رواية لثام الخلود بقلم الكاتبه نسرين خالد الفصل السادس عشر حصريه وجديده علي مدونة نجوم ساطعه
 |
الفصل السادس عشر حصريه وجديده علي مدونة نجوم ساطعه
(خلود: عائشه ،رحيم: قاسم)
عدا يومين كانو احلى وقت بين عائشه و قاسم و اتفسحو فيه و عملو ذكريات حلوه و اخلى ذكرى ل قاسم لما سمع ضحكة عائشه و دى كانت اول مره يسمعها و اتمنى انه بحتفظ بضحكتها دى و يقفل عليها قلبه............و جه تالت يوم و راحو مسجد آيا صوفيا و ده المسجد ال هيقبلو فيه الراجل ال هياخد جوازتهم و يديهم جوازات تانيه و فعلا الراجل قابلهم
الرجل : السلام عليكم ورحمه الله وبركاته
قاسم: عليكم السلام ورحمه الله وبركاته
الرجل و هو بيبص على عائشة:ممكن تدلنى على السبيل ال هنا؟
قاسم و هو بيحرك ب ايده وش الراجل نحيته:الحقيقه احنا اغراب عن البلد
و فعلا الراجل سابهم و مشى و هم مشيو وراه لحد ما دخل كافيه و قعد على ترابيزه و هم قعدو على الترابيزه ال جنبو و طلبو شاى لكن فجأة عائشه حست ب ايد حطت حاجه على حجرها و فى ثوانى الراجل اختفى من الكافيه
عائشه:قاسم فى حاجه اتحطط على رجلى
قاسم:نعم يختى(باسلوب ردح)
عائشه:اهدى و بص على الجواز بتاعك في جيبك كده
قاسم:ثوانى هشوف ....ايه ده الجواز اختفى
عائشه:و اكيد جوازى كمان اختفى...يبقى ال علي حجرى الجوازات التانيه يلا بينا يادوب نلحق نروح الفندق نبلغ ان الجوازات اتسرقت و نتحرك على الحدود عشان ندخل سوريا
قاسم بيتكلم ب الافكار:ياسلام هو مين فينا القائد يا هانم
عائشه بترد عليه بنفس الطريقة:انت طبعا بس عيزاك تبص على المرايه ال ورايه و انت هتفهم
بيبص قاسم و بيلاقى ان فى اتنين بيتصنتو عليهم ف ابتسم ل عائشه
قاسم:طيب يلا بينا
بيروحو الفندق و بيبلغو على سرقه الجوازات و بينهو الحجز و بيتحركو على الحدود السورية و بيستنو ل بليل و بتيجى عربيه و بيركبوها و بيخدروهم و يمشو
بعد ساعات بيفوق قاسم بيلاقى نفسه متكتف و خلود ادامه متكتفه
قاسم:عائشه...عائشه فوقى مالك و ايه الحصل و احنا متربطين ليه كده؟؟؟حد يرد عليا
واحد لابس قناع:اهلا بدكتور قاسم معلش بقى دى اجرائات ولازم تتعمل اعتبره ترحيب
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
قاسم ب خبث:ترحيب ايه حرام..... مش كفايه الترحيب ال كان بيحصلى فى مصر كل شويه(يقصد انه كان بيتقبض عليه فى امن الدوله) انت مين لو مش عايزنا قول هنمشى او مكنتش طلبتنا من الاول لكن تعمل ليه كده
صاحب القناع:لازم نتأكد منكم الاول
و راح نحية عائشه و كان عايز يشيل اللثام
قاسم:لا لا اوعا تعمل كده عائشه هت**ق*تل نفسها دى محدش شاف وشها ولا حتى انا لو حد شافها مش هتتحمل لانه فى نظرها هتصبح مدن***سه
صاحب القناع:يعنى هى فعلا كده؟؟؟
قاسم:اقسم لك انى مشفتش وشها ولا حتى ابوها ولا امها ولا اخوتها
صاحب القناع:خلاص هخلى ست تشوفها
