رواية الاسمر الخائن الفصل الاول والتاني والثالث والرابع والخامس بقلم حنين حصريه وجديده علي مدونة نجوم ساطعه
 |
الحب الحقيقي لا ينتهي إلا بموت صاحبه، والحب الكاذب يموت عندما يحيا صاحبه، والخيانة جرح لكل حب حقيقي
البارت الاول
هلو : اني اسمي وسيم عمري ٢٦ سنه مواصفاتي شاب طويل واسمر وعيوني عسلية والعب حديد يعني معظل اني عصبي حيل وعندي شويه غرور وحب الذات طبعا اي شخص بمواصفاتي اكيد حيكون عنده غرور بس بنفس الوقت قلبي طيب وعيبي الوحيد انو اني شهواني يعني ماسيطر على نفسي من اشوف وحده حلوه موووبيدي هلشي احسه مرض
هلو : اني اسمي آيه عمري ٢٣ سنه حلوه طولي متوسط رشيقه بيضه وعيوني عسليه شعري اسوود طووويل يعني بل مختصر مابيه عيب وكلشي حلو موجود عندي ماناقصني شي وطبعي هادئه يعني بل كوه ينسمع صوتي وقلبي طيب واحب الخير للعالم
وسيم : اني اشتغل عندي محل كماليات اني واخويه شراكه طبعا حمدلله جان شغلنه تمام بل بداية وعايش حياة حلوه واني وزوجتي عازلين يعني بيتنه وحدنه بس ايجار لان ماعندي امكانيه اشتري بيت طبعا زواجي من آية عن حب لان هيه تكون بل اصل بنت خالتي من احنه وصغار جان عندي مشاعر تجاهه وهيه هم نفس شي واخذتها بل اخير وحمدلله صارلنه سنتين مزوجين وحياتنه ماشيه تمام بس كلشي تغير لمااا كشفت اخووية يغدر بيه ويبوكني شلون عرفت هلشي هسه اكلكم تقريبا بعد سنه ونص من الشغل ويه اخويه بدت اتصير خسارة عدنه والدخل قليل يوم عن يوم زادت خسارتنه بل محل ووصلت لحد كمت حته ايجار ماكدر ادفع ياربي ليش هيج ديصير ماعرف يوم من ايام كلت لاخويه هوه اسمه احمد كتله اريد اروح عل بيت ارتاح شويه جان راسي يوجعني كلي اوكي اخويه روح اخذ راحتك طبعا عفته وجان راسي حينفجر من تفكير شون ادفع ايجار ومصروف بيت وكذا وكذا المهم طلعت بره شغلت السيارة ورجعت عل بيت دكيت الباب والجو بارد جان تاخرت آيه مفتحت الباب واني عصبت دكيت عليها ردت عل مبايل كتلها بعياط اشو متفتحين الباب كالت اشبيك متعصب جنت نايمه بعدين دنيا ظهر اشجابك عل بيت المهم كامت فتحت الباب وصدك جان وجهه مال نايمين المهم كتلها حظريلي غدة جوعان حظرت الاكل اكلت وجان اشرب جاي وغفيت المهم تقريبا هل حجي ساعه ١ الظهر كمت من نوم وسبحت جانت الساعه ٤ ونص العصر كلت ل آيه صبيلي جاي اريد اروح عل محل هسه اكيد احمد وحده وراسه صار ازدحام شربت جاي وطلعت برة وداشغل سيارة وجان قلبي عصرني ماعرف حسيت حصير مشكله رحت عل محل شفت الباب مسدود ماكو احد فتت عل محل جان شفت الصدمه شفت احمد يحجي بتلفون ويه زوجته وفاتح الدخل طبعا نسيت اكلكم احمد مزوج وعنده جهال يعني هوه اكبر مني ومزوج قبلي زوجته شكللكم خبيثه وطماعه وماكمل المهم وكفت شفته يكول لزوجته هسه منين اجيب افلوس هنه ١٥٠ الف وراح نتقاسمهن اني ووسيم اليوم الدخل قليل ماكدر ابوك منه صدكيني هوه بلا شي صارت عدنه خسارة ولاحظ الدخل ديقل اخاف يكشفني لتلحين غير يوم ابوك وجان يسد الخط واني واكف وراه طبعا ماكلكم اني من الصدمه ماعرفت شسوي جان يندار ويشوفني واكف وهوه بيده فلوس ديخلي ابجيه جان توكع الفلوس من ايده ووجهه كام ايذب الوان وايريد يحجي ولسانه ينلزم(احمد) ااااا وسييم والله موو مثل ماشفت اااااا اني بس جنت اشوف الدخل وسيم صدكني وداعت خوتنه
