روايات حصريه وجديده علي مدونة نجوم ساطعه
روايات حصريه وجديده علي مدونة نجوم ساطعه
واقفه في أرض زراعيه كلها زرع ب لون الأخضر لابسه فستان ابيض وتاج ورد ابيض ظهر قدامي شاب على حصان ابيض لابس جلبيه سوده ملامح وشه مش باينه .. واقفين بنبص لبعض في صمت وفي الخلفيه لحن مش عارفه لمين ولا جيه منين بيقول
||... بالي معاك بالي .. بالي بالي بالي بالي يا ابو الجبيان عالي .. عالي عالي عالي عالي .. وحيات سواد عينيك يا حبيبي غيرك ما يحلالي .. غيرك ما يحلالي..||
قطع اندماجي ب عينو اللي مكنش باين في ملامحو غيرها صوت بيقول:
_مامي .. مامي اصحي .. تيلفونك بيرن يا مامي
صحيت من النوم استوعبت انه حلم خدت التيلفون من بنتي ورديت كان رقم غريب
_الو
_حضرتك مدام روز مرات البشمهندس ياسين؟
_ايوا مين معايا؟
_للأسف يا مدام جوز حضرتك تعيشي انتي الطياره اللي كان مسافر فيها وقعت في البحر وهو وجميع الركاب توفو البقايه في حياتك
قفلت معاه وانا بحاول استوعب اللي حصل .. مكنتش زعلانه عليه بالعكس ده أنهارده أعظم يوم في حياتي اخيرآ هرتاح من العذاب اللي كنت فيه بس بنتي دي كانت متعلقه ب باباها اوي .. مفيش مشكله انا هكون ليها الاب والام
الحكايه بدأت لما بابا قرار انه يجوزني ابن عمي عشان مبقاش فاضل حد في العيله غيري انا وبابا وابن عمي وفعلآ جوزني ليه غصبن عني وبعدها مات هو .. مات وسبني مع غول بيضرب فيا ويهزقني ويخوني ويرجع وش الصبح وهو شارب بس في النهايه انا طلعت ب أجمل حاجه في الكون "رونزي بنتي"
عملت ليه العزا مبينه للناس اني حزينه لاكن انا من جوايا كنت اسعد واحده في الكون اخيرآ بقيت حره
عدت الشهور وانا بقنع بنتي انه مسافر كل مره كانت بتسألني فيها عليه قلبي كان بيتقطع رغم انه مكنش حنين عليها لاكن بتحبه ومتعلقه بيه
قرارت اخد رونزي ونروح نقعد يومين في المزرعه عند سلمى صحبتي وفعلآ خدت حاجاتي وروحت ليها هي اللي بقيالي من بين كل الناس
أجواء المزرعه هي الأجواء الاقرب لقلبي الزرع والورد والخبيز كل حاجه فيها لطيفه
كنت واقفه انا وسلمى بنعمل مخبوزات للفطار ورونزي كانت بتلعب بره قطع كلامي مع سلمى دخول رونزي وهي بتقول:
_مامي يا مامي انا شفت بابي
سيبت اللي في إيدي وجريت عليها وطيت عشان ابقا في مستوى طولها
_شوفتيه فين؟
_بره كان قاعد مع أصحابو عند بيت الحصان بيشرب شاي
_انتي متأكده يا رونزي
_ايوا يا مامي
_طب تعالي وديني ليه
روحت انا وهي وسلمى مكان ما هي شافته كان مكان جنب الاسطبل زاي القعده البلدي وفيه كوبايات شاي بس مكنش فيه حد
_كان هنا يا مامي
_طيب تعالي يا حبيبتي
رجعنا تاني للبيت وانا بحاول اقنع نفسي انها متهيألها طفله ٧ سنين اكيد متهيألها لاكن الغريب في الأمر انه حصل كذا مره .. كذا مره تيجي تقولي انها شافته وباسها ومره يديها شكولاته ومره يركبها معاه على الحصان لحد ما انا وسلمى شكينا مستحيل دي تكون تهيأت
انهارده قرارت افضل طول اليوم في المكان اللي بتقول انها بتشوفه فيه
فضلت واقفه ساعه ورا ساعه ومحدش ظهر وقت ما قرارت امشي سمعت صوت حصان مشيت تجاه الصوت ولقيت .. لقيت اللي كان في الحلم!!
شاب راكب على حصان ابيض لابس جلبيه سوده زاي الصعايده لفاف حاجه على راسه مخبي بيها وشه مش باين غير عينه .. لحظة إدراك إن الحلم بيتحقق .. حتى انا كنت لابسه دريس ابيض ومفيش ثواني والحن اللي كان شغال في الحلم اشتغل وانا وهو واقفين بصين لبعض في صمت قطع الصمت ده صوت رونزي بنتي
_انتي شفتي بابي يا مامي !
قالتها وهو نزل من على حصانو وشال القماشه اللي مغطي بيها وشه وملامحو بانت .. كان نسخه طبق الاصل من ياسين لولا اني متأكده انه متوفي كنت فكرتو هو ليها حق رونزي تفكره باباها..
وطى شال رونزي وباسها وفضل يهزر معاها وانا واقفه في ذهول
_رونزي يا حبيبتي روحي العبي عشان عايزه اتكلم مع بابي في حاجه
_حاضر يا مامي
قالتها وسابتنا وجريت وهو رفع ليا حجبه لما قولت بابي
_طبعآ انت مستغرب هي ليه بتحب تجيلك وليه بتقولك يا بابي
_بصراحه ااه
طلعت موبايلي وفتحته وطلعت صوره ل ياسين وريتهالو اتصدم زايي تمامآ من الشبه اللي بينهم
_مش معقول
_هو فعلآ مش معقول ولا كأنكم اخوات توأم
_اتوفى من قريب؟
_اربع شهور
فضلنا نتكلم واحنا بنتمشى وسط الزرع كان حنون لطيف بيعرف يتكلم مكنش زاي ياسين خالص اتفقت معاه انه يفضل عامل انه باباها لحد ما نمشي من هنا وكان مرحب بالموضوع وطلع اسمه يوسف
عدت الايام وبقا كل يوم يقضي نص يومه مع رونزي واوقات معايا بنتكلم ونهزر ناخد رونزي نفسحها
رونزي لو كانت بتحب باباها الحقيقي شويه حاليآ بقت بتحبه اكتر من روحها اكتشفت اني غلطت لما اتفقت معاه انه يمثل دور الاب علقتها بيه وب حنيته لدرجة إن انا كمان اتعلقت بيه قرارت الحق اعالج اللي انا عملتو وخدت بنتي ورجعنا تاني للقاهره مع زعل رونزي اننا سبنا باباها وزعلي على فراقه
بس انا زعلانه ليه؟
معقول اكون وقعت في حبه؟
الجزء التاني
رجعت القاهره وعدي كذا يوم وانا بفكر فيه مش عارفه ابطل تفكير فيه ولا في ملامحه ولا في الحلم اللي اتحقق كنت قاعده سرحانه في البلكونه لقيت الباب بيخبط
قومت فتحت لقيته قدامي وفي ايده شنط كتير .. كان لابس بدله كحلي كلاسيك قد اي هو جميل من غير الجلبيه
دعكت في عيني
_ انت بجد ! اي اللي جابك جيت هنا ازاي؟؟
_بصراحه رونزي وحشتني اوي حبيبه قلب بابي
رونزي سمعت صوته طلعت تجري عليه وحضنته
_بابييي وحشتني اووي انت جيت من السفر !
_اه ياحبيبه بابي بصي جبتلك لعب كتيررر عشان رونزي وبس
باسته من خده وحضنته جامد
_طب اتفضل انت هتفضل واقف علي الباب كده!
دخل قعد في الصالون يلعب مع رونزي
_تشرب اي ؟
_قهوه زياده
_حاضر عينيا
دخلت المطبخ اعمله القهوه وكل ده مش مستوعبه انه موجود ولا انه جيه عشانا عملت القهوه وقطعتله كيكه وقطعتها علي شكل قلب وطلعت بالصنيه كان مقعد رونزي على رجليه بيلعب معاها ب العروسه
كان عكس ياسين تمامآ حنين في كل تصرفاته
قعدت على الكرسي اللي قدامه بعد ما قدمت ليه القهوه والكيك مكنتش عارفه اقول اي متوتره محرجه المفروض اعمل اي مش عارفه قطع توتري صوت رونزي
_مامي انا هروح اعرف العروسه الجديده على باقي عرايسي
_اوكي يا حبيبتي روحي
_مش هتأخر يا بابي اوعا تمشي
_مقدرش
وخدت العرايس اللي جابهالها وجريت على اوضتها ومبقاش فيه غيري انا وهو قاعدين لوحدنا
_مش عارفه اقولك اي بس حقيقي كل الشكر انك افتكرتنا
_مقدرش انساكي .. اا احم انساكم
_ميرسي جدآ يا استاذ يوسف حقيقي عمري ما هنسى جميلك ده
_بلاش استاذ ومفيش جمايل ولا حاجه انا اللي مديون ليكي حضنها وضحكها وكلمة بابي عندي بالدنيا
معرفتش ارد اكتفيت ب ابتسامه هو ازاي كدا؟ ده ابوها الحقيقي مكنش بيعمل نص اللي هو بيعملو
مطولش في القاعده خلص قهوته وسلم عليا وقال ل رونزي انه هيروح الشغل ويرجع تاني وقالي انه خد الشقه اللي جنبنا عشان يبقا قريب مننا وسابني ومشي
مشاعر كتير متلغبطه وتفكير كتير متلغبط طب ما يمكن هو كمان معجب بيا ونتجوز ويكون هو اب ل رونزي بجد .. لاء لاء ما ممكن يكون عنده حبيبه اكيد في حياته حد
حاولت ابطل تفكير فيه نيمت رونزي ودخلت عملت نسكافيه وجيه على بالي اشوف نفسي في المرايا اشوف هو شافني إزاي .. مكنتش حلوه ولا كأني ست عندها ٧٠ سنه مش ست صغنونه في أواخر العشرينات ليه مكبره نفسي كدا؟
خدت قرار انه بكرا لازم يشوفني احلى واحده لدرجة انه يفكرني اخت رونزي مش امها
خدت النسكافيه ودخلت البلكونه وشغلت الاغنيه اللي كانت في الحلم مفيش دقايق ولقيته خرج واقف في البلكونه بتاعته .. كان لابس بنطلون جينز على فنله حملات بارزه عضلاته ولا كأنو بطل بيتوصف في روايه
_لسه منمتيش
_لاء مش جيلي نوم وانت؟
_برضو مش جيلي نوم .. رونزي نامت؟
_من زمان
_بتروح مدرسه؟
_ااه في أوله ابتدائي
_خلاص ممكن بكرا اوديها؟
_اكيد مفيش مشكله
_تمام يا روز .. فيه مشاكل لو قولت روز من غير مدام؟
_لاء خالص مفيش مشاكل انا اصلآ مبحبش مدام بحسها بتكبرني في السن
_هو فعلآ انتي شكلك صغير لسه تحت التلاتين صح؟
_ااه بكتير انا ٢٤
_اتجوزتي وانتي صغيره اوي
_مظبوط
_كنتي بتحبيه؟
_لاء
_بس ده ابو بنتك!
_هو كان اب ل بنتي لاكن مكنش اب ليا
فضلنا نتكلم ونتكلم لحد ما الوقت سرقنا ودخلنا نمنا وجيه تاني يوم صحيت بدري جهزت رونزي للمدرسه وجهزت انا كمان
لبست دريس بينك لحد الركبه سيبت شعري بعد ما عملت فيه كام خصله كيرلي ميكب صباحي خفيف جدآ
وخدت رونزي وخرجت وانا مش عارفه هخبط عليه ولا اعمل اي اتفجأت انو واقف مستنينا اصلآ
حضن رونزي وباسها وخدها جاب ليها حاجات من السوبر ماركت واتجهنا للمدرسه كانت رونزي في النص وانا ماسكه إيديها وهو ماسك الايد التانيه
عيله لطيفه للغايه احلى بابي ومامي بيحبو بنتهم ورايحين يوصلوها للمدرسه
بعد ما وصلناها رجعنا البيت سوا بعد كلام كتير طول الطريق وهزار ولما بقينا تحت العماره قالي استنى هيجيب حاجه من السوبر ماركت ويرجع
كنت واقفه مستنياه ودقايق ولقيته خرج من السوبر ماركت ومعاه شنطه كبيره بيدهالي
_اي ده؟
_دول ليكي
_اي دول وليه؟
_بحاول اكون اب ليكي ..
فتحت الشنطه كان فيها شوكولاتات وبيبسي وشيبسي وإندومي ابتسمت ليه وشكرته
وطلعت البيت وانا دايبه فيه وفي حركاته ونبرة صوتو وكلامو وحنيته معرفتش انام مجاليش نوم
جيه معاد خروج رونزي من المدرسه اتفقنا انه هو اللي يروح يجيبها وفضلت انا اعمل الفطار
ولا كأننا اتنين متجوزين بجد
كنت بحضر الفطار بحب ده اغلى الناس هو اللي هيفطر معايا خلصت وجريت اغير هدومي
لبست دريس لافندر كله دانتيل ميكب بسيط وتسريحه سمبل ودخلت البلكونه استانهم وشويه وظهر وهو جاي من بعيد وشايلها على كتفه ابتسمت ليهم
وروحت افتح ليهم الباب
_شفتي يا مامي بابي وعدني اننا هنروح الملاهي
_بجد!!
_ااه والله قولها يا بابي
_ايوا انا وعدتها اننا هنروح الملاهي
_طيب خشي غيري هدومك ويلا عشان الفطار جاهز
_حاضر يا مامي
ودخلت رونزي غيرت هدومها وفعلآ واتجمعنا كلنا على الفطار
_مامي هو انتي وبابي متخانقين؟
_لاء يا حبيبتي ليه
_عشان بقالو كتير مش بيبوسك
قالت كدا وهو ساب الاكل من إيده وانا بصيت ل الأرض من الكسوف
_يلا يا بابي بوس مامي واثبتلي انكم متصالحين
_يا حبيبتي احنا مش متخاصمين فعلآ
_لاء ماليش دعوه بوسها الاول يلا يا بابي وحياتي عندك وحياتي
بص ليها بقلة حيله وبصلي بتردد بصيت ليه بمعنى ماشي هنعمل اللي هي عايزاه وخلاص
وقرب مني وثواني وحسيت ب شفايفو على خدي كانت بوسه سريعه بسيطه ورقيقه
_اهو صدقتي اننا متصالحين
_ايوا كدا ايلافيو
قالتها وقامت جابت الريموت تشغل التيلفزيون وانا كنت لسه محرجه من اللي حصل
لفت انتباهي خبر على التيلفزيون بيقولو فيه ان فيه ركاب عايشين من حادثة الطياره قومت من مكاني وقفت قدام الشاشه وانا بسمع اسامي اللي عايشين
اسم ورا اسم وانا خايفه يكون اسمه موجود في وسطهم
ودقايق واسمه اتقال من ضمن الناس اللي عايشه
ياسين عايش!!
