🌹🌹صفقة زواج🌹🌹
🌹🌹الحلقه الاولى🌹🌹
في أحد أحياء الشعبيه....
أنتي ياختي كفاياكي نوم، قومي فزي يلا
فرح: حاضر قايمه أه
كريمه (مرات ابو فرح ): خمس دقايق والاقيكي قدامي فاهمه..
فرح: حاضر ، هصلي وجايه
كريمه : طيب ياست الشيخه...ثم ضحكت ضحكه مستفزه وذهبت
كريمه: ياسمينه حبيبت ماما .. روح قلبهاا يالهوي علي القمر ياخواتي
ياسمين بمياعه: ميرسي يا مامتي ياحببتي ... فين الفطار
كريمه بصوت عالي : انتي يازفته اخلصي...حضرلنا الفطار
فرح (بعد أن انهت صلاتها : يـــــــاربــــ أنت العالم بحالي ، ساعدني يـــــارب
.................................................. ...
دعوني أعرفكم علي هذه الاسره
كريمه : مرات ابو فرح ... تزوجها ابو فرح بعد وفاة زوجته ... كانت فرح في عمر ال 10 عاما ... وطبعاا هتعرفواا مع الأحداث طبع هذه السيده ...
فرح : فهي فتاه جميله للغايه وحنونه جداا... تدرس في كليه التجاره
اما والد فرح (عم عبدالله): فهو يعمل ساعي في أحد الشركات الكبري التابعه لمجموعه الشاذلي
ياسمين : بنت كريمه وهي في سن فرح (بس مثال للبنت .. وهتعرفوا في الحلقات الجايه.. وفي كليه الاداب
.................................................. .............
ياسمين : أنا همشي بقي .. عشان متأخرش علي المحاضرات
كريمه : ماشي ياحببتي خلي بالك من نفسك
كريمه وهي تنظر لفرح بكرهه .. فقد أعتادت فرح علي تلك النظرات والمعامله القاسيه : قبل ما تروحي جامعتك نضفي البيت ، وأغسلي المواعين .. عايزه اصحي من النوم الاقي كل حاجه تمام فاهمه ...
فرح بحزن : حاضر
.................................................
أنهت فرح كل ما تفعله كل يوم من تحضير الفطار وتنضيف المنزل ... (فهذا هو عملها كل يوم .. واذا لم تفعل فستحرم من دراستها التي عانت بشده كي تستطيع أن تكملهاا
مي(صديقة فرح : كل ده يافرح أتأخرتي ليه يابنتي
فرح : معلشي يا مي ما انتي عارفه
مي (باسف علي حال صديقتها : معلشي يافرح .. ربنا أن شاء الله هيعوضك خير .. وهانت فاضل لينا سنه ونتخرج ... ومتحتاجيش لحد
فرح : طب وبابا ..يامي
مي : بتفكري فيه .. وهو عمره مافكر فيكي وديما بيجي عليكي بسببها ... والله ما يستاهل ان يكون ليه بنت زيك
فرح : لا يامي متقوليش كده ... أنا عذراه ومسامحاها (المهم ربنا يخليهولي .. انا مش ليا حد غيره في الدنيا ديه كله
مي بحب : طيب يلا بقي عشان المحاضره ياهانم
فرح بضحك : بينا ياكبير....
.................................................. ...........
في احد المنازل الراقيه .. منزل يشبهه القصر حقااا..
صباح الخير ياماما .. اخبار صحتك أيه
أمينه(وهي تجلس علي كرسي متحرك: الحمدلله ياحبيبي ..
كريم (وهو يقبل يدها : ربنا يخليكي ليا ياست الكل .. هاا أم محمد جبتلك الفطار .. ولا لساا
أمينه : اه ياحبيبي فطرت واخدت الدوا بتاعي .. ربنا ما يحرمني منك
كريم بحب : ولا منك يــارب
نعم فهذه هي عائله الشاذلي ...(من أكبر اصحاب الشركات في الشرق الاوسط ... وكريم هذا هو من وريث هذه الامبراطوريه الضخمه بعد وفاة والده ..
اما أمينه فهي والدته ..أصيبت بالشلل بعد وفاة زوجها المحب الي قلبها من 5 سنوات .. فبعده لم ترغب بالحياه ولا اي شئ واصبحت منفرده بنفسهاا تماما وتجلس دائما في غرفتهاا ...
في أحد الشركات الكبري... يدخل شاب يبلغ من العمر 28 عاما
خير ياعمي .. حضرتك طلبتني ..
محمود(وهو يترك ما بيده : أمتا هفرح بيك ياكريم وأشيل ولادك ، أنا خلاص مش هعشلك أكتر من كده
كريم : ياعمي أنا قولتلك مش هتجوز تاني خلاص
محمود بعصبيه : مش هسمحلك يا كريم تعمل كده
محمود بأسف : لازم تشوف حياتك ياكريم .. متخلنيش أحس بالذنب (كفايه أنا وأبوك جوزناك سلمي غصب عنك عشان بس نحافظ علي الامبراطوريه ديه .. ثم بدء يتذكر ابنته (التي توفت )
فلاش باك!
امينه بعصبيه: أنت أتجننت يامحمود.. حرام عليك تظلم سلمي .. سلمي ما ينفعش تتجوز ولا تخلف أنت أيه كل ده عشان تحافظ علي الامبراطوريه ديه ... مش معني أن أنت واحمد الله يرحمه اتفقته علي كده أنا هوافق ... أنسي يا محمود ولا أنا عشان بقيت عجزه خلاص ... هتحدد بمصير أبني أنا مش هسمحلك (واتفاقك أنت واحمد أنساه
في هذه اللحظه دخل كريم ..
