سكريبت وجدان صعيدي الفصل الاول والثاني والثالث والرابع والخامس بقلم زهرة الربيع حصريه وجديده على مدونة نجوم ساطعه وكامله جميع الفصول

 رواية حماتي والاوضه المهجوره الحلقه الاولى والثانيه بقلم هويدا زغلول حصريه وجديده علي مدونة نجوم ساطعه 

رواية حماتي والاوضه المهجوره الحلقه الاولى والثانيه بقلم هويدا زغلول حصريه وجديده علي مدونة نجوم ساطعه 

اتجوزت جوزي وانا عارفه أنه كان متجوز قبل كده 

بس قالو مراته هربت مع عشقها لحد ما اتجوزت وسكنت 

معاهم في نفس البيت وكانت الصدمه لما فتحت الاوضه المهجوره وشوفت ........

حماتي والاوضه المهجوره

الحلقه الاولى

بقلم هويدا زغلول 

ليلي _ دي مراتك ندي اللي جوا حابس مراتك يا مفتري وقولت أنها هربت مع عشقها 

حسن _ وانتي كمان هتتحبسي جنبها ومش هتشوفي نور الشمس تاني 

وقبل ما نبدا الحكايه اعرفكم بنفسي أنا ليلي 

عايشه مع خالي وفي يوم لقيت الباب بيخبط 

وفتحت 

ليلي _ مين طنط سناء تعالي اتفضلي

وبعدها دخلت اقعدت وقالت 

سناء _ معلش يا ليلى هاتيلي كوبايه ميه السلم بتاعكم ده متعب قوي وفعلا كان في 

مياه عالتربيزه واديتها تشرب 

تسلمي يا حبيبتي والله بقيتي عروسه يا بت يا ليلى وزي القمر 

ليلي _ ربنا يخليك بس هي مرات خالو مش هنا لو حضرتك عايزاه 

سناء _ لا يا حبيبتي انا عايزه خالو مش مرات خاله هو موجود مش كده وفي الوقت ده خرج 

خالي محمد وقال 

محمد _ يا خبر ابيض ام حسن عندنا بنفسها ازيك يا حاجه خطوه عزيزه وبعدها اقعدت معاها 

وانا دخلت المطبخ 

سناء _ازيك يا محمد عامل ايه انا جايه لك في موضوع مهم بقى وعشمي في ربنا انك مش تكسفني 

محمد_ خير معاكي انا سامعك اتفضلي

سناء _ من ساعه ما ندى مرات ابني حسن ما هربت مع عشقها وابني يعيني رافض الجواز وانهارده اول مره يكلمني انه شاف عروسه وعجباه والعروسه دي تبقي بنت اختك 

ليلي 

محمد _ ليلى ازاي بس انت عارفه البنت لسه صغيره وبعدين يعني اتجوزنا الواحد كان متجوز قبل كده ازاي 

سناء _ انت راجل تسمع عننا كل خير وعمر 

ما حد اتكلم علينا نص كلمه احنا مالنا

بقي باللي البت دي عملته 

محمد _طيب اديني فرصه افكر واسال البنت برده وارد عليكي ، وفي الوقت ده قامت 

سناء ومشيت وخرجت أنا بالشاي 

ليلي _ ايه ده هي مشيت انا كنت عملت ليها الشاي مالك يا خالو شكلك متغير ليه كده

محمد _ اسمع يا ليلى يا بنتي سناء  جايه تخطبك عشان خاطر ابنها انتي ممكن توافقي عليه 

ليلي _ اللي تشوفه يا خالي بصراحه حسن محترم جدا  وطول عمره في حاله وملوش دعوه بحد 

محمد _ والله يا بنتي اللي يريحك دي حياتك وانت حره فيها بس عشان ما تقوليش ان خالك باعك 

ليلي _ ربنا يخليك ليا يارب ، وفعلا الفرح 

تم بسرعه ويوم ما دخلت شقه حسن لقيته 

بيقولي 

حسن _الف مبروك يا ليلى الاوضه اللي هناك دي هتكون اوضتك

ليلي _ الله يبارك فيك يا حسن هو انا ليه حاسه ان انت مش مبسوط انك اتجوزتني لو حاطط

 في دماغك ان ممكن اعمل زي ندي واسيبك وامشي تبقي غلطان ،وفي الوقت ده لقيته 

اتعصب وقال 

حسن _ اياك تجيبي سيره ندى على لسانك تاني انتي  سامعه ولا لا انسيها خالص

ليلي _ طيب وراحه ذراعي واجعني حرام عليك حاضر مش هجيب سيرتها تاني والله 

حسن _ خليكي بقى لوحدك هنا النهارده انا نزل عند امي وبعدها نزل وكانت حماتي خارجه 

من اوضتها بصنيه الاكل 

الحما _ ايه ده هو انت ازاي تسيب عروستك وتنزل هنا دلوقتي يا ابني 

حسن_ قولتلك يا ماما انا مش عايزه اتجوز من بعد ندى خلاص بقى ايه اللي حصل حصل وانا مش عايزه اكون مع واحده ثاني

الحما _ هنتكلم في الحوار ده تاني يا ابني الناس هتبدا تتكلم عليك انت وتقول هي سابته ليه اطلع يا حبيبي لعروستك

حسن _طيب والنبي يا ماما خليني انام في اوضتك النهارده وبكره هطلع وبصي هعملها كويس قوي ، وفي الوقت ده حماتي اتعصبت وقالت 

الحما _اوضتي لا يا حسن ومن النهارده مش هتدخل الاوضه دي تاني امشي اطلع فوق

حسن _ اللي تشوفي يا ماما حاضر 

وبعدها طلع وتاني يوم خرجت من اوضتي 

لقيته نايم في الصاله روحت جنبه وصحيته وقولت 

ليلي _ يا حسن حسن هو انت نايم ليه كده مش قلت انك هتكون عند مامتك تحت

حسن _ صباح الخير اصل انا طلعت بالليل متاخر لقيتك نايمه في الاوضه قولت مش عايزه اصحيكي ما تزعليش مني يا ليلى حقك عليا

ليلي _ ما فيش مشكله يا حسن خلاص بس هو انا ممكن اعرف ايه اللي مضايقك

حسن _بجد انتي مكنتش تعرفي ان دي كانت بالنسبه ليا ايه دي كانت الروح والهوا كانت حاجه غاليه عندي قوي

ليلي _ على العموم خلاص هي راحت لحالها انا هدخل احضر الفطار، وبعدها دخلت ولقيت الباب 

بيخبط وفتح حسن وكانت حماتي 

حماتي _ صباحيه مباركه يا احلى عريس في الدنيا امال فين عروستك يا حبيبي

حسن _الله يباركي فيك يا ماما في المطبخ وما بتعمل ايه الفطار ادخلها ، وبعدها حماتي دخلت 

الحما _بسم الله ما شاء الله اخترت عروسه زين لابني صحيح الف مبروك يا عروسه

ليلي _ الله يبارك فيكي يا حبيبتي اقعدي افطري معانا بقى

الحما _ لا يا ليلى انا عايزاكي في كلمتين انا مش عايزه اسم ده يتفتح هنا خالص انتي سامعه ولا لا وانا هكلم حسن علشان ياخدك ويسافر دلوقتي وتروحوا شهر عسل 

ليلي _ حاضر والله انا مش هحاول اجيب سيرتها معايا بس هو مش راضي يسافر انا اتكلمت معاه في الحوار ده وهو قالي لا

الحما _ اسمعي يا ليلى لو عايزه اي حاجه من حسن قوليلي انا وانا هخليه يوافق حسن لا يمكن بيرفض ليا طلب 

