رواية بناتي الفصل الأخير بقلم ليلي مصطفى حصريه وجديده علي مدونة نجوم ساطعه
 |
رواية بناتي الفصل الأخير بقلم ليلي مصطفى حصريه وجديده علي مدونة نجوم ساطعه
----------------------------------------------
زين...ياسمين استني انا عاوزك
ياسمين..انا مش فاضيه يا زين ورايا حاجات تحت
زين...وانا بقولك عاوزك يعني تولع اي حاجه تحت
ياسمين..عاوز اي يا زين
زين...انتي اي حكايتك يا ياسمين انتي بقالك اسبوع مابتتعامليش معايا ولا كأني موجود وعالطول مش فاضيه وبتجهزي معاهم للفرح انتي ناسيه ان ده فرحي لدرجه دي انا مش فارق معاكي ومبسوطه اني هتجوز
ياسمين..لا مش ناسيه ان ده فرحك بس ماتنساش بردو ان ده فرح اختي ولازم اكون مبسوطه او امثل اني مبسوطه لحد ما الفرح يخلص واختي تروح علي بيتها وبعد كدا كل واحد فينا يروح لحاله
زين...قصدك اي
ياسمين...انت فاهم قصدي
زين...لا انا عاوز افهم ياياسمين يعني اي كل واحد يروح لحاله
ياسمين...قصدي كدا كفايه يا زين انا مش هعرف اكمل بالوضع ده انت مش حاسس باللي انا في انا حاسه اني بموت جوزي فرحه بكرا وانا المفروض اتأقلم عالوضع واعيش عادي لا وكمان هعيش مع دورتي وهنتقاسم فيك لا يا زين اتا عندي اني اطلق وامشي من هنا خالص احسن ما اعيش بالوضع ده
زين... ياسمين اقسم بالله انا بموت اكتر منك انا حاسس اني هتجنن مش عارف اعمل اي بفكر اخدك واهرب الغي الجوازه خالص واللي يحصل يحصل مش عارف اعمل اي مش عارف
ياسمين..كل ده غلط يازين وانا مش هخليك تعمل اي غلط تاني
زين...واي هو الصح
ياسمين...اننا نطلق يا زين
زين..وده مش هيحصل يا ياسمين
ياسمين...انا قررت خلاص انهارده بعد الحنه كلنا هنروح علي اسكندريه وبكرا الفرح هيخلص وهرجع علي شقتنا وبعدها تبعتلي ورقه طلاقي مابعتهاش يا زين انا هتصرف تصرف مش هيعجبك
زين..بجد والله خلاص ماشي وانا مش مطلقك وهترجعي بكرا في ايدي وريني هتعملي اي بئا
ياسمين...تمام لما نشوف
وخرجت ياسمين من الاوضه وفضلت تعيط بقهره وقلبها كان بيتقطع انها هي بنفسها اللي هتنهي كل حاجه بأيدها
رقيه...معتز قصدي مستر معتز حمدلله عسلامه انت خرجت امته
معتز...خرجت من يومين وجيت انهارده عشان اخد ورقي وامشي من هنا
رقيه...هتسيب المدرسه
معتز...اها ده شرط اهلك وهسيب البلد كلها
رقيه...طب مش هشوفك تاني
معتز...معتقدش
رقيه...هو اي اللي معتقدش وبعدين انت كنت ناوي تعمل حاجات كتير مع اهلي ومعايا ولا خلاص صعبت عليك وهتسبني في حالي
معتز... قصدك اي مش فاهم انا قولت هعمل حاجه معاكي ومع اهلك
رقيه...انت مش قولت هتتقدملي ولو ماوفقتش هتوري قسيمه جوازنا لاهلي وهتوريهم الصور اللي انت صورتهالي
معتز...اها اها لا خلاص بصراحه ماينفعش اعمل كدا معاكي ولا مع اهلك كفايه انهم سامحوني اني خطفتك وصدقه الكدبه اللي كذبناها وعلي فكره انا عمري في حياتي ما كذبت بس كنت موتر اخبي علي اهلك اني خطفتك عن قصد وهتعرفي ليه بعدين
رقيه...طب وجوازنا والصور
معتز...صورك انا مسحتها كلها وورقه طلاقك هجبهالك لحد عندك واسف لو عملت اي حاجه ضيقتك وبتمنالك حياه سعيده مع ابن عمتك اللي بتحبي
رقيه بدموع...شكرا وربنا يسعدك انت كمان عن اذنك يا مستر عشان الحق الطابور
معتز...اتفضلي
ومشي معتز بعربيته وفضلت رقيه واقفه بتبص عليه لحد مامشي والدموع ماليه عنيها
وفي بيت عيله عبد الحكيم كانو جهزه كل حاجه للحنه وابتدو المعازيم يجو ويسلمو علي اسراء واهلها واسراء كانت فرحانه ومش مصدقه انها خلاص هتتجوز زين وبقت كل شويه تمسك التلفون وترن علي زين بس بتلاقي تلفونه مقفول ورنت علي فاطمه
