رواية بناتي الفصل الاول والتاني والتالت والرابع بقلم ليلي مصطفي حصريه وجديده علي مدونة نجوم ساطعه
 |
رواية بناتي الفصل الاول والتاني والتالت والرابع بقلم ليلي مصطفي حصريه وجديده علي مدونة نجوم ساطعه
الجزء الاول والثاني (بناتي)
في صباح يوم مشرق وسماء صافيه في بيت من البيوت المصريه ونبتدي مع بطالتنا الجميله وهي ياسين وهي فتاه في الخامسه والعشرون من عمرها قمحاويه ذات جسم ممشوق وعيون بنيه واسعه من ينظر لعيونها يعشقها وشعرها الاسود الذي بطول ظهرها وابتسامتها الجذابه وهي علي سجاده الصلاه تدعي لوالدها ان يطول في عمره وان يقويها الله علي تربيه اخواتها فا هي امهم الثانيه بعد موت امهم بالمرض اللعين وبعد ان خلصت صلاتها قامت لتؤدي عملها اليومي
ياسمين ..ملك ليلي يلا قومو بئا الساعه بقت ٨هتتاخرو
ملك..في اي بس لسه بدري اوي
ياسمين ..بدري اي انتي نسيتي ان انهارده اول يوم ليكي في كليه يا انسه يلا بلاش كسل قومي يلا وصحي ليلي عقبال ما احضر فطار يلاااا
ملك ..خلاص حاااضرر قمت اهو ابو التعليم علي عاوز يتعلم
ملك ..ليلي يا بنتي قومي بئا انتي نومك تقيل ليه كدا يلااا
ليلي ..اششش اي يا بنتي براحه اي دوشه دي اهدي يا حببتي
ملك ..يا ساتر ده انتي عليكي بردو ده انا بقالي ساعه بصحيكي وانتي قايمه فايقه ورايقه اوي تصدقي انا غلطانه اني بصحيكي
ليلي.. انا صاحيه علي فكره وسامعه كل حاجه انا اصلا مانمتش من امباح
ملك..ليه كدا مالك يا بنتي
ليلي ..انتي معندكيش دم يا بت انتي مش شايفه الحال ال احنا في بابا طلع عالمعاش واحنا مصارفنا بتذيد اوي والمعاش يادوب علي اد مصاريف البيت بس بصراحه انا بفكر اشتغل
ملك..طب وكليتك
ليلي ..مش عارفه بفكر اشوف شغل وابقي ما بين الكليه وبين الشغل هحاول اتصرف
وكانت في تلك اللحظه تقف ياسمين علي باب الغرفه تستمع لحديثهم مع خروج والدهم من غرفته
عبدلله ..صباح الخير يا حببتي مالك واقفه ليه كدا
ياسين ..لا مافيش يا بابا كنت بصحي ليلي وملك خير صاحي بدري ليه
عبدلله ..انتي عارفه اني اني بحب اصحي بدري من ايام ماكنت بشتغل وبعدين اهو اساعدك شويه انا عارف المسئوليه بتكبر اوي عليكي واخواتك مشغولين بكليتهم وتعلمهم معلش يا بنتي ربنا يجزيكي كل خير
ياسمين ..اي كلام ده بس يا بابا احنا مالناش غير بعض اصلا وبعدين مش كفايه ان انت مستحملنا تلت بنات مالهمش اي لازمه انا عارفه انك كنت عاوز ولد بس حظك بعتلك تلت بلاوي هههههه
عبدلله ..بلاوي اي بس قولي ربنا بعتلي تلت ملايكه تلت قمرات منورينلي حياتي مش بلاوي انتو بناتي ال ربنا كرمني بيكم من حب عمري اللي عمري ما هنساها انا بشوفكم بفتكر امكم عالطول وايامنا الحلوه ربنا يخليكو ليا يا حببتي ومش عاوز حاجه من دنيتي غير اني افرح بيكم ياسمين ..ربنا يخليك لينا يا حبيبي احنا ال منغيرك ولا حاجه اصلا ربنا يديك طوله العمر
ملك ..صباح الخيير اي الرومنسيه دي عالصبح يا بودي
عبدلله ..صبح النور يا ام لسان طويل
ملك ..انا لساني طويل اناا ده انا كيوت حتا وصوتي مابيطلعش
ياسمين ..ملك فين ليلي
ملك ..بتلبس
ياسمين ..طب لو خلصتي تعالي حطي معايا الاكل
ملك ..اووكي