كريم : أنا موافق ياعمي ..
أمينه: وانا مش موافقه
كريم (بأشفاق علي حال والدته: ديه وصية بابا ياماما وانا لازم انفذها .. ثم نظر لعمه (شوف ياعمي الوقت المناسب وانا مستعد
محمود بفرح شديد وهو يربط علي كتف ابن أخيه : كنت واثق انك مش هتكثفني وهتسمع كلامي...... ثم تركهم وذهب
أمينه بحزن علي حال أبنه : متسمعش كلام عمك يابني (سلمي مينفعش تتجوز الدكاتره قاله كده حرام عليكوا تظلموهاا ...
كريم : أن هعرضهاا تاني علي أكبر دكاتره في أمريكااا
أمينه : طيب نفرض لو وافقوا وقالوا حالتها تسمح ... أنت مابتحبهاش هتتجوز واحده مبتحبهاش وبتعتبرها زي أختك
كريم (وهو يحاول أن يخفي حزنه ويقبل يده والدتها : سلمي بنت عمي وانا أكتر حد لازم يقف جنبها هي وعمي ...
أمينه : علي سعادتك ياحبيبي
كريم: للاسف ياماما .. ده واجبي (أنتي عارفه عمي بيتعبرني أبنه الي مخلفهوش .. أزاي مش هوافق علي طلبه ..
أمينه بحنان : ربنا يسعدك يابني
مرت الايام سريعا ... وتم الأتفاق علي كتب الكتاب وسافر كريم مع سلمي لامريكاا...
الطبيب : أحنا هنعمل العمليه .. بس نسبه نجاحها50%والقرار قراركم
كريم : 50%
الطبيب : القلب ضعيف جداا مستر حسام ...والافضل انهاا متعملش العمليه ... بس في أمل عشان كده بقولك لو موافق اوك
كان كريم يجلس بجانب سلمي بالمشفي ..
سلمي بتعب شديد: انا عارفه أنت اتجوزتني ليه .. عشان ترضي بابا ... بس لاء ياكريم أنت لازم تسبني (أنا خلاص حياتي لفترة وهتنتهي
كريم وهو يشفق علي حالها (فحتي لو لم يحبهاا كزوجه فهي أبنه عمه: متقوليش كده ياسلمي أن شاء الله هتخفي والعمليه هتنجح
ثم مسك يدها بحنان وقبلها
سلمي بابتسامه حزينه : روحني ياكريم .. أنا عايزه أموت في بلدي .. ارجوك لو ليا خاطر عندكم نفذولي طلبي
وبالفعل عادت سلمي أرض الوطن .. وماتت بعد عودتهاا بيومين (ومن يومها لم يتزوج بالرغم من محاولات عمه الدائمه لكي يجعله يتزوج .. فهو يشعر بالندم الان أتجهه بن أخاه
باكـــ
كريم بأشفاق علي حال عمه : صدقني ياعمي .. أنا فعلا مش عايز أتجوز ..وأوعدك اني هحاول أفكر
أبتسم له محمود بحب ... ثم تركه كريم وغادر
.................................................. ...............
حبيبي هو أنت هتيجي تتقدملي امتا
شادي (وهو يجذبها لحضنه : قريب أووي ياحببتي ..
ياسمين : يعني أمتا طيب .. أحنا بقالنا شهر أه متجوزين...وانت كل شويه تقولي لما اهلي يرجعوا من السفر
شادي : أنتي اه قولتي متجوزين ..
ياسمين(وهو تعتدل وتبعد عن حضنه وتغطي جسدها العاري: بس ده عرفي ياشادي
شادي (بتمثيل وهو يقترب منها : المهم أننا مع بعض ياحببتي .. وبعدين أنا نفسي أووي كمان زيك تبقي مراتي قدام الناس كلها بس هي فتره بس مؤقته... ثم بدء يلمس وجهه بحنان (أنتي عارفه أنا بحبك قد أيه
ياسمين بغباء : عارفه ياحبيبي .. عشان كده أنا وفقتك علي الجواز في السر...ياخبر انا أتأخرت ياشادي
شادي وهو يجذبهاا لحضني مره اخري :لسا بدري ياحببتي
ونتركهم في هذا العالم ... الذي يظنون فيه أنهم لوحدهم فقط .. لا ينظرون ان في الكون رباا يراهم .. وانهم يرتكبون في حقه اثما عظيما
.................................................. .....
أنتي جيتي ياختي ... كل ده في كليتك(أكيد بتتسرمحي مع الشباب
فرح بحزن : الله يسامحك
كريمه : أنتي هتردي عليا يابت انتي ... ثم بدأت في تمثيلها المعتاد
ياعبدالله ... ياعبدالله شايف بنت بترد عليا أزاي (بسألها أتأخرتي ليه .. بتقولي ملكيش دعوه
فرح وهي تظر لهاا بشمئزاز .. ثم تركتها وذهبت
كريمه : أنت مش هتزعقلهاا ولا تقولها عيب ... اهئ اهئ
عبدالله : خلاص ياكريمه متزعليش .. انا هنادي عليها اه وهزعقلها وهخليها تعتذرلك كمان
كريمه بأبتسامه خبث : لا خلاص بقي بعد ايه
عبدالله : فرح يافرح انتي يابنت
فرح : ايوه يابابا
عبدالله : اعتذري من ماما كريمه
فرح : هي مش ماما اصلا .. ومش هعتذر منها
عبدالله (وهو يمسك دراعها : تصدقي انك فعلا بنت قليله الادب .. اعتذري منها
فرح (والدموع في عينيهاا تحاول ان تمسكها امام تلك السيده قاسيه القلب : أنا أسفه ... ثم تركتهم وذهبت سريعا الي غرفتها لتبكي علي حياتها وما تعانيه
فرح ببكاء (وهي تمسك صورة والدتها : شوفتي ياماما .. بابا بقي يعملني ازاي .. وحشتيني اوووي يااا لو كنتي عايشه مكنش بابا اتجوز الست ديه .. ثم صمتت ومسحت دموعهاا (الحمدلله انا راضيه يارب ثم قامت لتؤدي صلاتها ..
