشاي وقربت حطته علي الكومود ولسه هتتحرك علشان تخرج
مسك ايدها وقال... اقعدي. عايزك
بلعت ريقها وقعدت قدامه وهو اتعدل ومسك وشها باديه وقال... انا بحبك ياحورية.. وانتي كمان بتحبيني
دموعها نزلت بوجع وهي بتفتكر لما اتحدت اهلها علشانو وقد ايه بتحبو. بس هو ميستاهلش ده
مد ايده يمسح دموعها
بصتله وقالت... ليه بقيت بتعاملني كده .. ليه بقيت بتقسي عليا كده.. انت كنت احن عليا من اهلي.
كملت بوجع وقالت... انا حبيتك علشان حبك ليا وحنيتك عليا اللي مبقتش موجودة. اتبدلت بقساوة. ليه بقيت واحد تاني. ليه اتغيرت كده
هزت راسها اكتر من مرة وقالت....بس انا عارفة ليه.. انت من يوم ماعرفت اني مش بخلف وانت اتغيرت معايا..
مسحت دموعها وقالت... بس ده مش ذنبي. مش ذنبي اني مش بخلف. ومفيش في ايدي حاجة اعملها. دا نصيبي
دموعها نزلت تاني وقالت بصعوبة... وانا قولتلك اتجوز وخلف الولد اللي نفسك فيه
قربها ليه وقال بعد مامد ايده يمسح دموعها... بس انا مش هتجوز..عمري ماهتجوز عليكي ابدا.. مين قالك ان عايز اخلف. انا عايزك انتي. انا بحبك ياحورية
كانت بتبصله بحيرة وهي مش فهماه. كانت محتارة بين خيا،، نته ليها وبين صدقه اللي حاسه بيه لانه فعلا عمره ما حسسها انو في يوم ممكن يتجوز عليها برغم معاملته القاسية معاها
غمضت عيونها وهي مشتته لحد ماحست بيه لما ميل عليها وقرب من شفا، يفها
لكن هي علطول افتكرت خيا، نته وبعدت
محمد.... سيبيلي نفسك. انا عايزك. انتي وحشاني. زي ما متأكد اني واحشك. صدقيني ياحورية انا بحبك..
حط صباعه علي شفايفها وقال... ونفسي فيكي دلوقتي
كمل وقال بسرعة... مش اللي في دماغك.. انا بس محتاج احس ان انتي معايا.
كانت بتبصله بحيرة وهي مش قادرة تصدقه وهتصدقه ازاي وهي شايفة دليل خيا، نتو بعنيها
اتنهدت وقالت بجمود... ارجوك ابعد
محمد.... انتي وحشاني
وميل عليها وبدا يبو، سها وهي رغما عنها استسلمت ليه زي عادتها لانها برغم كل اللي بيعملو فيها بتحبو وده اللي طول الوقت بيخليها بتكر، ه نفسها لان مهما يعمل لسه بتحبو وبتستسلم ليه
بس مرة واحدة فاقت لنفسها وقالت بضعف....محمد ابعد. مش هينفع. لا لا
وهي بتحاول تبعد
محمد .... شش. سيبلي نفسك.. انا بحبك.
وقرب يبوسها من تاني
محسيتش بنفسها غير وهو بينزل عنها هدومها من علي كتفها وو
في الحظة دي حورية مسكت ايده و قالت.... لا لا. ارجوك. مش هينـ..
لكن هو كان مغيب وهي كانت بتتكلم بضعف
رفع ايده وبدا يحركها علي خدها لحد مانزل بصباعه علي شفايفها وقال برغبة... انا عاوزك..ومتاكد انك انتي كمان عاوزاني.
وقرب منها من تاني وكانت هي استسلمت ليه كليا وهي كمان مغيبة
وبعدين.......