في غرفه ليلي بعد ان جاهزت ليلي لبدايه يومها بلبسها الانيق الجذاب وشعرها الاسود اللتي يوصل لنصف ظهرها وبياض وجهها وجمال عيونها التي تشبه السماء الصافيه ودائما يكون وجهه خالي من مساحيق التجميل وجسمها الكيرفي اللذي يجذب من يراه فهي دائما في ورطه بسبب جمالها ومعاكستها الدائمه فهي تفضل دائما الملابس الواسعه لتداري جمال جسمها وبعد ان تجهزت نظرت لتلفونه لتستقبل مكالمتها
ليلي ..الو صباح الخير
ادم ..صباح النور كل ده يا ليلي انا بقالي ساعه برن عليكي
ليلي ..اسفه والله التلفون معمول صامت ولسه شايفه دلوقتي
ادم ..ماشي يا لولا هستناكي نفطر سوا انا هاجي اوصل فريده لكليه قبل ما روح ااشغل عاوزه اشوفك اول حاجه
ليلي ..خلاص ماشي مش هتاخر
ادم ..تمام يا قلبي بااي
ليلي ..باي يا حبيبي
ياسمين ...يا ليلي
ليلي ..ايواااا جايه اهو
ياسمين ...كل ده
ليلي ..اسفه والله كنت بكلم فريده وانتي عارفه بئا لك فريده
ياسمين بمشاكسه ..اها فريده ما انا عارفه ابقي سلميلي عليها
ليلي ...حاضر يوصل
عبدلله ..افطرو يلا عشان اتاخرتو يا بنات
ملك ..بابا حبيبي احنا بقينا في الجامعه مش في المدرسه يعني نتاخر براحتنا
عبدلله ..اهم حاجه تاخد بالكم علي نفسكم يا بنات وطمنوني عليكم كل ما تلاقو نفسكم فاضين
ليلي ..حاضر يا حبيبي دعواتك انت بس يلا يا ملك كفايه اكل قومي
ملك ..يلا
ياسمين ..مع السلامه يا بنات
عبدلله ..ياسمين
ياسمين ..نعم يا بابا
عبدلله ..عمك كلمني وكان بيقول انه هيجي من البلد انهارده عاوز يشوفنا ابقي اعملي حسابه علي الغدا
ياسمين ..حاضر يا بابا بس غريبه ده بقاله اكتر من سنتين
مجاش هنا
عبدلله ..الدنيا تلاهي يا بنتي وهو عالطول بيسال عليكم بس ماكنش فاضي انو ينزل اسكندريه
ياسمين ..طب هو جاي لوحده
عبدلله ..مش عارف بس اكيد معاه حد من ولاده
ودخلت ياسمين المطبخ لتستعد ليومها وهي تتذكر ابن عمها حبها الاول فا مهما طالت المسافات فا هي لا تنساه فهو حب حياتها وطفولتها وكان دائما هو الذي يأتي مع والده ليشوف حبيبته وراجعت ياسمين بزاكرتها لاخر زياره لهم
فلاش باك
زين..ياسمين انا كلمت بابا وهو هيكلم عمي دلوقتي عشان اخطبك
ياسمين ..هي دي المفجأه ال قلتلي عليها
زين ..اي رائيك
ياسمين..ليه ماقلتليش الاول قبل ما تيجي طب ورائي عمامك وجدك وستك اي
زين ..هما عارفين اني بحبك من زمان وعارفين بردو اني مستني الوقت المناسب عشان اتجوزك
ياسمين..بسهوله دي ازاي دول اكتر ناس كانو بيكرهو امي ومعترضين علي جوازها من ابويا وهما سبب طفشان ابويا من بلده اي هتطلع انت كمان من تحت طوعهم زي ما عمل ابويا وعتهرب وهتتجوزني من وراهم وبعد كدا بغضبه عليك ويرمونا ويرمو ولادنا ومايباقش لينا حق زي عمك كدا ومرات عمك ال ماتت وبناتهم ال مالهمش حد في دنيا
زين ..انا مش هعمل كدا انتي بنت عمييي وهاخدك وهعيش هناك وهتبقي ملكه وكل حق ليكم هتاخدو انتي عارفه كويس مين زين التهامي وعارفه بردو مش انا ال اهرب بمراتي عمي ساب حقو واتنازل عن كل حقوقه عشان حبه بس انا مش هتنازل لا علي حبي ولا عن حقي
ياسمين ..وانا مش ادك ولا اد عيلتك
زين ..عيلتك هي عيلتي يا ياسمين
ياسمين..انا ماليش عيله ماليش غير اخواتي وابويا وعمي الوحيد ال بيسال علينا كل فين وفين
زين ..هكلم عمي وهخطبك
ياسمين ..لا يا زين وانا مش مستعده لده دلوقتي