قاسم:ولا حتى ست بقولك امها ماشفتهاش من ساعت ما لبست اللثام
صاحب القناع ب اعجاب: و هو انت متعرفش شكلها ولا حتى الرؤية الشرعية
قاسم بيحاول يفك ايده:لا ابوها ورانى صوره لها وهى فى سن العشر سنين لان دى كانت اخر مره تظهر وشها
و في الوقت ده كانت فاقت عائشه و اول ما شافت صاحب القناع مقرب صوتت و بعدت عنه لدرجة ان الكرسى ال متكتفه عليه وقع بيها
قاسم: عائشه انتى كويسه
عائشه:بتهز راسها و تقول الحمدلله
صاحب القناع:بصى بقى لو خايفه على حياة جوزك (وحط مسدس على راس قاسم)تقولى انتو مين
خديجه بصوت يبان خايف:ده قاسم عبدالله جوزى دكتور جراحه و انا ابقى عائشه تاج الدين دكتورة نساء و توليد و معايا دبلومة اطفال.. انت مين و عايز مننا ايه مش كفايه ال شفناه طول عمرنا😭😭😭
و وسط الكلام دخل واحد ماسك سلاح و بلغ صاحب القناع ان الجوازات سليمه و انهم فعلا طبيب و زوجته طبيبه
صاحب القناع:احم معلش يا جماعه ده اجراء لازم يحصل لحد ما نتأكد من شخصياتكم
و راح ناحية عائشه عشان يفكها...
قاسم بصريخ:فكنى انا ملكش دعوه بيها
بصله صاحب القناع و راحله فكه و قاله شكلك بتحبها اوى
قاسم:مش حب بس... لكن كمان دى امانه من ربنا عندى و عهد بينى و بين ابوها
و اتحرك قاسم و راح ل عائشه و فكها و هى اول ما فكها دخلت في حضنه و بكت بصوت
عائشه بتتكلم ب الافكار:كده الخطوه الاولى خلصت و نجحنا فى اننا ندخل وسطهم فاضل انهم يثقو فينا
قاسم: إن شاء الله ...هنرتاح من الطاغين و هنعيش في امان
و طبعا هو كان قاصد يسمع صاحب القناع الكلام ده
صاحب القناع:اتفضلو يا دكتور قاسم على السكن ال اتجهزلكم و بعد ما ترتاحو هنبقى نتكلم
اخد قاسم عائشه و كانت متخبيه تحت دراعه و راح بيها نحية السكن و اول ما دخلو و قعدو شاورلها على دماغه و هى هزت دماغها(يعنى هيكلمها ب الافكار)
قاسم:دلوقتى خدى بالك و عايزك تتعملى مع الستات بس و متحاوايش تختلطى باى راجل وخصوصا صاحب القناع
عائشه:حاضر ..بس انا عيزاك تخليهم يوصلونى للمطبخ لانى لما بطبخ بيروح التوتر من عندى ..و كمان عشان اسمع الستات ال هناك و افهم ايه ال بيحصل حوالينا و على اى اساس هنكمل شغلنا هنا
قاسم:تمام و عايزك تخدى برشام الصداع عشان الناس هنا كتير و الاموات اكتر👻👻
عائشه:كويس انك فكرتنى و عيزاك تقول انى عندى صرع عشان لو حصل و شفت روح محدش يشك في حاجه
قاسم:تمام و فكره حلوه فعلا😈😈
وهم بيفكرو مع بعض الباب خبط و فتحله قاسم و بلغهم انهم لازم يحضرو على الغدا عشان يتعرفو على افراد المعسكر
و راحو وراه و اتقابلو مع الناس الباقيه و راح قاسم جنب الرجاله وخلود راحت عند الحريم لان الستات بتاكل لوحدها ..و فى واحده من الستات شافت عائشه بتاخد البرشامه و بلغت و وصل الكلام ل صاحب القناع
صاحب القناع: دكتور قاسم
قاسم:نعم
صاحب القناع:هى الدكتوره..
