روايه على الطراز الغربي للكاتبه سحر سمير لطفي نصار
الفصل الرابع حصريه وجديده علي مدونة نجوم ساطعه
 |
روايه على الطراز الغربي للكاتبه سحر سمير لطفي نصار
الفصل الرابع حصريه وجديده علي مدونة نجوم ساطعه
في ورشه اسلام
كوريا بحب : اسلام انا عايزه اطلب منك طلب بس ياريت توافق عليه
اسلام : ايه هو يا كوريا
كوريا : نفسي افرح بيك على ميرفت
اسلام : انتي لسه فاكره يا كوريا
كوريا : طبعا يا خويا..... علشان خاطري اتجوزها بقى و فرحني بيكم.... ميرفت استنتك كتير و جه الوقت بقي
اسلام : لما اطمن عليكي الأول
كوريا : تب ما انا قدامك اهوا كويسه و ميت فل و عشره اهوا....اتوكل على الله و اتجوزوا بقى
اسلام : لا لا.... لا لما افرح بيكي الأول لما تلاقي اللي يسعدك و يفرحك الأول و اجهزك بعدين ابقى اشوف نفسي
قاطعهم ياسر : السلام عليكم
اسلام : و عليكم السلام ورحمه الله و بركاته..... ايه اللي رجعك بدري
ياسر بارتباك : هااه... بدري من ايه
قاطعته كوريا بارتباك : ااا قصده بدري من المدرسه يا ياسر
ياسر بارتباك : ااه ما هو روحونا بقى مفيش مدرسين يدونا بقى ما انت عارف
قاطعته كوريا : كويس انك جيت احضرنا يا سيدي
ياسر : خير
كوريا : مش راضي يتجوز و يفرحنا..... انا عايزه افرح بيه و هو مش راضي
ياسر في نفسه : دي فكره حلوه نزيحه من عننا
ياسر : ااه ااه تب ما تتجوز يا اسلام
اسلام : لا هو دا وقته اطمن على اختك الأول و بعدين نبقى نشوف
ياسر : يا عم اطمن عليها احنا موجودين و هنفضل معاها و مش هنسبها
كوريا : اهوا قالك
ياسر : تب استأذن انا هروح البيت وراجع تاني
اسلام : متتاخرش
كوريا بحب : هتتجوز.... هااه ازغرط ازغرط... و النبي ل ازغرط لولولولولولولوليييييييييييي
قاطعها رجل داخل عليهم
اسلام وقف قدام كوريا : نعم اي خدمه
الرجل : حضرتك المعلم اسلام
اسلام : ايوا في حاجه
الرجل : انا سيد أحمد من مصلحه الضرايب.... انا مش عارف اجيبها لك ازاي بس انت عليك ١٠٠٠٠ جنيه للضرايب يا تدفع يا نحجز عليك
اسلام بصدمه : ايه
عند ياسر
ياسر روح البيت و بقى بيدور علي بطاقته و بطاقه كوريا علشان يتمم مخططه هو و كريم
ياسر : يوووه هما راحوا فين بس
قاطعه على : بتدور على حاجه يا ياسر
ياسر بارتباك : اا... لا لا دا بطاقتي كانت ضايعه مني و طالبينها مني في المدرسه... متعرفش راحت فين
على ببراءه : تب استنى هدور معاك
ياسر بفرحه : ايوا كدا الأخوات ل بعضيهم
ياسر في نفسه : مغفل هيساعدني على اللي انا هعمله هههههههه
عند احمد
احمد وصل البيت
كوثر بلهفه و دموع : انت كويس
احمد : الحمد لله
قاطعته كوثر بحضنها له : حرام عليك قلقتني عليك.... انا اسفه و الله ما عدت هجبرك على حاجه كل اللي انت عايزه اعمله بس علشان خاطري ما تسبنيش يا خويا.... خلاص انا مش هفتح معاك موضوع الجواز دا الا لما انت تقولي انا عايز اتجوز و اللي تختارها من عيوني
احمد وهو بيمسح دموعها : متزعليش مني يا كوثر.... انا اسف
قاطعته كوثر بحب : تب يالا قوم تعالا نتغدى انت ماكلتش من الصبح
احمد : ماشي يا حبيبتي
قاطعهم مصطفى بدموع مزيفه : مش عارف اعمل ايه في قلبي الحساس دا اهئ اهئ
كوثر : هو انت عندك دم من أصله
مصطفى : ااه خلاص اتصالحتوا وهتجي على دماغي.... قدامي يا سي احمد علي المكتب علشان الإعلان نزل النهارده
