قصة البريئه ( الجزء الثالث والرابع) حصريه وجديده
 |
قصة البريئه ( الجزء الثالث والرابع) حصريه وجديده
*تركنى العريس فى أول يوم من زواجنا للبرد ينال منى واغمضت عيني لاصحوا علي صوت خبطات علي باب الغرفة..
*ووجدت العريس ما يزال نائما
*فنهضت سريعا وقمت اسرح شعري وارتديت روبا علي قميصي المفتوح
*وعندما فتحت الباب وجدتها احدي سلايفي وكنت لا اعرفها ولكنها عرفتني بنفسها من علي الباب
دون ان تدخل
وقالت لي وهي تعطيني صينية الطعام (الصباحية)
قالت..انا ورد سلفتك
قلت..اهلا بيكي ياورد
قالت..صباحية مباركة
وبعد ما مشيت سلفتي ورد
اغلقت الباب
وكان العريس الذي لم اعرف اسمه حتي الان .. بدأ يقلق من نومه..
فوقفت امام سريره وانا انتظر ان يتكلم معي
ويقول ولو كلمة واحدة ولكنه اخذ ينظر الي ثم نهض بدون ان يتحدث
ثم توجه الي الحمام ..
فذهبت انا لاجهز الافطار حتي يخرج ..
وعندما انتهي من حمامه وشاهدني وانا احضر صينية الطعام.
اخذ ينهرني ويقول..اسمعي..
مش عايزك تلمسي الاكل بتاعي
ولا تلمسي سريري
ولا تقعدي في المكان الذي اجلس فيه
نظرت له وانا ارتجف..وعيناي تغرقهما الدموع
قلت..حاضر
قال..وعايزك تعرفي يا بنت الناس
ان ده طبعي والحال معايا هيفضل كده علي طول ده اذا لم يتطور للاسوأ
عاجبك علي كده خليكي مش عاجبك يبقي بالسلامة
وقفت انظر لجبروته وقسوته دون ان انطق بكلمة واحدة..**
ثم نظر الي بنظرة احتقار وهو يامرني
قال.روحى البسي حاجة واخرجي اخدمي مع الحريم في البيت امشي
قلت..حاضر
وبالفعل قمت بتبديل ملابسي
وخرجت اندب حظي وانعي حالي..
وعندما خرجت من حجرتي كانت عنيا مليئة بدموع الكسرة
ولما فتحت باب الغرفة لاخرج تفاجات بذلك الشاب الذي اتي الي بيت اخي اثناء قراءة الفاتحة
وكان هذا الشاب هو مدحت شقيق العريس
ووجدته يرحب بي بكل بشاشة
قال..اهلا بالعروسة.والف مبروك
قلت ..الله يبارك فيك
قال هو شاهين لسه مصحيش ولا ايه ؟
قلت..شاهين مين ؟
اخذ يضحك وهو يقول شاهين عريسك يا عروسة انتي لسة نايمة ولا ايه ؟
قلت..لا لسة نايم
وشوية لقيت العريس فتح باب الغرفة بسرعة
وكانه كان يتنصت علي....
قصة البريئة ........( الجزء الرابع )
.ومشيت من المكان قبل ما يعرفوا اني سمعت حاجة..
وفي الليل دخلت مره تانيه حجرة شاهين لاخذ مكاني بجانب الحائط بدون غطاء واحنا فى عز البرد
وما كنتش اجرؤ علي طلب غطاء من ذلك الرجل الاناني عديم الاحساس…
وعندما جلست بجانب الحائط وانا اشكوا امري لله…
وفجأة لقيت شاهين بيتكلم معايااا
فقمت بسرعه وقفت قدام سريره واسأله؟؟
قلت..انت كنت بتكلمني ؟
قال..ايوه
قلت…كنت عايز حاجة مني ؟
قال..تعالي هنا قربي جنبي
…فنظرت له وبدأت اقترب منه ببطء..
وبمجرد ما اقتربت بجانبه…
وجدتة بيطلب مني المزيد من الاقتراب..
وبمجرد ما التصقت به وجدته بيمسك باذني بقوة..
وهو
يقول..نفسي اعرف انتي جنسك ايه؟
انتي مفيش عند اهلك كرامة؟
تقدري تقوليلي انتي ليه ما مشتيش لاهلك ؟
واخذ يقرص علي اذني لتؤلمني
قلت..انا همشي ازاي وانا عروسة جديدة لو رجعت لبيت اهلي الناس هيقولوا ايه؟
قال..وانا مالي ومالك انا مش عايزك هنا اصلا
واخذ يضغط علي ذراعي فصرخت واخذت استغيث
مما جعل ابوه واخواته يدخلوا لغرفتنا لينقذوني من ايده
وسأله ابوه ؟؟
قال..ايه اللي حصل يا شاهين يا ابني؟
رد اخوه غانم قائلا ..انت السبب يا بوي لان شاهين لم يكن له في الزواج
وانت اللي غصبته عليه عشان تزوجه وتجيبله واحده يبهدلها كده
رد شاهين معترضا
قال..ايه موضوع ملوش في الزواج دي ؟
انتبة لكلامك يا غانم
ووجه شاهين الشكوي لابيه
قال..يرضيك الكلام ده يا ابويا ؟
اخذ الاب ينهر غانم
قال..عائلة جلال الشرقاوي عمرها ما جابت الا رجالة يا غانم واخوك راجل وسيد الرجال كمان
ونظر الاب لي وبدأ يسالني؟
قال..في ايه يا شهد؟ صوتك جايب لاخر الشارع ليه؟
لما سالني ابو شاهين عن سبب صراخي والمي
..انا كان ممكن اشتكي لابوه وكلهم كانوا هايلوموا عليه ويوبخوه ..
لكن انا بصراحة كنت عايزة مكان اعيش فيه والاقي اكل ونومة نضيفة ومكان اعيش فيه بدون ما حد يطردني منه
فوجدت نفسي بجاوب علي ابوه باجابة مختلفة عن اللي ظن اني هقولهاله
قلت..معلش يا ابا الحاج اصلنا خدنا راحتنا انا وشاهين ونسيت نفسي وصوتي ارتفع ولم انتبه لذلك فسامحنا ارجوك يابابا الحاج
نظر لي الجميع بدهشة
ولم يفهموا مقصد كلامي في بادئ الامر
فعاد ابوه وسالني مرة اخري..
قال..هو انتوا كنتوا بتتخانقوا ولا ؟؟؟
ضحكت واختبات في شاهين الي كان مذهول هو الاخر
قلت..قلتلك اهدي شوية يا شاهين
اديك جيبتهم علي صوتي و
يتبع....
ملحوظه ياجماعه احنا بنتعب نفسنا علشان نكتب ليكم قصص كامله تعجبكم ودا بياخد وقت ومجهود عاوزين منكم طلب صغير تدخلوا تدعمونا مبتابعه لينا علشان حساباتنا الشخصيه تكون قويه ونستمر ماتبخلوش علينا ياجماعه بدعمكم ادخلو ثانيه واحده اعملوا متابعه لصفحتى للمزيد وانتظروا باقي الأجزاء
 حصريه وجديده){kind=link}
تعليقات
إرسال تعليق