قاسم:اسمها زوجتك ياريت ماتندهش ب اسمها لانى بغير حتى على اسمها
صاحب القناع:هى زوجتك مريضه
قاسم بخضه كدب :اه فعلا ..بس انت عرفت منين هى تعبت
صاحب القناع:لا بس بلغنى انها بتاخد دوا
قاسم ب خبث و مثل الانكسار:جالها صرع من ال شافته و بتاخد دوا عشان تحاول تسيطر على الأعراض لانها دكتوره زى ما حضرتك عارف
صاحب القناع:تمام لو في حاجه اقدر اساعد بيها قولى
قاسم :ياريت لو ينفع تضم زوجتى للمطبخ اصل ده اكتر مكان بترتاح فيه بعد ركن الصلاه...يعنى لما ميكونش معاها شغل ك دكتوره
صاحب القناع:المهم بتعرف تعمل اكل ولا زى ال بناكله ده🤢
قاسم:لو تسمح و تأمر بدخولها المطبخ بكره هتعمل غدا و حلويات و نواشف للعشا كمان بس هى هتحتاج للمساعده من باقى الستات طبعا
صاحب القناع:تمام هنشوف و بكره الدكتورة زوجة الدكتور قاسم هتكون هى المسؤله عن الاكل
قاسم: الحمدلله
صاحب القناع:شبعت دى مش اكلة المصرين
قاسم:فعلا بس الصراحه انا محتاج ارتاح و اكيد زوجتى زى
صاحب القناع شاور لواحد و قاله يبلغ الحريم يخرجو عائشه من عندهم ل زوجها
عند الحريم عائشه قامت ب الواجب و سيطرت و اتصحبت عليهم و اقنعتهم كلهم انهم بيحبوها
ست منهم:يا دكتوره عائشه زوجك بره عايزك
عائشه:طيب هسيبكم.. يلا السلام عليكم ورحمه الله وبركاته
الحريم:عليكم السلام ورحمه الله وبركاته
وبعد كده طلعت ل قاسم و دخلو سكنهم و قاسم قلها تعالى نامى في حضنى و شاور على دماغه
قاسم:فى كاميرات مزروعه خدى بالك
عائشه بتروح ناحية الحمام:حاضر يا حبيبى هغير و هاجى ننام
و راح قاسم نام و فرد دراعه و طلعت عائشه و نامت على دراعه و بعد شويه راحو في النوم و هو اتقلب و حضنها
كل ده كان بيشوفه صاحب القناع
صاحب القناع:اقفل الكاميرات دى و تتشال من بكره
الرجل:السمع والطاعة
و عدى الليل و جه الفجر و صحيت عائشه و اتجهزت و صحت قاسم و جهز للصلاه و الباب خبط عليهم و فى واحد قال ل قاسم ان الامير(صاحب القناع)عايزك عشان تصلى الفجر و عايزك تكون الإمام
قاسم :حاضر اتفضل
قاسم: عائشه انا هروح اصلى جماعة و انتى صلى هنا
عائشه باست راسه:طيب ثوانى هجبلك المسك عشان تهديه للموجودين فى الصلاه لاننا ملحقناش نطلعه و نديه لحد..و عطته ازايز المسك و راح للصلاه
الامير:كل ده تأخير يا قاسم طبعا انت اصبحت اخويا و ملهاش لزمه الالقاب
قاسم: طبعا
و كان ماسك كيس قماش طلع منه علبه قطيفه و اداها للامير
الامير:ايه ده
قاسم:دى هديه منى و من الدكتوره زوجتى عباره عن اربع ازايز واحده مسك اسود و التانيه مسك ابيض و التالته مريج بين العنبر و الصندل و الرابعه دى ل اهل بيتك
الامير:هديه مقبوله بس ايه ال فى الكيس تانى
