رواية صفقة زواج 11/12

 

🌹🌹🌹صفقة زواج🌹🌹🌹

🌹🌹الحلقه الحاديه عشر🌹

كانت تقف شارده تتأمل تلك المكان الجميل ومنظر الغروب ،الي ان جاء وقطعا شرودها تلك وهو يحتضنها من الخلف

كريم بحب : حبيبي الجميل كان سرحان في أيه

فرح ومازالت تنظروتتأمل منظر الغروب وتشاور له بأحد أصابعهاا : منظر الغروب جميل اوووي

كريم وهو يحتضنهاا بحب : طيب تعالي نتفرج بقي مع بعض ، ثم وقف بجانب بعض ليكملوا مشاهدة تلك المنظر الرائع ، كانوا في تلك اللحظه يمثلوا صوره جميله ،كانوا مثل العاشقين الذين تحدث عنهم نزار في اشعاره

وبعد قرابه ساعة كانوا فيها في عالم أخر لايشعرون بشئ سواا بأندماجهم بمنظر الغروب الذي طالما كان له تأثير شديد علي المحبين، جاء اليهم شخص وبأبتسامه واسعه

كان هذا الشخص يتحدث الاسبانيه كان كريم يتقن هذه اللغه تمام لطبيعه عمله ، بعدما تحدث معه اعطاه رسمه جميله قد رسمها لهم

فرح : كان عايزك في ايه

كريم بأبتسامه جميله وهو يريها الرسمه: بصي ياستي

فرح : ده احنا ياكريم ، الله الرسمه جميله اووي ده شكله فعلا فنان

كان كريم ينظر لها بحب شديد ويشاهد تلك الفرحه في عينيها ، مسك يدها بحنان بالغ ثم ذهبوا لكي يسيروا علي شاطئ تلك الجزيره الجميله ويتحدثون

كريم بحب : مبسوطه ياحببتي

فرح بفرحه شديده: اوووووووووووي اوووووي ياكريم ، ربنا يخليك ليا ثم نظرت له بحب وقالت : انا بحبك اووي

كريم بأبتسامه : وانا مش بحبك بس ، عشان الحب حاجه قليله عليكي ، عارفه يافرح انتي الحاجه الي كنت بدور عليها من زمان ،والحمدلله ربنا اكرمني ولقيتها ... ثم صمت قليلا وتنهد : لما حبيت نور ، كنت فاكر ان ده حب بس لما قبلتك انتي عرفت معني الحب فعلاا، حبيتك من غير ما احس لقيت نفسي بحبك امتا وازاي معرفش

كانت فرح تنظر له وهي مبتسمه بشده ، ثم امسكت يده وضغطت عليهاا (كأنها كانت تريد ان تقول له سأظل معك دائما ياحبيبي ولن اتركك

.................................................. .............

كانت تمسك احد المجلات وتقلب فيها بضيق شديد ، الي ان رمتها ومسكت بهاتفهاا وطلبت احد الارقام

كانت تمسك الهاتف وهي في حاله دهشه شديده من تلك المتصل

أمينه : مالك يا ام محمد وقفه كده ، ومين الي معاكي علي الخط

ام محمد ومازالت علامات الاستغراب علي وجهها: ديه ست ماجده متصله بحضرتك ، ثم اعطت لها الهاتف

أمينه بستغراب شديد من اتصال اختها المفجئ ، ثم بدأت تتحدث معهاا

ماجده بضيق : كده يا امينه كريم يتجوز من غير ما اعرف ، كأنه مالهوش خاله

أمينه : صدقيني ياماجده كل حاجه جات فجأه ، ده حتي انا معرفتش غير قبلها بيومين

ماجده بضحكه مستفزه : وعايزاني اصدق بقي انا ، ومين بقي الهانم من عيلة مين

أمينه :من عيله متعرفهاش ، وكمان انتي عارفاني انا وأبني ملناش في المظاهر الكدابه ديه يابنت امي وابوياا

ماجده ببرود : يعني اخد بنت اي كلام ، وساب بنت خالته الي لسا لحد دلوقتي متجوزتش ومستنياه

امينه : اظن موضوع نور وكريم انتهي من زمان ياماجده ، واظن انك دلوقتي المفروض تتصلي تباركي مش تعاتبي وتفتحي في الي فات

ماجده بضيق : علي العموم مبرووك ، وعلي فكره انا قريب هنزل مصر

وبعد أن انتهت تلك المحادثه الغير المتوقعه

نظرت امينه لام محمد وقالت : ياتري مجيتك المفجأه ديه هتكون ليه ، ربنا يستر

.................................................. ...............

كان يجلس شارداا يتأمل تلك الامواج المتراطمه ، يشعر بأنه مثل هذه الامواج في هيجانها وتراطمها الشديد ، كان يري شريط حياته يمر من امامه بكل لحظاته من خيانه زوجه لزوجهاا ومع خيانتها تلك ظلت تظهردائما امامه بالزوجه العفيفه المحترمه ، ولكن بالنسبه له كأم فهي ام خائنه وزوجه خائنه فهي من جعلته يكرهه النساء جميعهم ويراهم مجرد عاهرات لا يرغبون بسوي ان يشبعواا شهواتهم بتلك النزوات ، اصبحت فكرته عن النساء بتلك الصوه حتي انه اصبح ينتقم منهم بخداعه لهم ، فكلما اصطحب واحده وقضي معها ليله كان يقول لنفسه أرئيت كلهم مثل بعضهم ....

قطع شروده تلك صوت هاتفه الذي يرن ، نظر علي المتصل ثم اغلق هاتفه

معتزوهو ينظر لياسمين : مبيردش

ياسمين وتأخذ من يديه الهاتف لكي تتأكد من كلامه : فوجدت الهاتف مغلقا

نظرت لمعتز بضيق شديد ، ثم تركته وانصرفت

.................................................. ...................

كان يجلس علي مكتبه ويتابع عمله بتعب شديد ، فقد اصبح كل اعباء العمل عليه منذ سفر صديقه ، ولكن فجأه توقف عن عمله وترك الملف من يديه ثم سند رأسه علي كرسه المتحرك وبدء يسترخي ، ثم بدأت تظهر امامه صورة تلك الفتاه التي رأها في الحفله ورأها يوم كتب كتاب صديقه ، ظل يفكر فيها لبعض الوقت ثم أنتبه لشروده وافاق وبدء في عمله ثانيه

ولكن قطع عمله عندما دخلت عليه رنداا ، وبدأت تستفسر منه علي بعض الاشياء ، وقبل ان تخرج

رندا: مستر كريم اخباره ايه ، هو هيرجع امتا صحيح

عمر بأستغراب من سؤالها تلك : علي اخر الاسبوع ده ان شاء الله

ذهبت رندا وانصرفت ، وهي تشعر بالغيره والحقد الشديد من فرح ،فكيف احبها هي ولم يحب اي فتاه غيرها ، لماذا لم يحبها هي فهي دائما بجانبه تساعده في اعماله مهما طلب منها كانت تجتهد لتظهر له نجاحهاا وبرغم كل العروض لكي تترك عملها معه وتعمل في اي شركه اخري وبمرتب ضعف ما يعطيه لها... ولكن كانت ترفض بشده لكي تبقي بجانبه لعله في يوم يشعر بها ويحبهاا ولكن احب نور ثم تزوج ابنه عمه ولكن ماكان يخفف عنها بأن ابنه عمه مريضه جداا وزواجه منها كان لفتره حتي انه لم يكمل شهر ، ثم ظهرت لها شيرين ابنه عمتهاا ولكن لم تكن منافس قوي فهو لم يهتم بشيرين ولا يحبهاا فكان هذا عزائها الوحيد حتي انها كانت تساعدها للحصول عليه كي تثبت لنفسهاا انه لا يحبها ولا يهتم بهاا وكلماا زادت خطط شيرين كان بعده عنها يزيد وكان هذا ما تريده انا تساعدها وفي نفس الوقت تكرهه فيهاا ، ولكن جائت تلك الفتاه الوحيده التي احبها وتزوجها برغم كل شئ ، فأصبح الان بداخلها بركان شديد فكل هؤلاء كانوا مجرد عابرات اما هي فقد كسر القاعده معها واصبحت زوجته

أكرم : مالك يارندا ، ايه الي شاغل بالك

نظرت له رندا بتأفف شديد ولم ترد عليه ، وفي تلك اللحظه تذكرت احمد

رندا وبدأت ترسم الابتسامه علي وجهه: هو استاذ احمد لسا مسافر

اكرم بأسف :للاسف والده تعبان جدااا من ساعه فرحي ، ومش قادر يسيبه

رندا : اه ، الف سلامه عليه

.................................................. ........................

