رواية الجمال جمال الروح الحلقة الخامسة والسادسه والسابعه والثامنه والتاسعه بقلم الكاتبه ملك إبراهيم حصريه وجديده
 |
رواية الجمال جمال الروح الحلقة الخامسة والسادسه والسابعه والثامنه والتاسعه بقلم الكاتبه ملك إبراهيم حصريه وجديده
بصتله وانا مش مصدقه رقته واختياره للكلام الا بيدخل قلبي وبقيت مش عارفه ارد اقول ايه بجد كسفني جدا وكنت هموت من الخجل ..ضحك وقالي نفسك تروحي فين تاني ..
مش عارفه ليه محسسني ان هو طالع من المصباح السحري وحسه انه عايز يحققلي كل امنيه ليا ودا شئ كان مفرحني جدا بصراحه لان اجمل احساس البنت ممكن تحسه لما تلاقي حد بيحبها ونفسه يحققلها كل احلامها وطول الوقت يسألها نفسك في ايه عشان يعمله وهو دا الا كنت بحسه معاه ..بصلي وقالي ليه بتبصيلي كدا ..ابتسمت وقولتله انا نفسي في حاجه واحده بس ..قالي نفسك في ايه
داليدا: نفسي اعرف انت مين
رد ببساطه وقالي انا انسان طبيعي جدا اطمني ..قولتله طب ليه حساك غريب وليه اتجوزتني بالطريقه دي ..قالي في حاجات ماينفعش تعرفيها دلوقتي ودا لمصلحتك انتي عشان تفضلي عايشه
كلامه حيرني اكتر ولقيت نفسي بدون وعي بسأله عن خطوبته من بنت عمي ..ابتسم وبصلي بطريقه جميله اوي وقالي يهمك تعرفي ..هزيت راسي بأيوا وانا تايهه وببص لملامحه الا بتسحر اي حد لانه بجد وبدون مجامله مفيش فيه غلطه واي بنت تتمنى تكون مكاني دلوقتي بس انا نفسي افهم هو عايز ايه ..ابتسم وقالي ( خلصتي ) قولتله ( خلصت ايه ) قالي (ملامحي الا بترسميها جوا عنيكي)
ايه دا هو ازاي كل شويه يحرجني كدا بجد صدمني تاني بس انا قولت خلاص مش هتصدم تاني وقولتله( عادي يعني انت كنت بتتكلم وانا ببصلك وبسمعك)
قالي (وياترى انا كنت بتكلم اقول ايه)
ايه الاحراج دا انا فعلا ما كنتش مركزه في كلامه ومش عارفه ارد اقول ايه بس افتكرت اخر سؤال انا سألته وهو كان عن بنت عمي وسألته تاني عنها وهو رد بكل بساطه
ياسين: (خطيبتي)
طب دا اقوله ايه لما ابقى مراته من امبارح بس ويجي دلوقتي يتكلم عن بنت عمي ويقولي خطيبتي وانا شكلي ايه دلوقتي وانا متجوزه خطيب بنت عمي انفعلت بصراحه وقولتله انت عايز مني ايه بالظبط ..بصلي بغموض وقالي عايز كتير ..خفت منه وقولتله وانا عايزه امشي من هنا وفعلا قومنا ومشينا وانا طول الطريق عماله افكر في كل كلامه وافعاله ومش فاهمه اي حاجه
♡■♡■♡■♡■♡
وصلنا القصر ولقيت ست كبيره قاعده جوا القصر اول مرة اشوفها وكان في شبه كبير بينهم وهو قرب منها وابتسم وقلها (حمدلله علي السلامه يا امي) ابتسمتله وبصتلي وقالتله هي دي مراتك ..ابتسم بسعاده وقرب مني وضمني كدا قدمها وقالها (اه هي دي داليدا الا خطفت قلبي)
ابتسمت والدته وقالت (زي القمر مراتك يا يا يوسف)
احممم يوسف مييين😭 هي قالت يوسف صح قاالت يوسف .. طبعا بصتله وقولتله يوسف ميين ..ابتسم وعينه علي والدته واتكلم بصوت منخفض
ياسين: انا يوسف
بعدت ايده عني وانفعلت وقولتله انت هتجننيييي انت يوسف ازاي
غمزلي بطرف عينه وهو بيبص لولدته وقالي حبيبتي انتي اعصابك تعبانه تعالي اوضتنا ارتاحي شويه ..وروحت معاه واول ما دخلت الاوضه كنت ناويه اصرخ فيه واطلع كل غضبي لكن هو ماشاءالله عليه مادنيش فرصه واول ما دخلنا الاوضه لقيت صوته اتغير ونظرته وطريقته وكل حاجه وقالي بانفعال (صوتك مايعلاش تاني انتي فاهمه)
بصتله بصدمه ورعب وقولتله انت مين ..انفعل اكتر واتكلم بعصبيه وقالي (بطلي تسألي انا مين قولتلك ان انا انسان عادي انا انسان افهمي بقى وبطلي تخافي مني )
هزيت راسي بخوف ..بصلي بغضب وقالي انا هنزل اتكلم مع امي شويه ومش عايز اسمع صوتك وخرج فعلا وانا قعدت مكاني بتعب ومش فاهمه ايه كل الا بيحصل معايا دا وازاي هو بيتغير بسرعه كدا وبيبقى شخصين جوا شخص واحد ..بجد انا هتجنن خلاص ومش فاهمه حاجه ومش فاهمه هو عايز مني ايه وفضلت افكر في كل تصرفاته الغريبه دي
**********
بعد وقت طويل لقيته دخل الاوضه ومش بيتكلم ولا بيقول اي حاجه وانا كنت قاعده علي السرير وهو ولا كأنه شايفني وخد لبس ليه ودخل الحمام وبعد 10 دقايق خرج وهو مغير هدومه وجه على السرير ولقيته بينام وبيقرب مني وحط راسه علي رجلي زي الطفل الصغير وهو مغمض عينه وبيتنهد بتعب ..بصراحه انا استغربت وكنت ببصله بدهشه بس كنت ساكته ومش بتكلم وبعد دقايق انتظمت انفاسه وحسيت انه نام فعلا ولقيت نفسي بركز في ملامحه القريبه مني اكتر وسرحت في وسامته الا تشد اي حد وفضلت ابصله وانا حسه ان بتتخلق جوايا مشاعر جديده له وحطيت ايدي علي شعره ..بصراحه كان نفسي المسه اوي مش عارفه ليه وبعدين نزلت بإيدي علي ملامح وشه واول مالمست بشرته بجد حسيت برعشه جوايا واحساس في قلبي غريب أول مرة احسه وفجأه فتح عينه وبصلي اتخضيت وشلت ايدي بسرعه لقيته ابتسملي ومسك ايدي وقربها من شفايفه الدفيه وقبلها برقه وقالي ماتخفيش انتي اغلى حاجه في حياتي..