قاسم:الدكتوره قبل ما نروح على تركيا كنا فى السعوديه و جابت بمبلغ كبير عطور زى ال معا حضرتك و لما قلتلها العدد اكبر من ان كل واحد ياخد المجموعه اقترحت عليه احطهم كلهم فى الكيس ده و كل واحد يمد ايده و يطلع ب رزقه ال مكتوبله و هى هتدى الحريم
الامير: ماشاءالله يعنى نسب و دين و علم ...مافضلش غير المال و الجمال و تكون ملكت الدنيا
قاسم:لا انا ملكت الدنيا
قال رسول الله صل الله عليه وسلم (الدنيا متع،و خير متاع الدنيا المراة الصالحه)صدق رسول الله صل الله عليه وسلم
الامير:عليه افضل الصلاه والسلام
قاسم :اسف نكمل كلامنا بعد الصلاه لانها وجبت
الامير: من غير اعتراض انت الإمام
قاسم:اتفضل و ابتدا قاسم يقيم للصلاه بصوت جميل و خاشع و بعد كده صلى بيهم و رتل سورة يس خلاهم يقشعرو من خشوعه و صوته
بعد الصلاه استاذنهم يستنو للشروق
الامير:نكمل كلامنا عقبال الشروق
قاسم:امرك مع انى بقراء قرآن لوقت الشروق لكن كلامك اوامر
الامير: ماشاءالله..المهم كنت بقولك فاضلك المال و الجمال و تكون امتلكت الدنيا وما عليها
قاسم:الحمد لله انا مع انى مشفتش وشها لكنهت اجمل من الحور ب النسبالى و بالنسبه للمال زوجتى ابوها كان من كبار رجال الاعمال الله يرحمه تاج الدين حمدان لو تسمع عنه
الامير:يعنى يا قاسم ملكن الدنيا ههههه
قاسم:لا انا الحمدلله ملكت الدنيا و الآخرة بإذن الله
و بعد شويه صلو الضحى و كل واحد اخد ازازه من الكيس ...و راح كل واحد لبيته
قاسم: السلام عليكم ورحمه الله وبركاته
عائشه:عليكم السلام ورحمه الله وبركاته
قاسم: عائشه تعالى عايز اتكلم معاك
عائشه:خير في حاجه
قاسم:عائشه انا اسف بس انا و الامير كنا بتتكلم عن الاكل و قلت انك بتطبخى حلو ف امر انك تكونى مسؤاله عن الاكل النهارده
عائشه:طيب ربنا هيعنى بإذن الله مفيش مشكله بس انا معرفش طريق المطبخ و انت عارف انا بدخل المطبخ من بعد الضحى و مفيش حد صاحى دلوقت عشان يدلنى😇😇😇
شويه و الباب خبط و كان واحد و معاه ست منتقبه و بيقول ان الامير بعتهم عشان الست تودى الدكتوره على المطبخ و تعرفها الطريق
قاسم:كتر خير الامير بس انت موجود ليه
الرجل:همشى وراهم لحد المطبخ
قاسم و عنيه حمره من الغضب مسك الراجل من رقبته
قاسم:بقى انت عايز تمشى ورا مراتى و تشوفها و هى ماشيه انا هموتك😡😡
الست جريت عند الامير و حكتله على ال حصل و الامير راح عند سكن قاسم
الامير: السلام عليكم
قاسم:و لسه ماسك رقبة الراجل و خلاص هيموته: عليكم السلام ورحمه الله وبركاته
الامير: سيبه يا قاسم
قاسم:اسف لحضرتك بس ده عايز يمشى ورا مراتى و يشوفها وهى ماشيه ده دمه بقى حلال ليا
الامير:اهدى يا قاسم هو شغلته يوصل و يكون مع الحريم ... دى شغلته
قاسم:ازاى يعنى ده راجل
الامير :لا هو شكلا راجل لكن هو ست
قاسم :ال هو ازاى يعنى
الامير:ايه يادكتور قاسم ده انت طبيب ايه مسمعتش عن الخنسى