اسراء ...الو ايوا يا بطه عامله اي
فاطمه...الحمد لله يا اسراء خير في اي
اسراء...هو زين فين
فاطمه...مش عارفه هو خرج بس ماقلش رايح فين
اسراء...ماشي طب لما يجي يا فاطمه قوليله يجي عندنا شويه انتي عارفه لازم العريس يروح للعروسه شويه يوم الحنه
فاطمه...حاضر عاوزه حاجه تانيه
اسراء..لا ياحببتي شكرا بااي
فاطمه...بااي
احمد...بتكلمي مين ياالبي
فاطمه...دي اسراء بتسأل علي زين عاوزاه ويروحلها شويه انهارده
احمد...زين خرج من شويه بس مارديش يقولنا رايح فين بس شكله كان مضايق اوي
فاطمه...الله يكون في عونه بصراحه
احمد...وياسمين بردو انا حاسس انها حزينه اوي بس بتحاول تداري عشان ماتزعلش اختها
فاطمه...حببتي يا ياسمين انا لو مكانها ممكن اموت
احمد...هو انا اقدر اعمل كدا بردو
فاطمه...يعني هو بمزاجه يا احمد
احمد...اها بمزاجه طبعا هو لو عاوز يلغي كل ده هيلغي بس المشكله ان زين ضعيف وبيخاف علي اهله وعلي زعالهم وخايف علي زعل اسراء وعلي خالته يولع كل ده المهم اني اعيش مع اللي بحبها وارتاح انا وهيا وبعد كدا افكر في ناس التانيه
فاطمه..زين مش ضعيف يا احمد بس فعلا هو لو ساب اسراء او مكملش الجوازه هيحصل مشاكل كتير ده غير ان امي وخالتي مالهمش غير بعض ولو زين ساب اسراء مش هيعرفو بعض تاني
احمد...مش مهم كل ده المهم انا راحتي فين وانا عاوز اي بعد كدا كل حاجه بيتصلح
فاطمه...والله كل واحد وطبعه بئا يا احمد
احمد...انا زعلان علي زين اوي والله بس للاسف مافيش اي حل يخلصو من الجوازه دي
فاطمه...الحل عند ربنا بئا يا عالم ربنا كاتب اي
احمد...علي فكره انا اتكلمت مع الجماعه علي موضوع جوازنا واننا احنا كمان نتجوز علي الشهر الجاي ولا اي رائيك
فاطمه...والله براحتك بس انت مش شايف انه لسه بدري
احمد...بدري من عمىك يا روح البي ده انا لو عليا عاوز اتجوزك انهارده بس اهو لحد ما نظبط البيت بتاعنا
فاطمه...هو احنا مش هنتجوز هنا
احمد...لا هنظبطو البيت التاني بتاعنا وهنوضب شقه لينا وشقه لجاسر وملك
فاطمه...ماشي مع اني كان نفسي اعد هنا
احمد..مافرقتش كتير ده البيت جنب البيت يعني واحنا هنروحو عالنوم وطول النهار هتكوني هنا
فاطمه...طب تمام يلا هسيبك انا وهروح اجهز نفسي
احمد...ماشي يا البي
وجه وقت الحنه والمعازيم كانت ماليه الجنينه والطباخ كان خلص الاكل وشغلو اغاني والكل اتعشي وبعد كدا الستات كلهم دخلو جوه والرجاله بره في الجنينه
ورقيه كانت رجعت من المدرسه وخلصت دروسها وطلعت علي اوضتها عالطول ولبست الفستان بتاعها وعملت ميك اب رقيق اوي
وليلي وملك وياسمين في الاوضه كانو لبسو فساتنهم وعملو ميك اب لنفسم رقيق ولبست ياسمين حجابها وليلي وملك كانو مسيبين شعرهم وكانو طالعين كالعاده اميرات
ونزلو كلهم اعدو تحت مع الستات وشغلو اغاني وفضلو يرقصه كتير وعملو حنه وفضلو يرقصه بيها والكل كان مبسوط معادا ياسمين كانت حزينه وكانت قلقانه علي زين اللي طلع ومرجعش البيت
وفي بيت عبد الحكيم كانو مشغالين اغاني وبيرقصه واسراء كانت مستنيه زين يحضر معاها الحنه بتاعتها بس بردو ماجاش ولافتح تلفونه
وخلصت الحنه ومشيو المعازيم والعيله كلها جهزت نفسها وطلعو علي اسكندريه وفضل جاسر في البلد عشان يدور علي زين ويمشو مع بعض وطول السكه كانت ياسمين قلقانه علي زين وكل شويه تتصل علي جاسر عشان تعرف لاقاه ولا لا وراح جاسر عالمصنح لقي زين نايم في المكتب
جاسر...زين زين انت بتعمل اي هنا
زين...جاسر اي اللي جابك
