رواية لثام الخلود بقلم الكاتبه نسرين خالد الفصل الثالث عشر حصريه وجديده علي مدونة نجوم ساطعه
 |
رواية لثام الخلود بقلم الكاتبه نسرين خالد الفصل الثالث عشر حصريه وجديده علي مدونة نجوم ساطعه
بعد ما يحيى لبس الخاتم ل خلود باس على دمغها
يحيى:مبارك عليكى يا حبيبتى
خلود:الله يبارك فيك يا عمى
احمد:مبارك عليكى يا خلود
خلود :الله يبارك فى حضرتك و عقبال جومانه و جايدا
سما:ياسلام يعنى عقبال ابله جومانه و ابله جايدا و سما لاء
خلود ب ضحك:لاء ولاء كمان يا فسله مش لما تنجحى الاول و تخلصى تعليمك
احمد/شفتى بقى يا استاذه سما خلصى انتى دراستك و ابقى زى اى واحده من اخواتك و وقتها هنقولك عقبالك
يحيى :بسم الله ماشاءالله البنات كبرو يا احمد و هيكبرونا معاهم...و بعدين انا زعلان منك يا جايدا
جايدا:ليه بس يا عمى؟
يحيى:ازاى تقدمى فى الأكاديمية و متبلغنيش انتى ناسيه عمك يبقى مين و يقدر يعمل ايه
جايدا:ابدا يا عمى مقصدش كده بس انا خبيت اعتمد على نفسى و مايبقاش فى وسطه
يحيى بضحك و سعاده:اذا كان كده ف انتى صح و انا فخور بيكى يا حضرة الظبوطه
رحيم:احم مبارك عليكى يا انسه جايدا...و لو ينفع با سيادة اللواء و بعد إذن عمى احمد طبعا نعما الاسبوع الجاى حفله ب جوازى انا و انسه خلود و كمان نحتفل ب الانسه جايدا
يحيى:طيب بجد فكره حلوه...ايه رايك يا احمد
احمد:اسبوع مش بدرى اوى و كمان مش هنلحق نجهز حاجه
رحيم:اسف يا عمى بس احنا المفروض نكتب الكتاب يوم الاتنين عشان نلحق نضم ورق خلود مع ورقى عشان يخصصولى سكن لانى متزوج مش عازب....و كمان انا عندى ڤيلا و قبل ما اسافر هديها ل مهندس ديكور يوضبها و يفرشها و تكون جاهزه على نزولنا فى الاجازه
يحيى:و هو انت هتدور على مهندس ولا انت عارف حد
رحيم:لا لسه يا سيادة اللواء هدور
يحيى:اولا انا خلاص بقيت عمك انسى بقى ياسيادة اللواء دى ...و ثانيا انا خلاص لقيتلك المهندس متدورش...بس الاول ايه رايك اوريك شغله عشان تحكم
رحيم:ياريت مع انى متأكد من ذوق حضرتك
يحيى:طيب يا خلود خدى رحيم و وريه الجنينه و الاوضه ال بقعد فيها
خلود: حاضر يا عمى ....اتفضل يا دكتور رحيم
تمشى خلود و تورى رحيم الجنينه و اوضة يحيى و هو منبهر بيهم
رحيم:بسم الله ماشاءالله المهندس ال صممهم ده موهوب جدا
خلود:و نفذهم
رحيم:مش فاهم
خلود:صممهم و نفذهم
رحيم :اها فهمت
خلود :نرجع ليهم
رحيم:تمام
رجع رحيم و خلود للصالون تانى و هو مبهور ب ال شافه
يحيى:ايه رايك
رحيم:كنت لسه بقول للانسه خلود انى مبهور ب ذوق المهندس ده...حقيقى فنان
يحيى:يعنى هتسلمه الڤيلا بتاعتك
رحيم: طبعاً و بعدين الفيلا مش هتكون بتاعتى لان معروف البيت بتاع الست
بص يحيى و احمد لبعض و بصو ل رحيم ب اعجاب
يحيى:تمام ثوانى اجبلك المهندس عشان تتفق معاه.... جومانه
جومانه:ايوه يا عمى حضرتك عايزنى
(جومانه قامت هى و جايدا يجهزو العشا على السفره عشان رحيم ياكل معاهم )
يحيى:ايوه تعالى اقعدى ثوانى
جومانه: خير يا عمى
يحيى:دلوقتى يا جومانه رحيم معجب ب الشغل ال فى اوضتى و فى الجنينه و عايز تستلمى الشغل فى الڤلا بتاعته هو و خلود ايه رايك
جومانه بفرحه:حضرتك عارف يا عمى انى بعمل الشغل ده مش ك شغل يعنى
رحيم:لا يا انسه جومانه انا عايز حضرتك تستلمى الڤلا بصفتك مهندس ديكور و اللهم بارك شاطر جداً و لعلمك انا ليا اصحاب كتير و ديخين على مهندس شاطر و فنان و بيتقى ربنا .....يعنى لو وافقتى اعرفى انك كده ابتديتى شركة ديكور و تصميمات
جومانه:لا طبعا لو حضرتك يا دكتور رحيم عايزنى اشتغل فى ڤلتك ك مهندس زى ما بتقول يبقى المفروض تسال بابا
رحيم:هو طبعا لازم موافقة عمى بس انتى هتشتغلى فى ڤيلا اختك يعنى اكيد مش هيرفض
احمد:لا يا رحيم يابنى هى تقصد ان انت تسالنى بصفتى مدير شركة الخالدين للديكور لانها هتشتغل تحت اسم الشركه لو وفقت تشتغل
رحيم :وليه تشتغل فى شركة لمجرد ان حضرتك مديرها لما ممكن تعمل هى شركه لنفسها
خلود بغيظ:لانها بتكون شركة بابا الله يرحمه يعنى شركة العائله ولا حضرتك جاى عشان تفرقنا عن بعض🤨😏😏
تفتح خلود اديها ل جومانه و تروح جومانه لها و يحضنو بعض🤗🤗
رحيم ب احراج:اسف انا مكنتش اعرف انا بحسب عمى احمد بيشتغل فيها عادى مكنتش اعرف انها شركه العائله
حسام بضحك:يعنى بابا المدير و انا مدير الحسابات و جومانه هتشتغل مهندسه فيها دى لو مش بتاعتها هتبقى بتاعتنا بوضع اليد هههههههه
رحيم:اتصدق صح.... طيب انا عايز اعرف ايه ال يرضى الانسه خلود ك مهر
خلود:المقدم عايزاه شرعى يعنى مبلغ ينفع يعمل وجبه كامله ل عائله
رحيم:طيب ينفع مهرك يبقى ١٠٠٠٠ عشرتلاف جنيه موافقه
خلود:موافقه
رحيم:و الشبكه بتاعتك ماما الله يرحمها كانت جيباها من زمان وموصيانى انى اديها للعروسه ال ربنا هيكرمنى بيها...بس انا هجيب لك دبله
خلود تمام مفيش مشكله
رحيم:و المؤخر هيكون شراكه بينافى مستشفى و هيكون نصها خيرى ب الكامل و نصها استثمارى
خلود بسعادة:موافقه
رحيم:و ايه رأى حضرتكم
(بيكلم احمد و يحيى و ندا و حسام)
احمد بصلهم و شاف نظرة رضا فى عيون ندا و يحيى
احمد:يا ابنى ده كتير بس ربنا قال (فمهروهن)و لو انت و هى مبسوطين كده احنا ماعندناش مانع و مبارك عليكم
رحيم:ممكن بعد اذنكم بكره اخد الانسه خلود و نروح نجيب الدبل و هيكون معايا الشبكه كمان عشان تتلمع و هرجعها على طول
احمد:مفيش مشكله بس تاخد جومانه و جايدا معاكم
جومانه:بعد اذنك يا بابا انا بكره المفروض هجيلك الشركه عشان ابتدى اجهز لشغل الڤيلا
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
احمد:اه صح نسيت
جايدا:خلاص يا بابا دكتور رحيم يجى ياخدنا بعد الجامعه و نجيب الدبل و يجى يتغدا معانا ايه رايك
احمد:هى فكره حلوه
جومانه:طيب ب مناسبة الاكل ممكن نقوم كلنا على السفره عشان الاكل جهز ....و عشان تدوق اكل خلود يا دكتور لانها هى ال بتطبخ مش بترضى اننا ناكل من ايد الشغالين