كوثر : تمام شوفوا شغلكم على ما اجهز الغدا يالا
ومشيت
مصطفى : اتفضل معايا يا سي احمد
عند كوريا
كوريا بدموع : يا دي البخت المنيل..... تب هنعمل ايه..... ١٠٠٠٠ جنيه دول نجيبهم منين.... نعمل ايه
يادي اليوم الزفت على دماغي
اسلام : اهدي يا كوريا انا هتصرف
كوريا بدموع : هنعمل ايه يا اسلام.... الورشه هضيع مننا.... نعمل ايه
اسلام : هشتغل صبح و ليل و هجيب الفلوس من تحت طقطيق الأرض ..... ورشه المعلم سلامه عمرها ما تتقفل ابدا..... كوريا خليكي هنا على ما اجي
كوريا بدموع : ماشي يا خويا
عند ياسر
ياسر بلهفه : لقيت حاجه يا على
على : لا ملقتش بطاقتك خالص
ياسر باستغراب : أمال ايه دي
على : ااه... دي بطاقه كوريا الظاهر نسيتها هنا لما ترجع هديها لها
ياسر بندفاع : لا هاتها
ياسر وقد أدرك الأمر : اصل انا رايح الورشه و هديها لها
على ببراءه : تب خد يا سيدي
ولسه هيديهالوه
قاطعه دخول اسلام
على : اهلا يا اسلام
ياسر بصدمه : اسلام
عند كوريا
كوريا بدموع : يا حوستي السوده يا انا ياما.... يا نهار اسود و مهبب على دماغي... اعمل ايه يا رب بس .... الورشه لو اتقفلت هنعيش منين... اعمل ايه بس
ميرفت : اهدي يا كوريا هتتحل
كوريا بدموع : تتحل ازاي يا ميرفت.. انتي مشوفتيش اسلام يا حبه عيني كان عامل ازاي
ميرفت : تب اهدي بس اهدي... انا هروح اجيب لك لمون اهدي
و مشيت
كوريا بدموع : يارب مش عارفه أعمل إيه بس
قاطعها كريم بخبث : انا ممكن اساعدك
كوريا بحده وهي بتمسح دموعها : انت ايه اللي جابك هنا يا بوز الاخس انت دا
قاطعها كريم : جاي اساعدك.... انا مستعد ادفع كل الضرايب اللي عليكوا بس توافقي اننا نتجوز
كوريا بحده : تتجوز مين يا شايب يا عايب
مبقاش الا اخرتها اتجوز واحد حشاش
كريم : هبعد عنه... و هعمل كل اللي انتي عايزاه بس نتجوز
كريم معقبا بحب : انا بحبك يا كوريا..... يا بت افهمي بقى و النعمه لنغنك و اوريكي اللي عمر اهلك ما شافوه
كوريا بحده : اخفا ياض.... و النعمه لو مخفيت من وشي هرقع بالصوت و أفرج عليك امه لا اله الا الله
كريم : وعلي ايه خلاص ماشي.... بس ابقى شوفي مين هيساعدك في الديون اللي عليكوا
كوريا بحده : اخفا ياض إلهي ربنا ياخدك بحق جاه النبي
عند احمد
في المكتب
مصطفى : هااه ايه رايك في الاعلان
احمد : حلو..... بس المهم الناس تقدم..... الفرع محتاج عماله كتير
مصطفى : ان شاء الله كل حاجه هتتحل سيبك
مش انا حبيبك و احنا رجاله زي بعض.... افتح لي قلبك و احكي لي
احمد : انت اللي قولي ايه حكايه ياسمين معاك
مصطفى بصدمه : ياسمين..... ياسمين مين
احمد : خلاص انا هنادي ل كوثر تعرفك مين ياسمين
مصطفى بندفاع : لا خلاص هقولك... اسمع يا سيدي
عند اسلام
ياسر بصدمه : اسلام
اسلام : ايوا اسلام مالك في ايه
ياسر بارتباك : لا مفيش دا اا
قاطعه اسلام : باس بأس مفيش وقت يالا منك له جهزوا نفسكوا علشان هنجيب البضاعه اللي في المخازن
ياسر : ليه يا معلم
اسلام بحده : من غير نقاش اتحركوا
ياسر و على طلعوا جري
اسلام وهو بيبص على صوره ابوه : هحاول و الله..... هعمل اي حاجه علشان الورشه متتقفلش اوعدك اني مش هضيع تعبك يا بابا
في المساء
كوريا راحه جايه
نور : في ايه يا كوريا خوتينا
كوريا : هما اتأخروا كدا ليه.... كان المفروض اروح معاهم