كانت نائمه علي احد ذراعيه ، ويتأمل وجهه الملائكي بحب ويعبث بخصلات شعرها وهو مبتسم

فرح بأبتسامه وهي تتذكر موقفه معاها وهي طفله واحست ان اليوم أتي لكي تذكره بنفسها وبتلك اليوم وبعدما حكت له بدء يتذكر ، ثم أبتسم لها وقال : يااااا ، يعني انتي البنت الصغيره ام ضفاير ، ثم بدء يمزح معهاا : يعني الطفله ديه بقيت مراتي

فرح وبدأت تعتدل من نومتها وتنظر له بغيظ : ايه طفله ديه

كريم بضحك : بكدب انا يعني ، كنتي طفله ولا لاء

فرح بغيظ : كنت طفله وكبرت خلاص

كريم : ومين قالك اني عايزك تكبري انا عايزك تفضلي طفلتي المدلله ، ثم بدء يمسك انفهاا ياطفلتي الصغيره

فرح بطفوله : رخم والله

كريم : في واحده تقول لجوزها رخم كده ، طب تعالي بقي اما وريتك ، وظلوا يمزحان سوياا الي ان ذابوا معا في قبله طويله

.................................................. ..................

كانت تجلس تشاهد التليفزيون بشرود تام ، الي ان دخلت والدتها ومعها شخص يبدو انه شبا في اواخر العشرينات

كريمه بأبتسامه وهي تمسك يد تلك الرجل : مش تباركيلي ياياسمينه ياحببتي ، ثم نظرت لزوجهاا تلك الشاب الصغير

ياسمين بتعجب : اباركلك علي ايه ، ومين ده

رد عليها تلك الشخص بأبتسامه واسعه : جوزهاا

كريمه بأبتسامه : رمزي جوزي ياحببتي ، الي كلمتك عليه

ياسمين بغضب شديد : انتي بتقولي ايه ، انتي اكيد اتجننتي وظلت تصرخ في وجهها بشده ...... الي ان صفعتهاا كريمه

نظرت لها ياسمين بكرهه شديد ، ثم تركتها وذهبت الي غرفتهاا والغضب والكرهه يسيطر عليها

.................................................. ...................

كانت تمسك في يدها جوز الهند وتشرب ما بداخله

كريم بضحك : هههههههههههه ، كفايه خلاص مابقاش فيها حاجه

فرح بطفوله : لاء لسا في شويه

كريم بضحك وبدعابه : ماتيجي اركبك الفيل كمان ...

فرح بطفوله : بجد ، هييييييييه يلا

كريم بضحك : ده انتي ما بتصدقي ، امري لله تعالي

وعندما وصلوا الي احد الفيله

فرح بخوف : لاء خلاص مش عايزه اركب ياكريم

كريم بضحك : ماكان من شويه اه

فرح بطفوله : لاء خلاص خلاص

كريم بضحك : متخافيش ياحببتي ، ده حتي بصي لطيف ازاي ، ثم بدء يقترب الفيل منها وينفض وجهه

فرح وتقف خلف كريم : يلا نمشي ياكريم

كريم بضحك شديد : وهو يمسك يدهاا ، ياخوافه

.................................................. ......

في مكان اخر (كانت تجلس في حديقه منزلها والحزن يبدوا علي وجهه

وفي تلك اللحظه تقدم نحوهاا شابا في اواخر العشرينات من عمره ، نظر لها نظره طويله ثم قال بأبتسامه : شيرين صح

شيرين بتعجب : باسم

باسم بأبتسامه واسعه : ده انا قولت انك نستيني ، بس الحمدلله لسا فاكرني

ظلوا يتحدثون سويا لبعض الوقت فقد كان باسم شخص لطيف ومرح جداا ...... الي أن جاء والدهاا وبأبتسامه : ازيك يا باسم ، حمدلله علي السلامه ياحبيبي

باسم : الله يسلمك ياعمو ، ثم جلسوا سويا يتحدثون معا ويقص عليهم سنين غربته ومافعل فيهم

.................................................. .................

كانت تقف لتأخد بعض الطلبات لكي تقدمها للزبائن ، الي انا جاء احد من خلفها وقال : مستر شادي عايزك

ذهبت اليه والابتسامه تعلو وجهها ولكن قد تحولت تلك الابتسامه الي أسي شديد، عندما بدء يسألها عن فرح ...

شادي : لسا متعرفيش حاجه عنها ياساره

ساره : صدقني يافندم من ساعة ما مشيت وانا مقبلتهاش تاني ، ثم بدأت تتذكر شئ (علي فكره هي كانت في كليه تجاره جامعه القاهره هو ده بس الي اعرفه ..... ثم أستأذنت منه وانصرفت

وفي قلبها الكثير من الحسره ، فهو الي اليوم لم يشعر بها ولا بحبهاا

ساره بتنهد : فوقي بقي ياساره شادي عمره ماهيكون ليكي ولا انتي هتكوني ليه

.................................................. ........

كان يتحدث مع والدته لكي يطمئن عليها ، ثم ندهه علي فرح لكي تحادثهاا ..... الي ان رأها وظل ينظر لها بحب ويتأملهاا

فرح بخجل من نظرته تلك ثم اخذت منه الهاتف بخجل شديد

فرح بحب : وحشاني اووي ياماما ، اخبار صحتك ايه اوعي متكنيش بتاخدي الدوا في ميعاده

امينه : ياحببتي متشغلوش بالكم بيا اتبسطوا انتوا بس

فرح :لو مكناش نشغل بالنا بيكي انتي هنشغله بمين

امينه : ربنا يخليكوا ليا ياولادي ،يلا بقي ياحببتي لا اله الا الله

فرح بحب : سيدنا محمد رسول الله .....

كريم بحب وهو يحتضنها من الخلف : ايه الجمال ده ، انا كده بجد مش هقدر

فرح بخجل وهي تبتعد عنه وتمسك بأحد الامشاط وتبدء بتسريح شعرها: سبني أسرح بقي شعري

كريم : طيب ما تيجي انا الي اسرحهولك ، هعملك تسريحه حلوه جربي

وبعد ان اخذ منها المشط ظل يمشط لها شعرها ولكن ..

فرح بضحك : هو انت كده بتسرحه ، ده انت طلعت فاشل ياكريم ، وقال ايه بكل ثقه اسرحهولك هات بقي اسرح لنفسي

كريم بضحك ويمسك وجهه ويصوبه نحو المرئه : بذمتك التسريحه مش حلوه ، بصي طيب ياختي ...

ثم نظروا لبعض وظلوا يضحكون ...... وبعد فتره من الضحك

امسك يدهاا وأطفئ الانوار ..

.................................................. ........

يجلس مع ابنه عمه بمفردهم ، الي ان جاء في باله سؤال قرر ان يسأله لها

باسم : انتي ليه وفقتي علي خطوبتك لكريم ، مع انك واحده مثقفه ومتفرقش معاكي كلام الناس ولا الجرايد

نظرت له شيرين نظره طويله ، كأنها تبحث فيها عن أجابه لسؤاله

وبعد فتره ...

باسم : كنتي بتحبيه !!

عندما سمعت شيرين تلك الجمله ، نظرت له بدهشه فهي الي الان لا تعرف هل كانت تحبه ام لااا

الي ان جائت والدتها لتخبرها بأن العشاء جاهز وانا والدها وعمها في انتظارهم

.................................................. .................

استيقظ من النوم فلم يجدها بجانبه ، نهض من فراشه وخرج للصاله ، وجدهاا تصلي ، وبعد ان انهت صلاتهاا رفعت يدهاا وظلت تدعو الله ان يديم عليهم تلك السعاده والحب وان يحفظ لها زوجهاا وان يصلحهم لبعض ويجعلهم رفيقين في الجنه كما انعم عليهم وجعلهم رفيقن في الدنياا

كان ينظر عليها كريم بحب ، ثم جلس بجانبها وقبل رأسها

فرح بحب : انت صحيت ياحبيبي

كريم بحزن مصطنع : علي فكره انا زعلان منك كده تصحي تصلي ركعتين القيام من غيري ، شكلك مش عايزانا نبقي مع بعض في الجنه

فرح بأسف : صدقني كنت قايمه اصحيك ، عشان نصلي ركعتين القيام سوا ، بس قولت اصلي الاول ركعتين لله احمده فيها علي نعمه وفضله الكبير عليا ( ثم نظرت لكريم بحب

كريم بحب وهو يمسك يدهاا ويحتضنها : برضوه تصحيني نصلي سوا ، ونحمده سواا ونرضيه سوا ، نعمل حاجه تقربنا منه سوا فاهمه يافرح

فرح بحب : حاضر ياحبيبي

نظل نبحث عنك أيهاا الحب ، وننتظرك

ولكن لا نعلم أنك رزق من الله ، وما اجملك من رزق

فلتحفظ نفسك ايها القلب الجميل ، وانتظر رزقك

فالله سوف يختار لك ساكنه ، ويبعثه لك

وحين تجده ستعلم حقاا ، بأن مشاعرك الجميله قد وهبت للشخص الذي تمنيه ، وستعلم ان صبرك وانتظارك لتلك الرزق كان امتحان لك لا اكثر ..... فلا تضعف ايها القلب وتذكر دائما (دقات القلب بالحلال صوتها اعلي واجمل )

كانوا يتجولون علي الشاطئ ويستمتعون بأخر يوم لهم في تلك المكان الجميل

فرح بحزن : أحنا بكره خلاص هنسافر

كريم : معلشي ياحببتي ،انتي عارفه الشغل وغير اني سايب كل حاجه علي عمر ، بس اوعدك مش هتكون اخر مره وهنيجي تاني ، ثم قال لها بمرح : وكمان شكلك كده ياهانم ناسيه أن الدراسه بعد كام يوم وانا بصراحه عايزك تخلصي بفارغ الصبر عشان مافيش حاجه تشغلك عني فاهمه

فرح بحب : فاهمه يافندم

كريم بدعابه : احم احم ، مسيطر انا ياولاد ياسلام علياا

فرح بدعابه : بتقول ايه ياسي كريم هاا

كريم بضحك :ههههههههههه، هو انا اقدر اقول حاجه

.................................................. ...............