.................................................. ....
ايه يابني ارحم نفسك .. كل حياتك شغل شغل
كريم (وهو يترك حسوبه وينظر الي صديقه عمر : انت رجعت امتا من العين السخنه
عمر : تمممت علي المشروع ورجعت علطول ...ايه رأيك بقي نخرج بالليل نسهر في مكانا المفضل
كريم بأبتسامه : تصدق بقالنا فتره كبيره مخرجناش
عمر : أعملك ايه كل ما اقولك تقولي .. الشغل مش هينفع ده انت عقدتني ...
كريم بأبتسامه : لاء خلاص النهارده هخلص الشغل بدري .. ونخرج انا محتاج فعلا اغير جو
.................................................. ...
أدخلي قدامي جوه .. كل ده يابت كنتي فين (ما الزفته الي جوه جات من بدري اشمعنا أنتي .. ايه عايزه الناس يقولوا ايه كريمه معرفتش تربي
ياسمين : في ايه ياماما .. كان عندي محاضره متأخره .. وكانت مهمه فأضطريت احضرهاا ... وكمان انا مالي بالزفته ديه وهي اصلا في كليه وانا في كليه تانيه .... سيبيني انام بقي عشان تعبانه
كريمه : ليه مش جعانه
ياسمين (بهيمنه : لاء انا جعانه نوم بس .. يلا بقي تصبحي علي خير يا كرمله
.................................................. ..............
مالك بقي ياكريم سرحان في ايه
كريم بتنهيده : مافيش ياعمر
عمر : لاء في ياصاحبي .. هتخبي عليا (اوعوا يكون الموضوع ايه.. هو لسا عمك عايز يجوزك
كريم : ايوه ياسيدي ومصمم اووي المرادي
عمر : ما هو عنده حق ياكريم .. ما تشوف حياتك سلمي بقالها 3 سنين ميته .. وكمان أنت مكنتش بتحبهاا عشان نقول مش قادر تعيش من غيرها
كريم : فعلا مكنتش بحبهاا .. بس انا مش عايز اتجوز (الجواز بالنسبالي مشروع فاشل ..
عمر : بس ديه سنة الحياه ياكريم...ثم قال بدعابه ( وكمان مين عالم يمكن يجي اليوم الي تقع فيه لشوشتك وتحب وتتجوز وتخلف كمان
كريم بضحك : ياا ده انت خيالك واسع احب واتجوز واخلف ..
عمر : بكره هتشوف وانا واثق ان اليوم ده هيكون قريب
ثم بدأوا يتحدثون في امور عامه وعن بعض ذكرياتهم....
.................................................. ............
مالك ياعم عبدالله شكلك تعبان ...
كان كريم يحدث عبدالله وهو يضع له فنجان القهوه بجانبه
عبدالله : مافيش ياأستاذ كريم .. شويه تعب
كريم بأبتسامه: لو حاسس انك تعبان ممكن تروح ياراجل ياطيب.. ثم بدء يخرج بعض النقود من جيبه واعطاه له
عبدالله بحب : ربنا يحميك لشبابك يابني .. ويرزقك بالرزق الحلال الواسع .. ويديك علي قد نيتك .. ثم تركه وانصرف
.................................................. ......
الكتاب اه ياستي ... ذكري فيه ولخصي براحتك
فرح بحب : ربنا يخليكي ليا يامي .. ان شاء الله هرجعهولك علطول
مي بحب : براحتك ياحببتي ... انا اصلا مش هذاكر الماده ديه دلوقتي
فرح : طيب يلا انا بقي سلام ... عشان متأخرش واسمعلي كلمتين مش كويسين
مي (بأشفاق علي حال صديقتها : ماشي ياحببتي سلام
.................................................. .....
جاءت فرح الي المنزل ووجدت ياسمين تجلس علي الtv بلا مبالاه وتسمع الاغاني بأندماج
فرح : السلام عليكم
ياسمين : وعليكم السلام ياستي ..
فرح : هو بابا لسا مرجعش من الشغل
وكادت ياسمين ان تخبرهاا بما حدث لوالدهاا ...ولكن رن هاتفها
عايز تفاعل حريقة وتعليقات كتير القصةتحفة اوووى يارب تعجبكم حبايب قلبى
🌹🌹صفقة زواج🌹
🌹🌹الحلقه الثانيه🌹🌹
أيوه ياماما .. أه اهي جت .. ماشي هقولها
فرح بقلق: فيه أيه ...مالك بتبصلي كده (بابا فيه حاجه
ياسمين بلا مبالاه : اصله في المستشفي .. لم تنتظر فرح ان تكمل حديثها معاهاا.. وفرت ذاهبه للمشفي
عبدالله بتعب شديد: فين فرح ياكريمه .. جيبيهالي حالا
كريمه : اتصلت بيها وجايه
عبدالله : بسرعه ياكريمه .. خلاص مش فاضل كتير
في هذه اللحظه وصلت فرح ..