زين ..ليه قولي احنا بقالنا سنين بنحب بعض وخلاص جه الوقت ال نتجوز في ويمكن جوازنا يصلح كل حاجه اتكسرت زمان
ياسمين ..ال اتكسر عمره ما يتصلح يا زين وعموما خلي الموضوع ده بعدين
زين ..خلاص يا ياسمين براحتك واوعدك انك مش هتشوفيني تاني ولا هطلب من الطلب ده تاني
باااك
وفاقت ياسمين من شرودها علي رن جرس الباب
ياسمين ..حااضر
وفتحت ياسمين الباب وكانت المفاجأه ....
الفصل التاني من (بناتي)
للكاتبه (ليلي مصطفي)
وكان هو بهيبته ووسامته وضحكته الجزابه وعيونه الزيتونيه الساحره وبشرته البيضاء وشعره البني الناعم وبطوله وجسمه الرياضي كان يقف هو امام ياسمين التائهه
في عيونه وقلبها يدق سريعا وكانت تتمني لو تدخل ما بين احضانه وتهرب من عالمها وفاقت من شرودها علي صوت عمها
جمال ..ازيك يا ياسمين يا بنتي
ياسمين ..ازيك يا عمو عامل وحشتني اوي
جمال..وانتي كمان يا بنتي وحشتيني جوي انتي واخواتك واخوي فينو عاوز اسلم عليه
ياسمين ..هو نزل يجيب طلبات من تحت وزمانه علي وصول اتفضلو
ودخل جمال وكان يقف مكانه زين ينظر لها باشتياق وحب ولهفه كبيره
زين ..عامله اي
ياسمين ..الحمد لله انت عامل اي
زين ..اهو زي ما انا
عبدلله ..ميين زين يا اهلا وسهلا يا حبيبي عامل اي وحشتني يا ولد الغالي
زين ..حبيبي وانت وحشتني جدا والله يا عمي ازي صحتك
عبدلله ..انا لو كنت وحشتك بصحيك كنت جيبت ابوك وجيت زورتني
زين ..اسف والله وعارف انا اسفي مش هيكفيك بس انا عارف اكيد انا بابا حكيلك كل حاجه وانت اكيد هتعزورنا
عبدلله ..عارف ابوك حكيلي كل حاجه ربنا يصلح الحال ادخل يا بني البيت بيتك ادخل
جمال ..اهلا بالغالي
عبدلله ...اهلا اهلا وحشني والله ياجمال
وتبادلو الاخوات السلام والاحضان وكل من ياسمين وزين ينظروه لبعض باشتياق
وفي جامعه الاسكندريه وبعد ان تناولو كل من فريده صديقه ليلي وليلي وادم وملك الفطاره ودعو بعضهم لتذهب ليلي وفريده لكليه التجاره وهم في السنه الاخيره لهم وقد سبقهم ادم بسنه واشتغل محاسب في شركه ادويه
وذهبت ملك كليتها كليه الفنون الجميله وهي اول سنه لها
ملك ..اهااا مش تحسبي
مايا..انا ال احاسب بردو ماتبصي انتي قدامك
وليد ..صلو عالنبي يا جماعه ده احنا لسه اول يوم اتعرف بالقمرات
ملك ..نعم يا بابا روح العب بعيد يلا
مايا ..بقولك اي انا عفاريت الدنيا بتطنطط في وشي روح شوف واحده فايقه زيك يا خويا
وليد ..اي اي خلاص انا غلطان انا داخل اصلح بينكم سلام
ملك ..سلام يا خفيف اي الاشكال دي عالصبح
مايا ..بما اننا اول يوم لينا هنا ماتيجي نتعرف علي بعض واهو بدل ما توهي لوحدك نتوه مع بعض هههههه
ملك ..ههههه ومالو يا اختي ما محبه الا بعد عداوه انا ملك عبدلله التهامي سنه اولي فنون جميله قسم ديكور
مايا ..اي داااا وانا كمان نفس القسم دي صدفه جمده بصراحه انا مايا احمد
ملك ..بجد دي فرصه حلوه اوي بصراحه بس يلا نجري بئا عشان نلحق نلاقي القسم بتاعنا ويااارب نلحق اول محاضره لينا ههههه
مايا ...ههههههه شكلها كدا سنه باينه من اولها
وفي كليه التجاره قسم محاسبه
ليلي وفريده في المدرج ينتظره دول الدكتور
الدكتور ...صباح الخير انا دكتور جديد معاكم هدرسلكم محاسبه ضريبيه
واسمي الدكتور احمد عبدالحميد التهامي
ليلي بصدمه ؟؟؟؟ميييين.......