رواية الجمال جمال الروح الحلقة الخامسة والسادسه والسابعه والثامنه والتاسعه بقلم الكاتبه ملك إبراهيم حصريه وجديده
بصتله وانا مش فاهمه اي حاجه بس كنت متلخبطه اوي حتى مشاعري مابقتش فاهمها حسه ان خايفه منه ومطمنه معاه ، عايزه اهرب وابعد عنه ومش عايزاه يبعد عن عيني لحظه ..بجد بقيت متلخبطه ومش عارفه اعمل ايه ..وعشان كدا سألته بهدوء وقولتله ( انت مين ؟!! يوسف ولا ياسين )
فضل يبصلي شويه وبعدين قالي (انتي جميله أوي يا داليدا وجمال روحك خطف روحي)
بجد كلامه بيدخل قلبي وبحس بسعاده وانا بسمع صوته بس نفسي افهم انا عايشه مع مين وسألته تاني انت مين ..لقيته قام وقعد قصادي علي السرير وقالي ( انا الاتنين يا داليدا جسم ياسين جواه روح يوسف)
طب افهم انا ايه دلوقتي من الجنان دا وطبعا سألته وقولتله ( طب انا مرات مين فيكم دلوقتي انا مرات يوسف ولا مرات ياسين )
ضحك وقالي مرات الاتنين
نهارك اسود دا هيوديني في داهيه يعني انا دلوقتي متجوزه اتنييين😭
♡■♡■♡■♡■♡■♡
والله ياسين و يوسف دا دمه عسل الله يكون في عونك يا داليدا😂😂
#الحلقة_السادسة
#رواية_الجمال_جمال_الروح
#بقلمي_ملك_إبراهيم
بجد كلامه بيدخل قلبي وبحس بسعاده وانا بسمع صوته بس نفسي افهم انا عايشه مع مين ..لقيته قام وقعد قصادي علي السرير وقالي ( انا الاتنين يا داليدا جسم يوسف جواه روح ياسين )
طب افهم انا ايه دلوقتي من الجنان دا وطبعا سألته وقولتله ( طب انا مرات مين فيكم دلوقتي انا مرات يوسف ولا مرات ياسين )
ضحك وقالي مرات الاتنين
نهارك اسود دا هيوديني في داهيه يعني انا دلوقتي متجوزه اتنييين😭 ..طبعا صرخت فيه وقولتله ( انت هتجنني ولا ايه يعني ايه انا مرات الاتنين )
فضل يبصلي ويضحك ويقولي عادي ..رديت عليه بغضب وقولتله هو ايه الا عادي دا انت كدا هتوديني في داهيه ازاي ابقى متجوزه اتنين ..رد عليا ببساطه وقالي ماتقلقيش محدش هيعرف ان انتي متجوزه اتنين
لحظه كدا بقى انا المفروض اعمل ايه دلوقتي اعيط ولا اصوت بس مش كفايه ..انا لازم اعمل حاجه اكبر من كدا دا جنني والله جنني خلاص ..فضل يبصلي وانا بكلم نفسي ويضحك وانا اتعصب واصرخ فيه واقوله انت بتضحك علي ايه ضحك اكتر وقالي انتي جميلة اوي....
لحظه كدا هو قال ايه ...احمم ايه دا انا اتكسفت اوي هو ازاي كدا بيقدر بكلمه يتحكم في مشاعري ونظرته دي بجد انا حسه بخجل اوي من نظراته دي وحسه ان عينه بتتكلم وبتقولي كلام حلو وجواه مشاعر صادقه وفي اللحظه دي لقيته من غير اي مقدمات قرب مني وفي اقل من اللحظه كانت شفايفه لمسه شفايفي وبجد انا اتصدمت واتجمدت بين ايديه ومش مصدقه الا هو بيعمله دا انا اول مرة حد يعمل معايا كدا وكنت برتعش وهو بيتعمق اكتر في قبلته وانا جسمي كله متجمد وبعد لحظات بعد عني وابتسم ابتسامه جميله اوي وانا كنت ببصله وانا مصدومه ومش مصدقه الا هو عمله دا ..فضل يبصلي ومنتظر مني اي رد فعل وانا ببصله ومصدومه ومش مصدقه الا حصل وبعد لحظات من الصدمه قولتله وانا مصدومه( ااانت عملت ايه ) ..قرب مني ومن شفايفي تاني وهو بيقولي (عملت كدا) وشفايفه لمست شفايفي تاني للحظات وبعد عني بعدها ..بجد انا مش مصدقه الا هو عمله دا ..هو فعلا عمل حاجات كتير صدمتني بس المرة دي الصدمه اكبر وحاولت اسيطر علي نفسي وبصراحه خوفت اسأله تاني انت عملت ايه عشان مايكررهاش تاني ولقيته بيبتسم وبيقولي ( بحبك )
رواية الجمال جمال الروح الحلقة الخامسة والسادسه والسابعه والثامنه والتاسعه بقلم الكاتبه ملك إبراهيم حصريه وجديده
مش قادرة اوصف انا حسه بإيه دلوقتي بعد ماسمعت الكلمه دي منه ومع نظرته الا بتسحر دي وصوته المميزه الرقيق بجد هو حلو اوي وعيونه وشعره كل حاجه فيه تسحر اي بنت ودا اكتر شئ كان مخوفني يعني هو راجل بكل مواصفاته دي ومركزه ووضعه ووسامته واه من وسامته الا تخطف قلب اجمل بنت في العالم وانا للاسف مش اجمل بنت في العالم ودا اكتر شئ شغل بالي دلوقتي وهو ليه انا اشمعنا انا وبصتله وسألته بل بفكر فيه وقولتله ( ليه انا من بين بنات العالم دا كله ) ابتسم و رد ببساطه وقالي ( لانك خطفتي قلبي من اول نظره ودا مقدروش يعملوه بنات العالم دا كله ) رديت عليه بغيره وقولتله ( وانت عرفت كام واحده بقى ان شاءالله من بنات العالم كله ) ..ضحك وقالي (بتعرفي تعدي لحد كام)
نععععم يعني ايه بعرف اعد لحد كام دا شكله عرف بنات كتير قبلي وممكن يكون اتجوزهم بنفس الطريقه الا اتجوزني بيها وشكلي كدا هطلع الزوجه 13 لاء 13 ايه دا اكيد اكتر من كدا بكتير وفكرت وقولت أسأله وقولتله ( وكلهم بقى كانوا حلوين ولا ايه يعني اكيد كانوا ملكات جمال مش بنات عاديه زيي)
رد بمنتهى البساطه وقالي( ومين قالك ان انتي مش ملكة جمال ..انتي اجمل بنت شافتها عنيا + ان الجمال جمال الروح وهو دا الا بيعيش ويدوم )
حسيت وقتها بسعاده كبيره من كلامه دا وبجد خجلت منه ولقيته وقف وقالي انا نازل تحت هعمل كام مكالمه تبع الشغل عشان مسافر بكره
ايييه مسافر ازاي !!! ...طبعا اتفجأت جدا وقولتله مسافر امتي وازاي وليه ..رد عليا بجمود وكأنه شخص تاني غير الا كان بيتكلم معايا دلوقتي وقالي ( مسافر بكره في شغل ) ..سألته هتيجي امتى قالي ( السفر هيكون لمدة يوم واحد بس يعني هسافر بكره الصبح وارجع بالليل او تاني يوم الصبح ) ..وقفت وقربت منه واتكلمت معاه برجاء
داليدا: طب ممكن اروح اليوم دا عند بابا وماما اصلهم وحشوني اوي
بصلي بصمت كدا للحظات وبعدين اتكلم بجمود وقالي ( ممكن بس بشرط ) ..طبعا قولتله موافقه علي اي شرط بس اشوف بابا وماما) .. خد نفس عميق وقالي الشرط ان انا هوصلك هناك لحد البيت وماتخرجيش من البيت غير لما ارجع اخدك يعني ماتخرجيش من البيت هناك نهائي) ..طبعا قولتله موافقه وانا مش عايزه غير ان اشوف بابا وماما ) ..هز راسه وقالي اتفقنا ) وخرج من الاوضه ونزل علي تحت علي طول وانا وقفت شويه وبعدين خرجت من الاوضه ولقيت والدته داخله اوضتها قربت منها وانا متوتره جدا لكن ابتسامتها طمنتني وقالتلي (تعالي يا داليدا)
دخلت معاها اوضتها وقربت منها وانا بصراحه مش عارفه اقول ايه ولقيتها بتحط ايدها علي شعري وبتقولي انتي فعلا جميله اوي يا داليدا
بجد العيلة دي كلامهم بيدخل قلبي بطريقه ماتتوصفش ..بصتلها وقولتلها انا عايزه اسأل حضرتك علي حاجه ممكن..
ابتسمت وقالت اكيد طبعا اتفضلي يا حبيبتي انا سمعاكي .. اتكلمت بهدوء وقولتلها
داليدا: هو ابن حضرتك اسمه ايه
ابتسمت وقالت مين فيهم
فتحت عيني بصدمه وقولتلها ( هو حضرتك عندك اولاد كتير
رواية الجمال جمال الروح الحلقة الخامسة والسادسه والسابعه والثامنه والتاسعه بقلم الكاتبه ملك إبراهيم حصريه وجديده
ردت بابتسامه وقالت عندي ولدين ..قولتلها طب انا بسأل عن جوزي اسمه ايه ..ضحكت وقالتلي هو المجنون دا مش معرفك اسمه ايه
هزيت راسي ب لا وقولتلها هو مجنني معاه لدرجة ان فكرت انه عفريت
ضحكت اكتر وقالتلي معلش يا حبيبتي هو مش عايز يشغلك تفكيرك بمشاكلنا بس ..رديت عليها وقولتلها ( بس انا من حقي اعرف انا متجوزه مين ) اكدت علي كلامي وقالتلي طبعا حقك وفعلا لازم تعرفي اسم جوزك
بصتلها بأمل وسألتها
داليدا : طب ممكن حضرتك تقوليلي ايه حكاية يوسف وياسين
ابتسمت وقالت ( يوسف وياسين اولادي التوأم ) طبعا اتفجأت جدا ..بقى جوزي ليه اخ توأم بس برضه انا عايزه اعرف انا متجوزه مين فيهم وسألتها بهدوء
داليدا : طب هو انا متجوزه مين فيهم
ضحكت وقالتلي (انتي متجوزه المجنون الا فيهم) طبعا ابتسمت وقولتلها دي حاجه انا متأكده منها بس برضه عايزه اعرف اسم جوزي ايه
ضحكت وقالتلي بدهشه ( انتي بتتكلمي بجد بقى المجنون لحد دلوقتي مش معرف مراته هو مين)
قولتلها والله مجنني ومش عايز يقول
ضحكت بقوة علي جنون ابنها وقالتلي ( ياحبيبتي انتي متجوزه يوسف ) طبعا انا فرحت ان اخيرا عرفت جوزي مين فيهم وسألتها ( وياسين ابن حضرتك التاني فين ) بدأت الدموع تنزل من عنيها وحالتها اتغيرت للحزن الشديد وانا قولتلها خلاص يا ماما اهدي انا اسفه مش هسأل تاني ابتسمت بحزن ودموعها مغرقه وشها وقالتلي معلش حبيبتي ممكن تسبيني لوحدي شويه ..قولتلها طبعا بس ممكن تسمحيلي ابقى ارجع اطمن عليكي تاني ..هزت راسها وقالتلي طبعا يا حبيبتي انتي بنتي دلوقتي
وقفت وخرجت من عندها وانا حزينه علي حالتها دي وبفكر ياتري ايه الا حصل لأبنها عشان تبقى حزينه كدا معقول يكون مات......ممكن بس ليه يوسف قال انه ياسين اكيد في سر وهيظهر مع الايام بس المهم ان انا عرفت انا دلوقتي مرات مين ( يوسف مهران ) ماشي يا يوسف
♡■♡■♡■♡■♡■♡■♡■
واخيرااااا عرفتوا مين الشبح دا وطلع يوسف مش ياسين تفاعل حلو بقى عشان تعرفوا باقي الاحداث👏👏😂
#الحلقة_السابعة
#رواية_الجمال_جمال_الروح
#بقلمي_ملك_إبراهيم
وقفت وخرجت من عندها وانا حزينه علي حالتها دي وبفكر ياتري ايه الا حصل لأبنها عشان تبقى حزينه كدا معقول يكون مات......ممكن بس ليه يوسف قال انه ياسين اكيد في سر وهيظهر مع الايام بس المهم ان انا عرفت انا دلوقتي مرات مين ( يوسف مهران ) ماشي يا يوسف
ودخلت اوضتنا وفضلت منتظراه اكتر من ساعتين لحد مانمت وانا قاعده وصحيت علي ايد بتشلني وبيحطني علي السرير بحنيه فتحت عيني لقيته بيبصلي بعشق وبيحط ايده علي شعري وبيقولي نامي يا حبيبتي انا معاكي ابتسمتله ونمت وانا حسه بالامان وهو جنبي
وصحيت الصبح علي نور الشمس مالي الاوضه وفتحت عنيا بصعوبه ولقيته واقف وبيكمل لبسه قدام المرايه وبيحط من البرفان بتاعه الا يجنن ..غمضت عيني وانا بستمتع بريحة برفانه الا ملت الاوضه وبعد لحظات فتحت عيني علي لمسة شفايفه لشفايفي برقه وهو بيبتسم وبيقولي صباح الخير .. رديت عليه بخجل وكنت محروجه من نظراته اوي لانه كان بيبصلي بطريقه حلوه اوي وضحكته يا الله علي ضحكته الا بتسحرني دي....
قولتله انت جاهز من بدري ليه ..قالي مش بدري ولا حاجه انا لازم امشي دلوقتي ..وقفت من علي السرير بسرعه وقولتله استنى هلبس بسرعه واجي معاك توديني عند ماما..وفعلا في اقل من دقيقتين كنت جاهزه واخدني وخرجنا من القصر في اتجاه بيت بابا وطول الطريق ماكنش بيتكلم نهائي وانا كمان مرضتش اعرفه ان انا عرفت ان هو يوسف مش ياسين ووصلنا قدام بيت بابا واخيرا اتكلم اول ما وصلنا وقالي خلي بالك من نفسك وياريت ماتزعليش مني ..
رواية الجمال جمال الروح الحلقة الخامسة والسادسه والسابعه والثامنه والتاسعه بقلم الكاتبه ملك إبراهيم حصريه وجديده
بصراحه كنت مستغربه طريقته وهو بيتكلم و رديت عليه وقولتله وانت كمان خلي بالك من نفسك وان شاءالله ترجع بالسلامه ..ابتسم وقالي بجد عايزاني ارجع بالسلامه ولا بتقولي يارب مايرجعش تاني
بصتله و رديت عليه علي طول
داليدا: اظن ان انت بتقرأ افكاري واكيد عارف انا بفكر في ايه وعايزه اقول ايه ..
وسبته وخرجت من العربيه ووقفت وانا ببصله ومش عيزاه يبعد عن عيني ابتسملي وخرج هو كمان من العربيه ووقف قدامي وقالي ( هتوحشيني ) ..بجد الكلمه دي هزت كياني وكان نفسي اقرب منه واضمه بس بصراحه اتكسفت ولقيته هو قرب وضمني وقالي ( انا جوزك ومن حقك تضميني في اي وقت واي مكان ) ..غمضت عيني جوا حضنه وانا بجد مش عيزاه يبعد عني ..لكن للأسف بعد عني وقالي اطلعي يلا وخلى بالك من نفسك
طلعت وانا مش عايزه ابعد عنه وفضل واقف لحد ماطلعت واطمن عليا وبعدين ركب عربيته وراح للمطار
وقفت قدام شقتنا وانا حزينه ان مش هشوفه لمدة يوم وخبطت وماما فتحتلي وهي مش مصدقه ان انا رجعت وضمتني بسعاده وفرحه كبيره وطبعا فضلت تسألني اسأله كتير جدا عني وعنه وعامل معايا ايه وبيعاملني ازاي ووسط كلام ماما قالت حاجه وجعت قلبي
ماما: دا باباكي من وقت ماروحتي بيت جوزك وهو تعبان ومش بيخرج من اوضته
بصيت لماما بصدمه وسألتها ليه
ماما: حاسس بالذنب من نحيتك انه جوزك غصب عنك ومن غير موافقتك
داليدا: بس انا موافقه علي الجواز يا ماما وسعيده جدا معاه
طبعا وانا بتكلم مع ماما ماقدرتش اقولها اي حاجه تخص اسم يوسف ودخلت ل بابا ولقيته نايم بتعب قربت منه وحطيت ايدي علي ايده وقولتله الف سلامه عليك يا حبيبي اطمن انا كويسه
فتح بابا عينه وكان فرحان جدا انه شافني وقالي حبيبتي انا اسف
قولتله ماتعتذرش يا بابا انا مبسوطه جدا مع جوزي اطمن
اتكلمت ماما وقالتلي وهو فين جوزك يا داليدا نفسي اشوفه هو شكله ايه
ابتسمت وقولتلها هو سافر النهارده ياماما في شغل وانا طلبت منه اجي اقضي اليوم معاكم هنا
فرحت ماما جدا وقالتلي كويس اوي ان انتي جيتي لان خطوبة بنت عمك النهارده
نعععم هي ماما قالت خطوبة مييين ..بصيت لماما بصدمه وقولتلها خطوبة بنت عمي مين ..ضحكت وقالتلي هو انتي ليكي كام بنت عم ..قولتلها طب هي اتخطبت لمين
ماما بدهشه: هو مش انتي شوفتي عريسها انتي نسيتي ولا ايه
طبعا اتصدمت وقولت مش معقول يكون كان بيضحك عليا وقال انه مسافر و الحقيقه ان النهارده خطوبته هو وبنت عمي وبصيت لماما وسألتها هو عريس بنت عمي اسمه ايه ..ضحكت ماما وقالت معرفش انا حتى لسه ماشوفتوش زي ما لسه ماشوفتش جوز بنتي ولا اعرف شكله ايه
بصيت ل بابا وسألته
داليدا: بابا انت شوفت خطيب سهر بنت عمي
هز بابا راسه ب لا وقالي انه لسه ماشافوش وانه مش هيقدر يحضر حفلة الخطوبه لانه تعبان ..بصيت قدامي وانا مش مصدقه انه ممكن يعمل فيا كدا ويحطني في الموقف دا لما يبقى جوزي ويروح يخطب بنت عمي وحاولت ماما تقنع بابا انه يحضر حفلة الخطوبه بس بابا كان فعلا تعبان وقالها خدي داليدا وروحوا انتم وانا هكلم اخويا اعتذرله لاني تعبان بجد ..بصتلي ماما وسألتني ايه رأيك يا داليدا هتيجي معايا
فضلت ابصلها وانا محتاره لان وعدته ان مش هخرج من البيت بس برضه انا لازم اروح واتأكد اذا كان هو ولا لا ..وااااه لو طلع هو العريس فعلا هسود عشته بس اشوفه ..وبصيت لماما وقولتلها طبعا جايه معاكي يا ماما دا فرح بنت عمي
*************
وعدى الوقت ببطئ وانا سرحانه وخايفه يطلع هو العريس بجد قلبي وجعني اوي ولقيت ماما بتقولي يلا اجهزي يا داليدا عشان مانتأخرش ..دخلت اوضتي استعد عشان نروح بس كنت خايفه وقلقانه اوي وعماله ادعي ربنا انه ميطلعش هو وماما جهزت هي كمان وروحنا وانا متوتره جدا واول مادخلت لقيت معازيم كتير وبنت عمي لابسه فستان جميل اوي بس كانت قاعده لوحدها وقربت منها انا وماما وسلمنا عليها وانا سألتها بتوتر
داليدا: اومال فين عريسك
ابتسمت وقالت في الطريق زمان جاي اهو جه .. وشاورت بإيديها وقالت هو دا عريسي
بصتلها بصدمه وانا خايفه الف وشي واشوفه ويطلع هو بجد مش عارفه وقتها هعمل ايه ويدوب لحظات وشميت برفانه الا انا عرفاه كويس وسمعت صوته وهو واقف ورايا وبيقول (معلش حبيبتي اتأخرت عليكي) ..صوته ايوا هو دا صوته انا عرفاه وحفظاه كويس ولفيت وشي ولقيته بيبص لبنت عمي وبيبتسملها ولا كأنه شايفني وقرب منها وضمها وحط ايده علي خصرها وهو بيبتسم لها ..طبعا كل دا حصل وانا نار بتاكل في قلبي ازاي يضم واحده غيري كدا وكمان يقولها يا حبيبتي قدامي ..وفضلت ابصله وهو ولا كأنه شايفني ولا يعرفني اصلا وكان بيتصرف عادي جدا وكأني مش موجوده وطبعا انا كنت في موقف صعب جدا مقدرش اقول انه جوزي ومقدرش اعاتبه علي اي حاجه بيعملها وكل الا قدرت اعمله ان رجعت بعيد عنهم شويه وانا عيني عليه ومصدومه وعماله اراقب كل تحركاته ، طريقته ، كلامه ، صوته ، ملامحه ، شعره كل حاجه فيه هو بس في حاجه واحده بس هي الا مش هو (روحه) دي مش روحه الا انا بحس بيها في كل مكان حواليا حتى لو هو مش موجود ببقى حسه بروحه لكن الغريب دلوقتي انه موجود بس مش حسه بروحه وضحكته ماكنتش صادقه ومن القلب زي ما بيكون معايا ..انا بجد محتاره اوي وغيرانه عليه اوي اه انا غيرانه عليه وحسه انه حقي انا ومش من حق اي واحده غيري تكون جنبه دلوقتي وعيني كانت علي ايده الا كانت علي خصر بنت عمي بجد احساس صعب اوي وفجأه لقيته بيطلع خاتم الخطوبه ومسك ايدها برقه ولبسها الخاتم وسط سعادت الكل والخاتم دا كأنه سكينه غرزت في قلبي وبصيت لإيدي وملقتش فيها اي حاجه وافتكرت اني مش لابسه اي خاتم او دبلة جواز ولا معايا اثبات يقول ان دا جوزي 😥وبدأت الدموع تنزل من عيني بصمت وقربت من ماما وقولتلها انا لازم امشي ومشيت قبل حتى ما اسمع ردها وخرجت ماما ورايا علي طول وكانت زعلانه عشان مشينا بدري
ماما: في ايه يا داليدا دي حفلة الخطوبه لسه في اولها وبعدين شوفتي عريس بنت عمك بسم الله ماشاءالله قمر ازاي دا كل الستات والبنات الا في الحفلة كانوا هياكلوه بعنيهم
رديت بانفعال: عشان ابقى اخلعلهم عنيهم ..مين يا ماما الا كانوا بيبصوله كدا
♡■♡■♡■♡■♡■♡■♡
الله يكون في عونك والله يا داليدا قلوبنا معاكي 😂 تفاعل يا قمرات عشان باقي الاحداث جامده جدا👏👏👏👏
#الحلقة_الثامنة
#رواية_الجمال_جمال_الروح
#بقلمي_ملك_إبراهيم
عيني كانت علي ايده الا كانت علي خصر بنت عمي بجد احساس صعب اوي وفجأه لقيته بيطلع خاتم الخطوبه ومسك ايدها برقه ولبسها الخاتم وسط سعادت الكل والخاتم دا كأنه سكينه غرزت في قلبي وبصيت لإيدي وملقتش فيها اي حاجه وافتكرت اني مش لابسه اي خاتم او دبلة جواز ولا معايا اثبات يقول ان دا جوزي وبدأت الدموع تنزل من عيني بصمت وقربت من ماما وقولتلها انا لازم امشي ومشيت قبل حتى ما اسمع ردها وخرجت ماما ورايا علي طول وكانت زعلانه عشان مشينا بدري
ماما: في ايه يا داليدا دي حفلة الخطوبه لسه في اولها وبعدين شوفتي عريس بنت عمك بسم الله ماشاءالله قمر ازاي دا كل الستات والبنات الا في الحفلة كانوا هياكلوه بعنيهم
رديت بانفعال: عشان ابقى اخلعلهم عنيهم ..مين يا ماما الا كانوا بيبصوله كدا
اندهشت ماما وقالتلي وانتي مالك يا داليدا وماله ..
بصراحه معرفتش ارد عليها اصل هرد اقول ايه وسكت ورجعت مع ماما البيت ودخلت علي اوضتي واترميت علي السرير وفضلت ابكي وبجد كان احساس صعب اوي لما اشوفه مع واحده تانيه ومقدرش اتكلم واقول ان انا مراته وابتسامته ونظراته وكلامه كل دا ملكي انا ازاي يكون مع واحده غيري كدا بجد قلبي وجعني اوي وكنت عايزه اصرخ واخرج غضبي بس ماكنتش قادره وفضلت ابكي وانا حسه بوجع في قلبي وكتمت صوتي بإيدي وصرخت بصوت مكتوم وانا عماله ابكي بحرقه وفجأه سمعت صوت صدمني
:::بتعيطي ليه
رفعت وشي بسرعه وبصيت قدامي بصدمه ولقيته واقف قدامي.....
هو ايوا هو... طب ازاي ..وقفت وبصتله برعب وقولتله انت ازاي دخلت هنا ) رد عليا وقالي ( ردي عليا انتي الاول بتعيطي لييه ) قولتله عياط ايه دلوقتي دا انت لو مقولتليش انت دخلت اوضتي ازاي هصوت دلوقتي ومش هيبقى عياط وبس
ضحك وقالي انا اقدر ادخل اي مكان وفي اي وقت
رديت عليه بسخريه وقولتله (ليه عفريت حضرتك ولا لسه فاهم ان حركاتك دي هتخوفني)
ابتسم بثقه وقالي (وانا مش عايز اخوفك وعشان تطمني انا دخلت من البلكون بتاع اوضتك ..قوليلي بقى بتعيطي ليه)
طبعا انا اتعصبت وقربت منه وقولتله ( تفتكر هكون بعيط ليه وانا شايفه جوزي وهو بيخطب بنت عمي عليا ايه هتتجوزنا احنا الاتنين ازااي)
ضحك وقالي ما انتي مش موافقه علي جوازنا قولت اتجوز واحده كمان
طبعا انا اتعصبت وبدون ما احس قولتله ومين قالك ان انا مش موافقه علي جوازنا
ابتسم بسعاده كبيره اوي وقرب مني وهو بيبصلي بعشق وقالي انتي بجد موافقه علي جوازنا ..بصتله وانا مندهشه من كلامي وازاي انا قولتله كدا ..بس هو كان بيضحك وفرحان اوي ان انا قولت كدا ولقيته مسك ايدي وطلع خاتم جواز وبيحطه في ايدي وبيقولي ( انا اسف كنت ناسي الموضوع دا خالص )
سحبت ايدي من بين ايديه واتعصبت عليه وقولتله وافتكرت وانت بتشتري لخطيبتك شبكتها قولت تجبلي زيها
) ..ضحك وقالي (ااه هو دا فعلا الا حصل )
طب انا اعمل ايه معاه دا بجد هيموتني ناقصه عمر وصرخت في وشه وقولتله ابعد عني مش عايز اش.........
ايه دا انا مش فاكره ايه الا حصل بعد كدا انا بجد مش فاكره اي حاجه غير وانا بصحى علي صوت ماما بعدها بساعتين وهي بتصحيني وبتقولي قومي يا حبيبتي قلقتيني عليكي
فتحت عيني بصعوبه وانا حسه بصداع رهيب وقولتلها هو ايه الا حصل يا ماما ..ابتسمت ماما وقالتلي مفيش حاجه حصلت يا حبيبتي انتي دخلتي نمتي بعد مارجعنا من خطوبة بنت عمك والسواق بتاع جوزك جه دلوقتي بره وبيقول ان جوزك بعته عشان ياخدك مع اني كان نفسي اشوف جوزك دا اوي
بصيت لماما بدهشه وانا ببص علي البلكونه وافتكرت ان يوسف كان هنا وكنا بنتكلم بس مش عارفه ازاي انا نمت وايه الا حصل معقول انا كنت بحلم......
وقفت وقولتلها معلش يا ماما اصل جوزي مشغول شويه وان شاءالله في اقرب وقت هيجي هنا عشان تشوفيه ..ابتسمت وقالتلي ان شاءالله يا حبيبتي هخرج انا بقى عشان تجهزي
وخرجت ماما وانا فضلت ابص حواليا بحيره معقول كنت بحلم اكيد كنت بحلم وروحت اغسل وشي عشان افوق شويه بس وانا بحط ايدي علي وشي حسيت بحاجه وبصيت علي ايدي ولقيت خاتم الجواز الا هو لبسهولي....وطبعا اتأكدت ان ماكنتش بحلم ويوسف كان هنا فعلا بس مش عارفه انا نمت ازاي وايه الا حصل واكيد هو عنده التفسير لكل دا وجهزت بسرعه وسلمت علي بابا وماما ومشيت ورجعت علي القصر وانا هتجن من عمايله فيا دي ودخلت وانا بدور عليه في كل مكان وطلعت اوضتنا واول ما فتحت الباب لقيته قاعد واللاب بتاعه قدامه بيشتغل عليه وكلمني وهو مركز في الا بيعمله وقالي حمدلله علي السلامه..
قربت منه و رديت عليه بغيظ وقولتله( الله يسلمك ) ورفعت ايدي الا فيها الخاتم قدام عينه وقولتله ايه رأيك...
رد عليا وهو برضه مركز في الا بيعمله وقالي ( حلو اوي يا حبيبتي بس انتي احلى برضه ) ..طبعا انا اتغظت وقفلت اللاب بتاعه بغضب وقولتله بصلي هنا وكلمني ..رفع عينه في عيني وفضل يبصلي شويه وبعدين قالي انتي عايزه ايه دلوقتي
اتعصبت اكتر وقولتله عايزه اعرف انت كنت فين النهارده يا يوسف
ابتسم وقام وقف وقالي ( دا ماما شكلها حكتلك كل حاجه ) رديت عليه بغضب وقولتله (كان المفروض انت الا تحكيلي وتعرفني انا عايشه مع مين ) رد بكل بساطه وقالي وهيفرق معاكي في ايه اذا كنت يوسف ولا ياسين ) طبعا اضيقت وقولتله ( اكيد هيفرق معايا يعني لو قسيمة الجواز فيها اسم ياسين يبقى انا مراته هو مش مراتك انت وكدا يبقى انت مش جوزي ) اتعصصصصب جداااا وكنت حسه انه هيقتلني ومسكني من دراعي بغضب وصرخ فيا وقالي ( انتي مراااتي انا ..مرات يوسف مهران وقسيمة الجواز بأسم يوسف مهران وكلمة مش جوزي دي مش عايز اسمعها منك تاني ابدا انتي فاهمه)
بصراحه صوته وانفعاله دا خوفني جدا وبقيت ابصله برعب وصرخ تاني فيا اكتر وقالي (بطلي تخافي مني مفيش حد في الدنيا دي هيخاف عليكي ولا هيحبك ادي)
بدأت الدموع تنزل من عيني وسألته وانا ببكي
داليدا: طب انت هتتجوز بنت عمي ازاي ماينفعش تتجوزنا احنا الاتنين
غمض عينه وهو بيحاول يسيطر علي غضبه وقالي ( انتي تعرفي ايه عن الجواز يا داليدا) ..طبعا انا مش عارفه هو يقصد ايه و رديت عليه وقولتله ( مش فاهمه ) ضحك بسخريه وقالي (عارف ان انتي مش فاهمه وعشان كدا عايزك تفهمي ان الجواز مش مجرد عقد زواج واتنين عايشين مع بعض تحت سقف واحد ..الجواز يا داليدا حاجات تانيه كتير انتي متعرفهاش
بصتله بغضب وقولتله (حاجات زي ايه زي ان انت عايز تخطب وتتجوز عليا بنت عمي مثلا هو دا الجواز بالنسبالك)
وقف يبصلي شويه وكنت حسه انه عايز يقول حاجه او يعمل حاجه لكن في شئ بيمنعه وخرج من الاوضة بسرعه وبدون اي كلام وانا فضلت مكاني ابكي بحزن علي حالي معاه دا وفضلت ابكي لحد ماتعبت ونمت مكاني
صحيت الصبح وفتحت عيني وانا بدور عليه وملقتش ليه اي اثر في الاوضه وقومت غيرت لبسي بسرعه ونزلت علي تحت اشوف هو فين ولقيت مامته قعدة واول ما شفتني ابتسمت وقالتلي تعالي ياحبيبتي طمنيني عليكي عامله ايه
طبعا ابتسمتلها وقولت الحمدلله ..ابتسمت وقالت الحمدلله ياحبيبتي طمنيني يوسف عامل معاكي ايه
رديت عليها بحزن وقولتلها مجنني
ضحكت من قلبها وقالتلي هو دا العادي بتاع يوسف ..قولتلها بس نفسي اعرف هو ليه بيعمل معايا كدا ليه غامض طول الوقت انا بجد تعبت معاه وحسه انه مخبي عليا حاجه
ضحكت تاني وقالتي (كان نفسي تشوفي يوسف الغامض دا من فترة قليله اوي كان عامل ازي كان واحد تاني خالص غير الا انتي شيفاه دلوقتي
بصتلها وسألتها بفضول (يعني ايه )
ضحكت وقالت يعني يوسف ابني عمره ماكان غامض ابدا وكان دايما بيضحك ويهزر وحياته كلها مليانه بالمفاجأت وكان كل يوم سفر من بلد لبلد تقدري تقولي انه لف العالم كله دا غير طبعا البنات الا كانوا ملين حياته هههه
احمم هي قالت ايه قالت البنات ملين حياته صح ايوا قالت كدا نهارك مش فايت معايا ياسي يوسف .. طبعا بصتلها بصدمه وقولتلها ( بنات ايه الا كانوا ملين حياته )
ضحكت وقالتلي (يا حبيبتي دا قبل ما يتجوزك وبعدين بصراحه وكلمة حق هما الا كانوا بيجروا وراه في كل مكان وهو يا حبيبي ماكنش بيحب يزعل حد )
لا بجد العيلة دي هيموتوني ناقصه عمر بقى هو يقولي بتعرفي تعدي لحد كام ومامته دلوقتي تقولي ماكنش بيحب يزعل حد😭
في اللحظه دي دخل واحنا بنتكلم وكانت عينه عليا وطبعا مايعرفش احنا كنا بنتكلم في ايه ولقيت مامته ضحكت من قلبها وقالت انا هطلع اوضتي اريح شويه ربنا معاك يا حبيبي )
وطلعت اوضتها وسبتهولي😈
♡■♡■♡■♡■♡■♡■♡
ياعيني عليك يا يوسف مامتك ودتك في داهيه وهربت وسابتك😂😂😂
#الحلقة_التاسعة
#رواية_الجمال_جمال_الروح
#بقلمي_ملك_إبراهيم
ضحكت وقالت يعني يوسف ابني عمره ماكان غامض ابدا وكان دايما بيضحك ويهزر وحياته كلها مليانه بالمفاجأت وكان كل يوم سفر من بلد لبلد تقدري تقولي انه لف العالم كله دا غير طبعا البنات الا كانوا ملين حياته هههه
احمم هي قالت ايه قالت البنات ملين حياته صح ايوا قالت كدا نهارك مش فايت معايا ياسي يوسف .. طبعا بصتلها بصدمه وقولتلها ( بنات ايه الا كانوا ملين حياته )
ضحكت وقالتلي (يا حبيبتي دا قبل ما يتجوزك وبعدين بصراحه وكلمة حق هما الا كانوا بيجروا وراه في كل مكان وهو يا حبيبي ماكنش بيحب يزعل حد )
لا بجد العيلة دي هيموتوني ناقصه عمر بقى هو يقولي بتعرفي تعدي لحد كام ومامته دلوقتي تقولي ماكنش بيحب يزعل حد😭
في اللحظه دي دخل واحنا بنتكلم وكانت عينه عليا وطبعا مايعرفش احنا كنا بنتكلم في ايه ولقيت مامته ضحكت من قلبها وقالت انا هطلع اوضتي اريح شويه ربنا معاك يا حبيبي )
وطلعت اوضتها وسبتهولي😈 وهو بص لولدته ومش فاهم في ايه وقرب مني وقعد جنبي من غير مايقول ايه حاجه وانا طبعا كنت بفكر اقتله في اللحظه دي بعد ماعرفت تاريخه المشرف مع البنات ولقيته قرب مني اكتر وهو قاعد جنبي وبصلي بطرف عنيه ومسك ايدي الا فيها الخاتم واتكلم بمرح ( حلو اوي الخاتم دا ) ..بصتله بغيظ وقولتله بسخريه ( تسلم ايد الا اشتراه ) ضحك وقالي فعلا تسلم ايده شكله ذوقه حلو وبيفهم
اتغظت جدا من بروده دا وقولتله بغضب ( وشكله كمان متعود يشتري الحاجات دي لان عرفت ان له معجبات كتير ) ..ضحك وقال ( هي امي مابتعرفش تستر ابدا ) ..
بصراحه انا كنت متغاظه ومضيقه جدا وغيرانه جدا جدا جدا وكنت عايزه اقوله اي حاجه تضيقه زي ما انا مضيقه وقولتله ( كويس ان مامتك قالتلي عشان اخد حذري منك لان ماكنتش فاهمه انت ازاي تخطب وانت اصلا متجوز بس طلع الموضوع عندك حاجه طبيعيه ان انت تجمع البنات حواليك )
فاجئني بضحكه بقوة وهو بيقولي ( اهدي حبيبتي وبلاش الغيره دي كلها مفيش في القلب غيرك ) ..طبعا اتغظت وكنت محروجه جدا انه لاحظ غيرتي عليه ووقفت بغضب ولقيته وقف بسرعه ومسك ايدي وقربني منه اكتر واتكلم بصدق كنت شيفاه في عنيه
يوسف: صدقيني انا عمري ما حبيت قبلك ووعد مني عمري ما هحب بعدك
بجد كلامه دخل قلبي وكنت حسه بصدقه بس الغيره كانت بتاكل في قلبي وقولتله ( وكل البنات الا عرفتهم كنت بتقولهم نفس الكلام دا ) ..ضحك وقالي (الصراحه هما الا كانوا بيقولولي)
عااااااا طب اعمل ايه معاه بجد هيجنني بصتله بغيظ وبعدت عنه وطلعت اوضتنا وانا عماله اكلم نفسي بجنون وسامعه صوت ضحكه عليا لحد ماوصلت اوضتنا واول مادخلت لقيت تليفوني بيرن برقم ماما ولقيت مكالمات كتير منها ورديت بسرعه وسمعت صوت عياطها وهي بتقولي ( الحقيني يا داليدا باباكي بيموت وانا مش عارفه اعمل ايه )
داليدا برعب: اهدي يا ماما وفهميني بابا ماله
ماما: باباكي قلبه تعبان يا داليدا وهيموت مني الحقيني
اتصدمت من كلام ماما وكنت هموت من الرعب علي بابا والدموع كانت بتنزل من عنيا وانا مش حسه بنفسي وخرجت من الاوضه بسرعه ونزلت علي تحت ولقيته واقف قدامي وبيبصلي بصدمه واتكلم بقلق
يوسف: حبيبتي مالك ايه الا حصل
داليدا ببكاء: بابا يا يوسف هيموت ماما كلمتني دلوقتي وقالتلي ان قلبه تعبان اوي ولازم اروحلهم حالا ارجوك سبني اخرج
لقيته مسك ايدي وقالي انا معاكي حبيبتي ماتقلقيش واخدني من ايدي علي عربيته وخرجنا بسرعه من القصر وطلع تليفونه واتكلم مع شخص وطلب منه سيارة اسعاف مجهزه وقاله علي حاجات ضروري تكون موجوده فيها وقاله العنوان وقفل وبصلي وانا قاعده ابكي جنبه وفي وقت قصير جدا وصلنا بيت بابا وخبطت علي الباب بجنون وهو بيحاول يهديني وفتحتلنا ماما الباب وهي بتبكي وماكنتش شايفه قدامها وقالتلي الحقيني يا داليدا وانا رديت عليها ببكاء وقولتلها ماتقلقيش يا ماما الاسعاف في الطريق ولقيته اتكلم وطلب من ماما انه يشوف بابا
طبعا ماما اتصدمت لما لقت خطيب بنت عمي معايا بس ماكنش في وقت تسأل هو جه معايا ازاي وليه ودخلت معاه عند بابا وانا كمان دخلت و بابا كانت حالته صعبه جدا وانا وماما وقفنا نبكي جنب بعض ولقيت يوسف قرب من بابا وكان تقريبا بيكشف عليه بس هيكشف عليه ازاي وهو اصلا مش دكتور اكيد هو بيحاول يعمل اي حاجه لحد ماتوصل سيارة الاسعاف وبعد لحظات وصلت الاسعاف واخدوا بابا بهدوء ويوسف اتكلم معاهم وقالهم علي حاجات يعملوها لبابا جوا سيارة الاسعاف وخرج تليفونه وكلم نفس الشخص وقاله علي حاجات انا مش فهمها وعلي تجهيزات يعملوها وكمان يجهزوا غرفة العمليات وقاله
يوسف: كل حاجه تكون جاهزه وانا جاي في الطريق وهنعمل العمليه حالا
بصتله بخوف وقربت منه وقولتله وانا ببكي ( يوسف هو في بابا فيه ايه ) ..ابتسملي بهدوء ومسح دموعي وقالي بحنيه ( حبيبتي باباكي هيبقى كويس ان شاءالله ماتقلقيش ) واخدني انا وماما بعربيته واحنا بنبكي بخوف ووصلنا المستشفى واول ما دخلنا المستشفى لقيت مدير المستشفى في استقبالنا بترحاب شديد وهو بيرحب بيوسف بطريقه غريبه وكأن وجود يوسف عندهم شرف كبير للمستشفى وحلم كبير اتحقق ليهم وانا بصراحه ماكنتش مهتمه بكل دا وقولت هو بيعمل كدا واكيد فاكر ان يوسف هو (ياسين مهران ) واتكلم مدير المستشفى بسعاده وعرفه ان كل الا طلبه جاهز وغرفة العمليات مجهزه زي ماطلب بالظبط
هز يوسف راسه بتأكيد وقرب مني وابتسملي بهدوء وحط ايده علي خدي وقالي بحنيه ( اطمني ) وسابني ومشى مع مدير المستشفى
طبعا ماما كانت مذهوله من الا بيحصل بيني وبين خطيب بنت عمي قدامها دا بس ماكنتش في حالة تسمح انها تسأل او تتكلم وكان كل الا شاغل بالها هو بابا وكانت عماله تدعيله وتطلب من ربنا يشفيه وهي بتبكي .. وقفنا قدام غرفة العمليات وقت طويل جدا ويوسف كان معاهم جوا غرفة العمليات وانا كنت هتجن ونفسي اعرف ايه الا بيحصل جوه كل الوقت دا بس بصراحه انا كنت مطمنه وكلمة يوسف وهو بيقولي ( اطمني ) كانت فعلا مطمناني لان مجرد وجوده جنبي بقى فعلا بيطمني وقربت من ماما واحنا بنبكي بحزن احنا الاتنين وبعد اقل من ساعه كمان من الانتظار لقيته خارج من غرفة العمليات ومعاه مدير المستشفى وحواليه اطباء كبار وعمالين يتكلموا عن سعادتهم بوجوده وبالشرف الكبير بمجرد حضورهم معاه عمليه كبيره زي دي وكان بيبصلي وعينه معايا وهو بيرد عليهم ويشكرهم وقربت منه عشان اطمن علي بابا وسمعت اخر حاجه قالهاله مدير المستشفى قبل ما يمشي
مدير المستشفى: مبروك نجاح العمليه انا بجد سعيد جدا يا دكتور يوسف ودا شرف كبير للمستشفى عندي انا اكبر جراح قلب في العالم يعمل عندي عمليه كبيره وخطيره زي دي بجد مجرد انتشار الخبر هيرفع اسم المستشفى بتاعي في السما
♡■♡■♡■♡■♡■♡■♡■♡
ايه دا هو طلع دكتور😳وادي مفاجأه تاني يا داليدا😭 مع يوسف مهران مش هتقدر تغمض عنيك😂😂😂
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الخامسه حتى الحلقه التاسعه من هنا
الحلقه العاشره والحادية عشر من هنا
❤️🌹🌺💙❤️🌹🌺💙❤️🌹🌺💙❤️🌺🌹💙❤️🌹