فرح ببكي: مالك يابابا... فيك ايه
عبدالله : سامحيني يابنتي .. مكنتش ليكي الاب الي يستحقك ظلمتك كتير وجيت عليكي .. ثم نظر لكريمه بكرهه ..ابقي افتكريني يافرح وادعيلي ياحببتي
فرح بدموع : انت ليه بتقول كده يابابا ... اوعي تسبني لوحدي انا ماليش حد غيرك .. هتسبني زي ماما (وكمان انا مش زعلانه منك
عبدالله بدموع : خلاص يابنتي انا دلوقتي بين ايد ربنا (ابقي روحي لكريم بيه هوالي هيساعدك ويقف جنبك ... ثم تركها ورحل الي العالم الذي سيذهب فيه كل منا ولكن للاسف دائما ننساها ونظن بأننا سننعم بالدنيا دائما
فرح ببكاء شديد : لاء يابابا كده هتسبني لوحدي .. طيب انا هعيش ليه ولمين ...ثم صرخت صرخه دوت كل ارجاء المشفي
كانت لاول مره تنظر لها كريمه بأشفاق ..
.................................................. .....................
مرت ايام العزاء بتثاقل شديد .. كانت دائما حبيسة غرفتهاا لا تتحدث مع احد .. كانت كل ما تفعله تصلي وتقرء القراءن
مي وهي تشفق علي حال صديقتها : ده امر ربنا ، وانتي انسانه مؤمنه وراضيه بقضائه
فرح بدموع : انا راضيه والله راضيه (بس الفراق صعب .. ماما راحت وبابا برضوه .. عارفه انا عمري ماكرهته هو برضوه كان حنين اووي بس كان بيضطر يجي عليا عشانها عشان متفضلش تعكنن عليه حياته ... مكنتش بزعل المهم هو يكون مرتاح بس خلاص هو راح وسبني لوحدي
مي وهي تحتضن صديقتهاا : ادعيلوه يافرح .. وخليكي قويه (ربنا مبينساش حد .. وكمان فين كلامك عن الصبر والتحمل .. هاا
فرح بدموع : الحمدلله
.................................................. ...........
بتقول ايه عمي في المستشفي انا جاي حالا..
كان يسرع بسيارته(يفكر ماذا سيحدث له اذا تركه ايضا عمه ورحل ...
ها يادكتور عمي ماله
الطبيب: استاذ كريم انا قولتلكم مليون مره بلاش اجهاد علي صحته القلب مش مستحمل .. هو دلوقتي في العنايه المركزه ولو مرت ال 48 ساعه علي الخير .. يبقي عمك اتكتبله عمر جديد .. لان المرادي بجد الحاله متاخره... ثم تركه الطبيب وذهب
كان يقف أماما غرفته وينظر من الزجاج عليه (كان دائما حنون عليه كان مبثابة الاب .. بل الاب حقا .. فوالده كان دائم السفر ام عمه كان دائماا معه يرعاهه مثل ابنه تماما .. حتي انه كتب كل ما يملكه له واصبح هو الوريث الشرعي لتلك الامبراطوريه الضخمه (ولكن هل للمال فائده مدام من نحبهم يتركونه ..
عمر وهو يربط علي كتف صديقه : طمني ياكريم ، اخباره ايه دلوقتي
كريم : للاسف الحاله متأخره
نظر عمر علي صديقه واشفق علي حالته تلك ....
.................................................. ............
مضي اسبوع علي وفاة والد فرح
كريمه بقسوه: ايه هتفضلي كده .. لو فكره اني هصرف عليكي انسي انا كفايه عليا بنتي وكمان المعاش بتاع ابوكي عباره عن ملاليم يعني مش هيكفينا .. ف زي الشاطره تدوريلك علي شغل (ثم قالت بصوت واطي ولكن سمعته فرح : عقبال كمان ما تغوري من البيت داهيه تاخدك زي ابوكي
فرح بانكسار: انا اصلا كنت نزله أدور علي شغل
كريمه وهي تجلس علي الكرسي امام مكنة الخياطه : شاطره .. هو ده الي لازم تعمليه
ذهبت فرح وظلت تبحث عن عمل ... ولكن لا يوجد (فهي مازالت طالبه ...جلست علي احد الارائك بتعب ثم بدات تتذكر بعض لحظاتها مع والديها
فلاش باك !
حلوه اووي العروسه ديه يابابا .. ثم جريت لحضنه وقبلته
عبدالله بحنان : عجبتك ياحببتي
فرح بحب : ايوه يابابا جميله اوووي
زينب بتعب(والدة فرح : ليه بس ياعبدالله كده مكنتش جبتها شكلها غاليه وصرفت كل الفلوس الي معاك
عبدالله (وهو يقترب من زوجته بحب :هو احنا عندنا كام فرح .. وكمان جبتلك الدوا اه .. اصل احمد بيه ربنا يكرمه ادانا مكافأه بسبب نجاح مشروع كده
زينب : ربنا يخليك لينا يارب
باك...
كانت تتذكر وتبكي في صمت فقد رحلوا من كانوا هم كل الحياه لها (فبعد وفاة والدتها قد تغيرت كل شئ .. أصبح والدها دائما مهموما .. ثم تزوج تلك السيده قاسيه القلب ..التي رشحه له أحد اصدقائه
فلاش باك !!