آية: كعدت من النوم ساعه ٨ صبح كلعادة ملل نفس روتين سويت ريوك كعدت وسيم من النوم حبيبي كوم يلا الساعه صارت بل ٨ وبعدك نايم يلا حبيبي الريوك جااهز (وسيم) اوك حبيبتي اجيت اجه وسيم صبيت جاي وشفت وسيم ضايج ماعرف شبي بس يتصفن كتله شبيك كال هيج موضوع يخص الشغل المهم مادخلت اكثر وملحيت عليه لان شي يخصه خلص ريوك بدل هدومه وطلع تقريبا جانت بل ٩ من طلع متاخر جان سديت باب وراه واجيت غسلت المواعين ورتبت البيت وكعدت اتفرج بل تلفون واتصفح بل فيس وخلصت كلشي فتت سبحت ونمت جانت ساعه بل ١٢ من غفيت فزيت ع صوت مبايل جان يدك جاوبت وجان وسيم ويعيط ويكول اشو متفتحين الباب اني ضجت كتله شبيك متعصب واتفاجاة من جيته هيج وقت هوه بليل يرجع ع بيت المهم فات جوه كلي حظري اكل جوعان كمت صبيتله غدة وشرب جاي ونام غسلت مواعين ورتبت مطبخ ورحت وراه للغرفه ونمت وياه لان مشبعانه نوم كعدت ع صوت وسيم يريد يروح ع محل جان ف صبيتله جاي وطلع سديت باب وراه وكعدت اباع ع تلفزيون
٢___٣
#ألاسمر_الخائن -
#البارت الثاني
تسررييع احدااث ... بعد اسبووع من الحدث
وسيم: بعد الي شفته من اخويه عفته ماكلتله شي عود هوه الاخ الجبير وقدوة النه وطلع هوه يغدر بيه واني ماادري عفت المحل لغيت شراكتي وياه يعني بعنه محل واخذت فلوسي المهم صار اسبوع عل موضوع واجه راس الشهر طبعا الفلوس الي اخذتها كلها راحت عل دين لان مسواك وغراض بيت كلها بدين اخذتها وصفيت بللا فلوس بيدي بس بقت ١٠٠ دولار للاكل وشرب والبانزين واني بس افكر ب آية شراح اسوي شلون اعيشها واني هيج كاعده عطال بطال وشغل ماكو لان اني ممكمل دراستي ف وضيفه ماكدر اقدم المهم كاعد بلبيت وفكري مشغول و اية جانت تسوي غدة جان يندك الباب فتحت الباب( صاحب البيت) بعياط ليش اخابر متجاوب صار شهرين مدافعين ايجار متستحون انتو واخذني حاصل فاصل ماينطي مجال اجاوبه المهم كلي كدامك اسبوع اذا منطيت ايجار راح اطردكم من البيت زين وجان يصعد سيارته وسد بابها بعصبيه اني فتت عل بيت وحيل مقهور اول مرة احس روحي رجال ضعيف وماكدر اسوي شي
(آية) جنت اسوي غدة لوسيم واباوع عليه كاعد مقهور ومكسور حيل ضجت عليه لان اخوة هيج سوه بيه وحطمه وجان يندك الباب منو هاي بهل ظهريه وراح وسيم فتح الباب وطول بلباب اني ماكدر اشوف منو لان الطبخه تحترك ماكدر اعوفها ف اجه وسيم فات جوه ووجه صاير احمر ماعرف عصبي مقهور ويتنفس بقوة كتله منو جان جاوبني ابو البيت يريد ايجار طبعا هوه من وره اخوه اتدمر وصفه بلا فلس واني مقهورة حيل عليه خلصت الطبخ وصبيت الغدة اكلنه ولملت كلشي وغسلت مواعين اجيت كعدت بصف وسيم شفته كاعد مكسور ويقهر حيل كلت بداخلي يالله شسوي حته اساعده واطلعه من هل مشكله فكرت انو انطي الذهب مالي يبيعه وينطي ايجار ميخالف فدوه اله الذهب وسيم اريد احجي وياك بموضوع
وسيم: احجي حبيبتي اسمعج.
آيه: والله داحس بيك واعرف اشكد مقهور ومابيدك شي لو اكدر انطيك روحي بس لاتسوي هيج بروحك لاتنقهر
وسيم : شبيج حبيبتي الله كريم انتي لتفكرين بهلشي ولتشيلين هم شي اني احلها والله موجود ميعوف عبدة بحاجه خليها على الله وتنحل
آيه: وسيم هاك الذهب مالتي يفداك بيعه وادفع الايجار وخلي الباقي بجيبك
وسيم: طبعا آية من كلتلي هيج مبقت اعصاب عندي لان الذهب هاذ ذكرى من زواجنه ومستحيل ابيعه علمود هشي وحسيت نفسي شخص ضعيف استحقرت نفسي لان ماكدر ايجار ادفع مامني فايدة كلتلها آيه شدتحجين انتي هاذ ذكرى من زواجنه مستحيل ابيعه لو اعرف نفسي ميت من للجوع
آية: وسيم من شاف هيج كتله ضاج واتعصب ورفض هشي واني مضغطت عليه لان خفت ينقهر كلشي ولا يحزن خلصت المدة الي انطاها ابو البيت النه واجه اليوم المشؤم الي غير حياتي من سعادة وفرح الى هم وحزن وقهر ......
#ألاسمر_الخائن -
#البارت الثالث
وسيم: طبعا المدة الي انطاها النه ابو البيت جانت قليله واني ماعندي شغل شكد دورت شغل مالكيت شي ايناسبني وافتهم بي واجه اليوم الي خلصت بي المده واندك الباب ابو البيت ووياه جماعه (ابو البيت) يلا فوتو جوه طلعو كل الغراض البي ماريد ولا شغله اتضل استعجلوو طبعا اني اتخبلت شلون ايذبون غراضنه بره ياربي شسوي واصيح عليهم الزمهم ماكو فايده وآيه ادك وتلطم متعرف شسوي الله لايوفقهم كسرو الغراض وطلعوها برة صارت دنيا عصر واحنه بشارع نبجي منعرف شنسوي والناس اتباع علينه كلت لآيه خابري اهلج يجون ياخذوج لحد ما احل المشكله هاي والكه مكان اخلي بي الغراض آيه رفضت كالت ماعوفك كل عقلك هيج تحجي عصبت عليها كتلها لعد اتنامين بل شارع ليش اني مو رجال حته اخليج بشارع خابري وبلا كلام زايد خابرت اهلها اجو اخذوها واخذت ملابسها اني ضليت كاعد وافكر شحسوي هسه وين اروح اخابر اهلي اخاف ينقهرون ويفكرون اني مو كد المسؤليه لان اني عفتهم وكلت أأجر بيت وحدي واني مو طفل حته اتصرفون عليه شلون راح اكللهم انطردت من البيت وبعد تفكير طوويل قررت اخابر امي واحجيلها عل موضوع والله كريم
وسيم: الو يمه شلونج
ام وسيم :الو يابعد روح امك يانظر عيني ليش هيج متسئل عليه يا يمه ليش عايفني وحدي محد بيكم بحالي اخوك الجبير ملتهي بمرته وجهاله وانته هم ملتهي بمرتك وناسيني هاي هيج تجازوني
وسيم: يمه لتبجين لخاطر الله القهر البيه كافيني يمه والله تعبت من هل حياة الله يموتني واخلص من هل دنيا
ام وسيم: يمه لتحجي هيج اسم الله عليك يومي قبل يومك يا روح امك شبيك احجيلي مرتك مضوجتك شغلك مو زين ليش هيج مهموم
وسيم: ياشغل يا صخام ابنج دمررني يمه ........حجيتلها كلشي وكلتلها انطردت من البيت كامت تبجي وتلوم روحها شلون عافتني وقبلت اطلع بيت وحد المهم كلتلي تعال غرفتك بعدها موجوده والتخم نفس ماهوه وفراشك كلشي حاظر رحت جبت سياره جبيرة نقلت الغراض لبيت ابويه وقابلتني الحجيه
ام وسيم : هلا بوليدي بعد روح امك نورت البيت يا شمعتي ونظر عيني اروحلك فدوه
وسيم : كمت ابجي بحظنها واشكيلها همي راحت جهزت العشه جان تعشيت كلتلي فوت اسبح وارتاح فتت سبحت اتذكرت من جنت بعدني ممزوج شكد جانت حياتي حلوه خلصت طلعت صبتلي جاي وكعدنه نسولف
ام وسيم: يمه وين مرتك اشو ما اجت لو ماعاجبها تجي لبيتنه
وسيم: لا يمه اني دزيتها عد اهلها هل يومين كلت لحد ما الكه بيت واشتغل
ام وسيم : ليش يمه شبي بيتنه معاجبك
وسيم: لا يمه مو هيج السالفه بس هيج احسن انتي مرة جبيرة وابويه رجال جبير باجر عكبه من يصيرلنه جهال وين تتحملون صوت وانتو مرضى
ام وسيم : على راحتك وليدي الي تشوفه صح سويه اني راح احجي ويه ابوك بلكت يلكالك شغل منا منا لو تشتغل يمه احسن بل اسواق شتكول ابني
وسيم : اي عفيه يمه حاجي لابويه بلكت يلكالي شغل هاي مو حاله صدك اشو ابويه ما اجه اتاخر مشتاقله هوايه اريد اشوفه
ام وسيم: يمه ابوك يعزل محل بل ١٠ بليل هسه على جيه بل طريق
وسيم: اندك الباب كلت هاي اكيد ابويه كمت فتحت باب وركضت لحضن ابويه الدافي وكمت ابجي واكله يابه مشتاقلك يابه همي زاد والدنيا ضاكت عليه وحجيتله كلشي بسرعه
ابو وسيم: رجعت عل بيت كل عاده دكيت الباب فتحلي ابني وسيم نظر عيني وروحي من الدنيا فرحت كلش وركض لحضني ويشكيلي يبويه شوكت صار بيك هيج انته وين القهر وين كون بيه ولا بيك يايعد قلبه لابوك فتت جوه شفت الحجيه فرحانه ومبتسمه يالله اجه شمعت بيته ونور البيت
وسيم : ضليت اسولف ويه الحجيه والحجي لحد مانعست صعدت فوك لغرفتي فتت لفراشي ونمت كعدت الصبح خابرت آيةاشو ماكو عاجبها الوضع بدوني ألوو
آية : حبيبي صباح الخير
وسيم: مساء الخير مو صباح الخير شايفه ساعه شكد ساعه بل ١
آية:اهووو ههههه شبيك حبيبي ليش متعصب اشسويت حليت الموضوع مال غراض
وسيم: اي جبتهم لبيت اهلي واني اهنا لازم نعيش هنا لحد ما الكه شغل واكدر ااجر بيت
آية: التشوفه حبيبي تأمرني يلا اني اتحظر تعال ورايه واخذني مشتاقه لخاله كلش ولعموو
وسيم: اوكي حبيبي اتحظر العصر جاي وراج
ام وسيم: يمه وليدي تعال اتغده
وسيم : جايج يمه اجيت
ام وسيم: مسويتلك دولمة تاكل اصابعك وراهه
وسيم: الله شنو هل ريحة التخبل صارلي شكد ماماكل هيج دولمه
ام وسيم : شنو الخاتون متطبخلك مجوعتك اني الها بسيطه
وسيم: هههههههه لا شلون متعرف طبخها هم طيب بس ميوصل لطبخج اكيد
وسيم: صار العصر رحت ورة آيه اني وطالع شفت المنطقه صايره تخبل نظيفه وبيوت جديدة مبنيه من ضمن هل بيوت شفت بيتين واحد مكتوب بي للايجار والثاني ساكنين بي ناس كلت يالله هم بيت وقريب من اهلي رحت دكيت الباب الي ساكنين بي ناس كلت اسئل عل بيت البصفهم فتحتلي الباب بنيه شنو من بنيه جمالها مينوصف سطرتني دخت من شفتها مربربه وطويلة والعيون خضر والشعر اصفر اويلي الله
#ألاسمر_الخائن - ٤___٥
#البارت الرابع
هلو: اني اسمي اماني عمري ٢٥ سنه بيضه و عيوني خضر شعري اصفر طويله وجسمي يخبل يعني مربربه متزوجه وعندي بنيه اني كلش عصبيه وانانيه يعني احب نفسي بل مختصر والشي الي اريدةة لازم اخذه حتلو دفعت الثمن غالي
اماني : كعدت الصبح من النوم حضرت ريوك جهزت مينا بنتي حته ادزها عل المدرسه وك العاده هشام بل مستشفى لان خفر هشام زوجي دكتور يحب شغله هواي بحيث ناسينه اني وبنته يوم بلبيت اسبوع بل مستشفى هاملني هواي واني هم انسانه احتاج شخص يهتم بيه ويحسسني بل حب المهم صاار الضهر رجعت مينا غديتها وضلينه كاعدين اقريها تقريبا صارت بل ٤ العصر سمعت صوت باب تندك كمت ع سريع حته مبدلت جنت لابسه تراك ازرك ضيك عل جسم يعني مفاتني كلها مبينه بي فتحت باب شفت شاب اسمر طويل ومعظل جمدت بمكاني ماعرف حسيت احساس غريب شنو انعجبت بي ؟ شنو السالفه المهم كلي
وسيم : السلام عليكم اختي ولو ازعجناكم خاف بس جان عندي سؤال
اماني تفضل عيني لا يا ازعاج عاددي
وسيم: البيت الي بصفكم مكتوب ع الحايط مالته للايجار بشكد رايدينه
اماني : هههه مو مالتنه بس سمعت رايدينه ب ٣٠٠ الف لان مساحته صغيره تكفي شخصين
وسيم: اي عادي هوه اني رايد بيت صغير ع كدنه اني وزوجتي
اماني: اي هلا بيكم انشاءلله خير عندي رقم صاحب البيت لان حته البيت الكاعدين بي مالته راح انطيك الرقم والله يسهلها
وسيم : تمام عيوني 😊 رديلي حته اسجله يمي
اماني : .....0770
وسيم: اشكرج اختي اخذي راحتج خاف ازعجتج باي
اماني: الله وياك اخويه واي شي تحتاج احنه حاضرين باي
وسيم: ياربي شبيه اشو قلبي يدك شسالفه وسييييييم سيطر على روحك 😍 شنو قابل اول مره اتشوف وحده حلووة بس يربي شنو هل عيون والجسم والوجه تكول تفاحه اهووووو اطلعي من باااالي 😂خل الحك اروح ورة ايه
آية : يمه اني حروح حبيبتي وسيم حيجي ورايه مشتاقه لخالتي ولعمو
ام آية: وين بنيتي بعد وكت ليش مو وسيم يجي يبات عدنه شنو ميكول عندي خاله اسئل عليها اشوف شتريد شمحتاجه بس يلا شنسوي هوه على امه مسأل يسئل عليه
آية : اوي يمه شبيج حبيبتي والله مشغول مو سالفه يسئل ميسئل هل فتره حته اني هاملني القهر البي كافي اعذري هل فترة
ام آية: يلا عادي بنيتي روحي بس مو تطولين عل جيه اشتاقلج يمه
وسيم: وصلت لبيت خالتي دكيت الباب جان تجي خالتي فتحته
ام آية: هلا بيك ابني يايه شدعوة متكول عندي خاله اسئل عليها اشوف بيها شي مابيها محتاجه شي
وسيم: ههههههه هستوني اجيت وبده العتاب على كيفج ويايه خالتي وجان بوستها خالتي صح تعتب بس من حبها الي
ام آية : تفضل اوليدي فوت جوه ليش واكف برة
وسيم: لا خاله حبيبتي خليها غير مره يلا آية اشو اتاخرتي
آية: يلا جايه بس البس الحذاء
وسيم : اخذت آية وصعدنه بسياره اخذتها البيت اهلي وصلنه دكيت باب فتحته امي
آية : وصلنه لبيت خالتي نزلنه من سيارة وسيم دك الباب واني جنت انزل غراض ا
ام وسيم: هلا بحبيبت خالتها شلونج بنيتي اشو متسألين على خالتج
آية : هلو خالتي والله ضروف انتي تعرفين الصار ويانه والله مشتاقتلج خاله عمو اشلونه هم مشتاقتله
ام وسيم: تفضلي بنيتي اشو واكفين بل باب والله عمج بل شغل يرجع بليل بل ١٠
وسيم : يمه جووعان ماكو شي اكله آية صعدي بدلي تعالي جيبيلي شي من ثلاجه اكل
آية : اوكي حبيبي هسه بس دقايق
#ألاسمر_الخائن -
#البارت الخامس -
(تسريع احداث بعد ٣ اسابيع )طبعا البارت شويه طويل
وسيم: آية جهزي الغراض ( آية) اي حبيبي بس باقي كم غرضه وأخلص ( وسيم) اوك لتتاخرين
ام وسيم : يمه والله استعجلتو جان بقيتو كم شهر لخ ليش هل استعجال يا ابني اهئ اهئ😢😔
وسيم: يمه اشبيج تبجين الي يشوفج يكول دنسافر هوه هياته البيت هههههههه هاي بس فتحي الباب اتشوفينه
آية: يلا حبيبي اني حاضرة خالتي والله حشتاق ال هاي الايام الحلوة صح هنه ٣ اسابيع بس اتعلقت بهل بيت اهوواي 😔
ام وسيم : تعالي احضنج ابنيتي حشتاقلج اهواايه 😢😢
وسيم: ترة داحس نفسي داحضر مسلسل تركي ولكم هوه هياته البيت الخاطر الله كافي عاد هههههه😂😂
آية: 😭😂 اي شنسوي هوه هيج الواحد من يشيل لغير بيت
ام وسيم : تعال احضنك وليدي اهى اهى اهى 😢😢
وسيم: طبعا حمدلله والشكر ابويه لكالي شغل زين يم عمي يبيعون اثاث ف اني اتعلمت الصنعه مالتهم وبديت اشتغل تقريبا بعد اسبوعين حاجيت صاحب البيت الي كبال بيتنه ونطاني ياه ب٢٥٠ الف وبديت انقل غراض ونضفنه البيت وبيت الي بصفنه البنيه الي انطتني الرقم مال صاحب البيت ولا تطلع برة عبالك ماكو احد ساكن بلبيت هادئين كلش المهم صار ٣ اسابيع خلصت البيت بس بقت كم شغله كلت ال آية حضري الغراض وامي اجت تبجي وليش هل استعجال وجان بقيتو هههههه واني خربان ضحك لان البيت بس عبرت شارع يعني خطوتين المهم ودعنه امي وابويه ورحنه عل بيت ( تسرريع احداث ) بعد شهر من الانتقال للبيت الجديد
آية : حبيبي يلا كوم اتاخرت عل شغل بسررعه عمك يخاابر يكول شو تاخر عدنه شغل هواااية ييلا عاااد
وسيم: اييي كمت بس دقيقه اغسل وجهي
آية: يلا حبيبي صبيت الجاي تعال اشرب
وسيم: شربت الجاي ورحت ع الشغل اني وطالع برة شفت الملاك الي نازل من السما ياربي شنو هل جمال شنو هل انوثه ليش آية مو مثلها هاملة روحها شوفها عبالك ملاك
اماني: كعدت من نوم حضرت ريووك ل مينا بنتي وتريكنه بدلتلها حته اتروح ع المدرسه طلعت برة وكفتلها بل باب جان تنفتح باب جيرانه الولد الي قبل فتره دك الباب وطلب مني رقم صاحب البيت ضل صافن عليه واني ماعرف حسيت شي غريب عجبني هوااي شكله ابتسمتله
وسيم: جانت واكفه لبنتها تروح للمدرسه باوعتلي ياربي شنو هل عيون وابسمتلي اني اتخبلت شنو هل ابتسامه حسيت روحي طااير بسما سلمت عليها
اماني : ورة مبتسمتله اجه سلم عليه رديت السلام وكتله عل خير انشاءلله البيت.الجديد
وسيم: ردت السلام وباركت عل بيت الجديد كتلها اذا تحتاجين شي اني حاظر عيوني
اماني: تسلم انشاالله اي شي احتاج اكلك اشكرك
وسيم : تدللين عيوني وعفتها ورحت ع شغل
اماني: فتت عل بيت وحلكي جان حينشك من الابتسامه😂اويلي اول مره شخص هيج يهتم بيه ويسئلني محتاجه شي مو مثل هشام عايفنه صار اسبوع ميسئل علينه 😏 اووي يلا خل انام اشويه
آية : راح وسيم عل شغل وكعدت وحدي ضايجه كلت خل امر الخالتي شويه ورحت يمها
ام وسيم: هلا حبيبتي زين اجيتي بوكتج صبيت جاي وجنت ضايجه وحدي تعالي خل نشرب سووه بنيتي احجيلي مرتاحه خوما وسيم مضوجج شي
آية: لا خاله والله ممقصر ويايه كلشي اريد يسويلي بس هل فتره شوويه هاملني لان عنده مشاغل اني عاذرته
ام وسيم: بنيتي اكلج شي متزعلين
آية : كولي خاله اكو واحد يزعل من امه احجي
ام وسيم: بنيتي انتي هامله روحج هوايه فد مكياج حمرة اشو وجهج صاير اصفر جسمج متغير وتصرفاتج اشوي اهتمي ب وسيم تره الرجال من يشوف اهمال من زوجته عينه تباع برة اني كتلج بعد بنيتي اسمعي كلامي روحي اليوم غسلي مكيجي البسي فد سيت نوم من الجهاز مال عرس لو بعدج ملابستله ولا وحده
آية : صح كلامج والله خاله اني صار فتره هامله نفسي لا والله ملابسه ولا وحده منهم لان استحي البس هيج شي اليوم انشاءلله اسوي الكلتي عليه
وسيم: كعدت شويه ارتاح بل محل جنت اشرب جاي وي الولد اجت ابالي جيرانه الي حته اسمها ما اعرفه شكد حلوه اوف لو هيه بمكان آية شكد حلوه هل بنيه ماعرف اشتهيتها خل اتقرب منهم اكثر اتعرف ع زوجها بلكت اكدر اشوفها ازيد لان هيه متطلع بره البيت استغفر الله العظيم خل اكوم على شغلي صارت دنيا ليل ورجعت عل بيت
آية : طبعا ورة مرجعت عل بيت فكرت بكلام خالتي وطلع كلامها صحيح قررت اغير نفسي نضفت البيت وحضرت الاكل فتت سبحت طلعت لبست تراك بنفسجي ضيك ونشفت شعري بل فير وضربته كاويه سرح صار ومكيجت مكياج يخبل وبسيط ايلاينر وحواجبي رسمتهن وخليت بودره وخدود ورديه وهايلاتر وحمره ماروني صار دنيا ليل اندك الباب لبست جاكيت كلت خاف عمو اجه فتحت باب جان وسيم
وسيم: دكيت باب فتحته آية اتعجبت خاله مكياج خرافي حمرة ماروني اويلي الله هاي واخيرا حست بيه فتت جوه وجريتها عل حايط هاذ الجمال وين جنتي ضامته كليلي
آية: فتحت الباب جان وسيم وضل صافن بوجهي فات جوه سديت الباب جان سحبني عل حايط يتغزل بيه هاذ الجمال وين جنتي ضامته كليلي اني حسيت قلبي حيطلع من مكانه صار فترة محاسه هل احساس فرحه صارت بداخلي يعني حرارة مو طبيعيه صارت بجسمي وخجلت بنفس الوقت
وخر اروح احضرلك العشا هههههه وركضت
وسيم: اوكفي خبله ههههه اكو وحده تستحي من زوجها فتت جووه شفت البيت ينكط ورد نظيف يلمع وريحه الاكل تشهي صبت العشا اكلنه خلصنه كمت غسلت ايدي وكلت لايه تحضرلي اهدوم افوت اسبح فتت سبحت وطلعت شفت مخلي حبشكلات كيك وبقلاوه وسوالف ببسي وكذا
آية: خلص العشا وراد مني احضرله اهدومه فات سبح واني حضرت سوالف مثل كيك بقلاوه نساتل طلع من حمام كتله تعال خل ناكل واطلع فد فلم نباع عليه طلعت فلم بل تلفزيون جان رعب واني كلش خفت حضنت وسيم وغمضت عيني
وسيم : كعدنه ناكل حبشكلات اية فتحت التلفزيون وطلعت فلم رعب جانت كلش خايفه طلع مشهد يخوف حضنتني وغمضت عينها واني خربان ضحك عليها تقريبا صارت ساعه بل ١٢ ونص خلص الفلم راحت عل غرفه آية اني طلعت بره شربت جكارتين وفتت للبيت وقفلت الباب ورحت عل غرفه
آية خلص الفلم صارت.بل ١٢ ونص كمت لملمت الهول رحت للغرفه طلعت سيم نوم ماروني قصيير صدرة مفتوح وبي تول وسوالف ابد مجنت مرتاحه بيه لان جسمي طالع ردت انزعه بس تذكرت كلام خالتي وتراجعت خليت عطر اسمه آغراء ريحته يخبل اجه وسيم جنت امشط شعري وكاعد بل قريوله شفته كلش خجلت نزلت الفستان مينزل كلش قصير وسيقاني طالعات بيضات ثلج ضل يباع عليه وفاتح عينه اكلني بنظراته
وسيم : فتت شفتها غير وحده عبالك المكياج واللبس مالتها اويلي الله اني هنا انتهيت وخجلانه فوكاها رحت يمها جانت تمشط ومرتبكه عبالك عروسة جديده كعدت بصفها وهيه كامت تريد تلهي روحها ههههه تعااالي ولج سحبتها وكعت فوكايه واني انفاسي اتسارعت وجسمي ناار وعيوني حسيتها تحترك من الحرارة لزمتها وهيه تريد توخر كلش خجلانه وبايدي الثانيه سحبت راسها صار نفسها بوجهي وبستها من شفايفها وصرت فوكاها ودك بوس مثل المخبل نزلت على ركبتها... نامت وحضنتها ونمت
آية: فات وسيم عل غرفه واجه كعد بصفي كمت من يمه جان سحبني وكعت فوكاه باسني واني قلبي احس طاااار ورحت لغير عالم عالم ملياااان حب واماان... سحبني بحضنه ونمت وجان هوه هم ينام جانت احلا ليلة بعمري كلام خالتي كله صح اني بعد احاول اتغير وياه واهتم بي
تعليقات
إرسال تعليق