يعني اي يعني يوسف فرحه ما تمت؟؟
الجزء التالت والاخير
كل حاجه باظت تاني كل حاجه هترجع قاسيه زاي ياسين من تاني
مقدرتش اتمالك نفسي من الخبر دموعي غفلتني خد باله مني دخل رونزي اوضتها عشان تذاكر ورجعلي تاني
_اسمه في وسط اساميهم صح؟
_امم
_طب وبتعيطي ليه
_عشان مش عايزه يرجع مش يضربني ويذلني تاني مش بعد ما اتعودت على الحنيه ارجع تاني للعذاب
_كان بيمد إيده عليكي؟
_اممم
_مطلبتيش الطلاق ليه ؟
_طلبته كذا مره بس كان كل مره بيهددني انه هياخد مني رونزي
_طب اهدي ممكن تهدي وكل حاجه هتتحل
_مفيش حاجه هتتحل يا يوسف حتى فكرت اهرب منو هجيبني ده مش اي حد
_هو اللي مش اي حد هو انا يا روز .. انا اللي مش هسمح انه ياخد حاجه بتاعتي إذا كنتي انتي او رونزي لما يرجع هيطلقك غصب عنه وانا هتجوزك وهنعيش سوا انا وانتي وبنتنا
_عايز تتجوزني عشان صعب عليك صح؟
_لاء عشان حبيتك
على قد ما كنت مبسوطه ب اعترافو ده وكنت انا كمان هقولو اني بحبو أدركت الخطر اللي هو فيه ياسين لو عرف بوجوده مستحيل هيسيبو عايش ده قتال قتله
_وانا مبحبكش يا يوسف انت عديت حدودك انت كنت ليا صديق بتساعدني في تربية بنتي مش اكتر
_عينيك بتقول غير كدا!
_اللي بتشوفه في عيني هو إنعكاس ل حبك ليا لاكن انت غلطان لأني مش شايفك اكتر من أخ وبنسبه ل جوزي فا زاي ما انت ما قولت هو في الاول والاخر ابو بنتي
_انتي شايفه كدا؟
_انا مش شايفه غير كدا
_تمام ربنا يهنيكم ببعض
قالها وسابني ومشي ورجعت ب حزني على رجوع ياسين وحزني على فقدان يوسف بس كان لازم اكون قويه عشان بنتي
كان طول النهار مبعيطش وبتعامل عادي قلبي هو اللي كان مفلوق من العياط وفي اليل كانت عيني هي اللي بتعيط لدرجة اني قربت اتعمي من كتر العياط
كنت منتظره اليوم اللي هيرجع فيه ومع ذلك يوسف ممشيش رونزي كانت بتقولي انه بيجيلها المدرسه وفي مره جيه خدها قبل معادها وودها الملاهي زاي ما وعدها كان ببراقبنا من بعيد ل بعيد
لو عليا اجري عليه واترمي في حضنو ما بين عضلاته اللي هتحميني من كل الدنيا لاكن خايفه عليه قطع شرودي صوت خبط الباب روحت افتح
وبرغم الشبه الكبير اللي ما بينهم لاكن ياسين كانت ملامحه قاسيه زاي قلبه تمامآ وعرفت أنه هو عرفت ان جحيمي رجع
_اي مصدومه صح تلاقيكي كنتي طايره من الفرحه لما افتكرتيني موت
_حمدالله على السلامه
_مش من قلبك اصلآ فا متقوليهاش فين البنت؟؟
_في المدرسه
_حصل حاجه في غيابي روحتي فين وجيتي منين عملتي اي
_محصلش حاجه عملت العزا وبعدها بشهر روحت قعدت مع سلمى يومين ورجعت هنا تاني ومروحتش في حته تانيه
_روحتي المزرعه عند سلمى؟ انا مش كنت منعك تروحيلها
_مبقاش ليا غيرها لما فكرتك اتوفيت ..