رحيم بنظرة حب و اعجاب و فخر:ربنا يباركلنا فيها و يحفظهالنا
بيقومو يروحو على السفره و هناك بيندهش رحيم من الاكل و الانواع و طريقة التقديم و كان فى شيف محترف هو ال عامله....و بعد الاكل
رحيم:تسلم ايد ال جهز و عمل و ال قدم
خلود: الله يسلمك انا العامله الاكل و جومانه و جايدا هم ال جهزو السفره
رحيم:اللهم بارك .....يعنى ممكن لو محبتيش تكملى في الطب تفتحى مطعم و ساعتها هتوصلى للعالميه
يحيى:ايه يا دكتور انت هتغازل البنت ادامنا
رحيم :لا طبعا ياعمى....طيب انا استأذن و على ميعادنا بكره انا و الانسه خلود و الانسه جايدا... السلام عليكم ورحمه الله وبركاته
الجميع:عليكم السلام ورحمه الله وبركاته
دكتور رحيم :استنى .. اتفضل الحاجات دى اتجهزت عشانك
(اكل و حلويات و نواشف من ال عملاها خلود ندا امرت بتجهزهم لانه عايش لوحده)
بعد كده روح رحيم و البنات قعدو فرحانين
جومانه:اعملى حسابك انا هعملك الڤيلا ولا الاحلام و هعملك مكان مخصص للعباده بصى هخليكى اول ما تدخليه تنسى الدنيا ال بره و تركزى بس فى عبادتك
خلود:ربنا يحفظك ليا و متحرمش منك ابدا
بعد كده يطلع كل واحد على اوضته و تتصل خلود علي رحيم
خلود: السلام عليكم ورحمه الله وبركاته
رحيم: عليكم السلام ورحمه الله وبركاته
خلود:رحيم ايه ال انت عملته ده و ليه التكلفه دى كلها
رحيم:ببساطه لانها فعلا وصية امى الله يرحمها....وصتنى انى اعمل كده للبنت ال هختارها ... و انا اخترتك يا خلود و ربنا شاهد ...حتى لو انتى شايفه ان جوازها ل وقت نهاية المهمه وبس ....و متقلقيش مش يمكن ترجعى من المهمهبلقب ارمله بدل مطلقه
خلود بخوف :بعد الشر عنك ربنا يحفظك ليا
و اول ما فاقت لنفسها و فهمت هى قالت ايه قفلت فى وشه السكه على طول
رحيم:هههههههه شكلك بتحبينى بس بتكابرى يا خلود....ربنا يقدرنى و اقدر اسعدك لحد ما توصلى لهدفك
و بعد يوم طويل و سعيد على الكل نامو و بعد ساعات من الاحلام جه الفجر بيوم جديد...بعد الروتين بتاع كل يوم وصلت خلود و جايدا على المقر
خلود: السلام عليكم ورحمه الله وبركاته
الفريق: عليكم السلام ورحمه الله وبركاته ...مبارك عليكى يا خلود
رحيم بيغمز لهم:انتو صدقتو ده عشان المهمه
خلود:الله يبارك فيكم عقبلكم
حبيب :انا اجوز اختى القرده و بعد كده وراها على طول
كريم:اللهم آمين القى بس بنت الحلال ال تقدر شغلى و ظروفه و انا عمرى ما هاسبها
نسبهم يتكلمو...و نروح لمكان اول مره نروحه
واحد اسمه چو :لسه محدش عرف لسه طريق الشنطه
.....:لسه الشنطه اختفت من يوم موت خالد و كانها اتبخرت
چو :لا الكلام ده ماينفعنيش الشنطه دى لو اتسلمت للمخابرات و اتنفذ ال فيها مصر هتركب على الكل.....احنا لايمكن نسمح ب ده ..لايمكن نسمح انه يقوم لمصر او للعرب اومه😨😨😨😨
ياترى ايه ال بيحصل و مين ال بيتكلمو دول ....ربنا يسلم خلود و رحيم من الجاى
🌺🌹🌺🌹🌺🌹🌺🌹🌺🌹🌺🌹
❤️💙❤️💙❤️💙❤️💙❤️💙❤️💙
❤️💙❤️💙❤️💙❤️💙❤️💙❤️💙
🌺🌹🌺🌹🌺🌹🌺🌹🌺🌹🌺🌹
تعليقات
إرسال تعليق