الجزء الثالث والرابع (بناتي )
للكاتبه (ليلي مصطفي)
فريده ..ليلي هو الدكتور الموز ده يقربلك
ليلي..مش عارفه بس تقريبا سمعت الاسم ده من بابا لما اروح هبقي اساله
دكتور احمد..الانسه ال بتكلم ورا
ليلي ...انااا
احمد..انتي عارفه نفسك اي شغل ابتدائي ده مش عيب يبقي الدكتور بتاعك يكون بيتكلم وانتي بتهزري مع زميلتك
ليلي ..انا مهزرتش هي كان..
احمد ...مابحبش حد يقطعني وانا بتكلم مفهوم ومابحبش الاستهتار والدلع بتاع البنات ده ولا بحب حد يتكلم وانا بتكلم ولا حد يدخل ورايا في محاضرتي مفهوم لو عاوزني ابقي كويس معاكم ياااريت تلتزمو بالقواعد بتاعتي عشان مش حابب اوريكم وشي الوحش تاني
ليلي ..خلصت حضرتك
احمد ..ايوا
ليلي...تمام بس انا عملت اي بئا عشان تتكلم معايا بالاسلوب ده قدام المدرج كله
احمد ..مابحبش اقرر كلامي مرتين
ليلي..تمام بس ماكنتش بهزر مع صحبتي ولا كنت بدلع ولا دخلت بعدك المحاضره علي فكره انا اول مره في حياتي حد يتكلم معايا كدا وانا ماعملتش حاجه تستاهل كل ده
احمد..وده اسلوبي عجبك يبقي تمشي عليه مش عجبك يبقي تتفضلي بره وماتحضريش ليا محاضرات تاني
ليلي ...يكون احسن بردو
وذهبت ليلي خارج المدرج وهي حابسه دموعها ف هي حساسه للغايه ولا تستطيع حبس دموعها فا هي كانت في موقف لا تحسد عليه
وخرجت ليلي واصطدمت بشخص
ليلي ...اسفه
دكتور معتز ...ليلي ازيك
ليلي ...دكتور معتز اسفه ماختش بالي
دكتور معتز ..اي دااا انتي بتعيطي ليه
ليلي ...لا مافيش
دكتور معتز ...ازاي بس تعالي معايا نشرب حاجه وتقوليلي في اي
ليلي ...بس هو ده كل ال حصل ومش عارفه عمل معايا كدا ليه
دكتور معتز ...انا عارف دكتور احمد صارم شويه وده اسلوبه بس طبعا مش معاكي انتي يا ليلي انتي من احسن البنات ال قابلتها في الكليه انتي محترمه جدا وزكيه جداوفعلا ماكنش ينفع يعمل معاكي كدا وانا هتكلم معاه عشان تحضري المحاضرات بتعتك وبعدين خلاص هانت دي اخر سنه يا لولا
ليلي ..شكرا خالص يا دكتور معتز بجد مش عارفه اقولك اي وانا خايفه بس الا يسقطني في مادته تبقي مصيبه
دكتور معتز...ماتقلقيش خااالص وخلاص بئا انا عاوز اشوف ضحكتك الحلوه
ليلي..متشكره يا دكتور انا هروح بئا
دكتو معتز ..طب وباقي محاضرانك
ليلي ..حاسه اني مش قادره اكمل بصراحه ومش هقدر ابص لوش زمايلي انهارده يمكن بكرا اكون احسن
دكتور معتز ...علي راحتك وماتشغليش بالك بحاجه وطبعا كل المدرج عارف اخلاق ليلي كويس صح
ليلي ..تمام يا دكتور عن اذنك
دكتور معتز ... اتفضلي
وزهبت ليلي للمنزل وتبادلت السلام مع عمها وابن عمها ودخلت غرفتها لتغير ملابسها وكانت اغلقت تلفونها وعلي صوت يا سمين