قاطعهم دخول على و اسلام
كوريا بلهفه : عملتوا إيه
على بعصبيه : المعلم الزفت عرفه رافض يدينا اي بضاعه الا لما ندفع له نص حق البضاعه اللي فاتت
كوريا : نهار اسود.... تب و العمل
اسلام : هتتدبر..... انا هسافر بكرا مصر واخد قرض من البنك بضمان البيت علشان ادفع الضرايب اللي علينا محلوله بإذن الله
على : تب هنسدد للبنك منين دا احنا محلتناش الا البيت دا ولا ارض ولا ورث ولا حاجه.... ولو حجزوا علي البيت هنعمل ايه دا محلتناش غيره
اسلام : هتتدبر بإذن الله
كوريا بدموع : يارب.... كان مستخبي لنا فين دا بس يا ربي
اسلام : خلاص يا كوريا
كوريا : انت رايح فين مش هتاكل انت مكلتش من الصبح
اسلام : مليش نفس كلوا انتوا
و طلع برا البيت
عند ياسر
كريم : يعني معملتش حاجه من اللي اتفقنا عليها
ياسر وهو بيشرب السجاره : اتقل هتتجوزها و بكرا
كريم بفرحه : بجد..... تب وليه مش النهارده
ياسر : لان اسلام هيسافر بكرا يا خفيف فهنكون خلصنا منه بقى..... الصبح تكتب عليها..... و الظهر تجي تأخذها ووقتها بورقه الجواز محدش هيوقف قدامك و تأخذها و نخلص
كريم بفرحه : ااه و ساعاتها هتكون ليك الحلاوه
ياسر : لا انا عايز من الغالي اللي بتبيعه للغاليين ده
كريم : من عيوني يا ابو نسب ولا يغلي عليك حاجه
عند كوريا
كوريا : أقول له ولا اعمل ايه
على : مستحيل يوافق على حاجه زي دي
كوريا : ما انا لازم اعمل حاجه مش هقف اتفرج
و غير كدا المصنع دا مشهور اوي دي البت ميرفت ورت لي الإعلان في الجرنال و ناس عليوي اوي يعني هيكون فيها فلوس حلوه انا هروح اقول له و أمري لله
عند اسلام
خارج البيت
اسلام بدموع : افرجها يارب..... ضاقت المره دي اوي.... الفرج من عندك يارب
قاطعه دخول كوريا
كوريا : انت كويس
اسلام وهو بيمسح دموعه : بخير
اسلام معقبا : احممم احمم.... في حاجه ايه اللي طلعك دلوقتي
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
كوريا : انا كنت عايزه اشورك في حاجه
اسلام : خير
كوريا : في فرصه عمل حلوه اوي في مصر... انا عايزه اروح اشتغل هناك
اسلام بحده : نعم
كوريا بخوف : اصل اصل يعني.. مرتبها كبير و هيظبط لينا موضوع الورشة و البضاعه هيحل كل حاجه
اسلام وهو بيحاول يسيطر على غضبه : اعدلي يا كوريا و اعقلي الكلام..... حد فينا طلب منك انك تشتغلي
اومات كوريا راسها بالنفي
كوريا : بس
اسلام بحده : مفيش بس.... انا كنت بشغلك معايا هنا في الورشه علشان انتي طلبتي دي وانا وافقتك علشان كنتي تحت عنينا اما حصلت أنك تروحي تسافري مصر و تشتغلي هناك ليه.... أخواتك ماتوا
كوريا بندفاع : بعد الشر..... ربنا يخليكوا ليا
كوريا معقبه : ما هو انا كنت هاخد على معايا مش هروح لوحدي
اسلام بحده : على رأيح بكرا هيشتغل مع مدام ألفت و انا هسافر بكرا مصر و احتمال اتأخر على اسبوع كدا على ما اخلص الإجراءات.... ياسر هيكون معاكم
كوريا : ماشي يا خويا.... بس و النبي فكر تاني
قاطعها اسلام بحده : قولت مفيش شغل يعني مفيش شغل.... قومي يالا على جوا اتحركي
كوريا بزعل : حاضر
يا ترى ايه اللي هيحصل؟؟
و كريم و ياسر هينجحوا في اللي بيفكروا فيه؟؟
روايه : على الطراز الغربي
للكاتبه : سحر سمير لطفي نصار
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق