رواية الصفوه بقلم / نسرين خالد الفصل ال عشرين و الاخير حصريه وجديده علي مدونة نجوم ساطعه
 |
الفهد : انا كلمت المسئول عن القوافل الطبيه و قال ان فى قافله هاتتحرك كمان ساعتين... و هايعدو لمعسكر الدواعش... عشان يطمنو على الاسرى
رحيم بص على خلود و تائب بنظره هم بس ال فهموها
رحيم : يبقى كده تمام بعد ساعتين ب الظبط هتكونو جوه معسكر الدواعش.....
فى الوقت ده حصل اتصال من مساعد ل كشماء
مساعد : كشماء... انا عندى عرض ل رحيم ياريت تقوليه له... فى جهاز نانو معاكى موجود فى كبسوله لونها اسود الجهاز ده عامل زى الحربايه لو اتحط منه نقطه من دمك او دم تائب و اتحقن فى فقرة الرقبه ل رحيم هايمتلك نفس قدراتكم الحيوانيه لمدة اسبوع بتكون قويه اول ثلاث ايام و بعد كده بتبتدى تخف لحد ما تختفى.... اعرضى عليه الفكره و لو وافق هيكون اضافه ليكم و زيادة امان و كمان هيكون امان اكتر ل خلود وجوده معاها
عرضت كشماء الفكره على رحيم ال وافق فورا
رحيم : طبعاً موافق... كفايه ان الفريق بتاعنا مش هيتفرق و هنروح المهمه مع بعض و نرجع بإذن الله مع بعض
كشماء بصت ل تائب ال هز دماغه ب موافق و جرح نفسه و كشماء عملت زيه و حقنو دمهم هم الاتنين فى الكبسوله ال اتحول لونها ل الاحمر
خلود : طيب هو الجهاز ده مش هايتعارض مع الجهاز العصبى
كشماء : لا مفيش تعارض
تائب : ماتنسيش ان رحيم صديقي مش بس زوجك... لو فى الكبسوله اى خطر انا ال كنت هرفض
خلود : طيب بما انى دكتوره ادينى المحقن لان الحقنه هتكون صعبه لان مكانها حساس
و خلال ثواني كانت الكبسوله اتحقنت فى رقبة رحيم و ابتدت تدى ل جسم رحيم اشارات للتغير
تائب : لو فى مسكن قوى اديه ل رحيم لانه هايحتاجه دلوقتى
رحيم اخد المسكن ال كان مفعوله قوى لكن كان لسه حاسس ب الم مش بسيط لكن قادر يتحمله... و بعد مده كانو الاربعه ركبو مع القافله بعد ما كشماء لبست لبس من عند خلود.... و بعد ساعه كانت وصلت القافله ل معسكر الدواعش بعد ما اتخطفت من الطريق
الامير : اهلاً ب الدكاتره 👿
تائب : اهلاً بيك... ممكن اعرف احنا اتخطفنا ليه مع اننا كنا جيين المعسكر هنا فى كل الاحوال؟؟
الامير : احب اعرفكم ب نفسى الاول انا الامير و قائد المعسكر هنا
و قعد يتكلم عن نفسه بغرور لكن لفت نظره اتنين بنات ملثمين
الامير : مين دول؟؟ شيلو اللثام ده عشان اشوفكم
تائب و رحيم بغيره و رجوله: استحاله يشيلو اللثام😡😡😡
تائب : دول زوجتنا و دكاتره زيينا و اللثام ممنوع تشال
رحيم برزانه : سيدي زوجتنا اختين من قبيله البنت بتلبس اللثام من عمر السبع سنين و مش بتشيله ابدا بعد كده حتى ادام ابوها و اخوها ولا حتى زوجها... عندهم انك تقتلها اهون من انها تشيل اللثام... ياريت سمو الامير يتفهم موقفنا... و يأمر ان زوجتنا يدخلو مكان الستات عشان يكشفو عليهم
الامير : طيب و إيه ال يثبت انهم ستات مش يمكن رجاله و متنكرين
رحيم : ممكن تنده ست تسمع صوتهم عشان تتأكد و ممكن كمان تشوف اديهم بعد ما يخلعو الجوانتى بتاعهم... لكن ده فى وجود ست فقط
الامير : اندهولى زوجتى خيلاء
بعد دقايق حضرت خيلاء و الامير امرها تتأكد من صوتهم و شكل اديهم اذا كانو ستات فعلاً... و اتكلمت مع كشماء و خلود
خيلاء : اساميكم ايه يا دكاتره؟؟
كشماء : انا اسمى كشماء و دى اختى خلود و احنا زوجات دكتور الحسن و الدكتور فاروق
و كشفو اديهم ل خيلاء
خيلاء : سمو الامير فعلا دول ستات مش رجاله
الامير : خديهم معاكى و اجمعو كل الستات ال فى المعسكر عشان يكشفو عليهم..