ليلي _ تمام يا حماتي اللي تشوفي وفعلا 

خرجت حماتي ولقيت حسن داخل وبيقولي 

حسن _ تحبي نسافر فين روح شرم الشيخ ولا نروح الغردقه 

ليلي _ والله يا حبيبي المكان اللي تحبه انا تحت امرك فيه 

حسن _طيب يلا خلاص الفطار وادخلي حضري شنطتك علشان نسافر ، وبعدها نزلنا. كنت 

بسلم علي حماتي ولقيت حسن بيقولها 

حسن _ طيب بعد اذنك يا ماما هو انا ينفع اقولك كلمه في اوضتك جوه 

الحما _اوضتي لا يا حسن اتكلم قدام مراتك ما فيش مشكله مراتك خلاص بقت مننا وعلينا عايز تقول ايه

حسن _ لا لا خلاص بقى ما فيش مشكله يلا بينا يا ليلى ، وفعلا بعدها سافرنا وكانت اسعد 

ايام حياتي حسن اتغير تماما وكنا في يوم 

قاعدين ناكل في مطعم الفندق  ولقيته بيقولي 

حسن _ تعرفي انا ما اعرفش اي حاجه عنك يا ليلى هو انتي اصلا خريجه ايه

ليلي _ معقول يا حسن هو في حد زيك كده مش عارف اي حاجه خالص على فكره انا كنت صاحبه مراتك ندى وكنت معاها في الكليه 

كنت باجي اذاكر معاها في بيت العيله 

حسن _ اي ده معقول انتي كنتي بتيجي هناك 

يبقي اكيد شوفتي ..........

حماتي والاوضه المهجوره

الحلقه الثانيه

بقلم هويدا زغلول 

حسن _ يبقي اكيد شوفتي ابو ندي وعرفتي قد اي هو كان راجل ظالم ومفتري 

ليلي _ اي الكلام اللي انت بتقوله ده لا طبعا باباها كان راجل حنين وهي كانت في متنهي الادب وبجد مش مصدقه الكلام اللي تقال عليها 

حسن _يلا بينا نطلع ننام يا ليلى علشان لازم ننزل القاهره بكره

ليلي _ هننزل القاهره بسرعه كده مش احنا قلنا نقعد هنا يومين ولا ايه هو انت زهقت مني

حسن _لا لا والله بس انا عشان ورايا شغل ولازم انزل اشوف شغلي

ليلي _ طيب هو انا ينفع اسالك سؤال يا حسن لما كنا مسافرين كنت عايز مامتك تتكلم معاها جوه هو كان حصل مني حاجه وانت كنت عايز تقولها عليها، وبعدها قام وقف وقال

حسن _انا طالع انام يلا بينا يا ليلى كنت 

حاسه ان فيه حاجه غريبه بس مش فاهمه 

فيه اي ورجعنا القاهره ودخلت عند حماتي 

الحما _ والله انتوا ولاد حلال ده انا كنت لسه هكلمكم عايزه اقولكم ترجعوا علشان انتم وحشاني قوي والبيت من غيركم وحش 

حسن _ وانتي كمان يا ماما وحشتيني قوي انا طالع شقتي علشان عايزه اريح شويه وبعدها 

طلع 

الحما _ماله حسن يا ليلى شكله متغير ليه كده وحصل حاجه ولا ايه

ليلي _ انا مش قادره افهمه والله هو على طول ساكت ومش بيتكلم معايا ومش عارفه ليه 

الحما _طيب يا حبيبتي اطلعي واعملي حسابك ان انتم هتنزلوا تتغدوا عندي هنا انا هعملل اكل عشان ما تقفيش في المطبخ 

ليلي _ اللي تشوفي يا ماما وبعدها طلعت وشويه وجرس الباب رن وكان خالي  محمد 

ليلي _ خالي محمد والله العظيم واحشني قوي انا كنت لسه هاجيلك النهارده

 تعال اتفضل وبعدها دخل اقعد وقال 

محمد _ اول لما عرفت ان انت رجعتي قلت لازم اجي واشوفك اصل أنتي  وحشتيني قوي عامله ايه يا حبيبتي وعامله اي مع حسن 

ليلي _ الحمد لله على كل حال حسن بيحبني قوي يا خالو  مش مخليني محتاجه حاجه

بس مش فاهمه ليه على طول ساكت ومش بيتكلم معايا كتير 

محمد _ معلش يا بنتي كلنا عارفين موضوع مراته الله يسامحها بقى ويسهلها في اللي هي عملته 

ليلي _ انا هعمل غدا علشان تتغدى معانا ، وفي الواقت ده طلع خالو سيجاره وشربها وقولت  اطفي السيجاره دي عقبال ما اصحي حسن  بجد هيكون فرحان قوي لما يشوفك

محمد _لا لا يا حبيبتي معلش انا لازم امشي انا قلت اجي اطمن عليكي بس وبعدين هروح لو عوزتي  اي حاجه كلميني 

ليلي _ اكيد يا خالو ربنا يخليك ليا وما يحرمني منك ابدا يارب وبعدها مشي وخرج حسن وقال 

حسن _ ايه ده مين اللي كان هنا يا ليلى ومين اللي شرب سجائر في شقتي 

ليلي _ مالك يا حسن في ايه خالو محمد كان موجود هنا ولسه نازل دلوقتي حالا وهو اللي كان شارب سيجاره

حسن _ اسمعي يا ليلى انا مبحبش السجائر  في شقتي ان سامعه ولا لا

ليلي _ حاضر بس هدي نفسك شويه  محصلش حاجه لكل ده انا هنزل اشوف

ماما خلصت الاكل ولا اي وبعدها نزلت وعدا 

كام يوم ولقيت حماتي طالعه وداخله اوضه نومي وبتقولي 

حماتي _صباح الخير يا ليلى حسن نزل وقولت اطلع اشوفك صحيتي ولا لسه

ليلي _ صباح الخير يا ماما بس هو انتي ازاي تخشي عليا اوضه النوم وانا كده انا اقصد يعني انا كنت قاعده براحتي 

حماتي _ في ايه يا بنتي ده انا زي امك يعني قومي يلا عايزاكي تروقيلي شقه عقبال ما ارجع من بره 

ليلي _ حاضر يا حبيبتي انزلي انتي وهتلاقيني وراكي على طول وبعدها نزلت واتصلت ب حسن 

حسن _ صباح الخير يا ليلى ما رضيتش اصحيكي الصبح وانا نازل رايح الشغل

ليلي _حسن على فكره ما ينفعش يبقى مامتك معاها مفتاح شقه لينا مش هكون انا قاعده براحتي والاقي باب الشقه اتفتح وكمان داخله اوضه نومي

حسن _ طيب ينفع نأجل الكلام في لما ارجع البيت انا هقولها ما تطلعش ليكي الا لما انت ما تنزلي بس ما ينفعش اخذ مفتاح الشقه منها

ليلي _مش قولت لما تيجي هنكمل كلامنا خلاص لما تيجي نبقى نكمل كلامنا بقى سلام

وبعدها نزلت ولقيت حماتي وافقه قدام اوضتها 

وقولت 

ليلي _ صباح الخير يا ماما طيب بتحبي انزل انا واجيبلك حاجاتك بالمره وبعد كده ابقى ارجع اروق الشقه

حماتي _ لا يا حبيبتي انا بحب اجيب حاجتي بنفسي المهم روقي الشقه كلها ما عدا اوضتي انا معلش اصل فيها ورق يخص مرحوم جوزي الله يرحمه ومش بحب حد يدخلها 

ليلي _ اللي يريحك يا ماما مش لازم تقفلي باب الاوضه علشان خاطر انا ما ادخلهاش لو حضرتك قولتيلي ما تدخليهاش مش هدخلها 

حماتي _ يا حبيبتي انا على طول قافله باب الاوضه مش عشانك انتي المهم يلا خلاص الشقه كلها وبعدها مشيت وبدأت اروق في الشقه وكنت وافقه علي السلم ولقيت مكان 

اوضه مقفول ب الاسمنت وقولت 

ليلي _المفروض ان دي اوضه بس مش موجوده جوه في الشقه ومقفوله من هنا يا ترى ليه

وبعدها سمعت صوت ورايا وبيقول 

تابعوني

تكملة الرواية من هنا