جاسر...يابني انا بدور عليك من بدري كل الجماعه سافره علي اسكندريه وكلهم كانو قلقنين عليك بس انا قولتلهم تلاقي عند حد من صحابنا وعرفتهم اننا هنروح وراهم
زين..يلا يا جاسر
جاسر..هنسافر دلوقتي
زين...لا خلينا بكرا
جاسر...تبقي تفتح التلفون وطمن ياسمين
زين..تلفوني فصل وانا مش عاوز اتكلم مع حد خالص يلا
واتصل جاسر بياسمين وطمنها علي زين وقفل معاها وطالع هو وزين عالبيت
والعيله كلها وصلت اسكندريه وكل البناات طالعه علي شقه عبدلله والرجاله علي الشقه التانيه وكلهم راحو نامو عالطول من التعب
ومع اشراقه شمس يوم جديد وبدايه يوم جديد ابتدو البنات يصحو وقامت ياسمين ادت فرضها وبعد ماخلصت راحت عالمطبخ تحضر الفطار وليلي دخلت الحمام وملك بتكلم جاسر في تلفون عشان تصحي عشان يجي بدري وذينب والحاجه فاطمه كانو بيصلو ورقيه واقفه في البلاكونه وفاطمه نايمه وفضلت رقيه واقفه في البلاكونه وبتفتكر معتز والايام اللي قضتها معاه في اسكندريه
وفي الشقه التانيه الرجاله صحو من بدري ونزل احمد جبلهم فطار جاهز وبعد ما فطرو وخلصو جهزه نفسهم عشان ينزله يصلو الجمعه
وعند زين وجاسر لبس جاسر هدومو وراحي صحي زين
حاسر...زين يلا يا بني اتأخرنا
زين...هي اساعه كام
جاسر...الساعه داخله علي واحده واها صحيح اسراء اتصلت بيا وقالتلي خلي زين يعدي علي ياخدني عشان تروح الكوافير
زين...ابعتلها العربيه بتاعتي بالسواق وخلي معاهم هناك عشان عربيتهم مش هتكفي المعازيم اللي رايحن علي اسكندريه ولو احتاجت عربيات خليها تعرفك
جاسر...طب ما تفتح تلفونك يابني
زين...ماشي هفتحه جهزلنا انت بس عربيتك عشان نمشي
جاسر ...تمام
وراح جاسر جهز العربيه وافضل مستني زين لحد مانزل وركب وطالعه علي اسكندريه
وعند العمام في الشقه كانو اعدين بيتكلمه مع بعض ولقو الباب بيخبط وقام احمد عشان يفتح واتصدم لما لقي اللي واقف قدامه معتز
احمد...انت اي اللي جابك هنا انت شكلك متنازل عن عمرك ومسك احمد في معتز وكان عاوز يضربه
عبدلله...اهدا يا بني بس واستنا لما نشوفو هو جاي ليه
احمد...هو اي اللي جاي ليه احنا قولنا مش عاوزين نشوف الواد ده تاني
جمال...في اي يا بني بتزعق لمين هو انت انت اي ال جابك هنا
معتز...ممكن بعد اذنكم اتكلم معاكم
احمد...لا مش ممكن الكلام خلص ومش عاوزين نشوف وشك
جمال..ادخل
احمد..هو مين اللي يدخل يا عمي
جمال..خلينا نشوفو عاوز اي ادخل يا بني
معتز..متشكر يا عمي بس انا كنت جايلك عاوزك في كلمتين وهمشي عالطول ممكن
عبدلله...تعال يا احمد سيب الاستاذ وعمك يتكلمه تعال معايا
جمال...خير اي هما الكلمتين
معتز...انا جاي وطالب منك ايد رقيه واتمني انك توافق
جمال...نعم انت اتجننت ولا اي بعد كل اللي حصل جاي بتتقدم لبنتي بعد الفضايح اللي حصلت في البلد والكلام اللي اتقال علي عليها
معتز...انا عندي استعداد اروح لنفر نفر في البلد والصغير قبل الكبير واثبتلهم ان رقيه مافيش واحده في البلد في احترامها وتربيتها مستعد اعمل اي حاجه تطلبها مني بس توافق يا عمي صدقني مش هتلاقي حد يحبها ويصونها اكتر مني
جمال...طب وابن عمتها اللي قاري فتحتها من سنين وخلاص هيتجوزو اعمل معاه اي
معتز ...يا عمي رقيه ومحمد كبرو ولقو اهلهم حاجزنهم لبعض من صغرهم اتعايشه مع الوضع ده ولقو ان كل اهلهم موافقين انهم يكونو لبعض لاكن مافكرتوش في يوم اذا كان رقيه بتحب محمد ولا لا واذا كان محمد بيحبها ولا لا محمد اول واحد شك في رقيه لما اختفت وفكرها هربت معايا اللي بيحب بجد بيكون عنده ثقه في اللي بيحبها لابعد حدود لاكن محمد عمره ما حب رقيه
جمال...وانت بئا اللي بتحبها بعد اللي انت عملته وانت شايف ان اللي بيحب واحده يعمل معاها كدا
معتز...اقسم بالله يا عمي مافي حد هيحب رقيه اكتر مني وانتو عارفين ان كل اللي حصل كان سوء تفاهم وسوء تصرف
جمال...واحنا مافيش حاجه عندنا اسمها حب وكل شئ انتهي وطلبك مرفوض وبنتي محجوزه لابن عمتها وهيتجوزو
معتز...طب ممكن تفكر في كلامي وتتكلم مع رقيه وشوف اذا كانت فعلا عاوزه محمد وراضيه انها تتجوزو ولا لا لو سمحت فكر في الموضع يا عمي ده اخر امل ليا انا من بعد موت ابويا وامي واختي في الحادثه وانا كنت بتمني اني اموت ماكنش في حاجه اعيش عشانها بس بعد ما عرفت رقيه حاسيت اني روحي رجعتلي تاني لقيت حاجه اعيش عشانها شوفت في رقيه الزوجه الصالحه اللي هتربيلي ولادي احسن تربيه وهتعيشنا في جنه ارجوك يا عمي تفكر في الموضوع ارجوك وانا مستعد اصلح كل حاجه انا عملتها وافقت او ماوفقتش علي طلبي انا هصلح كل حاجه يا عمي وكل الناس هتعرف ان رقيه مافيش بنت زيها في البلد كلها
جمال...ماشي يا بني سبني افكر في الموضوع واشوف رائي رقيه ورائي العيله
معتز...متشكر اوي اوي يا عمي وياريت تسامحني علي اي حاجه انا عملتها
جمال...ربنا يعمل اللي فيه الخير يابني وياعالم النصيب فين
وبعد ساعات الكل كان مستعد والرجاله لبسو البدل والستات والبنات جهزو نفسهم ولبسو الفساتين واسراء كانت في الكوافير خلصت كل حاجه ومستنيه زين يروح ياخدها عالقاعه وليلي في كوافير تاني ومستنيه ادم ومعاها في الكوافير ملك وفريده ورقيه وبنات العيله كلهم كان ليهم جمال خاص يسحر اي حد يشوفهم ووصل ادم ودخل سلم علي ليلي وباس علي راسها وكان هيتجنن من الفرحه واخدها وركبو العربيه وطالعه عالقاعه والكل كان مستنيهم هناك وبعد ما وصلو عالقاعه وسلمو عالكل وياسمين اخدت اختها في حضنها وكانت فرحانه بيها وبعد كدا الكل اعد مكانه والعمام اعدين في تربيزه لوحدهم والشباب والبنات كلهم علي تربيزه والحاجه فاطمه وذينب بيستقبلو المعازيم ووصلت خاله ليلي وبنتها مليكه ودخلت سلمت عالعيله كلها وسلمت عالعرسان واخدت ليلي في حضنها وبعد كدا راحت اعدت جنب ياسمين علي تربيزه لوحدهم ووصلت عمتهم مريم وابنها وجوزها وسلمو عالكل واعدوه واهل اسراء كلهم وصلو عالقاعه واصحابها وكانو مستنين اسراء وزين
وزين كان معاه جاسر واحمد وركبو عربيتهم وطالعه عالكوافير اللي موجوده في اسراء وبعد ما وصلو عند الكوافير فضل زين اعد في العربيه ومش عاوز ينزل
احمد...يلا يا زين انزل خد عروستك
زين..طب ما تخليها تيجي هي
احمد...ماينفعش يا زين
زين...وانا مش داخل جايبها
جاسر...خلاص انا هدخل اجبها
ودخل جاسر الكوافير وكل اللي في الكوافير افتكروه العريس واسراء كانت مدياه ضهرها مفكراه زين وبتهزر معاه ولما لفت وشها اتصدمت لما لقت جاسر
اسراء...هو فين زين
جاسر...واقف بره يلا
اسراء..طب وهو ماجاش خدني ليه
جاسر...معلش يا اسراء المفروض تكوني عذراه يلا عشان الناس بتتفرج عليكي
وطلعت اسراء مع جاسر والدموع ماليه عنيها وهي شايفه كل عروسه في ايد عريسها وفرحنين وهي بتحارب عشان توصل لحب عمرها وبردو هو مش متقبلها
جاسر...اتفضلي
اسراء ...شكرا يا جاسر
وركبت اسراء جنب زين وجاسر كان بيسوق واحمد ركب عربيته
واسراء وزين كانو ساكتين طول السكه
وفي الفرح ليلي وملك اتصدمه لما عرفو ان زين دخلته الليله
وياسمين كانت اعده ساكته وبتحاول تداري كسره قلبها واول ما عرفت ان زين واسراء جاين في سكه اخدت بعضها وطلعت من القاعه وبقت تشاور لتاكسي عشان تمشي قبل ما يجو مقدرتش تستحمل تشوفهم مع بعض
خاله ياسمين...ياسمين انتي رايحه فين
ياسمين...مش هقدر يا خالتو مش هقدر اشوفهم مع بعض مش هقدر اشوف جوزي عريس وايده في ايد واحده تانيه
خاله ياسمين...انا حاسه بيكي يا حببتي وعارفه انك بتحاولي تداري كسره قلبك عشان اختك بس هقولك اي مافيش اي حل للاحنا في دي
ياسمين...خلاص يا خالتو انا حلتها مع زين وعارفه هعمل اي
واول ما سمعت صوت العربيات وعرفت انهم جوم طلعت تجري علي النحيه التانيه قبل ما تشوفهم وهي مش شايفه قدامها وبتعيط فجأه جت عربيه وخبطت ياسمين
خاله ياسمين...يانهار اسود ياسمييييين
واتلمو الناس كلها ونزل زين بسرعه من العربيه هو اسراء وجاسر واحمد وراحو نحيه الحادثه وماكنوش يعرفه انها ياسمين واتصدم زين لما لقي ياسمين نايمه عالارض وسايحه في دمها
زين...ياسمين ياسمين اي الحصل اي الحصل مين ال خبطها
خاله ياسمين...مش وقته يا زين يلا بسرعه نوديها المستشفي
وبسرعه شال زين ياسمين وركبها العربيه ومعاهم خالتها وطلع بالعربيه بسرعه واسراء كانت واقفه مكانها بتموت من القهره واتأكدت انها عمرها ما هتكون لزين
جاسر...اركب بسرعه يا احمد خلينا نروح وراهم
احمد...طب احنا مش هنعرف الجماعه الاول
جاسر...لالا يلا بس نطمن عليها الاول ومشيو كلهم وسابه اسراء واقفه لوحدها وفضلت اسراء واقفه تعيط ومش عارفه تعمل اي لقت واحده من صحابها جايه عليها
هدي...اسراء انتي واقفه ليه كدا ومالك انتي عامله اي ليه كدا في اي
اسراء...هدي روحي نادي بابا وماما وياسين من جوه
هدي...حاضر
وراحت هدي نادت اهل اسراء وطالعه يشوفوها بسرعه
عبدالحكيم...انتي واقفه ليه كدا يا بنتي
ام اسراء...مالك يا بنتي اي اللي حصل
اسراء...زين يا بابا زين مراته عملت حادثه وخدها وراح عالمستشفي وسابني
عبدالحكيم...حصل امته الكلام ده
اسراء...لسه دلوقتي
ام اسراء ..ويسيبك كدا بالمنظر ده
عبد الحكيم ...يلا بنتي يلا نروحو انا كان البي حاسس ان في حاجه هتحصل وعارف ان الجوازه دي مش هتكمل يلا يا بنتي
اسراء...يلا فين يا بابا طب وفرحي انا فرحي انهارده
ياسمين...اي يا اسراء ماتفوقي بئا فرح اي زين سابك واقفه في شارع واخد مراته ومشي ما تفوقي بئا وخلي عند شويه دم مش كفايه اننا ماشين وراكي وخليتي وشنا في الارض
ام اسراء...خلاص يا بني خلاص كفايه اللي اختك في كفايه
عبد الحكيم...روح نادي السواق وهات عربيتك ويلا عشان نرجع البلد يا بني وماتعرفش حد بحاجه
ياسين...حاضر يا بابا
وراح ياسين جاب عربيته ونادا السواق وجاب عربيه عبد الحكيم وركبو ومشيو وطول السكه اسراء وامها مابطلوش عياط
وفي الفرح الكل كان مستغرب من تأخير زين واسراء واختفاء ياسمين وعيله اسراء وقامو العمام وابو ادم وكاتبه الكتاب
ليلي...ملك هي فين ياسمين وخالتو روحي شوفيهم بره
ملك...حاضر وطلعت ملك ومالقتش حد بره واتصلت بياسمين ولقت تلفونها مقفول واتصلت بخالتها وبردو ماردتش اتصلت بجاسر
ملك...اي يا جاسر انتو فين ليه ماجتوش لحد دلوقتي
جاسر...مافيش حاجه يا ملك بس حصل مشكله بين زين واسراء وزين مشي وسابنا هي اسراء مش عندك
ملك..لا مش هنا وهي ولا اهلها
جاسر...يبقي شكلها مشيت هي كمان بصي حاولي تعرفي بابا وعمامي ال حصل من غير شوشره كدا وكملو الساعه دي عادي عشان ليلي ماتضيقش وبعد كدا لما الفرح يخلص هنشوف هنعملو اي
ملك...اقسم بالله فرحتني ده انا كنت متنكده احسن انهم اتعاركه يلا بئا عشان ادخل ارقص وافرح ليلي بالخبر ده
جاسر..ماشي يا مجنونه سلام
احمد...ليه خبيت عليها يا بني