الحسن (رحيم) : ولو فى اطفال او اسرى نساء اذا سمحت يا سمو الامير
الامير شاور ب راسه ل خيلاء ال اخدت خلود و كشماء ل قاعه و قعدو يستنو لما الستات تتجمع عشان يكشفو عليهم
خلود طبعا ابتدت تقراء افكار خيلاء و اكتشفت ان خيلاء بتكره الامير جداً و انها تعتبر مخطوفه و ان لها توأم بنت و ولد و مكتوبين باسم الامير لكن الحقيقه ان ابوهم يبقى ابن عمها وزوجها ال اتضرب ب النار ادامها و بلغوها بموته
خلود كانت مذهوله من ال فهمته و نقلت كل ال عرفته ل كشماء عن طريق التخاطر
كشماء : على كده بقى انتى اميره زى زوجك؟؟
خيلاء : لا انا سبيه اتخطفت من سنين بعد ما قتلو زوجى ادامى و الامير خيرنى بين انه يتجوزنى و بين انى اعيش زى السبايا ف اخترت انى اكون زوجته.... على الاقل مش هكون مباحه لاى حد منهم... بس فى الاخر او فى الاول انا سبيه
خلود : وعلى كده عندك اولاد؟؟
خيلاء : اه عندى توأم بنت و ولد ربنا يحفظهم ليا و دلوقتى بيدرسو طن فى القاهره
كشماء : اللهم بارك.. و على كده اسمهم إيه بقى؟؟
خيلاء : ليث و غاليه🥰
كشماء : ربنا يحفظهم لك و يجعلهم خلف صالح
خيلاء : اللهم آمين يارب العالمين
و ابتدت كشماء و خلود يكشفو على الستات و الاطفال ال موجودين و ده طبعا عشان يعرفو الاعداد الموجوده و ال اكتشفوه ان كل الستات و البنات ال فى المعسكر مخطوفين و مفيش وحده فيهم موجوده ب مزاجها.. وده طبعا سهل عليهم مهمتهم جداً و بعد ما خلصو كشف طلبو من خيلاء استخدام الحمام ف اخدتهم و ودتهم بنفسها خوف عليهم ل يتعرض لهم حد
كشماء : بقولك إيه لو حابين نساعدكم فى حاجه نقدر نعمل إيه؟؟
خيلاء : احنا هنا فى المعسكر فى حكم الاموات... لكن لو تقدرى تسعدينى احمى عيالى اكون شاكره ليكى
خلود : انا اقدر اتواصل مع المخابرات المصريه و هم هيوفرو لهم الحمايه.. لكن عيالك ازاى هايثقو فينا؟؟
خيلاء : انا هقولك... لما تقابلى ليث قوليله امك بتسألك انت ليث ابن فهد ولا ابن الامير؟؟
خلود بصت ل كشماء بذهول😮
كشماء بدهشه : انتى قلتى فهد؟؟
خيلاء بتتلفت حواليها عشان تتأكد ان محدش سامعها
خيلاء : ايوه انا زوجى الاول و ابن عمى اسمه فهد و هو ابو عيالى لكن اتنسبو للامير بدل ما يقتلهم و لانه مش بيخلف... ارجوكم احمو عيالى😭😭😭
خلود فهمت ان فهد ال بتتكلم عليه خيلاء هو نفسه الفهد قائد المقاومه
خلود : طيب لو حد جه و قالك ان زوجك عايش و للو عايزه توصليله انك كمان عايشه هتقوليله إيه يأكدله؟؟
خيلاء بأمل : هو فهد فعلاً عايش؟؟
كشماء شاورت ب ايوه
خيلاء : قوليله عقد اللؤلؤ عمره ما انقطع لكن زاد حبتين و على عهد زمان فضلت باقيه الاسم متجوزه و الفعل ذكراك عايشين... هو هايفهم لو هو فعلاً فهد ابن عمى لكن لو حد غيره مش هايفهم المعنى
بعد شويه الامير طلب حضور الدكاتره
الامير : إيه الاخبار
خلود قربت من زوجها الحسن (رحيم) و فضلت تهمس
الحسن : سمو الامير الستات محتاجين ادويه كتير و زوجة سموك محتاجه عمليه فى اسرع وقت و إلا هيكون فى خطر على حياتها
الامير لانه بيعشق خيلاء : طيب ماتعملو العمليه مستنين إيه؟؟
الحسن : للاسف العمليه مش بسيطه و محتاجين مستشفى مجهز و هنا مش مناسب
طبعاً الامير واثق ان خيلاء استحاله تهرب لان عيالها تحت ايده
الامير : طيب و الحل؟؟
الحسن : لو الامير يسمح احنا ممكن ناخد زوجتك معانا و تعمل العمليه فى مستشفى العاصمه و نرجعها بعد اسبوع و احنا راجعين ب العلاج
الامير بثقه : تمام تقدرو تخدوها لكن رجوعها ب امان مسئوليتكم و إلا هتكونو عملتو معايا عداوه 😡
فاروق (تائب) : بإذن الله مفيش عداوه نستأذن سموك نتحرك عشان التأخير مش فى صالح زوجتك
اذن لهم الامير و اتحركت القافله و بعد ساعه كانو وصلو ل منطقه قريبه من مكان الفهد و كان مستنيهم عربيه ال اخدتهم ل الفهد
الفهد : حمدالله على السلامة يا جماعه... بس مين ال معاكم؟؟
و طبعاً كانت خيلاء لكن ب النقاب و فضلت ساكته و ده كان طلب من خلود
خلود : عقد اللؤلؤ عمره ما انقطع لكن زاد حبتين و على عهد زمان فضلت باقيه الاسم متجوزه و الفعل ذكراك عايشين...
فهد اول ما سمع الكلام ده برق و عيونه اتملت ب الدموع و قرب من خلود لكن رحيم وقف ادامه
الفهد : الكلام ده سمعتيه منين او وصلك ازاى؟؟؟ مين ال قاله ليكى ارجوكي ردى
خيلاء كانت ساكته لكن بتبكى ب صمت مشاعر كتيره حساها حب و شوق و حنين و الم من البعد و فرحة اللقاء
خلود : قبل ما اقولك قولى الاول معنى الكلام ده إيه؟؟
الفهد : ده كان كلام بينى و بين زوجتى و بنت عمي خيلاء لان اول مرتب ليا اشتريت لها عقد لؤلؤ من غير ماحد يعرف لان ساعتها كنا لسه مش مخطوبين حتى... بس يعنى إيه معنى العقد زاد حبتين؟؟!
اخيرا اتكلمت خيلاء
خيلاء : الحبتين دول اغلى من عيونى الاتنين و اسمهم ليث و غاليه.. ولادنا يا فهدى
فهد اول ما سمع صوتها و اتأكد انها هى خيلائه جرى عليها و اخدها فى حضنه و فضل يشم فى ريحتها و هو مش مصدق انها بين ايده... خيلاء بعدت عنه
فهد ب استغراب : ليه بعدتى؟؟
خيلاء بحزن : قالولى انك. نت و عرفت ب حملى و الامير خيرنى بين انى اتجوزه و انسبله حملى او يسقطنى... ف اتجوزنى لكن عمره ما لمسنى لانى رفضاه و هو قبل عشان يكون له عيال لانه عقيم.. و حاليا حتى لو ب الاسم انا مراته😭
الفهد : سؤال انتى راضيه بمين فينا زوج؟؟
خيلاء : عمرى ما رضيت ب غيرك زوج أبداً
رحيم : احم... بصو هو فى الحالات ال زى دى بيبقى للزوجه حق الاختيار بين الزوجين... لان زواج مدام خيلاء التانى كان ب الغصب و كمان.. احم غير مكتمل الاركان.. ف بكده من حقها الرجوع ل زوجها الاول ال هو حضرتك يا فهد... و لو عايز ممكن نتصل ب اللواء يحيي يسمعك الفتوه بنفسه من شيخ تبع دار الافتاء
فهد: ايوه اتصل بيه دلوقتى حالاً
خلود اتصلت على يحيي و شرحت له الموقف ب الظبط
يحيي : خلود عشر دقايق و هتصل بيكى تانى و ياريت بكون الفهد و زوجته معاكى
و بعد عشر دقايق اتصل يحيي
يحيى : السلام عليكم ورحمة الله وبركاته خلود معلش الفهد معاكى
خلود : الفهد و زوجته و باقى الفريق كلنا موجودين
يحيى : طيب.. ياريت يكون فى هدوء و افتحى الاسبيكر ... الشيح هايتكلم معاكم
الشيخ : السلام عليكم ورحمة الله وبركاته... اللواء يحيى قال ليا على المشكله ال عندكم و راي الدين فى الموضوع ده صريح و هو (فإن كان ذلك قبل ان يدخل بها زوجها الثانى، ف إنها ترد للاول، و إن كان الزوج الثانى قد دخل بها؛ فإنها لا تفوت بالدخول بل تعود للزوج الاول ايضاً) و ده معناه ان زواجها الاول هو الصحيح و يبطل زوجها الثانى برجوع الزوج الاول
يحيى : تمام كده... اتطمنت يا فهد
فهد بسعاده : اتطمنت الحمدلله.. سياده اللواء عايز منك خدمه عايزك توصل ل عيالى التوأم و تأمنهم كويس
يحيى : طيب اساميهم إيه و انا هتصرف
اتدخلت خلود : سيادة اللواء يحيى انا هقولك على كل التفاصيل المطلوبه... و ابتدت تقول ل يحيى و ازاي يقدر يثبت ل غاليه و ليث انه من طرف امهم عشان يأمنو له
فعلاً خلال ساعات كان يحيى وصل ل ليث و غاليه و بلغهم ب كلام امهم و كان رد ليث عليه
ليث : انا ابن فهد مش الامير... انا كده اتأكدت انك تعرف امى قول المطلوب إيه
يحيى : المطلوب انك تعمل شغب انت و اختك و بما انك ملتحى و مش مصرى ف الامن الوطنى هايخدك انت و اختك و ده ال هيشوفوه ال باعتهم الامير ل مرقبتكم و بعد كده هاتيجو عندي الجهاز و هناك هاتفضلو فى حمايتنا لحد ما العمليه تنتهى و بعدها هاتقدرو ترجعو ل امكم و ابوكم
ليث : ابونا... هو ابونا طلع عايش!!
يحيى : ايوه و مستنى لحظة ال عايجتمع شملكم بيه
و فعلاً ليث و غاليه عملو شغب كبير فى الجامعه و الامن الوطنى اخدهم و وصلو ب امان ل المقر و يحيى بلغ الفهد ان عياله بقو فى امان فى المقر🇪🇬 🇪🇬 🇪🇬🦅🦅
الفهد : دلوقتى بقى جه وقت قبض الديون 😡😡😡😡
كشماء بتفهم : استاذ فهد لو عايز ممكن تخليك هنا مع زوجتك او تنزل مصر معاها و تجتمع مع اولادك
الفهد : انا مش استاذ يا كشماء... انا مقاتل و فدائى و ليا تار عندهم و لازم اخده💪🏻💪🏻💪🏻
خيلاء : فى واحد اسمه علي و بنتين اسمهم غاده و إيناس دول انا لما عرفت انهم من المقاومه اخدتهم و خبتهم و المسؤله عنهم بنت من السبايا اسمها ليلى و مخبياهم فى الاوضه المهجوره فى مبنى يعتبر متهدم... اوصلو ل ليلى و هى هتساعدكم توصلولهم و حاولو تساعدو البنات ال هناك مفيش واحده فيهم قاعده ب مزاجها كل ال هناك مخطوفين و متهددين ب اهلهم او بعيالهم😢😢😢
الزهراء : بإذن الله هنروخ و هانرجع ب كل الاسرى و معاهم الامير فى شوال
خيلاء : لا الامير ولا الخليفه يستاهلو حتى المحاكمه دول يستاهلو الحرق صاحيين... دول مربين اسود و حيوانات مفترسه و بيرمو لهم الناس صاحيين و بيتفرجو عليهم و هم بيتكلو
خلود معدتها قلبت🤢 هى و كشماء من البشاعه و جريو يرجعو 🤮
تائب : اتطمنى هناخد حق كل واحد و واحده اذوهم
كشماء لما رجعت سمعت كلام تائب
تائب : كشماء عايزك... تفتكرى الحيوانات المفترسه دى بعد ما داقت طعم الدم و لحم البشر هاتقدري تسيطرى عليها؟؟
كشماء : بإذن الله هقدر بس مش هاينفع إلا و انا فى حالتى الحيوانيه
تائب : تمام فهمتك... هاندخل هناك ب شكلنا البشرى و بعد كده هانتحول
رحيم : بس اعملو حسابكم ان اللواء يحيى طلب مننا ان لازم نرجع على الاقل ب واحد منهم اما الامير او الخليفه.... بس اظن ان لو رجعناله ب الخليفه مش هايزعل على الامير😈😈
خلود : يسلملى حبيبى الشرير الشرس😉
و ضحكو كلهم.... 😂😂😂😂
رحيم ل الفهد : دلوقتى احنا محتاجين كمية ادويه عشان ندخل بيها المعسكر حجه .... و حضرتك هتكون معانا بس فى العربيه من تحت
الفهد : تمام و الادويه جاهزه... من الادويه ال كانت باعتها اللواء يحيى
تائب: بإذن الله مش هاتحتاجوها تانى بعد ما نقضى عليهم و نحرر البلد من ظلمهم و جرايمهم
الفهد : يبقى اتفقنا... فاضل ثلاث ساعات و يطلع الصبح و هنكون جهزنا كل حاجه للعمليه... انا رفضت رجوعنا للمعسكر و جبتكم هنا لان هنا اامن.... ممكن ترتاحو الساعتين ال فاضلين و اتا هاخبط عليكم
تائب : رحيم خد مراتك و نامو دلوقتى... انتو محتاجين النوم انما انا و كشماء ف نمنا من تلت ايام و لسه ميعاد نومنا فاضله يومين كمان
اخد رحيم خلود و دخلو نامو و عمل زيهم الفهد و خيلاء
الفهد : ماتقلقيش يا خيلاء منى اوعدك مش هاقربلك إلا لما اجيب لك راس الامير و ادخل بيكى انتى و عيالى القبيله و اعملكم احتفال بس دلوقت محتاج ارتاح فى حضنك.. مش طالب اكتر من كده
و اخيرا نام الفهد ساعتين من غير كوابيس و قلق
تائب : كشماء... عايزك تخدى بالك من نفسك و من خلود... لو حصل اى حاجه خدى خلود و اهربى
كشماء : ليه بتقول كده؟؟
تائب : لان لا انا ولا رحيم هانقدر نخسركم او نخسر عيالنا
كشماء : عيالكم؟؟... تقصد ان انا و خلود حوامل؟؟
تائب : ايوه بس متعرفيش خلود او رحيم عشان متشتتيهمش
كشماء حضنت تائب : حاضر و اتطمن هاخد بالى كويس و بإذن الله هانرجع ب السلامه بس بدل ما كنا اربعه هانرجع سته😂😂😂 ده مساعد هايتجنن من الفرحه
تائب : مش لوحده اللواء يحيى كمان
و بعد ساعتين كان الكل صحى من النوم و جهزو عشان يتحركو 🧨
و بعد ساعه كانو عند بوابة معسكر الدواعش و بعد دخولهم
الامير : ليه رجعتم و فين زوجتى؟
الحسن : احنا جبنا ادويه انا زوجتك ف هى فى المستشفى بتتجهز للعمليه
الامير: تمام... شوفو ال انتو جايين عشانه... و امر ان خلود و كشماء يروحو للحريم ... و اول ما دخلو القاعه...
كشماء : مين فيكم ليلى؟؟
ليلى : انا.. فى حاجه؟؟
كشماء : بصى انا عيزاكى تجهزى و تجهزى ال موجودين فى الاوضه المهجوره و كل السبايا و تستنينى
ليلى : ليه؟؟
خلود : ليلى اختك (الميته) ليال بتقولك اخيراً هاترجعى ل عيلتكم تانى و بتقولك ما تنسيش عهدكم سوا
ليلى ببكاء : حاضر هابلغ البنات و هنكون جاهزين
خلود: بس طبعاً كل حاجه تتم ب هدوء لان لو حد حس هيموتونا كلنا
ليلى راحت تبلغ الناس عشان يجهزو اما الزهراء و خلود و كشماء اتسللو ل مكان الاسرى و فكو جزء منهم
الزهراء : فى ناس هنا مفخخين روحو انتو و انا هافككهم
رجعو كشماء و خلود ل ليلى و لقوها جمعت كل الستات و الاطفال
كشماء : عايزه كل واحده هنا تربط طفل على ضهرها ب حبل عشان مايقعش منها و كمان تلزق بلاستر على فمه عشان نتأكد ان مش هايطلع اى صوت
الكل شاور ب دماغه ب الموافقه و نفذو كلام كشماء ب الحرف
خلود : اول ما هدى الاشاره ل ليلى هاتطلعو مجموعات عددها خمسه فى المجموعه و هى هتنظمكم و كشماء هتوصلكم ليا و ترجع للباقى و اتطمنو مش هنسيب حد بإذن الله
خلود اتخاطرت مع رحيم ان كل حاجه تمام و هو شاور ل تائب و شاف الاشاره من بعيد الفهد
فلاش باك##
تائب : اول ماتشوف الاشاره يا فهد هاتضرب نار عشوائي و تجمع علينا و بإذن الله النصر من نصيبنا
رجوع##
الفهد ضرب نار عشوائي و ده خلى كل المعسكر يجرى نحيته و دى كانت فرصة كشماء و خلود انهم يخرجو الاسرى للعربيات ال كانت مخفيه ورا المعسكر انا رحيم ف انضموانضم ل الفهد و و تائب اتحول و فضل يضرب و يـ░ـقـ░ـتـ░ـلَ كل ال يجى فى طريقه
اما عند الزهراء فكان الموضوع مش سهل بس هى قدرت تسيطر و فكت كل الناس المتفخخه و انضمت ل كشماء و خلود
كشماء : الزهراء خدى ليلى و الباقى و روحى ل خلود و قوليلها تفضل معاكم و تحمي معاكى الاسرى و انا هنضم ل تائب... و و على فكره علي موجود فى العربيات هو و البنتين و الادهم هايخدكم و يوصلكم ل مكان معسكر الفدائين و هاتفضلو متخفيين لحد ما نرجع مع الفهد
راحت كل واحده فى اتجاه عشان تنفذ مهمتها
كشماء اتحولت اول ما شافت ان الدواعش فتحو اقفاص الحيوانات المفترسه و قدرت تسيطر على الحيوانات و اخضعتهم لها و بعد كده امرتهم يهجمو على الدواعش و سابتهم و راحت جنب تائب... 🐆🐅 و انضم ليهم رحيم و الفهد و راحو يدورو على الامير و الخليفه و تائب قدر يحدد مكانهم من ريحة خوفهم و مسكوهم
رحيم : الفهد الامير ب النسبالنا اتقتل فى المواجهه و هانكتفى ب الخليفه... خد حقك و حق مراتك و عيالك
الامير بجنون : برده اخدت منك كل حاجه رجليك و مراتك و عيالك اتكتبو ب اسمى و زمانهم اتقتلو من رجالتى😈
الفهد : مراتى و فى حضنى من امبارح و عيالى و متأمنين كويس جداً فى مصر اما رجلى ف زى ما انت شايف واقف عليها
و بعد كده ضربه الفهد برجليه ضربه طلعت الدم من فمه و فضل يضرب فيه لحد ما بقى شبه اللحمه المفرومه
تائب : فهد كفايه كده و الباقى الحيوانات المفترسه هتقوم بيه يلا بينا
الخليفه استغل كلامهم مع بعض و ضرب رحيم ب الخنجر فى فخده
رحيم : آآه...
تائب اول ما شاف كده ضرب الخليفه على رقبته خلاه يفقد الوعى
تائب : انا هشيل رحيم و انت شيل الخليفه
الفهد : تمام
و فعلا خلال دقيقه كانو وصلو للعربيه و طلعو بيها من المعسكر و وراهم كانت الانفجارات (الزهراء بعد ما فكت المتفجرات من على الناس زرعتها فى المعسكر و اول ما عرفت انهم طلعو من المعسكر داست المفجر) و بعد ساعه كانو كلهم اتجمعو فى معسكر الفدائين
تائب : فهد... دلوقتى احنا لازم ناخد الخليفه عشان فى لجنه من عندنا و عندكم مستنينه عشان التحقيق و كمان عشان لازم منكونش موجودين و انت بتعلن التخلص من الدواعش و اعلان تحرير ارضكم من الارهاب
الفهد : توصلو ب السلامه و انا يومين و هوصلكم عشان اجتمع انا و خيلاء مع عيالنا
كشماء : بعد اذن تائب ... انا بدعوكم ب صفتى ملكة شعب قبيلة الغابات انت و زوجتك و اولادك ل جزيره تبعنا
خيلاء : شكراً جداً ليكى و دعوه مقبوله بس بستأذنك هتكون بعد رجوعنا ل قبيلتنا
الفهد : انا مدين ل فريق الصفوه ب اكتر من حياتى... و وقت ما تحتاجونى هكون فى ضهركم
تائب : بتمنى فى يوم من الايام يكون فى فرقه زى الصفوه كده بس تكون متجمعه من كل الدول العربيه
الكل : يارب
خلود: بعد اذنكم هناخد معانا علي و الزهراء عشان حالة على و مستنيه فى مصر اكبر الدكاتره و بإذن الله يقوم ب السلامه
و بعد ساعات وصل فريق الصفوه للمقر و كان فى انتظارهم يحيى و مساعد.. بعد ما سلمو الخليفه للمحققين
يحيى : حمدالله على السلامة يا ابطال فعلاً فريق الصفوه و انتو الصفوه
تائب : سيادة اللواء عايز اقولك اعمل حسابك ان الجاى مش سهل
يحيى : فى حاجه يا تائب؟؟
تائب : كلها كام شهر و سيادتك و مساعد هتكونو جدود
الكل فرح من الخبر السعيد و يحيى بلغ اخوه احمد و ندى (احمد عم خلود و جوز امها، و ندى ام خلود) و ندى اصرت على ان خلود و كشماء يكملو شهور الحمل عندها و طبعا مفيش حد قدر يعارضها
اما عن الفهد ف هو دلوقتى عايش فى جزيره من جزر قبيلة الغابات مع عيلته بيعوض ال فاته معاهم بين حنية عياله و حبهم ليه و العشق ال زاد بينه و بين خيلائه و ماقلش مهما عدت السنين
انا عن نفسى بتمنى يكون فى الحقيقه فريق الصفوه و مش المقصود طبعاً القدرات الخارقه... لا المقصود فريق متجمع من كل الدول العربيه.................... يكون موجود فى وش اى تهديد او معتدى... هل هيكون موجود فى يوم من الأيام.. اتمنى🙏🏻🙏🏻🙏🏻🙏🏻
و ك العاده استمتعت بيكم و معاكم و اتمنى اكون ضيفه خفيفه عليكم و ال بكتبه يكون عاجبكم
🌹دومتم بخير و سعاده و حفظكم الله و احبائكم من كل شر 🌹
ادعو الله دائماً ب الخير عسى ان تتحقق كل امانيكم
السلام عليكم ورحمة الله وبركاته
الـــــنـــــــهـــــــــايـــــــه
تعليقات
إرسال تعليق