_شوفتي كنتي عايزني اموت عشان تمشي على حل شعرك
قالها وهو بيطلع الحزام من البنطلون وكان لسه هيضربني بيه بس المرادي اتجرأت ومسكته
_مش هتمد إيدك عليا تاني يا ياسين طلقني
_الداهيه اللي جابت تاخد عيني حاضر هطلقك اخلص كذا مشوار عندي وغوري ما كان مانتي عايزه بس من غير بنتي
قطع كلامو خبط الباب كانت رونزي روحت فتحت ليها ودخلت بإندهاش
_انت هنا ازاي يا بابي انت مش لسه مطلعني وقولتلي هتجيب حاجه وتيجي
_انا!!
_ااه يا بابي
_رونزي اي اللي بتقوليه ده مش هتسلمي على بابي ولا اي موحشكيش
جريت عليه باسته وبعدها عنه وزعق
_انا مش قولت البوس غلط بيجب أمراض يا بنت
_بس انت لسه بياسني من شويه يا بابي
_الله الله علمتي البنت الكدب كمان خلتيها تبقا زايك
_جوه ادخلي جوه يا بنت
_انت رجعت تبقا وحش تاني يا بابي طب انا زعلانه منك
قالتها بعياط وطلعت تجري على اوضتها
_هدخل انام ساعتين مسمعش صوت في البيت فاهمه
قالها وزقني في كتفي ودخل اوضته
رجعت للهم تاني اعمل اي ارن على يوسف اطلب مساعدته بس لاء انا كدا ممكن اكون السبب في أذيته
دخلت ل رونزي صالحتها وحاولت الاقي حل للورطه اللي انا فيها
الساعتين عدو وصحي لبس واتشيك ونزل كان رايح ل عشيقته هو رجع للقاهره عشانها اصلآ بس ولا هو ولا هي يهموني
ساعه ورا ساعه وبقينا الفجر كنت نايمه وواخده رونزي في حضني قطع نومي صوت رن موبايلي رديت كان رقم غريب
_حضرتك مدام روز مرات البشمهندس ياسين صح
_ايوا مين معايا
_معاكي الظابط علاء يا فندم ممكن تشرفينا في القسم عشان جوز حضرتك اتوفى
_إزاي؟؟
_اا احم هو اتوفى هو واحده في شقه في المعادي يظهر انه كان عاشقها وجوز البنت دي قتلهم التنين
_ازاي حضرتك انا جوزي معايا في البيت
_يا مدام الباسور بتاع السفر لقيناه معاه
_حضرتك غلطان تقدر انت تشرفنا وتشوف البشمهندس ياسين بنفسك
_تمام
قفلت معاه ورنيت على يوسف يجيلي ومتأخرش نص ساعه وكان جيه
فهمتو اللي حصل ولما يجي الظابط يمثل انه ياسين ووافق
وفعلآ جيه الظابط واتأكد بنفسو ومشي
_اقدر افهم عملتي ليه كدا؟
_عشان تكون انت ياسين بداله وتعيش معانا ونتجوز
_بس انا مش هو يا روز انا مش زيه
_انت أنقى منو ب مليون مره يا يوسف بس محدش هيسمح ولا هيقتنع انك واحد غيرو
_وانا مش هعيش بشخصية واحد حقير زاي ده
_افهم من كدا انك بتتخلى عني؟
_معرفش
قالها ومشي وقفو صوت رونزي وهي بتقول:
_يعني زعقتلي وشخط فيا وكنت هتضرب مامي ودلوقتي عايز تسبنا وتمشي يا بابي
رجع ليها تاني وخدها في حضنو واعتذر على اللي حصل منو الصبح وخدني انا كمان في حضنو
وقال إن عنده فكره احسن من فكرتي وخدنا وسافرنا عند سلمى خدنا مزرعه جنبها اتجوزنا وعيشنا فيها بس كان بأسمه هو مش بأسم ياسين وحاول يصلح حاجات مكسوره هو مالوش دخل بكسرها اصلآ
وبقيت قدام البلد كلها مدام يوسف ورونزي اسمها رونزي يوسف ورونزا يوسف ما ااه انا نسيت اقولكم اني جبت بنوته تاني وسميتها رونزا
تمت..
تعليقات
إرسال تعليق