رواية سكوت هنصور الفصل الاول والتاني والتالت والرابع والخامس بقلم داليا سليمان حصريه وجديده علي مدونة نجوم ساطعه
رواية سكوت هنصور الفصل الاول والتاني والتالت والرابع والخامس بقلم داليا سليمان حصريه وجديده علي مدونة نجوم ساطعه
الاول
استيقظ طارق من نومه و يدخل الحمام و يأخذ حمام ساخن و ينظر لنفسه فى المرآة بعد الانتهاء و يرفع شعره لأعلى و ينظر لنفسه بغرور و بيدل ملابسه و يتناول فطار سريع
طارق احمد علاء 30 عام ممثل مشهور و مغرور طويل القامة ابيض الوجه و شعره بنى اللون و قوى البنية
يخرج من منزله و يتجه الى مكتب المنتج المعروف حسنى ثابت
....
فى مكتب حسنى ثابت
حسنى: اهلا اهلا يا نجم اتفضل
جلس طارق بفخر أمامه و يجلس أمامه مؤلف المسلسل فاروق داغر
حسنى: تشرب ايه
طارق: اى عصير
يطلب حسنى من المساعدة الخاصة به العصير و تخرج من المكتب
فاروق: عاجبك المسلسل يا طارق
طارق: اة حلو اوى بس عايز اعرف مين معايا
فاروق: هيبقى معاك الدور النسائى نسمة شتا
طارق: حلو نسمة شاطرة اوى و محبوبة
فاروق: و معاك حاتم فريد و تامر ثروت دول اللى اتفقنا معاهم و مناسبين للدور
حسنى:وكمان المخرجة موافقة عليكم و شايفاكم لايقين
طارق بتعجب: مخرجة ايه دى
حسنى: مخرجة جديدة دة اول عمل ليها فى الوسط الفنى
طارق بغضب: و أنتم ازاى عايزينى اشتغل مع مخرجة جديدة و يا عالم هتنجح ولا لا و لو العمل فشل اسمى و تاريخى ينهاروا بسببها
ابتلع فاروق ريقه و كذلك حسنى و ينفتح الباب و تدخل مخرجة العمل و ينظر لها طارق بعدم فهم
طارق: انتى مين و ازاى تدخلى علينا كدة
شهد: انا المخرجة اللى هتخلى تاريخك ينهار يا نجم
رفع طارق حاجبه
حسنى: شهد محسن المخرجة يا طارق
طارق:بقى حتة الفسلة دى هى اللى هتخرج المسلسل انتم بتهرجوا اكيد
شهد: احترم نفسك يا نجم و متعملش نجم عليا انا بالذات لأن بإشارة منى ارفعك او انزلك
طارق: انتى بتهددينى طب ايه رأيك بقى انى مش شغال معاكى فى المسلسل
شهد: يكون أحسن برضه مع السلامة
تفاجأ طارق من ردة فعلها و ترك المكتب غاضبا
حسنى: انا آسف يا شهد انا مكنتش اعرف انه هيتصرف كدة
صمتت شهد و تحدث فاروق: لو تحبى اكلمه بهدوء اقنعه يعمل المسلسل
شهد: لو اشتغلنا مع بعض هنعمل مشاكل كل شوية و انا مش عايزة ابقى متوترة بالذات ان دة اول عمل ليا
حسنى: بس بصراحة برافو عليكى اللى عملتيه معاه دى اول مرة واحدة تعمل فيه كدة
شهد: يستاهل انا مش عارفة ايه العنتظة الكدابة بتاعته دى
فاروق:طب اهدى و روقى كدة
شهد محسن 24 عام فتاة جمال وجهها بسيط و ترتدى الحجاب قصيرة القامة بالمقارنة بطارق
....
فى إحدى الكافيهات
يجلس طارق غاضبا مع صديقه الممثل حاتم فريد
حاتم: انا بصراحة شايف انك مكبر الموضوع يا طارق
طارق: نعم
حاتم: اسمعنى للأخر و انت هتفهم قصدى
طارق:وهو ايه قصدك يا فيلسوف عصرك و زمانك
حاتم: هبلعها المرادى منك ... فيه نجوم كبار اوى بيتشغلوا مع مخرجين جداد و العمل بينجح سواء رجالة او ستات زى مسلسل منعطف خطر مثلا و المسلسل نجح و مكسر الدنيا و مستنيين الجزء التانى بتاعه و كمان انت مش خسران حاجة جرب و لو معجبكش امشى
طارق:دى قليلة الأدب و متربتش شكلها هتعمل مخرجة عليا بنت امبارح
حاتم: اسمع منى و كمان لو الصحافة عرفت انك رفضت دورك بسبب مخرجة جديدة هيغلطوك انت و هتدخل فى دوامة مش طويلة مش هتخلص
فكر طارق فى كلام حاتم
طارق: البت دى انا حطيتها فى دماغى و تبقى تشوف هعمل معاها ايه
حاتم: اة وانت لما بتحط حد فى دماغك بتقرفوا
طارق: هخليها تكره عشيتها
....
فى منزل شهد
تدخل شهد المنزل و تقبل والدتها
شهد: ازيك يا ماما عاملة ايه
عايدة: الحمدلله يا نور عينى قوليلى عملتى ايه النهاردة
شهد: زفت
عايدة: اعوذ بالله ليه كدة
قصت شهد ما حدث لوالدتها
عايدة: اتجنن دة ولا ايه
شهد: لا و كمان وافق بعد ما اتحايلوا عليه
عايدة: وانتى عملتى ايه
شهد: ولا حاجة متحايلتش عليه طبعا
عايدة: براوة عليكى يا بنت بطنى بس هتعملى ايه معاه
شهد: هخلى أيامه سودة معايا و يانا يا هو
ونظرت لوالدتها: اومال فين ريم
عايدة: لسة مجتش من المدرسة هتيجى كمان ساعة
شهد: تمام انا هقوم آخد دش
عايدة: هتبدأى امتى تصوير
شهد: يوم السبت ان شاء الله بعد بكرة
عايدة: ربنا يكرمك يابنتى قادر يا كريم
شهد: ايوة يا ماما ادعيلى بالله عليكى
عايدة: طول مانا راضية عنك هتشوفى الخير
شهد: ومن امتى مكنتيش راضية عنى
عايدة: هى بتتقال كدة
ضحكت شهد و دخلت غرفتها
....
فى منزل طارق
كان طارق يشاهد فيلمه الاخير معجزة الكهف بفخر وحماس و أتت صورة شهد فى عقله و تعكر مزاجه
طارق: يا انا يانتى يا اللى شبه عقلة الاصبع
....
2
تأتى ريم وتجلس بجانب شهد فى غرفتها
شهد: عاملة ايه يا ريما
ريم: الحمدلله تمام اليوم كان متعب اوى
شهد: شدى حيلك عشان تنتهى من السنة المعقدة دى
ريم: متقلقيش على اختك قدها بعون الله
كانت ريم قريبة من شهد و هى فى الثانوية العامة شعبة الأدبية
ريم: صحيح طارق علاء طول لسانه عليكى
شهد: اة بس انا عملته الأدب و لسة هوريه ايام اسود من الأيام السودة اللى عاشها
ريم: صحيح مقولتليش اسم المسلسل ايه وقصته ايه
شهد: اسمه ضمائر الشياطين بيتكلم عن اربع اصدقاء 3 ولاد و بنت بيتحطوا فى مواقف صعبة و تنكشف خباياهم اللى كانت مخفية عن بعض
ريم: شوقتينى يا شهد
شهد: هينزل فى رمضان استنى شوية اتقلى
ريم: يا مسهل هسيبك و اقوم اذاكر شوية
شهد: تمام يا ريما
.....
بعد مرور أيام أتى يوم التصوير
شهد: عايدة انا نازلة عايزة حاجة منى
عايدة: اة تعالى معايا
اتجهت شهد مع والدتها للشقة التى تقع أمامهم
شهد: جايبانى هنا ليه يا ماما
عايدة: اشتريت الشقة من جارتنا منى قبل ماتمشى و كتبتها بإسمك
شهد: بإسمى
عايدة: اة الشقة دى بقت مكتبك يا مخرجة
ابتسمت شهد و عانقت والدتها بحب: شكرا يا عايدة
عايدة: ارفعى رأسك و رأسى يا شهد
شهد: حاضر بعد اذنك
....
فى مكان التصوير
كان طارق يجلس مع زملائه فى المسلسل و تأتى شهد
شهد: السلام عليكم
طارق بسخرية: عقلة الاصبع جت
و ضحك بصوت مرتفع
شهد:طب ما تقولى وصفة تطولنى زى لسانك كدة
صدم طارق و الجميع من رد فعل شهد و قام طارق بعصبية
طارق: انتى قليلة الأدب و انا هعرف اربيكى
شهد: اللى عندك اعمله انا مش بخاف من حد غير من ربنا اللى خالقنا كلنا
حاتم: صلوا على النبى يا جماعة اهدوا شوية
شهد: عليه افضل الصلاة والسلام
أكملت: ان شاء الله هنبدأ تصوير الساعة 9 بعد اذنكم
تركتهم شهد و ركل طارق الكرسى الذى كان يجلس عليه
نسمة: انت كنت اوفر معاها يا طارق
و اتجهت نسمة تجاه شهد
طارق: هربيكى يا عقلة الاصبع
...
كانت شهد تشرف على الطاقم العمل التابع لها و تأتى نسمة لها
نسمة: شهد
ابتسمت شهد: نعم
نسمة: متزعليش من اللى حصل
هزت شهد رأسها و تحدثت نسمة بحماس: انا مبسوطة انى هشتغل معاكى انتى ليكى مستقبل باهر انا عرفت انك كنتى مساعد مخرج مع المخرج العظيم اسماعيل طه بصراحة انا مبسوطة بيكى
شهد: يا رب اكون قد الثقة دى
نسمة: ان شاء الله عن اذنك عشان اجهز
شهد: اتفضلى
.....
الساعة 9 صباحا
شهد: سكوت يا أساتذا هنصور يلا كلاكيت
تجلس شهد: أكشن
كان كلا من طارق و نسمة و حاتم و تامر يجلسون يمسكون ورقة مكتوب خلفها ورقة الموت
نسمة: انا خايفة مين اللى يكون بيلعب معانا كدة
طارق: اكيد حد بيهزر معانا هزار بايخ
حاتم: الموضوع يقلق يا احمد
تامر: احنا نستنى يومين لو مبعتش حاجة يبقى لعب عيال مع انى اشك فى كدة
نسمة: هو انتم فعلا عملتوا اللى حصل فى الورقة اللى جاتلكم
صمت الثلاثة بقلق و كذلك نسمة وقامت شهد بالاتصال على الهاتف الذى يضع بجانب نسمة وقلق الأربعة
طارق: انا هتفتح الاسبيكر
فتحت شهد التسجيل المسجل
المسجل: ازيكم يا شياطين زمانكوا.. انا احب ابلغكم انى انا اللى بلعب معاكم نفس اللعبة القذرة اللى لعبتوها عليا زمان و هدفعكوا التمن غالى
و أغلقت شهد المسجل و اكملت المشهد
نسمة: طب يقول هو مين
تامر: انا تفكيري اتشل مش عارف افكر
طارق: اكيد هيتصل تانى و نعرف عايز ايه
قامت شهد: cut برافو يا جماعة
طارق: بس انا حاسس أن فيه غلط فى المشهد
شهد: افندم
طارق: حكاية التسجيل الصوت مش واصل عندنا ازاى الناس هتصدق دة
شهد: وانت شوفت ان المشهد نزل و الناس شافته
صمت طارق و اكملت: لسة احنا بنقول يا هادى و زى ما المسلسل دة بتاعك و بتاع نسمة و تامر و حاتم المسلسل برضه بتاعى وفى وشى و انا مش هخلى العمل بتاعى اى كلام
تركهم طارق و اتجه للكرفان الخاص به و جلست شهد تفكر ماذا تفعل مع هذا المغرور
3
فى كرفان طارق كان يستمع للموسيقى ليهدئ أعصابه و يفكر فى انتقام لشهد حتى وجد الحل لينتقم منها
....
فى مكان التصوير نظر طارق حوله و لم يجد أحدا و قام بتلاعب فى الكاميرات
وعاد كما كان قبل ان يشاهده أحد... أتت شهد وباقى الطاقم لتصوير المشهد التالى و كان طارق ينتظر عندما تقوم شهد بتشغيل الكاميرات
شهد: جاهزين
حاتم: انا جاهز
تامر: وانا كمان
شهد: تمام
وعندما قامت شهد بتشغيل الكاميرات انفجرت في وجهها و صرخت شهد بخوف هي و من معها و ضحك طارق عاليا و نظرت له شهد و فهمت انه السبب
طارق: مش عيب عليكى يا مخرجة يا عظيمة الكاميرا تفرع فى وشك
شهد: اة يا حيوان يا ابن
طارق: انتى اتجننتى يا زبالة انتى حشرة يابت افرمك بجزمتى متنسيش نفسك
صفعته شهد بقوة امام الجميع و نظر لها طارق بحنق
شهد: لو اهلك معرفوش يربوك فأنا اللى هربيك و مش هعدى اللى حصل دة بالساهل
و نظرت للجميع: فركش النهاردة يا أساتذا
و تركتهم و اتجهت لتركب سيارتها و ابتعدت عن المكان و أوقفت السيارة و ظلت تبكى
....
كسر طارق زهرية امامه فى المنزل
طارق: بتمد ايدها عليا الحسالة فاكرة نفسها حاجة
حاتم: انت اللى غلطان يا طارق انتى بنت فى الأول و فى الاخر و اللى بيجى على بنت بيبقى غلطان من ساسه لراسه وانت اللى بدأت معاها
طارق: هى اللى جابته لنفسها
حاتم: مفيش فايدة فيك عنيد و صوتك من دماغك حتى لما بتغلط
....
فى منزل شهد
قصت شهد ما حدث لريم
ريم: الواد دة شكله لبط لاعبيه زى ما بيلعبك و اكيد هيخسر فى الاخر و كمان ايه عقلة الاصبع دى انتى طولك عادى حد كان قاله انه يبقى طويل و شبه النخلة
ضحكت شهد رغما عنها
ريم: ايوة اضحكى كدة و اعملى زى ما بقولك اللى يلاعبك لاعبيه بس على نضيف لغاية ما يستسلم
فكرت شهد فى كلام ريم و اقتنعت بفكرتها
شهد: اللى طفحه بط بط هطلعه عليه وز وز
ريم: ايه يا عم الفرارجى ما تنتفى ريشه أحسن
شهد: غورى يابت من وشى روحى ذاكرى
ريم: ماهو دة اللى انا باخده منك فى الاخر يكش يكهربك فى سلك عريان
قذفت شهد الوسادة فى وجه ريم و غادرت ريم سريعا وجلست شهد تفكر و اتت لها مكالمة من حسنى ثابت منتج المسلسل
شهد: السلام عليكم
حسنى: وعليكم السلام انا عرفت اللى حصل النهاردة
شهد: مش دة النجم اللى انتم صممته عليه اهو عمل حركة ندالة فيا
حسنى: اهدى بس يا شهد انا جبت أحدث و اجدد الكاميرات عشان تشتغلوا بيها و خليكى فى حالك
شهد: انا الل اخلينى فى حالى
حسنى: ارجوكى
شهد: لا معلش دة كان زمان مش هو عايزها حرب انا هخليها معركة محمد على مع المماليك و هنجح بيه او من غيره
.....