قاسم:اه تقصد انه اتولد كده
(بيتولد الطفل بع*ضو تنا***سلى مش متططابق مع جسمه لما يكبر يعنى ممكن يكون ذكر وله ج*سد انثى او العكس)
الامير:مظبوط
قاسم:طيب انا اسف .... و اسف على لمسك يا اخت
و شال ايده من على رقبته الراجل و غض بصره... و بص ل عائشه
قاسم:انا اسف يا عائشه لانى لمست ال متحرم عليا
هزت عائشه راسها ب تمام
عائشه:اهم حاجه انك تتوب و تكفر عن الذنب ال عملته ب جهل منك
قاسم:سمو الامير ممكن تسمح اخد انا زوجتى للمطبخ و هى هتمشى وراهم و انا وراها
الامير:تمام و بعد كده عايزك فى القاعه
قاسم :امرك
يروح قاسم يوصل خديجه ال طول ما هى ماشيه بتضغط على ايده و بتبكى
قاسم بيفكر:مالك
خديجه بترد عليه ب الافكار:فى هنا ارواح كتير جدا متعذبه .....و انا مأخدتش الدوا
قاسم: عائشه انتى نسيتى الدوا هوصلك و بهجبهولك وبعد كده اروح اشوف الامير
عائشه:تمام ربنا يبارك ليا فيك
و بتوصل عائشه على المطبخ و يروح قاسم يجبلها الدوا و يروح للامير و تبتدى هى تشتغل تعجن الرقاق و تعمله زى السمبوسه و تحشيه و تعمل محاشى و لحوم و كبه و كفتة داوود باشا و حلويات بتعمل كل حاجه لوحدها و الستات وقفين مستغربين هى بتشتغل الشغل ده كله و مش زهقانه و سريعه و مش مخلياهم يشتغلو و بعد شويه وقفت عائشه و سالت هو الغدا بيتحط امته؟
ردت عليها واحده ودى مرات الامير و اسمها ام عاصم
ام عاصم:الغدا بيتحط بعد العصر إلا لو فى صيام او المجاهدين خرجو في مهمه ساعتها بيتحط الاكل وقت ما بيرجعو
عائشه:طيب دلوقتى انا خلصت و مخليه الاكل يستوى على نار هاديه براحته ممكن تقبلو منى هديه بسيطه ..
و ابتدت توزع ازايز الريحه على الحريم و اولهم طبعا ام عاصم
الحريم:هديه مقبوله
عائشه:دى هديه من عند الكعبه ربنا يوعدكم ب الزياره
الحريم:اللهم آمين
عائشه:بس ب الامانه الريحه دى فواحه ف لو سمحتم مفيش وحده تحطها غير ادام زوجها عشان ميبقاش الذنب عليا
ام عاصم: طبعا اكيد مفيش واحده هتحطها غير فى بيتها و إلا هم عرفين عقابهم ايه
عائشه:ربنا ينجينا من كل سوء
و بتفكر عائشه: كده كل الرجاله و الستات بقو متعلمين ب العلامه ال مخلوطه فى الروايح و لو حد منهم راح على مصر هيتمسك من قبل ما يعمل اى حاجه
و بعد صلاة الظهر و العصر جه معاد الغدا و لاول مره يتحط الاكل للحريم زى الرجال (الحريم بيكلو ال بيتبقى من غريف الرجال)
الامير:ايه ده اللهم بارك ده ولا كانها اكل مطاعم
قاسم:ولسه لما تدوق حضرتك
الامير:لا كده حد ينده الدكتوره
قاسم قام بغضب و غيره:سمو الامير لو فى حاجه انا موجود لكن مراتى متدخلش ل مجلس الرجال ابدأ 😡😡😡😡😡
ايه ال هيحصل فى قاسم وعائشه و ايه هيكون رد الامير و هل هتكمل المهمه ولا هتحصل حاجه تعطلهم🤔🤔🤔
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق