رواية الصفوه الفصل التاسع عشر بقلم / نسرين خالد حصريه وجديده علي مدونة نجوم ساطعه
 |
الفصل التاسع عشر
رحيم : اتلمي بتبصي للراجل و كأنك ماشوفتيش رجاله قبل كده... ولا كانك متجوزه و جوزك واقف جنبك😡😡😡😡
خلود : لا طبعاً مش قصدي و انت متأكد ان قلبي و عنيا مليانين بيك بس الراجل ده انا شفت واحده شكله قبل كده بس عند الدواعش
رحيم : يانهار ابيض.. و ايه ال هايجيب واحده شبهه عند الدواعش!!!..... لا لا تكيد انتى ملخبطه
خلود : يمكن مع انى عمرى ما لخبط او نسيت اى وش
كشماء : خلود انا اسفه على التدخل بس كلامك ده لو صح هيكون مقلق جداً
رحيم : كشماء عايزك تعرفى تائب و تخليه يجى
كشماء : طيب انا عندى فكره
خلود : ايه هى؟؟
كشماء : إيه رايك نطلب من المعسكر هنا حاجات تخص البنات و تقعدى انتى و تشوفيهم عايشين ولا ايه نظامهم... و كمان تتأكدى من ال بتفكرى فيه
رحيم : هى فكره كويسه... خلاص اندهى على تائب و بلغيهم ب ال هانحتاجه
خلود: لا الافضل انى اكلمه ب التخاطر عشان محدش يشك فى حاجه لحد ما نتأكد
ابتدت خلود تكلم تائب و فعلا فهم الموضوع و راح لهم
تائب : طيب هو مش ال خلود بتعمله ده بيعرضها للخطر و خصوصاً ان احنا فى مكان حرب يعنى مليان ارواح و فى منها الطيب و العكس
رحيم بقلق : كلام تائب صح... طيب إيه الحل؟؟
تائب : اممم الحل ان احنا نروح هناك بنفسنا
كشماء : وده ازاى بقى دول دواعش يعنى لو راحت خلود مع زوجها مش بعيد يتكشفو
تائب : احم.. ماهو عشان كده انا بفكر انى اروح بدل رحيم على انى زوج خلود... عشان لو حصل اى حاجه هقدر اتحول و انقذ خلود لان لو راحت مع رحيم هيكون الخطر مضاعف
رحيم : نـــــــعــــــــــم زوج مين إن شاءلله خلود دى بتاعتى انا و بس حتى لو مجرد كڤر للمهمه
كشماء : يوووه ممكن تركن الغيره العشاق دى على جنب... احب اقولك ان لولا انى واثقه ان الكڤر ده مهم مكنتش هوافق و غير كده ماتقلقش هنكون متابعينهم خطوه بخطوه... انت ناسى ان احنا متصلين ببعض عن طريق الاجهزه العصبيه
رحيم : طيب ماتخلو الكڤر يبقى انك اخوها
تائب : وماله عشان الامير او الخليفه عيونهم تزوغ عليها 🙄 و ساعتها مش هقدر ارفض لو طلب حد منهم انه يتزوجها لانى اخوها 😏😏😏😏😏😏😏😏
رحيم بتوتر : آه فعلاً معاك حق طيب و العمل؟؟
كشماء : اممم هو مش الدواعش بيخطفو اى عربيه تبع الهلال الاحمر عشان الادويه و الدكاترة؟؟
انضم ليهم فهد و سمع سؤال كشماء
الفهد : فعلاً ده حقيقى... و فكره حلوه اوى على فكره و اقدر اساعدكم لان المسؤل عن القوافل الطبيه واحد من عشيرتى.. بس على شرط انى اعرف كل خطوه هاتعملوها قبل ما تتعمل
تائب : طيب ممكن دقيقه ناخد فيها القرار و نرد عليك
الفهد : طبعاً خدو وقتكم
فى الوقت ده اللواء يحيى كان سامع الحوار كله عن طريق الأجهزة و بلغهم انهم يوافقو لان الفهد شخص ثقه ب النسباله... بصو لبعض ك انهم بيتشاورو و بعد دقايق نده تائب على الفهد
تائب : تمام احنا اخدنا القرار و موافقين اننا نشاركك معانا بس طبعاً بشرط السريه التامه ده لو حابب العمليه تتجح و نرحع علي و البنات ال معاه من غير خساير
الفهد بشرود : انا مش مستعد اخسر تانى اكتر من ال خسرته زمان
خلود سمعت ال دار فى دماغ الفهد كله و عرفت يقصد ايه ب ال خسره
خلود ركزت مع الفهد و الفريق اخد باله بس متكلموش و فهمو انها شافت حاجه من افكار الفهد و بعد ما خلصو الكلام و مناقشه
الفهد : هروح انا اكلم المسئول عن القوافل الطبيه و اتفق معاه
و سابهم و اتجمعو تائب و كشماء و خلود و رحيم
رحيم : المرادى انا مش هاسكت إلا لما اعرف إيه ال مخليكى مركزه اوى مع ال اسمه الفهد ده😡
خلود : طيب اهدى عشان اعرف اقولك... انت كده بتوترنى منك
رحيم بهدوء مصطنع : اتفضلى اتكلمى
خلود : فاكر لما من شويه قلتلك انى شفت فى معسكر الدواعش واحده ست شبه الفهد
رحيم بيضم حواجبه لبعض دليل على انتباهه ل كلامها
رحيم : اه فاكر مالها؟؟
خلود : الست دى انا شفتها تتانى فى ذكريات و افكار الفهد بس كانت اصغر فى السن
تائب : رحيم معنى كلام خلود ان فى حاجه بتربط الست ال فى معسكر الدواعش و الفهد... احنا مش هاينفع نتحرك إلا لو عرفنا اصل الحكايه من الاول
كشماء : اللواء يحيى .. اصل الحوار من بدايته هيكون مع اللواء يحيى .... تائب عايزاك انت و رحيم تروحو ل الفهد و تطلبو اوضه لينا عشان نستريح و انا و خلود هانتسناكم بس ماتتأخروش عشان هنتواصل مع اللواء يحيى و نفهم منه الحكايه و نشوف بعد كده هانعمل إيه
مشى يحيى و تائب و راحو لفهد و طلبو منه اوضه واحده ليهم هم الاربعه و لما استغرب الفهد طلبهم قال رحيم ببساطه احنا مش بنام إلا ورادى ف اوضه واحده هاتوفى ب الغرض
الفهد : تمام تعالو معايا اعرفكم طريق الاوضه بتاعتكم
و هم ماشين سال تائب الفهد
تائب : مش عارف ليه حاسس ان بينك و بين الدواعش دول تار
الفهد ب الم مخفى : هو فى تار اكتر من وطنى و رجلى (و بهمس و عرضي)
راحو اخدو كشماء و خلود و وصلهم الفهد ل اوضتهم و بعدها سابهم
الفهد : اسيبكم دلوقتى و نتقابل بعد ٤ساعات
الكل : تمام
و بعد ما اتأكدو ان الفهد مشى اتصلو ب يحيى و حكت خلود ال شافته كله إذا كان من ذكريات الفهد او من الجلسه ال عملتها فى مصر
يحيى : ال اعرفه ان الفهد كان متجوز بنت عمه و اتخطفت منه ساعت حادثة رجليه لانها عجبت الامير و كمان عشان يعلم عليه و وصله بعدها انها كانت حامل و قتلها هى و الجنين.... بس معنى كلامك يا خلود ان مرات الفهد ممكن تبقى لسه عايشه.... كشماء... التعليمات اتغيرت.. الفهد ممنوع يعرف اى حاجه عن الموضوع ده .. و كمان ممنوع يطلع معاكم العمليه اظن مفهوم السبب
كشماء : مفهوم... احنا اتفقنا على خطه و هانفذها و بعد رجوعنا للمعسكر هانسمح لهم يروحو للدواعش و يخلصو باقى المهمه
يحيى : انا عارف انكم قد المهمه... ده ظنى فيكم... هستنى منكم تمام نجاح العمليه... سلام
خلود : اظن دلوقتى لازم نجهز
تائب و رحيم : احنا هانطلع و انتو اجهزو
سابو الاوضه للبنات و طلعو بره و خلال ١٠دقايق كان البنات طلعو و بعد نص ساعه كانو الاربعه ادام الفهد
الفهد : فى حاجه؟؟
كشماء : لا ابدا احنا جينالك عشان نعرف هانتحرك امته؟؟
الفهد : واضح انك القائد عليهم
رحيم : احنا مفيش بينا قائد.. و ال كانت بتكلمك دى بتكون ظابط مصرى اولاً و كمان ملكه ب الوراثه ل قبيلة الغابات فى افريقيا بس هى حتى بعد ما استلمت الحكم رفضت انها تقدم استقالتها من الفريق بتاعنا و اسمها كشماء و زوجها تائب و دى خلود مراتى و انا رحيم كلنا ظباط مصريين
الفهد : اتشرفت... انا عارف انكم عندكم قدرات خارقه... لو مسموح تحكولى عنها
الفهد بيفكر : ايه ال لبساه على وشها ده تلاقيها اتشوهت من عمليه قبل كده عشان كده متلثمه
خلود : لا انا مش لابسه ال لثام عشان مشوهه.... اظن دلوقتى عرفت قدرتي🙂
الفهد : احم... اسف... عرفت قدرتك
كشماء و تائب بصو لبعض و بعدها اتحولو ل فهد و نمر... و بعدها رجعو تانى
تائب و كشماء : و اظن كده عرفت قدراتنا احنا كمان
رحيم سكت و متكلمش عن نفسه
خلود : و رحيم بيكون الوحيد ال بيقدر يحجم قدراتنا و ميخليش القدرات الحيوانيه تتغلب علينا (طبعاً هى قالت كده عشان محدش يستقل ب رحيم او يفكرو انه انضم للفريق لمجرد انه جوز خلود)
الفهد : انا كلمت المسئول عن القوافل الطبيه و قال ان فى قافله هاتتحرك كمان ساعتين... و هايعدو لمعسكر الدواعش... عشان يطمنو على الاسرى
رحيم بص على خلود و تائب بنظره هم بس ال فهموها
رحيم : يبقى كده تمام بعد ساعتين ب الظبط هتكونو جوه معسكر الدواعش
ياترى إيه ال مستنيهم جوه المعسكر و إيه هى المفاجئه مستنياهم
🌹حوقلو ف إنها ل منجيه🌹
الفصل الأخير من هنا
تعليقات
إرسال تعليق