بعد وقت
حورية قاعدة علي السرير ولفة نفسها بالملاية اللي مدارية بيها جسـ مها وبتعيط وهي حاطة راسها بين رجليها
محمد خرج من الحمام لاقاها كده
قال بضيق... هو ايه اللي حصل ل ده كله. انتي مراتي
طبعا هو كان مستغرب حالتها لانو اول مرة يشوفها كده
لانو مهما كان بيحصل بينهم كانت بتسلم نفسها ليه عادي ومكانتش بتبقي ندمانه كده
قرب وقعد قدامها ولسه بيحط ايده عليها
بعدتو بغضب ورفعت وشها و قالت بغضب ... متلمسنيش
وقامت وهي بتبصله بغضب شديد وخرجت من الاوضة وهي منهارة وراحت الحمام قفلت علي نفسها وقعدت علي الارض وفضلت تبكي بندم وهي بتلعن نفسها علي غباءها اللي خلاها تستسلم ليه
فضلت وقت طويل بتبكي لحد ما قامت مرة واحدة وقفت قدام المراية وهي بتمسح دموعها بعنف وهي بتقول لنفسها مش هستسلم تاني. لازم ابقي قوية. مش هضعف تاني. لازم اخد حقي وانتـ قم
..........
تاني يوم
في فيلا يبان عليها الفخامة والرقي وفي منتصف الريسيبشن كانت قاعدة علي كنبة ست شيك جدا في اواخر الاربعينات بتشرب نسكافيه قدام التلفزيون
جرس الباب ضرب في اللحظة دي فقالت بصوت عالي... وفاء. يا وفاء شوفي مين
خرجت بنت من المطبخ وهي بتقول... حاضر ياهانم
ثواني وبصت قدامها وقالت باستغراب... حورية
حوريه قربت ليها وقالت بدموع... محتجاكي ياماما
......
عند امجد اللي استغل ان رشا تحت عند امه نادي علي ابنه وقال.... تعالي يامروان
قام مروان راحلو... نعم يابابا
قعد علي الكنبة وقعد ابنه قدامه وقالو... قولي ياحبيبي انت شوفت ماما لما راحت تبات عند عمو ولا عرفت ازاي
مروان....
قولي ياحبيبي انت شوفت ماما لما طلعت تبات عند عمو ولا عرفت ازاي
: ايوا يابابا شوفتها
امجد... ازاي. اتكلم يامروان
مروان بلع ريقه وقال ببراءة.... هي ماما قالتلي انها هتطلع الاكل لعمو محمد وهتنزل علطول. وقالتلي ادخل اوضتك نام علشان الحضانة
امجد باهتمام وهو مش قادر يتحكم في اعصابه بس بيحاول يكون هادي علشان الولد ميخافش ويحكي
كمل مراون وقال .... بس يابابا. بعدين بقا انا قعدت استناها بس ماما مش نزلت بسرعة. ف قولت بقا اكيد هتبات عندو
امجد مسك ايد ابنه وهو بيحاول يفهم منو وقال.... ليه قولت كده ياحبيبي. انت شوفتها طلعت تبات عندو قبل كده
مروان... اه
امجد كان الد، م بيغلي في عروقه لكن حاول يهدي اعصابة وقال بهدوء ... امتا
مروان... في يوم عمو محمد اتخانق مع طنط حورية وطنط حورية مشيت من البيت.
امجد ... كمل. كمل يامروان
مروان... بليل بقا ماما كانت نايمة جمبي بس انا صحيت ملقتهاش ف قومت اشوفها في الشقة مش لاقيتها خالص فتحت الباب علشان انزل اشوفها عند تيتا لاقيتها طلعت عند عمو
امجد.. عرفت ازاي
مروان... انا لما فتحت الباب ولسه هخرج سمعت ماما بتخبط علي شقة عمو وبعدها دخلت. وانا دخلت الشقة تاني وفضلت استناها تنزل بس هي اتاخرت و منزلتش. ولما اتاخرت دخلت الاوضة علشان انام كنت نعسان ومش قادر استناها. ف قولت بقا مادام مش نزلت تبقي باتت عندو.. بس كده يابا.. بس انا كنت خايف اوي انام لوحدي
امجد اتنهد بتعب وحيرة وغضب... لانو برغم كل اللي ابنه قاله للاسف مش متأكد ومفيش في ايدو اي دليل انهم خا،، نوه
خد نفس وهو بيفرك جبهته بتعب وهو مغمض عينه، بعدين اتنهد بعنف وهو بيحاول يكون طبيعي ومسك ابنه من كتافه وقالو... اسمع يامروان مش عاوزك تقول الكلام ده لماما ماشي. متقولش ليها ان انا سالتك علي اي حاجة فاهم
الولد مكانش فاهم لكن هز راسه بطاعة وقال... حاضر يابابا
امجد باسو علي راسه وقال.... يلا ادخل اوضتك ذاكر
مروان بسرعة ... انا عملت الهووم وورك كلو يابابا.