جاسر...ماينفعش كنت اقولها حاجه دلوقتي الفرح كان هينقلب وبعدين كلها ساعه والفرح يخلص وليلي تروح بيتها مع جوزها وهنعرفهم كل حاجه
احمد...طب اركن هنا علي جنب هما في المستشفي دي
ونزل احمد وجاسر بسرعه وداخلو وسأله علي ياسمين ولقو خالتها وزين واقفين بره مستنين الدكتور يطلع وشويه والدكتور طلع
خاله ياسمين...طمني يا دكتور ونبي
الدكتور...الحمد لله يا جماعه جت سليمه هي شويه جروح كدا ودراعها في شرخ بس كويس انها جت علي اد كدا لا وحظكم حلو ان الجنين ماحصلوش حاجه
زين...جنين اي يا دكتور
الدكتور...انتو ماتعرفوش انها حامل ولا اي
زين...انت بتتكلم بجد يا دكتور
الدكتور...ايوا حامل ولسه في بدايه الحمل وربنا بيحبها ان محصلش حاجه للجنين الف مبروح وحمدلله علي سلامتها
خاله ياسمين...الحمد لله شكرا يا دكتور مبروك الف مبرزك يا حبيبي
جاسر...الف مبروك يا زين هتبقي اب يا عم
زين كان هيتجنن من الفرحه ودخل بسرعه لياسمين وكلهم دخلو وراه ولقو ياسمين صاحيه بس وشها في جروح ودرعها متجبس ومعلقه محلول
زين...حببتي انتي كويسه
ياسمين...زين انت اي اللي جابك روح فرحك يا زين ماتكسرش فرحه اسراء روح يا زين
زين...عمري ما هسيبك يا ياسمين وعمري ما هكسر قلبك انتي سيبك من اسراء هحاول بعد كدا اصلح كل حاجه هي لسه قدامها فرص كتير لاكن انا مافيش قدامي غيرك وماقدرش استغني عنك
خاله ياسمين ...حمدلله علي سلامتك يا حببتي
ياسمين...الله يسلمك يا خالتو الحمد لله
جاسر..حمدلله علي سلامتك يا قمر والف مبروك
احمد...الف مبروك يا مينا
ياسمين...مبروك علي اي
زين...انتي ماتعرفيش انك حامل ولا اي
ياسمين...انت بتتكلم بجد يا زين
زين...اها يا حببتي هتبقي احلي ماما في دنيا كلها
وبعد ما الفرح ما خلص وكل اللي في القاعه مشيو سلمت ليلي علي ابوها وعلي اهلها وادم سلم عليهم وعلي اهله
ليلي..ملك تبقي طمنيني لما تروحي علي ياسمين وخليها تكلمني
ملك..حاضر يا حببتي خدي بالك انتي بس علي نفسك
ليلي..وانتي كمان خدي بالك علي نفسك وعلي بابا وياسمين
عبدلله..مش هوصيك علي ليلي يا ادم خد بالك عليها
ادم...دي في عنيا يا عمي ماتقلقش
وسلمو علي بعض وركبو العربيات ومشيو كلهم وعيله عبد الحميد طالعه علي شقه عبدلله عشان يباتو هناك
زين..لو سمحت يا دكتور احنا ينفع نمشي
الدكتور...اها طبعا لو عاوزين تمشو مافيش مشكله
زين..خلاص ماشي شكرا يا دكتور
زين...جاسر خد انت ام مليكه وروحها
خاله ياسمين...لا طبها انا مش هسيب ياسمين
ياسمين...انا كويسه يا خالتو روحي انتي زمان مليكه اعده لوحدها في البيت
خاله ياسمين...طيب همشي بس هتصل كل شويه بيكي عشان اطمن عليكي وهاجيلك بكرا من بدري اطمن عليكي
ياسمين...ماشي يا حببتي
واخد جاسر خاله ياسمين ومشيو
وزين واحمد وياسمين ركبو العربيه وطالعه علي شقه عبدلله وبعد ما وصلو الكل اتصدم ما شافو ياسمين وعبدلله كان خايف علي بنته وملك وبئا يسألو اي اللي حصلها حكالهم زين علي كل حاجه حصلت وانه مارديش يعرفهم عشان مايبوظوش فرح ليلي
ذينب...طب واسراء
زين..خلاص يا ماما اسراء انتهت بنسبه ليا ربنا مش كاتبلها انها تكون معايا وماتقليش انا هروح لحد عندهم وهصلح كل حاجه
ذينب...ربنا يعمل اللي فيه الخير يا بني واهم حاجه ان ياسمين كويسه
زين...الحمد لله وحفيد عيله عبد الحكيم كمان بخير
عبدلله ...حفيد اي
زين..حفيدك يا عمي ياسمين حامل
ملك...اي ده بجد قولي وربنا يعني انا هبقي خالتو
عبدلله ...الف مبروك يا بنتي
ذينب ...يا حبايبي فرحتوني الف مبروك
والكل بئا يهني زين واسراء وفرحو بخبر حمل ياسمين
جمال...بقولكم اي يا جماعه بما اننا كلنا متجمعين كدا انا كنت عاوز اخد رائيكم في موضوع
زين..خير يا بابا
جمال حكي كل حاجه للعيله والكلام اللي قالهوله معتز وانه بيحب رقيه وعاوز يتجوزها ومستعد يعمل ايةحاجه عشان يصحلح اللي عاملو
زين..وانت هتوافق علي حاجه زي كدا يا يابابا
جمال...انا مش عارف بس الولد ده انا اتأكد انه ابن ناس ومحترم وبيحب اختكم بس في الاول والاخر الرائي رائي رقيه انا مش هغصب بنتي علي حاجه هي مش عاوزاها اي رائيك في الكلام ده يا رقيه انا قلتله ان انتي وابن عمتك هتتجوزو وانكم محجوزين لبعض من زمان
رقيه..بص يا بابا اولا انا ومحمد زي الاخوات وفعلا كلام معتز صح انا ومحمد مش لبعض انا حصلي حاجات كتير وحصل مواقف كتير واتأكدت ان ان محمد مش بيحبني ولا بيثق فيا
عبد الحميد..ماشي يا بنتي سيبك من محمد طب وبنسبه للي اسمه معتز ده انتي موافقه عليه
رقيه...والله براحتكم يا عمي اللي انتو شايفينه اعملو
عبدلله..رقيه ممكن تيجي معايا شويه يا حببتي نقعد لوحدنا
رقيه...ماشي
ودخل عبدلله ومعاه رقيه وقفل باب الاوضه
عبدلله..بصي انتي زيك زي بناتي بظبط وعاوزك تفضفضي معايا وتقوليلي انتي عاوزه اي بظبط واي رائيك في معتز وبتحبي وموافقه عليه ولا لا مش عاوزك تكسفي مني انا بناتي اي حاجه كانت بتحصل معاهم كانو بيحكولي عليها وانا اللي كنت بقولهم يعملو اي ومايعملوش اي ماتخفيش انا معاكي بس تحكيلي بصراحه انتي حاسه بأي من نحيه معتز ومن نحيه محمد وانا بئا اللي هقرر مين اللي يستاهلك فيهم ولا ولا واحد فيهم يستهلك
رقيه..بجد يا بخت ياسمين وليلي وملك بيك يا عمي انا حتا امي مابتعملش معايا كدا ولا عمرها اعدت معايا وقالتلي احكيلي اي اللي بيحصل معاكي وابويا عالطول جامد معايا انا وفاطمه شايفين ان البنت دي مالهاش رائي في اي حاجه المفروض انها تطيع اهلها في كل حاجه وخلاص
عبدلله...هما الناس الفلاحين كدا يا بنتي اومال انا سبت البلد كلها ومشيت ليه زمان المهم سيبك من كل ده واحكيلي اي اللي في قلبك
رقيه..حاضر يا عمي
وبعد ما عبدلله اعد ساعه مع رقيه في الاوضه وبعد ما خلصو كلامهم طلع عبد لله ورقيه واعدو مع باقي العيله وعبدلله فهمهم كل حاجه وان فعلا معتز يستاهل رقيه وانه عمل معاها حاجات كتير احسن من محمد وان مافيش حد هيحبها اكتر منه ورقيه كانت مبسوطه من كلام عمها وانه فهمها صح
عبد الحميد..خلاص يا جمال بكرا نخلو اللي اسمه معتز ده يجي يقعد معانا ونتفق علي كل حاجه
وعند ليلي وادم
ادم...اخير بقيتي معايا في بيت واحد انا بحلم صح
ليلي...لا مش بتحلم انا معاك وبقيت ملكك
ادم اخد ليلي في حضنه وباسها من راسها
ليلي..بس بئا يا ادم عيب كدا
ادم..هو اي اللي عيب ده لسه العيب ماجاش
ليلي...انت قليل الادب يلا عشان نصلي
ادم...يلا يا موزه وراح ادم وليلي وصلو ركعتين وقامو غيره هدومهم وادم لبس بنطالون وتيشيرت وليلي لبست بيجامه ستان بيضه وسابت شعرها
ادم...اي الجمال ده متجوز قمر ياناس
ليلي...ادم انا بتكسف علي فكره من الكلام ده
ادم..بتكسفي من جوزك بردو ده انا حاسس اني هتجنن اخيرا جه اليوم اللي بقيتي في ملكي وهنعيش مع بعض العمر كله وقرب ادم من ليلي وسرق منها بوسه طوييييله مليانه حب وعشق ولهفه وشالها وراح حطها عالسرير وطفي النور وولع نور الاباجوره وداخله في عالمهم الخاص واخير بعد معاناه ادم وليلي اتجوزو وهيعيشو احلي ايام حياتهم
(وبعد مرور سنه )
وفي احسن قاعات الاسكندريه
نزل من عالسلم عبدلله وفي ايده ملك بفستانها الجميل وبجمالها كالعاده جذبت كل الانظار وراح عبدلله وسلمها في ايد جاسر وجاسر سلم علي عمه وراح باس راس ملك ومسكو ايد بعض وبعدهم نزل جمال من عالسلم وفي ايده من هنا ماسك فاطمه وفي ايده التانيه ماسك رقيه وكأنهم هما الاتنين اميرات بجمالهم ورقتهم وحجابهم الرقيق وراح للعرسان وسلم فاطمه لايد احمد وسلم رقيه لمعتز اللي ماكنش مصدق نفسه وماكتش مصدق ان بعد كل المعاناه دي وبعد كل اللي حصل اخير تبقي رقيه ملكه وتحبه اكتر ما هو يحبها واهلها يوافقو عليه ومعتز اعترف لرقيه ان كتب الكتاب والمأذون كل ده كان كدبه عشان لو رفضته بعد كدا يخوفها بورقه الجواز المذيفه اللي معاه بس هو اعترفلها بكل حاجه وقطع الورقه دي وصلح كل حاجه في البلد واكدلهم ان رقيه مافيش واحده في بلدهم بأخلاقها وتربيتها وانه بيحبها بجد وعمل كل ده غصب عنه ورقيه ماكنتش بتحبه بس ربنا قادر علي كل شئ ورقيه هي كمان حبت معتز ووافقت عليه وكانت مبسوطه وهي معاه واخيرا لقت حبها الحقيقي واهلها كمان اقتنعه بي ووافقه هما كمان وحبو معتز جدا وبئا واحد من عيلتهم
والفرح ابتدي وابتدو العرسان يرقصو سلو مع بعض
وزين وياسمين كانو اعدين جنب بعض ومعاهم ولادهم التوام سليم وحمزه اللي عمرهم بئا تلت شهور وكانو فرحنين بيهم وقام زين اخد حمزه من ياسمين وشاله علي ايد وفي الايد التانيه شال سليم ووداهم لستهم ذينب وراح اخد ياسمين وراحو يرقصه مع بعض سلو وكانو اسعد زوجين في العالم
ومسك ادم ايد مراته وقومها وكانت بطنها قدمها وفي شهرها الخامس وقومها عشان يرقصه هما كمان
ليلي..ادم ماينفعش ارقص بالبطيخه دي الناس هتضحك عليا
ادم...انتي زي القمر يا روحي يضحكه عليكي اي بس ده انا اول مره اشوف واحده حامل قمر كدا وقامو يرقصه مع بعض وفضل ادم يغازل في ليلي وفضلو كلهم يرقصه مع بعض وقام محمد ابن عمتهم طلب انه يرقص مع مليكه بنت خاله البنات وكانت لافته نظره بقالها فتره بنوته جميله ورقيه وماتفرقش كتير عن بنات خالتها
محمد...بعد اذنك يا طنط ممكن ارقص مع مليكه اصلي مش لاقي احلي منها في الفرح
خاله ياسمين...اتفضلو يا حبيبي ومالو
واخد محمد مليكه ورقص معاها سلو
محمد..هو انا لو اتقدمتلك توافقي يا مليكه
مليكه...والله حاجه زي دي تاخد رائي ماما وبابا فيها انا ماليش داعوه
محمد...علي فكره انا بسألك انتي هتوافقي
سكتت مليكه وضحكت ضحكه رقيقه
محمد...السكوت علامه الرضا
وضحك محمد وفضل يرقص مع مليكه وقرر انه يتقدم لمليكه بعد ما تخلص امتحاناتها
مريم...بسم الله ماشاء الله اي رائيك يا ام مليكه شوفتي الولاد لايقين علي بعض ازاي
ام مليكه ...ربنا يفرحنا بيهم ياارب
وشويه ووصلو عيله عبد الحكيم ودخلو سلمو عالكل والمشكله اللي بينهم كانت اتحلت وزين راح اعتذر للكل واعتذر لاسراء وفضلو شويه مقطعين بعض وبعد كدا رجعه تاني اتعامله عادي وبعد ما سلمو عالكل راحو سلمو عالعرسان وسلمت اسراء علي زين وياسمين وعرفتهم علي خطبها الدكتور مروان زميلها في المستشفي
والكل كان مبسوط والكل ابتدي حياه جديده وحياه سعيده واتجمعت العيله كلها والعرايس والعرسان وعبدلله وقف في نص بين بناته واخدو صوره جماعيه
وخلصت قصه بناتي ياارب تكون عاجبتكم النهايه وكل سنه وانتم طيبين يا حبايبي وبعوده الايام😍❤
تمت
اللي خلص قراءه ميخرجشي وينزل تحت يقرأ الروايات الكامله اللي جبتها لكم دي 👇👇👇👇👇👇👇👇👇
روايات كامله وحصريه
.jpeg) |
روايات كامله وحصريه
لعيونكم روايات كامله من هنا 👇👇👇👇👇👇
رواية جميله في قلب الاسد كامله
رواية ملاك في عالم الشياطين كامله
رواية لثام الخلود كامله من هنا
رواية جميله في قلب الاسد كامله
رواية اختبار القدر كامله من هنا