فى آخر النهار كانت شهد تتابع اخبار طارق لتعرفه اكتر و شاهدت صور عديدة له و عرفت الاماكن التى يتردد عليها
شهد: انت اللى جبته لنفسك يا مغرور
فى اليوم التالى اتجهت شهد الى مكان التصوير أول واحدة كما كانت تعتقد و لم تعلم بوجود طارق الذى كان يراقبها و جلست شهد ترتب و تعد الكاميرات بمهارة و تفاجأ طارق بمهارتها
طارق لنفسه: ازاى واحدة زى دى هى اللى بتعمل كل حاجة بإيدها من غير مساعدة من حد
و سعل طارق بقوة و نظرت شهد للمكان الذى أتى منه الصوت ووجدته أمامها و اعتدل طارق و سار تجاها
شهد: فى حد جه غيرك ولا لسة
طارق: معرفش هو انا المفروض اراقب الناس
شهد: طب مانت بتراقبنى اومال كنت مستخبى ليه
طارق: ميخصكيش انا اعمل اللى انا عايزه فى الوقت اللى عايزه
شهد: طبعا مانت قليل الأدب هيجى منك ايه غير كدة
طارق: بت انتى انا بحذرك انتى مش عارفة انا ممكن اعمل فى واحدة زيك ايه
شهد بسخرية: يا ماما يا ماما لا بلاش لأحسن بخاف اوى
طارق بضيق: هتخسرى معايا
شهد: انا مش بخسر انت اللى هتجيلى تطلب منى العفو و السماح و انا بمزاجى اوافق ولا لا
طارق: انتى بتحلمى يا عقلة الأصبع
شهد: هوريك عقلة الأصبع هتعمل فيك يا اللى اطول من الايام السودة
و تركته شهد و وقف طارق غاضبا
.....
4
بعد مرور ساعة أتى الحضور و جهزوا أنفسهم للمشهد و كان المشهد بين طارق و الممثلة الصاعدة لبنى راضى
شهد: طبعا زى مانتم عارفين ان المشهد دة من ماضى احمد الزبالة
نظر لها طارق بغضب
شهد: فياريت يا نجم تتقن المشهد صح زى ما نت متقنه فى الواقع
و قبل أن ينطق طارق تركته شهد لتخرج المشهد
شهد: أكشن
لبنى: بيبى هو انت ايه اللى عملته دة فى رامى
طارق: حيوان عايز ياخد حاجة ملكى لعب فى عداد عمره فدة كان جزاءه
لبنى: تقوم تأجر ناس يصوروه مع شباب بيعمل معاهم علاقات وهو مش كدة
ضحك طارق عاليا: اللى ييجى عليا بيخسر جامد اوى ورينى بقى هينفع ازاى فى حياته
كانت شهد تعلم ان طارق موهوب و مجتهد فى عمله ولكن أرادت تأديبه
شهد: استوووب وحش وحش اوى كمان هنعيد تانى
طارق: بس انا مش شايف كدة
شهد: تحب تخرج انت مكانى يعنى ولا ايه يلا تانى كلاكيت
أعادت شهد المشهد كثيرا
شهد: تانى
طارق غاضبا: كفاية بقى دى سابع مرة نعيد و المشهد لسة مخلصش كمان
شهد: والله يا فنان اللى باين عندى انك مش مركز فى حاجة شغلاك فياريت ترمى اى حاجة شغلاك برة الشغل عشان منبقاش متضطرين نعيد لسابع مرة
طارق: ماشى يا شهد
شهد: اسمى الأستاذة شهد شهد دى برة الشغل مفهوم كلاكيت
.....
فى كرفان طارق
كان كلا من حاتم و تامر يضحكون عاليا
طارق: انا تعمل فيا كدة و فى الآخر يعجبها المشهد بعد ماصورناه 12 مرة
تامر: والله دمها خفيف
وقهقه عاليا
حاتم: دة احنا هنضحك ضحك للركب
تأتى نسمة و لبنى
لبنى: بصراحة شايفة نفسها اوفر to much مش عارفة على ايه
نسمة: اكيد ليها وجهة نظر
طارق: وجهة نظرها انها تعلم عليا قدامكم
حاتم: طب انا عندى مشهد هقوم انا بقى
كانت لبنى عينها على طارق و جلست بجانبه بدلع
لبنى: متزعلش يا طقطق
طارق: نرفذتنى اوى
لبنى: معاش اللى ينرفذك
لم يعجب تامر و نسمة المشهد أمامهم و تركوهم بمفردهم
طارق: لازم تتأدب
لبنى: فى مليون طريقة تقدر تضيع مستقبلها بيه فكر وانا معاك لو عوزت حاجة
و اقتربت اكثر و قام طارق بارتباك: معلش يا لبنى عايز ارتاح عشان هيبقى عندى مشهد مهم
اتحرجت لبنى و تركته بمفرده لم يعرف طارق ان شهد وضعت مسجل صوت اسفل الكرسى الذى يجلس عليه طارق و سمعت الحديث الذى دار بينه و بين لبنى
شهد:طيب احنا لسة بنقول يا هادى
....
فى المساء
جلست شهد لتستريح من العمل و أتت لها نسمة بمشروب دافئ
نسمة: عزماكى على قهوة و يارب ما تكسفينى
ابتسمت شهد: من ايد منعدمهاش
نسمة: بصراحة كنت عايزة اعرف منك حاجة بس بلاش تفهمينى غلط
شهد: اكيد قولى
نسمة: ليه عدى مشهد طارق 12 مرة
ضحكت شهد: يستاهل اكيد انتى عارفة ان هو السبب فى اللى حصل امبارح
نسمة: بس مش للدرجة دى
شهد: دى لسة البداية وهو اللى جابه لنفسه مش انا
.....
شهد: جاهزين يا فنانين نبدأ
الجميع: جاهزين
شهد: أكشن
جلس الأربعة فى قلق
نسمة: ازاى احنا زبالة اوى كدة
تامر: داين تدان يا سلوى
طارق: احنا اللى عملنا كدة فى نفسنا ربنا خالقنا غاليين احنا اللى رخصنا نفسنا لغاية ما وصلنا للى احنا فيه
حاتم: واحنا بنأذى اللى أذيناهم أذينا نفسنا معاهم واحنا مش واخدين بالنا
بكت نسمة و نظر لها طارق و كانت شهد تتابع المشهد بفخر لهم لإتقانهم الأدوار
طارق: جايين نلوم نفسنا الوقتى بعد ما كل حاجة اتهددت فى دماغنا.. الشياطين جنبنا ملايكة
تامر: فوقنا متأخر فات الأوان خلاص
حاتم: كل ما افتكر اللى عملته فى سحر بقرف من نفسى لا و مكتفتش باللى عملته فيها لا عملته فى بنات غيرها كتير واللى منهم كانت حامل منى مكنش ليا عقل شهواتى كانت اقوى منى
نسمة: وانا ندمانة على اللى عملته بس عمرى ما هندم على انى قتلت جوزى الحيوان اللى كان بيشوف رجولته فى ضربى و اغتصابى كل يوم المشهد و انا بقتله بإيدى بالساطور احلى مشهد شوفته فى حياتى
تامر: انتى اول مرة تحكيلنا عن الموضوع دة
نسمة: مكنش ينفع اقول لازم اخبى من بعد ما قتلته مشوفتش يوم واحد حلو كانت الايام كلها انتقام من اللى حواليا وقتل ناس ملهاش ذنب كرهى لنفسى وصلنى للى عرفتوه عنى
حاتم: وانت يا طارق عملت ايه مخبيه علينا
صمت طارق ولم ينطق بكلمة و صفقت شهد
شهد: هايل يا جماعة برافو عليكوا
....
يدخل طارق منزله بتعب و بجلس على الأريكة و يتذكر أفعال شهد اليوم و ملامح وجهها و قصر قامتها بالمقارنة بطوله
طارق: شكلى كدة مش هبطل تفكير فيكى يا عقلة الأصبع
يتبع
تعليقات
إرسال تعليق