كمل باحترام... ممكن انزل تحت العب بالعجلة شوية
امجد... بس ما تروحش بعيد. قدام البيت بس
قام مروان اتجه للباب وهو بيفتحو باستعجال وقال... حاضر يابابا
ونزل يجري علي تحت
اما امجد قام فضل يروح وييجي في الشقة وهو حرفيا في دوامة دماغي عمالة بتودي وتجيب وهو هيتجنن
خرج البلكونة وفضل يدخن بشراهة وهو الغضب مسيطر عليه
تحت في صالة البيت
رشا قاعدة مع قدرية شايلة بنتها الصغيرة اللي تقريبا سنها سنتين وبتاكلها
لمحت مروان بيجري متجه ل بره
نادت عليه بصوت عالي.... مروااان. علي فين يلا
مروان بدون مايبصلها.... هلعب بالعجلة ياماما
قدرية.... متروحش بعيد ياحبيبي
مروان وهو خارج....حاضر ياتيتا
رشا... استني يلا
لكن كان الولد خرج بسرعة من غير مايرد عليها
رشا بغيظ.... شوف الواد بنادي عليه ولا بيعبرني
قدرية... متعرفيش اللي ماتتسمي حورية راحت فين
رشا.... لا معرفش. انتي شايفاها صحبتي اوي ياخالتي
قدرية بحيرة... هتكون راحت فين من صباحية ربنا
رشا.... علمي علمك ياخالتي
قدرية بصتلها بغيظ وقالت... انتي هتنقطيني ياختي
هاتي البت وقومي يامعدولة شوفي جوزك ليكون محتاج حاجة.
كملت بحدة وقالت.... وبعد كده ياروح امك متنزليش من شقتك طول ما هو هنا
رشا بضيق... ما قولتلك ياخالتي من يوم مارجع مبيتكلمش معايا زي الاول و بيخرج يسهر مش عارفة هو بيروح فين ومش بيرجع غير الصبح ودلوقتي نايم هقعد جمبه اعمل ايه
قدرية.... نامي جمبه ياختي
كملت بتحذير.... واهتمي بيه.علشان لو حسيت ان انتي سبب تغييره ده.. هتشوفي مني معاملة تانية.هنسي انك بنت اختي.ماهو اكيد مش هتبقي اغلي عندي من ابني.فاهمة ياروح امك..
بقلم فريدة احمد
بصتلها بسخرية وكملت..وبعدين زي ماانتي مهتميه بنفسك طول الوقت ولبسك ومكياجك. اهتمي ياختي بيه وخليه يشوف الحجات دي. وقربي منو وشوفي ماله
كملت بصوت عالي... قومي انجري يلا
انتفضت رشا من مكانها وقالت... حاضر حاضر
ولسه هتتحرك اتفاجات ب امجد نازل بصت ل قدرية اللي قالت ببتسامة.... صباح النور ياحبيبي
امجد قرب باس ايدها وقال... صباح النور ياست الكل
قدرية بصت ل رشا وقالت... حضري لجوزك الفطار
رشا لسه هتتحرك لكن وقفت لما امجد قال... انا خارج
قدرية.... طب افطر الاول هتخرج كده علي لحم بطنك
امجد.... عندي معاد مهم ومستعجل.
ثم اكمل وهو بيحاول يبان طبيعي.... محتاجة حاجة ياست الكل
قدرية.. محتجاك سالم ياحبيبي
باسها علي راسها وخرج
ورشا واقفة تبص عليه بغيظ لانو معبرها وقدرية بصتلها بشك
اتجه لعربيته ولسه بيفتحها سمع مروان واقف مع ولد من جيرانهم ومن نفس سنه وبيقولو... ولااا تيجي نتسابق
الولد... اشطا يامعلم
امجد قفل باب العربية تاني واتقدم علي ابنه وقال بغضب... مروااان
بقلم فريدة احمد
مروان انتفض لانه مكانش واخد بالو من ابوه وقال... نعم يابابا
امجد بحدة.... انا مش قولت متروحش بعيد
كمل بتحذير... لو خرجت بعيد عن الشارع ده هتتعاقب. مش هتخرج من البيت تاني فاهم
مروان هز راسه وقال... مش هعدي الشارع يابابا. انا اصلا مش بمشي بعيد. دانا بقوله نتسابق هنا
امجد... طب ادخل يلا دلوقتي كفاية لعب
مروان باحترام... حاضر يابابا
امجد اتحرك ركب عربيته ومروان ميل علي الولد صاحبه وقال بصوت واطي.. ولااا خليك قدام بيتكو لما بابا يمشي هطلعلك
وسابه ودخل البيت بسرعة لحد ما امجد اتحرك بالعربية
........................
عند حورية
مامتها قامت وهي بتقول باستغراب...حورية..تعالي ياحبيبتي
وحضنتها
و بعدين مسكت ايدها وقالت.. تعالي ياحورية
وقعدت علي الكنبة وحورية قعدت قدامها
لاحظت الحزن عليها ف سألتها ببعض القلق... مالك ياحبيبتي
بصتلها حورية بدموع وقالت... محتجالك ياماما
سهام.... ايه اللي حصل... يا وفاء يا وفااء
خرجت وفاء من المطبخ وقالت... نعم ياهانم
سهام..... هاتي لمون وبعدين حضري غدا كويس
وفاء.... حاضر ياهانم
ودخلت المطبخ
سهام بصت ل حورية... ها ايه اللي حصل
حورية بدموع... عاوزة اتطلق
سهام بصدمة.... اييه. يعني ايه تتطلقي
حورية بدموع..... انا مبقتش قادرة استحمل اكتر من كده. ذ، ل واها، نة طول الوقت منه ومن اهله. انا تعبت. ارجوكي ساعديني اتطلق
جابت وفاء اللمون وحطه قدامها وقالت... تؤمريني بحاجة تانية ياهانم
سهام... لا جهزي الغدا بس. بس انجزي
وفاء... حاضر
ودخلت تشوف هتحضر ايه
بقلم فريدة احمد
مسكت سهام كوب اللمون وقالت وهي بتديه لحورية... اشربي وهدي اعصابك
خدته حوريه منها لكن مشربتش حطه قدامها وبصت ل مامتها بترقب وقالت... قولتي ايه ياماما. هتساعديني
سهام خدت نفس وقالت .... اسمعي ياحبيبتي. انتي في حالتك دي الطلاق ليكي خسارة
حورية وقد فهمت اللي تقصده لكن قالت... ي يعني ايه
سهام... يعني انتي مش بتخلفي ياحورية . لو اتطلقتي اكيد مش هتعرفي تتجوزي تاني. ف انا شايفة تشيلي من دماغك الفكرة دي وتعيشي مع جوزك واهله وخلاص
...
في بيت اهل جوزها
محمد رجع وطلع علي شقته علطول اتفاجا ب رشا اللي قدام شقتها اللي اول ماشافته بصت حواليها تتاكد ان مفيش حد ورجعت بصتله وهي بتقرب عليه وقالت بحب... وحشتني
وقربت تحضنه
محمد وهو بيبعدها قال بغصب مكتوم... بتعملي ايه يامجنونة
رشا... بقالي كام يوم مش عارفة اتلم عليك وانت واحشني مووووت
وقربت تحضنه تاني وهي بتقول متخافش مفيش حد هنا
لكن قاطعها صوت حماتها لما قالت بغضب ... رشاااا
رشا بعدت بصدمه هي ومحمد وووو
: انتي مش بتخلفي ياحورية . يعني لو اتطلقتي اكيد مش هتعرفي تتجوزي تاني. ف انا شايفة تشيلي من دماغك الفكرة دي وتعيشي مع جوزك واهله وخلاص
حورية بدموع.... يعني ايه. هو علشان مش بخلف اوافق اني افضل عايشة في الذ، ل والا، هانة طول عمري
سهام.... مش احسن ماتتطلقي ومتعرفيش تتجوزي تاني
: مش عاااوزة اتجوزز.. مين قالك اني بفكر اتطلق علشان اتجوز تاني. انا قرفت من الجواز اصلا
صرخت حورية وقالتها بغضب وهي شايفة البساطة اللي مامتها بتتكلم بيها
بصتلها جامد وقالت بقهر... هو انتي ازاي مش حاسة بيا.