كانت تشاهد تصرفات أمهاا ، وتشعر انها تري فتاه مراهقه ليست اما ، تراها وهي تجلس بجانب زوجهاا الذي يصغرها ب 20 عاماا يضحكون ويتثامرون أمامها بطريقه لا احد يتحمل ان يري امه هكذا، ظلت تنظر لهم بأحتقار شديد ثم قامت لتذهب الي غرفتهاا التي اصبحت تقضي معظم وقتهاا بيهاا .... وقبل ان تدخل غرفتهاا

رمزي:رايحه فين ياياسمينه ، ثم نظر لكريمه وقال : شكل وجودي مضايق بنتك ياكوكو ، انا قولتلك نتجوز ونسكن في شقتي أنتي بس الي اصريتي نعيش هنا

كريمه بحب قد لحس عقلها : متقولش كده ياحبيبي ، وكمان بيتي وبيتك واحد ولا ايه

رمزي بحب مصطنع : طبعا ياحببتي

كانت تقف ياسمين وتستمع الي حديثهم الذي اوصلهاا الي اعلي ذروه من الغضب ، نظرت لهم بغضب شديد ثم تركتهم لينعمواا باللحظات السعيده مع بعضهم فهي الان اصبحت عزول لهم

.................................................. .............

عمر بأبتسامه واسعه : حمدالله علي السلامه ياعريس ، ثم اقترب منه بهمس وقال : وشك بقي منور ، ومالك مبتسم كده

كريم بصوت خافت : مش هتبطل غلاستك ديه ابداا ، وكله هيترد ليك ماشي

عمر بضحك : ازيك يافرح ، حمدالله علي السلامه

فرح : الله يسلمك يا استاذ عمر

ذهبوا ثلاثتهم الي الفيله ، وعندما وصلواا

كانت امينه تنتظرهم علي غير عادتها فهي دائما تجلس في غرفتها التي اصبحت تعشق الجلوس بهاا ولا تفارقهاا الا للضروره القصوي

فرح بحب وهي تنحني وتقبل يدها : وحشتيني اووي ياماما ، عامله ايه واخبار صحتك ايه

امينه بحب : انا بخير ياحببتي ، طول ما انتوا بخير وحولياا

كريم بحب ويقترب من والدته ويقبل جبينها ويدها: اخبارك ايه ياست الكل ، وليه تعبتي نفسك ونزلتي من فوق

امينه بحب : انا الحمدلله ياحبيبي ، وكمان هو انا عندي اغلي منكم عشان اتعبله ، يلا اطلعوا ارتاحوا اكيد جاين تعبانين من السفر

صعدوا الي الاعلي سوياا، وعندموا دخلوا غرفتهم ارتمت فرح علي السرير ونامت من التعب بدون ان تبدل ملابسهاا

خرج كريم من الحمام : نظر عليها وأبتسم ، ونام بجانبهاا بعد ان ابدل لها ملابسهاا

.................................................. ..........

ذهبت له في شقته ، وبعد عده طرقات فتح لهاا

شادي : ياسمين

ياسمين بحزن وهي تدخل : يااا ياشادي ، لدرجادي مبقتش فارقه معاك ، لدرجادي بتهرب مني ومش عايز تشوفني ، طب ليه انا عاملتك ايه ياشادي قولي ، ده انا سلمتك نفسي وسيبت نفسي ليك وعاملت كل حاجه غلط بس عشان ارضيك ، وفي الاخر بقيت مش عايزني وبتتهرب مني ،ومش طايق تشوف وشي

جلس شادي علي اقرب مقعد ثم امسك بسيجارته وبدء يدخن ثم قال بهدوء تام : ياسمين انسيني خلاص كل الي بينا انتهي ، انا وانتي ماينفعش لبعض فاهمه والاصح انا منفعش لحد

ياسمين بدموع : يااا بسهوله كده بتقولي انسي ، طب وعدك ليا بالجواز كل ده كدب

نظر لها شادي لمده طويله ثم تنهد وقال : انا مش بتاع جواز ياياسمين ، والمفروض تكوني عارفه كده ماهو مش معقول اتجوز واحده سلمتلي نفسها بسهوله ، واديتني كل حاجه انا عايزها طيب اتجوزك ازاي وانا اخدت كل الي عايزه منك

ياسمين ببكاء : يعني ايه ، انت كل ده بتضحك عليا ، وشايفني لدرجادي رخيصه ، طيب انا عاملت كده عشان بحبك وكنت عايزه ارضيك

شادي بهدوء تام : كل الكلام الي عندي خلص ، ويااريت تنسيني تمام

ظلت تنظر له بنظره انكسار والم ، ثم اخذت ما تبقي لها من كرامه ورحلت وهي تشعر بأن الدنيا ضاقت عليها وكل ماكانت تحلم بيه قد انتهي وانتهت هي معه

.................................................. .................

كانت تركب بجانبه السياره ،وقبل ان يتحركوا

كريم ويمسك وجهها وينظر لها بتفحص : شطوره ياحببتي بتسمعي الكلام

فرح بابتسامه : اصلا انا مكنتش بحط ميك اب قبل ما اتجوزك ، يعني حطه دلوقتي

كريم بأبتسامه : انا مش هحرمك من حاجه كل الي انتي عايزه تلبسيه ومن اغلي حاجه وحتي الميك اب حطي بس كله ده في بيتنا وليا انا وبس

فرح بحب وبابتسامه جميله : حاضر

ذهبت الي جامعتها فقد كانت تلك السنه أخر سنه لها

مي بحب وهي تحتضن صديقتها : اهلا بالناس الي خلاص نسيتنا

ثم قالت لها بدعابه : بس ايه الحلاوه ديه يابت

فرح بأبتسامه : ههههههههه فين بقي الحلاوه ما انا زي ما انا

مي وهي تغمز لها : بس الابتسامه مش زي ماهي ،باركاتك ياسي كريم

فرح :ههههههههه ، طب يلا ياختي تعالي نشوف الجدول وبعد كده نقعد نغلس علي بعض

.................................................. ..........

البقاء لله يا أحمد شيد حيلك

احمد بحزن : ونعمه بالله يا اكرم

اكرم :غصب عني مقدرتش اجيلك ايام العزا ياصاحبي

احمد بابتسامه حزينه : ولا يهمك يا اكرم كفايه انك جيت وكمان ما انت اتصلت وعزتني

أكرم : انا عارف ان الوقت مش مناسب بس انا عايز اقولك علي حاجه

احمد : عارف يا اكرم انت عايز تقول ايه ، ان فرح اتجوزت بشمهندس كريم ، ربنا يسعدهم اصلا انا خلاص خطبت بنت عمي والدي الله يرحمه قبل مايموت كان موصيني عليها ما انت عارف بعد ما اهلها ماتوا وسبوها ابويا هو الي رباهاا ، ومن بدري وهو عايزني اتجوزهاا عشان يطمن عليها وقبل ما يموت بيومين كتبنا كتب الكتاب

اكرم بأبتسامه : مبرووك ياصاحبي ، انت هترجع امتا الشغل

احمد : ان شاء الله يومين وهاجي الشغل كتر خيره بشمهندس كريم اداني المده ديه كلهاا

.................................................. ...................

مبروووك يابنت عمتي ، باسم برضوه عريس لقطه

شيرين بضيق من اسلوبها تلك الذي اصبحت تكرهه فهي بدأت تشعر بأن رندا تحمل الكثير من الحقد ولكن لماذا كل هذا الحقد بداخلها : الله يبارك فيكي يارندا ، عقبالك

وفي تلك اللحظه دخلت والدة شيرين :يلا ياحببتي المأذون وصل ، ثم نظرت الي رندا عقبال ما افرح بيكي انتي كمان ياحببتي

رندا : تسلمي ياعمتو

كانوا يجلسون سويا بعد عقد قرانهم

باسم بتنهد: مبسوطه ياشيرين بأرتباطنا

نظرت له شيرين ولم تتحدث

باسم : يبقي لسا بتحبيه

شيرين مدافعه عن نفسها: هتصدقني لو قولتلك اني مبحبش كريم ولا كنت بحبه، الفتره الي فاتت كنت بفكر وبدورجوايا عن اجابه لسؤالك ، وصدقني انا لما وفقت علي ارتباطنا بالسرعه ديه وفقت بعد ما اتأكدت اني مكنتش بحب كريم انا بس كان عندي حب امتلاك وانانيه وعايزه كل حاجه تبقي لياا ، وصدقني أنا مش زعلانه من تجربه كريم انا مبسوطه عشان صارحني بأنانيتي ووجهني بالحقيقه ،ثم تذكرت رنداا وتنهدت بحزن

باسم وبعد تفكير طويل : طيب وكريم بالنسبالك دلوقتي ايه

شيرين : كان ومازال اخ فقط

في الحياه ستصادف الكثير من البشر ، ستجد من يعترف بخطئه بحق نفسه وغيره وحق ربه اولاا ، وستجد من يكابر وينظر لنفسه دائما بأنه لا يفعل شئ ولا يؤذي احد ، ستجد من يفيق ويعترف بمعروفك معه ، وستجد اناسا مهماا فعلت معهم لن تتلقي منهم سوا نكران الجميل ، فلاا تتعجب من نفوس البشر

.................................................. ................

كانت نائمه بين احضانه ، ثم فجأه افاقت وبدأت تصرخ بشده

كريم بفزع وهو يفتح احد الانوارويضمها : مالك يافرح ، فوقي ياحببتي ده اكيد كابوس

فرح بخوف : مش عايزه افتح عيني ياكريم انا خايفه

كريم وبدء يحتضنها بشده ويقرء عليها بعض أيات القراءن الي ان هدأت وبدأت تفتح عينيهاا

كريم بحب : انتي كويسه دلوقتي

نظرت له فرح بوجهه متعب : اه الحمدلله ، ثم بدء صوت اذان الفجر يعلو

كريم : طيب يلاا قومي عشان نصلي ، ثم ربط علي يدها بحب ان شاء الله خير متقلقيش

.................................................. ..............

مش عارفه يامي ، انا خايفه الكابوس كان غريب ، تحسي ان كأنه حقيقه ، الافعه كانت بتخنقني جامد ، وكنت عماله انادي علي كريم وهو مش سامعني وكل مايجي يبص علي الصوت وينتبه ليا ، تيجي حاجه تبعده عني خالص ، وكأنها مش عايزاه ينجدني

مي لتطمئن صديقتها : ان شاء الله خير ياحببتي ، اقري الاذكار بس قبل ماتنامي واستعيذي من الشيطان كل ده اوهام من الشيطان متفكريش فيها ولا تخافي وسيبي كل امورك علي ربنا

فرح بحب : ونعم بالله

وبرغم كلام صديقتهاا وطمئنتها لها ، لكن كانت تشعر بالخوف الشديد

.................................................. ..........

كانت اول مره تذهب الي الشركه بعد ان تزوجت

وعندما دخلت الشركه اول من رأته هو احمد

احمد بأبتسامه حزينه : مبرووك يافرح

فرح : الله يبارك فيك يا استاذ احمد

ثم قالت له بأسي : البقاء لله

احمد : ونعم بالله

وبعد ان تركته وذهبت ، ظل ينظر عليها بحزن ولكن افاق وذهب لمتابعة عمله

كنت راندا تمسك احد الملفات ولا تعيرها اي اهتمام

فرح : ممكن ادخل لاستاذ كريم

رندا بتأفف : استاذ كريم عنده اجتماع بره الشركه، ممكن تتفضلي تستنيه هنااا

جلست فرح معهاا في صامت دام لفتره

رندا لتستفزها : مش غريبه واحد زي كريم الشاذلي يتجوز واحده زيك سوري يعني بنت ساعي،اه صح انا افتكرت ده اتجوزك عشان وصية عمه ممممممم بس تصدقي طلعتي شاطره واقدرتي تخلي الجوازحقيقي وقدام الناس كلها ، لا هايل بجد عرفتي تلعبيهاا كويس

كادت أن ترد عليهاا فرح ولكن رن هاتفهاا فكان المتصل كريم

كريم : معلشي ياحببتي كنت في اجتماع بره الشركه 10 دقايق وهكون عندك ، ادخلي مكتبي واستنيني ماشي

فرح وهي تنظر لرنداا : حاضر ياحبيبي

وبعد ان انهت مكالمتها معه ، ذهبت لتفتح باب مكتبه وقبل ان تدخل

رندا : انتي رايحه فين ، ماقولت مستر كريم مش موجود

فرح لتستفزهاا : دخله مكتب جوزي ، اظن يعني ده من حقي ولا ايه يا انسه رندا

دخلت المكتب ، وتركت راندا يسيطرعليها الضيق والغل الذان امتلكوا قلبهاا

رندا بغضب شديد : ماشي يافرح اما وريتك ، ثم تذكرت احمد وقالت (كارتك بقي محروق بس اكيد هلاقي كارت تاني العب بيه صبرك علياا مبقاش انا رندا الا مابهدلتك

.................................................. ............

كانت تجلس في مكتبه وتنتظره ، ظلت تفكر في معاملة رندا لها لماذا تكرهها بتلك الشده ، فهي لم تفعل لها شئ ولا يوجد بينهم شئ ظلت شارده كانت تعطي ظهرهاا بالكرسي للخلف

كريم :سرحانه في ايه ،مين واخد عقلك ياهانم انطقي

فرح بخضه : حرام عليك ياكريم خضتني

كريم بدعابه : حرام عليك ياكريم خضتني هههههههههه

فرح : هزر ، هزر

كريم بحب : ومهزرش ليه ، وكمان قاعده علي كرسيا ده انتي دخله علي طمع

فرح بطفوله : اصل مريح اووي ، وبيمرجح

قالت جملتها تلك وظل كريم يضحك بشده ، وفي تلك اللحظه دخلت رندا عليهم ورأت منظرهم هذا

رندا بأسف : اسفه يافندم ، ديه اوراق الحسابات الي حضرتك طلبتهاا

كريم : تمام يارندا ، ولو في اي اجتمع او حاجه دلوقتي الغيها عشان ربع ساعه وخارج تاني

خرجت رندا وهي تتمتم بقي بنت الساعي قاعده علي مكتبه ، بكره ترجعي للحواري الي انتي منها ده لولقيتي مكان يلمك اصلا

فرح : انت بتضحك علي ايه ، طب بذمتك انت مش بتتمرجح عليه

كريم بضحك وهو يقترب منها : بحبك ياطفلتي الصغيره، ثم قال لها بضحك : مش عارف لما نخلف مين الي هيبقي الاصغر ،انتي ولا ولادنا

فرح بطفوله : لاء هنكون في سن بعض يابابا ياحبيبي

كريم : قومي خلينا نروح مشوارنا ، وبعدين بيتنا بدل الفضايح الي ممكن تحصل هنا وانا مش مسئول

نهضت فرح سريعا وامسكت حقيبتهاا : لاا وعلي ايه يلا بينا ، ثم مسكت احد ذراعيه وتشبثت به

نظر لها كريم بحب ، وخرجوا سوياا ،كانت رندا تنظر عليهم بحقد شديد ثم تنهدت بشده

.................................................. ................

في مكان اخر وعالم اخر..

كانت تجلس امام قبر والديهاا وتقرء لهم القراءن وتدعو لهم

كريم بحب : يلا ياحببتي الشمس ابتدت تغرب

فرح : مش عايزه اسيبهم وامشي ياكريم ، وحشوني اوووي ، ثم بدأت دموعها تنساب علي وجنتيهاا

كريم بحب : احنا مش اتفقنا بلاش بكي ، وكمان ياهانم انتي بنتي انا فاهمه وانا لسا عايش بتعيطي ليه بقي

فرح بحب : ربنا يخليك ليا ياحبيبي ، بس غصب عني ساعات كتير بحس اني محتاجاهم ، ثم نظرت له بحب :الحمدلله

كريم بحنان وهو يمسك يدهاا ويذهبوا:اول طفل هنخلفه ان شاء الله هنسميه احمد وتاني طفل عبدالله وتالت طفل محمود

فرح بضحك : حيلك حيلك حرام عليك ، ليه شايفني ارنبه ، وكمان انا عايزه اجيب بنات

كريم بضحك وهو يتحرك بسيارته : ماهو الرابع بقي ان شاء الله بنوته ونسميهاا فرح

فرح بضحك : انت كده سميتهم كلهم ، ثم قالت بدعابه :علي فكره دول ولادي انا كمان يا استاذ

كريم بضحك : ما انتي هتسمي الخامس ياحببتي ، والسادس كمان ما انا مش هتنازل عن نص دسته

فرح بضحك :هههههههه ،انت بتهزر صح

كريم : وهزر ليه ، انا عايز كل سنه عيل العب بيه وافضل اضربه كده ويكونوا كلهم شبهك عشان لما اتخنق منك ههههههه اروح الطشه ، وقوله امك السبب ياحبيبي

فرح بطفوله : بقي كده ، ماشي ياكريم وشوف بقي مين الي هيخلف عيالك دور علي واحده تانيه بقي

كريم بضحك :توء توء ياحببتي ، انتي الي هتجبيهم ان شاء الله

وبعد ان كان الحزن يملئ قلب فرح علي فقدان والديها ، جعلها كريم بحديثه الملئ بالحب تنسي كل شئ ولا تفكر سوا بالاستمتاع بتلك اللحظه معه

.................................................. ..................

كانت تجلس شارده وحيده ، كغير عادتها

فرح : استنيني شويه يامي ، رجعالك

ذهبت فرح لياسمين وقالت بحب : مالك ياياسمين ، فيكي ايه ياحببتي

ياسمين بتعجب : حبيبتك ، عايزه تفهميني انك بتحبيني

فرح : انتي زي اختي ياياسمين وانا بعتبرك كده والله ، كمان هكرهك ليه

ياسمين بحده : ابعدي عني يافرح وسيبيني في حالي ، وكمان انا وانتي مش اخوات انتي ناسيه امي كانت مرات باباكي وبس وكل واحد راح لحاله

ثم تركتها ياسمين وذهبت

مي وهي تقترب من صديقتها: متزعليش يافرح منهاا ، ما انتي عارفاها وكمان ايه الي خلاكي تروحيلهاا ما احنا ياما بنتجنبها

فرح بحزن : انا مش زعلانه منها يامي ، انا زعلانه عليها ياسمين عمرها ماكانت كده ، انا حاسه ان فيها حاجه ، يارب فك كربهاا

.................................................. ......

ديه اوراق المنقصه الجديده ، وكل حاجه تمام مش ناقص غير انك تدرسهاا كويس وتقول بقي رئيك

كريم : تمام ، ثم نظر الي صديقه وقال بدعابه:بس مالك الايام ديه سرحان كده ، اوعي تكون بتحب من ورايا

عمربتنهد : احب ايه ياعم ، هو انا فايق

كريم بضحك : ما انا كنت بقول كده الاول ،بس انا متأكد ان في بدايات حب جديد وقريب هفرح بيك وفيك

عمر بضحك : ههههههههههههه ، انا قايم امشي

كريم بضحك :ههههههههههههه اهرب اهرب

خرج عمر من مكتب صديقه ، وذهب ليباشر عمله (وهو يتذكر تلك الفتاه فهل حقا احبهاا ام انها مجرد فتره وسينساها كما نساها سابقااا ؟؟؟؟

لو عجبنى تفاعلكو وتعليقاتكو حنزل كمان شوية حلقة تانية بحبكم كتييير 😍😍😍😍

صفقة زواج

الحلقه الثانيه عشر

كانت تجلس هي ووالدته يتثامرون ويضحكون

أمينه بحب : هههههههههه ، كفايه كده يافرح خلاص مش قادره من كتر الضحك

وفي تلك اللحظه دخل عليهم كريم وعلي وجهه ابتسامه جميله :ياسيدي ياسيدي ناس عماله تضحك ، وناس مطحونه من الشغل

امينه : ربنا يعينك ياحبيبي، ثم نظرت لفرح وقالت روحي يلا ياحببتي مع جوزك ساعديه عشان يغير هدومه وياخد حمام دافي

ذهبت مع زوجها بحب ، جلس كريم علي السرير بتعب ومدد جسده

كريم بتعب : معلشي ياحببتي طلعيلي هدومي وحضريلي الحمام

فرح : من عنيا ياحبيبي

بعد ان فعلت ما طلبه منهاا

فرح : هروح حضرلك العشا

نظر لها كريم وابتسم ، وذهب ليأخذ حمامه

.................................................. ..........

ام محمد : خلاص ياحنان متعيطيش يابنتي ، ان شاء الله ربنا هيشفهولك

حنان (وهي احد الخادمات): الدكتور بيقول ان العمليه لازم تتعمل في خلال اسبوع ، وهتكلف 50 الف جنيه انا مش عارفه اجيب الفلوس ديه ازاي ومنين ، ياارب ساعدني انا ماليش غيرك ، وبدأت تزداد في البكاء ثانية ، وفي تلك اللحظه دخلت فرح عليهم

فرح : حنان ممكن تحضري ، وقبل ان تكمل كلامها وجدت علامات الحزن والبكاء علي وجهه حنان

فرح بحنان : مالك ياحنان انتي كنتي بتعيطي

حنان : ابدا يافرح هانم ، حضرتك عايزاني في ايه

ام محمد : اصل ابنها يابنتي عنده ثقب في القلب ياحبيت عيني ربنا يشفيه ، والعمليه لازم تتعمل خلال الاسبوع ده

نظرت فرح لحنان ووجدتها تبكي بأسي شديد

فرح : سيبي كل امورك علي ربنا وهي ان شاء الله هتتحل قولي بس ياارب وتوكلي عليه ، ثم قالت لها بحب قومي روحي لابنك وخليكي جنبه هو محتاجك دلوقتي ، وياستي انا ان شاء الله هقول لكريم واكيد هما في الشركه بيتعاملوا مع مستشفي خاصه

نظرت لها حنان بحب : ربنا يخليكي يافرح هانم

فرح بعتاب : تاني هانم ديه

حنان : والله انتي طيبه اووي ، ربنا يجزيكي خيرويكرمك ياااارب

فرح :طيب يلاا روحي بقي لابنك وخليكي معاه لحد مايخف

حنان : طيب احضرلك العشا لاستاذ كريم ، وبعدين امشي

فرح : ياستي انا هحضره ، متشغليش بالك

نظرت لها حنان بأمتنان شديد ،ورحلت

الداده : ربنا يبارك فيكي يابنتي ، هاتي انا أحضر العشا وانتي روحي ارتاحي

فرح بحب : لا ياحببتي روحي انتي خدي دواكي وارتاحي

الداده : يابنتي وقبل ان تكمل اعتراضهاا

فرح بدعابه: احنا قولنا ايه ، انتي هتروحي ترتاحي وانا هحضره قولي (حاضر بقي

الداده بضحك : ماشي ياستي ، تصبحي علي خير

.................................................. ......

اعدت لزوجها الطعام ، وجلست معه وهي مبتسمه

كريم : مش هاكل غير لما تاكلي معاياا

فرح : والله اكلت انا وماما ياكريم ، وشبعانه كل انت ياحبيبي بالهنا والشفا

كريم بزعل مصطنع : يبقي مش هاكل بقي

فرح بحب : حاضر

وبعد ان انهوا طعامهم ..

كريم بدعابه : ده اكل عصافير الي كنتي بتاكليه ده

فرح بضحك : اعملك ايه انت الي غصبت عليا ، وانا مرضتش ازعلك

فرح بطفوله : بما انك جاي النهارده بدري ، تعال نقعد نتفرج علي اي برنامج مع بعض او اي فيلم او حتي كرتون

كريم بضحك : هههههههههههههه كرتون ، ماشي ياستي

وبرغم تعب كريم وارهاقه في العمل ،جلس معاهاا ليشاهدوا احد البرامج المضحكه

كانت تضع راسها علي احد كتفيه وتضحك : هههههههههههه ، برنامج جميل اوووي ،ثم نظرت لوجهه وجدته بدء يتثاوب

فرح بحب : قوم ياحبيبي نام

كريم بتعب : لا عادي خلينا ساهرنين شويه

فرح : لاء كفايه كده عشان شغلك وجامعتي

نظر لها كريم بحب وصعدوا الي غرفتهم

.................................................. ...............

انت قولتلها كده ياشادي ، ده انا كنت فاكرك بتحبها

شادي وهو يدخن وبدء عليه السكر: احب مين يابني ، انا مش بتاع حب هي الي هابله

معتز : اصل ياسمين اكتر واحده فضلت معاك ، ده تقريبا سنه انا قولت اكيد بتحبها ، ده انت اكتر واحده قاعدة معاك كان اخيرها اسبوع وبالكتير شهر

شادي :سيبك من السيره ديه ، مش ناقص وجع دماغ ، صحيح عرفتلي حاجه عنها من صاحبك ده الي بتقول عليه دكتور عندهاا

معتز : اوبااا تصدق نسيت اكلمه ، بكره هكلمهولك

شادي بضيق : عايزك تنجز وتعرفلي اي حاجه عنها ، والايام الي بتروح فيها الجامعه وامتا كمان فاهم

معتز : فاهم ياكبيييييير

.................................................. ...............

ديه كل الملفات الي طلبتها يا بشمهندس عمر، اي اوامر تانيه

عمر: لاء يا احمد شكراا ، وقبل ان ينصرف احمد

عمر: ممكن ثواني يا احمد عايز اتكلم معاك شويه

احمد بدهشه : خير يافندم

عمر:انا هكلمك كأخ لأخه وعايزك تجاوبني عن شكوكي ممكن

نظر له احمد وانتظر ان يبدء كلامه ..

عمروبعد فتره من الصمت : انت كنت بتحب فرح يا احمد

نظر له احمد بحزن ولم يتحدث..

عمر: علي فكره يا احمد ، والي ناس كتير متعرفهوش ، فرح كانت مرات كريم قبل ما تيجي تشتغل معاكواا

نظر له احمد بصدمه : كانت مراته ، ثم بدء يتذكر منظرها وضيقتها عندما كانت تسمعهم وهم يتحدثون عنه وعن شيرين

احمد : طب ازاي وهو كان خاطب انسه شيرين

عمر بتنهد : ديه قصه طويله ، بس انا عارف انك راجل يا احمد وشخص محترم واكييد هتتفهم الموقف

احمد بحزن : مقدرش اقولك اني نسيتها ، بس اكيد مبقتش متعلق بيها زي الاول لانها دلوقتي مش من حقي ولا انا من حقي افكر في انسانه متجوزه او اخون الانسانه الي انا مرتبط بيهاا، بس ممكن اسألك سؤال انت عرفت ازاي اني بحبها ، مع ان اصلا هي متعرفش حاجه

عمربأبتسامه : احنا شباب زي بعض ، واكيد بنفهم نظرات بعض

في الحب

احمد بأبتسامه حزن : يااا لدرجادي كنت مفضوح

عمر: مهما خبينا جوانا ، نظرة عينينا دايما بتفضحنا اول ما بنشوف الي بنحبه

نظر لها احمد وابتسم ، ثم رحل وهو ينوي ان يبدء حياة جديده مع ابنة عمه وينسي كل مامضي ويتمني لها السعاده

.................................................. ...............

كان ينظر عليها بأعين متفحصه ، ويتطلع عليها بنظرات بذيئه

ياسمين بضيق : مش المفروض لما الست مرتك متبقاش موجوده ، يكون عندك دم وتخرج

رمزي ببرود تام :واخرج ليه ، اما ممكن نقعد مابعض ياحلوه ونتبسط كمان

ياسمين بحده وقد فهمت مايرمي له : ياااريت تتفضل تخرج ، ومتورنيش وشك غيرلما ماما تيجي

رمزي بضحك : هههههه حيلك حيلك ياختي وبراحه علينا ، ثم بدء يقول بنعومه وهو يقترب منها : بس هخرج عشان خاطر عيونك ياقطه

وقبل ان تبتعد ياسمين عنه ، ابتعد هو وضحك

رمزي بضحكه مستفزه : سلام ياحلوه ..

ياسمين بضيق : ربنا يسامحك ياماما ، علي الي عاملتيه فيا فيكي ، حاسه اني قربت ارتكب جريمه في الشخص الي لا يطاق ده

.................................................. ...............

كان نائم علي رجليهاا ، وتلعب في خصلات شعره بحنان

كريم بأسترخاء شديد : حاسس اني مهدود، الصفقه الجديده بقيت واخده كل وقتي

فرح : ربنا يعينك ياحبيبي، ويوفقك

كريم بحب ويمسك يدها ويقبلها : ربنا يخليكي ليا ياحببتي

فرح بتردد : كريم انا عايزه اطلب منك طلب ، او بالأصح خدمه هتعملها لحد وانا واثقه انك ياحبيبي مش هترفض

كريم وبدء يعتدل من جلسته تلك : قولي ياحببتي عايزه ايه

وبدأت تقص عليه تلك الطلب

كريم : طيب مقالتليش ليه ، علي العموم خليها بكره تروح المستشفي الخاصه بالمجموعه ، وانا هكلمهم يعملوا اللازم

فرح بحب وهي تقبل خدهه : كنت واثقه ، ان حبيبي عمره ماهيتأخر علي مساعده حد

كريم بحب وهو يلمس علي شعرها : طب وحبيبي الجميل مش محتاج حاجه مني ، انا عارفه الايام ديه مقصر معاكي ومش مهتم بيكي

فرح بحب : عارفه انك مضغوط في الشغل وانا عذراك ، وكمان انا هحتاج ايه ربنا يخليكي لياا

.................................................. ...........

رندا : استاذ باسم شاكر مستني حضرتك بره

كريم : طيب يارندا ، ممكن تدخليه

كريم بترحيب : اهلا اهلا ياباسم ، نورت ومبروك علي الخطوبه ربنا يتمملكم علي خير انا عارف انها جات متأخره بس اعذرني

باسم : ولا يهمك ،الله يبارك فيك

كريم : اكييد جاي بخصوص المشروع الجديد

باسم : انا جاي بخصوص حاجتين (الحاجه الاول هي فعلا بخصوص المشروع ، اما الحاجه التانيه فده بقي يااريت تقبل عزومتي علي العشا عشان نتكلم فيها

كريم بتفهم : ماشي ياسيدي ، نبتدي بالحاجه الاولي دلوقتي

.................................................. ...........

في مكان اخر تماما ....

اعملي حسابك ، هتنزلي معايا مصر بعد شهر ،ومافيش نقاش

نور : هننزل مصر ليه ، ثم بدأت تفهم لماذا والدتها قررت النزول ثانيه

نور: ممممممممم ، طبعا اكيد ماجده هانم بتفكر في حاجه تخلي ابن أختها ومراته ينفصلوا

ماجده بغضب : بنت ، انتي ازاي تتكلمي معايا كده

نور بضيق : بصي ياماما سفر ومش هسافر ، سيبي كريم في حاله ياشيخه حرام عليكي انتي ايه مبتحبيش تشوفي اي حد مبسوط في حياته

قالت نور كلمتهاا هذه ، ثم انصرفت

ماجده : اه يابنت الغابيه ، هتفضلي طول عمرك غابيه ، بس لو كنتي ضايعتيه من ايدك قبل كده ، انا مش هسمحلك تضيعيه تاني ، وانا المرادي الي هتصرف

.................................................. ...

كريم بضيق : ازاي حصل الحريق ده ، افهم ايه وبتاع ايه اقفل انا جاي حالا

عمر بخضه : في ايه ياكريم ..

كريم بضيق : المزرعه حصل فيها حريق ، للمره التانيه

عمر: انا قولتلك المره الي فاتت ، اكييد بفعل فاعل

كريم : انا لازم اسافر دلوقتي المنصوره واطمن علي المحصول واشوف الموضوع ده

عمر: هتسافر حالاا ، طيب والاجتماع مع الشركه الفرنسيه

كريم : احضره انت ، ياعمر معلش

.................................................. .......

ممممممم ، ديه المعلومات الي جمعتهاا عنهاا

معتز : اي خدمه ياسيدي

شادي بأبتسامه : اخيرا عرفت اوصلك يافرح ، ماشي ياحلوه اما وريتك

معتز : اشمعنا البت ديه هي الي شغلاك ، ايه شكل السناره غمزت ولا ايه

شادي بضحك : غمزت ايه يابني ، بس انت عارف لما حاجه بتعجبني لازم ادوقها واجربهاا

معتز بضحك :هههههههههههههه ، ايوه بقي ياكبير هنيالك

شادي بصوت هامس : اشمعنا هو ، ما انا كمان لازم اجربك بس ياخساره سابقني (ثم بدء يتذكر يوم انا رئها تخرج معه من المطعم وتركب بجانبه السياره

.................................................. .........

نورت ياكريم بيه المزرعه نورت

كريم : ربنا يخليك ياعم حسن ، فين استاذ فهمي

فهمي بخوف من رد فعل كريم : انا هنا يا كريم بيه ، صدقني يافندم وقبل ان يكمل كلامه

كريم بحده : المره الي فاتت انا سبتلك الموضوع ووثقت فيك ، بس المرادي انا بنفسي الي هشوف الموضوع ، ديه تاني مره في نفس السنه

فهمي بخجل : الي تشوفه يافندم

ظل كريم يتابع المكان وينظر عليه بتعجب : ازاي النار وصلت للمخزن ، وفين المسئول عن المخزن

فهمي : حصله شويه حروق ، وهو في المستشفي دلوقتي

كريم : ياخد اجازه ، ومرتبه شغال عادي ، وتكاليف المستشفي تدفعله مفهوم

فهمي : مفهوم يافندم ، احنا مبلغناش البوليس واستنينا حضرتك لما تيجي

كريم : تمام ،ثم التفت علي صوت احد الاشخاص

المنشاوي : اهلا اهلا بكريم باشا ، منور المزرعه كلهاا ، والمنصوره بحالها

كريم : اهلاا بيك يا منشاوي باشاا

المنشاوي : والله انا زعلت لما سمعت بالموضوع

كريم : قدر الله وماشاء فعل

المنشاوي : بس معرفتوش ايه السبب

كريم : والله لساا ، بس الحمدلله جات بسيطه

المنشاوي : لو احتجت اي حاجه انا في الخدمه عن اذنك

انصرف المنشاوي ومعه احد رجاله

المنشاوي بضيق : الغبي قولتله في المخزن الكبير ، مش ده غبي

احد الرجال : متضيقش ياباشا نفسك ، المره الي جايه تبقي في المحصول

المنشاوي بضيق : اغبيه ، انا مش عايز مشاكل ، انا عايز بس اكرهه في المزرعه بمشاكلهاا لغايت لما يبيعها ، مش اروح في داهيه محصول ايه ياغبي ويبقي سين وجيم بقي

كريم بأسف : غصب عني ياحببتي سافرت فجأه ، معلش في شويه مشاكل في المزرعه وعلي بكره ان شاء الله هتلاقيني في القاهره

فرح : ماشي ياحبيبي ، خلي بالك من نفسك ومتقلقش علينا احنا كويسن ، وابقي طمني عليك

وبعد ان انهي مكالمته ، وجد احد العمال يأتي اليه وينهج من الجري

العامل : عرفت يافندم مين ، الي كان ليه دخل في الموضوع

.................................................. .......

ظل ينتظرهاا ولكن بدون جدوي ، الي ان رأي

ياسمين بحب: كنت متأكده وواثقه اني مش ههون عليك

شادي وقد نسي أمر ياسمين تمام : ازيك ياياسمين، عامله ايه

ياسمين بحب : وحشتيني اوووي ياشادي ، اوعي تبعد عني تاني

شادي :ياسمين احنا قولنا ايه بلاش تصرفاتك ديه ، لان كل حاجه بينا انتهت

ياسمين بضيق : اومال انت جاي ليه ، ها فاهمني

شادي : كنت جاي لواحد زميلي ، وماشي عن اذنك

ثم ركب سيارته وانصرف وتركهااا وهي وسط ذهول تام من تصرفاته

.................................................. ..............

كانت تتلملم في الفراش ، ثم بدأت تستيقظ

كريم : صباح الخير ياكسلانه

فرح بثاوب: هي الساعه كام دلوقتي ، وانت جيت امتا من السفر

كريم ويلمس وجهها بحنان : لسا واصل ، وياستي الساعه 12 الضهر

فرح : ياخبر ، هو انا نمت كل ده

كريم :وطبعاا مروحتيش جامعتك النهارده ، ما انتي قولتي بقي هو مسافر واغيب براحتي بس ماشي

فرح بضحك : ههههههههههه ، هو يوم واحد بقي ياكيمو متدقش

كريم : ثبتيني بس برضوه ،الدراسه وخط احمر مافيش تقصير فيها فاهمه

فرح : حاضر ،صحيح عاملت ايه في المزرعه ، وعرفت ايه سبب الحريق

كريم بتنهد : اه عرفت السبب ، ثم نظر لها بحنان :متشغليش بالك انتي ، ممكن بقي حبيبي الجميل يطلعلي هدومي لغايت لما اخد شاور عشان اروح الشركه

فرح : حاضر

.................................................. ..............

كان ينتظر خروجهاا ، ثم بدء يتابعها ، الي ان رئها تدخل احد الاماكن

شادي بتفحص وهو ينظر للمكان : ملجئ الاطفال

كان يشاهدها وهي تجلس وتلعب مع الاطفال بروح برئيه ، ايعقل ان اكون احببتها وتعلقت بها ، لاا انا لا احب اي امرأه كلهنا عاهرات ،كان بين صراع كبير بين نفسه ، فقلبه يقول له : انت تحبها

اما عقله فيقول : كلهنا واحد فرح مثل امك مثل ياسمين مثل اي امرأه كلهنا خائنات

افاق من شروده عندما وجد احد الاشخاص يدخل نفس المكان ، نعم فأنه نفس الشخص الذي رئه مسبقاا

العقل : ارئيت ، فاهي مثلهم

ظل ينتظر خروجهاا ، وبعد فتره وجدها تخرج معه وهي مبتسمه وتمسك يدهه بحب ، ثم ركبت بجانبه السياره وذهبوا

شادي : طلعتي زيهم يافرح ، وانا الي كنت ابتديت اضعف ليكي ، فعلاا كلكم زي بعض حتي لو تصنعتوا البرئه

.................................................. ...........

ديه طلعت روحي ياماما عشان تيجي الست هانم

امينه بعتاب : ليه كده يامي ياحببتي

مي بأسف : والله ياطنط مش بقدر أطلع كتير عشان ماما مسيبهاش لوحدها ، بعد ما اخويا سافر

امينه : ربنا يرجعهملكم بالسلامه ياحببتي، انا عرفت من فرح انه مهندس واكيد الف شركه تتمناه ، ليه الغربه بس

مي بأسف : للأسف ياطنط منها لله بقي ، هي السبب كرهته في البلد كلهاا وخليته يسيبها مع انه كان بيكرهه الغربه وكان شغال هنا في شركه محترمه ، بس هنقول ايه نصيب

امينه بأسف : لدرجادي كان بيحبهاا

مي : للاسف اه ، ومازال ، زمانها دلوقتي اتجوزت وخلفت كمان الحكايه ديه من 5سنين ، كنت بشوف ديماا الفرحه في عينيه بس دلوقتي كلها الم وحزن

امينه بأسف : ان شاء الله ربنا يعوضه بأحسن منهاا

مي بتمني : يــــــــــــــاربـــــــــــــ

في تلك اللحظه دخلت عليهم فرح : وهي تحمل اكواب العصير

وبعد ان قضوا اليوم سوياا ..

مي وهي تنظر لساعتها : يااا ده انا اتأخرت اوووي ، ثم نهضت من مكانهاا لكي ترحل

وفي تلك اللحظه جاء كريم ومعه.........

...............................................................

وقبل ان ترحل مي ..

كريم : ازيك يا انسه مي

مي : الحمدلله بخير ، عن اذنكم

رحلت مي وكانت خلفهاا فرح تودعهاا

دخل كريم وعمر المكتب ، ليتابعوا بعض اعمالهم

كريم : ايه يابني انت فين ، مالك سرحان كده ركز

عمر : هاا معاك اه ، كمل

.................................................. ...

بعد ان انهي عمله ، صعد الي غرفة زوجته وجدهاا تمسك احد كتابهاا ونائمه

كريم بحب وهي يعدل من نومتهاا ويحكم عليها الغطاء ثم قبل جبينهاا ، ولكن

فرح بتثاوب : خلصت شغلك انت وعمر

كريم وهو يبدل ملابسه : اه ياحببتي ، معلشي مكنش قصدي اصحيكي ، ثم جلسا بجانبها وضمها اليه بحنان

كريم بهمس : علي فكره وحشتيني اوووي

فرح : ياسلام ما انت ديما مشغول عني ، انا ابتديت اغير من شغلك بجد

كريم بضحك : يااا ده انتي شكلك معبيه وسكته ، ثم بدء يقترب منها بحنان ووضع قبله رقيقه علي شفتيهاا

.................................................. ...........

كانت نائمه في فراشهاا ،وفجأه فتحت عينيهاا وجدته امامها

ياسمين بذعر وهي تغطي نفسها : انت بتعمل ايه هنا ممكن تفهمني

رمزي بنظرات خبيثه : مالك كده اتخضيتي ياحلوه

ياسمين : عارف لو مطلعتش من اوضتي حالا ، هصرخ فاهم اطلع بره

رمزي بنظرات متفحصه : طب براحه طب ، بس بكره تقع ياجميل

وبعد ان تركها وذهب ،قامت تغلق الباب خلفه بالمفتاح

ياسمين ببكاء : هو ايه الي بقي يحصلي ده ، وظلت تبكي بحرقه مريره

.................................................. ............

فرح

نظرت فرح له بأستغراب تام الي من ينده عليها ، نعم هو

شادي : اظن ، انك لسا فاكرني

فرح : افندم يا استاذ شادي

شادي وهو يمسك يدها بقوه: عايزك

فرح: انت اتجننت سيب ايدي

شادي : قدامي ياحلوه بدل ما افضحك هناا ، واظن انك قدام شركه المحروس حبيب القلب

ظلت تنظر فرح حولهاا ، لكي تري احد تستنجد بيه ولكن لا احد

فرح : انت عايز ايه ، اظن انا سيبت الشغل عندك من زمان

شادي ببرود تام : سبتيه بعد ماسرقتي فلوس من المطعم ، لتيجي معايا بالذوق بدل ما اجيبك بالبوليس فاهمه

فرح ببكاء : حرام عليك ، انا مأخدتش حاجه ،سيبني بقي في حالي ياشيخ

شادي وبدء قلبه يضعف اليها ولكن : هتيجي بالذوق ولا هبلغ عنك

فرح وتنظر لهاتفها الذي يرن وكان المتصل كريم ، ظلت تنظر علي اسمه الي ان انقطع الاتصاال، ثم عاود الاتصال ثانيه

شادي : ماتردي

فرح : ايوه ياكريم ، معلش ياحبيبي مش هقدر اجي اصل تعبت فجأه وروحت علي البيت علطول

كريم : مالك ياحببتي ، انتي كويسه

فرح : اه متقلقش ، معلش هقفل دلوقتي عشان مصدعه

كريم : ماشي ياحببتي ، هتصل بيكي تاني عشان اطمن عليكي ، وانتي استريحي دلوقتي ولو حسيتي بحاجه اتصلي بيا

فرح :حاضر

وبعد ان اغلقت معه ، وجدت شادي ينظر لهاا وقال

شادي : ممممممممممممم ، بقي حبيبي القلب الي كنتي بتكلميه ،بس مش موضوعنا

فرح بخوف :الله يخليك سيبني في حالي ، والله انا ما اخدت حاجه

شادي : اومال مشيتي ليه من المطعم فجأه ، ثم نظر حوله وجد بعض الموظفين يهمون بالخروج

وقال : لو حابه نتكلم هنا ماشي ، مافيش مشكله .. ثم اقترب منها ليلمس وجهه

فرح بحده : قولتلك ميت مره ابعد ايدك فاهم

شادي بضحكه مستفزه : ههههههه ، متعمليش عليا الخضره الشريفه ، ماشي ياحلوه

فرح : خلاص انا هجيلك المطعم بكره ، سيبني امشي ارجوك

شادي :ههههههه ، خايفه يشوفك

فرح : ارجوك ، وصدقني بكره هاجي

شادي : هستناكي بكره ، ومش عايز اقولك هعمل ايه بكره لو مجتيش ، اكيييد انتي عارفه

ثم تركها ورحل ، وهي لا تعلم كيف اجتمعت بهذا الشخص ثانيه ،وماذا يريد منهاا

.................................................. ...........

مش عارفه يامي ، قوليلي اعمل ايه انا بجد مش عارفه هو عايز مني ايه وليه ظهر في حياتي ، ده بيتهمني اني سرقت فلوس

مي : اهدي كده ياحببتي ،سيبك منه الي عايز يعمله يعمله ، ده شكله عايز يشتغلك

فرح ببكاء :مش عايزه اسبب مشاكل لكريم يامي ، يارتني مكنتش اشتغلت في المطعم ده

مي : وانتي خايفه ليه ، ماكريم عارف انك كنتي بتشتغلي

فرح : انا مش مطمنه يامي ، حاسه ان في حاجه ناوي عليهاا

مي بحب : بكره نروح انا وانتي نشوف عايز ايه ، مع ان رئي اننا نقول لكريم وهو يتصرف معاه

فرح : لاء كريم لاء

مي : خلاص ياحببتي ، بطلي عياط بقي

فرح وبدأت تمسح دموعهاا : انا هقوم امشي ، بدل ما كريم يجي وميلاقنيش

.................................................. .......

فرح فين ياداده

ام محمد : ديه جات ياحبه عيني من بدري ، وكان شكلها تعبان حتي مرضتش تتغدا ودخلت نامت

كريم بقلق وهو يصعد اليها :ماشي ياداده

كانت شبهه نائمه ، تفكر كيف تفعل ماهذا الشخص هل تخبركريم عن تلك الشخص ام تظل صامته

كريم بحنان وهو يلمس شعرها ويتحسسها : فرح حببتي اصحي ، طمنيني عليكي

فرح وبدئت تعتدل من نومتها: متقلقش عليا ياكريم انا كويسه

كريم : بجد ، انتي كويسه ، لو فيكي حاجه ممكن اتصل بالدكتور

فرح : والله ياكريم ، انا كويسه متقلقش ياحبيبي ، ثم اقتربت منه ووضعت راسها علي كتفه واحتضنته بقوه

كريم بأبتسامه وهويمرر يده علي ظهرها :مالك يافرح ، حد ضايقك بحاجه

فرح :صدقني مافيش حاجه

كريم بحب وهو يمسك وجهها بكفيه : طيب يلا قومي ياحببتي عشان تاكلي

فرح : حاضر

.................................................. ...............

باباك تعبان اوووي ياشادي ، لازم تيجي يابني ، انا محتاجاك

شادي بفزع : هو عامل ايه دلوقتي

والدت شادي (سلوي ) : دخل في غيبوبه ومش عارفه هيفوق امتا ، انا عارفه انك بتكرهنا بس احنا محتاجينك يابني

بعد ان انهي مكالمته مع والدته ، ظل ممسك بهاتفه وينظر عليه بشرود

معتز : مالك يابني ، اخدت بعضك وطلعت بره ترد علي موبايلك ، ايه موزه جديده ولا ايه وخايف عليها مننا هههههه

شادي بضيق : بابا تعبان اوووي ، لازم ، اسافر علي اول طياره لفرنساا

.................................................. ...........

بعتذر بجد ياباسم ، بس صدقني حصلت شويه ظروف اضطرتني اسافر

باسم : ولا يهمك ، المهم انك بخير

كريم وبعد ان طلب فنجان قهوه اليه : ها ياسيدي ايه بقي الحاجه الي كنت عايزني فيها

ظل باسم صامتا لفتره ثم قال :بابا حكالي ، عن سبب خطوبتك من شيرين ، بس فعلا هو ده كان السبب بس ولا في حاجه تانيه ياكريم

كريم : بص ياباسم ، هتصدقني لو قولتلك اني حاسس بالذنب من ناحيه شيرين كان ممكن اننا نحل الموضوع بطريقه تانيه ، بس انت عارف سخافه المجتمع الي عايشين فيه بس برضوه احنا عالجنا الموضوع بطرقه غلط ، بس صدقني هو ده كان السبب مش اكتر

باسم :شيرين كلمتني كتير عنك ، ثم قال مبتسما انا بدئت اغير منك الصراحه

كريم : علي فكره شيرين انسانه هايله ، بس هي محتاجه حد يوجهها مش اكتر ، صدقني انا اتبسطت جدا بموضوع ارتباطكم انتوا الاتنين تستهلوا كل خير

باسم :بحيث كده احب اعزمك انت والمدام علي حفله جوازنا

كريم : بالسرعه ديه ، بس بجد مبرووك

باسم : الله يبارك فيك

كريم : هتستقر في مصر بقي ولا ناوي تسافر تاني

باسم بأبتسامه واسعه : لاء هسافر تاني ، اتا اتعودت خلاص علي الحياه هناك

كريم : ربنا يوفقكم في حياتكم

.................................................. ...............

مي : هتروحي !!

فرح : لاء مش هروح ، والي عايز يعمله يعمله ،انا مقدرش اخون ثقه كريم ، ليا رب اسمه الكريم وهو عالم اني مظلومه ومسرقتش

مي وهي تربط علي كتف صديقتهاا : متقلقيش ياحببتي ، مافيش حاجه ان شاء الله هتحصل

فرح : انتي بتبصي علي مين ، ثم نظرت فرح لتلك الشخص الذي تنظر عليه صديقتها

فرح : خايف اروح اشوفها تاني واتكلم معاهاا ، تصدني وتفهمني غلط

مي : مالناش دعوه ، تلاقيها متخنقه مع واحد صاحبها

فرح بعتاب : مي

مي : استغفر الله العظيم ، طيب يلا بينا عشان نروح

.................................................. ..........

تعالي يافرح ياحببتي سلمي

فرح بأستغراب وهي تمد يدها لتسلم علي تلك السيده التي يبدوا عليهاا الكبرياء : اهلا بحضرتك

امينه : ديه ماجده اختي ، الي حكتلك عنهاا

ماجده بكبرياء : انتي بقي فرح ، ممممممممممممممم تمام

امينه وقد علمت بأن ختها لن تسكت الا وان تحرجهاا فأرادت ات تبعدهاا: روحي ياحببتي ارتاحي ، اكيد انتي جايه تعبانه

استأذنت فرح منهم وعين ماجده مصوبه ناحيتها

ماجده بأحتقار : هي ديه بقي فرح ، وقعتوا عليها منين ديه

امينه : ماجده لو سامحتي ، البت غلبانه ومش هتستحمل كلامك ده ، وابني حر في اختياره فيااريت بلاش مشاكل مع كريم

نظرت ماجده لاختها بصمت ، وشعرت بأن الحرب مع تلك الفتاه لن تأخد وقت ومجرد جوله واحده وستحصل علي ما تريد

.................................................. .........

كانت تخرج من المرحاض، وهي تشعر بالتعب من معدتهاا

كريمه : مالك ياياسمين

ياسمين بتعب : شويه برد ، مش اكتر ، هروح ارتاح

رمزي: كوكو حببتي ، تعالي عايزك

كريمه بدلع : ثواني بس ياقلبي وجيالك

ياسمين : روحي ياكوكو هانم ، للمحروس جوزك متشغليش بالك بيا

ثم تركتها ياسمين وذهبت الي غرفتها ، واغلقت عليهاا الباب جيدا

ياسمين بخوف : ياللهووي لو الي في بالي صح ، ثم بدئت تبكي

.................................................. ..........

كريم : ازيك ياخالتو حمدالله علي السلامه

ماجده : الله يسلمك ياحبيبي ، ثم قالت بعتاب كده ياحبيبي متسألش علياا ، يعني عشان انت ونور سبتوا بعض تنسي خالتك حببتك

كريم : معلشي ياخالتو ، انتي عارفه الشغل بقي

عن أذنك

ماجده : اتفضل ياحببتي

أمينه : هتروحي شقتك ، ولا هتباتي معانا النهارده

ماجده بزعل مصطنع : ايه يا امينه ، انتي عايزه تخلصي مني ولا ايه

امينه وهي تفهم تصرفات اختها تمام : مش قصدي ياماجده ، انتي منورانا ياحببتي

.................................................. ....

كريم وهو يحتضنها من الخلف : مراتي قمر ياخواتي

فرح وهي تلتف اليه : جيت امتا ياحبيبي

كريم بحب : من ربع ساعه ، بس روحت اسلم علي خالتو

فرح بغيره : مامت نور

وقد أحسا كريم غيرتها : نور مين ، انا معرفش لغير 2 ستات بس واحده اسمها امينه ، والتانيه اسمها فرح ، ثم قال بدعابه : تعرفيهم يافرح

فرح بضحك: ياسلام

كريم وهو يقترب منها اكثر ثم طبعه قبله علي خدهاا : وحياتك ياجميل

.................................................. ..............

مش قولتلك يابنتي ده شكله حد فاضي وبيستعبط عشان يلعب بأعصابك شويه ومنه يتسلي بيكي ، اه عدي يومين ومحصلش حاجه

فرح بقلق : تفتكري انه هيسبني في حالي

مي :يابنتي متقلقيش ، احكيلي بقي عن الضيفه الجديده

فرح : مش عارفه يامي ، بتكرهني ليه مع اني والله بكلمها بكل ذوق ، وهي متعرفنيش اصلا عشان تعاملني بالكرهه ده

مي : اكييد ،عشان اخدتيه من بنتها ، مش عارفه الناس ديه مريضه كده ليه ماكل شئ نصيب

فرح بأسي : حاسه ان الدنيا مستختره عليا افرح يامي

مي لكي تخرج صديقتها مما هي فيه : بقولك ايه لاما والاطفال وحشوني اووي ما تيجي نروحلهم

فرح : ياااريت ، لما بلعب معاهم واشوف ضحكتهم بنسي كل حاجه

.................................................. ......

اتفضلي يامدام ، ديه نتيجه التحليل

ياسمين بقلق وهي تري النتيجه : حــــــــامل

ما تنسو تتفاعلو وتعلقو حبايب قلبى😍😍