ياسمين ...ليلي كويس انك جيتي بدري انا حضرت الغدا هيا ملك هتتاخر
ليلي ..مش عارفه
ياسمين ..مالك يا ليلي
ليلي ...بعدين هحكيلك يلا بس عشان نلحق نحضر الغدا لضيوف
ياسمين ...ماشي يلا ياارب بس اختك تلحقنا
ليلي ..هي زمانها علي وصول اكيد ياسمين عاوزه اسألك علي حاجه
ياسمين ..انفضلي
ليلي ..مين احمد عبد الحميد التهامي
ياسمين ..بتسألي ليه
ليلي ..جاوبيني الاول وانا هحكيلك كل حاجه
ياسمين ..عبد الحميد ده يبقي يبقي عمنا واكيد احمد يبقي ابنه بس انتي تعرفي ابنه ازاي
ليلي ..ده يبقي الدكتور بتاعي في الجامعه
ياسمين..معقوله طب هو عرف انتي مين
ليلي ..لا هحكيلك كل حاجه بس مش وقته يلا نحضر الاكل جمال ..كنت عاوز اتكلم معاك في موضوع كدا انا وزين يا عبدلله يا خويا
عبدلله..خير يا جماعه اي الموضوع ؟؟؟
الجزء الرابع من (بناتي)
للكاتبه(ليلي مصطفي)
عبدلله ..خير يا جماعه اي الموضوع
جمال..بص يا خوي العمر مابقاش في بقيه خلاص ولازم نشوف حل للانت وبناتك في ده
عبدلله ..مش فاهم قصدك
جمال ..يعني جه الوقت اللي ترجع في بلدك انت طلعت عالمعاش خلاص وبناتك مالهمش حد هنا وخلاص امنا وابونا وماتو الله يرحمهم وكفايه انهم ماتو بجهرتهم عليك
ومابقاش فاضل غير انا وانت واخونا عبد الحميد واختك سعاد وماحدش عارف بكرا في اي وانت معاك بنات لازملهم عيله وضهر ماينفعش يبقو لوحدهم كدا اي رائيك
عبدلله ...انت عندك حق وانا خلاص مش هعيش اد ما عشت ولازم اامن حياه بناتي قبل ما موت
زين ..بعد شر عليك يا عمي ربنا يديك طوله العمر واحنا ضهرهم وسندهم ماتقلقش
جمال ..اتكلم مع بناتك يا عبدلله وشوف ردهم هيكون اي
عبدالله ...والله انا هشوف بناتي رائيهم اي وان شاء الله خير
ياسمين ...يلا يا جماعه اتفضله الاكل جاهز
ليلي ...ايوااا حاضر ياللي عالباب
ملك ...اي كل ده
ليلي ...اي يا بنتي احنا واقفين عالباب وبعدين اهدي شويه عشان عمك وابنه هنا
ملك ...يوااا اي ال جابهم وياتري مطولين ولا هيمشو عالطول
ليلي ...اي كلام ده عيب كدا انتي شايفاهم بيجو كل يوم يعني ويلا ادخلي عشان نتغدو مع بعض
ملك ...اهلا اهلا يا عمو اي نور ده والاستاذ زين كمان هنا لا ده الليله عيد
جمال ..اهلا بدلوعتنا الجميله وحشيني جوي يا ملوكه
ملك ...وحضرتك وحشتني جوي جوي يا عمو وربنا
عبدلله ..يلا يا جمال الاكل هيبرد سيبك من البنت دي ودوق اكل ياسمينا
جمال ...ياسمينا دي ست البنات واحلي اكل باكله من ايدها ربنا يخلهملك ياارب وتفرح بولادهم يا خوي
وخلص اليوم مابين الضحك و الحكايات الاخويه ونظرات العشق ما بين ياسمينا وزين وجاء وقت الرحيل
جمال ...هنستأذن احنا يا خوي
عبدلله.. اي كلام ده انتو لازم تقعده هنا كام يوم