سهام... هو انا علشان مش عاوزاكي تخربي علي نفسك ابقي مش حاسة بيكي
حورية... وهو انا عايشة في جنه
نزلت دموعها وقالت....بقولك عايشة في ذ، ل وا، هانة وانتي عارفة ده كويس
سهام.... مش ده بردو اللي صممتي تتجوزيه. ما
قاطعتها حورية بعصبية وقالت.... كفاية. كفااية بقا كل شوية تفكروني ب إنه كان اختياري. انا اصلا منستش. كفايه. هتفضلو تعاقبو فيا لحد امتا
كملت بصوت ضعيف وقالت.... طب انا كنت لسه صغيرة
دموعها نزلت اكتر وقالت... اتعلقت بيه شوفت حبو ليا وحنيته عليا في وقت كنتو انتو اهلي اكتر ناس قاسيين عليا كلكم. بعد ابويا ماراح. مشوفتش حنية من حد فيكو. اخواتي اللي مش بيفكرو غير في نفسهم وانا بيعتبروني عدوتهم مش عارفة ليه.مع اني اختهم.و ماصدقو يرموني لواحد قد ابويا. كان من حقي ارفض ومستسلمش وادافع عن حبي
ابتسمت بسخرية وقالت... طبعا اللي كنت واهمة نفسي بيه
مسحت دموعها وقالت... كنت عيلة صغيرة 16 سنه. صدقته. مكنتش اعرف انو هيتغير وهيبقي كده
بصتلها وكملت وهي بتلوم عليها ... وانتي اول واحدة اتخليتي عني وبكل سهولة. سبتيني في اكتر وقت كنت محتجالك فيه
بصت حواليها علي الفيلا وقالت بسخرية وهي قلبها بيتعصر حزن... اختارتي تسيبي بنتك لاخواتها يبيعو ويشترو فيها علشان العيشة اللي انتي عايشاها دلوقتي
فضلتي نفسك وحياتك ورمتيني. حتي مسالتيش عليا
دموعها نزلت بقهر والم وقالت.... كنت محتجالك. محتاجة امي جمبي. بس انتي سبتيني.. بعد مو. ت ابويا مفاتش سنه وكنتي متجوزة وعايشة في العز. وانا مش مهم حتي مكنتيش بتكلفي نفسك تسألي عليا. طب كنت اعمل ايه.
صرخت فيها وقالت... وبعد ده كلو بتعاقبوني علي اختياري.طب مانتو كنتو سبتوني واتخليته عني.. شوفت فيه الحنية اللي ملقتهاش فيكم لاقيت عندو الحب اللي ملقتهوش عندكم
سهام بمشاعر باردة ولا مبالاة للحالة اللي بنتها فيها قالت.... خلاص كملي معاه. انتي بنفسك بتعترفي اهو انو بيحبك. وهو فعلا بيحبك والا كان اتجوز عليكي علشان يخلف
جوزك بيحبك ياحورية. هو بس اكيد علشان موضوع الخلفة ده معاملتو اتغيرت واي حد مكانو اكيد كان هيحملك الذنب. وكان هيتجوز ويقول حقي. بس ده معملش كده.. يبقي تتاكدي انو لسه بيحبك. وانا شايفة انك تستحملي معاملته اللي المفروض متلميهوش عليها اصلا
ابتسمت حورية بقهر من برود امها وقالت .... انا مش عارفه. انا ازاي جيتلك. مع اني كنت متاكده انك هتخذليني. حتي مش هتحسي بيا. بس كنت بكدب نفسي للمرة المليون.
قامت وقفت وهي بتمسح دموعها وقالت... عن اذنك. واسفة اني اخدت من وقتك
في اللحظة دي دخل راجل في اواخر الخمسين يبان عليه الهيبة والثراء
قرب منهم وقال.... حورية. ازيك يابنتي. عاملة ايه
حورية... الحمدلله. ازيك ياعمي.
صالح ببتسامة .... اقعدي ياحبيبتي واقفة ليه
حورية... دا انا همشي عن اذنكم
صالح... تمشي تروحي فين. انتي هتباتي معانا النهاردة
لسه حورية هترد لكن رد مامتها كان اسرع لما قالت... مش هينفع ياصالح علشان جوزها
حورية بصت لامها بخزلان ويأس وقالت ... عن اذنكم
ولسه هتتحرك قال جوز امها... طيب يابنتي استني اخلي السواق يوصلك
حورية... انا هاخد تاكسي. عن اذن حضرتك
......
عند محمد ورشا
: وحشتني
قالتها رشا بحب وهي بتقرب تحضنه
محمد بغصب مكتوم وهو بيبعدها عنو... بتعملي ايه يامجنونة
رشا... بقالي كام يوم مش عارفة اتلم عليك وانت واحشني مووووت
وقربت تحضنه تاني وهي بتقول متخافش مفيش حد هنا
لكن قاطعها صوت حماتها لما قالت بغضب ... رشاااا
رشا بعدت بصدمه هي ومحمد
قدرية بصت ليهم باستغراب وقالت.... واقفين كده ليه
رشا بارتباك.... ابدا ياخالتي. دا دا محمد كان بيسالني علي امجد
قدرية بتفهم لانها مشافتهمش اصلا وده لانهم بعدو بسرعة وهي لسه طالعة السلم ف قالت.... اه. طيب انزلي ياختي بنتك مش عارفة اسكتها
: حاضر ياخالتي هدخل اجيب الدوا علشان ادهولها
قالتها رشا وهي بتفتح باب الشقه وبتدخل تجيب الدوا لبنتها
في اللحظة دي كان محمد بدون ولا كلمه طلع واتجه لشقته لكن وقف علي السلم لما قدرية قالت... مش هتتغدي ياحبيبي
: مش دلوقتي
قالها محمد وهو بيبفتح باب الشقه وبيدخل
وقدرية نزلت هي كمان
.......
بعد وقت
نزل محمد وهو بيلبس في ساعته باستعجال وبيتجه للخارج
قدرية وهي قاعدة ورشا معاها قالت.... هتمشي بردو من غير ما تتغدي يامحمد
محمد.... عندي شغل وبعدين انا مش جعان ولو جوعت هاكل بره متشغليش دماغك ياست الكل
في اللحظة دي
دخلت حورية بهدوء
قدرية.... اهلاا بالست هانم اللي خرجت من صباحية ربنا ومحدش يعرف هي راحت فين ولا كأن ليها راجل يحكمها ولا حتي عاملة حسابه
محمد.... ياامااا. في ايه
قالها بصوت عالي وغضب من امه لترد قدرية وتقول... ايه هو. انا قولت حاجة غلط. تقدر تقولي الهانم كانت فين
محمد.... هي استإذنت مني قبل ماتخرج.. وعمرها ماخطت باب البيت ده من غير ماتقولي
حورية بهدوء.... عن اذنكو
واتحركت نحية السلم متجهة لشقتها بس محمد وقفها لما قال بهدوء مصتنع.... حورية
لفت ليه وقالت... نعم
: تعالي
قالها وهو بيشاور ليها بايده تقرب منه
قربت وقفت قدامه بدون ولا كلمه
حاوط وشها بإديه وهو بيبص في عيونها اللي واضح جدا عليهم البكاء من لونهم الاحمر
وقال بحنيه عكس طبعه... مال عنيكي. انتي كنتي بتعيطي
حورية بنفس هدوئها... لا. دي حاجة دخلت في عيني
محمد... والحاجة دي دخلت في عيونك الاتنين
حورية سكتت
وهو قرب باسها علي راسها بحنيه هي نفسها كانت مستغرباها وقالها... اطلعي استريحي ومتزليش النهاردة.
قدرية كانت قاعدة بتبصلهم وهي بتعوج بوقها بسخرية
وفي نفس الوقت كانت متضايقة ومتغاظة من ابنها اللي دافع عن حورية قصادها ولانو اول مرة كلامها ميسخنوش وميأثرش فيه
اما رشا ف كانت قاعدة مولعة وهي شايفاه بيعاملها بالحنية دي وكمان لما باسها علي راسها كانت هتطق
.....................
مساءا
في اوضة امجد ورشا
خرجت رشها من الحمام وهي لابسه قميـ ص نو، م قصير
وعاملة ميكاب وزي عادتها كانت مظبطة نفسها علي الاخر
بشكلها اللي يغري اي راجل
قربت من امجد اللي اتفاجات بيه بيلبس في الجاكت بتاعه ناوي الخروج
قربت ليه وقالت باستغراب.... هو انت نازل
امجد وهو بياخد تليفونه ومفاتيحه قال..... اه
رشا.... وهتسيبني
امجد... جالي مشوار مهم. بس اكيد راجع
رشا.... مالك يا امجد
امجد.... مالي ازاي
رشا.... انت من وقت مارجعت من الغردقة وانت متغير معايا.حتي مقربتليش.
قربت ليه جامد وهي بتدخل في حضنه وقالت... هو انا مش وحشاك
امجد... اكيد وحشاني
رفعت وشها من حضنه وقالت.... امال مالك. متغير ليه. هو انا مزعلاك في حاجة
امجد.... انتي مالكيش ذنب.. دي بس مشاكل في الشغل
رشا... باذن الله تتحل
كملت باستفهام... بس مشاكل ايه دي
امجد.... يعني هو انتي تعرفي شغلي ماشي ازاي
رشا...طب ماانت ممكن تحكيلي. اكيد هافهم يعني
امجد... مش عاوز اشيلك همي. متشغليش دماغك. شوية وكل حاجة هتتحل
رشا.... ان شاء الله ياحبيبي.. مش هنام هستناك لما ترجع
هز راسه وابتسم ليها بالعافية وخرج
وهي فضلت واقفة في مكانها بتبص علي اثره بشرود وهي بتقول... ياتري مالك يا امجد
وهي مش داخل عليها ان اللي مغيره مشاكل في الشغل زي ما قالها و انو متغير معاها يمكن شايفلو شوفه
وده اللي شكت فيه
شهقت وهي بتقول في نفسها بزهول .... لتكون بتعرف عليا واحدة وبتخو، ني معاها يا امجد وده اللي مغيرك من نحيتي.
(لا ملوش حق يارشا هو انتي تتخا،ني بردو 😂)
...
في شقة حورية
محمد فتح باب الشقة بهدوء ودخل فتح اوضة النوم بس حورية مكانتش فيها لانها بتنام في اوضة تانيه راح يشوفها لاقاها نايمة
حط تليفونه علي الكومود
وقرب نام علي السرير بعد ماشدها لحضنه
حورية اول ماحست بيه قامت بسرعة وهي بتحاول تخرج من حضنه لكن هو شدها ليه جامد وقال نامي ياحورية
حورية بغضب... انت ايه اللي جابك هنا. انا مش سيبالك الاوضة التانية. ايه اللي جا
قاطعها محمد لما شدها ليه تاني وضمها وقال وهو بيحرك ايده علي شعرها بهدوء .. انا محتاجك. مجتاجك في حضني
حورية بصتله بغضب ولسه هتتكلم
قال.... شسش
وهو بيضمها ليه وبيغمض عينه قال... انا تعبت النهاردة ومحتاج انام في هدوء. اثبتي بقا ونامي
كان جواها غضب شديد منو لكن حبت تبينله انها استسلمت ليه لحد مايروح في النوم
وبقلة حيله مثلت النوم
وهو لما لاقاها هديت نام وهو متطمن انها مش هتسيبه وتقوم
.
بعد وقت قامت من جمبه بهدوء وهي بتبص عليه لحد مااتاكدت انه نام خلاص
قامت بهدوء وهي تبص علي تليفونه اللي موجود علي الكومود
قربت مسكته وهي بتبصله وبهدوء مسكت صباعه وهي حرفيا بتترعش وقربت حطت الفون علي صباعه وفتحته ببصمته
خدت نفسها بارتياح لما الفون اتفتح وهو مصحيش
...
في نفس اللحظة كان امجد هو كمان رجع ودخل شقته
فتح الاوضة وبمجرد مافتحها وشاف رشا اللي رايحة في النوم ابتسم بسخرية لانها كانت قايله ليه انها هتستناه
لكن زي عادتها هو مش شاغل دماغها اصلا
فضل واقف يبص عليها بشرود بعدين فاق ولما عينه جات علي تليفونها قال فرصة وهي نايمة يقلب وراها يمكن يتأكد من شكوكو و الحيرة اللي هو فيها دي والنار اللي بتاكل فيه. بس بردو في نفس الوقت من جواه بيتمني انو ميلاقيش حاجة وتكون مظلومة ومش بتخو، نه
مسك تليفونها وهو بيحاول يفتحو اتفاجا انو مش مقفول ب باسوورد اصلا وده لما الفون اتفتح معاه ب سهولة
بدا يقلب ويشوف و
..
عند حورية
خرجت بره وفضلت تقلب في الفون وهي بتحاول تعرف بيخو، نها مع مين فتحت جميع مواقع التواصل الاجتماعي تبعو وفضلت تدور في الرسايل لحد ما لاقت اللي صدمها
برقت بصدمة وهي بتقول بزهول .... مش ممكن. معقول
يتبع
تعليقات
إرسال تعليق