روايات كامله وحصريه وجديده وخاصه بمدونة نجوم ساطعه
روايات كامله وحصريه وجديده وخاصه بمدونة نجوم ساطعه
الاول
لما خلصت شغلي ورجعت علي البيت كنت واخده قرار اني اعرف راسي من رجلي ونوضع حد لعلاقتنا اللي مش عارفها اسمها ايه ورحت متصله عليه وقولتله عاوزين نتقابل
ووافق لبست دريس اسود رجعت في كلامي قلعتو ولبست بنطلون ابيض على بلوزه بينك ميكب اوفر هيلز بينك شنطه بيضه ونزلت من البيت وانا واثقه اننا هنخسر بعض انهارده روحت للكافيه كان موجود كالعاده هو بيحترم المواعيد وانا عمري ما جيت في معادي اتجهت للمكان اللي قاعد فيه وقعدة بكل ثقه
_طلبت ليكي الكابتشينو اللي بتحبيه
_ميرسي
_حصل حاجه؟ مش من عادتك تخليني اسيب الشغل عشان نتكلم في حاجه
_اه فيه حاجه مهمه
_اي هي؟
_عايزه اعرف انا اي بنسبالك ؟
_يعني اي اي بنسبالي
_يعني احنا اي ؟؟ خارجين جايين مع بعض صور وخروج مكالمات للفجر ومش عارفه احنا اي ومتقولش أصحاب
_معرفش يا روز
_يعني اي متعرفش؟ يعني اي بتغير عليا ومتكلميش ده ومتلبسيش ده ومتمشيش مع ده وتقولي معرفش احنا اي انا عايزه افهم ؟
_روز ممكن نأجل الموضوع ده ل بعدين
_هو انت خايف؟
_هخاف من اي
_خايف تقول انك بتحبني ولا انت محبتنيش ولا كنت بتنساني بيها ولا اي فهمني
_صدقيني انا معرفش احنا اي بس المستحيل اني اكون بنساكي بيها
_للمره الاخيره احنا اي
_معرفش .. معرفش
_اوكي وانا مينفعش اكون مع واحد ميعرفش اسم العلاقه اللي في حياته
خدت شنطتي وسبتو ومشيت وانا كنت عارفه ان دي هتكون الاجابه اصلآ روحت البيت اربع ساعات متواصله من العياط وأغاني حزينه كل حاجه معترفه اننا بنحب بعض الا هو الكافيه كل الي هناك فاكرين اني خطيبته في الشغل فاكرين اننا مرتبطين السوبر ماركت عارف اني حبيبته كل الناس عارفه احنا اي إلا هو ميعرفش قومت عملت ايس كوفي كترت التلج فيه ودخلت البلكونه مع النوت بوك بتاعتي وفي الصفحه الاوله كتبت
"ولكنّي يعزُّ عليّ حُزني، وعزيزٌ عليّ مَن يُعزه"
وشربت الايس كوفي كان ساقع على اسناني الضعيفه وجعلي سناني زاي ماهو وجعلي قلبي تمامآ خلصت الايس كوفي ودخلت شغلت اغاني شعبيه وعملت ميكب ورقصت انا ب ١٠٠ مزاج في الدقيقة الواحده قطع اندماجي مع الرقص صوت مسدج منو كان بعتلي
"ممكن تديني فرصه تانيه يا روز ومنفكرش في اسم العلاقه دلوقتي"
شفتها ومردتش قومت عملت ماسكات ونزلت استوري واتساب "من المميزات اللي كسبتها في شخصيتي الجديده اني مبقتش ادعم الفرصه التانيه هي فرصه واحده عرفت تحافظ عليها هنيالك معرفتش عزائي ليك هيبقا فيه فرصه تانيه بس ليا انا هاخدها أصلح بيها اللي الاغبياء بوظو وده هيبقا مع اي علاقه في حياتي حب صداقه قريب غريب محدش يستاهل ان روز تبقا في حياته مرتين نحن الأشياء الجميلة التي يخسرونها الاغبياء"
قفلت النور ونمت صحيت تاني يوم مزاجي رايق لبست اشيك طقم عندي ميكب ولا اروع ب درجة روج جريئه واتجهت للشغل قبلتو في الاسانسير
_روز .. مردتييش على المسدج امبارح ليه انا بس محتاج وقت..
_للأسف تقدر تعتبر نفسك من الناس اللي ضيعو الفرصه الاوله
قولتها وسبتو ومشيت لسه مش معترف احنا اي لسه مش قادر يقول انه بيحبني او يعلن علاقتنا بعد يوم متعب في الشغل روحت البيت نمت طول الليل وصحيت عملت ايس كوفي ودخلت البلكونه ب النوت بوك بتاعتي كتبت في الصفحه التانيه
"قولو للذكريات احنا خلاص نسينا .. احنا خلاص نسينا مش فاكرين اللي فات"
وبتنهتي قصتي معاه لحد هنا وتمت عملية الموف اون على خير ومفتكرش اني هعمل قصه جديده مع حد جديد وقع مني القلم من البلكونه اتفجأت ب شاب وسيم زاي ممثلين المسلسلات التركية كدا بيقولي
_قلمك معايا يا ست الحُسن
التاني والاخير
_قلمك معايا يا ست الحُسن
ابتسمت من الكلمه اول مره حد يقولي ست الحُسن دي بس منكرش انها عجبتني
_اا احم طيب هتعرف تحدفو ليا ولا
_هحاول
حاول كتير يحدف القلم لاكن معرفش البلكونه عاليه اوي عليه واحنا مكنش عندنا سَبت
_خلاص شكل القلم من نصيبك يا ياشاطر حسن
_عقابل ست الحُسن
قالها ودخلت على اوضتي وانا وشي بقا زاي الفروالايه اي اللي قالو ده انا ست الحُسن .. حاولت اخرج كلامو وملامحو من دماغي عشان مش عايزه ادخل في أي علاقه توكسيك تاني وخلصت الايس كوفي بتاعي ونمت .. صحيت تاني يوم على معاد شغلي خدت شاور سريع ولبست دريس نبيتي فيه ورد ابيض وشريطه ستان على شعري ب ميكب خفيف ولون روج احمر كنت ولا كأني جايه من التسعينات لبست الهيلز واخدت شنطتي ونزلت مشيت خطوتين ووقفت لما سمعت صوت حد
_قلمك يا ست الحُسن
ابتسمت ولفيت ليه ملامحو كانت واضحه عن امبارح شعره كان منكوش بطريقه مش وحشه عيونو العسلي غامق مرهقه باين انه سهر طول اليل منمش مبتسم وغمزاته باينه وده كان مزود جمالو
_فضلت طول الليل مستني انزل عشان تديني القلم قد اي انت امين يا شاطر حسن
_هو في الحقيقه اللي مسهرني المحل
شاور على محل تحت البيت عندنا بيتوضب فهمت ان هو صاحب المحل الجديد عشان كدا باين عليه الإرهاق من توضيب المحل
_وهتخليه محل اي بقا
_والله هو كان هيبقا محل ملابس رجالي بس غيرت رأيي هيبقا محل ملابس حريمي ..
_امم ربنا يجعله فتحت خير عليك هبقا اجي اشتري من عندك
وخدت القلم من إيده ومشيت خطوه وقفني صوتو تاني
_ممكن تخليها الشاطر يوسف بدال حسن
لفيت ليه وابتسمت
_ممكن
وسبتو ومشيت روحت شغلي وانا مزاجي في قمة الروقان طول اليوم في الشغل بغني اغاني قديمه رومانسيه مبتسمه ولطيفه مع الكل مفيش عصبيه مصيبه لا أكون حبيته خلصت شغلي واتجهت للبيت شفت عمو بتاع الورد اشتريت منو كذا نوع ورد للبلكونه دخلت الشارع ولقيتو واقف قدام المحل حاطت إيده في شعره والايد التانيه ماسك بيها التيلفون خد باله مني ابتسم ليا رديت ليه الابتسامه وطلعت وانا الفرحه مش سيعاني عشان شفتو تقريبآ كدا حبيتو اه .. كنت مهدوده من الشغل نمت صحيت على تلاته او اربعه الفجر دخلت عملت ايس كوفي وخرجت للبلكونه بس مالقتوش وده ضايقني جدآ جبت النوت بوك بتاعتي وكتبت في الصفحه التالته
"بعدك على بالي يا قمر الحلوين"
وشربت الايس كوفي بتاعي ومكنش جيالي نوم جهزت نفسي للشغل لبست بنطلون جينز على بلوزه سوده بس حسيتهم مش لايقين عليا زاي الدريسات قلعتهم تاني ولبست ميني دريس بيبي بلوه في ابيض ميكب خفيف ولبست الهيلز ونزلت بصيت على المحل لاكن كان مقفول اتنهدت ومشيت ومع اول خطوه سمعت صوتو اللي بعرف اميزو من وسط مليون
_ست الحُسن
لفيت ليه كان واقف حاطت إيده في جيبو لابس بنطلون ابيض وتيشرت اسود وسيم وانيق مش زاي امبارح
_افندم
_تسمحيلي اوصلك ل شغلك
_بصفتك اي ؟
_بصفتي بخاف على بنات منطقتي
_لاء متخافش انا يتخاف مني مش عليا
_خلاص انا خايف وصليني انتي
ضحكت وضحك على ضحكتي
_زاي ما قال عمرو دياب ضحكت يعني قلبها مال يعني مواقفه
_تمام موافقه خلينا نشوف اي اخرتها معاك
_اخرتها دبلتين وعلبة جاتوه إن شاء الله
ابتسمت ومشي معايا لحد الشغل فضلنا نتكلم ونتكلم حكيت ليه على كل حياتي كان ناقص اديلو مفتاح بيتنا انا زاي الحماره معرفش اي يتقال واي ميتقالش وبثق في الناس بسرعه وبحكي على كل حاجه بس هو كمان حكالي قالي انه ارتاح ليا في الكلام فضلنا نهزر كتير حكالي على أحلامو وخطته المستقبليه روحت الشغل وانا مفيش غيرو على بالي كلامنا وضحكنا ده اسرع عوض شفتو في حياتي خلصت شغل واتفجأت لما نزلت بيه كان واقفلي قدام الشركه بقينا صحاب وجيران وفي حاجه تالته انا مش عارفها او عارفها بس بستعبط عشان مخسروش مامته عرفت مامتي بقينا يا احنا عندهم يا هما عندنا على طول بيوصلني ل شغلي لاكن خوفت على قلبي يحصلو زاي ما حصل زمان وقرارات انهارده اسألو احنا اي او مخدش خطوه رسمي لحد دلوقتي ليه فتحت الواتساب ولسه بكتب المسدج لقيتو بعتلي صورتو وهو سايق العربيه وكاتب
"سهران ارسم في حلم مصدقاه"
حاولت استوعب قصده اي لاكن مفهمتش رن عليا رديت عليه
_طبعآ انتي مش عارفه انا رايح فين دلوقتي
_لاء مش عارفه عرفني
_والله يا ست الحُسن انا جالي مسدج إن الشقه خلصت فا رايح استلم المفتاح
_مفتاح اي وشقة اي
_شقتنا مانا خلاص جاهز هتجوزك بقا
_امم ومين قالك اني هوافق
_امال انتي فاكره اننا صحاب ولا اي لاء انا مش هصاحبك انا هتجوزك عندنا اللي يوصل واحده ل شغلها بيتجوزها
ضحكت على كلامو ونبرة صوتو
_طب انت مقولتليش انك بتحبني لحد دلوقتي ليه يا يوسف
_انا مقولتش اه لاكن عملت كذا حاجه تقول حصل ولا محصلش
_حصل
_عايزه تعرفي انا اي ؟
_اه عايزه اعرف
_انا تاجك وسلطانك وتحت امر ما عليكي انا حارس على بابك تصحي تلاقيني قدامك انا جنبك في كل مكان
اتفجأت ب صوتو الحلو مكنتش اعرف انو بيعرف يغني فعلآ ربنا بياخد مننا حاجه عشان يدينا حاجه أعظم وكان يوسف مكمل ب صوتو الي مفيش اروع منو
_انا كاتم ل اسرارك انا بيتك انا نهارك .. انا تايب على إيديكي وعمري ما ابص غير ليكي.. عرفتي انا اي يا روز
_عرفت اني عايزه اتجوزك دلوقتي
_عنيا اقسم بالله اخلص حوار الشقه واللي انتي عايزاه هيحصل يا عيوني
"وفي النهايه ست الحُسن بقت من نصيب الشاطر يوسف"
أتمني تكون عجبتكم
تمت
تعليقات
إرسال تعليق