جمال ..انت عارف انه ماينفعش يا خويا لازم اروح اشوف الشعل وزين طبعا مافيش حاجه بتتعمل من غيره
وان شاء الله انتو ال تيجو المره ال جايه
عبدلله ...ان شاء الله نورتوني والله يا جمال مع اننا ماشبعناش من بعض بس هتتعووض يا خوي مع الف سلامه توصله بالسلامه
ملك ..انا هدخل اغير هدومي يا بابا وارتاح شويه
ياسمين ..وانا كمان خديني معاكي
عبدلله ..استنو يا بنات عاوزكم في موضوع
ليلي ...خير يا بابا في اي
ياسمينا ..اتفضل اتكلم يا بابا
عبدلله ...اي رائيكم يا بنات لو نروح نعيش في البلد وسط اهالينا
ملك ...مش فاهمه يعني هنروح زياره ولا نقعد عالطول
عبدلله ...لا نعيش هناك يا بنتي
ليلي ..طب والجامعه بتعتنا يا بابا حياتنا وزكريتنا احنا لو طلعنا من هنا هنموت يا بابا لا لا انا مش موافقه يا بابا انا اسفه
عبدلله ...انا مش هعيش اد ما عشت يا بنات ولازم قبل ما ربنا يفتكرني اامنلكم مستقبلكم واعملكم ضهر وسند وتعرفو كل اهلكم عشان هتحتجوهم بعد كدا
ليلي ...لا مش هنحتاج لحد يا بابا احنا مرتاحين كدا خلينا زي ما احنا وهنخلصو تعلمنا وهنشتغله وهنرفع راسك وماتقلقش احنا بنات اها بس هنبقو سند وضهر لبعض ومش هنحتاج لحد
عبدلله ...وانتي يا ياسمين رائيك اي
ياسمين ...انا معاك يا بابا وموفقه اننا نرجع
ملك ...ياسمين انتي بتكلمي بجد انتي طول عمرك بتكرهيهم ومش عاوزه تعرفيهم ليه دلوقتي موفقه تعيشي مع نفس الناس ال دمرت امي زمان وخلوها هي وبابا يتبهدله وتموت بحصرتها بمرضها ال ماكناش لقين حد يدينا جنيه عشان نجبلها العلاج واهلك هناك متنغنغين في فلوسنا وحقنا انتي نسيتي كل ده انا اسفه يا بابا بس انت ال عودتنا نقول رائينا بصراحه
ياسمينا ..خلاص يا ملك وجه الوقت ال نرجع في وناخد حقنا وابويا يرجع بيته ويرتاح زي ما اخواته مرتاحين ولا اي رائيكم
عبدلله ..خلاص يا بنات علي راحتكم انا مش هغصبكم علي حاجه انا كنت باخد رائيكم وخلاص عرفت ردكم اتفضله روحو ارتاحه
ياسمين ...بابا احنا هنسافر ولو ملك وليلي مش حبين هما حرين بس انا موفقه
عبدلله ...بصو يا بنات انا مش عاوز اغصب واحده فيكم علي حاجه هي مش عاوزاها بس خدو وقتكم وقلولي رائيكم الاخير تصبحه علي خير انا داخل انام
ياسمين وملك وليلي ..وانت من اهله يا بابا
ودخلو البنات غرفتهم وكل واحده منهم بتفكر في كلام والدها وهيعملو اي واي القرار ال هياخدو مع بعض كل ده هتعرفو بس في الفصل الجديد ان شاء الله
بعد ما اشوف التفاعل بتاعكم 🥰
تابعوا صفحتي ملك الروايات للتكمله
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اتفضلوا من هنا
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق