روايه على الطراز الغربي الفصل الحادي عشر والثاني عشر للكاتبه سحر سمير لطفي نصار حصريه وجديده علي مدونة نجوم ساطعه
روايه على الطراز الغربي الفصل الحادي عشر والثاني عشر للكاتبه سحر سمير لطفي نصار حصريه وجديده علي مدونة نجوم ساطعه
الفصل الحادي عشر
عند اسلام
الظابط : امضي هنا
اسلام : حاضر يا بيه
الظابط : هاتوه يا بني
ياسر بحده : يا عم متزقش
ياسر معقبا : المعلم اسلام سامحني يا معلم
نزل على أيدي اسلام : ابوس ايدك سامحني سامحني يا معلم غلطت
اسلام : شد ايده الكلام دا تقوله ل اختك كوريا و تبوس على رأسها و تعترف بغلطتك
ياسر : حاضر يا كبير هعمل كدا
اسلام : يالا
بعد شويه و صلوا قدام البيت و شافوا نااس كتير متجمعين حوالين بيتهم
أحمد بحده : سحر افتحي
كوريا : ورب العزه ما انا فاتحه انا كوريا اقسم بالله انتوا عايزين مني ايه
الظابط بحده : افتحي بقولك مفيش داعي للمقاومه
كوريا : هات الألغام يا واد سيب القنبله اللي في ايدك دي
أحمد بلهفه : يا سحر افتحي هكسر الباب
كوريا : ورب العزه ما يحصل اعمل اللي تعمله
أحمد لسه هيكسر الباب
قاطعه اسلام بحده : انت ايه اللي جابك هنا و ازاي تتهجم على اختي في غيابي
كوريا لما سمعت صوت اسلام فتحت الباب و طلعت أستخبت وراه
أحمد بحده : يا سحر خدي بقولك
اسلام بحده : ابعد عنها بقولك
الظابط : مفيش داعي المقاومه و سيبها تروح مع جوزها و تروح ل عائلتها
اسلام بحده : دي اختي و الله العظيم دي كوريا اختي و انا مش هسيبها
ياسر بحده : دي اختنا كوريا مش اللي بتقولوا عليها دي سبوها
مصطفى : يا جماعه استهدوا بالله انتوا معاكوا اللي يثبت انها اختكم دي سحر بنت رجل الاعمال اسماعيل ياسين دي بنته و انا معايا اثباتات على كلامي
اسلام : ولو قولوا اللي تقولوه انا مش محتاج اقدم لكم دليل انها كوريا اختي لانها اختي و هتقضل اختي و مش هسمح ل حد انه ياخذها
الظابط : لا كدا هنضطر نستخدم العنف
و شاور للعساكر مسكوهم و احمد و مصطفى شدوا كوريا
كوريا بحده : لاااا ابعدوا عني
اسلام ضرب العساكر
و جري عليها و ادي ل مصطفى بوكس و مسكها
الظابط بحده شده و مسكه و احمد شد كوريا
كوريا : لااا ابعد غني ابعدوا عنيييي لاااا اسلااام
اسلام : مش هسيبك متخافيش يا كوريا
سيف و نور طلعوا يجروا وراها
و كوريا بتحاول تفلت من أحمد و مصطفى لكن هما ماسكينها جامد
مصطفى : مش هنعرف نمشي كدا.
أحمد داس على منطقه في رقبتها فقدت الوعي
اسلام : كوريااااا
أحمد شالها و ركبوا العربيه و مشيوا
عند كوثر
مريم بحده : يعني ايه
كوثر : يعني سحر طلعت عايشه و احمد مش هيسيبها
مريم : دا انا خطيبته ازاي مستحيل يسبني علشان واحده زي دي دي شرشوحه
كوثر : بس دي سحر حب طفولته اللي عمره ما نساها مستحيل يبعد عنها
مريم بحده : يعني ايه انتي وعديني انه هيكون ليا
كوثر : الماضي رجع من جديد و لازم نتخلص منه صح المره دي
مريم : لازم تموت لازم
عند احمد
احمد : انا بجد مش مصدق مش مصدق ان احساسي طلع صح سحر قدامي بعد كل السنين دي انا بجد مش عارف اقول ايه مش قادر اعبر
مصطفى : و انا بجد هتجنن ازاي ل حب من ايام الحضانه و الابتدائي يدوم بالشكل دا انت فيك ايه بالظبط دي طفوله ازاي تربط نفسك بيها كل السنين دي لا و كمان تلاقيها صدفه بعد كل السنين دي لا بجد ازاي ذا بس هي مش فكراك كمان
أحمد : اكيد فاقده الذاكره اكيد عملت حادثه و نسيت كل حاجه ااه بس انا معاها و هتفتكر
يالا سرع و اطلع على فيلا اسماعيل بيه
يالا
مصطفى : حاضر يا سيدي اما نشوف اخرتها
و ساق العربيه بأقصى سرعه
عند اسلام
ياسر : ازاي دا مستحيل
نور و سيف بيعيطوا : كوريا مش هتسبنا صح
احنا عاوزين كوريا
ياسر : بس منك ليه انا هلاقيها منك و لا من اسلام هو اختفي
عند اسلام
اسلام دخل البدرون البدرون ذا قديم و مكركب و مالي الدنيا محدش كان بيدخله كتير لان فيه حاجات المعلم سيد الله يرحمه
اسلام قعد يدور في الورق على شهاده ميلاد كوريا
اسلام : اكيد هنا اكيدد
مسك الورق اللي فيه شهادات ميلادهم و قعد يدور علي كوريا
و فجأه لمح ورقه مكتوب عليها الحقيقه
مسكها و قرائها و تلقى الصدمه الكبرى
رمي الورق من ايده و طلع يجري
في مكان آخر
-اطلع اطلع يا خويا فرحت دلوقتي
كريم : يا بابا
- قاطعه الكف اللي أخذه من ابوه
بقااا عايز تتجوز واحده من ورانا يا زين الشباب
تب و امك و اخواتك عايز تحرمهم من انهم يفرحوا بيك كان المفروض اسيبك تعفن في السجن علشان تتعلم
كريم : بحبها و مش هسيبها و لو على موتي
- أخرس البت دي انت تنساه خالص قولت لك ميت مره انك مش قد المعلم اسلام و انت مسمعتش كلامي مش هستنا ل غايه ما يخلصوا عليك
كريم بحده : و حياه كل المرمطه اللي شوفتها هنا ل ارد لهم القلم قلمين و كوريا هتكون ليا غصب عن عين اتخن تخين
هانت يا كوريا هانت اوي
عند كوريا
افاقت كوريا بخمول ل ترى...........
كوريا بخوف : بس بسم الله الرحمن الرحيم انتوا مين
روايه : على الطراز الغربي
للكاتبه : سحر سمير لطفي نصار
الفصل الثاني عشر
عند كوريا
افاقت كوريا بخمول ل ترى نااس كتير واقفين قدامها و بيبصوا لها
كوريا بخوف : بس بسم الله الرحمن الرحيم انتوا مين
الست اللي جانبها : انا عمتك سالي
راجل جانبها : و انا ابن عمتك هاني
و واحده كمان : وانا عزه بنت خالتك الله يرحمها
واحد : وانا
قاطعتهم كوريا : باااس انا ايه اللي جابني هنا و عمي مين و عمتي مين و سعوا خلوني امشي من هنا انتوا ايه
قاطعها اسماعيل بحب و لهفه : حبيه قلب ابوها دا انا مصدقت اني لقيتك
كوريا : لقيت مين بالظبط هو انا اعرفك يا عم الحاج
اسماعيل : انا ابوكي يا سحر
قاطعتهم كوريا بحده : ينعل ابو سحر على اللي جابوها كرهتوني في ام دا اسم
اسماعيل بلهفه : مالك يا حبيبتي انتي تعبانه حاسه ب حاجه
كوريا : يا عم الحاج و النبي متحرقش دمى ابوس ايدك انا الاسطا كوريا اخت المعلم اسلام بنت المعلم سيد و الله انا مش سحر اللي انت بتتكلم عنها دي
سالي : لا انتي سحر شبه الخالق الناطق نجوى امك الله يرحمها
كوريا : يا شيخه يخلق من الشبه ٤٠٠ ارحميني و سبوني امشي
قاطعهم احمد : انا جبت الدكتور اهوا يا عمي
كوريا بارتباك : د دكت دكتور ل مين الف لا بأس
اسماعيل : يا سحوره يا حبيبتي الدكتور دا هيكشف على عقلك
كوريا بحده : ما تحترم نفسك يا راجل انت ايه شايفني بتنطط قدامك بشد في شعري و لا حاجه
اسماعيل : مش قصدي اقصد هنشوف الذاكره هترجع لك امتى
كوريا بحده : ليه هي كانت مسافره يا عم ارحم امي
أحمد : سحورتي
قاطعته كوريا بحده : ينعل ابو سحورتك يا عم قولت لك كوريا انا اسمي كوريا كوريا و الكعبه يا نااس يا هوه انا اسمي كوريا كورياااا اعمل ايه علشان تصدقوا
الدكتور : بااس يا جماعه دي كوريا ايوا كوريا
كوريا بفرحه : ايوا كدا تعالي يا عم الحاج قول لهم شكلك عارفني و لا ايه و الله شكلك بشوش و عسل يا كباره يا قمر انت
كوريا معقبه : الا انت مين يا خويا
الدكتور : انا الدكتور
كوريا : نهار اسود دكتور تب تب امشي ل حسن انت راجل كبير و انا هجنن اللي خلفوك انا مش ناقصه ابوس ايدك يا خويا امشي و النبي و بلاش حقن
أحمد : ههههه مفيش حقن خالص متخافيش
كوريا : هيهيهي اتصدق تضحك اطلع برا يا غلس يا ابن الغلسه أصلها ناقصه غلاسه امك اطلع برا
براا
أحمد : حاضر يا سحورتي
كوريا بحده : تاني هيقول لي سحورتي
الدكتور : تب معلش اتفضلوا يا جماعه و سبوني معاها
الكل طلع
الدكتور : هاااه يا سحر
كوريا بحده : و اقسم بالله كوريا اللهم طولك يا روح
الدكتور : خلااص اسف يا ستي ارتاحي يا كوريا و اهدي كدا ايه اللي مضايقك احكي لي كل حاجه وانا هساعدك متخافيش
كوريا : بص يا عم الحاج اسمع صلى على النبي
الدكتور : عليه افضل الصلاة والسلام
كوريا : انا هحكي لك كل حاجه
الدكتور : احكي يا كوريا
كوريا : بص يا خويا
عند اسلام
اسلام : و النبي يا باشا عرفني خدوها وودوها فين
الظابط : لا
اسلام بدموع : ليه يا باشا دا انا لازم اروح لهم علشان انا اكتشفت الحقيقه
اكتشفت انها مش اختي
وعرفت انها بنتهم و في ورق مهم ليهم هيفيدوهم في الميراث ابوس ايدك يا باشا
الظابط : اذا كان كدا اكتب له العنوان بتاعها يا عسكري
العسكري : تعالا معايا
اسلام : إلهي ربنا يخليك و يبارك فيك يا أمير يا ابن الامره
ربنا يديك ما يحرمك
الظابط : خلاص خلاص
عند احمد
احمد : اتاخروا اوي
اسماعيل : عندك حق
قاطعتهم كوثر : يا جماعه متتعبوش نفسكوا البت دي محتله حتى اعملوا لها تحليل DNA و انتوا تعرفوا البت دي مش بنتكوا انا و اثقه
عزه : يا جماعه ازاي دي شبه نجوى بالظبط
سالي : فعلا
هاني : لا هي ايوا هي انا متوش عن بنت خالتي
أحمد بغيره : و انا متهوش عني مراتي
كوثر : خلاص بقاا قولت لك دي حراميه
أحمد بحده : دي مراتي يا كوثر بطلي الكلام دا
اسماعيل : مراتك مين يا بني دي بنتي لسه ملحقتش اشبع منها
أحمد : فيما يكن يا عمي يعني قدام يا عمي
قاطعهم خروج الدكتور
الكل بلهفه : هااه
الدكتور : يا جماعه اتفضلوا معايا و انا هشرح لكم
عند كوريا
كوريا : يارب يفهمهم بقاا انا كوريا و الله
قاطعها صوت صفير من البلكونه
كوريا : انا عارفه الصوت دا اسلاام اخويا اسلااام
و طلعت تجري على البلكونه
كوريا بلهفه : اسلام حبيبي جيت ازاي
اسلام : المهم انتي كويسه عملوا لك حاجه
كوريا : عيب اختك يميت راجل
اسلام : تب يالا نطي
كوريا : هقع
اسلام : متخافيش همسكك
كوريا : واثق
اسلام : متخافيش يالاا
كوريا نطت من البلكونه : اااه منك لله يا اسلام
اسلام بسرعه شالها و طلع يجري بيها
كوريا بفرحه : حبيبي يا خويا الا احنا هنروح فين
اسلام : هتتجوز
كوريا بصدمه : ايه
اسلام : هنتجوز
كوريا بصدمه : احيييه نزلني
و.......
تعليقات
إرسال تعليق