رواية ضياء الليل الفصل الاول بقلم الكاتبه نسرين خالد حصريه وجديده علي مدونة نجوم ساطعه
 |
رواية ضياء الليل الفصل الاول بقلم الكاتبه نسرين خالد حصريه وجديده علي مدونة نجوم ساطعه
الساعة ٣ الفجر تقوم الام من جنب جوزها و تروح على طرطيف صوابعها و تروح ل اوضه تانيه و تدخل....
الام : ضياء ضياء قوم بقى ابوك لو صحي يومنا هيبقى اسود قوم يا ضنايا
ضياء هنعرف شكله و حكايته مع الوقت...
ضياء: اهو يا اما اومت اهو...صباح الخير يا ست الكل
الام : صباحك قشطه ياضنايا يلا فوق كده و الحق ذاكر شويه قبل ما ابوك يصحى ...... انت عارف ابوك لو لقاك ماسك كتاب هيعمل ايه... ياريت كان بأيدي يا ضنايا كان حاجات كتير اتغيرت
بتسيب الام ضياء و تروح تجهز عشان تخبز عيش و تطلعله حتة جبنه قديمه عشان ياخدهم معاه ...و يفوت الوقت و الراديو يقول ان الساعه٦ صباحاً
الام : ضياء بسرعه دس الكتب بتاعتك قبل ما ابوك يطلع من الاوضه
ضياء : ما تقلقيش يا اما ابويا هيصحى النهارده الساعه٨...بقولك ايه انا هلبس عشان عربية العمال هتعدي عليا عشان اروح الموقع
الام : ربنا يوفقك و يوقفلك ولاد الحلال و يسترها عليك
بيركب ضياء عربية العمال و بيروح الموقع ال شغال فيه فواعلي (بيشيل الرمل و الاسمنت في مواقع البناء) و هناك بيكون موجود المهندس المسؤول عن الموقع
المهندس و اسمه ليل شاب في الثلاثينيات جسم رياضي طويل اسمر اللون و عيونه بين الرمادي و العسلي و رموش طويله من اصول صعيديه و ليه لحيه خفيفه محترم و الكل يحبه و يحترمه
ليل : صباح الخير يا رجاله ايه الاخبار ... ضياء تعاله عايزك
ضياء :ايوه يا هندسه
يجرى ضياء و يقف ادام ليل
ليل: ايه الاخبار هنا....و ايه اخبار مذكرتك
ضياء بيبص شمال و يمين و يقول ليل
ضياء : بص يا هندسه الاخبار هنا مش تمام في هرش كتير في المونه 😟
ليل: تقصد ايه ؟
ضياء : بقولك يا هندسه في لعب جامد بس مش هقدر اتكلم انت فاهم ال فيها
ليل : طيب ساعه كده و هنده عليك عشان تاخد الكتب و في المكتب هنعرف نتكلم
ضياء: تمام يا هندسه
و رجع تاني كمل شغل و بعد ساعه....جه الغفير و قال
الغفير: ضياء البشامهندس ليل بيقولك تعاله عشان تاخد الكتب و الملازم
ضياء : حاضر هشطف ايدب و وشي و رايحله
سابه الغفير و راح ل شغله و ضياء راح للمكتب و خبط
ليل : ادخل
ضياء : ايوه يا هندسه
ليل : تعاله يا ضياء...قولي في ايه و ايه ال شايفه مش مظبوط
ضياء بهدوء : بص يا باشمهندس ال بيحصل ان في لعب في الخامات و بيقللو في الاسمنت و المسلح و الفرق بيتباع
ليل : طيب و بعدين
ضياء : ياهندسه كده العماير مش هتتحمل أي زلزال و لما هتتسكن مش هتتحمل و هتقع
ليل: تمام يا ضياء انا هتصرف 😡😡 بقولك الحاجه بتطلع من الموقع امته؟؟
ضياء : بليل ياهندسه
ليل : خلاص خد الكتب و المذكرات و روح يلا
ياترى ايه ال هيحصل؟
و ايه حكاية ضياء ده ال هيتعرف في المرات الجايه؟!
تعليقات
إرسال تعليق