كريمه بدلع : اكيد ياحبيبي فرح ديه زي بنتي ياسمين بالظبط متقلقش هخلي بالي منها كويس ..
عبدالله بأطمئنان وهو يذهب لعمله بعد ان تزوج تلك السيده : ربنا يخليكي لينا ....عايزه حاجه اجيبهالك وانا راجع
كريمه : شويه خضار ...
بعد ان تركهاا عبدالله وخرج .. ياماما البت ديه خدت العروسه بتاعتي
فرح : والله العروسه ديه بتاعتي انا
كريمه بحده (وهي تمسك فرح من شعرها : مش عايزه اسمع صوتك فاهمه .. يلا انجري اعمليلي شاي
فرح بدموع : بس انا مبعرفش اعمل
كريمه بغلظه : يبقي تتعلمي ..ثم نظرت لابنتهاا المدلله (تعالي ياحبيبت ماما ... وخدي العروسه اه
كانت فرح تقف وتنظر عليهم وهي تبكي بصمت (كانت تراهه تحتضن ابنتها بحب .. اما هي بدأت معاناتها ... من كل شئ من اهانه وضرب حتي انها حرمتها ان تعيش طفولتهاا ..
افاقت فرح من ذكرياتها تلك .. ومسحت دموعهاا وذهبت لتكمل بحثها عن عمل مره أخري ...
.................................................. ...............
معلشي ياحبيبي مكنش ينفع أخرج الفتره الي فاتت اصل جوز ماما مات
شادي بزعل مصطنع : ده انتي حتي التليفون مكنتيش بتردي عليا
ياسمين وهي تقترب منه بدلال خلاص بقي متزعلش ... هاا بقي هتعزمني فين (انا المود بتاعي زي الزفت
شادي (وهو يفتح باب السياره لهاا : في المكان الي تختريه
ونتركهم في عالمهم تلك
.................................................. .............
ايه يابنتي مبترديش علي تليفونك ليه
فرح بتعب : معلشي يامي ، مكنتش سماعه
مي : انتي فين اصلا ، شكلك بره البيت
فرح : اه انا بدور علي شغل
مي باشفاق : هاا طيب لقيتي
فرح : للاسف عايزين حد عنده خبره
مي : طيب انتي فين وانا اجيلك
وصفت لهاا فرح المكان وذهبت لهاا مي
.................................................. ........
هاا يادكتور عمي اخباره أيه دلوقتي ، أنا ممكن اسفره امريكا بطياره خاصه
الطبيب : صدقني يا أستاذ كريم ..مافيش حاجه هيعملوه اكتر من الي احنا هنعملها .. ادعيله ان ال 48 ساعه تعدي علي خير .. ثم تركه وانصرف
.................................................. ................
مي : هتعملي ايه دلوقتي ..
فرح : مش عارفه يامي.. أنا موافقه علي اي شغلانه مش مهم
ثم بدأت تتذكر عندما قال لها والدها أن تذهب لشخص أسمه كريم
فرح : بابا قبل ما يموت قالي اروح لصاحب الشركه الي كان بيشتغل فيها
مي : وقاعده من الصبح تلفي طيب يلا تعالي نروح
فرح : يعني هما الي هيوافقه بيا ...
مي: يابنتي اكيد باباكي الله يرحمه كان واثق ان الشخص ده هيساعدك عشان كده قالك عليه .. وتعالي نروح مش هنخسر حاجه
ذهبت الفتاتان معاا
مي : ايه ده ديه اكبر شركات الاستثمار في الشرق الاوسط
فرح : انا بقول نروح احسن
مي يابنتي يلاا بقي (أنا متفائله خير وكمان أه حتي تسألي عن أجراءت معاش باباكي هتاخديه أمتا
ممكن لو سامحتي اقابل استاذ كريم
السكرتيره (وهي تنظر لها ببرود: عندك مقابله معاه يا انسه
فرح : لاء يافندم
السكرتيره : اولا استاذ كريم مش موجود .. ابقي تعالي بعد اسبوع
مي بحده : اسبوع ليه .. احنا عايزين نقبله ضروري وهما 5 دقايق
السكرتيره : اسفه يا انسه .. اتفضلي لو سامحتي عندنا شغل
في هذه اللحظه دخل كريم الي مكتبه .. وهمت رنداا بالوقوف
رندا بابتسامه : حالا واوراق المناقصه هتكون عندك يافندم
فرح : استاذ كريم ممكن دقيقه لو سامحت
كريم (وهو ينظر لهاا فقد كانت فتاه يكسوها الحزن .. من رأها يشعر بأن هذه الفتاه تحمل هموما أكبر من سنهاا .. كانت عيونهااا مليئه بالحزن : أتفضلي ... ثم التف الي رندا : دخليلي الورق حالا
دخلت رندا ومعها فرح ..اخذ كريم الورق من رندا
كريم : اتفضلي انتي يا رندا
نظرت رندا لفرح بشمئزاز وحقد ثم تركتها وذهبت
كريم (وهو ينظر في بعض الاوراق وقد نسي امرها تمام
فرح : لو حضرتك مش فاضي ممكن أجي لحضرتك في وقت تاني
كريم : أسف معلش ...خير انتي كنتي بتقولي عايزاني في حاجه
فرح (وهي تنظر للارض: انا بنت عم عبدالله .. هو قالي قبل ما يموت اني اجيلك .. يعني حضرتك ممكن تساعدني اني الاقي شغل
كريم (بأسف علي حالها : البقيه في حياتك (ثم نظر بحنان اتفضلي اقعدي واقفه ليه
فرح : لاء كده كويس
كريم بأبتسامه : طيب أنتي متخرجه ولا لسا بتدرسي
فرح : لاء لسا بدرس .. أنا في تالته تجاره
كريم : مممممممم , خلاص تمام يافرح هاتي اوراقك بكره وأعتبري نفسك أتعينتي
فرح بأبتسامه : كل الاوراق الي حضرتك هتحتاجها أه
كريم (وهو ينظر للاوراق : مممم شكلك شاطره (تقديراتك كويسه جداا ... تمام يبقي من بكره هتبتدي شغل يعني هيكون تدريب ليكي
فرح : بجد متشكره اووي لحضرتك
كريم : متشكرنيش ، عم عبدالله كان عزيز اووي عليا ..وزعلت جدا لما سمعت خبر وفاته (ربنا يرحمه
تركته فرح وخرجت وهي تشعر بأن مازال في الحياه أشخاص رائعين مثل كريم (الحمدلله
مي بفرحه : يعني هتشتغلي
فرح بأبتسامه : أه ومن بكره ... كانت تنظر عليهم راندا بغيظ (ثم تركوهاا وذهبواا
.................................................. ...................
محمود بتعب : كريم لازم تنفذلي وصيتي قبل ما أموت .. لو بتحبني أتجوز ياكريم
كريم بحب : طيب قوم أنت بس بسلامه وانا هعملك كل الي عايزه
محمود: الوقت بيعدي ياكريم ..ومين عالم لو عشت النهارده وبكره هعيش اكتر من كده ... عايز افرح بيك
في هذه اللحظه جاء الطبيب : استاذ كريم كفايه كده لو سمحت
كان ينظر له محمود برجاء .. ثم تركه كريم وذهب وهو لا يعلم ماذا سيفعل(هل سيحقق لعمه تلك الامنيه ام لاء ..
كريم : يـــــــــاربـــ ســـاعدني
مالك مهموم كده ليه ياصاحبي
كريم وهو يسند بظهره علي سيارته ... وينظر بشرود الي ما أمامه
: مش عارف ياعمر ... خايف أنفذ وصيه عمي وأظلم الانسانه الي هرتبط بيها .. لان أنا بجد مش مستعد أرتبط بحد واتوجع تاني (انا ارتبط بسلمي عشان رغبة عمي ووصيه بابا الله يرحمه ..بس ارتبط بحد تاني انا لسا لحد دلوقتي مش قادر انسي الوجع الي جواياه منها
عمر بتنهيده : يـــا ياصاحبي انت لسا فاكرها ، ده انا قولت نسيتها من زمان .. والمفروض تنساهاا علي هي عملته فيك (الهانم كانت بتمثل عليك الحب وكل ده عشان فلوسك ومركزك
كريم بأسي :مين قالك أني فاكرها .. ديه أكتر أنسانه أنا بحتقرهاا ، بس الجرح الي سببتهولي مش قادر انساه وانساه أزاي ولسا كلامها الي من سنين سمعه
فلاش باك !!
في أحد الحفلات الراقيه ..
عمر: مش ديه نور الي بترقص
كريم بصدمه : وهو ينظر عليهاا وعلي ملابسها الشبهه عاريه وهي ترقص في حضن شخص اخر(فهو لم يتخيل ان تكون نور في ذلك المنظر
نور بدهشه : كريم ... انا
كريم بأحتقار : انتي ايه بالنهار أنسانه محترمه وبالليل حاجه تانيه خالص .. مكنتش فاكرك أنك بالحقاره ديه
نور بذله لسان (عندما لاحظة الكل ينظر اليهاا ): ديه حياتي وانا حره فيهاا .. وياسيدي انا حقيره خلاص وكمان انا عمري ما حبيتك (صحيح أنت كل البنات بتتمناك بس انا لاء.. انا بس كنت حبه شهرتك وفلوسك وبس
كريم بصدمه لما تقوله له : للاسف انا كنت مخدوع فيكي ثم تركها وذهب
انتي هابله يابنت انتي ضيعتي كريم الشاذلي من ايدك .. أنتي اتجننتي كل الي احنا بنعمله ده وضيعتيه بغبائك(انتي فعلا غبيه
نور : ياماما .. أنا زهقت من التمثليه ديه واتخنقت خلاص ، انتي السبب أصلا أنتي حرمتيني من الشخص الي بحبه كل ده عشان الفلوس والمظاهر (كل حاجه فلوس فلوس .. وخلتيني امثل علي مين علي بن أختك ... انا اصلاا مش هاعيش هنا تاني انا راجعه دبي اعيش مع بابا ... عايزه تيجي معايا تعالي مش عايزه أنا هسافر
ماجده بحده : وش فقر زي أبوكي وغبيه ...
.................................................. .................
باك
عمر وهو يربط علي كتف صديقه : ابدء حياه جديده ياكريم وانسي ، انت كده بتظلم نفسك ظلمت نفسك لما حبيت نور وصدقتهاا ، وضحيت لما اتجوزت سلمي عشان ترضي عمك ... بس انت فين في كل ده
كريم (وهو يتذكر نور : فحقا هي استطاعت ان تملك قلبه ببرائتها وحبها بشده ، كانت نور تعيش في دبي من صغرها مع والديهاا ولكن من 5 سنوات
فلاش باك !
تعال ياكريم ياحبيبي .. سلم علي نور بنت خالتك وخالتك
كريم : ازيك يانور ... ياا ده انتي كبرتي ماشاء الله
نور بطفوله : لاء انا لسا صغيره ياعم انت ، انت الي كبرت وبقيت رجل اعمال بقي
كريم بضحك : لسا لسانك طويل زي ما انتي ..
نور : بس انا زعلانه منك .. كنت بتجي ساعات دبي ومكنتش بتيجي تسأل عنا
كريم بأسف : صدقيني ديما كنت بحاول ازوركم بس للاسف كل مره بتحصل حاجه ( يومين وبرجع علطول ...
خالته بضحك: ايه اتلهيت معاها ونستني كده ياكريم
كريم بحب : معلش ياخالتو .. أنتي أخبار صحتك ايه
ماجده : بخير الحمدلله ياحبيبي ... واه رجعنا أه نعيش في مصر تاني
ومن هنا بدأت خطة ماجده التي جائت من أجلها (من أجل ان تجعل ابنتها تتزوج من كريم الشاذلي (هذا هو ما يهمها ان تزوج أبنتهااا من وريث عائلة الشاذلي
كريم بتنهيده : أنا تعبت ياعمر بجد ... حاسس أني مش مخلوق عشان افرح وأعيش حياتي الطبيعيه زي اي انسان (كل ده عشان انا بن عائله الشاذلي تصدق انا ساعات كتير بتمني اكون شخص عادي .. عايش حياته ومرتاح
عمر(وهو يريد أن يخرج صديقه من هذا الحزن : بقولك أيه تعال يلاا (ماما مصممه أنك النهارده تيجي تتعشا معانا .. أنت وحشها جداا ومش هسيبك
كريم بضحك .. ماشي ياسيدي
.................................................. ..............
عاد الي منزله الفخم ... بعد أن ذهب إلي المشفي ليطمئن علي صحة عمه (التي أصبحت متأخره ..وكلما تذكر نظرت الرجاء من عينيه يشعر بالحزن...
كان يجلس في مكتبه وهو يفكر ماذا سيفعل (وفجأه جائت أمامه صورة فرح ....
كريم لنفسه : لاء مش معقول تكون هي ، طيب واظلمها معايا ليه ، عشان هي بنت علي قد حالها وممكن ترضي بالوضع ده لفتره (لا لا انا مقدرش اعمل في واحده يتيمه كده…. بس انا ممكن اعوضهاا بفلوس (ظل كريم طوال الليل يفكر في هذا الامر الي انه عزم علي امر ما
.................................................. .................
بدأت فرح اول يوم في عملهاا ...
انسه فرح أستاذ كريم عايزك عشان في ورق ناقص
ذهبت فرح اليه ... وعندما دخلت ترك كريم حسوبه ونظر اليهاا
كريم :اتفضلي اقعدي
فرح (وهي تنظر للارض : لاء انا كده كويسه .. حضرتك بتقول في ورق ناقص
كريم (وهو يقف ويقترب منهاا :اقعدي يا انسه فرح ، انا عايزك في حاجه ضروري تخصك
فرح بقلق : خير في حاجه حضرتك صدرت مني اي تجاوزات
كريم بابتسامه هادئه زادت من وسمته: ههههه تجاوزات ،ده انتي لساا مش بقيلك 3 ساعات بدء شغل ، بس لاء ياستي ماحصلش منك اي تجاوزات
فرح بطمئننا (وهي تبعد نظرها عنه بعد ان جذبهاا صوته الحنون : طيب خير يافندم
كريم : بصي يافرح انا هعرض عليكي عرض ، وليكي حريه الاختيار انك توافقي وصدقيني هو ملهوش دعوه بالشغل
فرح (وبدء القلق يمتلكها مره اخري : عرض معايا انا
كريم بتنهيده : تتجوزيني
فرح بدهشه : نعم ، حضرتك بتقول ايه (عن اذنك شكل حضرتك فاكر اني واحده رخيصه وعادي انك تلعب بيها يومين
كريم : انتي فاهمه غلط ، احنا هنتجوز علي سنه الله ورسوله(بس لفتره معينه
فرح بحده : طبعا عرضت عليا العرض ده عشان انا بنت علي قد حالها وهتوافق بي اي حاجه ، ماهو طبعا حضرتك مين وانا مين (عرضك مرفوض يا استاذ كريم
كريم بحده وهو يمسك يدها : استني انا لسا مخلصتش كلامي (وبدء كريم يعرض عليها الطلب
.................................................. ..............
هاا ياستي فهمتي اسبابي وعرفتي ليه انا بطلب منك كده (وصدقيني هديكي الي انتي عايزاه وهيكون جواز علي ورق بس
فرح بحده : انا مش رخيصه يا استاذ كريم ، ولولا اني محتاجه شغلك كنت سيبته فورا بس فتره مؤقته لحد مالاقي شغل .. عن اذن حضرتك
تركته فرح وهو ينظر لها بذهول فكيف لفتاه في حالتها هذه ترفض عرضه
.................................................. ............
كانت فرح تقص ما حدث لهاا لصديقتها مي ببكاء
هو شايفني ايه يامي شايفني رخيصه اووي كده ، ده بيقولي اتجوزك لفتره وهديكي الي انتي عايزاه ولما تتخرجي هعينك في الوظيفه الي انتي عايزاها في الشركه بس نتجوز لفتره (عشان وصية عمه
مي وهو تربط علي كتف صديقتها بأسي : لولا اني عارفه انك محتاجه الشغل عنده اووي ، كنت هقولك سيبي الشغل
فرح بحزن : ليا رب هو الكريم (انا هدور علي شغل تاني وبكره هروح اسحب ورقي ، العالم ده احنا مالناش دخل بيه كله فلوس وصفقات ، احنا بالنسبالهم ولا حاجه فاكريني انهم يقدروا يشترونا
مي : طيب يلا بقي كلي ، ماما هتزعل اووي لو مأكلتيش وهتجي تضربنا احنا الاتنين
فرح بأبتسامه حزينه : حاضر هاكل اه
.................................................. ...........
انت طلبت منها كده ياكريم
كريم : اه ورفضت، بالرغم اني عرضت عليها اي مقابل هي عايزاه
عمر : مش كل الناس ياصاحبي تقدر تشتريها بالفلوس ، في ناس مهما كان فكرامتها عندها اغلي بس يمكن معظم الي اتعملت معاهم اهم حاجه عندهم الفلوس (فعشان كده معرفتش تميز بين الي كرمته عنده اهم وبين الفلوس هي الاهم حتي لو هيبقي عبد ليها
كريم بأسي : لو شوفت وهي بتكلمني ، كانت الدموع هتنزل من عنيها بس كانت بتحاول متبينش اني جيت علي كرامتهاا وجرحتها بالشكل ده، ده يمكن متجيش الشغل بكره وهيكون بسببي انا
عمر : ياسيدي ياسيدي شكلها أثرت فيك
كريم : فعلا اثرت فيا ، يمكن زي ماقولت مقبلتش حد كده ، معظم الي بشوفهم اهم حاجه الفلوس وبس حتي لو هيبيعوا نفسهم عشانهاا
.................................................. ........................
عادت فرح الي منزلهاا.. وعندما وصلت الي باب المنزل وجدت (هدومها وكتبها ملاقاه علي الارض.. وكريمه تخرج اليها من باب المنزل
كريمه بشر : يلا ياحلوه كده من غير مطرود شوفي حالك أنا استنيت عليكي اه اكتر من اسبوع احتراما بس للراجل الي كان جوزي .. بس البيت بيتي وانتي شوفيلك مكان تاني تعيشي فيه
فرح بحده(وقد جاء بعض الجيران بعد سماع صوتها : انتي بتقولي ايه البيت بيت بابا بيتك أزاي
كريمه : هو انا مقولتلكيش ، ابوكي قبل ما يموت كتبلي البيت بأسمي ..والعقد اه (وكفايه الكام يوم الي استحملتك فيهم وبكده يبقي معدنيش العيب
كان الجيران ينظرون علي هذه الفتاه المسكينه ويشفقون عليهاا (ولكن ما بأيديهم حيله
فرح بحزن : طيب هروح دلوقتي فين ، حرام عليكي ياشيخه (انا مش مصدقه ان بابا كتبلك البيت
كريمه بقسوه : روحي في ستين دهيه (مش كفايه فضلت مستحمله ابوكي كل ده ... ثم اغلقت الباب في وجهه بدون رحمه
فرح :انا هروح فين طيب دلوقتي يارب(يـــــاربـــ انا ماليش غيرك
.................................................. ................
مالك يافرح فيكي ايه (ومالك معيطه كده ايه الي حصلك ما انتي كنتي مروحه من عندي كويسه .. اوعي تكون الست ديه عملتلك حاجه
فرح ببكاء وهي تقص علي صديقتها ما حدث
مي : ربنا ينتقم منهاا ... وبدأت تحضن صديقتهاا بحزن علي حالها
فرح : انا اسفه يامي انا عارفه اني بتقل عليكي ، بس انتي عارفه انا ماليش ولا عمام ولا خوال ولا حتي خالات (ماما مكنتش من هنا ومعرفش لينا قرايب .. وقرايب بابا اصلا معرفش عنهم حاجه من سنين
مي : متقوليش كده يافرح (يلا تعالي استريحي وبكره نبقي نشوف هنعمل ايه مع الست ديه
.................................................. .........
ظلت فرح طوال الليل تفكر في حالها فماذا ستفعل (فلو تحملها احد اليوم فلن يتحملهاا بعد ذلك والي اين ستذهب وكيف ستعيش فالعمل قد قررت تتركه، ومعاش والدهاا لا تعلم متي ستأخذه واذا أخذته فأين المكان الذي ستعيش فيه ... ثم بدأت في البكاء علي حالهاا
.................................................. ..................
فرح بحزن : ممكن أقابل أستاذ كريم
رندا وهي تنظر لهاا بنظره كرهه : أستاذ كريم مش موجود ومش هيجي النهارده
كان يسمعها في هذه اللحظه احد العاملين
بعد أن تركتها وفرح وذهبت
يا أنسه يا أنسه
فرح : نعم ، حضرتك بتنادي عليا
العامل : أه يابنتي ، ده عنوان فيله أستاذ كريم (هو النهارده مش جاي وممكن بكره كمان عشان عمه تعبان اوووي
فرح بأمتنان : بجد متشكره اوووي
العامل بأبتسامه : العفو يابنتي ... ثم تركها وذهب
.................................................. .
كانت تقف امام هذا القصر وهي لا تعرف اهذا القرار صح ام خطئ... ولكن الظروف اجبرتها علي هذا القرار ولم يوجد بيدهاا شئ سوا ان توافق علي عرضه (فهو وعدها بأنها ستكون فتره مؤقته وسيكون مجرد زواج علي ورق فقط ...
فرح وهي تسأل الحارس : كريم بيه موجود
الحارس : كريم بيه خرج من بدري وفي هذه اللحظه ...
تفاعل وتعليقات كتير اوووى ياحلوين😍😍😍😍
ليست هناك تعليقات:
إرسال تعليق