رواية صفقة زواج الحلقه التاسعه والعاشره

 

🌹🌹🌹صفقة زواج🌹🌹🌹

🌹🌹🌹الحلقه التاسعه🌹🌹

كانت تنظر الي الرقم ، ثم تنظر الي كريم الذي يقف امامها ويشتعل غضب من تصرفاتها

كريم : ماتردي ،مالك مش عايزه تردي ليه

فرح : ايوه يا احمد

احمد: اتأخرتي ليه يافرح ، انتي مش جايه ولا ايه

فرح وهي تنظر لكريم الذي بدء الغضب يسيطر عليه : لساا مش عارفه

أحمد:اسماء واكرم هيزعلوا علي فكره ، ولو مش عارفه تيجي لوحدك اديني العنوان وانا اجي اخدك

فرح بأرتباك : لاا متتعبش نفسك ، ان شاء الله هعرف اجي بس اشوف ظروفي الاول

احمد : يااريت متتأخريش ، يلا سلام ومستنيكي ماشي

فرح بأرتباك : ماشي ، سلام ..

وبعد ان انهت مكالمتها نظرت لكريم ، الذي يقف امامها وينظر لها بحده

كريم بحده: عايز اعرف جاب رقمك منين ، وايه الي مخليه يتصل بيكي

فرح لتستفزه: اظن شئ يخصني ، وده زميلي في الشغل

كريم بحده: فرح اتعدلي في اسلوبك معايا فاهمه, بدل ما هيكون ليا تصرف تاني معاكي ومع سي احمد ده

فرح بعند: والله انت ليك خطبتك ابقي اتحكم فيها براحتك ، اما انا لاء

كريم بغضب : فرح متخلنيش اعمل تصرف هيزعلك مني

فرح بعند: يعني هتعمل ايه هترفدني مثلا من الشغل عادي، هبقي ادور علي غيره

بدء كريم يقترب منهاا بشده وينظر لهاا بغضب حتي التصق ظهرها بالحائط

فرح : ابعد يااا... وقبل ان تكمل كلامهاا ،كان كريم يقبلهاا بشوق شديد، استسلمت فرح له بدون ان تشعر وفجأه

دفعته بشده .. وذهبت الي غرفتهاا

بعد ان تركته وذهبت ، ظل يقف امام تلك الفراغ بشرود ، الي انا جائت الخادمه

استاذ كريم أنسه شيرين خطيبت حضرتك تحت

كريم وبدء يفيق من شروده تلك : بتقولي مين الي تحت

الخادمه: انسه شيرين خطيبت حضرتك

كريم بضيق : طيب انا نزلهاا حالااا

اما فرح كانت تجلس علي سريرها وتضع يدهاا علي فمها ، كانت تشعر بسعاده بالغه لما حدث ولكن كل هذا ليس من حقهاا فهو قد اختار اخري وسيتزوجها بعد ان يطلقهاا وترحل

فرح بحزن : ليه يافرح هتضعفي تاني ، انتي مصدقتي تبقي قويه

ثم بدأقلبهاا يرد عليها : بس انتي بتحبيه ، وكل قوتك بتتحطم قدامه

اما عقلها: بس لو هو بيحبك مكنش فكر يرتبط بغيرك مهما كان ، لاء هو مش بيحبك

أحست فرح بالضيق الشديد من هذا الصراع ثم نهضت من مكانها وخرجت من غرفتها

.................................................. ..............

قولت ياشيرين روحي انتي ، اما انا مش فاضي

شيرين : بس انت كنت قايل هتروح ، ايه الي غير رئيك ... ثم بدأت تقترب منه بدلع (يلا بقي ياكريم

كريم بحده : شيرين احنا قولنا ايه ، بلاش طريقتك ديه

شيرين بحب : بس انت خطيبي

كريم : شيرين ، انتي عارفه كويس وانا قولتلك ان خطوبتنا ديه مجرد وقت وهتنتهي ، فالمفروض نلزم حدودنا مع بعض ، وانتي وعدتيني بكده

شيرين بغضب : يااا لدرجادي بتحبها ، مكنتش اعرف ان حتت بت زي ديه قدرت تخلي كريم الشاذلي يحبها بالطريقه ديه ويخاف علي شعورهاا

كريم بحده : شيرين اتكلمي عليها كويس فاهمه وبلاش تجيبي سيرتها علي لسانك، واظن انا مخدعتكيش وانتي عارفه ارتباطنا كان بسبب ايه

كانت فرح في تلك اللحظه تستمع الي حديثهم وتبتسم لما سمعته (ولكن الجمتهاا جملة شيرين

شيرين : ديه اكيد حتت بت نصابه ، طمعانه في فلوسك واسمك وبعد ما هتاخد منك الي هي عايزاه هتسيبك عشان تدور علي حد تاني تبيع نفسها ليه

كريم بجمود وهو يتركهاا ويخرج من مكتبه : لو مش معاكي عربيتك ، خلي السواق يوصلك

كانت شيرين تقف بغضب شديد لما يفعله معاهاا ودفاعه عن تلك الفتاه، وتركها بمفردهاا (ثم همت بالمغادره وهي تستشيط غضباا

.................................................. ...........

اما فرح عندما سمعت حديثهم تلك وجملة شيرين الاخيره ، احست بالوجع الشديد ، فلماذا يتهمونها بذلك لماذا يحرمونهاا ممن تحب كل هذا لانها فقيره ، فماذا لو كانت مثلهم لم كان يتجرء احد ان يتهمهاا بتلك الاتهام

كانت تتمشي بغير هدا حتي رن هاتفهاا

احمد : فينك يافرح

فرح وبدأت تمسح دموعها : معلش يا احمد مش هقدر اجي

احمد : فيكي ايه مالك ، انتي شكلك بره البيت قوليلي طيب فين وانا اجيلك

وبعد فتره من الوقت

كانت فرح تقف عند احد القاعات

احمد : اخيرا جيتي ده انا قولت انك بتضحكي عليا ومش هتيجي ، (ثم بدء ينظر لها بأنبهار شديد واووووووووووو ايه الشياكه ديه

فرح بخجل : هنفضل وقفين هناا

احمد بشرود : ها ، بتقولي ايه

فرح بخجل شديد : بقول يلاا ندخل القاعه

احمد بهيام : اه يلاا اتفضلي ، معلش اصلك النهارده جميله اووي

فرح بحده : احمد

احمد : اسف ياستي ..

.................................................. .......................

كان يقف امام نفذت شرفته ويدخن بشرود تام ، فقد تغيرت حياته تماما عندما جائت فرح ، فأصبح مثل العاشق الولهان الذي يتمني قرب محبوبته ولكن هي دائما تبتعد عنه ، كان دائما يشعر بأن الحب يجعلك ضعيف امام ممن تحب ، وانه اسوء شئ يحدث لنا فيجعلنا نخضع دائما لمن نحب ....ولكن لم يكن يعلم اننا عندما نخضع لمن نحب يكون ذلك نابع من حبنا الشديد له الا عندما ....

كريم بتنهد : عاملتي ايه فيا يافرح ، بقيت حاسس ان قلبي مش بقي ملكي ، بقيت احس بأحساس غريب عمري ما حسيته غير معاكي انتي بس ....

ثم تنهد ثانيه وقرر الخروج من غرفته والذهاب اليها ، فهو لم يراها منذ ما حدث

ظل يطرق الباب ولكن لم ترد عليه ، ثم بدء يفتح غرفتهاا ببطئ كي لا يفزعهاا

وعندما دخل غرفتها لم يجدها ...وفي تلك اللحظه رن هاتفه

ايوه ياعمر ، لاء انا مش جي ابقي بارك لاكرم واسماء بالنيابه عني

عمر بتعجب : انا كنت فاكرك جي ، ديه فرح هنا

كريم بغضب : هنا فين ، وجات امتا

عمر بتردد : لسا جايه مع احمد

كريم بحده : طيب اقفل يا عمر دلوقتي انا جاي حالاا

وبدون ان يشعر بنفسه ، طلب رقم شيرين..

شيرين وهي تمسح دموعها وتمسك هاتفهاا وترد : ايوه ياكريم ... ثم بدأت معالم وجهه تتغير: لاا لا انا جايه حالااا ياحبيبي، متخافش مش هتأخر

رندا بضحك : هههههه اول ما اتصل علطول اتغيرتي 360 درجه ياسلام علي الحب ياخواتي

شيرين وبدأت تضع بعض المساحيق وتنظر للمرأه : كريم اصلا بيحبني وبيموت فياا ، بس هي الزفته الي اسمها فرح هي الي بتلوف عليه ومخلياه يبعد عني ، بس يا انا ياهي

رندا بضحك : بحبك يابنت عمتي ياواثقه من نفسك انتي ، بس يااريت لما تتجوزوا مش تنسي بنت خالك ها

شيرين وهي تغادر الغرفه : ههههه ان شاء الله ياختي ، يلا سلام بقي

.................................................. ...................

عمر بأبتسامه : ازيك يافرح

كان احمد ينظر اليهم بستغراب شديد

احمد: هو انتوا تعرفوا بعض

عمر بأرتباك : ايه يا احمد مش شغالين في نفس الشركه ولا ايه

احمد بأبتسامه : معلش بقي يا بشمهندس

عمر بضحك : ماشي ياسيدي ، ممكن تسمحولي اقعد معاكواا ولاا

احمد :اكيد طبعا ، اتفضل يا بشمهندس

كانت فرح تتحدث مع اصدقائهاا وينظرون علي العروسين بحب

(اسراء واميره في نفس الوقت : يا بختهاا

فرح بضحك : حرام عليكواا البت هتموت قبل ما الفرح يخلص

اميره واسراء : بصي وراكي وانتي تعرفي نقصد مين

نظرت فرح لما ينظرون اليه وصدمت عندما وجدت شيرين تتشبث في ذراع كريم والابتسامه تملئ وجهها

كان عمر ينظر عليها ويتابع تغير ملامح وجهه ويشعر بالأسي علي حالهم تلك

شيرين بدلع : تعال ياحبيبي نسلم علي العرسان

وبعد أن باركوا للعروسان..

ذهبوا الي الطاوله التي تجلس عليها فرح

شيرين وهي تنظر لفرح بغيظ شديد : عقبالكم يابنات

اسراء واميره : ربنا يخليكي يا بشمهندسه ، وعقبالك انتي وبشمهندس كريم كمان

شيرين : ممكن ياحبيبي نقعد هنا (كانت شيرين تشير الي الطاوله التي تجلس عليها فرح

فوافق كريم بذلك (ليس موافقة علي رغبة شيرين فهو يعلم تماما بأنها جلست علي تلك الطاوله لكي تستفز فرح ليس اكثر من ذلك ، ولكن هو قرر الجلوس لكي لا تبتعد عن نظره ولا يتركها مع احمد

كانت شيرين تحاول ان تستفز فرح بشتي الطرق ، سواء بالدلع او بالقرب الشديد من كريم

ولكن من جهه اخري كانت عيون تنظر علي فرح بحزن فقد كان( عمر) ينظر لما تفعله شيرين ويشعر بالحنق الشديد منها ومن تصرفاتها

ثم نهض العروسان للرقص ، وبدء كل كابل يذهبان للرقص بجانبهم

شيرين بدلع : حبيبي ممكن نرقص ، عشان خاطري يلااا

نهض كريم معهاا علي مضض وبدأت نغمات الاغنيه تتعالي...

عشانك

لقيتك زي ما اتمنيت

وصلي دا لما بيك حسيت

عرفت ان الحياه بدأت كده

لمست من نظره قلبي هواك و قولت انا لازم ابقي معاك

سنيني و عمري ملك الحب دا

عشانك مستعد اعمل حبيبي كتير

عشانك اي حاجه تهون

مكانك هو قلبي مليني فرحه و خير

حنانك عندي يسوي الكون

في حبك مرت الاوقات بجد دا مش كلام حكايات تملي عينيا بيك متشوقه

مادام احساسي ليه هداريه

وانا جمبك هخاف من ايه

من الدنيا مليش غيرك بقي

عشانك مستعد اعمل حبيبي كتير

عشانك اي حاجه تهون

مكانك جو قلبي مليني فرحه و خير

حنانك عندي يسوي الكون

*************************************

كان يتخيل ان فرح التي ترقص بين يدهه ، ينظر الي شيرين ويتخليها فرح فيبتسم لها بحب

اما فرح كانت تنظر اليهم ، بوجع شديد احست بأن حقا لايوجد لها مكان معه وبجانبه وان وجودها بقربه لا يزيدها سواا وجع فقط فلابد ان تبتعد عنه وتتركه لحبيته

كان عمر ينظر عليها بحزن واسي لما يفعله صديقه بها

ثم فجأه وجدها تنهض وتذهب

احمد :رايحه فين يافرح

فرح : همشي عشان اتأخرت

احمد :استني اوصلك

فرح وتحاول ان تمسك دموعها : لاء انا هروح لوحدي ، عن اذنك

لم تنتظر فرح رده وذهبت

افاق كريم من شروده بعد ان أنتهت الاغنيه وبدأ الموجدين بالتصفيق

ظل يبحث بعينه عن فرح لم يجدهاا

عمر : بتدور عليها ، علي فكره مشيت ، وصدقني انت الي بضيعها من أيدك ومتجيش تندم لما تخسرها ياصاحبي

ثم تركه وذهب هو الاخر ..

شيرين بحب :ميرسي اووي ياحبيبي انك وافقت ترقص معايا ، بجد النهارده اسعد يوم في حياتي

نظر لها كريم بأسي... وصمت

.................................................. ..........

تعالي يافرح اوصلك

فرح وبدأت تمسح دموعهاا : متشكره يا استاذ عمر، انا هعرف أروح لوحدي

عمر: وانا مقدرش اسيبك تروحي لوحدك في الوقت ده

وبعد ضغط من عمر وافقت

عمر ويلتفت اليهاا : كريم بيحبك علي فكره يافرح ، عارف ان خطوبته من شيرين غلط بس صدقيني هو بيحب انتي

فرح بتنهد : بيحبني ، ماهو واضح

عمر بتنهد: ممكن الاول كنتي مجرد واحده عاديه بيساعدها ، بس دلوقتي بجد بقي بيحبك ، بس المشكله انتوا الاتنين بتكبروا مع بعض ومش عايزين تعترفوا بكده

فرح بدموع: كريم مش بيحبني ، هو بيشفق عليا بس

عمر :ما انا قولتلك ممكن الاول كنتي بالنسبه ليه واحده عاديه بيساعدها وبيشفق عليها اما دلوقتي لااء ، صدقيني انتي الوحيده الي غيرتي نظرته في الحب ونستيه جرح نور

فرح بدهشه : نور!

ثم بدء يقص لها ماحدث مع كريم من 5 سنوات

عمر بتنهد : كريم بيحبك فعلاا وبجد ، وصدقيني ارتباطه بشيرين كان غصب عنه ، كان مضطر لكده مش اكتر ، مش هقولك انه مش غلطان بالقرار ده بس انتي عارفه الوسط الي كريم عايش فيه بيجبره علي بعض التصرفات حتي لو كانت غلط

ظلت تستمع الي عمر بصمت حتي ان اوصلها... ثم غادر وتركهاا بين صراع مع قلبها وعقلهاا ..........

كانت تجلس بجانبه في السياره ، والابتسامه تملئ وجهه

شيرين بسعاده : متعرفش ياكريم قد ايه انا مبسوطه اوووي عشان انت في حياتي بجد انت اجمل حاجه في حياتي

كريم وهو يوقف السياره امام منزلها : تصبحي علي خير ياشيرين

شيرين بأسي وهي تخرج من السياره : وانت من أهله

أما فرح كانت تجلس في غرفتها وتبكي بحرقه لما يحدث لهاا ،لماذا لايحق لها ان تبقي مع من تحب هل لان زواجها منه كان غلطه ولكن تلك الزواج هو من جعلها تتعلق به وتحبه فلو كانت تعلم ان تلك القرار كان سيعذبها بتلك الطريقه لرفضت تلك العرض بشده مهما كان حدث لها ، ولكن كل شئ مقدر

.................................................. ..............

فرح ممكن تفتحي عشان نتكلم شويه

فرح : مافيش كلام بينا ياكريم ، ويااريت ميكونش بينا اي كلام لحد ما اتفاقنا ينتهي وكل واحد يروح لحاله ويااريت تحترم قراري لوسمحت (تصبح علي خير

كان يستمع لها ويعلم ان ما تفعله جزء صغير لما فعله بكرامتها ، فهو قد أخطاء عندما وافق علي تلك الخطبه ويجب ان يصلح تلك الخطئ في اسرع وقت

كريم بتنهد : فرح انا بحبك ايوه بحبك ، وعمري ماحبيت في حياتي واحده زيك، معاكي بقيت احب الحياه واحس بالسعاده مهما كانت بساطتهاا شوفت في عنيك كل حاجه جميله الطيبه والحنيه والحب والتضحيه حتي لو علي حسابك انتي ،انتي الهديه الجميله الي ربنا بعتهالي ، عارف اني جيت علي كرامتك كتييييير بس صدقيني غصب عني كنت بين صراع كبير بين نفسي كنت خايف اضعف واسيب نفسي واحبك ، كنت بحاول اثبت لنفسي في كل مره اني مش بحبك وانك بالنسبالي احتياج مش اكتر حتي لما خطبت شيرين كنت بعاند قلبي كنت بقوله لاء شوفت انا مش بحبهاا مع انه كان عمال يرد بصوت عالي علي كدبي لنفسي ويقولي انت كداب،بس سمعت صوت عقلي وسيبت قلبي ينزف وانا شايفك بتبعدي وانا شايف قد ايه بوجعك وباجي عليكي ، نفسي بجد اقدر اعوضك عن كل لحظه جيت علي كرامتك فيها ووجعتك او بكيتك فيها نفسي امسح كل الوجع الي جواكي عايز اكون امانك وحميتك وسندك وكل حاجه ،عايز ابدء معاكي حياه جديده فيها حب وخير وتضحيه وانا واثق ان مش هلاقي الحياه ديه غير معاكي

كان يتحدث ويسمع صوت بكائهاا

فرح اوعي تعيطي دموعك ديه بتقتلني ، بتحسسني اني عاجز وضعيف ...ردي علياا يافرح

كانت فرح تقف خلف الباب وتضع يدها علي مقبض الباب ، كانت تريد ان تجري عليه وترمي نفسها بين أحضانه ، وتصرخ بشده وتقول له انا لم أحب احد غيرك ولن احب ولكن لم تستطع تفعل ذلك فصفعات خذلانه لها كانت كثيره وجراحها تحتاح لمده كي تطيب.....

ظلت وقفه هكذاا ودموعهاا تتساقط

كريم بأسي : مش هضغط عليكي يافرح تاني ولا هجبرك علي حاجه ،وصدقيني أنا هتقبل أي قرار هتاخديه سواء قررتي تكملي حياتك معايا او رفضتي وهتلاقيني ديما جنبك اخ وصديق

رفعت يدهاا من علي مقبض الباب وجلست علي الارض ، و بدأت تبكي بشده من تلك الحب الذي أنهكها كثييييراا

.................................................. ...............

شيرين بدلع : ها ياحبيبي كنت عايزني في ايه

كريم بتنهد : انتي عارفه ياشيرين انا قد ايه كنت بعزك وبحترمك بصرف النظر عن تصرفاتك الي مكنتش عجباني بس صدقيني كنت بعتبرك اخت لياا ، ولما خطبتك مرضتش اجرحك ووجعك وقولتلك علي سبب خطوبتنا الي انتي كنتي عارفه سببها كويس وان اي مشاعرجوايا نحيتك مشاعر اخوه وصداقه مش اكتر

كانت شيرين تستمع له وعلامات الصدمه علي وجهها

كريم : اسف ياشيرين علي كل الي حصل واسف لو في يوم جيت عليكي وسامحيني لو وجعتك او وهمتك بحاجه من غير قصد ، انتي بنت جميله اووي والف واحد يتمناكي ، بس للاسف انا مش منهم مش عشان انتي فيكي عيب او اقل من حد بس ،قلبي مبقاش ملكي دلوقتي

شيرين ببكاء : اشمعنا هي حبتها اشمعنا

كريم بتنهد : معرفش ، صدقيني معرفش انا لقيت نفسي بحبها امتا وأزاي صدقيني معرفش...بس كل الي اعرفه اني بحبها وبعشقها هي كل حياتي

شيرين بضيق : كفايه مش عايزه اسمع حاجه

كريم بأسف علي حالها : خليكي صريحه مع نفسك ياشيرين انتي مبتحبنيش وانا واثق من كده ، ومش هقولك انك بتحبيني عشان انا كريم الشاذلي وكده ، انتي بس بتعاندي وبتكابري مع نفسك عايزه تثبتي لنفسك ان اي حاجه انتي عايزاها هتكون ليكي (بس للاسف مش كل حاجه في الحياه لازم نعاند نفسناا ونكابر عشان نحصل عليها لان في حاجات بتيجي من غير اي سابق انذار حاجات بتلاقيها دخلت حياتك فجأه وحياتك اتغيرت بسببهاا

شيرين بأسي : زي حبك لفرح كده

كريم : علي فكره فرح مراتي

نظرت له شيرين بصدمه : مراتك

كريم : ايوه ياشيرين ، وكنت ناوي اعلن عن جوازنا بس موضوع الصور والاخبار الي اتنشرت في المجالات خلاني اجل كل ده

شيرين :وليه جاي دلوقتي تقولي ليه مقولتليش من بدري ،ليه

كريم بأسي : كان غباء مني ، مكنتش عارف أني بحب فرح اوووي كده كنت بعاند نفسي ، بس في الاخر طلعت انا الخسران

شيرين بأسي وقبل ان ترحل : ربنا يسعدكم ياكريم

.................................................. .................

يااا ياصاحبي متعرفش أنا فرحان قد أيه عشان أعترفت بحبك لفرح ، وخلصت من الخطوبه السخيفه ديه ومظلمتش نفسك ولا شيرين أكتر من كده

كريم بتنهد ويرجع رأسه للخلف : ياااا ياعمر انا بجد بقيت مرتاح اووي دلوقتي متعرفش أنا كنت بتعذب قد ايه بسبب كده ، ثم قال بضحك : بس تصدق الحب بهدله فعلاا

عمر بضحك : هههههههههه هو انت لسا شوفت حاجه

كريم بضحك : هو لسا هشوف تاني ، أنا خلاص خلصت ومبقاش فيا حيل وجهد ومناهده تاني

عمربدعابه :هههههههههههههههههههههه ، ياعيني علي الحلو لما تبهدله الايام

كريم بتنهد: أتبهدلت يا خويا ، ومستعد أتبهدل تاني بس هي تسامحني ، من يوم فرح اكرم واسماء وانا مبشوفهاش ديما في اوضتهاا لم بتسمع صوت عربتي بتدخل علطول اوضتهاا ، حتي الشغل مبتجيش عشان متشوفنيش

عمربأسي علي حال صديقه : معلش ياكريم ، أديها وقت تفكر

بس كنت عايز اسال عن شيرين صحيح ، مبقتش اشوفها من ساعة الي حصل

كريم بتنهد : بعد الي حصل قدمت استقالتها

عمر : كويس انها أخدت القرار ده ، لانه هيكون اريح ليهاا

كريم : ربنا يوفقها في حياتهاا

.................................................. ............

تصدقي انك طلعتي فالحه بجد ، سيبتهولهاا وقاعده حبسه نفسك في البيت

شيرين بحده : كفايه يارندا ، مش عايزه اسمع حاجه

رندا بحده : بس متجيش تندمي لما يتجوزها وتبقي مراته ، وتبقي حتت بت ولا جات ولا تسوي خدته منك

شيرين بضحك : هههههههه ، ماهي مراته علي فكره

رندا بصدمه : أيه مين ، بنت الساعي مراته

شيرين بحزن : ايوه

رندا بغضب : اه يابنت الايه ، والي يشوفك اول مره جيتي الشركه يقول واحده ولا ليها في اي حاجه ، لا بجد عرفتي ترسمي وتخططي كويس

شيرين بحده : ممكن يارندا تسبيني لوحدي

ذهبت رندا وهي تشعر بالحنق الشديد والحقد من فرح

رندا بغضب وغل : لو شيرين هابله ومعرفتش تاخده ، فأنا بقي مش هاهنيكي بيه ، بس هسيبه شويه يستمتع بيكي ياحلوه

.................................................. ..............

كانت تجلس في المكان الذي أصبحت تعشقه وتشعر بالراحه فيه كانت تنظر علي الاطفال وهم يلعبون حولها وتبتسم

لاما بطفوله : طنطي فرح ، طنطي فرح

أفاقت فرح من شرودها تلك : نعم يا لاما

لاما بطفوله : شوفي أنا رسمت ولونت اه

فرح بأبتسامه : جميله اووي ياحببتي ، بس مين دول بقي

لاما بطفوله : انا ، وبابا ، وماما

نظرت لها فرح بدموع ثم حضنتهاا

لاما وتبتعد عن حضنها : هما هيجوا من السفر امتاا

فرح وتحبس دموعهاا : قريب ياحببتي ان شاء الله ، بس طبعاا لما يجوا لازم يشوفوكي بنوته حلوه وشاطره ويفتخره بيهاا

نظرت لها لاما وكأنها تشعر بعدم صدق كلماتها

.................................................. .......

كان يمسك فنجان قهوته ويرتشف منها ، وعندما رأها قادمه وقف ليرحب بها

ازيك يا أنسه مي

مي بأبتسامه : الحمدلله يا استاذ كريم ، خير كنت طالبني عشان حاجه تخص فرح

كريم بتنهد وبدء يقص عليها ما طلبها من اجله

مي : ياااريت بجد ، تقدر تسعد فرح صدقني فرح عانت كتيير في حياتها ومع كده كانت صابره ، ياااريت تقدر تعوضهاا عن كل الي شافته في حياتها، الدنيا بجد أست عليها كتيير

كريم بأبتسامه : اوعدك ، اني هعمل كل حاجه عشان اقدر اسعدها وانسيها كل احزانها ، بس ممكن تساعديني اقدر اقربها مني

مي بابتسامه : بص ياسيدي فرح أكتر حاجه كانت بتتمني تعملها مع الشخص الي هتتجوزه ........

.................................................. ...................

بقالك اسبوع مختفي ياشادي كنت فين

شادي وبعد أن فتح لها الباب : كنت في شرم

ياسمين : ومكنتش بترد علي تليفوناتي ليه

شادي بلامبالاه : مكنتش ناقص صداعك ، أنا مصدقت ارتاح شويه

ياسمين بحزن : أنا صداع ياشادي ، ليه هو انا عاملتلك ايه

شادي بضيق : انتي مش ملاحظه انك بقيتي نكديه الايام ديه اووي

ياسمين بحزن : اسفه ياحبيبي ، بجد كان غصب عني ، ثم اترمت بين احضانه (انا بحبك اووي ياشادي اوع تسبني ، انت لو سبتني انا ممكن اموت

شادي بتنهد وهو يبعدها عنه : ياسمين ، ممكن الفتره ديه نبعد عن بعض شويه

ياسمين بصدمه : انت مبقتش تحبني ، أنا بقيت حاسه بكده، بس ليه انا عاملتلك أيه

شادي : بصي ياياسمين انا اعصابي الايام ديه تعبانه ، وانتي كمان اعصابك تعبانه خلينا نبعد لفتره نريح فيها اعصابنا

نظرت له ياسمين بحزن ثم جلست علي احد الارائك تبكي

.................................................. ...................

بجد مش عارف أشكرك ازاي ياعمر ، انك خلصت الاجرائات بالسرعه ديه

عمر بأبتسامه : اهم حاجه متنساش تدعيلي فاهم

كريم : ان شاء الله يا صاحبي

كريم : بس عايزني أدعيلك بي ايه بقي

عمر بأبتسامه واسعه : اني اتجوز بقي

كريم بضحك :من عنياا ياسيدي

امينه بفرحه : بجد ياكريم ، ياااا لو تعرف انا فرحانه قد ايه ثم بدأت تتذكر زوجها

وقالت بأسي: اخر مره روحت قبل ما ابوك يموت ب 3 سنين

كربم بأبتسامه : لو كنت عارف أنك نفسك فيها اووي كده ، كنت فضيت نفسي ياست الكل وروحنااا

امينه بابتسامه : عارف لما هتروح هتنسي كل حاجه ، شغل وفلوس والدنيا وكل مافيهاا

فرح هتيجي معانا صح

كريم بابتسامه : ان شاء الله ، بس انا لسا مقولتلهاش

أمينه : طب روح قولها ديه هتفرح اوووي

.................................................. ..............

كانت تمسك بمصحفهاا وتقرء في كتاب الله بخشوع تام الي ان طرق كريم الباب

كريم بأبتسامه : علي فكره صوتك جميل اوووي

فرح وبدون ان تنظر اليه : متشكره

كريم : عندي ليكي خبر هيفرحك

لم تنظر له فرح ولكن انتظرت ان يقول لها تلك الخبر

كريم بأسي : مش عايزه تبصيلي ، علي العموم ياستي الخبر (ان شاء الله بعد بكره هنطلع عمره انا وانتي وماما

وبدون أن تشعر سقطت دمعه من عينيها ونهضت من مكانها بفرح : بجد ياكريم بجد ، ياااا الحمد لله الحمدلله

أن اتحققتلي الامنيه ديه

نظر لها كريم بحب : مبسوطه بجد يافرح

نظرت له فرح بدموع ، وكأنها تركت دموعها تتحدث عنها

كريم وهو يقترب منها ويمسح دموعهاا : ربنا يقدرني واقدر اسعدك واعوضك

نظرت له فرح بأمتنان ولكن أبتعدت عنه

كريم بأبتسامه ويمسك يدهاا : فرح انا بحبك ، وعايزك تبقي مراتي وام ولادي ، عايز أكمل باقي عمري معاكي

هسيبك تفكري براحتك ، بس اتمني اني اعرف موافقتك اول ما نرجع ان شاء الله

كانت فرح تستمع له وتنظر في عينيه التي شعرت بمدي أحتوائهاا لهاا ، كانت لاول مره تشعر بأن قلبهاا يتراقص من الفرحه ويخفق بشده لاول مره تتذوق طعم الفرحه التي تمنت كثيرا أن تنعم بهاا ، فقد أستجاب الله دعائها ولم يحرمها منها فهاهي الفرحه وهاهي السعاده وهاهو الحنان التي تراهه في عين زوجها وحبيبها

كريم بأبتسامه حب : تصبحي علي خير

بعد أن تركها وذهب (كانت اول ما نطقت به

الحمدلله

ضع لايك وعشرة ملصقات لضمان نزول الفصل التالى

🌹🌹🌹صفقة زواج🌹🌹🌹

🌹🌹🌹الحلقه العاشره🌹🌹

ذهبوا سوياا لأداء مناسك العمره ، وقبل العوده بيوم

كان يتحدث كريم في هاتفه مع صديقه عمر

عمر: متقلقش كل حاجه تمام ، بكره ان شاء الله هتلاقيني عندك في المطار في ميعاد وصولكم

كريم بحب : ربنا يخليك ليا ياصاحبي

وبعد ان اغلق معه ... نظر حوله وجد زوجته وامه خلفه

كريم بأبتسامه : صليته

فرح : اه الحمدلله ، ثم قالت بحزن هو احنا خلاص هنسافر بكره

كريم بحب : للأسف اه بس ان شاء الله هنيجي علطول ، والمره الي جايه هنيجي نحج ان شاء الله

ثم نظر لوالدته بحب : ونطلع احنا التلاته سوا ان شاء الله

أمينه بحب : ربنا يخليكوا ليا يا ولادي

كريم : ويخليكي لينا ياست الكل ، يلا اوديكي غرفتك (عشان تاخدي الدوا وترتاحي شويه عشان ننزل نصلي الفجر حاضر

.................................................. ....................

كانت تقف امام شرفتها التي تطل علي الكعبه مباشره

كريم بحب وهو يقف خلفها : عارفه يافرح انا سافرت تقريبا معظم بلاد العالم ، بس بجد اجمل مكان عيني شافته مش عايز امشي واسيبه حاسس ان روحي بقيت هنا خلاص ولو مشيت هسيب روحي متعلقه

فرح وهي تلتف اليه : يااريت نيجي تاني ياكريم

كريم بأبتسامه : ان شاء الله ياحببتي هنيجي علطول

فرح بحب : طيب تعال يلا عشان نختم القراءن ، مش فاضلنا غير 4 اجزاء

كريم بحب : ربنا يباركلي فيكي

.................................................. ...........

عادوا الي الوطن ولكن بقلوب واحاسيس مختلفه ، قلوبا ليست عابئه بهموم واحزان الدنيا ، قلوب مستبشره مطمئنه راضيه ، وايضا مليئه بالحب والنقاء

عمر بأبتسامه : انا دلوقتي هقولك ياحج كريم بقي

كريم بأبتسامه : ربنا يكتبهالك ياصاحبي ان شاء الله

عمر بأبتسامه : ان شاء الله ، بس هي تيجي بس الي انا مستنيها عشان نروح سواا

كريم بأبتسامه : ان شاء الله ربنا هيكرمك بزوجه طيبه زيك كده ، وان شاء الله ياسيدي العمره هتكون هديه جوزاكم

وفي تلك اللحظه جائت فرح وهي تحمل لهم اكواب العصير

فرح بأبتسامه : اتفضل يا استاذ عمر

عمر: حمدلله علي السلامه ، وان شاء الله متكونش اخر مره

فرح : الله يسلمك ، ثم أستأذنت وتركتهم

كريم وهو يأخذ منه كوب العصير : مش هتشرب غير لما تقولي عملت ايه في الي أتفقنا عليه

عمر : طب هات العصير طيب ده طعمه حلو

كريم : لاء مش هتاخده ، الا لما تقولي بالتفصيل علي الي عاملته انجز

عمر بدعابه : انت حج انت ، ياساتر عليك

وبعد ان قص له ما فعله كما طلب منه

كريم بأبتسامه : تفتكر هتكون مبسوطه

عمر وهو يأخد كوب العصير ويرتشف منه : ان شاء الله

كريم : طيب والصوره بتاعت الفستان الي انا بعتهالك

عمر : زي ما طلبت ، بعت الصوره لأتيلي في فرنسا وبكره ان شاء الله هيكون هناا

كريم بدعابه : متركز بقي يابني ، ايه اول مره تشرب عصير

عمر : انت هتذلني علي كوبايه العصير ديه ، خد اهي

كريم بضحك : بعد ما شربتها

عمر : انا طالع للحجه امينه حبيبتي ، اشرب عندهاا العصير قولهم يبعتولي كوبايه عصير تاني علي فوق

كريم بضحك:اطلعلها ياسيدي

.................................................. ...................

انا مبسوطه اووي يامي ، متعرفيش انا فرحانه اووي اووي ، ياا لو أقولك بجد علي المنظر قلبك كده بيتخطف خطف ، ده انا مكنتش عايزه اجي واسيب المكان ، الحمدلله ان ربنا اكرمني وكتبهالي وزي ما اتمنيت مع زوجي

مي بحبك : ربنا يكرمك ويحقللك كل الي بتتمنيه ياحببتي

فرح : كريم حنين اووي ، ده بيحاول يعمل اي حاجه عشان يرضيني ، مش قادره اتخيل حياتي من غيره هتكون ازاي تفتكري يامي ممكن يكون بيعمل كده عشان بس حس انه ظلمني ، وبيحاول يعوضني وبعد كده هيسبني

مي : ايه الهبل الي انتي بتقوليه ده ، لو مكنش بيحبك وعايزك مكنش قالك انه عايز يكمل حياته معاكي وتكوني زوجته قدام الناس كلهاا ، استعيذي من الشيطان ، وأنسي كل الي فات

فرح بحب : عارفه يامي انا لو كان ليا اخت مكنتش هحبها زي ما بحبك كده ربنا يخليكي ليا

مي بحب : ربنا يديم حبنا لبعض ، صح انا هجيلك بكره ان شاء الله عشان اباركلك يا حجه، ياارب اكتبهالي

فرح بحب : يــــارب ياحببتي ، ماشي هستناكي

بعد ان انهت محادثتها مع صديقتهاا

التفت لكي تخرج من غرفتهاا فوجدت كريم يقف خلفها

كريم ولكي لا يجعلها تشعر بأنه قد سمع حديثها مع صديقتها : كنتي بتكلمي مين ياحببتي

فرح : كنت بكلم مي ، هي هتجيلي بكره ممكن تيجي البيت ده لو مش هيضايقك يعني

كريم بأبتسامه : البيت ده بيتك انتي كمان ومن حقك تستضيفي اي حد انتي عايزاه من غير ما تستأذني ، وخلي السواق بكره يروح يجيبها

فرح بأبتسامه وهي تخفض رأسها : متشكره اووي

كريم بضحك : هههههههههههههه يابنتي انا جوزك ، هو كل ما اكلمك تبصي للارض

فرح : اصل مش بعرف ابص علي حد وانا بكلمه

كريم بخبث : بس انا مش اي حد وعايزك تبصيلي ديماا ، وكمان ده انا اموتك لو بصيتي علي راجل غيري فاهمه

فرح ومازالت تنظر للارض : حاضر

كريم : اجمل حاضر انا سمعتها في حياتي ، قوليها كده تاني

فرح بخجل : طيب ممكن توسع كده عشان ، اروح لماما

كريم : لاء مش هوسع ، وكمان ماما اخدت الدوا ونامت

فرح : طيب خلاص هنزل اجيب كتاب من المكتبه تحت ، عشان اقرئه .. ثم خرجت سريعا من الغرفه وهي مبتسمه

كريم بضحك : هههههههه أهربي اهربي ، مسيرك في يوم هتقعي تحت ايدي يافرح هانم

.................................................. .............

هي ديه مي ياماما الي بحكيلك عنهاا

امينه بحب وهي تقبل مي : فرح ديما بتحكيلي عنك ، ربنا يخليكوا لبعض ياحببتي

مي بأبتسامه : وفرح برضوه والله ياطنط ديما بتكلمني عن حضرتك ، ومن كلامها كان نفسي اشوفك واتعرف عليكي والحمدلله اتعرفت علي حضرتك

أمينه بأبتسامه وهي تنظر لفرح : ربنا يخليكي ياحببتي ، ها يافرح قولتي لداده تحضر الغدا عشان صاحبتك

مي : لاء ياطنط انا يدوبك أمشي ، ده انا هنا من الصبح

أمينه : لاا انا كده هزعل منك

فرح : كده هتزعلي ماما منك يامي

مي بأبتسامه : لاء طبعا مقدرش انا علي زعلها ، حاضر

.................................................. ............

ايوه ياكريم ، لاء مافيش حاجه وصلت البيت حاضر مش هفتح حاجه وهدخل الحاجه علي اوضتك

كريم : لاء خليهم في اوضتك انتي

فرح بدهشه : حاضر

وبعد ان انهت حديثها معه ...

جلست بجانب صديقتها ليكملوا طعامهم

مي : عندك حق تحبي الست ديه ، بجد ديه طيبه جداا ، ربنا يخليهالكم

فرح بحب : ياارب يامي ، بجد هي الي عوضتني عن حنان امي الي كنت مفتقداه ، ثم تذكرت زوجة اباهاا (صحيح متعرفيش حاجه عن مرات بابا وبنتها

مي : بعد الي عملوه معاكي لسا فاكراهم ، ده انتي المفروض تمحيهم من ذاكرتك

فرح بأبتسامه : ماهو لولا الي عملوه معايا ، مكنتش اتجوزت كريم ولا قبلت ماما امينه ، فعلا ساعات الواحد بيزعل لما بيلاقي الدنيا ضلمة قدامه فجأه ومافيش اي باب قدامه وحتي الباب الوحيد الي مفتحوله برضوه ضلمه بس بعد كده بيكتشف فعلاا انا الضلمه ديه مجرد شعاع للضوء الي وراه بس المهم الواحد يكون راضي وواثق ان ربنا عمره ما هيسيبه ولا هيتخل عنه

مي بأبتسامه : ربنا يسعدك ياحببتي ، ويكرمك في حياتك

ثم قالت لها بدعابه : علي فكره الدراسه بعد اسبوعين ، انتي خلاص نسيتي التعليم ومبقاش في بالك ثم غمزت لهاا

فرح بضحك : لاء مش ناسيه ياختي ، متخافيش ، هانت ديه اخر سنه ونتخرج ...

.................................................. ....................

يابني روح ارتاح بقي ده انت بعد يومين هتكون عريس

كريم وهو يخلع نظراته الطبيه : اعمل ايه ياعمر ، عايز اخلص الشغل الي علياا عشان لما اسافر

عمر بدعابه : اذا كان كده اشتغل اشتغل ما انت هتسافر اسبوع عسل وتدبسني انا ياخويا هنا

كريم بأبتسامه : مرضوده ليك ان شاء الله يا كبير

عمر : اما نشوف

كريم : طيب سيبني بقي عشان اخلص شغلي ، وروح شوف شغلك انت كمان

عمر بدعابه : لاا انا مروح .. سلام ، الواحد برضوه صحته بالدنيا

.................................................. ......................

كانت تجلس مع صديقتها وأبنه عمتها وتبث في أذنها السموم بالكلام

رندا : شوفتي يافالحه بعد يومين هيعملها فرح وكمان في المنتجع الجديد الي لسا فاتحه ، ولسا كانوا راجعين من العمره

شيرين بحده : وانا مالي يا رندا ، ربنا يسعدهم في حياتهم

رندا بخبث :يعني هتسبيلها كل حاجه كده وتتهزمي من حتت بت زي ديه بكره ياخد منها مراده ويسيبها زي الكلبه ترجع لحياتها الي في الحواري تاني

شيرين بحده : انا خلاص كريم طلعته من حياتي زي ما هو طلعني منها ده لو كنت اصلا من الاول في حياته ، وكمان انا وباسم ابن عمي خلاص هنرتبط وهسافر معه فرنسا وابتدي حياه جديد ، وهو ربنا يسعده مع الانسانه الي بيحبها

ثم قالت بدموع : يابختها بيه فعلاا ، انتي مشوفتيش وهو كان بيكلم عليها كان بيتكلم ازاي عينيه كانت مليانه بالحب ، الحب الي كنت بقرء عنه في الروايات بس من غير ما اشوفه

رندا بغضب وهي ترحل : انتي حره ، اعملي الي تعمليه بس بعد كده متجيش تندمي انك سبتيه ليها

شيرين ولأول مره تشعر بالاشمئزاز والغرابه من تصرفات ابنة خالهاا : ربنا يهديكي يارندا

.................................................. ..........

فرح يافرح ..

فرح : نعم ياكريم ، في ايه

كريم بأبتسامه : مالك مخضوضه كده ، متخافيش

طلعتي الحاجات زي ما قولتلك في اوضتك

فرح : اه ، بس هي العلبه الكبيره ديه فيها ايه

كريم : يعني انتي مفتحتهاش

فرح : وهفتحها ليه ديه حاجه تخصك

كريم بخبث : تمام ، وعادي يعني لو فتحتيها اصلا ديه هديه كده لواحده بس حابب اخد رئيك في الهديه يعني انتي ست زيها واكيد هتقوليلي اذا كانت الهديه هتعجبها ولا لاء

فرح بغيره : وانا مالي ، هديتك وانت حر فيها عن اذنك

كريم بضحكه حاول ان يخفيها لكي لا يفتضح امره : رايحه فين طب تعالي بس ، يعني ديه خدمه يافرح وانا اول مره اطلب منك طلب ، وكمان يرضيكي يقولوا عليا ذوقي وحش

فرح وهي تشعر بالغيره فكيف يقول لها انه جلب هديه لاخري ، هل هي حبيبته فكيف فهو اصبح يحاوطها بحبه وحنانه

كريم : ايه يابنتي روحتي فين ... ثم امسك يدهاا وصعدا بها الي الغرفه (يلا افتحيها وقوليلي رئيك في الهديه

فرح بأسي : بس ده شئ ميخصنيش ، لما صاحبتها تفتحها تبقي هي الي تقولك رئيها

كريم بدعابه : ياساتر ، انتي متعمليش حاجه كده لوجه الله (هفتحها انا وامري لله ... ثم وجدها تخرج من الغرفه

كريم : ايه رايحه فين ، تعالي

وبدء كريم يفتح الهديه ، ثم نظر الي فرح وشعر بحزنهاا وغيرتها

كريم بأبتسامه : ايه رئيك حلو

فرح : جميل ، عن اذنك

كريم : استني ، ما تخدي بقي تلبسيه

فرح بضيق : وانا مالي ده بتاع حبيبتك ، وشكلك هتتجوزها

كريم بخبث : هو فعلا بتاع حببتي ، وهتجوزهاا

فرح بأسي تحاول ان تخفيه : ربنا يسعدكم ، عن اذنك

كريم بضحك : ربنا يسعدكم وبتعيطي ده انتي شكلك بتدعي علينا من جوه قلبك ..... ثم اقترب منها بحنان ياعبيطه الفستان ده ليكي انتي انتي حبيبتي ومراتي وكل حاجه جميله في حياتي

فرح بدهشه : ليا انا

كريم بحب : ايوه ، تصدقي نفسي اشوفك دلوقتي لبساه ماتروحي تلبسيه بقي يافرح ونتجوز النهارده وبلاش حفله وووجع دماغ وخير البر عاجله

فرح وبدون ان تشعر : ارتمت في حضنه وامسكت به بشده (كريم انا بحبك اوووي ، ربنا يخليك لياا واقدر بجد اسعدك

كريم بحنان وهي مازالت في حضنه : وجودك في حياتي ، هو اكتر شئ بيسعدني ياحببتي

ثم قال بخبث : ايه يافرح هو حضني عجبك ولا ايه

فرح بخجل وهي تبتعد عنه : انا اسفه ، اصل ..

كريم بضجك : ياحببتي بهزر معاكي ، اصلاا ده مكانك انتي وبتاعك انتي وبس ثم اقترب منها وقبل جبينها ...

وقال بخبث : هنكتفي بديه دلوقتي ، بس بعد كده مش هتنازل عن اي حاجه

فرح بخجل : انا هروح اشوف ماما وافرجها علي الفستان

كريم بضحك : شكلك بيفطس من الضحك وانتي مكثوفه وبتهربي كده ( استني طيب لسا الهدايا مخلصتش ثم ذهب الي مكتبه وصعدا

وقبل ان يدخل عليها مره ثانيه بمفجأته الاخري، وجدهاا تمسك الفستان وتلمسه بفرحه شديده تظهر في عينياها قبل وجهها، فحقا اجمل لحظه ان تمسك الفتاه فستانها الابيض ولكن الفرحه الاكبر عندما ترتديه لمن ملك قلبها ففرحتها حين اذا تكون اكبر بكثير من جماله

كان كريم يقف وينظر لها بحب .. ثم التفت له فرح وقالت : انت جيت

كريم بأبتسامه واسعه : غمضي عينك بقي عشان الهديه التانيه

فرح : ليه طيب وكمان انا بخاف اغمض عيني ، يلا وريني بقي

كريم بضحك : بلاش غالبه وغمضي عينك

فرح وبدأت تغمض عينيها : ها أفتح

كريم بحب : مممممممممم ، يلا فتحي

فرح بدهشه : ايه ديه

كريم بحب: شبكتك ياحببتي ، في عروسه ميبقاش ليها شبكه

فرح بسعاده : ديه جميله اوووووي ياكريم ، بس شكلها غاليه جدا

كريم بحب : هوووس ، مافيش حاجه تغلي عليكي ... اوعي تعيطي فاهمه

فرح وقد ترقرت حبات الدموع في عينيها : لاء مش هعيط خلاص

ثم امسك يدها بحب : هلبسك دبلتك دلوقتي ، ويوم الفرح هلبسك الشبكه كلها ، بس لوحابه البسهالك دلوقتي مافيش مشكله

فرح : لاء هلبس الدبله بس ..... وبعد ان البسها دبلتهاا وارتدي دبلته هو الاخر التي نقش عليها اسماهما (امسك يدها وقبلها بحنان

فرح بسعاده بالغه : انت اجمل نعمه ربنا اكرمني بيها ، ربنا يقدرني واقدر احافظ علي النعمه ديه واكون ليك زي ما بتتمني

........................

كانت تقف خلف صديقتها وتمسك يدهاا بحب

مي بحب : أحلي عروسه في الدنياا

فرح بأبتسامه أظهرت السعاده التي بداخلها : بجد يامي طالعه حلوه

مي بحب : وانتي عندك شك في كده

وفي تلك اللحظه دخلت امينه عليهم والفرحه ظاهره علي وجهها الحنون : بسم الله ماشاء الله ، قمر ياحببتي

فرح وتنحني لتقبل يدها بحب : ربنا يخليكي ليا ياماما

الداده بحب : ربنا يسعدكم ياحببتي

.................................................. ..........

كان يقف في وسط أصدقائه من رجال الاعمال ، ويتحدث معهم ثم أستأذن منهم وذهب الي ..

كريم بتوتر: خليك انت بقي هنا ، لحد ما اشوف خلصوا ولا لساا ، مش عارف كل ده بيعملوا ايه

عمر بضحك : ههههههههههه ، بقين مستعجلين الله يسهلك ياعم

كريم : ماشي ياسيدي ، بكره نشوف هتعمل ايه

وبعد أن ذهب كريم وصعد الي غرفة فرح في الفندق

عمر بدهشه وهو ينظر علي الاشخاص الذين يتقدمون نحوه

شيرين بأبتسامه : أزيك يا عمر، عقبالك

عمر: ربنا يخليكي ، وعقبالك انتي كمان

نظرت شيرين له بحزن ولكن صمتت

شاكر (عم شيرين): اومال فين كريم

وفي تلك اللحظه أتي كريم ثانية..

كريم بترحيب : بجد مبسوط جدا انك قبلت دعوتي

شاكر: ازاي مجيش فرح أبني ، مهما كان انت ابن اعز اصدقائي ومهما حصل هتفضل برضوه كده

ثم نظر حوله علي المكان : بجد هايل ياكريم ، تصميم المنتجع بجد تحفه ، انا شكلي هغير منك وادخل في عالم السياحه وانافسك بقي هههههههههه

كريم بأبتسامه : بجد اعجاب حضرتك بالمشروع اسعدني جداا .. ثم نظر الي شيرين بود

كريم : أزيك يا انسه شيرين

شيرين بأبتسامه حزينه : مبرووك ياكريم

كريم : الله يبارك فيكي ، عقبالك

شاكر: ان شاء الله هيكون قريب ، واكيد هتكون معزوم علي خطوبتها هي وباسم

كريم بأبتسامه : ان شاء الله ، وربنا يتمملهم علي خير

وفي تلك اللحظه أقترب منه عمر بهمس : ايه يابني لساا

كريم وهو ينظر لساعته : وقبل ان يتحدث رن هاتفه

كريم بأبتسامه واسعه : اخيراا ، طيب طالع اه

عمر بحب :ربنا يسعدك ياصاحبي

بدأت اصوات الموسيقي تتعالا، ونزل العروسين من علي درجات السلم وسط الكثير من العيون (فمنهم من يتمني لهم السعاده ومنهم من ينظر لهم بعين الحقد والغيره الشديده ومنهم من ينظر بحزن نعم فهي شيرين كانت تنظر لهم بحزن ولكن كان عزائها الوحيد لنفسها فأنها فعلا لم تحبه هي فقط ارادة ان تمتلكه فقط ويصبح لها فقد كان حب امتلاك لا أكثر

كانت فرح في غاية الجمال ب فستانها الابيض وحجابها الجميل ، كانت مثل الملاك

كريم بحب وهو يهمس في أذنها : عارفه عايز اخدك دلوقتي ونسيب الفرح ونهرب ، مش عايز حد يشوفك غيري

فرح بخجل : الناس بتبص علينا علي فكره

كريم : طب وانا اعمليهم ايه ، وكمان واحد ومراته حبيبته يبصوا ليه علينا ناس حشريه صحيح

.................................................. ...........

كانت أمينه تجلس علي كرسها المتحرك وتنظر عليهم بحب شديد ، فالأن قد تحقق لها ما تمنت ورأت أبنها الوحيد مع من اختارها قلبه ولكن هذا اليوم ينقصه احدهم نظرت لابنها بحب وتذكرت اباه ، ثم دعت له بالرحمه ...

وفي تلك اللحظه قطع شرودها صوت احدهم

شاكر بأبتسامه حب : يااا يا أمينه بقالي مده كبيره مشوفتكيش ، بس تصدقي لسا زي ما انتي من اخر مره شوفتك فيها من 5 سنين

أمينه : بيتهيألك ، كله بيتغير الشكل والنفوس ومافيش حاجه بتفضل علي حالها يا استاذ شاكر

شاكر بأبتسامه : لسا حكيمه زي ما انتي ، ومبتحبيش تتكلمي كتير

وبعد حديث دار بينهم ذهب شاكر وعلي وجهه علامات الحزن وهو يتذكر اول يوم رئها فيه

فلاش باك !

كانت تجلس وتباشر عملهاا فتاه ذات ملامح هادئه جميله (نعم فهي امينه

شاكر بأبتسامه : ممكن أدخل لاستاذ أحمد

أمينه : حضرتك عندك ميعاد

شاكر وهو يتأملها بجرأه : قوليله شاكر زياد

وبعد أن علم أحمد بوجود صديقه ...

احمد بأبتسامه : ياااا أخيراا جيت من فرنسا ، ده أنا قولت هتفضل طول عمرك مسافر ، بجد ليك واحشه

شاكر بأبتسامه وهو يتذكر تلك الملاك الذي يجلس بالخارج: انا خلاص رجعت ومش ناوي اسافر تاني كفايه بقي سفر

أحمد : احسن قرار أخدته بجد ، وكمان والدك بقي محتاجك ، ما انت عارف المستشار مالهوش في شغل البيزنس

ظلوا يتحدثون سويا لبعض الوقت

شاكر : استأذن انا بقي ، واكيد لينا لقائات كتير ياصاحبي وكمان شغل

احمد بأبتسامه : اكييييييييد

خرح شاكر من المكتب ومعه احمد

أحمد بأبتسامه : ممكن يا أنسه أمينه تجبيلي ملفات الحسابات من استاذ رمزي

أمينه بأبتسامه هادئه : حاضر يافندم

كان شاكر يقف بجانب صديقه وينظر لها بنظره مليئه بكل المشاعر الغريبه التي لاول مره يشعر بها

كانت زيارات شاكر كثيره الي احمد حتي انه بدء يدخل معه في مشاريع كثيره ، وكان كلما تقرب منها تصده دائما حتي انه كان كثيرا يغريها بالمال والهدايا ولكن ليست كل الفتايات مثل بعضهم

ولكن رفضهاا لكل مغرياته كان يزيده تعلقا بها ، بل اصبح يعشقها بشده ، ولكن كانت صدمته الكبري عندما علم بحبهم هي وصديقه، فقد تدمرت كل احلامه وامانيه فقد كانت حبه الاول وايضا الاخير

وفي يوم ...

حرام عليك انت حابسني هنا ليه ، سيبني اخرج

شاكر بغضب : أشمعنا أنا محبتنيش هاا اشمعنا، لو علي الفلوس انا معايا زي زيه وهقدر اجبلك كل الي عايزاه

أمينه : بس عمرك ما هتقدر تجبلي سعادتي مع الشخص الي بحبه ، مش كل حاجه نقدر نجيبها بالفلوس لان في حاجات مش بتقدر تشتريه ثم وضعت يدها علي قلبها لان مش بتبقي ملكنا... ثم نظرت له بود وحنان :سيبني امشي وانت شوف حياتك ومتوقفهاش علي حد دور حواليك هتلاقي الانسانه الي بتدور عليهاا ، وصدقني انا بحبك وبعزك جداا بس كأخ ومش عايزه أخسرك كأخ انت انسان طيب وجميل من جواك واكيد في يوم هتلاقي انسانه طيبه وجميله زيك

كان يستمع لهاا بحزن ، هو يحبهاا بشدها ولكن هي اختارت غيره ظل ينظر لها لمده طويله ثم قال بتنهد وبصوت عالي : امشي من وشي دلوقتي ، مش عايز اشوفك قدامي

وبعد ان رحلت ظل ينظر لترك الفراغ بضيق شديد كان يشعر بصراع كبيربين نفسه الي انا ......

افاق من شروده تلك وهو يطلب من السائق ان يهم بالرحيل

.................................................. ....................

كانت تجلس وتنظر لها بحقد شديد وكرهه ، ثم الي التفت الي أبنه عمتها وقالت بسخريه : طلعت اشطر منك وقدرت تاخده من كل الستات الي حواليه ..... ثم قالت بحقد شديد : بنت الساعي

كانت شيرين تجلس بجانبها ... ثم تركتها وانصرفت فهي اصبحت تكرهه نبرة حديثها بشده وتلك الحقد الذي اصبح يسود قلبها بدون سبب ولكن هل حقا لايوجد سبب؟

كان يتحرك بظهره للخلف الي ان اصتدم بأحدهم ، ألتف لكي يعتذر

عمر بأبتسامه وقد تفاجئ بأنه تلك الفتاه هي نفس الفتاه التي رأها يوم كتب كتاب كريم وفرح : أنا أسف يا انسه بجد

مي بخجل وهي تتذكره : حصل خير ، عن أذنك

عمروهو يحاول ان يتذكر أسمها ولكن قد فشل ، ثم نظر عليها وهي ترحل وابتسم

.................................................. ................

كريم ويمسك يدها ويقبلها بحب : مبروك ياحببتي

فرح بأبتسامه حزن وكادت دموعها تتساقط : ربنا يخليك ليا

كريم بتعجب : مالك يافرح اوعي تعيطي عشان خاطري

فرح بحزن: كان نفسي يكون بابا وماما الله يرحمهم عايشين ويكونوا جنبي في المناسبه ديه

كريم بحب : ربنا يرحمهم ياحببتي ، وكمان مش احنا اتفقنا اني انا بابا وكمان ماما وكل حاجه ولا نسيتي ياهانم

فرح بحب : اوعدني ياكريم لو في يوم ندمت علي جوازك مني بجد ، قولي وانا صدقني هطلع من حياتك بهدوء (قالت جملتها الاخيره وسقطه دمعه من عينيها

كريم بحب وهي يحتضن يدها : الناس يقولوا ايه دلوقتي ،لما يشوفكي وانت بتعيطي يقولوا غصبها علي الجوازه ، ثم قال بدعابه : ده انا حتي عريس عسول اوووي ويعجبك

فرح بأبتسامه : واحلي حاجه عينيا شافتها

كريم : بقولك ايه خفي كلامك ده شويه ، لحد ما الحفله تخلص لاحسن انتي عارفه

في تلك اللحظه اتي عمر اليهم وقال بحب: ياسلام علي الحب اوعدني يااارب

كريم بأبتسامه : بلاش قر بقي وبالذات النهارده فاهم... ثم نظر الي فرح ثانيه وجدهاا تخفض رأسها بخجل

ثم أقترب من عمر وقال بصوت ليس مسموع لاحد غيره : زي ما اتفقنا مافيش صوره تنزل في الجرايد او المجلات لفرح فاهم

عمر بدعابه : بتغيري يابيضه

كريم : عمر ، المسأله ديه مافيهاش هزار، مسمحش لحد يمسك صورة مراتي ويتأملها

عمر بجديه : متخفش ، اصلا انا منعت وجود الصحافين في الحفله اطمن

كريم بتنهد : تمام

.................................................. ................

بدأت الانوار تنطفئ وبدأت بعض الانوار ذات الضوء الخافت و الالوان المتعدده تظهر وتصوب نحو العروسين وهم يرقصان

كان يحتضنها بحب شديد ويهمس في اذنها بحب : بحبك يانور عيني ، يا اجمل فرحه في حياتي يافرحه قلبي

فرح وهي تنظر له بحب ثم قالت بخجل : وانت اجمل واحلي فرحه ربنا اكرمني بيها ، انت الفرحه الي جاتلي بعد صبر طويل ، الحمدلله

انا ليكي انا بيكي انا معاكي بعيش عمري

انا جايلك بناديكي ديه ليله عمري ياعمري

هكون جنبك هكون ليكي في ايامك لياليكي

ده رب الكون جمع بينا بشرعه خلاص بقيت ليكي

ولا هبعد في يوم عمري.........

انا كنت هكون فعلا مجنون لو سبتك يوم تضيعي مني

(انشوده مقتبسه)

.................................................. ...........

صعدا الي غرفتهم في تلك الفندوق الذي يمتلكه في العين السخنه والذي افتتحه ايضا اليوم

فرح بخجل : نزلني ياكريم خلاص

كريم ويضعها علي السرير: كنت شايل عصفوره ياناس ، ايه يابنتي هو انا كنت حرمك من الاكل ولا ايه

ثم أقترب منها بحب وقبل جبينها :قومي غيري هدومك يلاا

فرح بخجل: لاء انا هنام كده

كريم وهو يرفع احد حاجبيه: نعم ياختي،قال انام كده

ثم أقترب منها بحنان ثانيةواحتضنها بحب: قومي غيري عشان نصلي ونتعشي

فرح بحب : حاضر

.................................................. .........

ظلت تأكل لقرابه ساعه وكريم ينظر لها بغيظ شديد وينظر في ساعته

كريم : مش كفايه كده ياحببتي ، انتي بقالك ساعه بتاكلي

فرح وكادت تنفجر من كثره الطعام ولكن ما باليد حيله : لاء لسا جعانه

كريم ويأخد من يدها ما تأكله ويمسح فمهاا وبدء يتحدث معها لكي يزيل توترها وخوفها فهو مازال يشعر بالذنب من ما فعله معهاا في تلك الليله : ممكن حبيبي الجميل يحكيلي شويه عن طفولته بقي نفسي اعرف حبيبتي كانت عامله ازاي وهي بنوته صغيره

فرح وبدء الحزن يكسو وجهها : كانت حياتي جميله برغم بساطتها لحد ما بقي عندي 10 سنين وماما سبتني وراحت ، بعد كده وبدئت دموعها تنهمر علي خديهاا بكثره

كريم بأسي وقام بحتضانها : اسف ياحببتي لو كنت فاكرتك بحاجات تضايقك ، ثم بدء يمسح دموعها برفق مش عايز اشوف دموعك ديه تاني فاهمه ثم بدء يقبلهاا بهدوء الي ان ذابت مع قبلاته المتلاحقه ونسيت خوفها واستسلمت له تمام

.................................................. ............

بدء الضوء يتسلل الي احناء الغرفه ، ليعلن عن بدايه يوم جديد ولكن مختلف ..

كان يتأملهاا وينظر لها بحب وهي نائمه بجواره وبين احضانه.. الي ان فتحت عينيها بهدوء ونظرت له بخجل شديد

فرح بخجل :صباح الخير

كريم بحب وهو يعبث بخصلات شعرها : صباح النور ياحببتي ، ها نمتي كويس

فرح : اه ، بس عايزه انام تاني

كريم بضحك : كده الطياره هتفوتنا ، وهنقضيها نوم بقي

فرح : انت اتصلت بماما تطمن عليها ، وكمان اخدت دواها ولا لاء ، ممكن التليفون ياكريم عشان اتصل بيها

كريم بحب : ههههههههههه براحه يابنتي ايه ، متخافيش اتصلت بيها ياستي واطمنت عليهاا وبتسلم عليكي

فرح بتنهيده وبأبتسامه : الله يسلمهاا ، طب هي اخدت الدوا

كريم : ايوه ياستي متقلقيش ، ثم اقترب منها بحنان وقبلها سريعا قبل ان ينهض

كريم بأبتسامه واسعه : قومي يلا بقي ياكسلانه ، عشان نفطر وتجهزي عشان ميعاد الطياره

.................................................. ..................

ياسمين انتي يابت اصحي

ياسمين بتأفف : في ايه ياماما سيبيني انام حرام عليكي

كريمه بحده وتقذف عليهاا الجريده : قومي ياختي شوفي فرح

ياسمين : مالها ، مش غارت من زمان في ستين داهيه وريحتك

كريمه : ريحتني وريحت نفسهاا بنت عبدالله ، قومي ياموكوسه يابنت الموكوسه شوفي

نهضت ياسمين بتأفف ثم أمسكت الجريده وبدأت تقرء الاسم وخبر الزواج من تلك رجل الاعمال المعروف كريم الشاذلي

كريمه بضيق وهي تضع يدهاا علي صورته: وتقوليلي راجل عجوز

ياسمين بلا مبالاه : ما يمكن يكون مجرد تشابه اسماء بينها وبين مراته يعني هو خلاص مافيش في مصر كلها غير فرح عبدالله محمد بس

كريمه بحقد : لاء ياختي هي ، عمك محسن هوالي أكدلي وجبلي الجريده .. الراجل الزباله عايز يغظني ، اه ياناري دمي محروق وهطئ من الغيظ

ياسمين بضيق : ممكن محدش يصحيني بقي

كريمه بحده : نامي ياختي نامي ، هو ده الي انتي فالحه فيه ، مش لو مكنتش طردتهاا كان زماني متنغنغه بالعز ، وش فقر زي امك اتخمدي جاكي بالقرف

خرجت كريمه من غرفة ابنتها وهي تشعر بالحقد والغيره الشديده من تلك الحياه التي اصبحت تعيش فيها فرح ، ظلت تنظر ياسمين علي والدتها الي انا خرجت ثم عادت للنوم ثانيه

.................................................. ......

وصلوا الي جناحهم المخصص

فرح :المكان تحفه وجميل اوووي ياكريم ، بس السفر متعب اووي انا خلاص هلكت

كريم ويحتضنها من الخلف : معلشي ياحببتي ، وكمان مش انتي كان نفسك تيجي هنا

فرح بتعجب : وانت عرفت منين ، ان انا كان نفسي اشوف جزيره هواي

كريم بضحك : تعالي طيب وانا اقولك

فرح وتهرب منه : خلاص عارفة ، ماشي يامي يافتانه

كريم ويخرج هاتفه ويتظاهر بأنه يتحدث مع والدته : يافرح تعالي كلمي ماما علي التليفون

جائت فرح سريعاا ولكن فوجأت بيد كريم تمسكهاا ويغلق الباب بسرعه

كريم بضحك : عشان تهربي مني تاني ، أدي المفتاح معاياا اه ، تعالي بقي ياجميل

لو لقيت تفاعل جميل متلكم حبايب قلبى راح نزل حلقتين بالليل 😘😘😘